|
|
|
 Re: بورداب الرياض حضوراً في دعم إخوانهم في دارفور قبل موسم الأمطار (Re: Mohamed Abdelgaleel)
|
حليمة يا هميمة ..
لك ترفع القبعات .. تحية وتقدير علي هذا الجهد ..
يلا نواصل ..
فعلا نحتاج لأيدي عاملة كتيرة
وايضا نحتاج الي اكياس خيش / خرج / كبيرة لزوم الشحن والتستيف
ويا ناس الأعلام التوثيق ضروري
فيدو .. كمرا ..
وإستكرات تحمل شعار الحملة
توقعاتنا تصب ..في أن الحملة سوف تكون ناجحة رغم تخازل
سعادة القنصل احمد يوسف .. وتنصله عن وعوده ..
يلا يا شباب ..
معا .. من اجل وليد دارفور
| |
 
|
|
|
|
|
|
|
 معكم قلبا وقالبا (Re: Mohamed Abdelgaleel)
|
فعلا بورداب الرياض
حضورا
وفعالية
شكرا
استاذي/ محمد عبد الجليل
سعادة الريس/ابو جهينة
شكرا اختي السباقة دايما للخير
حليمة
ولكل من يعمل من اجل وليد دارفور
داخل الرياض وخارجها
والليلة معاكم في الاستراحة
بإذن الله
مع تحياتي
| |
|
|
|
|
|
|
|
|
|
Re: معكم قلبا وقالبا (Re: سارة عمر)
|
الاخوة و الاخوات بالرياض ,
التحايا الكريمة للجميع ,
سعادة و امل متعاظم بالخير و اهله هنا و هناك
تشرفت بالحديث مع الاستاذ احمد حنين و عبره لمست ما فيكم من روح عمل و انجاز حفزنى ان اطلب منه ابلاغكم ان الحوجة الماسة و الحقيقية فى مقبل الايام هى اغطية بطاطين و مشمعات للخريف
كل التوفيق لكل المساعى و معا لاجل اطفال دارفور
| |
|
|
|
|
|
|
|
|
|
Re: معكم قلبا وقالبا (Re: Nadia Elsir)
|
الأعزاء جميعاً .. كنت أطن أن مجرد أن يتنادى
أبناء السودان من أطرافه الأربعة لأجل إنسان
دارفور فهذا عمل نبيل .. أما وقد رفدت المناداة
بإجتماعات وتجميع وقلق يومي وشد أحياناً فهذا
يعني أن جذوة عرى التواصل بين أبناء الوطن
لن تنطفيء أبداً .. ولنلتقي مساء اليوم الأربعاء
لنرى ماذا أنجز .. شكراً لكم.
| |
|
|
|
|
|
|
|
|
 Re: بورداب الرياض حضوراً في دعم إخوانهم في دارفور قبل موسم الأمطار (Re: ahmed haneen)
|
| Quote: احمد عباس ولياب برضو |
.. يا حنين
ولياب الصغير اتصل بي نهار امس قبل خروجي من المكتب .. ظروف الحادث الأخير الذي تعرض له ما زالت تقف عائقا بينه وبين الكثير من الواجبات ..
اخبرني بتجهيز شنطة وبها بعض الأغراض وكانت في طريقها إلى بعض من يهمهم أمره إلا أنه غير خط سيرها حال ما قرأ هذا الاعلان .. كنا قد نسقنا بالامس للمرور لاستلامها من منزله ـ لكن ظروف امس بالليل كما تعلم ووجودنا في الاستراحة والانخراط في العمل الضخم .. منعتني .. سأحاول اليوم أنا والأخ معتصم الوصول إليه بقدر الإمكان واستلام ما بطرفه ..
تحياتي لولياب الصغير .. مع دعواتي له بالشفاء فهــو دائما حضور معنــا ومتفاعلا معنا في كل صغيرة وكبيرة وكذلك الحال كل من ذكرتهم اعلاه ..
| |
|
|
|
|
|
|
|
|
|
Re: بورداب الرياض حضوراً في دعم إخوانهم في دارفور قبل موسم الأمطار (Re: ولياب)
|
كان مساء الأربعاء 6 يونيو 2007م انطلاقة تجميع العون
العيني لدارفور.. جاء بورداب الرياض أسراً وأفراداً
يحملون عونهم لإخوتهم على رؤوسهم .. ملابس .. أدوية ..
