ممكن تقول لي الفضائية السودانية ليه كانت بتعرض مسلسل مصري والقيامة قايمة في مطار الخرطوم وهنا في المنبر دة ؟؟؟ لماذا اتت الفضائية بعد الجزيرة والشروق وبعد ان وصل الخبر العالم من مراسليين ؟ كيف تستعد الفضائية السودانية لمتابعة الاحداث الشبيهة ؟؟؟
06-11-2008, 04:14 PM
محي الدين جبريل محي الدين جبريل
تاريخ التسجيل: 11-05-2007
مجموع المشاركات: 1848
فقط اذكرك ، انا جئت هناإلى البوست ده لأخخف عن نفسى عناء ورهق المهنة ، عليه أرجوك لاتجعلنى أغادر البوست بمثل هذه الأسئلة التى لها زواياها فى بوستات اخرى لا اكلف نفسى مجرد الإطلاع عليها لقناعات تخصنى ....
فرجاء لاتجعلنى أفقد الإنجمامة بمثل هذه الطرح
مع محبتى الأكيدة
محي الدين جبريل
06-11-2008, 04:49 PM
abubakr abubakr
تاريخ التسجيل: 04-22-2002
مجموع المشاركات: 16044
Quote: فرجاء لاتجعلنى أفقد الإنجمامة بمثل هذه الطرح
احترم طلبك ..غير ان الامر ليس بعيدا عن انجمامتنا وحياتنا اليومية .. فالانجمامة تهتم بامور حياتية وما حدث امر حيوي وامر اخر هو اننا او معظمنا الامس وفي الشتات وبعد قراءة الخبر هنا في المنبر ادرنا مؤشرات التلفاز الي الفضائية السودانية اولا .. فكما ناتي من الفضائية باخبار وتسجيلات غنائية وخلافه فالذي حدث يستوجب ذلك كذلك ... الانجمامة ليست حالة منبته عن واقع بلادنا والا تفقد مسببات وجودها ...وليس هنالك ما يستوجب ان نهرب من واقع مؤلم كالذي حدث ....
06-11-2008, 05:32 PM
محي الدين جبريل محي الدين جبريل
تاريخ التسجيل: 11-05-2007
مجموع المشاركات: 1848
Quote: استاذ أبوبكر، دائماً لك رأي سديد وعقل رشيد...تقديري دوماً أخونا المنسي، شكراً للكلمات والأبيات الطيبة والتحية لكل أهل الإنجمامةالغايبين..ردّ الله غربتهم!
حمامة سلامنا سلمى صببوحة والصباح فالك يا زينة ما انتِ طيبة والطيب يستحق الطيب تري كل كلمة قد قلتها في حق ( منجم .. حلوة دي ) كانت نابعة من قلب صادق
سلمى أثني عاى كل كلمة قلتيها في حق هذا القامة فينا أبوبكر أبوالقاسم هم نخبة أختارها الله عشقنا مسقط وسنار والموردة والدندر والأبيض والبطانة والحصاحيصا ورفاعة من أجلهم
ولك التحية حمامة السلام
06-11-2008, 05:38 PM
abubakr abubakr
تاريخ التسجيل: 04-22-2002
مجموع المشاركات: 16044
يا محي الدين والله انا ما قصدت جدل ولكن طرحت سؤالا شغلني منذ ليلة البارحة حين هرعت ابحث عن الفضائية السودانية ووجدت مسلسلا مصريا وكنت اتوقع ان تكون هي المصدر الاول لاخبار ما يحدث كونها الفضائية القومية وليس فضائيات اخري ؟؟؟؟
06-11-2008, 08:51 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
ــــــــــــــ الى الابن محى الدين ....سلامات وجة نظر الباشمهندس حول ماحدث موضوعية واثيرت على نطاق واسع وقد سبق لى ان ابديت ملاحظات فى الانجمامة حول الفضائية..والغرض من كل ذلك هو نبيل وكلنا نتمنى ونطمع للاحسن ارجو انهاء هذة المسألة عند هذا الحد .......لو سمحت....عمك كمال
06-11-2008, 09:03 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: يا محي الدين والله انا ما قصدت جدل ولكن طرحت سؤالا شغلني منذ ليلة البارحة حين هرعت ابحث عن الفضائية السودانية ووجدت مسلسلا مصريا
مش انت وحدك يا باشمهندس موضوع المسلسل المصري ، على القناة السودانية وقت الحادث ، كان وما زال حديثنا وحديث العالم كله -
بس انت يا باش ابعد من اقحام محى الدين في الموضوع ده وخلي موضوع المسلسل ده لينا برانا نحكي فيهو هنا ما شئنا من حوار فمحيو ان شاء المشاركة فمرحب به وان ابى فهذا شانه ولا اعتقد انو محيو ذاتو ، طالما هو صار شخصية عامة ، لا اعتقد عندو المانع في ان يكون هو نفسه مادة للحديث عنه كمزيع في اى بوست اخر يخصص له قدحا او مدحا .
لكما اعزائي اطيب امنياتي
06-12-2008, 02:57 AM
abubakr abubakr
تاريخ التسجيل: 04-22-2002
مجموع المشاركات: 16044
Quote: مش انت وحدك يا باشمهندس موضوع المسلسل المصري ، على القناة السودانية وقت الحادث ، كان وما زال حديثنا وحديث العالم كله -
القناة السودانية عرجا دائما في الشان العام ..مرة حدث انفجار ذخيرة قرب المطار ولولا اجتهاد شباب في المنبر واتصالات هاتفية كثيرة لما عرفنا حجم الماساة .. ايام خليل وغزو امدرمان تضاربت الاقوال وانفرد بعض المذيعون باستنتاجات ولقاءات كانت سببا حتي اليوم في فوضي تصريحات واستنتاجات مرتبكة ..الفضائية السودانية وجهت لتكون بوقارسميا للنظام ولا تقدر الا ان تكون كذلك وانشغالها بذلك لا يجعلها قادرة علي مواكبة ما يجري من احداث خارج امور اهل النظام وتوجهاتهم ...سبق ان افردت احد الاخوات وكنت معها بوستا خاصا بالفضائيات السودانية سميناه "دراب دراب " نحاول من خلاله الاشارة الي مكامن الضعف كما نراها نحن كمشاهديين علها تتصلح ..الامر ليس شخصيا ولنا وفي السودان الاف من غير اهل الانقاذ تعمل في كل المنشئات ولا ذنب لهم فيما يحدث من تجاوزات... الانجمامة واجهة شكلها راحة وقيلولة ولكن ضمنها هم بالشان العام دون شطط وتعصب وزعل والا لما جمعتنا كلنا...
