Quote: يا جماعة الليلة غنية ترباس دي عجبتني شديد ودي طبعا رجعتني لي وراء كتير اذكرت الدارة
العبيد اخوي ظنيتك متوك شديد يا ابوضراع وابو ليك بي اللبن بس ادعو الله ما تجيب لفقرى ببقى ماعندك فرق من ودشيقوق دا جرب كل شئ حتى ابوالريقيع طحنو ...... والله يا العبيد لا توصف سعادتنا بوجودك بيننا ولي قدام يا اللخو
تحياتي ومودتي
04-21-2008, 06:29 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: خالد اخلى الدراب لو ماهو مرارتى كانت اتفقعت دق دق دق سيدى ود الناس... خالد ما تحدر لى برقص برقص
مابخلى الرقيص الا تشوف ايمن دا يعمل لى كادوك يطيرنى من الهجيج والرقيص
ارقصي زي ما دايرا يا وضاحة بس القلنا تسوي شفتي كيف أقله درابة بتقوم شوية شوية خلي حصحاص تمر ما بفلق وبدمي بحدر ليك كان ما رقتي وصنقرتي جنب شيقوق دا هو بدور ونستك
04-21-2008, 06:34 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
أصلو يا هندسة لما يغلبو النضمي بقعد يشبه ويسالم ومرات بتناولوا وضاحة دربات يجدع بيهن وهو راقد تحت سلمو يقابض
لكل الطيبين في الإنجمامة.... صباحكم ورد نسيت اقتبس أفهموها بقى ............... والورد يزين رأسك يا حمامة السلام وزيدي في هديلك وخلي المغبون ينفش ( هسي في زول سمعني انا قلتا شيقوق ) شوفو يجي ناطي كيف زي صاقعة النجم مهوّي
Quote: وين انت ما براك قلت الزول دا
اي والله قلتا كدي يا سماح قمر سبعتين بس ما اتفقنا ندفنو سوا .. ولا تاني ما اكلمك بي شئ سماح زودي لي العيار خلي راسو اجي جنب كرعي
والله زي ما قلتي يا سماح بطفش الحمام ويجي يقول المنسي نهر الحمام مني والله كان شفتي بنبذني كيف في الماسنجر شئ ما بتقال بس بوبا عارف
Quote: يا المنسي....
عليك بالقرآآآآآآآآآآآآآآآآآآن بس !
آية الكرسي... سورة الفلق سورة الناس والأدعية المعروفة.....
حمامتنا والسلام محمول بين اجنحتك هذا هي عقدتنا .. مش فقرى وابوالرقيع بتاعت هناي دا .....
Quote: بس دا تأكيد جميل على الأستمراريه .. وده المرجو منكم دايماً
منسينا الكلس : دارك ديمه عامره ... والسمح ما بكعب
ابي بكر السنجك يا احلى من لؤلؤة بضة دارنا عامرة بكم يا حلوين والله ما بتصدق الكم من سعادتي بلمتكم هذه والله أحس فيها كل شئ جميل وليت ربي يحققها يوما عليك الله الصفحة الجاية اول شئ ينزل فيها حاجة جميلة تختارها لنا وبصوتك اتفقنا ولا رجعة
Quote: هاكم
اختي رجاء محمد خليل سألوهم في المدرسة
العاوزه تمشي الجنة منو ?
