|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: khalid almohrib)
|
الأخ فاروق ده الكلام السمح الكان في داك الزمان الجميل، أيام كنا ونحنا "درفن""نمرق قدام البيوت" ونجي شبعانين، شيء تبشن وشيء موليته، وشيء صمغ، وشيء حنبك ، وشيء نبق، وشيع عنكوليب، وعلى طاريء العنكوليب ما لقينا أحلا من عنكوليب فداسي يا أخوي الطيب ودشيقوق الذي قال فيه العارف الشعبي: ات شن بتشبهي غير الحليب القبيل حلبو اللا حمّض ولا اتغير طعمو على الشربو يا عنكوليب فداسي النقرشو ونقو شوفتك ترفع الفوق الفراش مدو
ومجاراة للعارف الشعبي ود بله قال: ات شن بتشبهي غير قطن الجزيرة الفي الحقول قبيل زرعو اللا صفّر ولا اتغير لونو على اللبسو يا طويل التيلة الفي مصانع الإنقليز غزلو شوفتك ترد الروح للفي الكفن لفو
كلامكم سمح بالحيل، زيدونا منو ، والله ما في أحسن من زمانا داك ، أيام كانت النفوس طيبة، والأحوال هنية والدنيا كانت سمحه بناسه وطيبة نفوسن
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: سمية الحسن طلحة)
|
علشان خاطرك ياحبيبتي أنا جـيت..معاي كمامة ونظارة سـودا وسماعات.. ياسـاتر.. طـيب الأوصاف بتاعة الحاجات إياها دي أشيلها كيف من ذاكرتي? عارفة يومين أنا بأعمل شنو? أول يوم بلعت حـبوب..علشان أنسي! تاني يوم ما أكلت خالص..يعني هاكـل بياتو نفس?
وبعدين انت ياشيقوق خلاص يعني.. حبكت معاك التشبيهات خالص? وبعـدين بقي مصيبة لو هم فعلا كـانوا بيعملوا كـده..هأقرف شـديد وكمان back dated!
تسلمي حبيبتي..
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: abubakr)
|
Quote: وبعدين انت ياشيقوق خلاص يعني.. حبكت معاك التشبيهات خالص? وبعـدين بقي مصيبة لو هم فعلا كـانوا بيعملوا كـده..هأقرف شـديد وكمان back dated! |
ده مش عشان خاطرنا عشان خاطر بت طلحة برضو كتر خيرك يامنى عين تكرم الف عين عزك لبتطلحة عز قبائل .
بعدين يامنى هسه لو اهلك ما قروك عشان تبقى صحفيةمخضرمة وسياسية مهتمة بحقوق الانسان مش اكان ممكن تكونى داية مش ممكن تكونى سيستر مش ممكن تكونى طبيبة متخصصة في Either Obs or Pediatrics
اها بتعملي بالفديو كنفرس والرموت كنترول ؟
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)
|
(اها سوق مسقط جاهو بلا اتحول الي داو جونز وبدل مطرح للاسماك الاسهم بقت مريسي كولا ... )
عمو انا يوم 24 ديسمبر ماشي لعولي والله رغم انو الواحد ماشي لاولاده من حلاة ونستكم همتو للسفر زى الحمار اللتيد(بتشديد وكسر الياء) راجع الفاروق ود حامد للتعرف على المزيد من معانيها .
عليكم الرسول اكان في طريقة نتقابل في ابو ظبي انا ببيت يوم في ابو ظبي لانى جاى بالاتحادية .
شفت يا شيخ الطيب أها يوم 24 ديسمبر ده حأعتبره العيد الوطني
التاني لفاروق حامد .. يا سلاااااااام وأنا أقول أبوظبي منورة
ليه كده يا ربي......؟؟؟؟؟ بالله رسل لينا المنيو للعشا والفطور
والغدا وطبعا حتنزل معاي لو قلت لي نازل في فندق قسما عظما أهجوك
هجاء لم يهج لكافور ولم يقله المتنبي !!!!!!!!!!!!!!!!
