كتب الكاتب الفاتح جبرا المتوفرة بمعرض الدوحة
|
Re: عندك أخ/ت زوج/ة معاك في سودانيز أون لاين..؟ (Re: adil amin)
|
الحبيب عادل..
سلامات ومودات..
أساسي ده خوتو خوة جريوات.. يلعب معاك حلووو.. وفجأة تلاقي العكة قامت ..
لا والله أنا شخصيا من الناس الغيرو رايهم في أساسي 180 درجة.. أول ما جينا كان متلًحتى وبيرد لي رد لما يخلعني.. وكنت مكجناهو وما بدخل في اي بوست ليه.. ما بعرف الحصل شنو، لقيت ليك الزول أصلو ما بالصورة الكان مصدًرها لينا.. وبقيت بقلب جامد ورجلي اليمين أدخل ليه وألاوي كمان.. وهسع غايتو بعد العرس والبنية دي ما بتخيل لي تاني يرجع للخربشة ..
منوت من الناس الحلوة بجد.. وبفم مليان وسعيد اقول إنه من اقرب الأصدقاء.. لم ينقطع عن السؤال عني طيلة إنقطاعي من المنبر..
وإنت زاتك يا عادل من الناس الواحد بيقول عنهم: ده أخوي بالجد..
تسلم.. وبطًل غيبة
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Raja)
|
Quote: أساسي ده خوتو خوة جريوات.. يلعب معاك حلووو.. وفجأة تلاقي العكة قامت .. |
تشكرى اختي رجاء وراوية ايضا واعتز بخوتكما ولا زلت اذكر هدية رواية في عيد فالنتين... اساسى زول مفترى لانه عمل نفسو ولد السيد محمد عثمان الميرغني(بوست لاساسى في الارشيف)
ونحن قايلنو شماشى ساكت في الحقيقة عداوتي ليه وربنا يعرف الفي الضمايير ما كانت متجذرة...بمكن نصها ريد ساكت
ما عارف الحصل ليه شنو بعد ما جاء من السودان اخيرا غايتو شايفو بقى ليبرلي /اسلامي بعد ما اخد جرعات مركزة من من طبيب العائلة عادل عبدالعاطي
هذا الوطن الجميل نختلف ...نتعارك....نتخاصم ولكن نعود والسودان بلد القيم وهنا بدات الحضارة وهناك حركة عودة لكثير من الناس الزمان بس افتقد العم ارنست سوداني عجوز عساه بخير
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: adil amin)
|
عادل يا عزيز..
سلامات ومحبات..
فعلا الناس هنا علاقتهم بقت زي الأهل.. أنا لما رجعتا آخر مرة هنا كان إحساسي زي كنت مسافرة ورجعت البيت.. مش بتسلم كده وبيكون في مليون شئ وسؤال في راسك.. وتبدا تدخل الأوض تشوف التغييرات الحصلت وتسمع الأخبار الفاتتك.. ده الحصل بالضبط معاي
العم أرنيست بجد ليه وحشة.. أتمنى فعلا يرجع في موسم عودة كل العصافير المهاجرة..
ودي
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: adil amin)
|
السلام عليكم ورحمة الله وبركاته
الحبيبه رجويه صباحك فل وياسمين
أستمتعت ببوستك هذا وانا اتناول افطار الصباح(Toast with jam and butter+ orange juice & a cop of milk) وقد اعطى بوستك هذا مزاقا خاصا لافطارى
سعدت بهذه التعريفات وكما قلتى انا وزوجى خالد (كوليل) فى هذا البورد لكنه لا يكتب الا قليلا برغم متابعته للكثير مما يكتب هنا
لى ايضا بنت خاله وود خاله هناعرفتهم بمحض الصدفه وهم ناصر البطل وريهان الريح الشاذلى
وايضا قريبات فى هذا المنبر وهم الحبيبتان لنا مهدى ورباح الصادق
كما سمعت ان الاخ محب وابناء شيخ الدين ينتمون لنا بقرابه لجدنا احمد شرفى اتمنى ان يؤكدوا هذا الكلام او ينفوه
ايضا القرضابى وشوقى سليمان طلعوا اقرباء لنا
وبنات العباسى لنا قرابه معهم زكرتها لى راويه يوما فأرجو ان تتأكدى منها
انا متأكده ان عرفت نفسى بالكامل من ناحيه الام والاب سيطلغ نصف البوردابى من اقاربى او معارفنا
ولكى التحيه بحجم هذا البوست الجميل وحمدلله على سلامتك
ومرحبا بعوده الاخت راويه
وفى امان الله
لا اله الا الله
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: bint_alahfad)
|
بوني ياحبيبة
الف الف الف مبروك ياحبيبة ومبروك لخالد
ماعندي طريقة اتصال بيك وياريت تمديني بيها
اماQuote: وبنات العباسى لنا قرابه معهم زكرتها لى راويه يوما فأرجو ان تتأكدى منها |
ايوة يايوني
لينا الشرف بانه يكون لينا نسب معاكم
وبيجمعونا معاكم الاخوات الغاليات اميرة وامل جعفر قريش وقع ليك
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: bint_alahfad)
|
بوني الحبيبة..
