مستقبل عرب دارفور وجنوب كردفان ..

Quote: الحقبة التاريخية من يونيومن العام 1989 الى العام 1999 فى الرابع من رمضان . اقسم لك بالله يا تراجى كنا طلبة فى كلية الاقتصاد والعلوم الاجتماعية بجامعة امدرمان الاسلامية من 1994 الى 1999 وكان كل ابناء القبائل الغير عربيةالذين من الفاشر وكتم وكبكابية والجنينة والطينة كانوا كيزان وكان عددهم يفوق ال17 كلهم حركة اسلامية ترابية حاملة للسيخ الا واحد من ابناء العريقات اسمه سالم كان من الانصار حزب الامة.

Quote: ونحن لا نريد لدارفور ان تستبعد جلابى واحد بعد الاستقرار واستدباب الامن , نحن نرفض وندين اى مخطط اقصائى لهؤالاء الدارفوريين الذين ولدوا وتربوا فى دارفور وشربوا من ماء ابارها وتعايشو مع الناس واصبحو دارفوريين اكثر من بعض ابناء دارفور

اثبت باقتباس منو القال عايز دارفور خاليه من
اهل الشمال؟؟؟؟؟احضر الاقتباس لو سمحت.....
ان يتحدث الناس عن تفكيك دولة الجلابه فهذا مفهوم اكبر من الاخلاء....واعلم ان لا احد منا يتحدث عن درافور فقط الناس هنا تتحدث عن السودان ككل وحقنا في كل السودان في اعلام السودان ودبلوماسية السودان...ومناهج السودان.....وسلطة اتخاذ القرار في السودان...نحن نتحدث عن عداله في توزيع الفرص
وتطوير لمفاهيم المواطنه وانت تتحدث...عن اخلاء الجلابه..وكانك تسوق نفسك هنا حزبا وحدوي
و البقيه اقصائيين.

Quote: هل يعقل ان تستدل بمريم تكس ومادبوا على انهم يمثلون( القبائل المفترى عليها) هؤلاء لا يمثلون الا انفسهم , حتى نسبة وجودهم تحت رحمة جلابة دارفور الجدد (اعنى ابناء القبائل الغير عربية) نسبة ضئيلة جداً بل بتواجدهم مع هؤلاء الجهويين اساءة لاهلهم وتاريخهم المجيد , ولا يوجد من فوضهم للحديث باسم قبائلهم واهلهم .

حسه بقوا لا يمثلون الا انفسهم؟؟؟وبمن يستدل؟؟؟بك يا اسماعيل؟؟؟الا تمثل الا نفسك ايضا؟؟؟
ومن فوضك للحديث باسمه لو سمحت ممكن تحدد؟؟؟

Quote: هذا امر بديهى ان يكون فى الميدان جيوش من ابناء القبائل المفترى عليها تحت تنظيمات تحفظ لها كينونتها وعزها وعدم التبعية للاخرين , جيوش الفرسان هؤلاء فى ازدياد تحت مسميات تنظيمات تحمل ملامحهم ولها كامل الاستقلالية ممن ارادوا احتكار العمل السياسى والعسكرى الذى ادى الى فرار مجموعة الدكتور ابراهيم ازرق من دكتاتور العدالة والمساوة د.خليل , وانشقاق احمد عبد الشافى عن عبد الواحد .

النضال المسلح مشروع لاي كائن....وفعلا توجد مجموعات عربيه....نعرفها...ولكن
اين طرحها..المكتوب والي ماذا تدعي؟؟؟ابناء الزرقه الذين وصفتهم بالعنصريه على الاقل لم يكتبوا
اي طرح....عنصري ودعوا كل ابناء السودان للانضمام لهم,ان كنتم انتم لا تعرفون التنسيق فهذه مشكلتكم
وليست مشكلة ابناء الزرقه.وياريت تكتب لنا عن تنظيماتهم وتخليك من ضل الضحى ده منير
لان هذا لا يليق بالناطق الرسمي باسم الفرسان العرب بالميدان.


اذا الايمان بالدمقراطيه وحقوق الانسان صار استلابا فمرحب بالاستلاب الغربي وعقبالك بس اوع تبقى لينا مستلب اماراتي لانهم انفسهم مستلبين للغرب....

