وحات الله انتو ما براكم,, واليبراكم يبرى من بكاكم.
يا ود المرتضي البوست في الصفحة الرابعة ونحن طاشين.
والله متعة وروعة جمال ,, يشبه وصف سيد عبد العزيز
يا من تسر رؤياك تفرح وتنسى النوح تكسى النهار بجمال خديك جمال ووضوح منه الغزالة تقيف فى موقف المفضوح من الوله للقاك دمعى الغزير مسفوح ناقم على الأيام مع أنه طبعى صفوح انا والخيال فى جدال وانت بنداك منفوح كل ما النسيم يغشاك زى الحديقة تفوح رايق كحيل نعسان انسان رقيق وجموح ساحر العيون بجمال فى سواك ما مملوح
سيد البوست، جنونك دا واحد من الأسباب الجابتني المنبر (زور بوست تقديمي لي نفسي!)، ضيوف البوست المساخيت.. ما صدقتوا ود المرتضى فتح لكم الباب دا وجيتو العميان شايل المكسر!!
بالله الواحد ما يغفل من البوست يجي يلقى الدنيا مقلوبه في غيابو، سأعود إليكم الواحد/ة تلو الآخر / الأخرى ، بس أخلّص الشغل الفي إيدي ده زي ما بقول عزيزنا تمبس لما يكون مزنوق.
على أية حال ، مؤقتا، نرحب بالسمحين الجدد ونقول ليهم welcome aboard وللقدامى:
جذب المناظر مننـا منظرهـا الفتـان حين جات تميس تتختل وشفنا فيها البان بدرى وغمامة وديمه فـى فريـع البـان وردفاً يتب بدروعـه والقديـم غلبـان من دون مرور النسمة أم قـوام نديـان تجى فى الدروع منقسمة تميل تخذ أحيان تقدل تتاتى كفيلـة ويلعـب الطغيـان وتبـرع المتبـرع وبالخمـرة نـديـان أنا قلب طار من صدرى يا صديقى عشان شفت حـور الجنـة داخـل الحيشـان شفت العيون بتقهقر ضابـط النيشـان شفت الجمال الوافر في عظيمة الشـان أقسم يمين يا بنيـه الهـلاك لـى هـان ذرفت دموع عينـى والفـؤاد ولهـان أنا في الخلوق ما عليّ الراضى والكرهان لو كان وهبتي الي نظـرة يـا أم دلهـان أنتي نور الدنيـا الضـاوى ليـه زمـان أنتي وهبك ربك تـاج بهـا الأزمـان إنتي آمنـة خـدرك وبهجـة أمدرمـان إنتي إنتـي منـاي اللـي مخافـي أمـان ليكى السلام ما غنى شـادي أو رطـان ليك السلام ما حن مفـارق الأوطـان يخضب بنانك حنـة وللوريـد قيطـان وانيل رضاك يا الملكة نجلـة السلطـان سيد عبد العزيز
مرحبا بالحبيب DKEEN فارس الحوبه، يا دكين ، واحد صاحبي على عتبات الخمسين ضرب لي تلفون وقال لي قول لصديق الموج إنو حاليا بيستعمل في مضادات التجلط و beta blockers ، وأنه أحيانا يحس بما يعرف بإحتشاء عضلة القلب ، على العموم هو زاتو ما عارف الحاصل عليهو شنو ، يعني مرات يقول لي الوريد الأبهر ومرات يقطِّع في الكلام ويقول لي غشاء التامور وميتاكارديا شنو كده ، وساعات يقول هيمانوت قيرما ومرات يقول الروب. وتفريعاعلى هذا يتوجب عليه مراعاة تلك الحالات بأن يديهم سيسي بي سيسي في وريدم الرئيسي يا ناس
الله يرحم عثمان خالد منه عرفنا أن هناك بسمة بطوِّل عمر ونظرة بتذوِّب حجر
يا حليلو
10-23-2010, 10:24 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
لا يجاروا في فنونهم وأدائهم المفرح حد النشوة، شعب مسكون بالفنون في شتى ضروبها، يمكنهم بآلاتهم الموسيقية التقليدية البسيطة وطبولهم أن يقيلوا عن مقعدك (عثرة) الوقار فلا يبقى لك خيار سوى المشاركة الفاعلة الأصيلة وظني أنه ضرب من التنويم المغنطيسي، الأصالة والبساطة هناك تجتمعان.