06-12-2008, 05:23 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: وجة نظر الباشمهندس حول ماحدث موضوعية واثيرت على نطاق واسع وقد سبق لى ان ابديت ملاحظات فى الانجمامة حول الفضائية..والغرض من كل ذلك هو نبيل وكلنا نتمنى ونطمع للاحسن ارجو انهاء هذة المسألة عند هذا الحد .......لو سمحت....
دى تعليمات علينا جميعا الالتزام بها
شكرا يا عمو كمال لرعايتكم الرشيدة
06-12-2008, 07:09 AM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
الأخوة الإنجاميين أبوبكر وأبوبكر وشيقوق ومحي الدين والعم الجميل كمال عطا لا يفوتنا أن أمر هذه القناة التي تحسب قومية .. قائمين عليه أنقاذيين ( وهم وكرونا في الطين لي أضنينّا ) ... وهذا هو حال القنوات الموجهة تعتيم الحقائق المرة وشغل البشر في اللهو والغناء والطرب وحتى البرامج التنفسية التي يخال للمشاهد فيها شئ من الحرية ضيوفها إما من الأنقاذ أو موالين من قريب أو بعيد تبع لمصالح سياسية ...
لكن الذي أريد أقوله يجب أن نناقش أمر القناة بعيداً عن حبيبنا محي الدين لو سمحتو .. إنجامتنا وكما قال الحبيب أبوبكر هي شديرات تجمعنا نتحدث فيها عن كل أمورنا سياسية اجتماعية فنية أدبية كل ضروب حياتنا اليومية وشعارنا كلمة طيبة في كل ..
الباشمهندس أبوبكر سلامات لا ينكر أحد وجود قصور فى التلفزيون القومى ، وهو مثله مثل أى مرفق حكومى آخر تم وضع أهل
الحظوة والتمكين على قيادته لأنه يتميز بتأثيره الكبير من الناحية الإعلامية ، شرطاً أن لا يكون للمعنى حرية إتخاذ أى قرار ، لذا
فإن إتخاذ مثل هذا القرار يحتاج الرجوع لسلطات عليا ، وهذه السلطات العليا يهيمن عليها الأمن ، فقد لا تُصدِّق أن أى تلفزة خارجية
تحتاج إلى ( موافقة أمنية ) عليها فما بالك إذا كان الأمر يتعلق بحادث له تبعاته على كامل البلد ، بدءاً من إجراءات السلامة
وإمكانيات المطار ، ومروراً بموضوع الصيانة ، وقد سبق أن أشرت من طرف خفى لقصور إمكانيات الدفاع المدنى وعدم وجود ( رغوة )
لمكافحة مثل هذه الحرائق ، ودونك ( محطات البترول ) حيث تتواجد طفايات الحريق بنوعيها مع بعض ( جرادل التراب ) لعدم جدوى
الماء، وهذا جانب من القصور فى عمل الدولة التى لا تولى العناية الكافية لهذه المرافق وتوفير الإمكانيات ، فمن الواضح أن همها
هو الحكم مثلها فى ذلك المعارضة التى تلهث وراء قسمة السلطة وعدد الوزراء دون أن يكون المواطن من ضمن أولوياتها ، وبالتأكيد لا
ننسى أن مسئولية الدولة تراها فى أولوية إهتمامها بموضوع التمكين ( تولية القوى الأمين ) الذى لا خبرة له ويكون همه هو التطبيل
ولا يكون له من الخبرة والتجربة ما يجعله يطالب بميزانية تلبى الإحتياجات الموضوعية ( الحالية والمستقبلية ) ، فكم شاهدنا فى
حوادث الطيران وإنحرافات الطائرات عن المدرجات خروج الركاب وهم مغطون بالرغوة التى يستمر ضخها حتى بعد إخماد الحرائق. قصدت من
كل ذلك التأكيد على أن الأمن هو الذى يقرر وليس العاملين أو حتى مدير التلفزيون أو حتى الوزير المعنى . لا أود أن أدخل فى أمور
أخرى يغفل عتها البعض ، فحتى لو كنت وزيراً ولم تكن ذا رتبة أمنية فأنت مثلك ومثل أى موظف عادى فى وزارتك.
الوجيه محى الدين سلامات
لا يشك أحد أننا فى هذه الإنجمامة نناقش بموضوعية حتى الأمور السياسية بعيدة عن الغرض السياسى ، إلا أنه هذه المرة كان لموضوع
الطائرة أمر قيامكم بالتغطية الحية لهذا الحدث الكبير فى ضوء قلة الإمكانيات ، لأن التلفزة المباشرة تحتاج لتجهيزات فنية كبيرة
فلا بد من توافر مجموعة من المهندسين والفنيين بدءاً بالمايكرويف ،
ويقابله تيم آخر بالمحطة وطبعاً عربة التلفزة الخارجية ، ولا أنسى قصة تلفزة مباراة شهيرة ( هلال/مريخ ) فى السبعينيات من أستاد
الحرطوم حيث فُوجئ جميع المشاهدين بعدم نقل المباراة رغم إكتمال الإستعدات الفنية لذلك ، حيث إتضح أن عربة التلفزة الخارجية كانت
موجودة وقد قامت بالبروفة المطلوبة فى الصباح الباكر مع التلفزيون ، وإتضح أن السبب فى عدم النقل هو أن ( الصينيون ) اللذين
كانوا يقومون ببناء قاعة الصداقة وقتها قد قاموا بوضع كميات كبيرة من البلوكات الجاهزة التى يستعملونها فى البناء فقطعت مجرى
الإتصال المباشر بين التلفزيون وأستاد الخرطوم ، وهذا للتدليل على حجم الإستعدادات المطلوبة.
