|
|
 Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: خالد علي محجوب المنسي)
|
سيدنا وفيصولى
الأمير عبد الرحمن بن مساعد قال
الصفر
الصفر كشف جليل من اكتشافات العرب
يظل برهان ودليل على الشروق اللي غرب
نقدر نقول إن الصفر انجاز تعدى وقته
في وقت غابر أوجدوه ومن يومها وهم تحته
يعنى وقفوا عنده بتاعتك يا فيصولى زاتا فيها الشفاعة
الرتانى
| Quote: ما قال ليك انو خايف من الرطاني يفككو ويبيعو خردة في حراج من حراجات دبي ؟؟؟ بعدين انت امارات ياتا الجيت ليها وكيف ؟؟ |
قر قر قر والله اتخيلت العرريب مفكفك خرد
غايتو الخرد الكتيرة دى حتدفن طوالى بس حتتباع الساعة واللسان السليط دا
| Quote: اها كيفن البني ادم يشوف العما؟؟ الطلح "بتاعكم" دة ما هو "العما" ذاتو ؟؟؟ انتو ما سمعتو بالاسبا والاستيم رووم ؟؟ تخلف ؟؟ |
انت بتعلم فى منو والله العرريب دا لو لقى فرصة هو زاته داير الطلح لى روحه
مش خالد قال مرمى الله ما بترفع هههههههههههههه
العبيد الطيب
Quote:
ترحيبك مجيه وبقالنا اعز وشاح
عذرك نقبلو سرانا بالافراح
بت عز الرجال ليك النفوس ترتاح
نفخر بيك جميع ست الاسم سماح |
تسلم ونحن نأمل ان يطيب لك البقاء بيننا
سمية طلحة
1000 حمد لله على السلامة
ونحن راجنك
عمنا كيمو
Quote: بالحيل انزل ليكم ..ومن دربى دة ماشى لكفيلى يعمل لى خروج نهائى
وماتنسى ترسلى كشف بطلباتك بواسطة ايميل وكيلى الشرعى فيصولى |
ما عندنا أى طلبات غير شوفتكم
خلاص فيصولى اتوقع الإيميل
أيمن
Quote: لكن الخط الساخن بتاع الرقم المجانى دا أنا اخش عليهو كيف
الليل كلو الخطوط مشغولة وهذا الرقم لا يمكن الوصول إليه,,, |
كضااااااااااااااب
خط فاطمة يا محيو كان مشغول مع سامح ما يعمل ليك حركات استهبال بتاعة حلاوين ويحزنون
(ههههههههههههههه اتخيلت وشك اللحظة دى)
| Quote: وإنت يا نقشتا الكنته يا عامل رايح ولا كمان تكون سويت الكمين ولابد |
| |
 
|
|
|
|
|
|
|
 Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: sama7)
|
سلامات يا كابتن,,
والله الأيام دى متجلى وتمارينك مية مية..
لياقتك ألف وحضور متميز ,,,
ياخ إنت ود لعاب لعب عجيب
خاصة فى المباريات الدولية,,,,,
Quote: كضااااااااااااااب
خط فاطمة يا محيو كان مشغول مع سامح ما يعمل ليك حركات استهبال بتاعة حلاوين ويحزنون
(ههههههههههههههه اتخيلت وشك اللحظة دى) |
يا ولد ياخ أنا ما قلت ليك أقعد ساى,,,,إنتا رجالتك دى ما تسويها مع ناس الخرطوم بالليل
السكوك وما لقوك ديلاك عملت رايح وإستعملت الساترياخ أحيييييييييي أنا زاتى
| Quote: وإنت يا نقشتا الكنته يا عامل رايح ولا كمان تكون سويت الكمين ولابد |
الكلام دا لسه Valid إلى حين إشعار آخر خليك مفتح وكلمناك وقلنا ليك حواء والدة!!!
Quote: قر قر قر والله اتخيلت العرريب مفكفك خرد
غايتو الخرد الكتيرة دى حتدفن طوالى بس حتتباع الساعة واللسان السليط دا
انت بتعلم فى منو والله العرريب دا لو لقى فرصة هو زاته داير الطلح لى روحه
مش خالد قال مرمى الله ما بترفع هههههههههههههه |
أنا شخصيا ماعندى مانع لو لقيت موبايلو وباقى الكلام أنا برة لكن أول مرة أعرف
إنو مرمى ألله المابترفع تفسيرا إنو عندو وجع عضام وركب ومفاصل
أنا ما كلمتك يا شيقا رقاد القش دا آخرو كعب أها خم وصر زى ما بتقول طلعوك
عندك رطوبة
_________________________________________________________________________
شيقا أنا كان محلك الولد دا بفكو بأقرب بمبر
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: خالد علي محجوب المنسي)
|
يا باشمهندس :
Quote:
بعدين انت امارات ياتا الجيت ليها وكيف ؟؟
|
كانت زيارة خاطفة للشارقة ( المنطقة الصناعية الرابعة شارع الـ BMW ) صباح الخميس والعودة فى ذات اليوم ، نعدكم بزيارة ماهلة فى القريب العاجل.
أظنك ما لاحظت إنو ودشيقوق لم يُنكر أنهم كانوا سبب القلوبال وووورمنق ، وأضاف معلومة عجيبة عن عمايلهم فى خلق الله:
Quote:
Quote: لح جديد من شكلو كدا ولا بد من تعتيقه.شئ ثانى العرب بضعوا السمح فوق والباقى ما أنزل الله به من سلطان لو ما فرّغت الشوال بتأكل نيم.
هههههههههههههههههههههههههههههها ضحكتنى ياخي ده حركات كنا بنسويها نحن لناس البندر هم ما بفرزوا الطلح من اللعوت
|
حمامة السلام أشوف الجماعة ديل توروا نفسك بخصوص إجراءات السلامة.
سمااااح :
سويتو الكرامة ؟!
أيمن ياأخوى أسمع كلام ودالمنسى .
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: sama7)
|
سماح
عشان ما تشكى وتختبرى وبطيخ
أنا سافرت النيل مناطق النيل الأزرق لشغل يعنى شغل رسمى : ( وجه جاد جدا )
فى مهمة صحفية ، للتلفزيون المصرى الذى اعمل مراسلا له فى الخرطوم .. قمنا بتصوير فيتشر عن منزل شاعر النيل حافظ إبراهيم بالروصيرص ، أما الفقراء ديل وبتاعين الكجور صورناهم أثناء تصويرنا فيلم وثائقى عن الكجور فى المنطقة ، ثم أخيرا صورنا فيلما وثائقيا عن قبائل الأمبررو الرحل فى مناطقهم بالقرب من قيسان .
وقع ولا ما وقع
وصورة اللورى دى فى بيتنا بالبسابير جنوب شندى
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: sama7)
|
يل قمر بوبا سلامات يا حبيب...
إمتاع حتى النخاع وإحدى خالدات أبوداؤود بصوت سيف الجامعة ذو الصوت المشحون بأشياء شتى,,,
والله هذه الأغنية قريبة إلى نفسى منذ سمعتهاأول مرة..
