|
|
 Re: ابكرآدم اسماعيل: حول المركزوالهامش (Re: Sabri Elshareef)
|
سلام أخ منير
لا يا صديقي، ما فهمتني غلط ولا حاجة، آنا فعلا بقصد بكلامي دة إنو العروبة الفي السودان دي (كلها، برمتها) ناتج للاستعمار الإستيطاني العربي البدأ منذ نشأة الإمبراطورية العربية الإسلامية، وبالتحديد منذ سنة 652 ميلادية البتأرخ لإتفاقية البقط.
وكمان من باب التوكيد: إن وجود العروبة في العراق والشام ومصر وليبيا والجزائر وتونس والمغرب برضو ناتج استعمار عربي استيطاني. كدة واضح؟
أوكي
أنا بتفهم ليه الأخ منير مندهش، بل ومنزعج - كما يبدو لي - في رده الأخير: كلنا كنا قاعدين ننزعج لما نسمع كلام زي دة.
ودة لإنو الإسلاموعروبية البتشكل ذهننا البنفكر بيهو اخلاقياتها الفكرية متدنية للغاية: فهي بتكيل بكمين مكيال،
وإنتهازية تقتات من بروس المركزية الآوروبية (العايزة تمركز نفسها حتي في تعريف الاستعمار)،
والإسلاموعروبية دي بتكذب مش علي الآخرين وبس، وإنما بتكذب حتى على نفسها! وبتربي آولادها (اللي هم إنتو) ومواليها (اللي هم نحن) على آساس إنو "أم المك مش عزبا!!"
وعشان كدة لما يجي واحد يقول لينا "أم المك عزبا" بنندهش خالص من حقيقة بسيطة زي دي!
وطوالي نبدا التفكير في حراسة "شرف" آم المك. وطوالي نبدا الدفاع بالهجوم بالصيغ الاستنكارية: "يعني الزول دة قاصد إنو أم المك عاهرة!!"،
"يعني هو قاصد إنها كيت وكيت!!"، ثم ندلف إلى صيغ التأنيب: "وهو ناسي إنو آم الشرتاي بتاعهم عزبا"؟ ثم نعرج إلي أوهي أشكال التبرير: "وهو ما عارف إنو أم المك دي لمن عرسوها كان عمرها تمانية سنة،" و..... و... إلخ.
مع إنو دة كله ما بحلنا وما بجاور سدادة الرأي بأي حال!
يا خي نحن خايفين من قصة استعمار استيطاني دي كدة مالنا؟
ما ياهم الإنجلوسكسون والفرنسسين هنا في كندا بتعاملوا معاها عادي جدا وبدرسوها في مدارسهم، والـ Pakeha في نيوزيلندة بعملوا نفس الشيء،
وكذلك الإفريكانا في جنوب آفريقيا والإسبان والبرتغاليين في الأرجنتين والبرازيل وكولومبيا؟
ودة ما نقص من مواطنتهم آي حاجة.
بعدين مسألة إختلطوا ومش اختلطوا وآبادوا ومش آبادو، وجو راكبين دبابات ولا سفينة الصحراء دي برضو ما بتحل، لإنها ما بتغير من حقيقة إنو شكل التواجد الزي دة اسموا استعمار استيطاني بغض النظر عن الطريقة الجا بيها.
ـ وكونو ما بتسمى كدة في السودان دة للسبب الذكرناهو، هو إنو الإسلاموعروبية اخلاقياتها الفكرية متدنية، ففي "الغرب" بما فيهو أمريكا زاتا، وبالرغم من كل شيء، الاخلاقيات الفكرية محروسة
بمؤسسات، وبناس صناديد زي ناس جان بول ساتر، ميشيل فوكو، وجاك دريدا وناعوم شوميسكي، مش زي المؤسسات بتاعتنا والجماعة بتاعننا.