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)
|
Quote: شفت يا شيخ الطيب أها يوم 24 ديسمبر ده حأعتبره العيد الوطني |
كوسة ... مالو طيران الامارات - القطرية او العربية .. يعني الاتحاد وهي بس من ابوظبي ويوم احد اول يوم في اسبوع الافندية اللي زينا الا يترفد عشان ما يحضر . والايام دي 4 ساعات ماشي و4 ساعات راجع بعد العقجة الفي دبي ..وعمك فاروق براحتو وفي ابوظبي .... دي كلها مؤمرات ..انشاء الله ضباب في مطار ابوظبي ويحولو الطيارة الي مطار دبي أ أأ اميييييييييييييييييييييييييييييييييييييييييييييين ...
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: abubakr)
|
Quote: بعدين يامنى هسه لو اهلك ما قروك عشان تبقى صحفيةمخضرمة وسياسية مهتمة بحقوق الانسان مش اكان ممكن تكونى داية مش ممكن تكونى سيستر مش ممكن تكونى طبيبة متخصصة في Either Obs or Pediatrics
اها بتعملي بالفديو كنفرس والرموت كنترول ؟ |
ممكـن أكون أي حـاجـة طـبعا غير الحاجات الكتبتها إنت وانا شفتها هباب.. وأنا دلوقتي عايزة تعويض عن قلة ساعات نومي من الكوابيس! أنا الكلام القريتو في البوست الغريب ده بيجيني بالليل في نومي.. الحشرات ديك بتهجم علي راسي .. وبخاف جـدجد وبقوم من النوم مذعورة وكمان منخيري مقفولة... بيجيني إحساس إني بقيت زيك زمان.. لأ لأ لأ خـلاص بلاش ..نقفل السيرة دي! بس أنا will sue you
أيوة علي فكـرة..كان ممكن أكـون أي حاجة زي طبيب نفسي مثلا..وعادي جـداأقـدم محاضرتي بالpower point وأجـيب شـرح للحالات محل الدراسة ..وأكـيـد في حـالات كتيرة غريبة علي بلاد العام سام..ومابغلب..بلقي ليها صور..ولا شنو?
سـبتك بعافية
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: abubakr)
|
Quote: بس أنا will sue you |
يا منى حرام عليك يعني عايزة ود شيقوق يحبسوه
والبورد ده كله يبكي ويتمخ... ولا معليش ...والناس
دي كلها تبكي والجماعة بتاعين المزيكة ينزلو لينا
أغنية محمد منير : منى سو والله سو ... والطيب حبسو
والناس تغني وتبكي وتتمخ...... وتتعبينا بالعواميد
البودوها للمساجين الانقاذيين الهاي البسرقو قروش السودان
ويسجنوهم فندق خمسة نجوم ويقعدو يتونسو ساي والمساجين
بعملو ليهم في الشاي ... حرام عليك ..... يا شيخة !!!!!!!
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)
|
Quote: بيجيني إحساس إني بقيت زيك زمان..
لأ لأ لأ خـلاص بلاش ..نقفل السيرة دي! بس أنا will sue you |
يا الفاروق ويا ابابكر الحقو السنجكة دى قولوا ليها ان ودعتينا حتودعنا اشواق وبهجة وسعادة وطولى لينا بالك لحظة من فضلك . انتى مدسترة بوداع واستقبال العشق واللحظات ذاتها و اكان ما دودرناك بيهن وذكرناك ليهن ماك مصنقرة معانا .
انا حالف بام عبد الله تجينا راجعة . او نلهمك بت الصالحين ملكة الدوبيت تعمل ليك دعوة واحدة تاني البوست ده ما تختيهو ( تختيهو يعنى يا ابا بكر ومني تعنى تديهو عرض اكتافك) آية بتك ذاتها تنسيها .
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)
|
Quote: ومني دي شايقي نصيحة ولو سو يو ياكا الرحت مرقة ساي علا توسط قريبتك ملكة الدوبيت |
انا قلت ليكم انتو طرش والله انا اكان ما شفقان عليها وخايف تهمل اشواقها ولحظاتها الجميلة ممكن اسلط عليها بت طلحة والله تتناولها على الوصف بس فاتحة واحدة بعد ركعتي المغربية تاني ما تفوت المحل ديييييييييييييييييك وتشم الشغلانية زى الكارتر دكلاريشن .
