انتبهوا ! للشاعر القاص عبدالمنعم الجزولى

مرحبا Guest
اخر زيارك لك: 03-29-2024, 05:56 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة عبدا لغفار محمد سعيد (عبدالغفار محمد سعيد&abdelgafar.saeed)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
03-21-2005, 08:29 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
انتبهوا ! للشاعر القاص عبدالمنعم الجزولى

    الاستاز عبدالمنعم الجزولى رجل فنان لم التقيه من قبل

    يكتب بدارجية سلسة يمتلك ناصيتها تماما، وله قدرة مدهشة

    على استحضار التفاصيل الدقيقة، اعجبت بنصوصه والتى طرحها

    عبر بوست الخنفشارية.

    ارجوا منك استاز عبدالمنعم ان تسمح لى بانزال هذه النصوص هنا

    خارج ذلك السياق.

    اعتزر مقدما عن اى تشويهات اونواقص غير مقصوده تلحق بالنصوص

    وانبه انها مسئوليتى وليست مسئولية الاستاز عبدالمنعم


    عبدالغفار

    (عدل بواسطة abdelgafar.saeed on 03-21-2005, 08:59 AM)
    (عدل بواسطة abdelgafar.saeed on 03-21-2005, 09:01 AM)

                  

03-21-2005, 08:39 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)





    ملحوظة هامة : ليس هنالك اى خطأ فى ترقيم النصوص فلا تنشغلوا/ ن بعدم تسلسلها .



    (3)

    الشارع اطول من احزان المدعوكين فى الحواشة
    الشارع مليان دياشة
    وعواميد نور مطفية
    وناس تتجارى ورا معاشة
    واحد شايل سرواله الناصل ومقشاشة
    وواحد واقف يبرم فى شنب الامباشى
    وجماعة بفرفرو تحت الكماشة
    وسكران ماهاميهو الحاصل
    واقف فى الخط الفاصل
    مابين الزمة وسيد السروال الناصل
    وبشاغل فى بنية ملفلفة زى قرطاس السكر
    الجوع اتدفق من عينيهو
    قزاز النضارة اتكسر
    تلميذ شايل كتبو ف سرج العجلة الورانى
    دقش البت الزى قرطاس السكر وقع اتكسر

    (9)

    ما طلحة براهو الكسر الجرة
    واحد شايل اخلاقو ف صرة
    وواحد شايل اخلاقو ف شنطة مستفة بى دولارات جايبها من برة
    وواحد شايل اخلاقو ف ستيانة بتو
    وواحد نسى اخلاقو ف رف الحمام
    شال شوالو وسافر جدة
    وواحد ماكانت عندو الفرصة عشان يعمل اخلاق بى مليم حتى

    (2)

    الزول الشايل اخلاقو ف ستيانة بتو
    ساق الولد الدقش البت الزى قرطاس السكر
    وداهو التمنة..الضبطية..المركز..سميها حسب كمية اخلاقك
    الضابط كانت بايته معاهو السكرة
    وبشرب فى القهوة المرة
    دخل الزول الشايل اخلاقو ف صرة
    وبكورك
    - ياناس ..ياعالم ..
    نشلونى..
    اخلاقى اتنشات.

    (6)

    طنّـت ضبانة معلقة فى شرك العنكب جوة الزنزانة
    قرقر واحد مقبوض فى قصة جبخانة وماجبخانة
    ضحكت واحدة هناية وست انداية
    وقالت
    - يادوووب اتنشلت ؟
    واحد مقبوض فى جناية اتجار بالقصّـر
    قاليهو تستاهل
    شايل اخلاقك وحايم فى السوق
    عميان مـنّ البنك او البوسطة؟
    واحد زمّـتو سوسته
    ساق الولد الدقش البت الزى قرطاس السكر
    وداهو الشفخانة..
    المستشفى..
    عيادة..
    تسميها حسب مفهومك للمادية( الدجلية)
    وموقفك التاريخى من الخصخصة
    والاستثمار الرأسى.
    يازول.. قول الدكتور تاوق جوة دماغ الولد المفتوح للعامة
    وشخبط فى الورقة القدامو كلام بالسنسكريتية الفصحى
    وقال للشافع..
    - عندك قرحة
    ولازمك عملية استئصال كلية سليمة
    والمشترى جاهز..
    ودولاراتو تناهز
    خمسين فى المية مقدم
    وتلتاشر بعد العملية.
    الود ضّــربها فى مخو..
    - والباقى؟؟
    - باقى شنو كمان..
    حقى وحق المستشفى خمستاشر
    وزكاة الفطر تمانية
    وزكاة الانعام وتبرع لبناء مسجد تانى جوار المستشفى
    خلاص.. مية المية
    حنسوى العملية
    اذا وافقت..اذا ماوافقت
    القانون واضح
    والواضح مافاضح

    (1)

    الود قام جارى

    ($)

    سكّــوهو تلاتة تمرجية
    وبوليس حركة
    وسمسارين
    والناظر

    (10

    اوعك تسألنى عن الناظر دة منو
    ومن وين
    ودخل كيفن
    اهو ناظر لاقيتو ف نص القصة
    حليو وقيافة
    وقندف
    وما مشغول بحكاية دوران الماهية
    من الجيب للغيب
    عندو مصادر سرية
    وواصل لى اقصى حدود التموين
    اذن مامهم نسأل عن اصلو وفصلو وجاى من وين

    (3 مكرر)

    الناظر قال زهجان من ازعاج الشفع فى المدرسة
    والمدرسة بس حوش
    ومكيتب مامعروش
    وقطاطى بروش
    يازول تووش
    الشافع دخل المدرسة
    تلبوا ستة تمرجية وراهو
    الكانو تلاتة
    استثمرهم الناظر فى مشروع خيرى
    مرابحة يمكن
    اصبحوا ستة بفضل الله
    وفضل الدعوات المبروكات
    من جمهرة القايمين الليل
    جزو منو عبادة
    وجزءا عادة
    حراسة كبرى
    ودوريات

    (أ)

    الفات الفات
    قال وانا مالى
    طلع طوالى
    والهون
    ضرب السَّــل فون
    والزول السافر جدة
    شوالو انقدَّ
    والبت الزى قرطاس السكر طلعت حامل
    وفى شهرها العاشر
    والعرقى الشربو الضابط كان داشر
    والسكران لسع واقف فى الخط الفاصل
    والصورة بقت مهزوزة
    ضبابية
    مكهربة
    والشارع اطول من احزان المهزومين فى الحواشة
    ومليان دياشة
    وعواميد نور مطفية
    وناس تتجارى ورا معاشة
                  

03-27-2005, 08:23 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    شكرا للاساتزة

    1- صدقى كبلو

    2- عقاب الفيا

    3- الشريف

    لقد ارسل لى الاخ منعم القصائد والحكايات ، التى طالبته ملحا بارسالها

    ولقد احترت كيف ابداء نشرها، فكرت اولا فى تصحيح ماسبق ونشرته ، ثم نشر مالم ينشر

    لكن ولاننى اولا لست حريفا كفاية مع التكنلوجيا ، ثم ان ترتيب القصائد والحكايات غالبا

    مايكون له معنى عند الكاتب لكل ذلك قررت اخيرا انزالها كلها من جديد حسب ترتيب منعم.


    كل الود


    عبدالغفار
                  

03-21-2005, 08:47 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)


    البحر
    يتم جزاير الوردة
    لما الموج حسر اكمامو
    فات قدامو
    لى ندامو
    حاضن بالتلاتة حرامو
    ياشاقينا
    يانديهو بت السكلبت فينا
    انفرد شلال مآقينا
    انتماءاتنا التتاوق لينا
    من جوانا
    تضحك مننا
    وتمرق لسانها
    وحتى لما الليل برد
    والبارق السارق حرد
    نزل العشق دقانا
    والمستورة فى حيشانها
    كان مرقت تقش عريانه
    والطيارة جات مليانه
    افرنجين وافرنجات
    ويا كمرات
    ونضارات
    وبالزردية
    يا( بر) عمتك لبنية
    حمد النيل وفينا الفات
    ومن ابعنجة لى شمبات
    ومن بيت التكب اهاتها
    فى قدح المرق
    فى قلبو يتفصد عرق
    عميانة والراتب فرق
    ناولينى شاى يا بت اخوى
    خلى الندلدل عمتى
    ونلحق بواقى الكحة
    كان تنجينا
    من صمة خشمنا اتلبست فينا
    ويبس ريقنا
    ودفق شلال دمومنا النازلة
    زى جدول مرق من البحر ناشف
    وخلى السمكة تتلفت ممحنه مننا وفينا
    ولا دما نكفر بيهوغلطاتنا
    ولا دمعات تغطينا
                  

03-21-2005, 08:53 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)