المسيطرين في السودان مصرين على ممارسة المخادعة لدرجة إنهم بخدعوا نفسهم ذاتها - و"ليس في الأمر عجب"
فوجود أي ناس بجو بستوطنوا بلد وهم مسنودين بخلفية امبراطورية (بالضرورة عندها تصورات امبريالية) دة بسموه استعمار استيطاني، حتي لو كانوا الناس ديل نقلتية ساي - ببساطة كدة.
- وممكن ترجع لإدوارد سعيد وكل الدراسات المتعلقة بالاستعمار وما بعد الاستعمار.
كونوا العرب تكتيكهم بختلف عن تكتيك الآريين آو الأنجلوسكسون دة ما بغير شيء.
- مسألة اختلاف التكتيكات دة ممكن نجيهو بعدين. ولكن لحدي ما نجي لبعدين دي: إذا كانت قصة الإبادة العرقية والثقافية دي ضرورية خالص كدة ببقى السؤال:
وين الناس الكانوا ساكنين بين الرافدين ومصر والشام، ووسط السودان وثقافاتهم مشت وين؟
ودة بدخل في فقه الإبادة ولا لأ؟ وليه؟؟
أها نجي للكلام التاني عن البجا والزغاوة والنوبين وغيرهم من ناس التداخل القبلي الحدودي.
تعرف يا صديقي، طريقة دفاعنا هنا دي ضعيفة للغاية. ليه؟ لإننا مصرين على تكتيك "الهجوم خير وسيلة للدفاع" في موضع الدفاع فيهو خير وسيلة للدفاع.
ومن وسائل الدفاع الخير وسيلة للدفاع الاعتراف والسعي نحو حقايق أخرى تحفظ الحقوق وتؤسس للتصالح والتعايش.
في محاولتنا، الدخلنا فيها البجا والنوبيين والزغاوة وقبائل الجنوب دي كل الحاجة الممكن تجيبها لينا هي مغالطة "مش نحن برانا، ما إنتو كنتوا معانا!" ودي ما بتخارج. كيف؟
من ناحية منطقية شكلية المحاججة الزي دي بغض النظر عن محتواها عبارة عن Fallacy - أنا قاعد أترجمها "مغالطة".
أما بخصوص المحتوى: تعريف الــ indigenous people هو إنهم الناس الجو المستعمرين ولقوهم قاعدين في الحتة الهم قاعدين فيها. إيوة، بالبساطة دي.
المستعمردين ديل منو؟ ديل أي آفراد آو جماعات جايين يعيشوا في حتة ناس تانيين وهم مسنودين بخلفية امبراطورية (بالضرورة شايلين معاهم آفكار امبريالية)، يعني حتى لو كانو نقلتية ساي. شفت كيف؟
ومسألة التداخل القبلي البحاول يحتمي بيها الخطاب الزي دة ما بتحل، لأنو التداخل القبلي دة ناتج مسائل إجرائية - يعني قاموا الإنجليز عملوا شخيت - لاحظ بطريقة اعتباطية - وقالوا دي حدود السودان مع اثيوبيا،
ودي حدود السودان مع مصر، ودي حدود السودان مع تشاد وهكذا، وبقى البرة برة والجوة جوة.
وحتى لو نحن قاصدين إنو بعض الزغاوة إجانب، فما آي أجنبي بسموه settler، فالزنوج الأمريكان والكاريبيان والهنود والصينين إفي بلاة الله الواسعة والعرب (بتاعين الليلة) في أمريكا وأروبا ما بسموهم settlers
ـ لأسباب نزيهة جدا (نزاهة بفتقر ليها العقل الاسلاموعروبي بشدة).
فنحن ما عندنا شريعة مع النوبين الفي مصر لإنهم ببساطة اتفرض عليهم يكونوا مصريين، ولا البجا الفي اثيوبيا والزغاوة الفي تشاد وديل حتي لو جو السودان ما ببقوا مستعمرين للسبب الذكرناه أعلاه.