Quote: الاهداء الي الشخصيات العامة المعروفة والتأمينها مضروب وناس السيف مود ودرب السلامة
والاخ سامح
وفاااااااااااطنة حتي يتصل بمحي الدين ويصحح الاسم |
شوف يا هندسة,,,أنا العندى قلتو فاطنة دى موضوعا هين,,لكن لو تعرف يا غالى التلفون
دا كان سويتو أمانة ما وقع وليد ومادايرين ندخل أخونااللعّاب داك فى أمرا ضيق
التشتيت ده ما فى الصالح يا قمر والبحصل دا بالمناسبة تشتيت والشفت داك مبسوط منو شديد
ياخ شكرا كتير على الأغنية...
_________________________________________________________________________________________
Quote: أيمن:
ات آآآآآآآآآآآآآالمسنوح (على قول أبوك) شايفاك بقيت نوايوميتر
لووووووووووووووول تشكر يا معلم على المجهود المقدر
والله ما كان قصدنا نخلعك لكن عرفناك زول حارة خلاس |
أعصابك,,,أعصابك يا كابتن..بعض مما تفعلون..
شنو خلاس بدينا أمبارح ما كانت أحييييييييييى أنا
طول بالك والغريق قدام ونحن يا داب إبتدينا,,ونشوف شيقا لما يجى رايو شنو!!!
Safety means being aware of your surroundings""""
""When in doubt, avoid all traps and safety wins out ""
اقرأ الكلام دا كويس وبرضك دخلت الكورنر
________________________________________________________________________________________
تم نعديل الخطأ غير المغتفر وأرجو المعذرة يا شباب حتى كمال زاتو ومجلودين مجلودين
(أستاذ كمال قال بعد الصور تانى البقول لى يا عمو بشلتو بعد ما شاف ناس حبوبة شيقا
(عدل بواسطة أيمن الطيب on 04-22-2008, 06:17 AM)
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: sama7)
|
Quote: أيمن
والله انت الطلعت مطرطش وشديد كمان
يا عمى انت مرقتنى من الكورنر لكن سحبت تشكراتى ليك لأنك أثبت إنه ما كان قصدك تعمل كدا يا رايح
بس ما عايزة أعمل كوبى لمرقتك لى عشان ما تدخلنى فيها تانى ولا يقوم يجينى شيقا ناطى لى بمصيبة تانية
الوشوش الضاحكة دى ضاحكة عليك بالمناسبة |
يا كابتن,,,,
ياخ ما قلنا ليك أعصابك
بقيت طوالى منفعل ومستعجل ومربوك,,,
بتعرف ديك العدّة صاحبى شديد الزول ده والله
وما داير أقول ليك يضحك كثيرا,,برضو لسه ولدنا وعشمنا
فيك كبير
ياخ أقول ليك حاجة,,اضحك تضحك لك الدنيا بس برضو Watch out!!!!!!!
إنت لسه فى الكورنر والمرقك دا بدخلك تانى
فهمت
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: أيمن الطيب)
|
Quote: الأخ أبو أحمد وجماعتو
سلام يا ناسنا
نحوم المناسبات
المرضي ونستقبل الجايين
نكمل البكيات والأعراس
ونجيكم صادين
وكل الأشواق |
منار المعاني الطيبة
وفيك روح وألف روح
وأنتِ روحك طيبة
ست الكمال في جيلا
الملكة مافي مثيلا
ريحان البطانة وزهرة الحسن ودطلحة
ألف وألف حمد الله على سلامة العودة الشاعرة الأديبة سمية
نعشم والعشم ويسوقنا للهفة في أنتظار أبداعاتك بعد أن
استزدتي من مناظر جمال وطبيعة البطانة نعشم في سماع
كلم حلو واكيد جيتي وجرابك ملئ بالدرر الغوالي
تحياتي سمية وفي انتظار ان تخلص المناسبات وترجعي لنا
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: خالد علي محجوب المنسي)
|
سيد الحوش ود المك
تسلم البطن الجابتك
يحردن بنات جعل الما بتلقى اخوا زيك
انا جيت كيتًا فى اصحاب النفوس الضعيفة والفى قلوبهم مرض
وعاوزة اقول ليهم بت دار جعل بت رجال وكل مداخلاتى لا احمل فيها غير الضحك وتفريق الهم
مع اخوان احباء راقت لهم نفسى وقلب ابيض لا يحمل سوء النية
وللاسف الرجال الزمن دا بقوا اخير منهم النسوان
حتى النسوان بقوا الزمن دا مافاضين وعندهم اهتامامتهم
(اعنى الرجال اصحاب القلوب النجسة والسيئة والمليانة مرض)
افتخر بك اخاً وودقبائل
فاليموتوا بغيظمهم المورضاء
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: خالد علي محجوب المنسي)
|
شيقا
| Quote: الحلوين كلكم سماح برة |
انا غايتو قريتا
الحلوين (كلكم سماح) بعدين برة دى غلطة طباعة بفك خطها بعد شوية ههههههههههه
فطومة:
كان زمان
لكن حسى انت فتشى للبحلك أول ويمرقك من محى الدين وبوبا
شايفة القصة جابت ليها ختيف باسويردات
وضاحة:
خالد المنسى ما فيه كلام والبهبشه كلنا بنصل معاه للدم
لكن انت مالك جاية هايجة وموت بغيظ وكلام ما مفهوم
انت مدام بقيتى مننا أحسن تورينا لو فينا زول زعلك والأمور بتتحل
لكن كلام كدا فى الهوا ساااااااااااااى وموت بغيظ والذى منه ما أظن فى صالحك
مافينا زول ممكن يكون كلامك دا بأى حال موجه ليه
راجعى نفسك وأنا عن نفسى بضمن ليك نيتى ونوايا الناس دى كلها
تحياتى
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: sama7)
|
Quote: سيد الحوش ود المك
تسلم البطن الجابتك
يحردن بنات جعل الما بتلقى اخوا زيك
انا جيت كيتًا فى اصحاب النفوس الضعيفة والفى قلوبهم مرض
وعاوزة اقول ليهم بت دار جعل بت رجال وكل مداخلاتى لا احمل فيها غير الضحك وتفريق الهم
مع اخوان احباء راقت لهم نفسى وقلب ابيض لا يحمل سوء النية
وللاسف الرجال الزمن دا بقوا اخير منهم النسوان
حتى النسوان بقوا الزمن دا مافاضين وعندهم اهتامامتهم
(اعنى الرجال اصحاب القلوب النجسة والسيئة والمليانة مرض)
افتخر بك اخاً وودقبائل
فاليموتوا بغيظمهم المورضاء |
سلامات أختنا وضاحة,,
أول مرة نسمع فى هذا المكان كلاما بهذه الحدة والقسوة,,,
وللأسف هو كلام عائم لا تحديد فيه لشخص بعينه وهذه مشكلة
أخرى!!!!!!!