    - لاتكابس حيا وميت.
    خاطبته اللقية بت التومة وهو يقاوم ملك الموت, ويعافر ويدافر ويزافر مثل زواج وحل فى رمال المعيشة. والناس من حوله يمسكون باطرافه ويلزمونها الجابرة حتى لايموت مكرفسا, كما قال ود دوليب, الامام وهو يشرح للحاضرين والحاضرات بما فيهم ملك الموت نفسه:
    - الزول لابد ان يموت مستقيما.
    قال ادم جبر الخواطر:
    - ولا الضالين امين...
    ضرط ضرطة كبيرة شُمت عفنتها فى غرفة تاج السر اللولية, واخرج استه شريطا رفيعا لالون له كما الماء, رغم تماسكه... كما الدودة, فى التواءه...كما الوعود الانتخابية والبيان رقم واحد, لا اول له ولا اخر.
    ازاله عبد النبى الطباخ بيده والقى به الى الارض. بينما تصاعدت احتجاجات اللولية على مثل هذه المساخر. وتاج السر قد سمى باللولية لانه كان معتقدا فى الظار, وتحديدا ظار الحبش وخواجة ارض الصين, لهذا اشتهر بنظافته النوعية واناقته النسبية وحبه الجم للعطور والبخور.
    خرج ادم جبر الخواطر من الغرفة تاركا الباب مفتوحا كفخذى عروس غافلة, انهمك عريسها للتو فى افتضاض بكارتها, فدخل نوح الله جابو يدمدم كعادته بما لا اذن سمعت ولا عقل فهم, كانه وسط طقوس عشق سرية وضعت كل الاحتمالات فى سلة واحدة وما الفرج الا من عند الله.
    انقطعت الكهرباء فجأة فأصبحت الغرفة مثل بيت اشباح انقاذى لاتملك فيه سوى ان تستنفر ماتملك ومالا تملك من حواس, متوقعا ضربة تأتيك من بين يديك ومن خلفك ومن كل حواليك, وامسك حتى ملك الموت عن معافرته مستنفرا هو الآخر حواسه الملائكية يتلمس بها دامس ظلام الغرفة.
    انهمك موسى العبد فى سلسلة طويلة من سعال, ظن الناس ان نفسه سينقطع بانقطاعها, ثم عاد لمعافرته ومدافرته ومزافرته مرة اخرى بعد ان تلمس ملك الموت طريقه اليه فى ذلك الدامس , وراحت الايدى تتلمس هى الاخرى طريقها الى اطرافه منقضة عليها فى محاولة لاماتته باستقامة حتى دخلت اللقية عليهم بفانوس تكسرت زجاجته وارتخت شعلته وكثر دخانه وتشبحت اضاءته. وتتالت ضرطات موسى العبد, خافتة, ولكن متوالية كمقاومة يائسة من اطراف انقلاب مدحور. فجأة همد جسده وارتخت عضلاته فارتخت عضلاتهم بدورها وصاح ود دوليب بصوت جاء كمخبز الامانة المجاور, آلى وخالى من اى نفع:
    - انا لله وانا اليه راجعون...
    وسرعان ماامتلأت الغرفة بحشد ممن كانوا يتناثرون مثل الخراء اليابس فى تلك الخرابة, وتعالت همهمات ودمدمات ونهنهات ...حتى باغتهم الصوت المألوف :
    - اشرب...
    وخيم صمت مغتاظ..
    - مامات !!
    - لاحول ولاقوة الا بالله..
    - معجزة ألهية..
    - يعنى ربنا يترك كل الخلق ويسوى معجزته فى موسى العبد ؟!
    - يضع سره فى اسود خلقه.
    - ونصرانى..
    - يضع سره فى اكفر خلقه.
    - وما عنده قرش واحد..
    - يضع سره فى افلس خلقه.
    - اشرب ياناس..
    صاح موسى العبد بصوت اوهنته كثرة المعافرة وطول الضراط واشياء اخر.
    - الحقوه بشربة..
    - سبحان الله..
    - الحقوه بكباية عرقى.. ياخوانى
    صاح اللولية وهو يمسك بطرف القميص الساكوبيس الناصع البياض مثل ضمير مستتر تقديره لا احد, والمنسدل جزئيا على جسده العنكوليبى , مثل ملاءة انحسرت بفعل فاعل عن همزة الوصل بينها وبين المرتبة فأفصحت وأبانت عن ارجل السرير المخروطة بعناية وكشفت عن متاع قديم اخفاه اصحاب الدار عن اعين الزائرين , وارتعش مابين فخذى اللقية.
    فقد ود دوليب صبره وحلمه ونسى الدرس والصلاة تنهى عن الفحشاء والمنكر وكل شئ كان يعظ به الناس, فمنذ اسبوع وهم تركوا اشغالهم وتحلقوا حول العبد يساعدوه على الموت باستقامة وهاهو قد اضاع كل مجهوداتهم سدى ولايريد ان يموت !وافلتت من محجريه نظرة ضلت طريقها الى فخذى اللقية المنفرجين قليلا بفعل رداءة المقعد ( مقعد الغرفة وليس مقعد اللقية لذا وجب التنويه ) ورغم خفوت الضوء الا ان اللقية بحسها الجنسى العالى احست ببصره ينهش مابين الفخذين وتبسمت راضية, واخذت تفكر رغم غرابة الموقف فى آلة ود دوليب الاسطورية, ممنية نفسها بليلية اخرى تحته وصدره يرزم مثل خور ابى عنجة فى أوج الخريف, غير ان ود دوليب سرعان ما انقض على موسى العبد وجثم على صدره المعلول وراح يخنق بيديه الغليظتين العنق النحيل حتى تدلى لسان العبد نصف متر خارج فمه المفتوح كنقاش رياضى فى مواصلات عامة, وخرجت كرتان سوداوان صغيرتان من مكمن ما فى اسفل جبهته ادرك نوح بعد زمن طويل انهما بؤبوءا عينيه فصاح فى الامام
    - استغفر يازول.. لاتقتله..
    - قتله الله ..العبد الزنيم
    - الله وفره وانت تريد قتله!
    - اذا عجز ملك الموت عن قبض روحه سأفعل انا نيابة عنه.
    خرجت انا من الغرفة ولم اعد اعرف ماحدث بعد ذلك. وكل ماسمعته وعرفته ليس سوى اقوال و افادات الشهود.





    منعم الجزولى
                  

03-21-2005, 09:08 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)


    ( بداية )

    ساحبنى لى وين يازمن,
    سايقنى للجزار,
    ورا الشهوات,
    تتاوق فينى.... تفحصنى البنيات العمن.
    امرق وراك,
    افضح عراك,
    القاك براك,
    يقدل وراك,
    ضلك.. ختام الانجعاص.
    تلفحنى بى ايدك,
    ضراعك مدفع المكسيم,
    صويبعاتك رصاص.
    واتوسد احلامى واموت.
    عديتها صيغة منتهى التابوت.
    وخليتن وراى حيط البيوت,
    مشوار ازاى,
    خطوة حزاى,
    يافقرى..لاتعذب عزاى.
    الخيمة جاهزة,
    سؤالك الشاقيك,
    نكيرك ياعبد راجيك,
    غلاطك مابخارجك,
    وين فصاحتك ديك.

    ( نهاية )

    وحاتك يااله المعدمين متمحنين فى السهلة لاضل لاضرا.
    ياقدر ماحاولت امرق من انوف الزمة,
    تشفطنى المخاخيط لى ورا
                  

03-21-2005, 09:17 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)




    كفكف سؤالك يا وطن
    غشت المسافة اخيتها
    مرقت عيونك حيتها
    لاتسأل اوراق الخريف عن نيتها
    لا الوردة عن ماهيتها
                  

03-21-2005, 09:22 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    حى قيوم وقيوم حى
    اذا عتبات بيوتنا اتوحمت للضى
    اذا ترباس معارفنا انقفل فى فكرة راجية الرى
    اذا حاصرنا حتى غنانا
    فى علب المعانى الخايبة
    والمدن المكهربة بالكلام النى
    لاغازلنا بت جيرانا فهمت شى
    ولا فهمن بنات الحى
                  

03-21-2005, 09:28 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    بتحبو شان مبهورة بيهو
    وبالكلام من خشمو يترترت
    اذا خشمو الكلام فقعو
    يكعوج فى عباراتو
    وتقول بلة الكلام نقعو
    تغرود ليهو بى بسماتها فى الندوات
    ويسبل ليها فى الكلمات
    تقول اتنين مساطيل
    لفوا ( نص )
    ضربوهو وانصقعو
    ولو عاينت فى الامثال
    تجد ان الطيور على اشكالها ( وقعو )
                  

03-23-2005, 12:03 PM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    هناك نص قصصى رائع مر على هنا فى هذا المنبر

    لعبد المنعم الجزولى ، لم استطع العثور عليه

    احتاج لمساعدة للعثور عليه




    عبدالغفار
                  

03-25-2005, 06:29 AM

Gazaloat
<aGazaloat
تاريخ التسجيل: 05-14-2003
مجموع المشاركات: 891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    سامحك الله يارجل
    لم اكد افرغ من اقناع خلق الله باننى لا انتمى لقبيلة الشعراء( فانا عادة لايتبعنى احد، والشعراء يتبعهم الغاوون) حتى جئتنى بمسمى جديد!!!! قاص؟؟؟
    ياصاحبى انا حكاى ولست بقاص ولايحزنون..يعنى زول ونسة..
    تعال لنتونس بعيدا عن الخلايا النائمة فى البورد
    ارسل لى ايميلك على


    [email protected]


    منعم
                  

03-25-2005, 07:22 AM

Bushra Elfadil
<aBushra Elfadil
تاريخ التسجيل: 06-05-2002
مجموع المشاركات: 5252

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: Gazaloat)

    الاخ عبدالغفار
    لا تسمع عن منعم زوغانه من الشعر والقصة .منعم خايف من إبداعه من زماانولا بد من إخراجه منه بالقوة والجبرية ونشره في الناس .منعم ضنين بكتاباته لكن إبداعيتها طاغية ولعل خوفه ياتي من إنشغاله بأكثر من ضرب .أعتقد انه حكاء لكن حكيه يأتي بالمادة الإبداعية مصحوبة ب(ذبابة) المزاج الذي تعكننه لدى منعم الحياة السودانية بكل عنفها وغرائبياتها .منعم يعمل على الدوام في حقل إزاحة نفسه عن المبدعين لكن إبداعه الطاغي يدفعه دفعاً إليهم . منعم الصديق يتآمر ضد نفسه . له التحية والأمنيات. ولا يعجبني فيه هذا الحكمالعنيف المستدام ضد ما ينتج وما يخفي ويحرق . بالله عليك يا منعم خل عنك هذا للقراء فهم نقاد بافضل منك .
                  

03-25-2005, 10:45 AM

Mohamed Elboshra

تاريخ التسجيل: 08-04-2003
مجموع المشاركات: 816

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: Bushra Elfadil)

    الاخ عبد الغفار ابو ناظم
    رغم اني لم اجد الوقت الكافي للمرور على كل المكتوب وبدون اذن من صاحب النص قمت بتصويره في ووردلاقراءه برواقة وقاتل الله الانترنت كافي لانها تسلسل مننا الدقائق زي ورقة امتحان الرياضيات.
    وانت ياغفار لازم تتحفنا بابداعك الشعري لانه ملك للجماهير المتعطشة للابداع وهي دعوة لمطالبتك بفتح بوست خاص لاشعارك.
    وبعدين بمناسبة الصورة اهو ياراجل انت لسع شباب ولا شيب ولا صلعة. ماعارف ساكيني في صورتي بتاعة الثانوي العالي ليه
                  

03-26-2005, 05:08 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    استازى العزيز بشرى الفاضل

    لك التحية والاحترام

    سرنى تشريفك لهذا البوست

    لن نقبل من عبدالمنعم باقل من نشر كتاباته

    واتمنى ان تضغط معى فى هذا الاتجاه

    كل الود


    عبدالغفار
                  

03-26-2005, 05:25 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    العزيز عبدالمنعم الجزولى

    انت شاعر ودى مابتقدر تغالط فيها

    خلاص مافى مشكلة تانى ماحاقول قاص حاقول حكاى اتفقنا


    عندك حكاية عاجبانى جدا كنت انت نزلتها فى بوست قديم ، وانا كنت محتفظ بيها فى

    الكمبيوتر لكنها اتمسحت ، انا بفتكر الحكاية دى تستحق تنشر مرة ثانية لانه حسب

    اعتقادى ماقروها كل الناس المهتمين بالحكى ، اها قبل

    مانتفاهم ، ارجوا منك تنزل الحكاية (مامتزكر اسمها ) فى البوست ده.

    حاكتب ليك فى الايميل بتاعك لاكن قبل كده انا فى انتظار الحكاية



    كل الود


    عبدالغفار
                  

03-26-2005, 08:10 AM

Mohamed Elboshra

تاريخ التسجيل: 08-04-2003
مجموع المشاركات: 816

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    عبدالغفار
    انت حاتطنش من كلامي الفوق داك وعامل اضان الحامل.
    وكمان عامل نفسك مشغول بسك الجزولي عشان ينزل القصة ونحن في انتظار الاثنين القصة بتاعة الجزلي وفتح بوست خاص لاشعارك واظن الاستاذ بشرى والاستاذ الجزولي بيشاركوني في هذه امطالبة.
                  

03-26-2005, 02:42 PM

Sidgi Kaballo
<aSidgi Kaballo
تاريخ التسجيل: 07-27-2002
مجموع المشاركات: 1722

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: Mohamed Elboshra)

    أضم صوتي لبشرى عبد المنعم فنان غصبا عنه!
                  

03-26-2005, 07:27 PM

Agab Alfaya
<aAgab Alfaya
تاريخ التسجيل: 02-11-2003
مجموع المشاركات: 5015

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    شكرا عبد الغفار

    والقوم ليك يا منعم الجزولي
                  

03-26-2005, 07:47 PM

elsharief
<aelsharief
تاريخ التسجيل: 02-05-2003
مجموع المشاركات: 6709

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: Agab Alfaya)

                  

03-27-2005, 10:11 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: elsharief)

    شكرا للاساتزة

    1- صدقى كبلو

    2- عقاب الفيا

    3- الشريف

    لقد ارسل لى الاخ منعم القصائد والحكايات ، التى طالبته ملحا بارسالها

    ولقد احترت كيف ابداء نشرها، فكرت اولا فى تصحيح ماسبق ونشرته ، ثم نشر مالم ينشر

    لكن ولاننى اولا لست حريفا كفاية مع التكنلوجيا ، ثم ان ترتيب القصائد والحكايات غالبا

    مايكون له معنى عند الكاتب لكل ذلك قررت اخيرا انزالها كلها من جديد حسب ترتيب منعم.