نحن شريعتنا مع ديل القاعدين في السودان ديل تقدر تقول لي جو من وين وبياتو خلفية امبرطورية عشان ندخلهم ضمن بند "الاستعمار الاستيطاني"؟
- ولإنو العقل الاسلاموعروبي (شيخ حلتنا) بحب ممارسة المغالطة بتاعة "ما احنا برانا، ما إنتو كنتوا معانا!" وبفتكر إنو دة مبرر، فكدة نشوف نهاية القصة دي بتودي لوين:
قول ياخي بس ساي بقدرة قادر آو ببركات سيدي الحسن آب قبة لبنية قاموا كل الناس بتاعين التداخل القبلي القاعدين نحن نضرب بيهم المثل ديل دخلوا ضمن بند "الاستعمار الاستيطاني،" دة اصلوا ما بمرق لينا العروبة بتاعتنا دي من البند دة.
يعني دي مراهنة خاسرة. شفت كيف؟
وبكرر: لإنو وجود العروبة في السودان وهيمنتها دة ناتج استعمار استيطاني، لذلك بتتعرض لنفس ردود الأفعال البيتعرض ليها أي نتاج لاستعمار استيطاني آخر،
في آي محلة في الدنيا دي، في نيوزيلندة، في كندا، في أمريكا، في جنوب آفريقيا، وفي آماكن أخرى، ودي خلاصة اجابتي علي سؤالك الاستنكاري:
Quote: لماذا إذن هذه الممانعة العنيفة ضد العروبة والاسلام {الإسلام دي هنا محشورة ساي، الأسباب ذكرناها فوق} في السودان وغيره (المغرب العربي)
بينما كل افريقيا تستميت وتتنافس في الولاء وحب الانتماء للعالم الغربي حتي وإن كان من باب التشبث بالحروف الابجدية ؟!! ـ
|
مع التآكيد على إنو الفارق بين الناس التانيين وبينا نحن في السودان إنو ديلك متصالحين مع الحقايق دي لكن إحنا وناسنا بنحاول ننكرها آو ندسها
آو نتوارى خلف الألاعيب الكلامية في عصر الناس فيهو بقوا تفاتيح. يعني اللزقان في الــمنطوق Enunciation
ما بحلنا قدام العقل الحديث البفتش - زي حرس المطارات - عن الـENUNCIATED - الحاجة الجوة شنطة المنطوق - إن جاز التعبير.
ومن باب التكرار: زي ما قلت ليك، الممانعة والتمرد ديل عندهم سببين:
الأول: خلقة الله: النوبين عايزين يكونوا نوبـوإسلاميين، والزغاوة زغـوإسلاميين، والدينكا دينكـومسيحيين أو دينكودينقيين في بلدهم
زي ما الإسلاموعروبيين عايزين يكونوا إسلاموعروبيين (بس الإخيرين ديل زايدنها خالص، ديل مش عايزين يكونوا نفسهم وبس، لا،
ديل عايزين يعملوا الناس التانيين كلهم إسلاموعرب تحت قانون: العبد عبد وإن طالت عمامته!! وتناقضهم بتاع تلبيس العبد العمامة والاحتفاظ له بعبوديته في نفس الوقت دي حنجي ليها في محلة تانية)
والسب التاني: إنو الإسلاموعروبية دي قيمتها التبادلية بقت متدنية، زي ما ذكرنا فوق.
إذن، "ليس في الأمر عجب."
ودة البسوقنا لمشروعية الاختلاف الإتكلمنا عنها كأساس للتعايش السلمي.
وتصبح آو تمسي على وطن (حسب التوقيت عندكم)
معتصم الطاهر
كيفك يا رجل؟
وكل سنة وانت طيب وجميع الآحباب بخير
مالك يا زول بتقلب لي المواجع وبتذكرني بأيام كمبيوتر هول؟
الآخ صبري الشريف
تحياتي الطيبات وأنا ما زلت آتذكر تلك الايام الجميلة في واد مدني الجميلة
ومبروك لاختنا سبانا
معليش آنا جاي الحفلة متآخر.