صباح شريف يا أميرة..
قراباتنا معاك بناس قريش.. ولما كنتا في الخرطوم آخر مرة سألت عنك وقالو لي كيييف؟ بالله بتعرفو بعض؟ شفتي الدنيا صغيرة كيف؟
وحلو نعرف ريهان وناصر أولاد أخوالك.. وأولاد شيخ الدين ومحب والقرضابي وشوقي سليمان ولنًو ورباح..
ده البورد كله أهلك وإحنا ما جايبين خبر ..
تعرفي تاني في أول بوست دشمان.. عليك علي أحشدهم ليك بالدور.. طبعا بعد ما أنا وراوية نقوم بالواجب ..
تحياتي لخالد. ويا ريت يظهر علينا في البوست ده
وبالهنا يا حبيبة الفطور.. والله يسلمك
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: bint_alahfad)
|
الغالية رجا العباسي خالص تحياتي وشكري على هذا البوست الرائع.. تعرفي بالبوست دا عمت عملتي حاجات كتيرة.. واحدة منها ، على سبيل المثال ..انو الناس تاني ح تعمل حسابها كان دايرة تتشاكل مع واحد / واحدة.. ما خلاص بقي عندو/ها بودي قارد.. يعني متوقع لغة المخاطبة و الاختلاف يتغير ترمومتر حرارتها.. ونتوقع ان نودع مواسم "الدُواس". انا زوجي اسمه الحقيقي مصدق الصاوي خلف الله وهو عضو نشط هنا ويكتب بصورة منتظمة باسم "ابو خالد" له مداخلات كتيرة اغلبها في بوستات الاقتصاد والموسيقي.. لذا لزم التنويه.. شكرا للريس ابو جهينة على مبادرته الطيبةلضمنا الى قائمتك الكبيرة، قلبا ومحتوى.. خالص مودتي.. حليمة
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: adil amin)
|
رجوية الحبيبة تبري من الحمى سلامتك والسودان كله كرامتك وأنتي الهضربة منك زاتها ما إبداع
عايني أنا أسامة خلف الله ود عمي ومتربي معانا في البيت يعني أخوي الكبير
وبعدين كان لتطابق الاسماء والله نص ناس المنبر ديل أخواني لانو الطيبين كتار
وتسلمي يا عزيزة من كل شر
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: نهال الطيب)
|
الحبيبة نهال..
سلام ومحبة وريدة من أول يوم شرفتينا فيه..
تسلمي من كل شر.. تعرفي أنا علاقتي بالدكاترة سيئة للغاية.. امي من أمبارح واقفة في راسي عايزة توديني للدكتور.. بخاف رسمي منهم.. وطبعا ما حأقول ليك الحقن بيشكًلو لي شنو..؟ ومستعدة أقنع نفسي أني بقيت تمام عشان بس ما أمشي للدكتور.. طبعا الدكاترة المعانا هنا حيكونو إتصدمو من إعلاني ده ..
أسامة أنا كنت قايلاهو اخو هاشم.. حتى قلت ليه فوق كده.. وفرصة حلوة نعرف إنه أخوك الكبير..
دمتي
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Raja)
|
العزيزة رجاء
تحية وسلام
شنو يعني لابد من الجرجرة دي...؟؟
مصدق (أبو خالد) وحليمة محمد عبدالرحمن (أم خالد).