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: محمد ابراهيم قرض)
|
Quote: أبوبكر .. دي أختي بي عربي جوبا .. شيقوق يسعى لجعل الوحدة جاذبة رايك شنو نشجعوا ؟؟؟ !!!! |
حلو انت يا قرض كلامك ده بيصادف هوى من يهتمون بقضايا حقوق الانسان والناشطين في من قواعد المجتمع المدنى .
انت يا الفاروق اخوى دحين النوبي ده سمع بالفات الفات في جيبو سبع لفات والرمة وقعت في البير صاحبها واحد خنزير .
كده بس النوبي لازم الوعه ليكم من مباراتي دى كهرني النت وبكري وابي بكر ذااااااااااااتو. اكيد حيكون رايه عن الوحدة الجاذبة مخالف لقرض طالما ان عناصر الوحدة تكاد تكون زيرووووووو .
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)
|
Quote: اها سوق مسقط جاهو بلا اتحول الي داو جونز وبدل مطرح للاسماك الاسهم بقت مريسي كولا ... )
عمو انا يوم 24 ديسمبر ماشي لعولي والله رغم انو الواحد ماشي لاولاده من حلاة ونستكم همتو للسفر زى الحمار اللتيد(بتشديد وكسر الياء) راجع الفاروق ود حامد للتعرف على المزيد من معانيها .
عليكم الرسول اكان في طريقة نتقابل في ابو ظبي انا ببيت يوم في ابو ظبي لانى جاى بالاتحادية . |
شفت يا شيخ الطيب أها يوم 24 ديسمبر ده حأعتبره العيد الوطني
التاني لفاروق حامد .. يا سلاااااااام وأنا أقول أبوظبي منورة
ليه كده يا ربي......؟؟؟؟؟ بالله رسل لينا المنيو للعشا والفطور
والغدا وطبعا حتنزل معاي لو قلت لي نازل في فندق قسما عظما أهجوك
هجاء لم يهج لكافور ولم يقله المتنبي !!!!!!!!!!!!!!!!
الطيب ما رديت على الكلام ده الكتبته ليك فوق
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: abubakr)
|
Quote: والغدا وطبعا حتنزل معاي لو قلت لي نازل في فندق قسما عظما أهجوك |
هلا هلا قايلنو ده نوبي الا يشاور ستو . ده جميعابي عديييييييييييل كده . اقول ليك كلام انا ذاتي اكل النوبيين الفيهو بروتوكلات ده ما بنفعنى بس عايز اشوف النوبي وكفى شوفتو براها فيها البركة .
بس انا ما عارف يا الفاروق هل سيسمح لنا مغادرة فندق الطيران لنبيت في موقع اخر ام لا ؟
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)
|
Quote: هلا هلا قايلنو ده نوبي الا يشاور ستو . ده جميعابي عديييييييييييل كده . اقول ليك كلام انا ذاتي اكل النوبيين الفيهو بروتوكلات ده ما بنفعنى بس عايز اشوف النوبي وكفى شوفتو براها فيها البركة .
بس انا ما عارف يا الفاروق هل سيسمح لنا مغادرة فندق الطيران لنبيت في موقع اخر ام لا ؟ |
جميعابي يا الطيب !!!!!!!!!!!!!!
علي بالطلاق ود عمي كتل ليه واحد لأنه غلط غلطتك دي !!!!
جموعي يا الطيب وليس جميعابي ...
علي أي حال ود عمنا ده ذاته جايي قبلك بيوم....
بعدين ما بخلوك ليه تبيت بره ليه كاتبين معاك كونتراتو
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)
|
Quote: اها شفت كان احسن ليك الامارات وتجي دبي .. ناس الاتحاد و ابوظبي ما بطلعوك من المطار اما في دبي وبالامارات تلقانا قدام الباب .... فكر تكسب |
الكسب في اقرب الطرق المؤدية الى ام عبد الله في ام در . هى اتصلت فيني قالت لى جيب لي ادوات النصب والاحتيال العمانية كلها قلت ليها لا احسن لينا ادوات النصب والاحتيال السوق ليبية .
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)
|
Quote: ولكن هذا جميعي وذاك جموعي ومن ثم ينسب لاي منهما respectively كيف يا الفاروق؟ |
يا زول الحكاية راحت فيها أرواح كتيرة خلاس !!!!!!!
طبعا ود عمنا مباري بوستاتك من قولة تيت !!!!!!