أبكر آدم إسماعيل
|
|
 
|
|
|
|
|
| العنوان |
الكاتب |
Date |
| ابكرآدم اسماعيل: حول المركزوالهامش | Munir | 08-07-05, 05:02 AM |
| Re: ابكرآدم اسماعيل: حول المركزوالهامش | zoul"ibn"zoul | 08-07-05, 07:09 AM |
| Re: ابكرآدم اسماعيل: حول المركزوالهامش | Munir | 08-07-05, 01:53 PM |
| Re: ابكرآدم اسماعيل: حول المركزوالهامش | أبكر آدم إسماعيل | 08-12-05, 09:22 PM |
| Re: ابكرآدم اسماعيل: حول المركزوالهامش | Munir | 09-04-05, 05:05 AM |
| Re: ابكرآدم اسماعيل: حول المركزوالهامش | Munir | 09-17-05, 07:10 AM |
| Re: ابكرآدم اسماعيل: حول المركزوالهامش | Munir | 09-20-05, 04:05 PM |
| Re: ابكرآدم اسماعيل: حول المركزوالهامش | zoul"ibn"zoul | 09-17-05, 11:18 AM |
| Re: ابكرآدم اسماعيل: حول المركزوالهامش | Munir | 09-23-05, 02:43 PM |
| Re: ابكرآدم اسماعيل: حول المركزوالهامش | Munir | 10-25-05, 03:21 PM |
| Re: ابكرآدم اسماعيل: حول المركزوالهامش | أبكر آدم إسماعيل | 10-26-05, 11:53 PM |
| Re: ابكرآدم اسماعيل: حول المركزوالهامش | alin | 10-27-05, 03:13 PM |
| Re: ابكرآدم اسماعيل: حول المركزوالهامش | عبدالرحمن عزّاز | 11-04-05, 03:09 PM |
| Re: ابكرآدم اسماعيل: حول المركزوالهامش | أبكر آدم إسماعيل | 11-05-05, 00:06 AM |
| Re: ابكرآدم اسماعيل: حول المركزوالهامش | Tragie Mustafa | 11-05-05, 00:18 AM |
| Re: ابكرآدم اسماعيل: حول المركزوالهامش | Munir | 11-05-05, 05:18 PM |
| Re: ابكرآدم اسماعيل: حول المركزوالهامش | Munir | 11-05-05, 05:40 PM |
| Re: ابكرآدم اسماعيل: حول المركزوالهامش | معتصم الطاهر | 11-05-05, 03:02 AM |
| Re: ابكرآدم اسماعيل: حول المركزوالهامش | Sabri Elshareef | 11-05-05, 06:48 PM |
| Re: ابكرآدم اسماعيل: حول المركزوالهامش | Sabri Elshareef | 11-06-05, 10:17 PM |
| Re: ابكرآدم اسماعيل: حول المركزوالهامش | أبكر آدم إسماعيل | 11-07-05, 10:07 AM |
| Re: ابكرآدم اسماعيل: حول المركزوالهامش | Munir | 11-07-05, 03:50 PM |
| Re: ابكرآدم اسماعيل: حول المركزوالهامش | أبكر آدم إسماعيل | 11-09-05, 09:57 PM |
| Re: ابكرآدم اسماعيل: حول المركزوالهامش | أبكر آدم إسماعيل | 11-11-05, 04:21 PM |
| Re: ابكرآدم اسماعيل: حول المركزوالهامش | ابنوس | 11-11-05, 05:48 PM |
| Re: ابكرآدم اسماعيل: حول المركزوالهامش | Munir | 11-15-05, 04:23 PM |
| Re: ابكرآدم اسماعيل: حول المركزوالهامش | أبكر آدم إسماعيل | 11-15-05, 07:02 PM |
| Re: ابكرآدم اسماعيل: حول المركزوالهامش | أبكر آدم إسماعيل | 11-21-05, 12:19 PM |