كل البنات رفعن ايديهن ما عدا اخي رجاء
المدرسة قالت لاختي انتي ماعاوزه تمشي الجنة
ردت اختي و قالت
ابوي قال لي بعد ما يفكوكم من المدرسة تعالي طوالي البيت
الوجه الضاحك عصلج طيب هاك قر قر قر قر حقت سموحة حلوة شديد فيسل هليل جدع من دا كتير بعرف حلو جميل لما ( بيرج تكون حلوة معاك )
والجابكم يجيب عقابكم..والى الردود مع الاعتذار للتأخير::ـ
الى عزيزنا الغالى قمر بوبا من عمك كمـــال الشكر الكتير على ذلك الاهداء الخاص لاغنية(عودة قلب) تأليف الشاعر الزين عباس عمارة وغناء الراحل عبد العزيز محمد داؤد(وهى ليست من خالدات الجابرى يا ايمن) وبالمناسبة انا ملاحظ انو اختياراتك انة وايمن فى الصميم ودة من الذوق الرفيع والشفتنة كمان وعلى اى حال هاكم كلمات الاغنية مع التحيات القلبية الصادقة:ـ
من زمن مستني عوده قلبي راحل كنت بكتب ليهو بدمى الرسائل قلت فيهو اشعاري وإتعذب ضميرى كل كلمه حنان يفيض يغمر سطوري وكل حرف كتبتو من اعماق شعوري افتكرتو يرد رسالتي يرد يطمني في خطابه ما خطر في بالي يأسرني بعتابه ونسي اول مره اغراني بشبابه وكل ما ادلل بزيد اعجابي بيه.. كنت شايف الجنه في نظرات عينيه حبيبي كان جميل من قلبه لو يرحم عذابي الدليل انا شايفه عايش في خطابي وكل ايام عمره ولحظاته الهنيه حاول يخفي شعوره .. ويدلل علي ومن زمان ..انا من زمان من زمن مستني عوده قلبي راحل كنت بكتب ليه بقلبي الرسائل الى ..........ود شيقوق واللة ماراقد فوق عنقريب القد..انا قاعد لى فوق بنبر لانو وصفو لى علاج للرطوبة وبجرب فيهو هييييييييييييييييييييييييع وعنقريب القد انشاء اللة ينقد الى.. (المايسترو) ود المنسى والة ياخوى بعد الصور الشفتها دى والناس الاولادهم بتخرجو من الليلة يانى الشايل عمو دى من اسمى ...الانجمانة بلدنا وكلنا اخوان كمال (حافى وكدة)ا
04-21-2008, 07:52 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
عم كمال وعم الشباب كلهم بحضرة جلالك يطيب الجلوس مهذب امامك يكون الكلام ...لانك محنك عميق الدروس
تعرف مداخلاتك بتذكرني بالسودان الوطن ا لجميل البحلم بيه جيلنا وهو مطرطش فاقد تربوي ووجداني السودان البحكم فيه الكبير بحكمته وامكانات الباش مهندس وودشيقوق وابوبكر ابوالقاسم العلمية وعدل واريحية خالد ونقاء بت صبحي وايمن وسماح ووضاحة واحساس السنجك وهميمية محي الدين جبريل الجميلوصدق وثورية فيصل خليلي والحضور الجميل والاخير لابارو وبت طلحة ومازن ولؤي و ودالقرشي الانسان وود العبيد الذين سيكونون جمرة الانجمامة التي لن تنطفئ ابدا وابداع الجميع هنا دون فرز..هم السودان اجمعين ومابن ظلالهم نفتش ملامح الوطن الجميل( معليش للهمبتة شاعر الوطن محجوب شريف)
عشق التراب من حلفا لنمولي ومن الجنينة لطوكر وكتر خيره ابو احمد يدينا المساحات نتلاقي فيها جيلا بعد جيل نغني للحبيبة: (من زمن مستني عودة بقلبي راحل) واعلم ان ايمن الرقيق لم يكن يقصد الجابري بل كان يقصد ابوداؤود لذا لم اهتم بالتعديل...ولكن لقلق الكبار علينا قمت انت بالتعديل يا عم كمال للوطن : ( وطنا البإسمك كتبنا ورطنا...احبك...مكانك صميم الفؤاد...وباسمك اغني ....وأحبك ملاذ وناسك عزاز )
بخاف الطريق المابودي ليك...وعاف الصديق اللي ما بهم بيك
ويا ناس الانجمامة جميعكم مع حبي مساكم نديان...مع امنياتي الصادقة ان نلتقي في وطن يحمعنا جميعا بهذا الجمال
___________ ناس سواقة الليل انا جاهز..وكل تعداد وانتو بخير...لانو التعداد الجاي تفاصيله حتكون مختلفة تماما نسأل الله ان يجمعنا هذا الوطن ونستجم فيها يوما
Quote: اقعدوا عافية يا ودشيقوق ما تهوب ناحية الشديرة الفوقا سماح دي أمش غادي على الشديرة الفيها بت صبحي ووضاحة بت صبحي بتقدر عليك
خالد
مالك علينا جايبوا ليناود شيقوق نطيروا وين
واشمعنا ما يمشى لسماح
سماح قفة ولا اضان قفة بطل حقارة
رسل لينا ايمن علشان يترجم لى الكلام السوداني الكتبوا دا
اصلى شهادة بريطانية
ولا تزعلي يا وضاحة ...بكمل نضمي مع سماح وبجي اشرب القهوة جنبكن انت سلمى صبحي وريحانة البطانة جرن لي العنقريب الغادي داك أخد لي فيهو تكية إنجم من هرجي ودأبوالقاسم وكمال عطا بسوو كلامن في الشعر يهرد في المصارين ...