أولا تأكدى تماما أنه ليس بين الناس هنا من تسول له
نفسه أن يخطئ فى حق احد الموجودين لأسباب نعرفها جميعا,,,
لاحظت كلامك الحاد فى مداخلة أخرى ولم أفهم أين ومتى ومن
أخطأ فى حقك ودفعك لهذا الكلام,,,
لاأستثنى نفسى طالما حدث وتداخلت معك ,,,,قد يكون كلامى لم يعجبك
ولكن تأكيدى لك أن ليس ورائى غرض أو مرض,,,أو قصد
إذا كان أحدالإخوة والأخوات هنا فقطعاأنك قد فهمت خطأ وهذا وارد,,,
أرجو توضيح الأمر حتى نفهم ونصحح الفهم إذا كانت هنالك سوء فهم!!!!..
ونعتذر إذا وجد ما يوجب الإعتذار ,,,,
| Quote: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها |
هذا ليس شعارا وعنوانا فقط وإنما هدف نحاول الوصول إليه جميعا هنا,,,
تحياتى
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: ممدوح أبارو)
|
(1)
Quote: سماح
بجيك وبوريك ، والله مزنوق فى الشغل زنقة كلب فى طابونة
لكن بشرط ما تسألينى من شيقا قال شنو للفكى بالتلفون ، وقيمة البياض الحولوا بالبنك للفكى |
(2)
Quote: سماح
بجيك وبوريك ، والله مزنوق فى الشغل زنقة كلب فى طابونة
لكن بشرط ما تسألينى من شيقا قال شنو للفكى بالتلفون ، وقيمة البياض الحولوا بالبنك للفكى |
محي الدين وين يا سواق السفنجة بتاع دواالرطوبة!!!!!!!
هو الكلب دا كان مزنوق فى طابونة ولا طاحونة!!!!!
الرترتة شنو,,,,السفنجة سخاناتا ما شغالات ولا شنو!!!!!!
تحياتنا والله..
تلفونك لسة مشغول يا حبيب
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: ممدوح أبارو)
|
Quote: ما تقولى كلام الأسد النتر وبعد ما نتر
رقد رز داك!!!!!!!! والغزالة جاوزت وكدا!!! |
أيمن والله زي مابقول الممسوخ ضحكتني ضحك
Quote: شوية نبرد وننزل ليكم
شيقا إستلم هديتو الرسلا ليهو كيمو ( والله يكون فى عونوا ) |
ذكرتني يا مجي الدين
بص الشركة شحن وقام
بص الشايقي قام زعلان
الشعيت تقول دُنان
حسن النعيمة يا اب سنان
تسلم محي الدين بوبا كيف ؟
| Quote: اعذروني لعدم تمكنى من الرد علي مداخلاتكم ساعات الدوام بسبب بطء تصفح المنبر - خلونى امشى البيت عشان هييييييييييييييييييي |
يعني أنا جوه سبحان الله
مادام انا جوه يا الحبيب سماح في يدي
معاي جوه
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: خالد علي محجوب المنسي)
|
| Quote: محيو ده كلب ولا بروميد البوتاسيوم؟؟ |
loooooooooooooooooool@abbaro
بالغت
خالد:
| Quote: بس كرسي واحد ولا على رأي المثل النفوس لو إطايبت البنبر بشيل مية |
الكرسى دا لناس الرومانسية
أول شئ شيقوق برة
محيو:
| Quote: دى حدية ضبحوها قدمنا |
غايتو يا محيو الله يكون فى عونكم ... ما شكلها بتتأكل بأى حال
شايفة جنبها ملعقة كمان
وضاحة:
Quote: لكن للاسف فى ناس قلوبن مريضة انا اقصد هولاء
دامت المحبة بينا |
إن شاء الله تدوم المحبة بيننا يا ستى
بس لسة نحن معترضين على ناس قلوبها مريضة دى
ولسة الفرصة قدامك لو زعلانة من زول بالتحديد كلنا بنعتذر ليك
لكن صدقينى مافى زول قلبه مريض هنا
الناس دى كلها غير الحب والإحترام ما بتحمل حاجة لبعض
مسئولين من الخير
وين السنجك؟؟؟؟؟؟؟؟؟؟؟؟
عشان تعرف يا بوبا قلت ليك الراجل دا ما فاضى عملت لى 10 بقرش
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: sama7)
|
Quote: دي ما أظن للاكل يا سماح
محيو تكون لي شنو؟ |
ابارو سلامات يا حبيب,,,
ذكرتنى موقف مضحك حصل مع واحد أخونا,,,
صاحبنا دخل صيدلية وضرسو هائج وحاميهو النوم ومورم وشو,,,
الصيدليه فيها واحد هندى نعسان آخر الليل,,,
صاحبك شاف الروشتة وسأل أخون اقاليهو(مال أكل ولا مال شراب)
الخلايجة بقولو أكلت حبوب ما بلعت زى ما بنقول!!!
صاحبنا سكت شوية وقال ليهو ( مال مسوح)ياخ ما تقرأ الروشتة وتدينا الدوا,,,
أسه راس الحدية دة أظنو شوربة
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: sama7)
|
منسي
Quote: وحتى شيقوق مرمي الله المابترفع أفضل مني والله
أهم شئ كوني على سجيتك ادينا كلمة طيبة نسعد بها أكثر شئ هو عدو لنا
في إنجمامتنا هي الكلمة غير الطيبة أو اللوم |
السجم الفقر ده شنو الليلة الواحد لو انشغل وجاكم راجع القاك تارس البوست نبذ اها انا جيتك واتشمر ساى .
وضاحة يا اخونا خلوها تبرطع ساااااااااااااى دللوها بحب الدلع بس واحد يقول ليها حاجة مافي نقية بتزعل وبترجع سرييييييييييييع
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: sama7)
|
Quote: ايمن وسموحة وخلودى
احبكم فى الله
بس انا كنت زعلانة لكن بعد كلامكم السمح دا نسيت اى شى
والشخص الزعلنى ما هنا فى الانجمامة بتاعتكم دى حاشة وكلا
انتوا قلوبكم دهب
تعالوا نتونس ياخى كفاية قرف
وماتعملوا لى تحقيق |
تمام التمام لكن اسمع الكلام دا يا وضاح حتى يتضح الأمر,,
تحقيق ما معانا,,,لكن النقول ليك!!!
تانى كان فى ناس زعلوك ما تجى تفشو هنا وتقول كلام ما معروف شايتنو على وين وعلى منو,,
عشان هنا الجميع أحباب وأهل وهذا المكان صار مضرب المثل فى الإخاء والتسامح والوضوح
تعمل كالآتى:
تقيف فى باب الجنينة حقت ناس عمك منسى دى وتقول أبومروة/الروب/الحرامى/الكلب سكانى,,
عكاز مضبب,,,يعنى Full Option ,,وفيهو فتحة سقف,,,بجى مارق!!!!
جبخانة أنسى بس...وخلى السلاح صاحى يا جنى!!!
سلاح ابيض,,,اسكت ساى,,,
عروق,,,,وارد النيل الأزرق فووووووق هناك ومعاهو رتينزات (أمبررو)(شعب عظيم زى شعب المايا كدا
كان طلعت ود خرطوم وما بتعرف الأمبررو)
....
الناس الهنا ديل ما يعملو ليك فيها مهندسين ومراسلين وكالات أجنبية وشعراء وخبراء بورصةوكدة!!!