اسمه الطيب النار المك وهو رئيس الشعبة الالكنرونية
لقبيلة الجموعية المعروفين بخيار الجعليين ....!!!!!!
انت تعال ما تخاف لأنه لما يلقاك معاي بفتكرك مستجير ....
ونحن ناس شهامة ودين ما بنسلم المستجير زي ناس قوش والبشير!!!!!!!!
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)
|
Quote: شفت ليك زول بنسبوه لأمه في قبايل الدنيا دي كلها؟ |
ياعم فارووك الكلام دة شنو..انسيت ان الماترياركي استمرت في السودان حتي دخول للاسلام وبعض السلطنات السودانية المسلمة طبقته وانه من التعبير بالحميمة والتقدير في مناطق من السودان وتاكيدا في النوبةمناداة الرجل بامه .. وانه بسبب الماترياركي استولي الاعراب بعد الاسلام علي ارض وممتلكات النوبيين فمن تزوج نوبية وهي الوراثة استولي علي ارضها .....
انت قصدك "الزول"؟؟؟؟ القناة التلفزيونية الجديدة التي تستمر طقطقطق طول اليوم منذ ان اعلن علي انها بدات الارسال ....
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: abubakr)
|
Quote: ياعم فارووك الكلام دة شنو..انسيت ان الماترياركي استمرت في السودان حتي دخول للاسلام وبعض السلطنات السودانية المسلمة طبقته وانه من التعبير بالحميمة والتقدير في مناطق من السودان وتاكيدا في النوبةمناداة الرجل بامه .. وانه بسبب الماترياركي استولي الاعراب بعد الاسلام علي ارض وممتلكات النوبيين فمن تزوج نوبية وهي الوراثة استولي علي ارضها .....
انت قصدك "الزول"؟؟؟؟ القناة التلفزيونية الجديدة التي تستمر طقطقطق طول اليوم منذ ان اعلن علي انها بدات الارسال .... |
وانت القال ليكم أدو نسوانكم للعراريب منو .... وانا سمعت انه الكنداكات كن ذوات شخصيات قوية جدا
ولهذا اخترن ان يتزوجن العراريب والعراريب كندكوكم...
تاني تعال قول لي كنداكة... ولهذا أقترح تمشي تقعد
مع ود الامين في عجمان ... حيث الكندكة على أصولها!!!!!!!!!
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: abubakr)
|
نعم هذا ما لمسناه فيك يا باش يا عظيم
Quote: هل هي "لهم" ام "هي لله"
عقدان من الزمان في منتديات خاصة وخاصة جدا وعامة ساعدتني علي بعض من المعرفة العامة بالبشرالسابحين في الفضاء الاسفيري واشياء كثيرة ذات نفع وكذلك التعلم فيوم يذهب دون ان نتعلم شيئ فهو هدر للعمر... اهتمامي بالمنتديات السودانية هو الذي دلني الي سودان فوور اوول عرضا وبعد فترة قاربت العام منذ افتتاحه وليس لانتشار رغم انني متواجد اسفيريا بكثرة وباحث عن منتديات وقارئ ومشارك الاشتراك كان من خلال رسالة الي "الادارة" اتي الرد بعد ايام قليلة موافقا فدخلت معرفا بنقسي بتفاصييل كثيرة تسهيلا التواصل .. وقوبلت بترحاب من الادارة او من يمثلها .. لم انظر الي "الادارة"الا كما هو الحال في كل منتديات الدنيا العامة او ذات الاجندة العامة ( اي ليست منتديات ذات طابع تجاري او جمعيات صفوية او فئوية خاصة او لغرض محدد كالمنظمات الطوعية وبعض المجلات الخاصة ...الخ فالاسم يشير الي كل السودان ) اي ان "الادارة " هي ال Moderator or Maintainer وليست ادارة شركة او عمل او مصلحة خاصة او جمعية خاصة باشخاص محددين وبرؤاهم وفكرهم رغم الاجندة العامة ..