لقد فُجعنا وانقبضت أنفسنا من الحادث ونحن على بُعد آلاف الكيلومترات ونعلم تأثيره عليكم وعنصر المباغتة فأحسب أنه كان مفروض
تقدمون النشرة الإخبارية التى تقتضى حضوركم قبل وقت معقول ، وكان حظكم دخول تجربة البث المباشر ، ويمكننا أن نُخمِّن حجم تفاعل
المشاعر الشخصية مع مهمة البث المباشر وقلة الكوادر المساعدة بالمعلومات والبيانات .... ولكن رغم ذلك نرجو ألا تأخذ الأمر بصفة
شخصية ، أقول ذلك وأنا أول المعانين من ذلك فقد كنا نتفاعل مع الدعاوى والقضايا فدفعنا ثمناً كبيراً من صحتنا .....
ستظل هذه الإنجمامة واحة لنا لمناقشة كل الهموم وإجترار كل الذكريات حلوها ومرها وتبقى كلماتنا طيبة وتعليقاتنا طيبة كشعارنا فى
هذه الإنجمامة :
Quote: سلاااام يا اهل السريرة الطيبة والكلمة الطيبة سلاااام حلفنا يمين ما نزح من شديراتنا نتجادع كلم طيب نغم طيب مناكفة طيبة وكلنا طيبة وتبقى هي ( الكلمة الطيبة ) تجمعنا ونفترق عليها لنعود من تاني وما أحلنا زهرات من كل صوب وحدب
قيل : ما أحسن الإيمان بزينة العلم ، وأحسن العلم بزينة العمل ،
وأحسن العمل بزينة الرفق ، وما اُضيف شئ إلى شئ أزين من حلم إلى حلم .
أهل الإنجمامة أنتم مدعوون للمشاركة ونعفى أخونا محى الدين من التعليق على خرمجتنا الخاصة بالشأن العام وندعوه للمشاركة
بالتعبير عن مشاعره الإنسانية وأن ما نتناوله يتم ضمن روح الإنجمامة ...........
06-12-2008, 07:53 AM
abubakr abubakr
تاريخ التسجيل: 04-22-2002
مجموع المشاركات: 16044
حتي لا اشغل من لا يريد فقط اريد ان انوه الي ان سؤالي كان مباشرا عن سبب عدم وجود فضائيتنا الرئيسية في موقع الحدث كما فعلت الفضائيات الاخري ؟ ليس المهم هو تواجد بكوادر كاملة ولكن كما فعلت الجزيرة مثلا بالاتصال الهاتفي بمن في ساحة المطار بحيث تكون الفضائية السودانية هي الاولي مبادرة ومن العيب ان تاتي هي بعد الاخريات في ساحة رهانهاوداخل "بيتها" ؟؟؟ ليس في هذا ما يضج المضاجع او يسبب حرجا لمن يعمل في الفضائية ...؟؟؟ لن تكون الانجمامة ساحة صفوية معزولة عن اوجاعنا علي مستوي البلد والشخص ..بلدنا تنحدر نحو هاوية سحيقة لا قرار لها بسوء فعل بعض ابنائها وعلي البقية ان تكابد لتوقف الانحدار وهذا امر لا فصال فيه ....وليرحم الله الانفس البرئية التي رحلت راضية مرضية ولكن الوجع يحرق احشاء اهلهم واحبائهم وهم يرون كيف تعاملت دولة "التوجه الحضاري" في "مطارها الدولي" وبواسطة "ناقلها الوطني" مع حدث بهذا الحجم وكيف كانت "الفضائية الرسمية" مشغولة بمسلسل مصري والنار تحرق البشر السوداني ....
06-12-2008, 08:29 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: وجة نظر الباشمهندس حول ماحدث موضوعية واثيرت على نطاق واسع وقد سبق لى ان ابديت ملاحظات فى الانجمامة حول الفضائية..والغرض من كل ذلك هو نبيل وكلنا نتمنى ونطمع للاحسن ارجو انهاء هذة المسألة عند هذا الحد .......لو سمحت....عمك كمال
والغرض من كل ذلك كما قال العم كمال هو نبيل وكلنا نتمنى ونطمع للاحسن ارجو انهاء هذة المسألة عند هذا الحد .......
06-12-2008, 08:38 AM
محي الدين جبريل محي الدين جبريل
تاريخ التسجيل: 11-05-2007
مجموع المشاركات: 1848
كيف تتحدث عن موضوعيتك فى تناول الموضوع ، وأنت تعيب على تلفزيون السودان أن يصبح بوقا للحكومة أو كما قلت أنت النظام ، يا اخى هل تعلم أن تلفزيون السودان هذا ليس شركة خاصة وأنه تلفزيون حكومى ، وهل تعلم أن أي تلفزيون حكومى يخدم حكومة بلده .... لانه مثله مثل وزارة التعليم ، تموله وتضع سياساته .... وبالتالى يكون شكل البث رضينا به ام قبلناه ...
أخى لا عيب ان نتناول الهم العام وليس انا ضده ، ولكن بأسلوب مؤسس ، وموضوعية .... (راجع طرحك الاول للموضوع ، وكلامك عن ان التلفزيون اصبح بوقا للنظام ) ......
مخطئ تماما من يقارن تلفزيون السودان بالجزيرة أو الشروق ، لانك عندما تقارنه بالجزيرة تكون أذنبت فى حق نفسك اولا ، الجزيرة قناة خاصة لها ميثاقها الصحفى الخاص بها ، وتلفزيون السودان تلفزيون دولة أي تلفزيون حكومى ....
الشروق قناة خاصة ايضا او حزبية ، وهذا ليس عيبا حتى لا تجعله مصدر جدل جديد... وبالمناسبة الشروق مكتبها بالخرطوم على بعد 2 كيلومتر شرق المطار ...
يعن هذا لايكلفها مجرد سيارة فقط المصور يصعد لسطح المكتب ويستخدم الزووووم والمهندس يطلع على الهواء.....