    كل الود


    عبدالغفار
                  

03-27-2005, 09:57 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)





    الشعر
                  

03-27-2005, 10:05 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)


    اغنية العيد الخمسين للاتحاد النسائى السودانى


    شيلناها القفة بلاد
    صفيحة الموية
    وطبق الكسرة
    وقدح الزاد
    ملت الزير
    كتفناها بالجنزير
    قشت
    رشت
    زرعت
    حشت
    جازيناها بالاهمال
    ردى الاعمال
    وسوء القول وقصر البال
    وسوط السيد الجلاد
    وحمرة عين ابوى
    بالكاد
    تقول شكرا


    *****

    غسلت
    وفرشت
    ربت
    وهرشت
    صفقنالها بالبرطوش
    وسديناها جوة الحوش
    وحجبناها
    بالعكاز
    وبالخرطوش
    جمر العفة ولع قاد


    *****


    حلفت دفرت
    زهجت زفرت
    عرفت سفرت
    قرت الاية ولغة الضاد
    كسرت مرقت
    غربت شرقت
    طفت حرقت
    قابلناها بالنكران
    وبالكفران
    وثبتناها بالاوتاد
    وبالاجداد
    جدى وجدك
    حدى وحدك
    سدى وسدك
    واتحاوينا فى الاسياد
    سيدى وسيدك
    ترفع ايدك
    تشكم حرمة
    انت الفارس المقداد

    *****

    بتك خشت فى التعليم ياراجل ؟!
    جامعة ومدرسة؟!
    قرت الهندسة!!؟؟
    ما سجم امك واختك عاد

    *****


    فتشنالها دروب القفلة
    لبسناها حجاب الغفلة
    سويناها حرمة
    وخادم
    بلعناها الغصة درادم
    برضك نطت
    مرقت
    برقت
    شالت وختت
    قلنا ولية وساكت شطت
    قرت
    اتمطت
    قلعت حقها بى ايدينها
    مشت الجامعة
    والكلية
    مشت الغابة
    والجمعية التاسيسية
    شالت حقنة
    وريشة
    ومدفع
    انت بتدفع اشتراكاتك
    برضو بتدفع
    رفعت علت
    طلت هلت
    ربطت حلت
    ويوم القدلة عديل اتجلت

    *****

    ذى ما انت قريت الجامعة
    هى قرت الجامعة
    وذى ما انت حضرت الندوة
    هى حاضرة وسامعة
    وذى ما انت قصدت المعنى
    هى برضك قصدت
    وذى ما انت زرعت
    حصدت
    هى زرعت وحصدت
    انت رعيتها سعيتك وبهمك
    رعتم زيك
    شغل فهمك
    شلت المونة
    شالت زيك
    قلت تربى لى اخوانك
    ربت اخيّك
    انت حفيت فى دروب الدنيا
    تربى وتسعى
    حفيت زيك
    واكتر منك
    شالت ليك اولادك تسعة
    وقفت تناضل ضد الظلم
    وترفع راية الاصلاح
    وقفت زيك
    وغزت كوعها للسفاح
    اعتقلوك فى بيت اشباح
    اعتقلوها ف بيت اشباح
    وزى مالراجل مشى واستشهد
    وسجل موقفو ضد المشهد
    مشت استشهدت
    انت بتشهد

    *****


    يالخمسين
    تاجك فوق راسنا
    وعيدك يامّ العول اعراسنا
    ناذن ليك من فوق مسجدنا
    وجوة كنيستنا
    تدندن اجراسنا
    الظلموك ظلمونا كمان
    والباعوك باعو الايمان
    والحرموكى نسيم العافية
    شالوا العافية من السودان

    2002
                  

03-27-2005, 10:21 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    متمحن بقيت

    اطوف بى خطوتى الفترانة
    من بلدا عجم طيرو
    الى بلدا مكتف حلمنا الدفيان على سيرو
    وانوم بايت القوى وشريانى مفتوق مندفق خيرو
    افتش فيهو ما القاك اكوس غيرو
    * * * *
    افتش فى تلافيف الفرح القى الوجع ممدود
    اقلب فى مخالى الذاكرة وتر الذاكرة ما مشدود
    اعاين فى جيوب الزمة بحرا مفترى ومسدود
    اتاوق فينى جوة المكنة متمحن بقيت وسط التروس معدود
    * * * *
    اذا انفجرت شرايين الغنا الدسيتو ماغنيت
    اذا ناديت هواك وسط الضباب ناديت
    اذا حمت البلاد الظالم اهلها كست ماخليت
    اذا عنوانى ودرتو عناوينك بقت ياريت
    * * * *
    2002
                  

03-27-2005, 10:28 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)


    بواقى الكحة

    البحر
    يتم جزاير الوردة
    لما الموج حسر اكمامو
    فات قدامو
    لى ندامو
    حاضن بالتلاتة حرامو
    ياشاقينا
    يانديهو بت السكلبت فينا
    انفرد شلال مآقينا
    انتماءاتنا التتاوق لينا
    من جوانا
    تضحك مننا
    وتمرق لسانها
    وحتى لما الليل برد
    والبارق السارق حرد
    نزل العشق دقانا
    والمستورة فى حيشانها
    كان مرقت تقش عريانه
    والطيارة جات مليانه
    افرنجين وافرنجات
    ويا كمرات
    ونضارات
    وبالزردية
    يا( بر) عمتك لبنية
    حمد النيل وفينا الفات
    ومن ابعنجة لى شمبات
    ومن بيت التكب اهاتها
    فى قدح المرق
    فى قلبو يتفصد عرق
    عميانة والراتب فرق
    ناولينى شاى يا بت اخوى
    خلى الندلدل عمتى
    ونلحق بواقى الكحة
    كان تنجينا
    من صمة خشمنا اتلبست فينا
    ويبس ريقنا
    ودفق شلال دمومنا النازلة
    زى جدول مرق من البحر ناشف
    وخلى السمكة تتلفت ممحنه مننا وفينا
    ولا دما نكفر بيهوغلطاتنا
    ولا دمعات تغطينا

    2002
                  

03-27-2005, 10:43 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    قلب السنط

    انجم ياقلب السنط
    واتكيهو عودك
    وانبسطلك حبة بى الضل الرميتو مدى المهابة
    وفجأة .. هجرت عصافير المدن اخلاقها
    وانتسبت زهور النيل الى فئة الغلابة
    والشوارع ماشوارع
    والحيط ملصت تيابها
    ويمة .. يابة
    اتغيرت نغماتها
    لاوازا بتفر جنحاتها
    لاعود
    لاربابة
    وعم سيل الاسئلة الحيرانة
    مالاقيالها لو عبار اجابة
    وغطى طايوق المساكن
    واحة واحة
    وغابة غابة
    وانت ياقلب السنط مبسوط
    اذا العتبات علت حبة
    وبيوت الطين
    حدايد وزنكى
    منصوبين محل ماكنت بابها

    2004
                  

03-27-2005, 11:50 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)


    صيغة منتهى التابوت


    (بداية)

    ساحبنى لى وين يازمن,
    سايقنى للجزار,
    ورا الشهوات,
    تتاوق فينى.... تفحصنى البنيات العمن.
    امرق وراك,
    افضح عراك,
    القاك براك,
    يقدل وراك,
    ضلك.. ختام الانجعاص.
    تلفحنى بى ايدك,
    ضراعك مدفع المكسيم,
    صويبعاتك رصاص.
    واتوسد احلامى واموت.
    عديتها صيغة منتهى التابوت.
    وخليتن وراى حيط البيوت,
    مشوار ازاى,
    خطوة حزاى,
    يافقرى..لاتعذب عزاى.
    الخيمة جاهزة,
    سؤالك الشاقيك,
    نكيرك ياعبد راجيك,
    غلاطك مابخارجك,
    وين فصاحتك ديك.

    (نهاية)

    وحاتك يااله المعدمين متمحنين فى السهلة لاضل لاضرا
    ياقدر ماحاولت امرق من انوف الزمة
    تشفطنى المخاخيط لى ورا

    2004
                  

03-27-2005, 12:15 PM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    عبد واغلف

    مهداة الى الاخوين الصديقين العزيزين
    البرلمانى جوزيف موديستو والكومندان ادوارد لينو


    الجزء الاول


    اذا دسناهو بالمركوب
    اذا رصينا فوقو الطوب
    اذا قشينا بيهو وسخ ضمايرنا
    وسلخناهو
    وسحلناهو
    وكتلناهو
    وكمان عبينا فى اكياس
    وبعناهو
    شن طعمو
    عبد واغلف

    اذا غرفنا بلاعاتنا
    حفرناهو ابيارنا
    ادبخاناتنا
    وسنيناهو
    بنيناهو
    زنيناهو
    حتيناهو
    ذى شجر النبق والدوم
    اذا حقرنا يوم ورا يوم
    اذا اتمترسنا ورا حيط العدم والنوم
    اذا كبينا فيهو اللوم
    اذا قسمنا بيناتنا الفتاوى المرة
    بعنا اخيتو بي شرعتنا
    حللناها لى متعتنا
    شن طعمها
    وشن طعمو
    عبد واغلف


    اذا دسناهو بالجزمة
    اذا كتفنا ذى حزمة
    ومطيناهو ذى لستك
    وسويناهو بس سببا ورا الازمة
    اذا فرينا ذى التوب
    وطبقناهو
    واتحزمنا بى وجعو الكبر وصمة
    وشلخناهو
    ملخناهو
    فلخناهو
    شن طعمو
    عبد واغلف


    اذا قفلنا قدامو السكك
    لا قراية لا تعليم
    اذا دحرجنا ذى برميل قديم
    وخليناهو محصور بين زقاق السين
    وخور الجيم
    اذا لعبنا
    او خلينا برة التيم
    اذا اتعلم
    اذا اتكلم
    اذا اتالم
    اذا على
    اذا دلى
    اذا صلى
    اذا اتولى
    اذا قد السما وبيناتنا اتدلى
    عبد واغلف
    شن طعمو


    اكان بقى قاضى فى الهيئة القضائية
    اذا اتصوف فرش سجادتو
    او جراها الفية
    اذا كالم
    اذا سالم
    اذا ناضم
    اذا اتبطر
    اذا اتنطر
    اذا اتشطر
    اذا طلع اول العالم
    عبد واغلف
    شن طعمو


    اذا اتخرج بقى محامى
    اذا اتعين سفير فى دولة عظمى
    او سكرتير فى بلد نامى
    او اصبح حتى مندوب للامم سامى
    اذا اتظهر
    اذا اتشهر
    اذا اتبهر
    اذا اتطهر
    عبد واغلف
    شن طعمو


    لا بنصاحبو
    لا بنساحبو
    لا بنلاعبو
    لا بنداعبو
    لا بندخلو بيوتنا
    لا بنشيل معاهو الفاتحة فى موت امو
    لا يعزينا فى موتنا
    اذا اكل اذا شرب
    اذا اتقدم اذا اتهرب
    اذا لحن اذا طرب
    اذا سافر اذا اتغرب
    اذا فرنج اذا اعرب
    اذا فرتق اذا كرب
    اذا صلح اذا خرب
    اذا اتجرب او اتدرب
    مابنديهو بنوتنا
    عبد واغلف


    مارس 2002










    الجزء الثانى

    مخير الله فينا
    ونحن مخيرين فيك
    وكت ادانا قدرة
    نبيعك ونشتريك
    زمان جلابة جينا
    وسهلنا الطريق
    بى دينا وسيوفنا
    كابسنا الفريق
    شول ومجوك وميرى
    عبيد وخدم حريق
    واحمد وطه وامنة
    اسياد الرقيق
    وشن طعمك
    عبد واغلف