ولم اتوقع ان الادارة هي المالكة لكل شئي وحتي الاراء والمداخلات فكونها صاحبة الحق في حذف المداخلات والاراء واقصاء من تراه لا يوافق هوي اصحاب الجمعية يجعلها مالكة لما هو غير ذلك ... حالة انفردت بها جمعية سودان فوور اول الخاصة في هذا الفضاء الاسفيري الواسع باسم القبضة الحديدية التي لا تجعل منها شبيهة بالمنتديات "الفوضوية" كما تردد هذه الادارة فالكل سواها غير منضبط وفوضوي ولا يحترم حقوق الغير وما ليس يوافق هوي الادارة هو فوضوي وان الادارة هي الاعلم والاقدر علي الرقابة الاخلاقية والابويةوالاحرص علي الاخلاق فالمشتركيين يجب ان ينصاعو لهوي الادارة والا فالاقصاء والحذف و"العين الحمرة " والادارة هي الحكم والخصم و الماعجبو يروح...فالادارة هي العقل والحصافة والفكر والراعي للقييم –وفق منظورها- والحامي لللابداع –وفق منظورها- والمحدد لما هو الابداع ومن يحق له ان يقول اي شئ حتي ولو كان جارحا ومسيئا وساخرا ومن يجب قمعه واسكاته لانه نطق حقا ... صور من سلطوية وشمولية وجبروت جعلت جل اهل السودان في كبد وشتات مدي عقود طويلة ... سلطوية وجبروت ياتي في مبتداه عل ظهر دبابة او حتي صناديق اقتراع ا و في منتدي عام باسم االابداع والحماية الفكرية ترسيخ مبادئ الحوار دون خلاف والكلمة السحرية " الديمفراطية" ... تحتلف الاسماء والعنوايين وخطابات الافتتاح واناشيد النصر والثورة والمركبات التي تاتي بالثوار القادة ولكن تبقي العنوايين والهتفات نسخ واحدة تغري بانها لكل العام "هي لله" وما هي الا "لهم" كنت اود الا اتطرق الي امر ما يجري قي سودان فوور اوول بعد ان تيقنت بانني ضللت الطريق عندما بهرتني العنوايين والاسم وبحسن نية وقناعة بان المنتدي للعام وليس جمعية شخصية لهوي شخصي حاولت جاهدا ان اثري النقاش واستنهض همم المشاركيين لتنشيط المداخلات ودعوة اخريين للمشاركة و.حاولت بمفهوم انه عام ولكن هالني ان الادارة تري ان العام هو فوضي وعدم انضباط.وان كل المنتديات سواها فوضي وفاشلة ناسيين ان المنتديات هي البشر وليس الادارة وان الخاص عندها ما توافق هي عليه ولا يهم ان كان خطابا عدوانيا مسئا ومستفزا وساخرا....فالمغضوب عليهم وان كان قولهم حقا ورائا سديدا واهتماما بحق الغير في التعبير عن فكره ورؤاه فهم السيئون وهم الذين لا يعرفون ولايقدرون جهد الادارة ولكن عندما راي البعض, دون قراءة لمداخلاتي ودون تمحيص في ماهية سودان فوور اوول الجمعية الخاصة, بانني تركت الساحة مبتعدا عما كنت انادي اليه من حوار كان لابد ان اوضح كما اذكر هنا فالساكت عن حق شيطان اخرس وفيما يختص بما يثار عن جهد الادارة اود ان اشير وفق خبرة متواضعة في انشاء وادارة المنتديات فان الجهد الذي ياخذ الوقت والفكر هو الفني والتقني - تصميم وصيانة المنتدي تقنيا- اما الجهد الاساسي فهو للمشاركيين ومداخلاتهم واسهاماتهم وانتاجهم الادبي والفكري والفني وان نالت سودان فوور اول نصيبا من ذلك فهو جهد المشتركيين والذين اما اتو اليها مبهوريين بالاسم والعنوان مثلي او لمعرفة بالادارة او املا في مشروع حقيقي للعام وليس خاصا باسم العام Moderator/Maintainer اما ال فمهمته الاساسيه المتابعة للتاكد من ان المنتدي نشط وليس هناك ما يعيق نشاطه وان رقابة النص ذاتية فالمشتركون ناضجون وليسوا باغرار لا يعلمون ما يكتبون وخصوصا اذا كان امر النقاش او المداخلة عام مرتبط بفكر ورؤي اما ان تكون الادارة هي المعلم والمصحح والرقيب والواعظ والخصم والحكم وادعاء ان ذلك جهد تقوم