على اليمين نصهم مكانيكية وسواقين لوارى من زمن التيمس والبدفورد السفنجة,,بتعرفو يا جنى التيمس؟؟؟؟
والباقين زى أخوك سامح دا آآآآآى إسمو حنكوش لكن هو زاااتو مساعد لورى وفى الليل بشتغل عازف بنقز!!!
يعنى بنيتو منها والحوادث وبالميت كدا البضربو بقول ودونى الضل,,بالليل زاتو يكوس الضل,,,وكان مالحقو
بمشى الضل الصحى صحى!!!
ياخ أسمع الكلام دا,,,
أنحنا برانا حساسين,,,, 
وبوستات الحرابات ديك خليناها(مرة مرة أنا بمشى أفلق وأجى جارى لأهلى ديل)
تانى ما تعمل كدا
تحياتى..
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: خالد علي محجوب المنسي)
|
أبارو:
Quote: طيب الكوارع مشت ويين؟
محيو ما تجي تورينا الحاصل ياخ؟
ولا مشغول ذي تلفونك؟ |
ما عافية ليك انت زاتك
يا محيو عندى صحبتى خايفة من امتحان الرخصة
صحى فى مدنى ساهل؟؟؟؟؟؟؟؟؟؟
ولا نشوف ليها واسطة هنا
Quote: بالمناسبه يا أيمن امس أنا إتصلت عليه وإتونسنا والله راجل ظريف وحبوب
ووعدني بي زياره في مدني |
غايتو الواحد ما يجدع تلفونه بالغلط هههههههههههههه
خلاص انا زاتى حاضرب ليه اصلو موضوع الحدية دا لازم يتحسم
قر قر قر
وضاحة:
الحمد لله جات سليمة
خلاص يا بتى اتونسى طوالى وغير الونسة عندنا شنو
حلوة تحقيق دى على فكرة الكلمة دى بتخوفنى بعيد عنك اختك بتاعة سوابق هههههههههههههه
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: sama7)
|
Quote: ايمن وسموحة وخلودى
احبكم فى الله
بس انا كنت زعلانة لكن بعد كلامكم السمح دا نسيت اى شى
والشخص الزعلنى ما هنا فى الانجمامة بتاعتكم دى حاشة وكلا
انتوا قلوبكم دهب
تعالوا نتونس ياخى كفاية قرف
وماتعملوا لى تحقيق |
الدكتورة / وضاحة
نكبر فيك هذه الروح السمحة
بس بشويش علينا من الدراب الكبار
انت من يومنا هذا بنت الإنجمامة وكوني بيننا
مع اخواتك
قمر سبعتين وإدوّر سماح
حمامة السلام ذات الهديل الحلو سلمى صبحي
وممكونة وصابرا
وريحانة البطانة وزهرةالحسن ودطلحة سمية
وتيسير المبارك وغيرهن من حمامات الإنجمامة
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: خالد علي محجوب المنسي)
|
| Quote: وعرضك القدمته لى فى بوست صبوحة يا ولدى مرفوض مرفوض مرفوض |
قالوا القليب حرق حرقوهو بالنار حرق
بخليك تهاتي من الجري بالليل لامن تفركش الكويل والعجلات
س م ا ح تشمها قدحا بس لما ما تلقى اللحم ما تقول عفن
اشرب لبن وصم خشمك
Quote: السجم الفقر ده شنو الليلة الواحد لو انشغل وجاكم راجع القاك تارس البوست نبذ اها انا جيتك واتشمر ساى .
وضاحة يا اخونا خلوها تبرطع ساااااااااااااى دللوها بحب الدلع بس واحد يقول ليها حاجة مافي نقية بتزعل وبترجع سرييييييييييي |
وضاحة أعملي حسابك منو دا ماعندو امان يحنناك اليوم ويشوتك بكرة
ماعندو حبيب زول لحظة وحبالو مجدعة
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: خالد علي محجوب المنسي)
|
Quote: أبارو وأيمن:
أبارو أقول ليك جنبها سكين وملعقة ولو ركزت شوية حتشوف الشوكة أنا غايتو العتب على النظر
أما انت يا أيمن لو بتضحك على ما عافية ليك كلو كلو
محى الدين تعال ورينا المصيبة دى عملتو بيها شنو
قال شوربة قال |
الزول دا برة الشبكة خالس خالس,,,
يا سيف اشرح بالله لفظة كادوك يا كادوك إنت
آدمو دا راح راح راح
بعدين يا الشفت ما قلت بلسانك الطويل دا نحن هنا غير الضحك عندنا شنو
إتعلم من المنبر دا,,,,دى دروس خسوسية مجانية ياالسمح
إنت فى حصة الجغرافيا كنت بتملا الأزيار ولا شنو
_________________________________________________________________________
يا جبريل مراسلنا العجيب بتاع الدوا
Quote: الحدية عملوا بيه كادوك لواحد مسكين
أها ودى باقى عدة الشغل
زوووووووووووم آوت |
يعنى هسه الجماعة بكونو عقدو,,,سامع صوت زغاريد
زووووووووم إن
__________________________________________________________________________
أبّارو,,,
ياخ سيبا مدنى وتعال أسكن حدانا
Quote: طيب الكوارع مشت ويين؟
محيو ما تجي تورينا الحاصل ياخ؟
ولا مشغول ذي تلفونك؟
بالمناسبه يا أيمن امس أنا إتصلت عليه وإتونسنا والله راجل ظريف وحبوب
ووعدني بي زياره في مدني |
الكوارع مشت قريب وبتجى إنت أصبر بس!!!!
والحمد لله االطلع راجل وما دامة( )يعنى صحى Safe Mode!!!,والله انا
كلام بوبا داك خوفنى
خلاص بالطريقة دي يا جبريل نحاول الإتصال بكم مرة أخرى,,,,,
يا أبارو,,,,,إنت بتسوى فى شنو فى مدنى!!!!!
___________________________________________________________
Quote: الدكتورة / وضاحة
نكبر فيك هذه الروح السمحة
بس بشويش علينا من الدراب الكبار
انت من يومنا هذا بنت الإنجمامة وكوني بيننا
مع اخواتك
قمر سبعتين وإدوّر سماح
حمامة السلام ذات الهديل الحلو سلمى صبحي
وممكونة وصابرا
وريحانة البطانة وزهرةالحسن ودطلحة سمية
وتيسير المبارك وغيرهن من حمامات الإنجمامة |
يا وضاح بعد كلام ودالمنسى دا تانى مافى كلام تب,,,
وخلى بالك طويل ناس وردية الليل لسه ما جوك وكتلوك كتلوك
تحياتى..
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: خالد علي محجوب المنسي)
|
ود شيقوق والله أنا الطلعت من الصعيد وعينى نجيضة ومحى الدين قال الفصل عن الطلح :
Quote:
أبوبكر
فعلا الطلح ده غايتوا رفعناه ( اقصد رفعوا السواق ، ما انا ) من جنوب سنجة
تاتلووووولولالولات لولااات
|
وبمناسبة تاتلووووولولالولات لولااات : أنا ولدى فى الهندسة Semi-final
أظنك بعد دا ما حاتستغرب بالإضافة لخدمة ( 13) سنة بسنجة وسنار ومعاهن أم العول من سنار.