Quote: اما عن الاستلاب الحقيقى هو استلاب عقولكم من قبل بعض دول احتضنتكم وقدمت لكم ابخس ما عندها واخذت منكم اغلى ما عندكم هذه عبارة قالتها احدى الفاعلات فى الحكومة الكندية , قالت نحن نقدم للاجئين وطالبى اللجؤ ابخس ما عندنا (وهنا تقصد الجواز ووثيقة السفر ) وناخذ منهم اعز ما عندهم (وهنا تقصد ابناءكم).

وكتبت عن علي عثمان الاستاذ علي عثمان

Quote: تفتكرى يا تراجى دة الكوز الوحيد الذى يعرف يلعب بولتيكا صاح وانا متكيف منو لانو استطاع فى لحظة تاريخية فاصلة ان يحدد ماذا يريد قومه وان يحسم جدلية المشيخة والكهنوتية التى كان يمارسها الترابى الذى يقدسه اخوان محمد سليمان واختصر للناس مراحل كثيرة

اولا استغرب ان تصف الزغاوه الكيزان بانهم اخوان محمد سليمان؟؟؟
وياترى بماذا سنصف الزغاوه الشيوعين؟؟؟ولا مافي زغاوه شيوعين قائل؟؟؟
وبماذا نصف الزغاوه الانصار؟؟؟او الاتحادين؟؟؟ا الا منتمين لاي نتظيم .....
زغاوة الله و الرسول بس زي ما بقولوا اهلنا في السودان....

وكيف تختصر قبيله طويله عريضه مثل قبيلة الزغاوه في هذا التحجيم المخل؟؟ولمصلحة من تفعل ذلك؟؟


بعض ابناء الزغاوه دخلوا الجبهه الاسلاميه زيهم زي غيرهم
زي البرقو
زي الفور
زي التنجر
زي الداجو
زي المساليت
زي الرزيقات
زي البني هلبه
زي الهبانيه
زي التعايشه
زي البرنو
زي البرتي
زي الميدوب
زي الفلاته
زي القمر
زي الترجم
زي التاما
زي....الخ من قبائل دارفور وباقي قبائل الكيزان....
اشمعنى مشيلهم وش القباحه؟؟؟؟؟
ومضاري على باقي القبائل ليه؟؟؟؟

Quote: ولا تنسى انه بطل سلام دولى ولا يستطيع احد ان يتناول دوره فى تحقيق السلام فى اتفاقية نيفاشا مع الدكتور الراحل قرنق .

وحياتك كونه بطل سلام دي يغش بيها الخواجات انا شخصيا غير معترفه بيه
هو زول بيهتم بامجاده الشخصيه بس واكبر ثعلب سياسيه سودانيه.

Quote: الاستنارة نازلة عليهم من زمان من زمن تفعيلهم للعملية الانتخابية فى اخر ديمقراطية فى السودان فى الوقت الذى كان اهلك واهل محمد سليمان يهتفون(الجبهة منار لن تنهار)

يازول استنارة شنو؟؟؟وذبح الجنوبين والانخراط في التسليح بتاع الصادق المهدي للقبائل العربيه القام بيه منو؟؟مذبحة الضعين اكبر فضيحه في تاريخ السودان الارتكبها منو؟؟
اليس هؤلاء الذين جاي تسبغ عليهم الاستناره؟؟؟
وبعدين اهلي الكيزان ديل منو وقتها؟؟؟؟
لانك في الاسطر التاليه طلعتني غريبه ومن القاش؟؟؟
طلعت بالله بتعرف لي اهل وكمان كيزان؟؟؟

Quote: انا هنا عينة من عمق دارفور عالمة ودارية عن كل صغيرة وكبيرة عن هذا الاقليم اجتماعياً وسياسياً ولست قادماً من طوكر او القاش لافتى فى امور وتفاصيل مجتمع اجهله .