به ثطوعا للعام "هي لله" فهو كجهد مؤسسات القهر من امن ونظام عام ورقابة باسم امن المواطن .... ان جمعية سودان فوور اوول المسجلة باسم اشخاص ثلاث قي فرنسا ليست الا شراكة خاصة لمشروع خاص ولفد اكد اصحابها ذلك في مداخلات تلت اثارة امر الاقصاء والحذف مؤخرا.. وهكذا فلاصحاب الجمعية خصوصيتهم في جمعيتهم الحاصة المسجلة باسمائهم وليس لهم فيما يدعون من حماية للحق العام والابداع والديمقراطية في السودان الا ما يخصهم كافراد من عموم الشعب السوداني فقط وليس باسم كل السودان وان مشروعهم الخاص ليس الراعي ولا الحامي لابداع وحرية وديمقراطية كل السودان وفق رؤاهم ووجه نظرهم
وانا تركت ذاك المنتدي بعد ان تاكد لي انه واجهة لجمعية خاصة اختارت اجندة عامة سمته مشروعها تستقطب من خلاله اسهامات المتداخلين فكرا وادبا وراي تمتلكه بشعار تعريف بالكتاب والمفكريين وحماية الملكية الفكرية كما انها من خلال منبر سمته "الحر الديمقراطي" تريد "ترسيخ أسسٍ متينةٍ للحوار وتبادل الرأي، يلتزم فيها الجميع بمبدأ احترام المخالف وتوقيره" وواقع الامر غير ذلك ومثال لذلك ما في الخيطيين المشار اليهما ادناه |
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)
|
Quote: انا قلت ليكم انتو طرش والله انا اكان ما شفقان عليها وخايف تهمل اشواقها ولحظاتها الجميلة ممكن اسلط عليها بت طلحة والله تتناولها على الوصف بس فاتحة واحدة بعد ركعتي المغربية تاني ما تفوت المحل ديييييييييييييييييك وتشم الشغلانية زى الكارتر دكلاريشن . |
الطيب أخوي
ياخي ما دام بت طلحة دي صالحة قدر ده ما تكلمها
تسوي لي حجاب شرطا يكون من راسي لكرعي ,,,,,
وتركز على الكرعين لأني مكتوب في كرعيني ... أطلع
من البيت أرجع ليه تاني بكرعي !!!!! وأنا شاكي
إنه الكتابة في الشرابات ..وفي العربية !!! تصدق
العربية بتلف براها ترجع البيت ... ولما أخش البيت
شي كده بخليني ما داير أطلع تاني ...
ده كتابة شديييييييدة وفكي كاااااااااارب!!!
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: abubakr)
|
Quote: الطيب أخوي
ياخي ما دام بت طلحة دي صالحة قدر ده ما تكلمها
تسوي لي حجاب شرطا يكون من راسي لكرعي ,,,,,
وتركز على الكرعين لأني مكتوب في كرعيني ... أطلع
من البيت أرجع ليه تاني بكرعي !!!!! وأنا شاكي
إنه الكتابة في الشرابات ..وفي العربية !!! تصدق
العربية بتلف براها ترجع البيت ... ولما أخش البيت
شي كده بخليني ما داير أطلع تاني ...
ده كتابة شديييييييدة وفكي كاااااااااارب |
الفاروق الكارثة الكلام ده جبتو من فيييييييييييين انا الفاروق اول نمة كنت بتقدّل بيها بالملود ( الملود يا ابا بكر هو الحشاشة البحشو بيها وقافي .... النباتات الطفيلية ) كنت بقول فيها : يا سيدي الحسن ابو قبة لبنيّة اربط لى حجاب من راسي لي كرعية ( حي منك انت يا الفاروق البتعرف المحن دى)
Quote: شي كده بخليني ما داير أطلع تاني ... |
وووووووووووب وووووب كان عمرك كم بابا؟ This is very material issue my DAD
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)
|
Quote: واقفيين في صف الحجبات .. بلكن نفهم الكلام الهي والطيب بقولو عليهو عربي .. دة كلام الجن . |
ابو بكر كلام جن شنو ده ياهو الخلاك عشرين سنه غاطس في غربتك لا طاري ام ولا ابو . انت ما سمعت بالاغتراب قالو كيف .