الكلام الفوق دا يا سماح تأكيداً لكلامك عن شيقوق بوصفه واحد من العجائز الزينا، عشان كدا بنهترش ساكت كان فهمتونا صاح ولا غلط ،
نحن كدا إنتو كيف؟
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: مازن الجمّال)
|
وضاح,,,,
Quote: ايمن
بالله هم كده
مكانيكية وسواقين لوارى من زمن التيمس والبدفورد السفنجة
يعنى ود شيقوق كذب على قال لى انا استشارى مخ واعصاب
كده يا شاقى |
هو فعلا إستشارى بتاع مخ وأعصاب يعنى تركيزو كلو على تفكيرك
وأعصابك وكان عندك رطوبة ممكن يكون مفيد أيضا. .
| Quote: ياخى ماعندكم قهوة قعدتكم دى يا كافى البلاء لا شاى و لا قهوة |
قعدتنا دى إنت جيتى داخلة من بره هايجة وبتجعرى وقلتى خالد بس الراجل
هنا!!ما اختلفنا ابدا فى رجالتو لكن كمان قلتى ما بتتكلمى إلا معاه!!
والقهوة والشاى هناSelf Service يعنى الما بعدو ضيف يمشى يشرب براه
| Quote: ايمن رتينزة يعنى شنو!!!! |
رتينزة يعنى كادوك أو سمير تك تك أو ُشغل او مزربيتا أو زرقينا كلو وارد! !!! !!_________________________________________________________________________________
ابارو يا ولدنا سلامات خلاس فهمت,,,,,,,
| Quote: ودي اركب ليها تيمس ولا داوودي ولا جقر تراب؟ |
سؤالك دا يا ممدوح ما بشبه ناس مدنى لكن للضمان كدا ما تسألو لشيقا
بس أركب اى حاجة المهم تصلنا
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: أيمن الطيب)
|
ايمن
الشهادة لله
لقيتك سواق ملتي تاسك
بالليل والنهار
في حفر انا بوحل فيها انت بتباصيها مولع برنجية...قريب تكتسب خبرة الباشمنهدس في ال Finishing وما تنسي تشد سلك لمحيو لزوم عبور وكدة
قلت لي شيقا بعد التخصصات الدقيقة بقي يعالج حتي الرطوبة؟غايتو نحن بتخصصاتنا الذكرتها انت ما وصلناها لسة...غايتو اقصي حاجة ممكن اسويها مساعد لوري وبرمي الصاج لسواق وحلان....الا التب اتّور وانا ما عارف
ونسمع احلي سلام
محي الدين
سلام الله يغشاك ...نضف عدسات الكاميرات...اصلي خرمان لسمك موردة من زمن لو مابكرة يبقي بعد التعداد ...بس انشاء المساخيط ديل يوم التلاتاء ما يعدوالسمك في النيل وقول لينا عدده ناقص ومافي سمك تاني زي كهربة السنجك
المنسي ابو احمد
انجمامتك ياخوي بقت زي المنبر ...مبدئيا شوف لينا خضر حسين(ودخالتي بالمناسبة) نفصله ولا اقول ليك ساوم بكري بعدد زوارك
شيقا :
ما عاجبني الايام دي...حضورك بقي ضعيف..سواقة الليل بقت مافي ....يعني ما ممكن تنهزم للدرجة دي نغير ليك لستكك بـ: لساتك برجستون
سمووووحة:
السنجك مشغول اي نعم لكن نحن ناسه (نحن ما ناسك نحن ما ناسك.....ترلم ترن ترلاالم )
عازمنك سمك...
تعالي منقبة اصلو العباية وبنطون الجينز ما بفرقوا بين سماح وسامح... لكن الوصية: (خليك كدة ...ومافي اجمل من كدة.... ترلم ترلم ترن) وبي كدة بتبقي الكورة في ملعب فااااااااااااااطنة حتي يتصل
هندسة :
حكمة اليوم المتخصصة في العرريب ما سمعناها....معقولة التفاصيل ما خمرت مانشيت لحدي هسة
ابوبكر ابوالقاسم بالله كيتا في الجميع رسل لينا مواعيد جييتك وجدولها وليك علينا يوم اجمل يكون في الوطن الما جميل ده
اباروا
عشانك سجلنا في شهد...وقمر بوبا بهناك
لكم ودي
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: الطيب شيقوق)
|
محيو
| Quote: شوية نبرد وننزل ليكم |
مالك ما معلق ريشة نعام في رويس السفنجة ومالك ما معلق قربة موية باااااااااردة ومالك ما مسوي للعربية كوز وهل بتعرف تجي في اللفات سايرين ؟
| Quote: شيقا إستلم هديتو الرسلا ليهو كيمو ( والله يكون فى عونوا ) |
البركة في عمو كيمو لكن اكان الود المجرابي المسلط داك اكان لحس الهدية او كان شالو منها قلمة (بكسر القاف وتسكين اللام)
أبوبكر
| Quote: فعلا الطلح ده غايتوا رفعناه ( اقصد رفعوا السواق ، ما انا ) من جنوب سنجة |
ود ابو القاسم والله نمسك الخشب والله جبت خبر مكانو يا ها عنيكليبة ذاتا وياهو زولك ذااااتو .
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: الطيب شيقوق)
|
Quote: المنسي ابو احمد
انجمامتك ياخوي بقت زي المنبر ...مبدئيا
شوف لينا خضر حسين(ودخالتي بالمناسبة) نفصله ولا اقول ليك ساوم بكري بعدد زوارك |
والله يا بوبا لو بتجيب حق مريسة أم زين بنسويها
الإنجمامة عمارها بكم أحين الله إليكم من فضله
خضر رجل بمعنى الكلمة لكن وزي مابقول الشقي بقي والزين عمرو قصير
فصل خضر كان وقعه أليم لكل أعضاء البورد لكن بكري غير متابع بكتب دون
أن يلقي نظرة لما كتب من غيره شدة وتزول وخضر عائد بيننا أخ جبيب
تسلم يا بوبا القدامي ودماً لي قدام
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: خالد علي محجوب المنسي)
|
Quote: شيقا :
ما عاجبني الايام دي...حضورك بقي ضعيف..سواقة الليل بقت مافي ....يعني ما ممكن تنهزم للدرجة دي نغير ليك لستكك بـ: لساتك برجستون |
الأيام دي يا بوبا شغال حب في الماسنجر
كلما أدخل علي أقول لي بحضر لمحاضر أو عندي اجتماع
أو جوني ضيوف والله مابقوم من بكانو واقولي لي جوني
ضيوف .. تعرف يا بوبا الرطاني الباشمهندس دا مسلط
مش زمان قال الراجل دا ساكن تحت السلم صدق الناس الضيوف ديل
بجو داخلين كدي ساااكت لا إحم لا دستور
الغريبة أمس المساء ما كنت دايرو يدخل تب جاني زي الشهفوفة
طاير وما خلاني ألا لما طفش الكان معاي
حتى ارتاح قلبه وبعدها اختفي زي جنى ابليس
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: الطيب شيقوق)
|
بوباااااااااااااااااااا
Quote: قلت لي شيقا بعد التخصصات الدقيقة بقي يعالج حتي الرطوبة؟غايتو نحن بتخصصاتنا الذكرتها انت ما وصلناها لسة...غايتو اقصي حاجة ممكن اسويها مساعد لوري وبرمي الصاج لسواق وحلان....الا التب اتّور وانا ما عارف
|
برالمة هايمييييييييين ساااااااااااى وناسيين زيت السمسم ومعاهو ingredients كده ما بعرفها الا الرطاني والسجك وعمو كيمو.