بالله هو في اي زول حريص حاليا ممكن يجهل حاجه عن دارفور؟؟؟؟
المعلومه متاحه لاي اسنان حريص خليك من بت القاش دي.
بعدين ما تفتكر الاقامه في درافور كافيه لتعني انك تحمل الخير لها...
يكفينا موسى هلال نموذجا حمل كل الموت و الخراب لدارفور....
ويكفينا عبد الحميد موسى كاشا.....وماذا قدم لدارفور....ما كلهم دارين وعارفين
ماذا استفدنا من معرفتهم؟؟

Quote: وبالمناسبة انت مبهورة بابناء القبائل الغير عربية مما جعلك تستخفين بابناء القبائل المفترى عليها وظنك بهم الظنون

كلامك هذا غير صحيح
انا مبهوره بمن يتصدى لاجل فكره
وبمن يسعى للتغير وبمن يرفض التهميش عن وعي.....
ولا اجد محمد سليمان عندي اعز من زول واحد ابن القبائل العربيه لاني اعرف اين يقف كلاهما.واعتز بمبحمد الزاهد ابن الهبانيه اكثر مما اعتز مثلا بخليل ابراهيم...لانه ايضا يقف
معي في ارضيه مشتركه....اذن من اين آتيت بفكرة الانبهار هذه؟؟؟

Quote: لذا ارجو منك اعادة القراءة لدارفور لانك لا تعرفينها الا من خلال العملية التثقيفية من قراءة الى مشاهدة مسلسلات كالدهباية وغيرها.

بالله...شنقلي طوبايه تلقي لي دهابيه؟؟؟تخيل ايام المسلسل اياه كنت مستائه لماذا يتحدثون بلهجة اهل الشمال ويقلون هذه لهجة اهل دارفور.ولا يهمك قبل تثميل الدهبايه موديل 2008 ساحضرك اخصائي
للتدقيق اللغوي وتصحيح العادات و التقاليد لاننا نفكر في انتاجها بشكل مختلف بهظر معاك.

Quote: خلاص خلص مخزونك المعلوماتى والمعرفى عن دارفور يا بت طوكر وغرب القاش ؟ بعد دة تكى السلاح وخلينى مع محمد سليمان حتى يتوب ويرجع عن ما تلوث به عقله من اوهام . سماعين ولد عبد الله

يا اسماعين
انا مش ما بحفظ...كيزان دارفور بس انا وحياتك كيزان السودان كلهم ما فاضيه لهم
كمان ده الفضل املاء راسي باسماء القتله و المجرمين.....

Quote: بعد دة تكى السلاح وخلينى مع محمد سليمان حتى يتوب ويرجع عن ما تلوث به عقله من اوهام .

محمد سليمان ليس متوهم ولاملوث العقل محمد سليمان عارف البيه و العليه عقبالك تصل مرحلته.




في الختام ورغم سلبيات حوارك كلها
الا انني اتمسك بهذه الايجابيه.....

Quote: نريده مجتمعاً يضم الكل الزرقاى والعربى

ما دام تحدثت عن هذه الحزئيه...اذن مرحبا بك..ولا تقل لي جلابي..عندهم عضويه هنا تفوق الا 4000
لا يحتاجون صوتك للتحدث عنهم ركز في اهلك..وخلينا نسمع.



الا اظرف نكته جديد آتيت بها يا اسماعين:

Quote: لا مجال لدولة الزرقة بعد الاستقرار

صار اسمها دولة الزرقه؟؟؟؟
ما كان الكيزان مسمنها دولة الزغاوه..حسه طوروها ودلعوها وبقت دولة الزرقه؟؟؟
بالله بربك يا اسماعين...هل يعقل ان يتفقوا هؤلاء؟؟؟؟
الا ترى الزغاوه فقط انقسموا لكم حركه..من اقصى اليمين لاقصى اليسار.....
من د.شريف حرير...لخليل ابراهيم...لمحجوب حسين.....
والفور من مجموعة عبد الواحد...لمجموعة احمد عبد الشافي.....
والمساليت.....والتنجر...و...الخ..كيف ممكن ان يتفقوا؟؟؟؟
صدقني هي مجرد نكته....


كل هذه الفاصئل تضم ابناء من القبائل العربيه
وكلها فاتحه ابوابها لابناء القبائل العربيه.....
ولكن شوف انت متخوفين ليه....ومتعنصرين ليه؟؟