قرايبي (وهم برضو ما عارفين ): دكتور متوكل وأسامة ميرغني
وأولاد (ولا الأصح شيوخ) مدرستنا:عبدالله الشقليني وخطاب حسن أحمد
أولاد حلتنا: كل أبناء زاهر السادات.
تحية ليك وللبوست المهضوم خالص.
| |
|
|
|
|
|
|
Re: أقوووول وللا هُسْ؟؟؟؟ أخبار خطوبة شايلها النسيم ترلم ترلم (Re: Raja)
|
Quote: يا لنا بطلي شحتفة وقولي لينا بسرعة..
من بورداب وين..؟ مرتبطين من زمان ولا هسع..؟ منو النشيط الفيهم.. يعني المتابع كتير في المنبر..؟
عايزين إجابة وافية بالله .. |
من بورداب المنبر دة يا رجوية مرتبطين منذ أمد ولكن ليس ببعيد الإتنين معتبرين روحهم نشيطين إن شا الله الإجابات وافية
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: ابو خالد)
|
العزيز الفاضل ابو خالد..
يا ألف مرحب بيك.. وبركة في البوست العرًفنا بيك وخلاك تظهر لينا..
وزي ما راوية قالت.. د. متوكل واسامة قرايبنا برضو.. يعني الصدفة الجميلة الخلتنا كمان اهل..
بجد انا سعيدة لدرجة..
شكرا ليك كتير على مشاركتك الجميلة..
دمت
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Raja)
|
Quote: أولا وين الباشمهندس..؟ وليه ما بنقرأ ليه..؟
|
عارفة, لما معز يجى طالع الشغل هاشم و شهاب بيقولو ليهو يا بابا ماشى وين؟ -الشغل. -لية تمشى الشغل يا بابا؟- عشان أجيب القروش و لية تجيب قروش؟ -عشان أمكم تلهفها
فوحاتك, هو فى الشغل بيعمل فى القروش علشان ألهفها
خارج النص و الله العظيم أنا غلباااااااان
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: غادة عبدالعزيز خالد)
|
Quote: الحبيبة ماجدة..
سلامات ومحبة..
يعني ما لقيتي غير الحلوين ديل ..؟
طيب.. مقبولين منك
وين منال..؟ |
ما دة كضابة ما تصدقيها! ديل بنات حلتنا امبراطورية ميم كنا بنوصف ميدان الرابطة وسوق الندى والمغتربين ومركز الشرطة بىبيتهم! يعنى زى توصف لي واحد تنزل محطة البراميل وتتج شرقا تلقى بيت ناسو كلهم سمحين منو 50 متر ميدان الرابطة! سعادتى لا توصف بعودة رجاء وراوية
الله يخليكم يا بنات العباسى جنى
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Raja)
|
رجوية يا عسل...
كيف احوالك؟
انا غايتو عندي اخو خسارة فيهو الباسوورد
الزول كتب بوست واحد بيفتش فيهو عن صاحبه..وبعد ما لقاهو ..شتت!
المهم اسمه جمال سالم..
وزوجي طارق للاسف ما عضو في البورد..
وابو جهينة شكله ملخبط في الموضوع دا..
من الاعضاء المتزوجين :
تمبس وست الريد النساية
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: رشا سالم)
|
رشا يا حبيبة..
سلامات ومودات..
قبل أي شئ لازم نصك الحلو يكون معانا.. وبكده نحقق هدف البوست وكلام ابو جهينة..
غايتو ما بسأل أخوك.. إحنا (تارا وسارة) ما قاعدين يكتبوا زاتهم.. تارا مرات مرات.. لكن سارة أدًت البورد القدرو من اول هكر جا ..
.. هسع نقوم نكتب تمبس وست الريد تقوم ست الريد الصحي صحي تجي تودينا البوليس ..
شكرا لمداخلتك الحلوة..
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Raja)
|
رجوية الحبيبة
الف سلامه عليك وما تشوفي شر
بوستك عسل ..
تعرفي أنا ناس سودانيز اون لاين ديل كلهم
جماعتي وفي مقدمتهم مهندس بكري ابوبكر
اصلها حليمة جابت لها بودي قارد وكده
ورجوع للكبار ..