    سنينك مرة
    محصور في اساك
    طموحك حدو بابنا
    وتتلفت وراك
    كايس للدبارة
    ومتيمم ثراك
    شحنوك درجة رابعة
    بقيت قاعد براك
    قدامك صفوفا
    تنقح فى قفاك
    الراجل شمالى ومسلم
    يجي اول ازاك
    نسوان الشمالى
    غنم ياكلن عشاك
    ثم القبطى
    فيشان لونو
    ما قاعد معاك
    وتجى فى الاخر انت وبقرك
    ان كترت
    او قللت
    شن طعمك
    عبد واغلف

    مكتف بالدغينة
    قلنا الانجليز سووها فينا
    دخل مستر فلان
    نكت الاحاسيس الدفينة
    مستر جانا
    بى طربوشو
    بى خرتوشو
    عبى جيوشو
    جهز حوشو
    فرشنا العناقريب بى ملايات الغبينة
    مرق مستر فلان خلا السفينة
    بى بابورو
    بى طابورو
    بى دبورو
    بى قنبورو
    خلا وراهو مستر اخينا
    مستر مننا وفينا
    مستر صدق الشينة
    بى طاقتو
    جلابتو
    ياناس اتو
    مالك يحتو
    ستك وستو
    جهز بتو
    لى ود عمها
    اللون لونا
    والدين دينا
    خلاك ياعبد
    تنقز براك
    الشوق هراك
    والجوع براك
    تاكل خراك
    والموت وراك
    وايه يعنى شن طعمك
    عبد واغلف

    اذا قبل المصير
    او دانو
    او شجبو
    اذا غطغت كوابيسو
    واساهو المر
    اذا دساهو
    او حساهو
    اتناساهو
    اوجساهو
    كان وراهو
    او حجبو
    عبد ود عب
    اذا عجبو
    وكان ماعجبو
    داك باب البلد فاتح
    وداك جرح البلد ناتح
    هبوب الفرقة بتكاتح
    وطن مكسور شراعو
    ونار الحمى موقدة شراه
    عبد مكسور ضراعو
    وديمة مجدوع بى وراه
    قلنا البلد هيلنا
    ونسايم القعدة
    تمسك فى ضراه
    جدى اشتراه
    وسمحنا للعب يجري
    فى سككو
    ولابنبقى زينا قامة واحدة
    ولا بنفكو يسوى ليهو وطن براه
    حكم القوى
    المابستوى
    غير ملتوى
    وايه يعنى
    شن طعمو
    عبد واغلف

    مايو 2002
                  

03-27-2005, 12:35 PM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)


    سباعية الجماعة الكسرو الجرة

    ملحوظة غير هامة:
    ترتيب الترقيم فى هذه الاغنية لاعلاقة له البتة بأية فلسفة أو ايدولوجية أو اية فكرة
    من اى نوع فهو فى البداية والنهاية ترتيب والسلام لذا لزم التنويه

    (3)

    الشارع اطول من احزان المدعوكين فى الحواشة
    الشارع مليان دياشة
    وعواميد نور مطفية
    وناس تتجارى ورا معاشة
    واحد شايل سرواله الناصل ومقشاشة
    وواحد واقف يبرم فى شنب الامباشى
    وجماعة بفرفرو تحت الكماشة
    وسكران ماهاميهو الحاصل
    واقف فى الخط الفاصل
    مابين الزمة وسيد السروال الناصل
    وبشاغل فى بنية ملفلفة زى قرطاس السكر
    الجوع اتدفق من عينيهو
    قزاز النضارة اتكسر
    تلميذ شايل كتبو ف سرج العجلة الورانى
    دقش البت الزى قرطاس السكر وقع اتكسر

    (9)

    ما طلحة براهو الكسر الجرة
    واحد شايل اخلاقو ف صرة
    وواحد شايل اخلاقو ف شنطة مستفة بى دولارات جايبها من برة
    وواحد شايل اخلاقو ف ستيانة بتو
    وواحد نسى اخلاقو ف رف الحمام
    شال شوالو وسافر جدة
    وواحد ماكانت عندو الفرصة عشان يعمل اخلاق بى مليم حتى

    (2)

    الزول الشايل اخلاقو ف ستيانة بتو
    ساق الولد الدقش البت الزى قرطاس السكر
    وداهو التمنة..الضبطية..المركز..سميها حسب كمية اخلاقك
    الضابط كانت بايته معاهو السكرة
    وبشرب فى القهوة المرة
    دخل الزول الشايل اخلاقو ف صرة
    وبكورك
    - ياناس ..ياعالم ..
    نشلونى..
    اخلاقى اتنشلت.

    (6)

    طنّـت ضبانة معلقة فى شرك العنكب جوة الزنزانة
    قرقر واحد مقبوض فى قصة جبخانة وماجبخانة
    ضحكت واحدة هناية وست انداية
    وقالت
    - يادوووب اتنشلت ؟
    واحد مقبوض فى جناية اتجار بالقصّـر
    قاليهو تستاهل
    شايل اخلاقك وحايم فى السوق
    عميان مـنّ البنك او البوسطة؟
    واحد زمّـتو سوسته
    ساق الولد الدقش البت الزى قرطاس السكر
    وداهو الشفخانة..
    المستشفى..
    عيادة..
    تسميها حسب مفهومك للمادية( الدجلية)
    وموقفك التاريخى من الخصخصة
    والاستثمار الرأسى.
    يازول.. قول الدكتور تاوق جوة دماغ الولد المفتوح للعامة
    وشخبط فى الورقة القدامو كلام بالسنسكريتية الفصحى
    وقال للشافع..
    - عندك قرحة
    ولازمك عملية استئصال كلية سليمة
    والمشترى جاهز..
    ودولاراتو تناهز
    خمسين فى المية مقدم
    وتلتاشر بعد العملية.
    الود ضّــربها فى مخو..
    - والباقى؟؟
    - باقى شنو كمان..
    حقى وحق المستشفى خمستاشر
    وزكاة الفطر تمانية
    وزكاة الانعام وتبرع لبناء مسجد تانى جوار المستشفى
    خلاص.. مية المية
    حنسوى العملية
    اذا وافقت..اذا ماوافقت
    القانون واضح
    والواضح مافاضح

    (1)

    الود قام جارى

    ($)

    سكّــوهو تلاتة تمرجية
    وبوليس حركة
    وسمسارين
    والناظر

    (10

    اوعك تسألنى عن الناظر دة منو
    ومن وين
    ودخل كيفن
    اهو ناظر لاقيتو ف نص القصة
    حليو وقيافة
    وقندف
    وما مشغول بحكاية دوران الماهية
    من الجيب للغيب
    عندو مصادر سرية
    وواصل لى اقصى حدود التموين
    اذن مامهم نسأل عن اصلو وفصلو وجاى من وين

    (3 مكرر)

    الناظر قال زهجان من ازعاج الشفع فى المدرسة
    والمدرسة بس حوش
    ومكيتب مامعروش
    وقطاطى بروش
    يازول تووش
    الشافع دخل المدرسة
    تلبوا ستة تمرجية وراهو
    الكانو تلاتة
    استثمرهم الناظر فى مشروع خيرى
    مرابحة يمكن
    اصبحوا ستة بفضل الله
    وفضل الدعوات المبروكات
    من جمهرة القايمين الليل
    جزو منو عبادة
    وجزءا عادة
    حراسة كبرى
    ودوريات

    (أ)

    الفات الفات
    قال وانا مالى
    طلع طوالى
    والهون
    ضرب السَّــل فون
    والزول السافر جدة
    شوالو انقدَّ
    والبت الزى قرطاس السكر طلعت حامل
    وفى شهرها العاشر
    والعرقى الشربو الضابط كان داشر
    والسكران لسع واقف فى الخط الفاصل
    والصورة بقت مهزوزة
    ضبابية
    مكهربة
    والشارع اطول من احزان المهزومين فى الحواشة
    ومليان دياشة
    وعواميد نور مطفية
    وناس تتجارى ورا معاشة
    ...........................
    .............................
    .............................
    سجن كوبر1981
    عدلت بواشنطن2004
                  

03-27-2005, 01:00 PM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    مانسى


    معذب ديمــــة قــلب الصــحارى * وســـاكن شوكو ورد المكان
    يضــــاحك الالفة والـــغيم يبارى * ومكتف فى الزمن اللى خان

    ماقسى ولانسى

    تسوقو الشمس طرف العصارى * لــــعلو يـــــلاقى بر الامان
    قصـــرا ولا تحـــــت الكبــارى * براهو النوح وفى همو كان

    ماقسى ولانسى

    رافــــــع للــحــــــرية صــــارى * وماهــماهــو جــور الزمان

    *****

    شـبع وجع السـنين من خضارها * سرح وحــى الالم فى السلام
    تصــوم كل المــدن فى انتــظارها * وتــفطر بى صـحف الكـــلام

    ماقسى ولانسى

    قلـــيبى الكايــــــــــس للدبـــــارة * مـــــــستف بـى وجــــع النظام
    محاصــــر ومهزوم بالشـــــطارة * ومكـــتف من زمــن الــــفطام

    ماقسى ولانسى

    يــــلاوى يقـــاوى نـاوى الطهارة * ومــتيـمــم زوايـــــا الظــــــلام

    نوفمبر2003
                  

03-27-2005, 01:17 PM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    دارفور

    شمس انسرقت
    وناس انفرقت
    غبنا مرقت
    وسحب انشرقت
    مدن انحرقت
    ومدن اندفنت جهة الفور
    ياماشين فى شارع الزمة
    وياواقفين للموت بالدور
    اعدل جبتك المقلوبة
    وسن سكينك وقع التور
    بت الزاندى ابت تتحجب
    والعسكر واقف طابور
    وامك رطنت بالافرنجى
    وحرف العلة وقف فى الزور
    والجغرافيا انقلبت سيجة
    والتاريخ بقى شاهد زور
    نامت جوبا فى احضان دجلة
    ولبداليانكى ف قلب الخور
    كلم ربنا موسى اساغة
    بقت النوبة ف جبل الطور
    امدرمان يانجف الشيعة
    والبشمركة ف نهر الجور
    يفرضوا سدها فى نيفاشا
    ويوسعوا قدها فى دارفور

    اغسطس 2004
                  

03-28-2005, 03:20 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    شَرَد المُلاَّ


    وقعت فينا الصاقعة
    الراقعة
    الخبر الفالت ذى الجلة
    دمر بلدا
    يتم ولدا
    جيلا كامل
    وطنا هامل
    قطع ايادى
    ودجلا بادى
    ودلّى وعلّى
    وخيبة الرجا فى الجوف تتدلى
    وشرد المُلاَّ

    يأذّاناًََ كبَّر وأذَّن
    وياتاريخ الغفلة مخزن
    ويانسوان الشهدا اتعزن
    ويا أيتام فى نفوسنا اتحزن
    وكم شهوات فى النار اتلزن
    وكم طاغوتاًَ بيْنَا اتسلى
    وشرد المُلاّ

    قال لى ناسو فريضة جهاد
    جاهَدوا ماتوا
    استشهَدوا فاتوا
    وفى الخلا باتوا
    عريسنا حلاتو
    همَّل مرتو مع الاولاد
    رهاب الحور العين راجيات
    والغلمان يخدمو فى الشُلة
    وشرد المُلاَّ

    من طالبان وللكيزان
    ومن كابول ولى قيسان
    نفس اللحية والجزلان
    والتطفيفة فى الميزان
    ناس بتموت بدون احزان
    عشان الجنة وفى شان الله
    وشرد المُلاَّ