ايمن كمان بدور لي مرسال بجي برا زي الشهفوفة طاير هسي بس يسمع كلامك دا ...
Quote: سماكي ؟؟؟ بحر شنو ؟؟؟ مش مغترب وغنيان اجرليك واحد "اسيبيس شتل " ؟؟ كيفن الواحد ينوم ويقعد ويمشي في طشت؟؟ البحر دة بس تشوفو من فوق في الطيارة او في ايرث قوقل ؟ يعني لو اواحدة عايزة تحفر حفرة دخان وتقد المصيبة دي ياكم كلكم في مطعم مكسيم البحراوي ؟؟
المغطِّى الله لكن نعمل شنو مع (3×1): زيارة المصطفى صلى الله عليه وسلم / عمرة وتوصيل سيارة والإستمتاع من الجو قطعاً يكون عند العودة بالطائرة .
العبيد يا أخوى :
ها ناس
بتهمو
بي الليل
مالكم
الرايح ليكم
شنو
خلو الواطة
تصبح
لو لاحظت فرق التوقيت الخاص بالمداخلة تجده قبل صلاة الصبح بحوالى نصف ساعة ، لأن أول مكان تشرق عليه الشمس فى الجزيرة العربية يقع شرق سلطنة عمان ويدعى ( رأس الحد )، ودا تعلمناه من ودشيقوق .
04-21-2008, 09:54 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
الى عزيزى الغالى قمر بوبا..سلامات صدقنى مهما كتبت فلن استطيع ان اعكس لك عن تأثرى البالغ بكلماتك المعبرة ـ الصادقة ـ الرقيقة ..والتى تعبر وبصدق عن دواخلك النقية والطاهرة والمفعمة بكل ماهو جميل ونبيل فى حياتنا...لك كل الود ـ المحبة والاخاء والابوة الصادقتين عمك كمال
04-21-2008, 10:32 PM
abubakr abubakr
تاريخ التسجيل: 04-22-2002
مجموع المشاركات: 16044
ونعم بالله ... انا بس ما بعرف العوم .. زماااانك وانا شافع لبسو نطارات ووكت ما اطلع العب مع الشفع الزي (لعبنا كان ياهو البحر) يعملو لي علامات في رجلي عشان يعرفو لو نزلت البحر واللا لا بشان ما اكسر نطاراتي او تغرق اها بقينا نعوم او نتعاوم واخوانا لي يسوي لي العلامة تاني لكن العلامة بعد الموية غير ما قبل الموية واها ياها الدقة فبقينا نزل البحر في طشت ...
04-22-2008, 07:34 AM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: ونعم بالله ... انا بس ما بعرف العوم .. زماااانك وانا شافع لبسو نطارات ووكت ما اطلع العب مع الشفع الزي (لعبنا كان ياهو البحر) يعملو لي علامات في رجلي عشان يعرفو لو نزلت البحر واللا لا بشان ما اكسر نطاراتي او تغرق اها بقينا نعوم او نتعاوم واخوانا لي يسوي لي العلامة تاني لكن العلامة بعد الموية غير ما قبل الموية واها ياها الدقة فبقينا نزل البحر في طشت ...
ذكّرتنا شقاوة الجهل ... كنا من ما نجى من المدرسة زمن الإبتدائى نجدع الشَنط وعلى البحر ونجى راجعين عيونا حُمر ولونا أغبش وكان بعرفوا عومنا فى البحر من مسح الجلد حيث تتكوّن آثار واضحة كأنها كتابة.
والغريبة تانى يوم يندهونا ليك فى طابور المدرسة ويجلدونا ... وبرضو نجى نمشى البحر ، الغريبة الزول الكان ببلّغ عننا فى المدرسة لليوم ناكر عملتو الشينة وهو كان ما بعوم، فعلاً الشينة منكورة ولو بعد(40) سنة.