اسمي خالدة الأمين البدوي
من يجد/ تجد نفسه/ها
اب ، أم ، اخ/ت ، عم/ه خال/ه
ولد/بنت عم ، ولد/ بنت خال/ه
.... الخ
كل من يجد في نفسه المواصفات فقط
يضع نفسه في المكان المطابق للمواصفات
ورجوية ما تنسي نفسك أنت كل حاجه ..
ودي ،،
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: ملكة سبأ)
|
تتقطعي من شجرة وفي البورد القاعدين فيه إحنا..؟؟
قسما ما تجي..
كدي يا الملكة بس قولي بسم الله وأرجعي لي ورا وشوفي كم أخت واخو من جندرية لي شوايقة ..
طبعا زماااان لما كتبنا خوًتنا لقينا روحنا كتبناها بدم الإحترام والريد ال (لله في الله)..
حبي وتقديري الدائمين..
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Raja)
|
Quote: زي الأخوان جبريل (طارق وناصر) |
... وراشد
الـ أختي رجاء
شكراً على البوست الذي عرّفني على جيراني، وأشعرني بوحدة "فورية"... أشد من وحدة أخينا ايوب عبد الرحيم.
ورغم الغربة الاسفيرية (المزمنة) التي تسيطر علي، وتدفعني للتخلص منها بالدخول لأعضاء بعينهم، أجدني أشعر بـ"خوّه" طاغية تجاه بعض الأخوان ممن لا رابط عائليا أو جغرافيا بهم. أحد هؤلاء أحببته من أول بوست. وما زلت أنقب في دواخلي، وأشحذ ذاكرتي وأحاول أن "أخترق" عقلي الباطن لأصل إلى سر حبي لهذا المخلوق. هل يشبه أحدا في أسرتي؟ هل هو من أفراد أسرتي؟ هل لأن كمية خرافية من الطيبة تتدفق من وجهه (صورته) حتى تكاد تغمر البوستات المجاورة؟ هل لأنّ به دروشة ً محببة؟ هل لأننا التقينا ذات حياة في مكان ما في هذا الكون الفسيح، وافترقنا؟ ------------ هل لأسباب أخرى لا أعرفها؟ أحيانا كنت أتجنب بوستاته لأنني بمجرد أن أبدأ قراءتها تغرورق عيناي بالدموع، وأشعر بحنين موجع له؟ ------------ ------------ شكرا رجاء ... وان شالله ما أكون طلعت بره الموضوع؟
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: محجوب البيلي)
|
العزيز محجوب..
سلام ومراحب وتقدير..
حلو بوست الأخوان جاب كل الناس الحنان.. وبجد مشاركتك من أجمل ما قريت..
وتسلم على تعريفنا بجبريل أخوان.. ربي يحفظهم ويجبر بكسرهم في الوالدة الجليلة وشقيقهم متوكل..
سعدت كتير بتشريفك للبوست ده يا عزيز
دمت لكل أخوانك الفي المنبر..
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Raja)
|
رجا
ازيّك
والفيكم اتعرفت يا بنات العباسى ....
ويا جماعة أحكموا ..
أنا قلت لى رجاء ... يا _ تبقى القرابة علاقة .. أو نكسب الاتنين ..
ردّت قالت لى ( مرحب .. معتصم العباسى)
يعنى شاكوش .. طريف .. لكن قلت احسن برضو مادام ..طلعت بالخوة ..
الليلة باعتنى ..
لا لمّيت فى العباسى ( last name ) ولا فى القرابة علاقة ..
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: عبدالكريم الامين احمد)
|
Quote: الواحد متخيل الرابطة دي حيكون عندها ثروة وسلطة لذا بالله اي ثلاثة اخوان يكون عندهم اربعة اصوات حفاظا علي عدالة التقسيم للثروة |
ههههههه يا عبدالكريم.. عايزين تضمنوا الأصوات ..
غايتو الحلو في الرابطة دي حيكون صوت البنات والأولاد متساويين.. أنا حبيت أكون عادلة شوية وما قلت صوت البت بتلاتة أولاد.. عشان نرجًع كل حقوقنا الإتهضمت ..
ودي..
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: معتصم الطاهر)
|
هههههههه يا معتصم العباسي ..
بجد ليك مليون وحشة..
إنت ما قريت كلامي القلت فيهو لو بديت أعد في أولاد العباسي الهنا البوست ده ما حيكفينا..؟
..