    ياطابور الشُهدا تميل
    وترفع صوتك بالتهليل
    يالوعدوك بالجنة عديل
    بُكرة المُلاَّ ف (شارع النيل)
    خوفى يفتش كهف بديل
    وجبلاًَ يعصموا من السيل
    ويقلع حُلَّة
    ويلبس حُلَّة
    وشرد المُلاَّ
    وشرد المُلاَّ
    وشرد المُلاَّ

    ديسمبر2001
                  

03-28-2005, 03:26 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)




    صاروخ من غير راس

    ياشايل تابوتك فجرية
    وحايم من شارع لى شارع
    كايس للموت
    ياملبوس بالقلبة
    علاجك برَّة التابوت
    يامهضوم زندية
    ومبيوع بالحملة
    وتمنك فى جيب الطاغوت
    الحرِب
    الدرِب
    انكرٍب
    الكوم بى كم.....
    والدُقَّة بلاش
    والقاعد برَّة التابوت لامات لاعاش
    السُّل
    الضَغِط
    السكرى
    والشلل الرعاش
    ابشر بالخير
    الفرج الجاك
    سبحة ومسواك
    والحور راجياك
    الفَهَم
    البَهَم
    الوَهَم
    الشالك ختَّ سلاحو وراك
    دقش الخلا
    ضرب الكوراك
    صنقع ودنقر
    فرشخ وصنقر
    ضرب المنقة
    ولفَّ كمنقة
    الفتوى بتمرق مسطولة وبى دُرَّابها
    قال تعالى
    وقال.. وقال
    وقـُفـَّة مقالة
    الجارية حلال
    والماشة حرام
    والعهر ندق اعناقو
    ( ورا وقدام)
    الشحدة حلال
    والنظرة حرام
    والقعدة حلال
    والفكرة حرام
    وحلال وحرام
    وحلال وحرام
    يالابس توب جدك تحت البدلة
    الفكرة تقدك يوم القدلة
    دمــَّك مسهوك
    فكرك مسفوك
    جلدك منهوك
    ومعمم بى ذنوبك
    اطلع من توب غيرك
    البس توبك
    سرطان الوهم اتحدَّر نازل سيـَّافى
    مشوار البهم اتدردق طالع من مافى
    الكون اتشرنق فى زنزانة
    وخجل الدنيا منافى منافى
    لاكهوف العصر الحجرى تلمك وتأويك
    ولا موية طوفان نوح حتغطى مساويك
    ياعايم برَّة الموية
    وساكن فى ركن التاريخ
    الناس بتفكر تبنى مساكن فى المريخ
    والحور العين قفلت تفكيرك بالسيخ
    الوعظك غشاك
    دفق فى عقلك جـِنـُّو
    المسلم من سلم الناس مـِنـُّو
    والمسلم مسؤول من حق الناس
    ياقنبلة بشرية
    وياصاروخ متوجه من غير راس

    يناير 2002

                  

03-28-2005, 03:30 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    الخيول


    بي نورنا
    بى فانوسنا
    بى شمعتنا
    بنسوى السمح
    بين الشعوب احنا الخيول التنجمح
    وبين الخضار احنا القمح

    تبت يدا حاكم ظلم
    شعبا اذا مسك القلم
    مابنسج الشقا فى العلم
    ولا بعرف الخوف والندم
    لابيسرق احلامو العدم
    ولابقبل يسجد للصنم
    ولابشتهى القراصة فى ايد الامم

    تبت يدا حاكم سرق
    تبت يدا دجال مرق
    واستاسنا بى احلام ورق
    يادمنا اليوم اتحرق
    واستهلك اعراضنا الارق
    براقنا فى الاكوان برق
    واشرف مقاصدنا العرق


    تبت يدا ذئبا عوى
    طلق كلابو ولا ارعوى
    تبت يدا حاكم نوى
    واختار طريق اللولوى
    اقدامنا منطلقات سوى
    ايدينا تنسج فى الهوا
    لحن الشهادة وماحوى
    لاعيش ولاكراس ولاحق الدوا
    شعبا من الذل ارتوى

    والشينة كضبناها
    بى تابوتنا
    بى نبوتنا
    برة بيوتنا
    كايسين موتنا
    بنسوى السمح
    وسط الشعوب احنا الخيول التنجمح
    ووسط الخضار احنا القمح



    بيوت الاشباح
    ديسمبر1990

                  

03-28-2005, 03:39 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    مخاطر شعرية



    1- ثقافة

    حى قيوم وقيوم حى
    اذا عتبات بيوتنا اتوحمت للضى
    اذا ترباس معارفنا انقفل فى فكرة راجية الرى
    اذا حاصرنا حتى غنانا
    فى علب المعانى الخايبة
    والمدن المكهربة بالكلام النى
    لاغازلنا بت جيرانا فهمت شى
    ولا فهمن بنات الحى

    2- انبهار
    بتحبو شان مبهورة بيهو
    وبالكلام من خشمو يترترت
    اذا خشمو الكلام فقعو
    يكعوج فى عباراتو
    وتقول بلة الكلام نقعو
    تغرود ليهو بى بسماتها فى الندوات
    ويسبل ليها فى الكلمات
    تقول اتنين مساطيل
    لفوا ( نص )
    ضربوهو وانصقعو
    ولو عاينت فى الامثال
    تجد ان الطيور على اشكالها ( وقعوا )

    3- نصيحة

    كفكف سؤالك يا وطن
    غشت المسافة اخيتها
    مرقت عيونك حيتها
    لاتسأل اوراق الخريف عن نيتها
    لا الوردة عن ماهيتها

    4- الجثة

    ياجثة هذا الملك,
    المحمول على اعناق الخوف,
    تدثر من خوفك بمزيد من عثرات القسوة والجبر.
    ان الموتى لايرعبهم نهش الجثة او نبش القبر.
    ياملكا ميتا منذ دخول الجندى الاول,
    حتى اخر سطر فى كراس الصبر.

                  

03-28-2005, 03:44 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    شكـــوى


    الباقى كم،
    ياحضرة المولى الكريم
    قدرت فى عمرى الاضافى.
    العمر دفق سنينى ورا الرهاب الفى المنافى.
    وكلما السنوات تعدى..
    اعد وراها..
    والقى كل الشلتو من الدنيا مافى.
    ويا سؤالى الابتديت بيهو الاجابة.
    والاجابة استعصمت خلف الجبال الغادرة،
    وانفجرت مواسير الكلام، برقت.....عوافى.

    ياغناى اتغطى بالصبر الجميل،
    واحلم ممدد فى نهايات القوافى.

    و..يا انا ..
    آخ.. يا أنا
    السويتة فى روحى
    وطبزت صباعى ...بى عينى.
    شكيت للدنيا من ظلمى،
    ومن همى،
    وود عمى،
    الهدر دمى
    وابى يسميه!!
    وسعيت بين الشعوب اتسول المأوى.
    لقيت كل الشعوب مظلومة!!
    يا.. جياشى..
    يا.. كباشى..
    يا جاى ماشى..
    بى صندوقو،
    فايز فوقو..
    مية المية..
    شايل روقو..
    كان بالصح او التزوير..
    كسرت الزير.

    ورا المدن المغلفة بالغنا الناعم،
    اذا هجم الخريف زانها.
    لقيت الناس
    مدسدسة جوة احزانها.
    ولقيتنى اضارى نفسى وراها،
    بى غنواتى واوزانها.
    ولقيت الناس تضبح فى زعاماتها،
    وتنتف ريش غنيواتها،
    وبعض الناس تبيع اماتها،
    شان تضمن لقيماتها.
    وبعضا يشترى
    وبعضا كرى.
    ان بالايجار المفترى،
    وكان عسكرى او مزدرى،
    ولابس جلاليب الطمع.
    صنقعت.
    فى حلقى السؤال طوب اجتمع.
    كسرت حيطان الاضان،
    وسعت مجراهو السمع.
    جانى الكلام برقا برق.
    تعذت بى رب الفلق،
    من شر ما فى الكون خلق.

    شهدت واتشهدت.
    اتنهدت واتوهطت.
    دفانى الصفار غطى السبيط.
    يابقعة المطر السليط.
    فعلا بسيط،
    قولا بسيط.
    الجدعة والزمن الوسيط.
    بيت القصيد....
    يا أمة شبعت فى العسف.
    نقدت عصافيرها الاسف.
    حلم اتنسف.
    وحتى الشمس نورها انكسف.

    دخل العشق حلتنا.
    اتضارينا فى بيوتنا.
    تلب علينا الحوش.
    غتينا بنوتنا.
    كشف الغطا وشالن.
    دخلنا تابوتنا.


    يناير 2005
                  

04-12-2005, 08:19 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
عصب المدينة (Re: abdelgafar.saeed)

    الى تماضر شيخ الدين ونجاة محمود

    عصب المدينة


    سلمى الريح الرسالة.
    سلمى الصوت البطن جوة المغارة.
    سلمى الباب المتاكى،
    الشبابيك،
    الشوارع،
    والليالى الباردة،
    والطين والحجارة.
    وزفة فى السوق شايلة "...ياهو..."،
    وساكة امباشى وحرامى..
    وصوت سكارى.
    سلمى البحر الاشارة.
    سلمى التلميذة فى فصل البروش،
    الاردواز.
    الحصة.
    واديها الشطارة.
    سلمى البحر الرسالة.

    اشتهيت الضحكة منك عامرة جاية.
    وشايلة حبة.
    هابة بالود والمحبة.
    زارعة فى دفتر مبيت الريد حكاية.
    البيوت.
    السكة.
    مشوار الاماسى القاسى.
    والزحمة المدبسة بالتوتر،وبالبكاسى.
    بالحذر.
    بالضيق وبالناس العرايا.
    اشتهيت الضحكة منك، تمسح العرق، البرجع حزنى لى خط البداية.
    واشتهيت ريحك يفتح لى عمايا.

    افتحى الدفتر واكتبى:
    صورة اولى..للطفولة.
    للزهور.
    للجدول العرقان.
    وللالوان.
    وللسحب المزخرفة،
    والفراشات الخجولة.
    صورة تانية..للحرامية الزبانية.
    للصعاليق.. للمطاليق.. للسجون، بتمص دم الشافع فى ثانية.
    وصورة تالتة.. لى ملامح منك انت ومنى.
    رويانة بتغنى.
    بالتمنى.
    عن امانى الرحلة فى الدنيا البعيدة.
    عن قواسى الشيل،
    هموم الليل,
    سموم الغربة،
    والنسمة الجديدة.
    وعن.. جمالك،
    لما مرة تهبى من جوة القصيدة.
    وعن.. جمال نفس القصيدة.

    سامحى صوتى المّرة رقرق.
    العيون مرات بتغرق،
    لمن اتعب واشقى واعرق،
    وتمشى لى غيرى بالمباهج.
    سامحى دمعى الطلّ ناهج.
    سامحى احزان القوافى.
    الطبول سلكت منافى.
    وراح زمن حرفا يعافى.
    وحتى فى السوق مافى.... مافى.

    انت ياعصب المدينة.
    ياعماراتها وبيوتها اللسة مانشف نهار الخملة طينها.
    وانت تهواك سكة الاسفلت،
    وسوقها،
    وجامعها،
    وناسها الموتّرة بالسهر، والغم،
    كوابيس الغبينة.
    وانت تهواك البيوت فى الريف.
    قطاطى القش.
    رواكيبها.
    وشقوق آفاتها،
    حصحاص الشوارع.
    وانت تهواك المزارع.
    خضرة اشجارها الفوارع.
    زينة، والخيرات سجسنة.

