يوميات الثورة السودانية – الجزء الثانى

Quote: انتقد مواطنون غاضبون أداء ولاية الخرطوم فى صحة البيئة و مكافحة الذباب والبعوض واعتبروه غير ذى جدوى . المواطنون اشتكوا من تكاثر الذباب والبعوض الغير معقول فى كل أنحاء الولاية وتخوفوا من اثاره السالبة على صحتهم وصحة اطفالهم . فى استطلاع صحفى ارسل المواطن عادل فتح الرحمن من حى الضباط تساؤلاً عن اداء طائرات رش المبيدات لوالى الخرطوم قال فيه :”يا سيادة والى الخرطوم فهمونا ..الطيارات دى بترش شنو ؟ ماشفنا لينا ذبابة داخت ساكت ..تحروا من المبيد او امسكوا عليكم طياراتكم دى ماتقع فينا “. واشترك مواطن من الصحافة فى نفس شكوى فتح الرحمن قائلاً :” يالسيد والى الخرطوم لدينا ثورة ليلية من البعوض فى الصحافة مربع 24 وكادو ان يخرجوننا من ديارانا وبالمناسبة الطيارات الشفناها ى نزلت إغاثة للبعوض ولاشنو؟ الوضع اصبح لايحتمل ” . ومن الدروشاب شمال سخر ود الياس من حديث وزير الصحة قائلاً :” جيوش البعوض الليلية لاتسبب الملاريا كما قال الوزير فهل جيوش الذباب النهارية لاتنقل الأمراض ؟” وارسل الياس نداء إغاثة عالمى هاتفاً :” انقذوا الدروشاب شمال من الجنسين “. اما تاج السر من الكلاكلة فخاطب طاقم محليته متعجباً :” يا ناس محلية الكلاكلة ; كل دا وانتو قاعدين ؟ الله يرضى عليكم شوفوا ليكم شغلة تانية ذباب وبعوض ،عيش بتوزع بالكارو ،وركشات اصواتها مثل اصوات الطائرات ، ارحلوا يرحمكم الله “.