10-24-2010, 10:48 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: يا من تسر رؤياك تفرح وتنسى النوح تكسى النهار بجمال خديك جمال ووضوح
عزيزنا سيف الدوله، أريت حالك زين ، الشاعر الضخم سيد عبدالعزيز ورفاقه من أهل ذلك العهد الذي لن يتكرر زودوا دواخل أجيال عديدة بأجهزة رصد الجمال ومعرفة إتجاهاته ورحلاته وقياس ذبذباته وقوانين الملاحة فيه وتحديد إحداثياته بدقة تفوق كل ما يتصل بالجي بي آر إس، جعلوا من المرأة في حد ذاتها كائنا جميلا مقدسا وترجموا ذلك في تراكيب شعرية عالية الأدب صادفت أناسا موهوبين موسيقيا فكان لقاء السحاب العبقري من نوع ( يا سمير بنظرتك أوفِ الميعاد) وأخواتها من مفاعلات صالح عبدالسيد المُخَصِّبه للوجدان ( خِلي العيش حرام ) إلخ.. لاشك أن أهلنا في أثيوبيا لهم ما لنا سيما أنهم يتماهون معنا تاريخيا وجغرافياً وثقافيا ووجدانيا لذا تأسرك مجرد (نهنهة) من الراحل الشامخ تالاهون الذي كان كثيرا ما تصحب أغانيه الدموع وتسكرك أستر أويكي التي جعلتُ من بعض أغنياتها خلفية موسيقية صاحبت الصفحات الأولى والثانية وهذه الخامسة، ربنا يديها العافية أينما حلت فهي من كوكب مداره بين القلب والكبد.
الجميلة أستير
10-24-2010, 01:59 PM
محمد عمر جبريل محمد عمر جبريل
تاريخ التسجيل: 08-27-2009
مجموع المشاركات: 2263
يا أماني، من زمن السَغَره كان أول ما حرص عليه الكبار أن يشركونا مشاهدة عروض الفرق الإثيوبية والصومالية التي كانت تزور السودان وتقيم فيه لفترات طويلة وكان ذلك في المسرح القومي بأمدرمان تحديدا، إزدادت تلك العروض والزيارات، وشدة ما كنا نحن زاتنا سمحين كانوا أهلنا ديل بيقعدوا عندنا ويحفظوا أغانينا ونطرب لها وهي تنسرب من حناجرهم عبر ألسنتهم إلى أسماعنا، الرِقيبه قزازة أسير والأُيون متل الفناجيل ، جيل بحالو متع النفس بالناس السمحين الما مِعقِدين الدنيا ديل، إنتي ريهتك ريهت الفرير ولا بت السودان أسيل يا قمر بوبا أليك تقيل. عشان كده غناهم مع كابلي (شي طبيعي إلهي) هسه كدي شوفي الفن العابر للحدود واللياقه الفايته الحدود والجمال الخمج السووهو الود (وليد) والبِنَيه (سابا) ديل.
قادر الله
10-24-2010, 09:49 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
جميل يا المرتضى، جميل ... جميل غناء و لحن وملامح مريحة، اهديتنا واحة نهرب إليها من الهجير و الضيم و عسر الحال ...
ولكن، شكلو الهجير لحقنا هنا، ومال بالبوست عن "نبيل" مراميك يا صاحب واحاله البعض لمزاد "للحريم" .. وتاه الخط الفاصل بين "الاحتفاء" بالجمال و ابتذاله، قدر الله، و ما شاء فعل، ولكن إن قدرت فأصلح، وانت تقدر، وأعد أمر الجمال إلى نصابه ... وخذ برسن الخيط كي لا يؤول إلى ما ليس فيك ...