    هبى يا أيام عليها.
    وأحكى ليها.
    عن الم خيّم علىّ،
    وهسة هارب من وشيها.
    عن مغص سنواتى،
    كان قادل على سكك الزمن،
    مختال...
    وفكّ السكة، خايف من مشيها.
    انت إرثى.
    وانت حرثى.
    وانت ارضى البرعَى فيها.
    ولسة خايف من ثمارها المشتهيها.
    انت... انت الملجأ اللمانى من وسط الخرابات المقيمة.
    انت آخر رحلة فى قطر الهموم المستديمة.
    بيها ارتاح،
    فيها انجم.
    يسقط الغم.
    يسقط الهم.
    يسقط الوجع الخزن فى روحى من جم.
    وتحى انت....
    وحبك يسلم.


    كسلا - 1979
    واشنطن- 2005
                  

04-12-2005, 08:27 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
جنجويد (Re: abdelgafar.saeed)

    جنجويد


    محزون.
    ومسكون بالفجيعة، وبالضياع.
    مركون على حيط الاسى،
    ومستنى خير الآخرين،
    فضل المتاع.
    ياما... (أصاَبَكَ وابِلٌ من طَل).
    وعدى عليك نسيم الحل.
    وماذا وهل.
    وكم من خير دقش بابك،
    لقاك مختل.
    وحكامك...
    مدى الأيام،
    بلوغ الإنصياع.
    الشُهرة،
    ثم المُهرة.
    يالخيلك تجقلب،
    مادعا لله داع.
    ايها المفجوعُ فينا،
    نيلك الخيراتو لى تلتك،
    وتلتينك...جياع.


    يناير2005
                  

03-28-2005, 03:51 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)


    ترقبوا الحكى

    المدهش


    الجميل

    (عدل بواسطة abdelgafar.saeed on 03-28-2005, 06:57 AM)

                  

03-28-2005, 04:41 AM

Tumadir
<aTumadir
تاريخ التسجيل: 05-23-2002
مجموع المشاركات: 14699

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    هذا هو عبد المنعم الجزولى الذى عهدناه...من زمن..

    كاتبا متدفقا وقلما ملتهبا..ساخرا ام جادا..فهو مجود لا محالة..

    شكرا عبد القادر سعيد على تقديمه بهذه الكثافة التى تعرف به القارىء...

    وتحياتى الصادقة له....
                  

03-28-2005, 04:56 AM

alfatih
<aalfatih
تاريخ التسجيل: 02-04-2003
مجموع المشاركات: 1150

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    العزيز جدا
    عبد الغفار سعيد

    لك الشكر مرتين فى نقلنا معك عبر النصوص المدهشة
    شكرا عبد المنعم الجزولى
                  

03-28-2005, 10:13 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    شكرا للفنانة الكبيرة القديرة

    تماضر شيخ الدين

    ولسه عبدالمنعم عندوا حكايات حننزلها اعتقد انها حتعجبك

    مرة اخرى شكرا لك على تشريف هذا الخيط


    كل الود

    عبدالغفار
                  

03-28-2005, 10:18 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    شكرا صديقى الفاتح

    انتظر قليلا وستدهشك ايضا الحكايات التى يكتبها عبدالمنعم

    سانزلها قريبا بعد ان يطلع الناس على شعره



    كل الود

    عبدالغفار
                  

03-29-2005, 03:02 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    أزقــــــــــة

    (1) زقاق ملتوى


    عندما خرج ليتبول فى الزقاق كعادته، لم يجد مكانا خاليا، فقد كانت كل الأماكن الصالحة للتبول مشغولة بجماهير المتبولين.
    قطع الزقاق جيئة وذهابا مرتين، عسى ان يخلى احدهم مكانا له. ولكن التبول كان ابديا، والمتبولون لاينقطع سيل بولهم، ولايخفت خريره عند نقطة التقاءه بالارض.
    تجنب دعوة (عمر البطل) له ليتبول فى المساحة الضيقة جدا بين موقع تبول (البطل) وباب الحديد فى حائط منزل الحاجة (لبودة شندقاوى) او (لبودة الداية) كما يسمونها. ورغما عن ان (لبودة) ليست داية قانونية، الا ان زبوناتها كن اكثر من جملة زبائن دار الرياضة، وقد تخصصت (حاجة لبودة) فى اعادة ما انهتك من أغشية البنات قبل الزواج وتضييق ما اتسع من فروجهن بعده!!
    كان يعلم ان (البطل) لن يكتف بالتفرج على قضيبه الملتوى الى اعلى ، بل سيمسك به محاولا اعادته قسراالى استواء القضبان. اعتذر له برفق مستقيم حيث ان (البطل) لايحب الكلام الملتوى. كان بطبعه يكره الالتواء فى اى شئ.
    (عمر البطل) كان يشكل فى اوائل الستينات فريقا غنائيا مع (دفع الله ودبتول) وكان الناس يعرفونهما باسم (ثنائى العوجة) حيث قدما الى المدينة من قرية (ود العوجة) ريفى (صندقة). وظلا يمارسان الغناء فى الافراح والنواح فى الاتراح حتى مات ( ود بتول ) نتيجة تسمم كحولى.
    اعتذر مبتعدا عن دعوة (بخيتة) المكشوفة. كعادتها كانت( بخيتة) تتبول واقفة عند طرف برميل الزبالة. (بخيتة) كانت تنافس الرجال فى القاء بولها مباشرة على بعد متر ونصف امامها. ومن فجورها فقد افتت بان زواج (عشة اللبوة) من (قسم البارى) التفشكى حلال، رغم ان (عشة) كانت و لاتزال فى عصمة ( بانقا) النجار!! بل وافتت بامكانية زواج (ويصا عبد المسيح) من (فاطمة) الفلاتية مدعية ان الله قال فى محكم تنزيله" الرجل مايعيبه سوى جيبه ".
    مع ارتفاع رائحة النشادر النفاذة، وكل تلك الظهور ذات الالوان والاحجام المتنوعة، تذكر مشهدا قديما لفيلم هندى سخيف.
    دخل احدهم من طرف الزقاق فوق دراجة سوداء تتقدمه عينان زائغتان وحركة ارجل مترددة على بدال الدراجة, وظل يرمق ظهور المتبولين ظهرا فظهرا، حتى توقف شبه متردد خلف (صالح بابتوت) عند باب الزنك القديم والذى كان كعادته عند التبول يجلس فاردا جلبابه الفاقع الصفرة خلفه ودالقا عمامته باسترخاء خلفه كاشفا عن طاقية خضراء تغطى بعضا من رأسه الاصلع. دار حديث قصير بينهما.. الغريب فوق دراجته مستعدا للهروب فى اية لحظة، و(بابتوت) لاينقطع خرير بوله، ثم تبادلا شيئا.. لفافة بنقود او العكس، لتنطلق الدراجة وتختفى عند التواء الزقاق.
    حدثـت المعجزة، هكذا فجأة ، وبدو، مقدمات. حيث ترجل (تور الفجة) من جواد بوله، فشغر مكان. أسرع ليحتله ويفك ضائقته، ولكن حضرة المدير خرج من الباب المجاور مباشرة ولم يتردد لحظة فى الاستيلاء على المكان الخالى واطلق لبوله العنان.
    لعن المدير والمديرين والوزراء وكافة المسؤلين . أى مدير هذا الذى يقف بسرواله الازرق وقميصه الناصع البياض، ليتبول هكذا علنا؟ ربما لم يكن مديرا حقيقيا فى السكة الحديد..ظن لوهلة انه قد يكون مديرا لبقالة او لمخبز او اى شئ آخر ولكنه بالقطع ليس مديرا فى الحكومة.
    (ست ابوها)، ابنة خالة ابناء عمه، خطف حياتها قطار شارد جهات السافل، كان هذا منذ زمن بعيد، ولايذكر ان كان ذلك فى المحمية ام فى الدامر. لعن القطارات المتوقفة والمتحركة فى كافة ارجاء المعمورة.
    تحرك(عثمان ابنعوف) اثناء تبوله جهة اليمين قليلا، فظنه سيغادر المكان، وتأهب لاغتنام الفرصة، متحفزا حتى ان بعضا من قطرات البول قد بدأت بالفعل فى الخروج من مكمنها. امسك نفسه بقوة، فقد أحس بان سرواله قد تبلل قليلا. ولكن (ابنعوف) لم يزد على تلك الحركة. لعنة الله عليك.. أجئت لتتبول ام لترقص.
    يقولون ان (ابنعوف) يتاجر فى الزئبق الاحمر.لابد انه قد جمع ثروة كبيرة. لعنة الله عليك. لماذا لاتبنى لنفسك مبولة خاصة وتترك لنا مجالا فى زقاقنا هذا؟
    عندما تحرك (زكريا الاشول) من مكانه وراح يعيد هندمة نفسه معلنا انتهاءه من عملية التبول، هرول نحو المكان لايلوى على شئ، وقد بلغ البول الذبى. ولكن (زكريا)، ولسبب لا يعلمه احد، قرر العودة لمواصلة تبوله فى نفس المكان. وعندها لم يستطع (قسم السيد) التحمل اكثر من ذلك . لقد تبول فى ملابسه الرسمية!! كان ( قسم السيد) شرطيا سريا، والجلباب الابيض مكون اساسى لزيه الرسمى.
                  

03-29-2005, 03:29 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)



    اسماء


    زكاه لنا ود قسم السيد, التقاه ( قال) فى الحلة الفوق, حيث اشتركا سويا فى بناء بيتين متجاورين لبعض القادمين من الخليج حديثا.
    - هو بناء ماهر
    قال بانقا ود قسم السيد, وهو يمصمص فمه عند الحنفية فى طرف الحوش من بقايا الصعوت الذى التصق باسنانه العلوية.
    قال حسن الفتاة, جارنا, الذى تطوع للاشتراك فى مناقشة التكاليف.
    - نحن لانريد بناء ماهرا, هذا مكلف .. نريد من يعرف كيف يبنى حائطا بطول مترين بدلا عن حائط المرحاض الذى رماه السيل!!
    صاحت امنه عطا, زوجته, من فوق الحائط وهى تمد صينية عليها بعض الاكواب الممتلئة بالشاى الاحمر, وتناولها زين العابدين, شقيقى الاكبر, متمتما بعبارات الشكر المعتادة ثم راح يقدمها لنا واحدا واحدا
    - تفضل يا... قلت اسمك من؟
    تطوع بانقا ود قسم السيد بالاجابة:
    - الضو.. ود ام زقدة
    - ود من؟؟!
    تسائل حسن الفتاة مندهشا بينما احسست بان فكى الاسفل قد لامس اسفل صدرى.
    - زقدة هذه اختى الكبرى من امى .
    قال الرجل فى نبرة من اعتاد على شرح الامر مرات ومرات, فسأله حسن الفتاة:
    - زقدة؟ هل انتم فى الاصل فلاتة؟
    - لا. جدتى لامى نوباوية.. من الجبال, وكانت جارية لجدى وهو جعلى من الشقالوة شرق النيل, شمال شندى وقد سمى امى- ابنته- مستورة. وقيل ان والد زقدة كان هو الاخر مملوكا لجدى فزوجه امى ثم سمى وليدتهما زقدة, قيل لانها رفضت الرضاعة من صدر امى, وقيل لانها ولدت وزبد ما يخرج من فمها وقيل.. وقيل.. الشاهد ان امى كنيت بام زقدة حتى نسى الناس اسم مستورة. وانت.. لماذا سموك حسن الفتاة؟ رغم انه لايبدو عليك- لاسمح الله - علامات الخنوثة؟!
    ضحك زين العابدين, وتابعته انا فى الضحك وهو يشرح لود ام زقدة:
    - خنوثة؟! تعرف ياود ام زقدة, حسن الواقف امامك هذا, يمسك الثور من قرنيه ويلقى به على الارض ويذبحه وحده دون مساعدة!! اظنك لاتعرف انه من شيوخ الجزارين.
    - اصدقك. فمثل هذا الطول والعرض لايمكن الا ان يكون جزارا او ... رباطا
    ضحكنا جميعا, حتى حسن نفسه ضحك
    ولكن لماذا يقولون له الفتاة؟
    -ايييه.. ان هى الا اسماء سميتموها..
    زفرها حسن بعد تنهيدة طويلة
    - ان جدتى لامى هى الاخرى كانت جارية مملوكة لجدى النور ود التلب, من كبار تجار الرقيق فى كوستى. وعندما وضعت جدتى ابنتها الوحيدة- امى - سماها( الفتات) يعنى البقايا, وجدها فى القرآن قال, وعندما جئت انا الى هذه الفانية نادانى الناس اول الامر ب(حسن ولد الفتات), ثم لما استثقلوا الاسم فى افواههم قالوا (حسن ولد الفتاة ) ولا اذكر منذ متى اختفت كلمة ولد من اسمى وصار السائد عند الناس قول (حسن الفتاة) مباشرة.بعد اسبوع جلس حسن الفتاة يشوى لنا بعضا من طيب اللحم الذى انتقاه بنفسه, بينما انهمكنا نحن فى ضحك متواصل من طرائف ود ام زقدة, والتى لا تنتهى. ونحن نشرب العرقى البكر الذى جائنا هو به من اين لا ادرى, احتفالا - قال - بانتهاء بناء الحائط.
                  