والله واحد عمنا ممسوخ قال والله المغترب عندما يمشى الاغتراب بيدمن الغربة وبيكون زى الحمار المكادي عندما يدخلوهو البنطون الا بالدق ووقت يجوا ينزلوهو من البنطون الا بالعكاز . اها هسه انت ما بترجع بلدك الا بالعكاز .
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)
|
Quote: الظاهر انو أبوبكر نده جده بعانخى وعلمه عربى الجن والإنس وخلا الفاروق وشيقوق يتلخبطو...ويكتبو هسه وحسع وهى فى الأصل لاهذى ولاتلك... وإنما الصحيح هسع يمعنى ها الساعة أوهذه الساعة. |
وعامليين واحد سيبويه والتاني المعري وانتو "هسع" ما بتعرفوها ... ساقطيين لغة عربية وانا جبت فيها كردت زمن الكردت الصحيح ومافي زولا من العاربة والمستعربة كان بيقدر يجيب اكبر منها ...اتحداكم لو بتعرفو جملة لغة نوبية واحدة وانا جايب كردت في لغتكم .. جاتكم نيلة ما تعرفوش يور مزرز تنق .... انتما هذه الساعة يجب ان تجدان مخرجا وتلتحقان بمعهد لدراسة اللغة العربية للناطقيين بها( نفسي اتقطع .. لا حولا .. بس جملة واحدة تعمل كدة وكتاب يسوي شنو " علي الارافة عدل " )
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)
|
Quote: الدقة القديمة فاروق حامد،
اهي دي القضايا الوطنية، البي سببا ماشي تجسس علي الناس؟ |
تصدق يا بشاشا أول ما قريت كلامك ده قبل نص ساعة
وأنا لسع بضحك ... وانا بقول في نفسي (كما قال
المستعلواتي بكري الجلابي) "بشاشا ده جنّّّّّّّّّّّّّّّّ ولا شنو" ,,,,
يا خوي مالك قلبت جبهة ولا شنو ... مش احنا في صف
واحد ضد الجلابة ثم الكيزان وهل رأيتني أصطف في غير هذا الصف
أما مداعباتي مع ابن شيقوق والقرشي وبت طلحة وأبوبكر والمرتضى
وعادل وجبرا والبقيةفهؤلاء أناس مثلي "دقة قديمة" ولكنهم وطنيون جتى النخاع
‘لا إنهم لا يخوضون مع كل من خاض في السياسة لأسباب تتعلق بأعمارهم واعتبارات
أخرى .... إلا إنهم يعلنون عن رأيهم "بطريقتهم"
أما إذا كنت تقصد مداخلتي مع عالية ... التي راجعت بوستها الآن فلم ألحظ
انك طرف فيها الا الآن ... وحقيقة لم يكن يدر بخلدي انك طرف فيها ...
أنا قصدت البوستات الهايفة بتاعة الحب والدلكة وشراب أي حاجة مع عروستي
وما شابه وعموما يا بشاشا أيها الدقة القديمة جدا لك العتبى حتى تجري
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)
|
Quote: أما مداعباتي مع ابن شيقوق والقرشي وبت طلحة وأبوبكر والمرتضى
وعادل وجبرا والبقيةفهؤلاء أناس مثلي "دقة قديمة" ولكنهم وطنيون جتى النخاع |
الملك الذي تنازل للكنداكة ... بت طلحة دية كنداكة تمام بس ما تختها في تيمس العجائز(انا وانت) والكهول (كلبوظة والمرتضي وابوصلعة وبتاع قروانة الطحينية ) ... مافينا لا زعل لا حاجات زي دي زعلنا كلو وحرقتنا والباقي من عمرنا لبلدنا وناس بلدنا بشان وليداتنا كلنا دون فرز
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)
|
Quote: المهم قبضت قروشك من العريبي الحرامي ؟؟؟؟؟
أكان ما قبضت حقك يكون العريبي أشطر منك ومن
القاضي وكل من درس القانون !!!!!!!!!!! |
انا حرم اتفقت على الطلب الاول ومجرد ما جبت ليهو موافقة القاضى على فك الحجز عن النص بهل جرابو كلو في طاولتي والله يا الفاروق اشتريت بوكس منو في نفس اليوم بس يا حليل ايام زمان . طبعا عندما احكى القصة للاخوة القانونيين مصرين انو السيناريو ده عملتو انا وانا ما عملتو لكن كتر خير اللورد دنج عندما قال :-
Where ever the interest of my client lies is justice
فيا ابوى اينما وجدت مصلحة موكلي فهي العدالة
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)
|
Quote: ماهو عشان كدة انت كنت مشهور هناك ؟؟ محامي خرفان |
ابوبكر
المحامون أصدقاء من يدفع ..... وهذا هو الطيب ينقلها عن اساتذته:
( Where ever the interest of my client lies is justice )
فالعدالة نسبية فالقاضي ينظر اليها من منظار والمحامي ينظر اليها
بمنظار آخر ....