وتلفزيون السودان يبعد عن مطار الخرطوم 23 كيلومترا ، وكانت هناك امطار غزيرة والشوارع زحمة ،والتلفزيون لايملك طائرات طوافة ، وده برضو خليهو مصدر جدل جديد ... وبرضو ماتنسى انو الشوارع زحمة وده برضو مصدر جدل جديد .....
وكلامى هذا تأكد أنه ليس دفاعا عن تلفزيون السودان لان تلفزيون السودان قادر عن الدفاع عن نفسه باعماله.....
وختاما تقبل فائق تقديرى ومحبتى الأكيدة ....
شكرا للذين إهتموا بالموضوع
شكرا عم كيمو على التلفون الصباحى الجميل كصباحاتنا فى الخرطوم هذه الايام
وأقول قولى هذا طالبا العفو من جميع سكان الإنجمامة ، وقبل أن أودع أرجو أن لاينقطع الوصل بيننا ، فالمسنجر وهواتفى وقلبى جميعهن مفتوحات للجميع ....
مع السلامة
06-12-2008, 09:44 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: وأقول قولى هذا طالبا العفو من جميع سكان الإنجمامة ، وقبل أن أودع أرجو أن لاينقطع الوصل بيننا ، فالمسنجر وهواتفى وقلبى جميعهن مفتوحات للجميع ....
ما بنخليك على باليمين اكان في بوست الطلحات لاحقنك . يا اخي الناس اخوان واهل وتتشاجر وتتصقع وتتساجل وبعودوا تاني مش بالطريقة دى يا محيو سبقناك اتجضمنا وسبقناك اتشترنا وصبقناك اتلاكمنا لكن تعلمنا الكتير يا محيو .
الرطاني :
ات بوستيك بتاع الفشل العلقو ليك بكري فووووووووووق وعملو بدل فشلانية واحدة سواهن تلاتة فشلانيات ده كلو ما شبعك سياسة ؟؟ والله بقيت للبوستات زى ديك العدة تفتت ساااااااااى .
Quote: ات بوستيك بتاع الفشل العلقو ليك بكري فووووووووووق وعملو بدل فشلانية واحدة سواهن تلاتة فشلانيات ده كلو ما شبعك سياسة ؟؟ والله بقيت للبوستات زى ديك العدة تفتت ساااااااااى .
العرريب ..السعوال حرم .. سالنا بس ؟؟؟ وبعدين انت ناس الجزيرة دييل وصلو المطار وسط المطرة دي كيف من الدوحة ؟؟وبعدين انا ما جبت سيرة سياسة انا زعلان وقهران بالشفتو في مطار الخرطوم ؟؟القاعدين هناك دييل في المطار فشلينات بالكوم بقت بس في فشليناتي التلات يا حاسد ....
Quote: العرريب ..السعوال حرم .. سالنا بس ؟؟؟ وبعدين انت ناس الجزيرة دييل وصلو المطار وسط المطرة دي كيف من الدوحة ؟؟وبعدين انا ما جبت سيرة سياسة انا زعلان وقهران بالشفتو في مطار الخرطوم ؟؟القاعدين هناك دييل في المطار فشلينات بالكوم بقت بس في فشليناتي التلات يا حاسد ....
والله سعالك سم يا المسنوح وحياتك تمسحو هسع بقى لينا زى الضريسة في ضل شديرات الانجمامة.
Quote: فشلينات بالكوم بقت بس في فشليناتي التلات يا حاسد ....
والله حاسدك في السمعة الجاتك اخر العمر والله تلاتة فشلانات حقاتك دى لو عرضتها للبيع عيييييييييييييييك علا تشيل القروش بالقروانات
06-12-2008, 02:09 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: وأقول قولى هذا طالبا العفو من جميع سكان الإنجمامة ، وقبل أن أودع أرجو أن لاينقطع الوصل بيننا ، فالمسنجر وهواتفى وقلبى جميعهن مفتوحات للجميع ....
أخي وحبيبي محي الدين تحية طيبة سلااام والله يا أخي أقول لك صراحة أنت غلطان شديييييييييد فيما ذهبت إليه ماهذا كان مقصدنا وأنت بموقفك هذا تحكم على فشل إنجمامة جلسنا فيها نصف السنة تقريبا نتجاذب حديث قاعدي وحمضي وحديث جمع بين القاعدية والحمضية نقوم ونقع نضحك ونحزن وغطائنا كلمة طيبة واقفين عليها ليوم الدين
أبوبكر ماقصد إلا توجيه اللوم لقناة يعتبرها مفروض تعبر عن مشاعر شعب تأسست بدمه وعرقه .. ماكان قصده مهاترة أو جدل فهو عالم ومدرك أين مكان المهاترة والجدل ولو أنت ما متابعه أقول لك أبو بكر ينّئ عن هذا الضرب من المناقشة ويعوفها تراه أين كانت الموضوعية والنقاش المفيد... وهذا طبعه عرفناه به منذ ان وطئت أقدامنا أرض هذا البورد متصفحين ثم أعضاء فيه ...
أخي أخزي الشيطان ولا تتخذ قرار مثل هذا. والله بنحبك في الله يا محي الدين وحبنا لك هو الذي جعلنا أن نرمي عليك اللوم وكت ما قدرنا نصل الفيل وأنت ضلو ( بحكم عملك في القناة ) وانت زولنا نطعنك ونرجو أن تتحمل طعننا والدم عمرو ما ببقى مية .. خليها صافية لبن يا الحبيب وابقى بيننا...
Quote: والله يا أخي أقول لك صراحة أنت غلطان شديييييييييد فيما ذهبت إليه ماهذا كان مقصدنا وأنت بموقفك هذا تحكم على فشل إنجمامة جلسنا فيها نصف السنة تقريبا نتجاذب حديث قاعدي وحمضي وحديث جمع بين القاعدية والحمضية نقوم ونقع نضحك ونحزن وغطائنا كلمة طيبة واقفين عليها ليوم الدين
أبوبكر ماقصد إلا توجيه اللوم لقناة يعتبرها مفروض تعبر عن مشاعر شعب تأسست بدمه وعرقه .. ماكان قصده مهاترة أو جدل فهو عالم ومدرك أين مكان المهاترة والجدل ولو أنت ما متابعه أقول لك أبو بكر ينّئ عن هذا الضرب من المناقشة ويعوفها تراه أين كانت الموضوعية والنقاش المفيد... وهذا طبعه عرفناه به منذ ان وطئت أقدامنا أرض هذا البورد متصفحين ثم أعضاء فيه ...