مشاعر قوية .. جلسوا .. تدارسوا المسألة رفدتهم جمعية
الصحفيين ممثلة سكرتيرها التنفيذي مصطفى البشير .. الذي
قال بكلمات قليلة كلاماً عملياً ومفيداً وجاداً .. يد الصحفيين
في يد البورداب من أجل دارفور.. وجاء مصطفى عثمان
صديق البورداب يحمل كيساً وهماً بضرورة الإسراع فـي
اللحاق بإخواننا فالأيام تمضي والخريف يقترب .. قالهـا
الزميل خالد عبدالباقي أن يدنا الممتدة لن تحل المشكلـة
ولكنها رسالة قوية الترميز في جانب التضامن الإنسانـي
بين أهل السودان .. وقال خالد الأرباب اليوم نجتمـــع
لمساعدة أهلنا في دارفور .. ولا ندري على من يكــون
دور المساعدة في الغد .. المهم أن تبقى راية التضامن خفاقة
وتحدثت حليمة عن أن الزميلة سارة وحدها قد جمعت
37 كيساً لتضرب المثل بأن شخصاً جاداً واحداً يمثل ما
يشبه الأغلبية .. ولكن يد الله مع الجماعة .. وتكون رسالتنا
أبلغ كلما زاد عدد الداعمون .. وتنادى الناس .. وتمبس
ومعتصم يصوروا ساااااكت .. عشان الوطن .. عشان
جراح أولادك تبرأ ونواصل
| |
|
|
|
|
|
|
|
|
|
Re: بورداب الرياض حضوراً في دعم إخوانهم في دارفور قبل موسم الأمطار (Re: humida)
|
Quote: لو وقفتوا حتة ( التصوير ) دي ..
اتخيل لي الحكاية بتكون أجمل .. |
.. والله يا استاذ حتة التصوير دي نحن ما عاملنها علشان قاعدين نحب مسالة التصوير دي .. او فرحانين لينا بي كاميرات .
غالبا في حالات زي دي بتكون في مراحل توثيقية للعمل ..
وكل المراحل بتاعت التصوير دي .. مطلوبة من جهات هي متابعةمعانا العمل ده ...
وقعت ليك المسالة بتاعت التصوير دي يا استاذ ؟
بعدين اجمل حاجة الواحد يكون بعيد عن الحاجة ويجي ينظر ليك ..
لو كان امس جيت كان عرفت ليه التصوير كان لابد منو ..
ولسه انت شفت حاجة ؟؟ انا تحديدا ح اصور تصوير كتير جدا ولو عندي امكانية اني اعمل فيلم وثائقي عن العمل الجميل ده .. ما ح اقيف ..
اخشى انو رايك ده يكون من جرا صعودك لأعلى .. ما تكون تأثرت بإعصار جونو ده كمان
| |
|
|
|
|
|
|
|
|
|
Re: بورداب الرياض حضوراً في دعم إخوانهم في دارفور قبل موسم الأمطار (Re: tmbis)
|
انت زعلت يا دكتور ..!!
* ما عندي فكرة عن برنامج امس يا سيد تمبس ..انا بعيد عن سودانيزاونلاين الايام دي ..
* شفت البوست دا اليوم .. عمل جميل ..
* بعد ما فهمت الفكرة .. حاولت اشارك ( انتظر النتيجة ) ..
* ما زلت أصر علي انه الموضوع ما محتاج تصوير ..
* اذا كان لابد .. صوروا الحاجات .. ( بدون شخصيات ) ..
* ملاحظتي ( رأي ) وليس ( تفطيس ) للحاجات .. ( ما تحرق دمك ساي ايها الفارس المغوار ) ..
* ما شرط الناس تشارك كلها في اي حاجة ( عمل الخير عموما فرض عين ) ..