مودتي،،،
10-25-2010, 02:10 AM
صديق الموج صديق الموج
تاريخ التسجيل: 03-17-2004
مجموع المشاركات: 19433
Quote: جميل يا المرتضى، جميل ... جميل غناء و لحن وملامح مريحة، اهديتنا واحة نهرب إليها من الهجير و الضيم و عسر الحال ...
ولكن، شكلو الهجير لحقنا هنا، ومال بالبوست عن "نبيل" مراميك يا صاحب واحاله البعض لمزاد "للحريم" .. وتاه الخط الفاصل بين "الاحتفاء" بالجمال و ابتذاله، قدر الله، و ما شاء فعل، ولكن إن قدرت فأصلح، وانت تقدر، وأعد أمر الجمال إلى نصابه ... وخذ برسن الخيط كي لا يؤول إلى ما ليس فيك ...
مودتي،،،
عزاز شامى صديقتنا التى تعرفنا وتعرف مرامينا السلام عليك ما شرقت وماغربت والله انا فرحان بعودتك للمنبر جنس فرح ولو عارف زى خيط مولانا محمد ده بجيبك كان نزلتو زمان.. ومبلغ فرحتى ان اضفتى لنا صورتك الباذخه دى هنا من حيث لاتحتسبى ... وشى واحد اقوله لك وانا متاكد من صدقه واطمئنى ان كل الناس هنا هم فى المرامى يتساوون مع مولانا مرتضى. فكلهم يحتفلون بالجمال وان اختلفت الاليات وادوات التعبير والمفردات والصور... فالناس اضراب وشيع واحزاب، فما يبطل الوضوء عند البعض لايجرح صيام الاخرين...ولكنهم متفقين على الحد الادنى تماما.. كم تمنيت ان لو تخيرتى لنصحك لاخوانك وانا اولهم خفاف الالفاظ ورشيقها وجعلتيه ماسنجريا حتى لو لمحمد وارسل به تعميما للبقية لان النصح على الملاء ضرب من الذم الصراح .... كتر خيرك ويبقى الود،،،
10-25-2010, 08:12 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
Quote: ولكن، شكلو الهجير لحقنا هنا، ومال بالبوست عن "نبيل" مراميك يا صاحب واحاله البعض لمزاد "للحريم" .. وتاه الخط الفاصل بين "الاحتفاء" بالجمال و ابتذاله، قدر الله، و ما شاء فعل، ولكن إن قدرت فأصلح، وانت تقدر، وأعد أمر الجمال إلى نصابه ... وخذ برسن الخيط كي لا يؤول إلى ما ليس فيك ...
مودتي،،،
Quote: كم تمنيت ان لو تخيرتى لنصحك لاخوانك وانا اولهم خفاف الالفاظ ورشيقها وجعلتيه ماسنجريا حتى لو لمحمد وارسل به تعميما للبقية لان النصح على الملاء ضرب من الذم الصراح .... كتر خيرك ويبقى الود،،،
أما كان اجدى بكـ ان تبقى فى هجيركـ .. وعسر حالك ..!!؟
--------------
صرنا فى هذا المنبر ان لا تعرف كيف .. واين تعيش او تقضى زمن فراغ او لحظات .. سعيدة .. فأن لجأت الى الهجير تراك تتصبب عرقاً وان تواريت فى ظل فانك تقشعر بردا ..