04-22-2008, 01:10 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: تعرف مداخلاتك بتذكرني بالسودان الوطن ا لجميل البحلم بيه جيلنا وهو مطرطش فاقد تربوي ووجداني السودان البحكم فيه الكبير بحكمته وامكانات الباش مهندس وودشيقوق وابوبكر ابوالقاسم العلمية وعدل واريحية خالد ونقاء بت صبحي وايمن وسماح ووضاحة واحساس السنجك وهميمية محي الدين جبريل الجميلوصدق وثورية فيصل خليلي والحضور الجميل والاخير لابارو وبت طلحة ومازن ولؤي و ودالقرشي الانسان وود العبيد الذين سيكونون جمرة الانجمامة التي لن تنطفئ ابدا وابداع الجميع هنا دون فرز..هم السودان اجمعين ومابن ظلالهم نفتش ملامح الوطن الجميل( معليش للهمبتة شاعر الوطن محجوب شريف)
ما تشكر . الناس ديل كلهم سجم وقلت اقاطعهم لكن محوطني عند فكي عديل كده يفكفك ........... أهلهم ذاتو
04-22-2008, 01:36 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
نركض خلف السعادة نلهث سعيا وتغمرنا التعاسة فنشكو ونبثها نجوى فيها نحقق سعادتنا ونسعد من حولنا بهذه القواعد البسيطة للسعادة في الدنيا وننال ثواب بها من رب غفور رحيم
* لا تكره أحداً مهما أخطأ في حقك * لا تقلق أبداً * عِش في بساطة مهما عَلا شأنك * توقع خيراً مهما كثُر البلاء * أعطي كثيراً ولو حُرمت * إبتسم ولو القلب يقطر دماً * لا تقطع دُعاءك لأخيك بظهر الغيب * لا تقل ألا خيراً وكلمة طيبة
04-22-2008, 08:41 PM
abubakr abubakr
تاريخ التسجيل: 04-22-2002
مجموع المشاركات: 16044
Quote: السودان البحكم فيه الكبير بحكمته وامكانات الباش مهندس وودشيقوق وابوبكر ابوالقاسم العلمية وعدل واريحية خالد ونقاء بت صبحي وايمن وسماح ووضاحة واحساس السنجك وهميمية محي الدين جبريل الجميلوصدق وثورية فيصل خليلي والحضور الجميل والاخير لابارو وبت طلحة ومازن ولؤي و ودالقرشي الانسان وود العبيد الذين سيكونون جمرة الانجمامة التي لن تنطفئ ابدا
ولطافة وحميمية قمرنا البوبا
تسلم يا صديقي...
04-23-2008, 09:30 AM
ممدوح أبارو ممدوح أبارو
تاريخ التسجيل: 02-27-2008
مجموع المشاركات: 3162
اسمحو لى اليوم ان اهدى كلمات الراحل المقيم خليل فرح(ما هو عارف قدمو المفارق)ل:ـ المايسترو...ود المنـسى الرقيق...فيصل خليل الشبان قمر بوبا وايمن اللذان ارجعانى لايام الشباب واشعلوا قناديل البهجة والفرح جاركم فى حى الانجمامة كمــال
عم كمال كل ما أقول اهجس تتور علي الضرس كان دايرني أهجس وأتوب وأتيقّن أمنعو الطاليات من البيوت مايمرقّن
ما أحلى الجمال حين جمع بين الزهو والبساقة ( باسق ) زادت وكذلك نقي من مفاسق جمال فرح يكمن في إنتقائه الكلمات الحركية المؤثرة تشدك لامن تلوي رقبتك من جمالها ويحوم المعنى في زهنك لكن لا تستطيع التعبير عنه للأخرين
رتل الحمام وهديله يهدهد القلوب ويقدح فيها الشوق ( سماح قلنا الحمام وليست حمامة السلام فتحي عينك يعني انت جوه ما برا )
تحياتي عم كمال وبرجع لك
04-23-2008, 01:48 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: امانة عليك تلاقاهو شائل عصياتو و لابسلو عراقي وسروال وتوب جاري بالواطة وواقف قدام المحكمة النوع البتكلم قبال القاضي ما يقول بسم الله
يالعبيد ات مغشوش في الزول دة عرريب fake صيني كمان من اقاليم الصين .. ما شايفو لابس البدلة والكرفته وكمان عندو بيت دوريين في امبدة وبيقضي اجازتو في بلكونة البيت خاتي سماعات ال IPOD ويسكسك ساااي ... توب شنو وعراقي شنو دة "ضب" البادية اباهو وما صوت ليهو في الانتحابات ..رئيس اتحاد محاميين كلهم ستة وبرضو ما فاز والقضية الوحيدة الوقف فيها قدام القاضي محامي دفاع اهل القتيل قالو الا يطلعو من البلد ودحين تحت السلم في بناية في مسقط ...وتقوللي واقف قدام محكمة دة يادوبك يقيف قدام المراية ...