* لو داير تعمل فيلم توثيقي انا برضو معاك .. ( بدون شخصيات ) عشان العمل يكون خالص لوجه الله وما تدي ثغرة لزول يدخل منها ..
* طبعا أكيد من تأثري ( بصعودي لأعلي ) .. انت ما سمعت بـ( ثقافة المرحلة ) ..
* ما حضرت الإعصار كنت ( نايم ) .. انشاء الله ( عجبك ) شايفك جايب صور من ( المكسيك ) ..!!
| |
|
|
|
|
|
|
|
|
 Re: بورداب الرياض حضوراً في دعم إخوانهم في دارفور قبل موسم الأمطار (Re: humida)
|
معقولة انا أزعل منك يا حافظة ؟
* الحركة دي عادية يا سيد حميدة ( كل الناس حاكماها ظروف ) ،، وبفرح بيها .. وإلخ .. يعني افهم انو اتصالك ده ون قيقا وير ليس وكدا .. دي من الحاجات بتاعت الصعود لي اعلى والا شنــو ؟
* بارك الله فيك وجزاك الف خير وفي ميزان حسناتك كمان.
* كان بنتظر النتائج دي حالتي ؟؟
* انا مصر أنو محتاج تصوير .. يعني الكاميرا الجديدة دي امشى اصور ليك بيها طارق نقد واجي راجع حانف وشي ؟؟ غايتو ح اقول ليهم الزول ده ( مصر الشقيقة ) انتظر النتيجة برضو ( ولا مؤاخذة يا بيه )
* يعني فكرك نلبسهم اقنعة بي كم طويل ؟؟ برضو وجهة نظر .. الاقنعة دي طبعا .. للحاجات العينية الاتجمعت وبالمرة ممكن نجيب شختك بختك .. والحشاش يملى شبكتــو .. برضو إلخ.
* رايك على العين والرأس .. وعلى ( سنجة عشرة كمان ) إنت قايل نفسك هين كمان .. ( اشكرك على البوست ده وعلى هــكذا رأي ) أهو بنتعلم من الأيام .. مصيرك بكره ... تتتت علمممم .. وهكذا دواليك.
* ما شرط الناس تشارك كلها في اي حاجة ( عمل الخير عموما فرض عين ) .. إنت كدا 
* ( ...... ) ، لا من ناحية خالص دي .. والله خالص وفوق ليهو بوسة .. نحن ما قاعدين نديها كوز موية زي ما عارف .. وإنت زول بتعرف حاجات كتيرة جدا
* ثقافة المرحلة .. وفقة الضرورة .. وإلخ .. دي حاجات كويسة جدا.. العالم اصبح قرية صغيرة
* المكسيــك عديل كدا ...؟ يا راجـــــــــــــــــل بالغته لكن في دي .. انا تخصصي فيديو ..
MD 9000
| |
|
|
|
|
|
|
|
|
|
Re: بورداب الرياض حضوراً في دعم إخوانهم في دارفور قبل موسم الأمطار (Re: ahmed haneen)
|
حقيقة العمل امبارح كان جميل جدا..
كمية الحاجات كانت كبيرة..
والوعود الجاتنا برضه كبيرة..
كمية الادوية كويسة لكن محتاجة عناية شديدة من قبل اخواننا في السودان..
يعني لازم يكون في صيدلي معاهم عشان يصنف الادوية ويراجع مدة الصلاحية
تاني..
حضور الاطفال كان جميل جدا..ومساعدتهم لينا كانت مقدرة شديد..
احداث امبارح ادت الزول دفعة معنوية جميلة..
تقدير خاص للأخ احمد العمار..
تقدير خاص للأخت سارة..