03-29-2005, 03:50 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    النهاية


    (لم يكن ليخطر بباله قط ان النهاية ستكون هكذا)
    كانت مريم مختار ، امرأة من نار. حتى انك تستطيع ان ترى عرقها يستحيل الى بخار من سخونة جسدها، ذلك الجسد الذى لو دخله جليد لخرج يتصبب عرقا.
    (كان ناعم الملمس)
    وكان عثمان فضل الله الفنجرى هو الاخر من نار، عيناه يتطاير منهما شرر الفنجرة بلا سبب، وكلماته عند الجد تأخذ شكل الجمر المخبوء فى شرايين البراكين، ولكنها عند الغزل، تستحيل الى جمر معسول.
    (وكان طويلا جدا حتى ان عثمان قدره بثلاثة امتار)هو ورد... وهى وردت.
    لا .... ليس هكذا بالضبط.
    هى جاءت الى المستشفى تشكو اعراض حمل كاذب.
    وهو جاء الى الدنيا يشكو نتائج حب كاذب، جعل ريا عبد السميع تهطل فوق فضل الله الفنجرى ذات دهشة ثم تختبئ دهرا خلف اكمام الورود التى ضحكت حتى بانت نواجزها حين وضع عبد السميع يده فوق يد ابن عوف خال فضل الله وقرئت الفاتحة التى اعقبتها الزغاريد. بعد اقل من عام كانت ريا تقف فى طابور المطلقات ذوات الاجنحة، وفى كتفها تحمل عثمان كثير الصراخ.
    (وكانت الساق قد التفت بالساق فاوجد لنفسه ممرا بين الساقين)
    وكانت كل الاعراض تشير الى الحمل بدء من البطن المنتفخة الى القئ والام الظهر بل وحتى نتيجة فحص البول اكدت وجود الحمل!! ولكن الفحص السريرى اثبت ان الرحم خال من اى اثر لاى جنين بل وان غشاء البكارة سليم تماما ولان مريم مختار ليست متزوجة فقد تنفس ابن خالتها دكتور الناير الصعداء وطلب اجراء بعض الفحوصات الاضافية وتحليل بعض العينات وخرج بنتيجة ان الموضوع برمته ليس سوى اثر لوجبة ضخمة من ملاح (التركين) مع كمية كبيرة من قراصة القمح والبصل غير المطبوخ.
    (وكانت رأسه كبيرة جدا، اكبر من كل الرؤوس التى شاهدها فى الصور والرسومات)
    وعندما اطلقت زبيدة زغرودة عالية مستبشرة بنجاة مريم من مصيرها المشؤوم اطل عثمان من نافذة الصيدلية يستطلع الامر ووقعت العين على العين.
    ( كانت عيناه براقتين ومخيفتين كشعاع صادر عن كابوس ذهبى)
    وتمضى القصة المعتادة، بسؤال وسلام وكلام فموعد فلقاء مع استغلال تام لكون دكتور الناير ابن خالتها، وان ام يكن صديقه الا انهما يعملان و يسكنان يتناولان طعامهما( غالبا) فى مكان واحد.
    (كان فمه واسعا وكان لسانه طويلا جدا ورفيعا جدا ويبدو لزجا جدا)كان من سوء طالعه او من حسنه، سيان، أن رآها فى اول مارس وخطبها فى اول ابريل وتقرر ان يتم الزواج فى اول مايو. وهكذا وجد نفسه قد عاد للانشغال مرة اخرى فى تكملة بيته بناء وطلاء .
    ( كان لونه اصفرا يميل الى الاخضرار، كلون التراب تماما)
    عندما استلقى على ذلك السرير الخشبى العارى من اى غطاء او لحاف، فى ذلك اليوم الباهت، كان ذهنه قد انشغل تماما بالبداية.
    ( فلم يفطن للنهاية، التى،هكذا فجأة، تمددت بجانبه على السرير، فى شكل ثعبان نصفه دخل تحت الجلباب والتصق بجسده، بينما النصف الاخر، والذى يحمل الرأس، امتد قليلا الى الاعلى، ووقف متحفزا على بعد اقل من قدم واحدة، منتظرا اية حركة يمكن تفسيرها على اساس انها شروع فى العدوان.)
                  

03-29-2005, 04:00 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    الموت باستقامة


    - لاتكابس حيا وميت.
    خاطبته اللقية بت التومة وهو يقاوم ملك الموت, ويعافر ويدافر ويزافر مثل زواج وحل فى رمال المعيشة. والناس من حوله يمسكون باطرافه ويلزمونها الجابرة حتى لايموت مكرفسا, كما قال ود دوليب, الامام وهو يشرح للحاضرين والحاضرات بما فيهم ملك الموت نفسه:
    - الزول لابد ان يموت مستقيما.
    قال ادم جبر الخواطر:
    - ولا الضالين امين...
    ضرط ضرطة كبيرة شُمت عفنتها فى غرفة تاج السر اللولية, واخرج استه شريطا رفيعا لالون له كما الماء, رغم تماسكه... كما الدودة, فى التواءه...كما الوعود الانتخابية والبيان رقم واحد, لا اول له ولا اخر.
    ازاله عبد النبى الطباخ بيده والقى به الى الارض. بينما تصاعدت احتجاجات اللولية على مثل هذه المساخر. وتاج السر قد سمى باللولية لانه كان معتقدا فى الظار, وتحديدا ظار الحبش وخواجة ارض الصين, لهذا اشتهر بنظافته النوعية واناقته النسبية وحبه الجم للعطور والبخور.
    خرج ادم جبر الخواطر من الغرفة تاركا الباب مفتوحا كفخذى عروس غافلة, انهمك عريسها للتو فى افتضاض بكارتها, فدخل نوح الله جابو يدمدم كعادته بما لا اذن سمعت ولا عقل فهم, كانه وسط طقوس عشق سرية وضعت كل الاحتمالات فى سلة واحدة وما الفرج الا من عند الله.
    انقطعت الكهرباء فجأة فأصبحت الغرفة مثل بيت اشبح انقاذى لاتملك فيه سوى ان تستنفر ماتملك ومالا تملك من حواس, متوقعا ضربة تأتيك من بين يديك ومن خلفك ومن كل حواليك, وامسك حتى ملك الموت عن معافرته مستنفرا هو الآخر حواسه الملائكية يتلمس بها دامس ظلام الغرفة.
    انهمك موسى العبد فى سلسلة طويلة من سعال, ظن الناس ان نفسه سينقطع بانقطاعها, ثم عاد لمعافرته ومدافرته ومزافرته مرة اخرى بعد ان تلمس ملك الموت طريقه اليه فى ذلك الدامس , وراحت الايدى تتلمس هى الاخرى طريقها الى اطرافه منقضة عليها فى محاولة لاماتته باستقامة حتى دخلت اللقية عليهم بفانوس تكسرت زجاجته وارتخت شعلته وكثر دخانه وتشبحت اضاءته. وتتالت ضرطات موسى العبد, خافتة, ولكن متوالية كمقاومة يائسة من اطراف انقلاب مدحور. فجأة همد جسده وارتخت عضلاته فارتخت عضلاتهم بدورها وصاح ود دوليب بصوت جاء كمخبز الامانة المجاور, آلى وخالى من اى نفع:
    - انا لله وانا اليه راجعون...
    وسرعان ماامتلأت الغرفة بحشد ممن كانوا يتناثرون مثل الخراء اليابس فى تلك الخرابة, وتعالت همهمات ودمدمات ونهنهات ...حتى باغتهم الصوت المألوف :
    - اشرب...
    وخيم صمت مغتاظ..
    - مامات !!
    - لاحول ولاقوة الا بالله..
    - معجزة ألهية..
    - يعنى ربنا يترك كل الخلق ويسوى معجزته فى موسى العبد ؟!
    - يضع سره فى اسود خلقه.
    - ونصرانى..
    - يضع سره فى اكفر خلقه.
    - وما عنده قرش واحد..
    - يضع سره فى افلس خلقه.
    - اشرب ياناس..
    صاح موسى العبد بصوت اوهنته كثرة المعافرة وطول الضراط واشياء اخر.
    - الحقوه بشربة..
    - سبحان الله..
    - الحقوه بكباية عرقى.. ياخوانى
    صاح اللولية وهو يمسك بطرف القميص الساكوبيس الناصع البياض مثل ضمير مستتر تقديره لا احد, والمنسدل جزئيا على جسده العنكوليبى , مثل ملاءة انحسرت بفعل فاعل عن همزة الوصل بينها وبين المرتبة فأفصحت وأبانت عن ارجل السرير المخروطة بعناية وكشفت عن متاع قديم اخفاه اصحاب الدار عن اعين الزائرين , وارتعش مابين فخذى اللقية.
    فقد ود دوليب صبره وحلمه ونسى الدرس والصلاة تنهى عن الفحشاء والمنكر وكل شئ كان يعظ به الناس, فمنذ اسبوع وهم تركوا اشغالهم وتحلقوا حول العبد يساعدوه على الموت باستقامة وهاهو قد اضاع كل مجهوداتهم سدى ولايريد ان يموت !وافلتت من محجريه نظرة ضلت طريقها الى فخذى اللقية المنفرجين قليلا بفعل رداءة المقعد ( مقعد الغرفة وليس مقعد اللقية لذا وجب التنويه ) ورغم خفوت الضوء الا ان اللقية بحسها الجنسى العالى احست ببصره ينهش مابين الفخذين وتبسمت راضية, واخذت تفكر رغم غرابة الموقف فى آلة ود دوليب الاسطورية, ممنية نفسها بليلية اخرى تحته وصدره يرزم مثل خور ابى عنجة فى أوج الخريف, غير ان ود دوليب سرعان ما انقض على موسى العبد وجثم على صدره المعلول وراح يخنق بيديه الغليظتين العنق النحيل حتى تدلى لسان العبد نصف متر خارج فمه المفتوح كنقاش رياضى فى مواصلات عامة, وخرجت كرتان سوداوان صغيرتان من مكمن ما فى اسفل جبهته ادرك نوح بعد زمن طويل انهما بؤبوءا عينيه فصاح فى الامام
    - استغفر يازول.. لاتقتله..
    - قتله الله ..العبد الزنيم
    - الله وفره وانت تريد قتله!
    - اذا عجز ملك الموت عن قبض روحه سأفعل انا نيابة عنه.
    خرجت انا من الغرفة ولم اعد اعرف ماحدث بعد ذلك. وكل ماسمعته وعرفته ليس سوى اقوال وافادات الشهود وسنوافيكم بكل ذلك فى حينه.
                  