عمو كيمو متابع معانا ولا نائم فوق عنقريب القد والفنجان تحتك؟
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: الطيب شيقوق)
|
القاسم
Quote: الكلام الفوق دا يا سماح تأكيداً لكلامك عن شيقوق بوصفه واحد من العجائز الزينا، عشان كدا بنهترش ساكت كان فهمتونا صاح ولا غلط ،
نحن كدا إنتو كيف؟ |
متخيلك جاى من سنجة ووصلت عنيكليبة ووقفت عربيتك جنب الرواكيب والوليد بتاع الطلح شافك وجاك جاري عارف ما ملحاح في السعر وتقوم تخت يدك في جيب البنطلون وتجر مفتاح الباب الخلفي وتقول ليهو ارفع الشوال داك عجبك من تفومتو وبياض عينيهو ويقوم يرفع ليك الشوال وتديهو حقو وتمشى البيت وتفرق الشوال وتجيك جنس عقارب
هيييييييييييييييييييييع
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: الطيب شيقوق)
|
Quote: ايمن
الشهادة لله
لقيتك سواق ملتي تاسك
بالليل والنهار
في حفر انا بوحل فيها انت بتباصيها مولع برنجية...قريب تكتسب خبرة الباشمنهدس في ال Finishing وما تنسي تشد سلك لمحيو لزوم عبور وكدة
قلت لي شيقا بعد التخصصات الدقيقة بقي يعالج حتي الرطوبة؟غايتو نحن بتخصصاتنا الذكرتها انت ما وصلناها لسة...غايتو اقصي حاجة ممكن اسويها مساعد لوري وبرمي الصاج لسواق وحلان....الا التب اتّور وانا ما عارف
ونسمع احلي سلام |
قمر بوباى,,
نحن يا دوب فى ال Basics and Fundmentals مقارنة بالباشمهندس لكن زى ما قلت ليك يومداك أخوك سواقتو كعبة والصاج يا هندسة ما برموها الصاجة بدقوها دق ياخ إنت شهاده عربية ولا شنو ومحيو حانشد ليهو سلك فى الوقت المناسب حتى يرعوى أحدهم هنا ويشوف ليهو جحر اضيق من الهو فيهو,,بعدين الواحد مرات بحتاج يشتغل Heavy Duty but still safe operator is a smooth operator!!
لكن هو محيو فاضى لى ...الأيام ديل شغال تش ترش..وكمان بقى يهدى قى شوالات الدوا!!!والزول ده من ما
رجع من المامورية بتاعة دوا الرطوبة والكواديك دى نحن ما شفنا خير,,ياخ نحن من ديك تانى ما شفنا
شى من الدخان وحرايق الغابات,,,هسه قرود الطلح ديل يطلعو وين تانى بعد لوارى الشغلة دي!!!
لكن الله فى وغالب,,,
وينك الليلة ياخ!!!
كان فى دروس مجانية هنا والله فاتتك,,
أسمع إنت صحى سامح قال شايف شوكة وسكين جنب راس الحدية بتاعة سيف ولا أنا ما بشوف كويس
وجاهو ابارو تماها ليهو وبسأل عن الكوارع(كوارع الحديةولاالصقر) تخيل!! ياابارو ياخ إحترس نفسك! !
اسمع والله سمك ابروف ده بالنهار ما كويس,,بكون بايت وبسممكم وإنشاء الله ينفعكم غايتو كان أكلتو...
والعهدة على بوبا
| |
|
|
|
|
|
|
|
|
|
Re: حباب اهلي (Re: الطيب شيقوق)
|
انت عارف
يا ود شيقوق
انا اول مرة
استمتع بي كبدة الابل دي
كان في كسلا قبل عشرة سنوات
وطبعا الجماعة ديل بيعرفوا يجيهو
الشغلانة زي الليل
واجمل من دا كلوا
يدوك ليها من التلاجة
ويكتروا الشطة والدكوة والليمون
انت عارف تخرط في العرق وتظبط في الكبدة
يااااااااااااخ جممت خشمنا
والدنيا ليل نجيبا من وين
وهسي لو لفيت الخرتوم دي كلها ما بلاقها
| |
|
|
|
|
|
|
|
|
|
Re: حباب اهلي (Re: العبيد الطيب عبدالقادر)
|
يا جماعة الليلة
غنية ترباس دي
عجبتني شديد
ودي طبعا
رجعتني لي وراء كتير
اذكرت الدارة
وغني البلد والدلوكة
وعجب وقت تكون
الغنية مسخنة زي حقت ترباس دي
وتقوم كدي تنزل ليك وسط الدائرة
واحدة من الشدر الكبار
وتسو لينا العوم قسي
هوووووووووي يا ناس
كدي ودونا لي ورا حبة
وترجعو لينا الزمن الجميل
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: خالد علي محجوب المنسي)
|
أهل الشديرات سلامى للجميع
عاجبنى ليك يا خالد توارة نفسك وخمتها ...قرقر قرقر قرقر
أهديك ولكل من يُعانى فى غربته :
قيل :الكريم يحنّ إلى أحبابه كما يحن الأسد إلى غابه.
أرض الرجل ظئره وداره مهده .
الغريب النائى عن بلده المتنحى عن أهله كالثور النادّ عن وطنه ، الذى هو لكل سبع فريسة ولكل رامٍ قنيصة .