| Re: ابكرآدم اسماعيل: حول المركزوالهامش | أبكر آدم إسماعيل | 12-05-05, 10:00 PM |
| Re: ابكرآدم اسماعيل: حول المركزوالهامش | mansur ali | 12-06-05, 05:08 AM |
| Re: ابكرآدم اسماعيل: حول المركزوالهامش | mansur ali | 12-16-05, 08:21 AM |
| Re: ابكرآدم اسماعيل: حول المركزوالهامش | أبكر آدم إسماعيل | 12-26-05, 09:36 PM |
| Re: ابكرآدم اسماعيل: حول المركزوالهامش | Munir | 12-28-05, 07:37 AM |
| Re: ابكرآدم اسماعيل: حول المركزوالهامش | Masoud | 12-26-05, 10:45 PM |
| Re: ابكرآدم اسماعيل: حول المركزوالهامش | Masoud | 12-28-05, 11:15 PM |
| Re: ابكرآدم اسماعيل: حول المركزوالهامش | أبكر آدم إسماعيل | 01-08-06, 00:11 AM |
| Re: ابكرآدم اسماعيل: حول المركزوالهامش | عشة بت فاطنة | 01-08-06, 09:23 AM |
| Re: ابكرآدم اسماعيل: حول المركزوالهامش | Tumadir | 01-09-06, 08:24 AM |
| Re: ابكرآدم اسماعيل: حول المركزوالهامش | Munir | 01-14-06, 05:34 PM |
| Re: ابكرآدم اسماعيل: حول المركزوالهامش | zoul"ibn"zoul | 01-15-06, 03:08 AM |
| Re: ابكرآدم اسماعيل: حول المركزوالهامش | Munir | 01-19-06, 08:29 PM |
| Re: ابكرآدم اسماعيل: حول المركزوالهامش | zoul"ibn"zoul | 01-19-06, 09:12 PM |
| Re: ابكرآدم اسماعيل: حول المركزوالهامش | أبكر آدم إسماعيل | 01-20-06, 01:41 AM |
| Re: ابكرآدم اسماعيل: حول المركزوالهامش | Munir | 01-20-06, 04:42 AM |
| Re: ابكرآدم اسماعيل: حول المركزوالهامش | zoul"ibn"zoul | 01-20-06, 08:00 AM |
| Re: ابكرآدم اسماعيل: حول المركزوالهامش | عبدالرحمن عزّاز | 02-01-06, 02:55 PM |
| Re: ابكرآدم اسماعيل: حول المركزوالهامش | Munir | 02-01-06, 03:05 PM |
| Re: ابكرآدم اسماعيل: حول المركزوالهامش | Munir | 02-03-06, 07:09 AM |
| Re: ابكرآدم اسماعيل: حول المركزوالهامش | عبدالرحمن عزّاز | 02-04-06, 05:31 PM |
| Re: ابكرآدم اسماعيل: حول المركزوالهامش | Munir | 02-06-06, 06:52 PM |
| Re: ابكرآدم اسماعيل: حول المركزوالهامش | Munir | 02-12-06, 05:59 PM |
| Re: ابكرآدم اسماعيل: حول المركزوالهامش | Munir | 03-19-06, 12:52 PM |
| Re: ابكرآدم اسماعيل: حول المركزوالهامش | Munir | 04-02-06, 10:52 AM |
| Re: ابكرآدم اسماعيل: حول المركزوالهامش | Munir | 04-17-06, 02:53 PM |
| Re: ابكرآدم اسماعيل: حول المركزوالهامش | بشري الطيب | 04-18-06, 05:16 AM |
| Re: ابكرآدم اسماعيل: حول المركزوالهامش | Munir | 05-04-06, 05:59 PM |
| Re: ابكرآدم اسماعيل: حول المركزوالهامش | Munir | 05-06-06, 06:42 PM |
|
| |
أبكر آدم إسماعيل
فيس بوك
تويتر
انستقرام
يوتيوب
بنتيريست