Quote: لا بس انتو بقيتو ناس سهر... نزلتو معاش ولا شنو؟
الزمن دة "نزل معاش" يعني فلزع وتزل تحت نهائي .. نكد كدا حتي الرمق الاخير بس بقينا ننوم بدري ونصحي بدري ودي من علامات الشيخوخة واها نفضل صاحيين لطلوع الشمس ..طبعا ما بنشوفها-الشمس- الانطلع برة الشارع لكن مجازا بس ....العرريب بس بيتحسر علي سنوات الحت وهو متعكز لا قادر يهش الفيران المعاهو تحت السلم ...
04-24-2008, 09:28 AM
salma subhi salma subhi
تاريخ التسجيل: 06-29-2006
مجموع المشاركات: 4817
Quote: يا جميل يا نور الشقايق أملأ كأسك واصبر دقايق مجلسك مفهوم شوفه رايق عقده ناقص زول ولا تام
من فتيح للخور للمغالق من علايل ابروف للمزالق قدله يا مولاي خافي حالق بالطريق الشاقه الترام
بوبا وعليك تقيل تسلم ويسلم العم كمال كما عودنا دائما ينبش في القديم المعتق والمجمر والمأصّل فالنبيذ له العتاقة .. المجمر لا يبلأ .. والأصيل من الكلم لا يفنى ويظل
نور الشقائق دوما ما نفذ الضوء من شق وألا وكانت له خاصية القوة ( ساطع ) مما هو عليه في الفضاء الرحب
عقدو ناقص زول ولا تام وفي رواية
عدُّ ناقص زول ولا تام والكلمة الثانية ( عدُّ ) أقوى فقد عمقت المعنى ويقال نقص الجميل نفسه لو صحت الرواية من المجلس الجميل الرائق برحيله للرفيق الأعلى ....
قدلة يا مولاي حافي حالق
هذا البيت كلما سمعته طفرت لعقلي معنى من ثلاث * اي يجن ويفقد عقله ( حافي حالق ) * حاج وعودة من حج * موفي لنذر نذره فهو مؤمن موحد
تسلما العم الجميل كمال وبوبا الكلمة واللحن والاداء حركت أشياء كُثر
أعذرونى فقد أحببت أن أشارككم بهذه الرسالة المؤثرة الصادرة من إحدى أصحاب الحاجات ، وكأنها صادرة اليوم من بلادى ولا مُغيث لهم ولا مُدّكر لقول الرسول صلى الله عليه وسلم ( توبوا إلى الله قبل أن تموتوا ، وبادروا بالأعمال الصالحة قبل أن تشغلوا ، وصلوا الذى بينكم وربكم تسعدوا ، وأكثروا الصدقة تُرزقوا ) :
( رُوى أن جارية من أحسن الناس وجهاً شُوهدت وهى تتعلق بأستار الكعبة وتقول :
إلهى وسيدى أنا أمتك الغريبة ، وسائلتك الفقيرة ، حيث لا يخفى عليك مكانى ، ولا يستتر عليك سوء حالى ، قد هتكت الحاجة حجابى ، وكشفت الفاقة نقابى ، وكشفت لها وجهاً عند الذل ، وذليلاً عند المسألة طال ، وعزّتك ما حجبه ماء الغنى ، وصانه ستر الحياة ، قد جمدت عنى أكف المرزوقين ، وضاقت بى صدور المخلوقين ، فمن حرمنى لم ألُمْهُ ، ومن وصلنى وكلته إلى مكافآتك .