03-29-2005, 04:45 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    الحقيقة


    كانت معركة التسجيل لانتخابات نقابة الصحفيين قد بدأت

    - لاتوجد حقيقة مطلقة.

    هكذا كتب السيد بابكر شكر الله معنونا عموده اليومى فى صحيفة الطريق اليومية والناطقة بلسان جبهة العمل الاشتراكى التقدمى القومى.

    - بل لاتوجد حقيقة مطلقا!!

    وهكذا كان رد الدكتور سيد احمد الطريفى الامين العام للحزب الاشتراكى التقدمى ( القيادة الثورية) والذى انفصل حديثا عن الحزب الاشتراكى التقدمى القومى بزعامة السيد النور ابو جلابية القائد التاريخى والمؤسس للحزب.

    مضى الدكتور مؤكدا:

    - ماتراه انت حقيقة يراه غيرك باطل.

    تعتمد الحقيقة على الزاوية التى ننظر منها اليها.

    وحتى الحقيقة البسيطة هى فى الواقع حزبية بحتة، تنطلق من مواقفنا المسبقة، ومن ايدولوجياتنا التى نؤمن بها، ومن قناعاتنا التى نرتكز عليها كقاعدة ننطلق منها لرؤية تلك الحقيقة. ومن نافلة القول ان الاخرين ايضا لهم قناعاتهم التى ينطلقون منها لرؤية نفس الحقيقة البسيطة!!

    قالت صحيفة القبس المستقلة ان الحزب الاشتراكى التقدمى القومى قد قام بتسجيل صحفيين ليسوا اعضاء فى النقابة

    ضرب الدكتور مثلا لتوكيد مزعمه من خلال حادث قيام السيد (ادريس عبد النور) بقتل المرحومة (ازدهارعبيد)، فايا كانت دوافع السيد ادريس فهو قاتل ازهق نفسا حرم الله ازهاقها الا بالحق.

    هذه حقيقة بسيطة.

    نشرت جريدة الاحرار الناطقة بلسان حزب الوسط العلمانى التقدمى القومى قائمة من اربعين اسما تم ضبط تسجيلهم ضمن كشوف الناخبين فى نقابة الصحفيين مع بيان مهنة كل منهم والتى تراوحت بين موظف فى هيئة التلغراف العام وعامل فى مناجم الصفيح فى منطقة هردبوسة جهات جزيرة كنكان

    ولكن مؤيدى السيد ادريس يرون انه قام بالقتل دفاعا عن مثله العليا!!وشرفه وشرف اسرته والتى كانت المرحومة قد لوثته حين قصت شعر رأسها تماما وصارت تشبه الاولاد مما جعل الناس يتهمونها بانها شاذة جنسيا، ولم يكن امام السيد ادريس سوى استخدام حقه ((المشروع)) فى غسل شرفه بنفسه وهذا هو الحق المعنى.
    هذه زاوية اخرى ينظر منها الاخر لحادث مقتل المرحومة ازدهار عبيد.
    ولكن انصار المرحومة ومنهم السيد بابكر شكر الله يرون فى الامر رأيا اخر.

    نشرت الطريق نحوا من تسعين اسما تم تقييدها فى كشوف النقابة نصفهم شبه اميين والنصف الاخر كاملى الامية

    فالسيد ادريس فى نظر السيد شكر الله كان قد قام بالتعدى على حق الاخرين فى التصرف بانفسهم وأجسادهم حيث ان من حق المرحومة ان تتصرف فى جسدها بقص شعر الرأس او العانة او غيره تحت اشراف حلاق او مأذون او قابلة قانونية، لافرق، وليس من حق اى كان ان يحدد لها ماذا تفعل وماذا لاتفعل بجسدها.

    فى اليوم التالى خرجت صحيفة ( النور) الناطقة بلسان جبيهة العمل الاسلامى التقدمى القومى، وهى تحمل عنوانا كبيرا تتهم فيه السيد بابكر شكر الله بانه يدعو الى الفسق والفجور حين قال بان الناس احرار فى التصرف باجسادهم مما يعنى ان من حق الناس القيام بقتل انفسهم انتحارا وهو الحرام شرعا مما يجعل السيد شاكر منكرا لما عرف من الدين بالضرورة.

    دافع السيد بابكر شكر الله عن نفسه بالقول انه لم يدع الى انتحار الناس ولكن الى حقهم الدستورى فى حلاقة شعرهم متى واين وكيفا شاؤوا

    علق فضيلة الدكتور محمود عبد الموجود الخصيم عميد كلية الاصول الاسلامية بالمعهد الاسلامى العربى الافريقى القومى على مقالة السيد شكر الله بانها الاسوأ فى تاريخ الحركات المارقة حيث من المعلوم انه ليس للحاج القيام بحلق شئ من شعره بعد احرامه والا وجب عليه الهدى ومقالة السيد شاكر تنسف ركنا هاما من اركان الحج مما قد يثير فتنة بين الناس

    تقرير لمنظمة الصحافة الافريقية والتى تراقب الانتخابات تؤكد فيه ان تزويرا على نطاق واسع يتم فى الانتخابات

    جاد كريم ابوضفاير قال فى عاموده الاسبوعى فى الغد الواعد ان ماقال به السيد بابكر شكر الله يعتبر تعديا على حدود الله ودعا الى محاكمته بتهمة الزندقة والالحاد واشياء اخر

    التنافس على اشده بين السيد بابكر شكر الله مرشح القوى الاشتراكية المتحدة والسيد عبد المجيد طيب الاسما مرشح الاتحاد الاسلامى الموسع على منصب نقيب الصحفيين وان كانت الكفة تميل الى صالح الاول

    منظمة كتائب الشهداء تدعو الى اهدار دم السيد بابكر شكر الله

    دعت الطريق الى الغاء نتائج النتخابات الانتخابات بعد ثبوت عملية تزوير كبيرة تم بموجبها كسر كافة صناديق الاقتراع واستبدال بطاقات التصويت تحت بصر الشرطة



    دعت النور الى الاعتراف بنتيجة الانتخابات والتى فاز فيها السيد عبد المجيد طيب الاسماء بجميع الاصوات.
                  

03-31-2005, 05:56 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    حى قيوم وقيوم حى
    اذا عتبات بيوتنا اتوحمت للضى
    اذا ترباس معارفنا انقفل فى فكرة راجية الرى
    اذا حاصرنا حتى غنانا
    فى علب المعانى الخايبة
    والمدن المكهربة بالكلام النى
                  

04-02-2005, 08:20 PM

Gazaloat
<aGazaloat
تاريخ التسجيل: 05-14-2003
مجموع المشاركات: 891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    شكرا ياعبد الغفار ولا ارانا الله مكروها فى عزيز لديكم
    وشكرا لجمهرة الغاوين والغاويات

    هذه اغنية قديمة كنت قد عثرت عليها ضمن اوراق ارسلتها لى اميرة الجزولى واعدت صياغتها بعض الشئ
    وأهديها الى تماضر شيخ الدين ود.نجاة محمود


    سلّمى الريح الرسالة.
    سلّمى الصوت البِطِن جوّة المغارة.
    سلّمى الباب المتاكَى،
    الشبابيك،
    الشوارع،
    والليالى الباردة،
    والطين والحجارة.
    وزفة فى السوق شايلة "...ياهو..."،
    وساكة امباشى وحرامى..
    وصوت سكارى.
    سلمى البحر الاشارة.
    سلمى التلميذة فى فصل البروش،
    الاردواز.
    الحصة.
    واديها الشطارة.
    سلمى البحر الرسالة.

    اشتهيت الضحكة منك عامرة جاية.
    وشايلة حبة.
    هابة بالود والمحبة.
    زارعة فى دفتر مبيت الريد حكاية.
    البيوت.
    السكة.
    مشوار الاماسى القاسى.
    والزحمة المدبسة بالتوتر،وبالبكاسى.
    بالحذر.
    بالضيق وبالناس العرايا.
    اشتهيت الضحكة منك، تمسح العرق، البرجع حزنى لى خط البداية.
    واشتهيت ريحك يفتِّح لى عمايا.

    افتحى الدفتر واكتبى:
    صورة اولى..للطفولة.
    للزهور.
    للجدول العرقان.
    وللالوان.
    وللسحب المزخرفة،
    والفراشات الخجولة.
    صورة تانية..للحرامية الزبانية.
    للصعاليق.. للمطاليق.. للسجون، بتمص دم الشافع فى ثانية.
    وصورة تالتة.. لى ملامح منك انت ومنى.
    رويانة بتغنى.
    بالتمنى.
    عن امانى الرحلة فى الدنيا البعيدة.
    عن قواسى الشيل،
    هموم الليل,
    سموم الغربة،
    والنسمة الجديدة.
    وعن.. جمالك،
    لما مرة تهبى من جوة القصيدة.
    وعن.. جمال نفس القصيدة.

    سامحى صوتى المّرة رقرق.
    العيون مرات بتغرق،
    لمن اتعب واشقى واعرق،
    وتمشى لى غيرى بالمباهج.
    سامحى دمعى الطلّ ناهج.
    سامحى احزان القوافى.
    الطبول سلكت منافى.
    وراح زمن حرفا يعافى.
    وحتى فى السوق مافى.... مافى.

    انت ياعصب المدينة.
    ياعماراتها وبيوتها اللسة مانشف نهار الخملة طينها.
    وانت تهواك سكة الاسفلت،
    وسوقها،
    وجامعها،
    وناسها الموتّرة بالسهر، والغم،
    كوابيس الغبينة.
    وانت تهواك البيوت فى الريف.
    قطاطى القش.
    رواكيبها.
    وشقوق آفاتها،
    حصحاص الشوارع.
    وانت تهواك المزارع.
    خضرة اشجارها الفوارع.
    زينة، والخيرات سجسنة.

    هبى يا أيام عليها.
    وأحكى ليها.
    عن الم خيّم علىّ،
    وهسة هارب من وشيها.
    عن مغص سنواتى،
    كان قادل على سكك الزمن،
    مختال...
    وفكّ السكة، خايف من مشيها.
    انت إرثى.
    وانت حرثى.
    وانت ارضى البرعَى فيها.
    ولسة خايف من ثمارها المشتهيها.
    انت... انت الملجأ اللمانى من وسط الخرابات المقيمة.
    انت آخر رحلة فى قطر الهموم المستديمة.
    بيها ارتاح،
    فيها انجم.
    يسقط الغم.
    يسقط الهم.
    يسقط الوجع الخزن فى روحى من جم.
    وتحى انت....
    وحبك يسلم.


    كسلا- 1979
    واشنطن- 2005
                  

04-12-2005, 08:39 AM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    شكرا عزيزى منعم على هذه الاغنية

    الجميلة ، لقد الحقتها برفيقاتها

    اعنى مع القصائد الاخرى فى الاعلى

    وماتغيب

    كل الود

    عبدالغفار
                  

04-12-2005, 01:56 PM

Ali Mahgoub

تاريخ التسجيل: 08-10-2003
مجموع المشاركات: 156

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    عبدالغفارمحمد سعيد و عبدالمنعم الجزولي
    وتران ينشدان لهذا الوطن الجميل
    التحية لكم
    علي
                  

04-13-2005, 03:34 PM

abdelgafar.saeed
<aabdelgafar.saeed
تاريخ التسجيل: 04-17-2003
مجموع المشاركات: 505

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: انتبهوا ! للشاعر القاص عبدالمنعم الجزولى (Re: abdelgafar.saeed)

    شكرا على محجوب

    هل انت ابا شهدى

    كل الود

    عبدالغفار
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de