وقيل شعراً :
إذا ما ذكرتُ الصغر فاضت مدامعى **** وأضحى فؤادى نهبة للهماهمِ
حنيناً إلى الأرض الذى اخضرّ شاربى *** وحُلّت بها عنى عقود تمائمى
وألطف قومٍ بالفتى أهل أرضه ******** وأرعاهم للمرء حق التقادمِ
أفتونا هل عاد عقد التمائم من جديد بعد رحلة محيو للدمازين ؟
وقيل أيضاً :
يقرّ لعينى أن أرى من مكانه ***** ذرى عطفات الأجرع المتعاقدِ
وإن أرد الماء الذى عن شماله *** طروقاً وقد ملَّ السرى كل واحدِ
وألصق أحشائى ببرد ترابه ****** وإن كان مخلوطاً بسمّ الأساود
تعرف يا القمر بوبا ، لما جيت السودان نهاية ديسمبر عن طريق سواكن ، وصلنا وحالنا بالبلاء ، الجلابية والعرّاقى وسخانات لأنو ما لقينا غير كارثة وللمفارقة إسمها ( جمّاع ) - والإسم سالم - قضينا فى البحر 26 ساعة وما فيها درجة أولى بس كراسى فسطحنّا ، وأول ما قابلت ضابط الجوازات بشكلى داك قال لىّ جوازك دا مزوّر وحاولت تفيِّر الصورة . وطبعاً هو إفتكر إنو فتح راسى وقبضنى بالجرم المشهود ( أرسين لوبين/ شارلوك هولمز / هركيول بوارو ) زمانه ، ولم أتردد فى الرد عليه بكل حِدّة:
هسع الخِلقة دى ما ياها ذاتها ؟
الزول بزوِّر فى الجواز بغيِّر مهنتو لراعى ولا غير ، هسع فى ذمتك أنا أزور مهنتى لمستشار قانونى ؟
طوالى صاحبك قام ختم الجواز وخارجنى ... المرّة دى كان الله هوّن سأبدأ رحلة الشتاء والصيف يوم الأربعاء - بعد بكرة - بمشيئته تعالى
وربنا يهوِّن لينا زيارة المصطفى ثم عمرة Express ويا بحر جاااك زول
توقع إتصّال ، وفى تقديرى بكون وصلت على يوم السبت / الأحد إنشاء الله بعد المرور بربوع ( الزيداب / شندى ) والكاميرا جاهزة.
وينك يا شيقا خليت سواقة الليل ...........هيييييييييييييييييع
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: خالد علي محجوب المنسي)
|
خالد:
| Quote: قالوا القليب حرق حرقوهو بالنار حرق |
وين انت ما براك قلت الزول دا
| Quote: الأيام دي يا بوبا شغال حب في الماسنجر |
بس انا بدعى ليه تجى سليمة جدك دا شتارته عينة
| Quote: الناس كلها بقت بتاعت فقرى |
البركة فى ال big boss محيو ما خلى شئ
غايتو لسة بنديه الفرصة يبرئ نفسه لكن جنس الصور دى شكلها كدا التهمة ثابتة ثابتة
العبيد عبدالقادر:
فى الحالة دى طوالى تقوم على عنقريب ناس بوبا بهناك أصلو فطومة بتكنسه ليهم
غايتو نحن شديرتنا دى يادوب قشيتا ورشيتا ما فى طريقة
بس ممكن تقعد تتونس معنا لحد ما تجى تجدعا تفكها ليهم بهناك أصلو فطومة ما بتنضف كويس فهم متعودين
Quote: انت عارف انا
الزول دا بخنقو
ليك لكن البدفع
الدية منو |
آآآآآآآآآزول دية شنو
انت بس أخنقه ونحن بنعفيها ليك ولا بنشهد نقول ولا شافه
بعيد عنك الشهادة دى متعودين عليها قر قر قر
شيقاالشليقا:
| Quote: عمو كيمو متابع معانا ولا نائم فوق عنقريب القد والفنجان تحتك؟ |
ديك ما مواعيده
حسى يجيك تقعد تجقلب فينا
شايفاك الايام دى بتحاول تكسب عطف كيمو وسيدنا
لكن وين كان ليك
| Quote: اديلها منو شمامة خليها تفرد جناح الريدة بهنا |
موضوع الريدة دا حنحسمه كم مرة؟
| Quote: برالمة هايمييييييييين ساااااااااااى وناسيين زيت السمسم ومعاهو ingredients كده ما بعرفها الا الرطاني والسجك وعمو كيمو. |
نسيت سموحة ولا شنو؟ تلميذتك يا باشا
تخصصاتك كلها ما بناقشك فيها لكن وجع المفاصل د فكه فينى
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: salma subhi)
|
Quote: الزول بزوِّر فى الجواز بغيِّر مهنتو لراعى ولا غير ، هسع فى ذمتك أنا أزور مهنتى لمستشار قانونى ؟
طوالى صاحبك قام ختم الجواز وخارجنى ... المرّة دى كان الله هوّن سأبدأ رحلة الشتاء والصيف يوم الأربعاء - بعد بكرة - بمشيئته تعالى
|
تعرف يا ابوبكر ابوالقاسم ذكرتني موقف مشابه شوية
وانا جاي من السعودية بنين طيارة مليانة فل في اجازة مدارس يمكن انا الوحيد العمر مختلف لانو الركاب اسر ومعاهم حمودي ومازن وحاجات السعودية
المهم ادونا في الطيارة فورمة القدوم
والفورمة بجاي عربي وبجاي انجليزي....
بديت بالعربي اتكعبلت في حرف قم مسحته ومليت الطرف التاني بتاع الانجليزي
جينا واقفين في صف طويل عريض...
ويجوا ناس الواسطة يسحبوا ناسهم ويدخلو يدهم في كشك الضابط ويختموا ليهم الدخول ويتخارجو
وراي استاذ وقور عمة بيضاء وشيب ..قدر ما قدمته علي الصف رفض قال لي انا شاب اكتر منك (حفظناها في شبابنا...فحافظت علينا في شيبنا) واثناء ما نحن بنتونس عن الفوضي ومحسوبية الصفوف في الدخول وصلنا لكاونتر الضابط وهو ما كاونتر اصلا عبارة صندوق زجاجي قاعد فيه ضابط برتبة نقيب
قدمت ليه الورق عاين لي وقال باستفزاز شديد مالي الفورمة بالانجليزي مالك؟
قلت عامل الفورمة بالانجليزي والعربي مالك؟
قال لي انتي عربي وانجليزي
قلت انا محسي ..لا عربي لا انجليزي لكن الكي بورد بتاعي (Enable ) بشتغل عربي انجليزي
قام قال لي بطل لمضاضة وفلسفة امش اقعد برة الصف واملا فورم بالعربي وتعال والا والله انا برجعك الحتة الجيت منها..