ودعمتنا عبيد حاج علي قبل ما يبقى رئيس قضاء كان مشهور عند العراريب
القتلة!!!! أي زول كاتل ليه رقبة أهله بقعوا عبيد ... يطلعهم زي الشعرة
من العجين !!!! أها أخونا الطيب كانت دبلومته في عرب البهم .. وكانوا بحبوه
شديد لأنه قريب منهم وفاهمهم كويس وما عايز أقول إنه فاهم ال mentality
بتاعتهم لأنه هو ذاته من نفس البيئة ... عشان كده بكسب قضاياه على طول....
وكان قعد هناك لي هسع كان بقى أغنى من الوليد بن طلال .... وبدل يسكن
امدرمان كان تلقاه هو وأولاده ساكنين جوه بحيرة جنيف ذاتها ..
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)
|
السيد بشاشا
تحية وسلام
أعتقد انك وصلت قمة سوء الأدب معي دون أية أسباب
أنا لم أعرف انك عندك مشكلة مع عالية ولم أتابع
وحين كتبت ما كتبت في بوست عالية لم يكن يدر في خلدي
أنت وانما كنت اعني بوستات الرقيص وكيفية تهيئة العروس
وحبيبي بشرب معاه وهلم جرا... وحين قرأت كلامك هنا قبل أن أقرأ
كلامك في بوست عالية ضحكت وظننتها مداعبة منك ولهذا اعتذرت
أما وقد تماديت فانتظر مني ما لا تتوقعه
والسلام
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)
|
Quote: السيد بشاشا
تحية وسلام
أعتقد انك وصلت قمة سوء الأدب معي دون أية أسباب
أنا لم أعرف انك عندك مشكلة مع عالية ولم أتابع
وحين كتبت ما كتبت في بوست عالية لم يكن يدر في خلدي
أنت وانما كنت اعني بوستات الرقيص وكيفية تهيئة العروس
وحبيبي بشرب معاه وهلم جرا... وحين قرأت كلامك هنا قبل أن أقرأ
كلامك في بوست عالية ضحكت وظننتها مداعبة منك ولهذا اعتذرت
أما وقد تماديت فانتظر مني ما لا تتوقعه
والسلام |
الاخ البشاشا استاذي الفاروق تذكرا انكما هنا مراقبون من قبل ابنائكم الذين ينتظرون ان يتعلموا الحلم والعفو من حصيلة تجاركما .
ارجو المصافحة ليعود الينا هذا المنبر متجليا بجمائل اعمالكم .
لكما مودتى
| |
|
|
|
|
|
|
Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الفاتح يوسف جبرا)
|
Quote: إزيكم يا فاروق ويا الطيب البوست الظريف ده دخلتو متأخر هسع هو أنا (عادل سمير) خالينى ما مشربك فينى شربكة السنين .. المهم البوست دمو خفيف وظريف جدا بس لو فيهو حاجة ما كويسة هو إنكم (طممتو) ليا (بطن) منى خوجلى !!! |
استاذنا جبرة
انت الظريف وانت الحلو وانت العسل والحلبي ده ذاتو جيبو معاك .
اما منى بت العوض ود خوجلي عترت ليها عترت في محل طممت بطنها وبراها راحت تفتش رغم اخطارها بان الحاجة الطممت بطنها عاملنها مخصوص لكف العين من بوست الفاروق الكبر وزاد حلاه.
وين يا الفاروق احمد حسن جمعة اخوك
| |
|
|
|
|
|
|
|