10-25-2010, 09:18 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
سيدة .. وجمالها فريد .. خلقوها زى متريد فى خديدها وضعوا الريد . يا من جمالها فريد ..انا قلبي ليك مريد شاقينى فيك تحريد .. قامة وحذوذ فى وريد قط ما براله نريد.. حسنك ووصفه عديد يا منتهى التحديد .. دى مراية ولا خديد يا جاهلة الله شهيد .. بتميلى من الهيد والفى صديرها فرهيد ؟؟ رمان دا ولا نهيد يا ناعس عيون الصيد ..قاتلة وحداها فصيد انا لى فيك نشيد .. بدور صفاك مشيد يوزن ملك جمشيد .. الفى زمانه رشيد ما بهم كلام ناس زيد .. قلى الهلالى ابزيد يا حبى انت تزيد .. بالله زيدنى وأزيد
-------------------
بالمناسبة يا جماعة ووين د. ود القرشى بالله يجى ورينا ملك جمشيد دا اكيد من ارض الحبشة .. ويوضح لينا ناس ابو السيد وود الرضى ديل عاشوا فى الحبشة فى اى الاعوام .. !!
صدّيق الموج، سلامات يا صديق و عزيز، تسأل منك العافية و مقصرين معاك ولكنها الدنيا و احابيل الزمان
يا سيدي، بعض ما ورد هنا يبطل الصيام و الوضوء في المذاهب الأربعة، المتشدد منها و المترخص، و صحيح، الاختلاف فيه رحمة، ولكن لا اختلاف في الأركان، و انت سيد العارفين بسنن مقام الاحتفاء بالجمال احتفاء منزهاً من كل غلو ...
حاشاك انت و النفر الكرام من الذم، و حاشاني من "ذم" في هيئة نصح، بتعرفني ماني هيّابة هيييع هلا هلا ولكن يا أخوي لست من الناصحين في هذا المقام إلا صاحب البوست أن يقود ابله لمقاصده، قلت قولي وهو انطباع غير ملزم حتى لصاحب البوست نفسه ...
ما نصحت أي متداخل، ولا نية لي، وتعلم اني ارسل الكلام كما هو "تااااخ" وأقبل و اتحمل أي "تاااااخ" مقابلة بصدر رحب و انفض يدي و أقوم ليومي ويرعاني الله دائما، انت عارفني انو ما بحب الدراما ... لو ساءك قولي، اعتذر، و أرجو العفو، و أديني تاااخي راجعة و نبقى واحد-واحد مبارة ذهاب و اياب...
مودتي التي تعرف واحترامي الذي يليق بك ...
10-25-2010, 10:44 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
العزيزة عزاز لك الود كله صدقيني كل الذين مروا من هنا يحتفون بالجمال كل على طريقته لا شئ آخر سوى الجمال الذي حبى الله به شعبا قريبا منا هذا البوست اشبه بالاستجارة من ((هجير)) رمضاء المنبر العام قولي انه تململ من احباطات المنبر العام ((طااااخ)) حقتك ممكن تكون جارحة احيانا
محبتي الاكيدة
10-25-2010, 12:36 PM
Tabaldina Tabaldina
تاريخ التسجيل: 02-12-2002
مجموع المشاركات: 11844
حقيقة يا مولانا ود المرتضى. كنت عايز واحد يورينا سر اللون الابيض الطاغى على الجمال والحياة الاثيوبية .. وحقيقة لم اجد مرجعية او سر هذا الامر ..