يا جماعة معتصم ده من أجمل الناس القابلتهم شخصيا.. وكتب لي أجمل كلام سمعتو في حياتي قصيدةإسمها (رأس الرجا العباسي)..
عندي مكتوبة في منديل ورق بخط أيدو.. حأجيبها هنا..
دمت يا معتصم ودام ودنا..
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Raja)
|
بت العباسى الحبيبة مالك نسيتينا انا والراحل المقيم ابو وضاح لازم تذكرى كل الناس لأنه الانسان البرحل بترك بوستات جميلة وما تنسى انه ابو وضاح زى ما بقول ليه ابو ساندرا الراجل الكتااااااب ده اعمل ليه شنو ؟؟ راجعى الارشيف . تحياتى يا عسل عندى اهل كتااااار هنا وما بوريك ليهم . عشان نسيتينا .
لك الحب ام وضاح
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Raja)
|
العزيزة رجاء عساك طيبة..
تعرفي البوست دة تاني حقو الواحد يجي داخلو و شايل مُبخر ... و يتمتم يا عين يا عنية يا كافرة يا شرانية ... أمرقي يا وش الفقـر ... قلت لي:Quote: بالمناسبة انا كنت قايلاك أخو ناس عمر وياسر عبدالعزيز.. وهسع إتذكرتا أضيفهم في الأخوان برضو |
أنا أخو غادة عبدالعزيز و لا شنو يا "موزة" و طبعاً موزة دي بتاعت مجلة ماجد و شقيقها رشود...
لكن اولاد خالاتي كتار في المنبر بس لابتين ... أها هاك المفاجأة دي أنقري ود خالتي منو و من بورداب جدة؟؟؟؟ و نواصل في الحلقة القادمة...
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: سارة حمزة)
|
سرور يا حبيبة..
الما بيخليه ينفع شنو وعمراب الموردة أهلنا إحنا الإتنين..؟
أنا متأكدة بعد شوية حنلاقي كلنا أهل بعض.. شايفة كتيرين قرايب ناس مشتركين..
غايتو بالشفتو في البوست ده طلعنا قرايب كل ناس البورد..
..
سرور مشتاقة ليك ونولة لدرجة ما تتخيليها.. ولمشاويرنا بالأتوس الخضرا
يا ريت نتقابل قريب.. يا ريت
طمنينا على صحتك وخلي بالك من روحك يا غالية
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Raja)
|
Quote: في الأول قولو لينا (مجكسين) منو عشان ما نمشي نلخبط المواضيع .. |
يا رجوية والله الحاجة دي ما بناباها .. لكن الفينا إتعرفت زمانا فات وغناينا مات
أنا وشتات أخوان .. دي تعرفيها براك .. تمبس دا أخوي الذي لم تلده أمي .. أها عندي خالي وود خالي هنا في المنبر ديل لسه جداد ما اتعرفوا كويس .. بجيك بي أساميهم نخلي الناس تفتش شوية ..
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: معتصم دفع الله)
|
مو يا عزيز..
سلامات كتااراات
طبعا لو نزلت ليكم اي إسم حيصبح معتمد نهائي.. أعملو حسابكم وما تزوغو..
حلو فعلا إنو إنت وشتات أهل.. لكن عليك الله ورينا أهلكم الجديدين..
بالمناسبة الزول بقى يخاف بعد البوست ده. يقوم يدخل شمال في زول يحرجنا مع قريبه أو قريبته..
في إنتظارك
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Raja)
|
استاذة رجاء سلامات - ابراهيم كرسني (ابن عم وخالة لنا) - القلب النابض (بنت خالنا) - عبد اللطيف بكري (ود خالتنا) - طارق جبريل - ناصر جبريل - راشد جبريل - زرياب كنيش (ابن اختنا)
يعني بالعربي كدة فضل لينا البيان رقم واحد ونحدد نوع الثورة التي سنقوم بها لنحتل المنبر
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Kostawi)
|
Quote: خارج النص مالك خاتى وجة حزين و إنت بتتكلم على علاقتك بينا يا ناصر؟
مجرد سؤال..
غادة |
الوجه الحزين ده عشان زوجتي ما عضو معانا في سودانيز اون لاين
ام علاقتنا بيكم فهي تاج في رؤسنا ونتشرف بيها كثيراً
ام الباشمهندس عزو ليهو الله وعيشة السوق ( زي ما بقول المثل الانا ما متذكر ناجرو من وين )
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: طارق جبريل)
|
العزيز طارق..