أخي أخزي الشيطان ولا تتخذ قرار مثل هذا. والله بنحبك في الله يا محي الدين وحبنا لك هو الذي جعلنا أن نرمي عليك اللوم وكت ما قدرنا نصل الفيل وأنت ضلو ( بحكم عملك في القناة ) وانت زولنا نطعنك ونرجو أن تتحمل طعننا والدم عمرو ما ببقى مية .. خليها صافية لبن يا الحبيب وابقى بيننا...
هييييييييييييييع قيادة رشيدة يجب تايدها
ده كلام سمح اوع تمشى ترمى لينا درابة
06-12-2008, 05:37 PM
abubakr abubakr
تاريخ التسجيل: 04-22-2002
مجموع المشاركات: 16044
ياعرريب انت من عيييييك زمن "قيادة رشيدة يجب تاييدا " ما شايف ناس اوباما بيقولو شنو " التغيير the change" واها خالد رائد التغيير فانت بالله وبتاريخك الطوييل في الخسارة الانتخابية خلييك بعييييد منو بعدين تخرب عليهو الحملة الانتخابية
06-12-2008, 06:32 PM
abubakr abubakr
تاريخ التسجيل: 04-22-2002
مجموع المشاركات: 16044
الحبيبين الكرمين محي الدين وأبوبكر سيدأحمد ( جبريل ) حبنا لكما لا يدانيه حب وأعلم حبكم لبعض لا يدنو من ذلك شئَ .. أخوتي سوء التفاهم وهذا ما أراه جعلكم أن تتخذا مواقف لم ترضينا والله ونحن وانتم أعمدة لإنجمامة تحت شديرات جمعتنا كلمة طيبة وروح طيبة نمت بيننا ..
لا أريد أن اطيل وعليكم الله وحتى تبقى الكلمة الطيبة هي شعارنا احب ان اسمع وأشوف مداخلة لكل منكما اليوم يعتذر فيها لأخيه ( أعلم ان لم يحدث ما يوجب الأعتذار ) لكن حتى تبقى نفوسنا صافية وتعلوها الكلمة الطيبة نفسي أشوف هذا منكما الأثنين معاً
أرجو أن لا تردا طلبي البسيط هذا ونبقى على ماكنا عليه يا أحباب
تحياتي ومودتي لكما
خالد
06-12-2008, 07:45 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: يا حبك للقراوانات .. من زمن قروانة الطحنية بتاعة دكان عمك ....
بس لان القروانة تاريخ والقروانة تراث والقروانة كان بمبر والقروانة كانت تنجر بنى كربو والقروانة كانت الباب والشباك والقروانة كانت زيت السمسم البيغرفوهو بالكوز وبكبوهو بالصبابة والقروانة كانت الصبابة او السبلوكة وكانت عربيتي الصغيرة الكنت بلعب بيها وكان ماعون المريسة الفيهو الكاس يقدل يتلولح يمين وشمال وتتناول منو كاس كاسين يخليك تتلولح يمين وشمال هييييييييييييييع جاييييييييك لهذه القروانة الاسطورة يا الحبيب .
هسه دحين اتصالحوا انت ومحيو في الانجمامة دى ونسونا هموم الدنيا الفانية دى .
06-12-2008, 07:50 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: لكن حتى تبقى نفوسنا صافية وتعلوها الكلمة الطيبة نفسي أشوف هذا منكما الأثنين معاً
شوف يا خالد .. انا ما عندي قضية مع اي واحد ولا عدوات لدي ابدا ولا رغبة لي فيها الاضد من ظلم من جهوية وسلطان جائر ومفسد يوجع شعبنا الموجوع بسوء افعالهم ...ادين الفضائية السودانية والتي تزاول تضليل الشعب والتطبيل للسلطان الجائر وتغيب عن ابسط واجباتها وهي اعلام الشعب الذي يدفع ثمنها من دمه عن مواكبة احداث تهم الشعب لا السلطان ...فان كان ذلك وهو حق وواجب يتعاؤض مع تواجدي هنا فلا يهمني انا لن اسكت علي باطل ولا اري "طيبا" في كلمة لا تدين الباطل ....وسابقي هنا باصرار علي الطيب
06-12-2008, 08:05 PM
abubakr abubakr
تاريخ التسجيل: 04-22-2002
مجموع المشاركات: 16044
Quote: ...ادين الفضائية السودانية والتي تزاول تضليل الشعب والتطبيل للسلطان الجائر وتغيب عن ابسط واجباتها وهي اعلام الشعب الذي يدفع ثمنها من دمه عن مواكبة احداث تهم الشعب لا السلطان
يا اخوانا ده كلام غير موجه لشخص بعينه وانما هي حرية راي قد يتفق معه الاخرون وقد يختلفون والاختلاف في الراي لا يفسد للود قضية .
06-12-2008, 08:58 PM
أبوبكر أبوالقاسم أبوبكر أبوالقاسم
تاريخ التسجيل: 11-27-2007
مجموع المشاركات: 2805
Quote: يا اخوانا ده كلام غير موجه لشخص بعينه وانما هي حرية راي قد يتفق معه الاخرون وقد يختلفون والاختلاف في الراي لا يفسد للود قضية .