كما اننى احتفظ بكتابات لاحمد طه عن اثيوبيا ( اوراق ثبوتية ) اود ان استمحيك عذرا فى اضافتها هنا الا اننى اخاف ان تجلب لنا الملل .. وتغيب عنا جبريلا والموج وسعد .. فما قولكـ ؟؟
--------------
Quote: مقطع أول أديس أببا يازهرتي الجديدة (1) ويا مطلع القصيدة هنا الحسنُ قد جاءَ مختالاً.. وئيدا يمنح العمرَ المزيدا وتنادي (سليمانُ) يدعو بلقيسَ إليه فامتدت على الهضبةِ مزاميرُ داؤودَ (2) ومن الأناشيدِ.. نشيدا (3) أديس أببا أمهرية العينينِ.. والقدِ.. وجيدٍ من رأى غير الأمهرية جيدا يا بنت (شاوا).. (4) قد جاءني الحب.. ترآى لي فرمتُ.. المزيدا (أبَّاي) (5) من الجنةِ دفقٌ روانا فتنامى الحبُ في وجداننا.. ألقاً.. وعيدا من له للزهر عيدٌ؟ ومن له شهَرُ أضاف الشمسَ للعامِ تقويماً جديداً هي أرضُ بلقيس (6) وصحوةُ الحبُ على الربا متناغماً.. ترديدا الآن جئتك أنشد لحظةً هي قلبي المشبوب بالحب إليك يهفو إليها.. وحيداً يا بنت (أكسوم) (7) .. و(تانا) (عيزانا) (.. أتانا أضرم النيران في قلبي فمددت الكف جئتك صافحاً وكتبت إليك مدّاحاً.. مريدا
( احمد طه ) ============== (1) الزهرة الجديدة. (2) المزامير في الكتاب المقدس. (3) نشيد الإنشاد. (4) الاقليم الذي تقع فيه العاصمة. (5) النيل الأزرق. (6) الامبراطورة ماكيدا والدة منليك الأول. (7) عاصمة مملكة أكسوم القديمة. ( الامبراطور عيزانا الذي أضرم النيران في عاصمة مروي القديمة.
أعفي لينا الجرح و الألم و انظرنا بعين عدلك يا طارق يا اخوي العديل راي و العوج راي، الغريبة انو انا اتعشمت فيك انت و صدّيق تفهموني حتى لو ما نضمت وأنا متأكدة انكم فهمتم تماما ما أقصده وما أعنيه، و أكيد لا أقصد جرحا ولا تقليلا لقدر أي من كان،اعفي لينا تاني، بس أقرأ كلامي الأول بحياد من لم يتداخل في هذا الخيط و اهدي لي عيوبي كان اشتطيت ...
ولك مودة و احترام انت اهل لهما،،،
10-25-2010, 01:20 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
Quote: الغريبة انو انا اتعشمت فيك انت و صدّيق تفهموني حتى لو ما نضمت وأنا متأكدة انكم فهمتم تماما ما أقصده وما أعنيه،
العشم موجودة يا بتنا لسنا ملائكة يا عزاز لكن احباطات ضفاف النيل اصبحت فوق طاقتنا لذا اتجهنا شرقا لعل تلك الهضاب الحبشية تخرجنا من دوامة هذا الألم النيل يبدأ جماله من هناك وحبينا نحتفي به هناك لأن الخرطوم ((حيرت)) النيل ولم يعد يعرف هل هو مصدر إلهام أم عذاب العفو دائما موجود يا عزاز بما أننا رضعنا المحبة من امهات سودانيات خُلص رحم الله من رحلت منهن واطال الله في عمر من تعيش بيننا
المحبة والمودة والاحترام ستظل داخلنا ما دام هذا النفس يطلع ويهبط
10-25-2010, 01:24 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
لا ارى في اي من الصور المرفقة في البوست ذلك الجمال الأخاذ الذي لا يوجد سوى في (اهل ساره) و ينتفي في السودانية - بالعكس نفس الملامح و الشبه إلا من بعض التبرج و التعري و المساحيق و الألوان البهلوانية في الوجه و الشعر.
10-25-2010, 03:12 PM
محمد عبدالرحمن محمد محمد عبدالرحمن محمد
تاريخ التسجيل: 10-13-2010
مجموع المشاركات: 1556
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
سيف الدولة كامل
محمد عبدالرحمن محمد
محمد المرتضى حامد
خالد حامد الجزولي
[/IMG]
محمد عبد الماجد الصايم
صديق الموج
saadeldin abdelrahman
طارق جبريل
اشرف السر
الصادق اسماعيل
محمد سنى دفع الله
محمد عمر جبريل
سناء عبد السيد
فيس بوك
تويتر
انستقرام
يوتيوب
بنتيريست