بداية البركة فينا وفيكم في أخونا "متوكل" وقبله الوالدة الكريمة.. ربي يرحمهما ويثبت قلوبكم..
وجودكم كأخوان من أجمل الحاجات في المنبر ده. غايتو لو عايزين نسمع كلام منى خوجلي وهيثم عبدالعزيز المفروض نجيب ليكم البخور إنتو.. ربي يحفظكم ويغطي عليكم..
وشكله كده البيان رقم واحد حيصدر بنهاية البوست ده، ونقوم بإحتلال إذاعة المنبر ..
ودي
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Nasser Mousa)
|
ناصر يا عزيز..
أولا البركة فينا وفيكم في عبدالمنعم..
عرفته شخصيا وقابلته في القاهرة، جاء لزيارتي مرتين في الجريدة واحتفلنا بهم في نقابة الصحفيين، وقابلته في الخرطوم وكنا الاتنين على عجل.. وإتفقنا على اللقاء عند عودتي من دارفور.. لكن القدر كان أقرب من موعد عودتي..
أحزنني رحيله، ولا زلت أحس بوجوده كلما التقيت أحد أصدقائنا المشتركين..
له الرحمة.. ولكم أهله ولنا صحبه الصبر..
| |
|
|
|
|
|
|
عبد الماجد انا فاقداك (Re: Raja)
|
اجمل اتنين كانوا وحيفضلو فينا طول ما احنا عايشين
اتنين جميلين بيحبوا بعض وبوستاتهم كلها حب وجمال هو كان رقيق وانسان ورائع روعة ابتسامته ومريح راحة ملامحه وجميل دواخل ووسيم كان اوسم الرجال وهي نسمة وشاعرة رقيقة وبت ماحصلت
اصلو ماحصل اتداخلت معاهم غير تهنئة زواجهم بس كنت بتابعهم كل ليلة وهي زي القراشة بخفة تتنقل من بوست لبوست تنثر عبيرها وهو حلو كان وروحه مرحة ونكاته جملية
الله يرحمك يا عبد الماجد يوسف فرح والله يصبرك على فقده ياتوما اشهد انه كان اجمل حب وحيعيش فينا
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Raja)
|
Dear Raja Thanks for this post. Sudaneseonline has connected me with friends from my days at Khartoum East Elementary school in 1960s. Although I can't count all my relatives in this forum, but this are the relatives who I have recognized 1. From my paternal family a. Asha Bit Fatima ( Asha Mubark Awad Elkarim) b. Alia Mubark Awad Elkarim. c. Mutwakil Mustafa Elhussein. d. Dr. Ahmed mustafa Elhussein. e. Mariam Bit Elhussein. 2. From my maternal family a. Amna Izzeldeen Mekki Shibeika- Cousin b. Mekki Yousif Almagrabi- cousin c. Abdelhalim Osman Abugusseisa- cousin d. Hassam Elamin Shibeika e. Shawgi Bedri Regards
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Elmoiz Abunura)
|
الفاضل العزيز المعز ابو نورة..
سلام ومحبة..
أول شئ: إنت أخو منار وإبن خال ناس آمنة ونهلة وحليم أبوقصيصة؟ لو كده إحنا أهل لأنو علاقتنا بناس آمنة أقرب من الخوًة.. وبنعرف كل أهلهم وعندنا نسب مع بنت عمهم متزوجها خالنا.. والفاضلة إبتسام بنت خالتكم عملت معها في جريدة الخرطوم الشريكة فيها مع زوجها د. باقر وأستاذ فضل الله.. نعمة وقيلي وصفية ويسرا من أقرب الأصدقاء وكنا بنحرص نتلاقي في كل مرة أنزل فيها الخرطوم من دارفور..
وطبعا عارفة إنكم اصلا من رفاعة عشان كده ما استغربت قرابة ناس عشة بت فاطنة وعلًوية.. ود. متوكل قريبنا إحنا برضو بالمناسبة..
غايتو فعلا السودان ده كله أهل..
شرفت وسعدت بمعرفتك زيادة وبمشاركتك..
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: amir elsharief)
|
العزيز أمير..
سلام ومحبة..