مسكت الشباك قلت ليه شوف يا اللخو لا لانت لاوزير الداخلية بقدر يطلعني برة البلد دي والفورمة دي ما بملاها والشباك ده ان ما زاحي منه والداير تسويه تعال سويه
هنا تدخل الرجل الوقور ...قال ليه تعرف انك قليل ادب..لينا اربعين دقيقة في الصف وناس الواسطة قدام عينا بجوا يختموا للناس بختمك ويدخلوهم هسة بقي الغلطان الزول ده ؟؟؟عشان ملا الفورمة بالانجليزي...قال والله يا ود الناس انا هسة دي برفع التلفون ده بجيب ليك زول يوقف المطار علي رجل واحدة...هنا بدا الجميع بكيل الشتايم للضابط الا تدخل ضابط برتبة كبيرة ختم لي الجواز واعتذر للناس كلهم
بلد عجيبة بس
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: خالد علي محجوب المنسي)
|
أبارو:
دوا رطوبة لشيقا
بوبا:
| Quote: لقيتك سواق ملتي تاسك |
ما يغركش والله انت الوحيد السايق صح فى الجماعة ديل كلهم
| Quote: في حفر انا بوحل فيها انت بتباصيها مولع برنجية...قريب تكتسب خبرة الباشمنهدس في ال Finishing وما تنسي تشد سلك لمحيو لزوم عبور وكدة |
عبور مين يا عمى غايتو الشافنا جارين نلحقه بالاسعاف ما كضب
بعدين يا بوبا الباشمهندس ما بدخل نفسه فى جنس محن فطومة (خليها بالنية)
| Quote: مبدئيا شوف لينا خضر حسين(ودخالتي بالمناسبة) نفصله ولا اقول ليك ساوم بكري بعدد زوارك |
ياحليلك يا بوبا خلاص جبت سيرة ود خالتك
الشافك بكرة برة ما غلط
هو هين الجماعة المشوا بسببه ديل البجيبم شنو غايتو الله ستر على كمال ههههههههههههه
| Quote: (خليك كدة ...ومافي اجمل من كدة.... ترلم ترلم ترن) وبي كدة بتبقي الكورة في ملعب فااااااااااااااطنة حتي يتصل |
(لكن كدى ورونى صحى شيقا ناغم الفكى بالاقمار الصناعية؟) كان كدا سجمكم أنا غايتو تأمينى بحمينى
بوبا أنا ماشة لدكتر تمشى معاى؟؟؟؟؟؟؟؟؟؟؟؟؟؟
صبوحة:
صباحك ورد وهديتك حلوة شديد كالعادة
محيو:
Quote: الحدية عملوا بيه كادوك لواحد مسكين
أها ودى باقى عدة الشغل
زوووووووووووم آوت |
بعد الزووووووووووم آوت الحكاية جابت ليها مقصات كمان
سورى يا فطومة المقص دا الكان باين سكينة لكن فى واحدة تانية تحته؟
وشايف الملعقة ولا كمان حتطلعنى بهلوس
يا محيو أنا قايلة الفقرا ديل بكونو متدسيين وكدا
لكن عمك دا شغله فى عز الشمس (يكون السيكوسيكو بتاعه خواف بخاف من الضلام؟) هههههههههه
أيمن (فطومة):
| Quote: حتى يرعوى أحدهم هنا ويشوف ليهو جحر اضيق من الهو فيهو |
قادر الله
انت صدقت كلام بوبا لما قال ليك قربت تكون زى سيدنا ولا شنو
ياهو دا ال Hallucination زااااااااااااااااطه
Quote: ياخ نحن من ديك تانى ما شفنا
شى من الدخان وحرايق الغابات |
الهدية صحى لشيقا لكن تحت تحت سمعنا انتو موصين ليها عديييييييييييييل
| Quote: أسمع إنت صحى سامح قال شايف شوكة وسكين جنب راس الحدية بتاعة سيف ولا أنا ما بشوف كويس |
يازول حسى ورينى شنو المافى فى الصورة دى
غايتو دا فكى زكى جايب عدة كتيرة عشان يلخم الزباين الحناكيس ناس محيو ديل
الشر برة وبعيد
| Quote: وجاهو ابارو تماها ليهو وبسأل عن الكوارع(كوارع الحديةولاالصقر) تخيل!! ياابارو ياخ إحترس نفسك! ! |
وشهد شاهد من أهله
| Quote: الزول دا برة الشبكة خالس خالس,,, |
يازول شبكتكم الفيها محى الدين دى زاتا منها خوف
غاشيكم شاى وهو مشى للسبب الفى فيديو الصبوحة دا
نا غلطانة وماغلطانة
يا فطومة (ما قلت ليك ما تمشى ناس أمك براك )
غايتو محاضراتك الطويلة دى سايق بيها سواقة لا بأس بها خامى البتخمو لكن نحن هيييييييييع
أبوبكر أبوالقاسم:
| Quote: وصلنا وحالنا بالبلاء ،الجلابية والعرّاقى |
دحين أبوى الجملتين الفوق ديل ما جايات مع بعض
السفر لابجلابية والعراقى دا خليه لناس شيقا واسمع كلام الباشمهندس
| Quote: سماكي ؟؟؟ بحر شنو ؟؟؟ مش مغترب وغنيان اجرليك واحد "اسيبيس شتل " ؟؟ كيفن الواحد ينوم ويقعد ويمشي في طشت؟؟ البحر دة بس تشوفو من فوق في الطيارة او في ايرث قوقل |
قر قر قر قر
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: خالد علي محجوب المنسي)
|
هوووووووووي آآآآآآآآآآآآآآآ ناس
سلام عليكم ..
الفاتني كتير ...
بس دا تأكيد جميل على الأستمراريه .. وده المرجو منكم دايماً
منسينا الكلس : دارك ديمه عامره ... والسمح ما بكعب
عقيدنا شيقا : شايف مسألة الطلح ..اثارت الراي العام
سموحه :
عجبتني المسأله دي .... شدييد .. عافي منك ....
ويسأل منك الخير دايماً يا رب (ياااا رقم صفر )
ايموني الحبيب : يا أخوي انت مالك بقيت ما بتفرز .. وشايت من طرف ...وضاح...
وسماح ..وو..الحكايه شنو ....
قمرنا البوبا : مشتاقين يا خ .. وما جيت تاني ... المفروض بيناتنا مشوار ...
ود ابو القاسم ...يا سلام عليك يا أديبنا الجميل ... وشايف فيك زخرف انجمامتنا الماليهو مثيل
وضاحتنا : ما عاش البيزعلك يا ستهم (رغم انف شيقا ) ... خليك ..خليك
فيصوحي ..وكمولي : اشواق شديده .. وشايف في شوية زهد في الكتابه ..يبدو انو الناس مشغوله ..
(جميله نكتة التعداد السكاني )
سلومه : إنجمامتك المصوره غايه في الأناقه ...تسلمي يا ست الكل ..لكن عناقريبنا
الهبابه ..ماليها مثيل .. وخصوصاً وكتين تكوني انت موجوده فيها
البقيه : الشوووق مطر
| |
|
|
|
|
|
|
|
|
|
Re: وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها (Re: خالد علي محجوب المنسي)
|
Quote: العاوزه تمشي الجنة منو ?
كل البنات رفعن ايديهن ما عدا اخي رجاء
المدرسة قالت لاختي انتي ماعاوزه تمشي الجنة
ردت اختي و قالت
ابوي قال لي بعد ما يفكوكم من المدرسة تعالي طوالي البيت |
ههههههههههههههه عسل لكن
ذكرتنى ود خالتى اتشاكل مع قريبته قالت ليه الله يسامحك
طبعا قالتها فى نص الشكلة قال ليها الله يسامح الدميع (قصده الجميع) إلا أنا و أمى وأبوى
السنجك
بركة الشفناك طيب
بت ما قصة شح فى المشاركات الجماعة ديل شكلهم كدا بقوا كلهم معاش
بجو بالليل بس ونوم شديد بالنهار
| |
|
|
|
|
|
|
| |
sama7
أيمن الطيب
أبوبكر أبوالقاسم
محي الدين جبريل
salma subhi
GamarBoBa
abubakr
الطيب شيقوق
خالد علي محجوب المنسي
وضاحة
ممدوح أبارو
مازن الجمّال
فيصل محمد خليل
العبيد الطيب عبدالقادر
أبي بكر سيد احمد
فيس بوك
تويتر
انستقرام
يوتيوب
بنتيريست