فدنا منها أحدهم وسألها من أنتِ ؟
فقالت : إليك عنى ، من قلّ ماله وذهبت رجاله كيف يكون حاله ؟
لا تسألونى كيف يتدبر المساكين أمرهم فى هذا الزمن الصعب . رغم أنى أعلم أن البعض يقول:
حرٌّ إذا جئته يوماً لتسأله **** أعطاك ما ملكت كفاه واعتذرا
يخفى صنائعه والله يُظهرها *** إن الجميل إذا أخفيته ظهرا
وقال شاعر آخر فى البذل:
فتىً عاهد الرحمن فى بذل ماله **** فلستَ تراه الدهر إلا على العهد
فتىً قصرتْ آماله عن فعاله ***** وليس على الحر الكريم سوى الجهد
ويقول آخر معتذراً :
أرى نفسى تتوقُ إلى أمورٍ **** يقصّر دون مبلغهنّ مالى
فنفسى لا تطاوعنى لبخلٍ ***** ومالى لا يُبلَّغنى فعالى
ذكّرنى ذلك بيت شعر عجيب من باب الشكوى كان أحدهم يضعه فى بروفايله :
ومن عجب أنى أحنُّ إليهم **** وأسأل شوقاً عنهم وهم معى
ومسكنهم عينى وهم فى سوادها ** وتشتاقهم نفسى وهم بين أضلعى
ونختم ببيت من جيد الشعر فى الجود والشجاعة :
ومن عجَب أنّ السيوف لديكمُ **** تحيضُ دماءً والسيوف ذُكورُ
وأعجبُ من ذا أنها فى أكفّكمْ **** تأجّج ناراً والأكفّ بحورُ
04-24-2008, 10:52 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
عليكم الله تسمحوا لي على الطلاق الايام دى ما قادر اشنق طاقيتي فانا افتقدتكم اكثر من فقدكم لى .
عمى وحبيبي طه شيقوق فاكهة المجالس بالدندر في حالة احتضار عشان كده البال هناك يا اخونا بس دعواتكم ربنا يرفعه - وكمان الايام دى معنا مجموعة من الفنانين لاحياء ليالي بنادي الجالية بمسقط .
ساعود لكم انشاء الله بعد ان تعود الحال الى ما كانت عليه
لكم عميق حبي
شيقا
04-25-2008, 07:40 AM
ممدوح أبارو ممدوح أبارو
تاريخ التسجيل: 02-27-2008
مجموع المشاركات: 3162
Quote: عمى وحبيبي طه شيقوق فاكهة المجالس بالدندر في حالة احتضار عشان كده البال هناك يا اخونا بس دعواتكم ربنا يرفعه - وكمان الايام دى معنا مجموعة من الفنانين لاحياء ليالي بنادي الجالية بمسقط .
الله يشفيه ويحفظه لكم كبير وموجه نرجو منك توثيق بالذات لاعضاء وزوار الإنجمامة بالصورة
تحياتنا ودشيقوق
04-25-2008, 07:47 AM
ممدوح أبارو ممدوح أبارو
تاريخ التسجيل: 02-27-2008
مجموع المشاركات: 3162
يازول يافنان ، يا اخى فى زحمة الشغل الكتيرة ومابتنتهى دى لازم نتقابل مادام نحن فى الخرطوم سوا ، انا غايتو ح اكون أنانى وأحاول أقابلك لأنى أنا من الناس البحبو فنك جدا .
خالد المنسى
البسابير دى للاسف جيت فيها بمية واربعين ، الله يلعن الشغل ، كنا شايلين خبر ما بيحتمل التأخير
فيسل خليل
معاناواحد رباطابى فى التلفزيون ، وقبل التعداد كنا بنكتب على الشاشة 9 ايام للتعداد وبعدها بيوم 8 ايام للتعداد ، ووكت وصلنا ل3 أيام للتعداد قامت حكومة الجنوب أجلت التعداد وحصل ما حصل ، وفجأة أعلنت الرئاسة ان التعداد يوم 22 ابريل ، وقمنا تااانى كتبنا من الاول 6 ايام للتعداد ، وبقت الكتابة من يومين للتعداد قفزنا بها مرة اخرى ل 6 ايام للتعداد ، فقام صاحبنا ارباطابى ده وبين الفاصل الغخبارى غنتبه للكتابة فقال لى أسمع إنتو العداد ده صفرتوه تانى ..........
________________________________________________
شيقا عمنا طه ربنا يطول عمروا ويخليهوا لينا
04-25-2008, 04:00 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
عجبيييييييييييييييييي والله السجنك حير وردي ذاتو في تقليدو ليهو - اقسم بالله يا سنجك انتم ديل قوم ربنا مسلطكم علينا بخيركم وشركم لكن انت الليلة رهييييييييييييييب كلك خير وكلك ابداع - ما ممكن تكون منزوى بعيد بهذا المخزون الفني .