يالعرريب في شخص اشتري الفضائية السودانية ؟؟ اليست قطاعا عاما حتي ولو استغلتها جهوية ما لتبث منها توجهاتها ؟؟ انا اصر علي نقدي لقصور في ادارة الفضائية السودانية فانا دافع للضرائب ومواطن سوداني وليس للعامليين فيها حق اكثر فيها مما لدي ولدي كل قطاعات الشعب السوداني .. في امور الشان العام والقصور في الحق العام الامر شخصي في كون انه يجب ان يهتم الشخص باصلاح ما فسد منه لا الدفاع عنه والدفاع عن الباطل باطل والانجمامة مع الحق وضد الباطل ....وكل مدافع عن الحق حبيبي واتمني له كل خير
06-12-2008, 09:24 PM
abubakr abubakr
تاريخ التسجيل: 04-22-2002
مجموع المشاركات: 16044
Quote: شوف يا خالد .. انا ما عندي قضية مع اي واحد ولا عدوات لدي ابدا ولا رغبة لي فيها الاضد من ظلم من جهوية وسلطان جائر ومفسد يوجع شعبنا الموجوع بسوء افعالهم ...ادين الفضائية السودانية والتي تزاول تضليل الشعب والتطبيل للسلطان الجائر وتغيب عن ابسط واجباتها وهي اعلام الشعب الذي يدفع ثمنها من دمه عن مواكبة احداث تهم الشعب لا السلطان ...فان كان ذلك وهو حق وواجب يتعاؤض مع تواجدي هنا فلا يهمني انا لن اسكت علي باطل ولا اري "طيبا" في كلمة لا تدين الباطل ....وسابقي هنا باصرار علي الطيب
الأخ الحبيب أبوبكر أنا معك في كل كلمة قلتها ورأيك صحيح ولا يختلف فيه أثنين السوادنية كانت مقصرة شديد والحكومة الغلط راكبها من فوق لتحت وفي كل الأمور التي أودت بنا إلى وادي ويل أنا لا اطلب منك أن تسكت على باطل ولذا كانت إنجمامتنا نناقش فيها هموننا بروح طيبة وكلمة طيبة لا زعل بيننا. نحن في الإنجمامة من بقاع شتى نختلف في طريقة تفكيرنا ومسلكنا. بيننا اختلاف لكن لا خلاف بيننا.. والخلاف هو المشكلة والأختلاف رحمة من الله ولولا الأختلاف لما كان رأي صائب. لكن الكيفية التي ندير بها حوارنا هي الكلمة الطيبة وهي تبقى بيننا وهذا كل الذي قصدته وما زلت أناشدك أخي ان يتعتذر كل منكم للأخر على طريقة الحوار الذي دار بينكم وأرى فيه شئ من حموضة أضفو عليها شوية محاليل قاعدية ليصير الحديث غلوي وتصفى النفوس ونظل أخوان
الأخوة والأخوات ماهي ألا ايام ويكون الأرشفة للربع الثاني وبما أن الإنجمامة في هذا الربع قد وصل عدد صفحاتها الــ20 أكيد سوف يتم أرشفتها غصباً عنا .. أقترح أن تشارك كل أعمدة الإنجمامة في أختيار العنوان الجديد لها لنظل واقفين ليوم الدين على المناداة بالكلمة الطيبة وهي التي تبقى .. واقترح ايضا ان يشمل العنوان كلمة إنجمامة الباب مفتوح وفي النهاية نكون لجنة
من ثلاثة من أعمدة الإنجمامة لأختيار أكثر عنوان مناسب
Quote: أهلاً ومرحباً بأول الإقتراحات ، وطبعاً يا خالد رغم إنك جالس فى بلاد الفرنجة إلا أنك نسيت
Ladies first
وان نسيت ما نسيت يوم لقيت الصيد بنقدمهم صحي يا ودأبوالقاسم مو نضم وهنَّ رحمة لنا ومو فشر لكن إنطبع في اللسان ونرجو المعذرة تعجبني فيك الفراسة والنقد في ثوب جميل ودي وما أحلاك واروعك يا بكري في أنتظار اقتراحك نحن واقفين يا رائع
Quote: وأحمد الله جاتك باردة من ريحانة البطانة ، وإقتراحاتهم دائماً تكون نديانة ومليئة بالرهف والشاعرية .
الريحانة بقت جافية وماهو طبعها بت الرجال ووكت تجي تقطر لينا بي الدرب وأجسامنا ناشفة سيول حرفها ما تروينا وياريت العبادي يلم لينا كل حروفها مدونة في إنجمامتنا وتحت شديراتنا
Quote: سبقتك يا الطيب شيقوق بالتعليق .
مالك لاكزو كان تخلي كان لما أرشفنا ماجاب خبرنا ( لمَّ تدخل ..... بغبي زولك ومابشوف ).
انا اقترح ان تكون وضاحة رئيسة اللجنة وان يكون لها الحق في توجيه اى تعليمات للعم كمال والرطاني وسلمى ولوضاحة يعود الحق في فصل من تراه غير فاعل/ ة في هذه اللجنة .
واقترح ان يتضمن الاسم الجديد للانجماعة عبارة الضحى او الضحوية
هييييييييييييع
06-13-2008, 06:21 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
خالد و ربعه الكرام نبارك اللجنة وإلى الأمام أبوبكر أبو القاسم شكر ماطر وسلام عاطر الطيب شيقوق أقصد بالندامة : (يوم لاينفع مال ولا بنون إلا من أتى الله بقلب سليم)
والسلام للجمبع بدون فرز
06-14-2008, 04:25 AM
سلمى الشيخ سلامة سلمى الشيخ سلامة
تاريخ التسجيل: 12-14-2003
مجموع المشاركات: 10754
انجميت وانجميت مرة ومرة ياخ دى محلة الزول كان ادمنها يحلو الحل بله وهو بله لسه ما اظنه اتحلى لكن بالجد يا خالد انجمامتك سمحة طب كنت من اوائل الناس الانجمو هنا لكن ليك على كل مرة بجى بتاوق هسى انحنا ممكونين فى بلدنا البعيدة دى مطرة حدودا النخرة والموة دخلت ما خلت بيت قربنا غايتو منها ولاهى قربت مننا الله يهون علينا دعواتكم الموية ما تشيلنا زمان كنت حاقرة بيهو وقلت متل النيل وكتين يطمح مافى لكن الميسيسبى بالغ عديل شق الواطة جت والموية ليها خاوية هسى قالوا لينا حمام ممنوع ما تعملو حاجة بالموية غير الشراب وحتى موية الشراب مشينا جبناها من الدكان غايتو الله يكضب الشينة دعواتكم
06-14-2008, 04:29 AM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: انا اقترح ان تكون وضاحة رئيسة اللجنة وان يكون لها الحق في توجيه اى تعليمات للعم كمال والرطاني وسلمى ولوضاحة يعود الحق في فصل من تراه غير فاعل/ ة في هذه اللجنة .