مرحبا بك في المنبر.. أنا بعرف احمد وهو مختفي من دهر كده.. وبالمناسبة إحنا برضو أخوان.. فوالدانا رحمهما الله كانا من أقرب الأصدقاء أيام الدراسة بمصر.. قابلت شخصا في السودان مؤخرا قال أنه سمع بوالدي من والدك.. ولم يكن يعرف أنني بنت أستاذ العباسي.. لهما الرحمة..
تشرفت بمقدمك وإضافتك..
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Raja)
|
Dear Raja Quote الفاضل العزيز المعز ابو نورة..
سلام ومحبة..
أول شئ: إنت أخو منار وإبن خال ناس آمنة ونهلة وحليم أبوقصيصة؟ لو كده إحنا أهل لأنو علاقتنا بناس آمنة أقرب من الخوًة.. وبنعرف كل أهلهم وعندنا نسب مع بنت عمهم متزوجها خالنا.. والفاضلة إبتسام بنت خالتكم عملت معها في جريدة الخرطوم الشريكة فيها مع زوجها د. باقر وأستاذ فضل الله.. نعمة وقيلي وصفية ويسرا من أقرب الأصدقاء وكنا بنحرص نتلاقي في كل مرة أنزل فيها الخرطوم من دارفور..
وطبعا عارفة إنكم اصلا من رفاعة عشان كده ما استغربت قرابة ناس عشة بت فاطنة وعلًوية.. ود. متوكل قريبنا إحنا برضو بالمناسبة..
Thanks for your response. Yes, Manar Elgamri Abunura is my one, and only sister.Amna, Halim, and Nohala are my maternal cousins. Their mother, aunt Afaf Mekki Shibeika is the young sister of my mother Souad Mekki Shibeika. Ibtisam Afan is my maternal aunt. Her mother Saffia Mohamed Shibeika is the young sister of my grandmother, the late Amna Mohamed Shibeika. Your friends Asha, and Alia Mubark Awad Elkarim are my relatives from my father side, Abunura family.I am aware of the stong ties between you and my cousins Amna, Halim, and Nohla Abu Guessia. If you come to the U.S you will be welcomed at Asheville. Please drop me a line at [email protected], and forward my e.mail to Rawia Peace and love to you
(عدل بواسطة Elmoiz Abunura on 05-05-2007, 02:41 AM)
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: Raja)
|
عزيزتي رجاء.. زي ما كتيرين قالوا ليكِ..إذا نجح البوست دا في حاجة..فقد نجح في إقناعنا بإننا أسرة واحدة. إذا إشتكى منا بوست..تداعي باقي البورد بالسهر و الحُمىٌ. تسلمي يا ستي على الفكرة الحميمة دي.
عن نفسي فأنا يا ستي مقطوعة إسفيرياً من شجرة..ما عندي لا أخ لا أخت لا خال لا عم.. لكن تربطني علاقات أسرية و إجتماعية و صداقات حقيقية مع كمية من الأعضاء ممن تزاملنا في الجامعة أو جمعت بيننا ظروف الحياة المختلفة.. لكن و- لظروف كتيرة - حلفت ما أوريهم أنا منو أو أعترف ليهم إني ممكونة البتكتب معاهم في البورد... أقابل الواحد/ة فيهم/ن في مناسبات مختلفة و أسلم بمنتهى الحرارة و الإنفعال.. أو بمنتهى الثقالة و البياخة...على حسب آخر مداخلة دخلوها معاي .. مما يصيبهم أحياناً كثيرة بالدهشة و النظرة التى تحمل معنى واحد بس... هناية دي جنٌت و لا شنو ؟؟!!!
| |
|
|
|
|
|
|
Re: عندك أخ/ت زوج/ة معاك في سودانيز أون لاين..؟ (Re: mamkouna)
|
الممكونة العزيزة..
سلامات ومراحب بيك في بوست الأخوان والأحباب..
طبعا إتخيلتك تجي تقولي لي (الممكون زاتو) معانا.. ودي كانت حتكون مفاجأة البوست..
غايتو لو قلتي لينا أهلك منو الفي المنبر أو قريتي مع منو حنعمل (كولومبو) ونعرفك في النهاية..
تشكري كتير على مشاركتك الظريفة..
| |
|
|
|
|
|
|
|