04-26-2008, 05:06 AM
salma subhi salma subhi
تاريخ التسجيل: 06-29-2006
مجموع المشاركات: 4817
كشف لنا الأستاذ فيصل خليل روائع فنية خلف هذا الإسم و إبداعات تتوارى وراء صورة البروفايل ( طبعاً قعدت أعاين لصورتك الفي البروفايل وأعاين للمبدع البغني ) والله ياهو....آي والله يا هو
محيو: لو ماش حلفا في خطوات لازم تعملها لضمان نجاح مهمتك ازروايس مبنضمش فيصل يتصل بجماعته هناك وشيل ابروفال من عمنا كدة تتمتع بمهمة سلسة جدا
ايمن انت وينك...وبعدين في داعي تمتحن الوةل في مادة ما شايلها؟؟
شيقا: عمك طه انشاء بخير ياخي
خالد:ثيرباك مقرم والله
حمامة السلام: عدد واحد خطأ طباعي
Quote: يا الناس الجيافة حبينا اللطافة...
وصباحكم زين
العبيد:
Quote: ســـــــــــــــــــــــــــتلام
ستلام ستلين كلو واحد صباح السبت عمنا:رادراتك لاقطة وين ما ظاهر وعساك انت بخير فصيل: قرود ما معانا...هي كدة براها ما ماشة ومفرنبة ذاتو شيقا في حالة وجدانية ..ولد دا
Quote: (ويؤثرون على انفسهم ولو كان بهم خصاصة )
ابارو: خليك من شغل الكاليولترات ده وخلي السلاح صاح وضاحة:غاطسة وين
04-26-2008, 08:32 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
Quote: اشهد انك من الصالحين الذين قيل عنهم (ويؤثرون على انفسهم ولو كان بهم خصاصة )
هييييييييييييع ولعت كدوسي وبعاين ليها
وقومي انت ذاتك يا سماح سوي القهوة لي ودشيقوق
حمدالله قومة العم طه شيقوق بالسلام وان شاء آخر المواجع والألم ومايشوف ألا الصحة والعافية بعد دا
يا بوبا قلت لي ثيرباك تدريب الرطاني وكان تدريب مكثف
سلمى صبحي الفيديو بتاعك ماظهر عندي عملتي بلوك يها دي الثير باك يابوبا
من زمان ما قلنا ليكم أبي بكر السجك دا ما ساهل قاعدين تتونسو معا سااااكت كدي .. بس والله إتلوم فينا أنا بذات نفسي طلبت منه في الإنجمامة أكتر من مرة ينزل لينا حاجة لكن بآت كل محاولاتي بالفشل وزريع كمان هلَّ تكرمت يا ابي بكر
فيصل انت كل ما اقول ليك شئ بتنقول غلط أنا قلت ليك قال لي دي أبوظبي سويتا دبي
محي الدين مايرنو دا بوديك التوج أبقى داب باسبار وتور الجريف
ووين ود أبوالقاسم .. العم كيمو .. أبارو والموبايل .. وممكونة بالمناسبة بنتها أحرزت درجات عالية نبارك لها ونقول ألف مبروك أختنا الطيبة مممكونة وصابرا
الرطاني الحبيب طولت عسى خير يا الحبيب كل شئ بهون بس ماتكون زعلان مننا
وضاحة لك تحياتنا ومودتنا
أيمن الطيب الظريف كان معي أمس في محادثة وشفتا صورتو وكما مع البرازيلي البشبة بتاع اللبن داك اسمو شنو يا بوبا
أوعدكم اجيب ليكم العم الحبيب عباس الجاك وهو راجل مبدع وجميل في مجال الكتابة
والله تيسير المبارك تب ما شديدة واحد أجيب لينا خبرها طولت امكن شهر غياب ( ان شاء الله خير )
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خالد علي محجوب المنسي
فيصل محمد خليل
GamarBoBa
الطيب شيقوق
أبوبكر أبوالقاسم
abubakr
العبيد الطيب عبدالقادر
ود محجوب
sama7
أبي بكر سيد احمد
ممدوح أبارو
وضاحة
محي الدين جبريل
salma subhi
فيس بوك
تويتر
انستقرام
يوتيوب
بنتيريست