واقترح ان يتضمن الاسم الجديد للانجماعة عبارة الضحى او الضحوية
شيقااااااااا يا زوووووووووووووق
اول قرار كنت حا اخدوا افصل المنسى من الانجمامة
ونعينك انت سيد الحوش علشان الانجمامة تتملى فرح وونسة وضحك
ونبعد عن الهم و الغم
وين ايمنوف يا جماعة
06-14-2008, 07:35 AM
أبوبكر أبوالقاسم أبوبكر أبوالقاسم
تاريخ التسجيل: 11-27-2007
مجموع المشاركات: 2805
Quote: انجميت وانجميت مرة ومرة ياخ دى محلة الزول كان ادمنها يحلو الحل بله وهو بله لسه ما اظنه اتحلى لكن بالجد يا خالد انجمامتك سمحة طب كنت من اوائل الناس الانجمو هنا لكن ليك على كل مرة بجى بتاوق هسى انحنا ممكونين فى بلدنا البعيدة دى مطرة حدودا النخرة
زهرة عروس الرمال سلمى سلامة التحيات على نغم هديل حمامة السلام .. سلااام يغشاك ويغطيك يا الحنينة وأنتم تواجهون فيضان النهر الثاني طولاً في عالمنا ( الميسيسبي ) ... سعدنا بزيارتك الثانية يا ( سلامة سلمى )
إذا ما البيت لبخ جالوص ومزبل لي الخريف عمة وكان جواهو محبوبين وهبابين وخمسة عيال وسحارة وكان في البيت عقاب مِعزاية لي الشفع وكان الدنيا يا الضلمة وكانت غيمة هدارة ودرارة سبلوقتنا ماصبن سباليق جارنا سون جوووو ويا دميع السحاب نوّح ويا مِعز اللبن دغّن ويا البقر الطلق بوّح جفل في الزيفة ديك روّح ويا الكللاب يسون هووووو وقام حتى الجداد كيّك ويا مرق الصنت سيك وتسمع وردلوب حيطة ويا أبو مروة يا أبو مروة بيت حاجة أم خريف دركان تجيك من الفريق عيطة وتقرأ أم أحمد البسم في الأولاد وتقرأ أم أحمد البسم في الأولاد وكان أب أحمد المهجوم بيقرأ الفاتحة في سرو وبيقرأ الفاتحة في سرو بقول الجات علي مالك مليح كان جات علي مالك تعال آ جني وكنكش فوق كتف خيّك وعاد لاحولة ولا قوة جانا غضب وموية رُكب وداك الحزّة كان الحلّه شربت تب
سلمى سلااام نسأل الله أن يحفظم الموية خير والمطر خير والحافظ الله أكثروا من الدعاء والتضرع لله
Quote: عدم الاعتراف باللجنة المكونة ابعاد الاتية اسماؤهم فورا من ساحة الانجمامة:
المنسي
عمو كمال
صبوحة
الملكة بت طلحة
ابو القاسم
الأخ الحبيب شيقوق اللجنة تم تكوينها ونحن قد سهونا ولم نذكر أسم المراقب الدولي للجنة وهو الجميل أبوبكر الرطاني وقد راعينا ان يكون في اللجنة ممثل للعرريب ( أبوبكر أبوالقاسم ) ممثل للرطانة ( المراقب الدولي الرطاني ) ممثل للعرريب المسترطينة ( العم كمال ) ممثلة المرأة وبنسبة 25% من التمثيل ( حمامة السلام ) ....
أخي انت يا فيها يا ...... ولا شنو ؟
سواقتك بقت طايشة اقبض قوي علي المقود ( عرفت ماذا تقصد بالندامة الملكة ) انت إتشالق معانا نحن ناس قريعتي راحت ديل لكن بتصل ست الحديث في وكرها إتلومتا يا جاموس كسرت التروس وننطتَّ العيوش
06-14-2008, 08:42 AM
abubakr abubakr
تاريخ التسجيل: 04-22-2002
مجموع المشاركات: 16044
Quote: ابعاد الاتية اسماؤهم فورا من ساحة الانجمامة
قربّت يا استاذ الطيب تقول كلللللهم ما عدا.... لا حول ولا قوة الا بالله !! وريحانة البطانة قالت ليك يوم لا ينفع مالٌ ولا بنون! المهم... تحضرني أبيات للشافعي يقول فيها إني رأيـت وقـوف المـاء يفسـده....إن ساح طاب وإن لم يجر لم يطـب والأسد لولا فراق الأرض ما افترست....والسهم لولا فراق القوس لم يصـب
أخونا خالد المنسي انشاء الله حنشارك لإختيار العنوان الجديد... مجرد إقتراح...ما تخليه طويل شديد
سمووووحة حمدالله على السلامة والإنجمامة كده نوّرت
راجعين ليكم بإذن الله وجمع الله الجميع على المحنّة والكلمة الطيبة ونهديكم هذا اللحن...
كل التقدير
06-14-2008, 10:52 AM
abubakr abubakr
تاريخ التسجيل: 04-22-2002
مجموع المشاركات: 16044
هيييييييييييييييييييييييييييييييييييييييييع بس كدا ولازم ولازم وضاحة رئيس وانا سكرتيرها عدييييييل كدا ولو في اى واحد او واحدة عندو راى اخر انا بكلم حادية ركبنا واميرة جيوشنا الاستاذة وضاحة بان تفتح لينا انجمامة في بوست اخر - بعدين انتو غافلين ساااااااااى ما عارفين وضاحة استلمت بكري ابو بكر ذاتو امشوا راجعوا بوست وضاحة تلقوا بكري حابس وضاحة بعكازو عديل كده ولو كترتوا الكلام والله تشوت اى واحد فيكم ضفاري تاني باسويرداتكم عييييييييييييييييك .
06-14-2008, 02:18 PM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: أخونا خالد المنسي انشاء الله حنشارك لإختيار العنوان الجديد... مجرد إقتراح...ما تخليه طويل شديد
ما أروعك وما أجمل الاختيار للأغنية الرائعة حنيني إليك وليل الغربة أضناني وطيف ذكراك بدمع القلب أبكاني
الأمر وعنوان البوست الجديد متروك الاختيار للجنة يا حمامة
ولأول مرة في التاريخ أشوف لي حمامة تتكلم قالت لي ساكن وين غلبني أقول أنا إتبكم تقول لا بعرف الكلمات ولا طول عمري كلو نضم شكراً ليك كتيييير ياحمامة رفرفي واسجعي وزيدي في هديلك
مودتي
06-14-2008, 08:02 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: المسور ياشباب داير حقيقة عناية السلوكة والطورية والكوريق مع الجراية شطة وملحة لفمة كسرة في مخلاية
لقيت ناس البندر ديل تتقدلي فيهم سااااااااى بالمسور
صاح شطة وملحة لفمة كسرة في مخلاية ( هسع بت صبحي والرطاني بيعرفوا ليك الكلام ده )
لكن المسور ( والمسور يا اهلنا هو ال Out put or the production بعد انتهاء موسم الخريف . صاح سلوكة وملود ونجامة وهجير وكمدوب وضهور سماسم ومطر ليلي مش ضحوى ولا ضهري .المسور قومة الباكرية والمسور المرة النجيضة البتشهل اولادها من الصباح بزاد الخلاء الاحلى من البيتزا عند ناس سماح والاسمح من البركاوي عند الرطاني . هيييييييييييييييييع اخوك يا وضاحة .
06-14-2008, 08:13 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: هيييييييييييييييييييييييييييييييييييييييييع بس كدا ولازم ولازم وضاحة رئيس وانا سكرتيرها عدييييييل كدا ولو في اى واحد او واحدة عندو راى اخر انا بكلم حادية ركبنا واميرة جيوشنا الاستاذة وضاحة بان تفتح لينا انجمامة في بوست اخر - بعدين انتو غافلين ساااااااااى ما عارفين وضاحة استلمت بكري ابو بكر ذاتو امشوا راجعوا بوست وضاحة تلقوا بكري حابس وضاحة بعكازو عديل كده ولو كترتوا الكلام والله تشوت اى واحد فيكم ضفاري تاني باسويرداتكم عييييييييييييييييك .
ودشيقوق كلما نوقرك في الشين أراك تتقدم إتعكنن خلاس أنا صبري شوفتو إتهدم البيناتنا ما بتنفك من غير دم الكاينة التكون بي وراها مافي ندم
يا أخوي بوح غادي والمشتهي الحنطير إطير والحلة بصل والحمام كرعين والمعجون سيقنال والصابون لوكس والسجائر بينسون والشاي كيني وكبايتو سيقان بثينة وفوطة التتمير توب بنغالي والمركوب قطع الفاشر والكورة واطا والبقول أخ يتلخ والعمر لي حدو السير لي مردو البدورنا بندورو اليابانا ......... عرفتها دي
Quote: صاح شطة وملحة لفمة كسرة في مخلاية ( هسع بت صبحي والرطاني بيعرفوا ليك الكلام ده )
يالعرريب ديير بالك انا عندي لغة اقدم من الف باء وظلع الجمل وجدادي يلقط الحبة بتاعتكم وكان قبلت عليك لا تلقي ليك ديكشنري ولا ويكيبيديا ولا انسايكلوبيديا ولا مجمع لغة يحلك ...ووو نويهي ....
06-14-2008, 08:21 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
وبالتاكيد عندك غنمى ترعي طول اليوم وبها اسعى طول اليوم وبالتاكيد عندك وليم تيل ومحمد قول وصديق عبد الرحيم وبالتاكيد عندك اشعب الاكول وابو مركوب وطه القرشي مريض وبالتاكيد عندك يا ايها المنجم والعالم المعظم جئنا اليك كلنا لنعرف منك حظنا وبالتاكيد عندك عمك على بابا . اها تاني بدك حاجة ؟ ولو عندك اى حاجة نزلها هون .
06-14-2008, 08:29 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
ودموسى سلااام المطر ويا الحوش الصبح ميضة وبدور مركب دحين أبقى البلد خرّف دحين أبقى السرف نعمة أقيدي اللمبة يا أم أحمد بدور أضهب وأكسر الحوش عشان الساس وسيلي علي الحدب مصرف
دميع السماء ودمع الجهال واحد دمع الجهال في الضلمة كان مالح وكانت الدنيا في عينينا دورا وأصبح بيتنا لي تولاتنا كفارة
06-14-2008, 08:35 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
وشن القعدة يا أبو السرة في ضل العنارة أب كمرتن برة ضقنا الحنضل اليانكي وبلعنا المرة كملت كوتت التمباك صقعنا الجرة
بتعرف الجرة يا ودشيقوق
الجرة دي يا اللخو العرريب لما يكونوا في الخلا ويكون الحقة ما مليانة بقعد إسف ويرجعها تاني في الحقة والسفة المكررة تسمى الجرة ( من الإجترار )
نظم الشاعر محمد طه القدال قصيدة مسدار أبو السرة لي اليانكي عندما جاءوا مجموعة مرة ليلاً وعندما مروا أمام السفارة الأمريكية بالخرطوم هتفو داون داون USA وكان ياهو مصير نومة في زنازين نميري أيامها وما أختلف الوضع ماهو نحن عليه اليوم والحل يعيد نفسه زنازينا أكتر من عدد المستشفيات ودور العلم والبلد سجن كبير والوظيفة سجان .. والله يهون ونظل منجمين لحين الفرج من رب لا ينسى عباده
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الطيب شيقوق
abubakr
محي الدين جبريل
أبوبكر أبوالقاسم
خالد علي محجوب المنسي
فيصل محمد خليل
وضاحة
سلمى الشيخ سلامة
sama7
salma subhi
Osman Musa
فيس بوك
تويتر
انستقرام
يوتيوب
بنتيريست