وما عافية ليكم يا معتصم وتمبس ..
| |
|
|
|
|
|
|
|
|
|
Re: بورداب الرياض حضوراً في دعم إخوانهم في دارفور قبل موسم الأمطار (Re: Mohamed Abdelgaleel)
|
بسم الله بدينا .. وعلى بركة الله توكلنا ..  يا مسهل .. خالد المحرب  جاهزين لأي أوامر يا أستاذة .. إدريس الخليفة لحليمة محمد عبدالرحمن  يا ألف مرحب .. آدم الهلباوي يرحب بمحمد الحسن  الريس أبوجهينة يدون ملاحظاته  مهيد أحمد حنين .. ما شاء الله عليه  وليد شريف .. كلنا وليد دارفور  أحمد العمار مجهود كبير إن شاء الله في ميزان حسناتك يا رب .. خالدة البدوي  آدم الهلباوي وهارون أسرم يجمعون الأدوية  عفاف أبوحريرة ودكتورة رشا وأحمد حنين يراجعون الأدوية  إيد على إيد تجدع بعيد .. أحمد حنين .. إدريس الخليفة أحمد العمار .. هارون أسرم .. مهيد أحمد حنين
| |
|
|
|
|
|
|
|
|
|
Re: بورداب الرياض حضوراً في دعم إخوانهم في دارفور قبل موسم الأمطار (Re: Mohamed Abdelgaleel)
|
ما أجمل ما كان قبل الأمس وما أروع ما كان أمس
ملحمة لحملة وليد دارفور ..
بكل المحبه والود والسلام والحنين بين أبناء الوطن
بمختلف سحناتهم يمثلون سودان مصغر للسودان الوطن الكبير
الذي يسع ويضم بين حناياه كل أبنائه الابطال الشرفاء
وهم يحملون على عاتقهم كل همومه ويسعون جاهدون إلى
لم شمله ومد العون لأبنائه وأهمهم وليد دارفور الذي
تحقة الشمس ويضنية ألم المرض ويهلكة الجوع ..
يقشعر بدننا عند ذكره رباه ارحمه واجره وفرج كربته
يارب وأنت المجيب ..
كان لسودانير الدور الكبير في تخفيف هم بورداب الرياض
بعد تلك النفرة الحماسية التي تجاوب لها الكثيرين وكانت
حصالتها الكميات الهائلة من العون من أبناء الوطن الواحد
اصدقاء ومعارف بورداب الرياض والجمعيات والكيانات والتي اثبتت
عزة السودان أمس مدى التجاوب اللامحدود ..
فكانت سودانير لتزيح الهم والحيرة التي دخلنا فيها بخصوص
أولاً .. المكان لوضع الكميات الكبيرة دي لان الايجار مرهق
وما يدفع للايجار اولى به وليد دارفور ..
ثانياً.. قيمة الشحن .. بدأ التخفيف اسرة عزة السودان
وسودانير كانت الفاصل في ذلك ..
ليس غريب على سودانير الناقل الوطني لوقفتهم الكريمة
من الاستاذ عبدالفتاح - مدير المنطقة الاوسطى
وكذلك المدير المالي وكان يتحدث باحساس عميق ورغبه
كبيرة في تقديم المساعدة لهذا العمل الانساني
من اجل وليد دارفور ..
التحية لسودانير على هذة الوقفة الانسانية الرائعة ...
التحية للاستاذة سارة حرم السفير على الدعم المعنوي والمادي
لبورداب الرياض ووقفتها الكريمة بجانب هذا العمل الانساني من أجل
وليد دارفور ..
حقيقة أمس ارتحت كثيراً مما كان ينتابني من خوف تجاه كيفية ايصال
هذا الدعم قبل الخريف ..
أحس بالرمضاء تحرق تلك الاقدام الصغيرة ..
أحس بذاك الجنين في بطن أمه العارية تلفحها السموم على الجوع الوهن
احس بذاك الشيخ الكهل وهو يرمي نظرة على ما يحدث حياله ولا يقوى
على فعل شيء رقم رجولته التي يعتز بها ..
أحس بالكثير من الالم تجاه هولاء الابرياء ..
أبكي بداخلي انزف من الالم فتنزل دموع اجففها بطرف ثوبي
لأواصل اجتهادي في تقديم عون لوليد دارفور البريء ..
تخريمه /
الصور تباعاً يا حليمة ..
| |
|
|
|
|
|
|
|
|
|
Re: بورداب الرياض حضوراً في دعم إخوانهم في دارفور قبل موسم الأمطار (Re: خالدة البدوي)
|
مازال الدعم يتواصل لحملة
انقذوا وليد دارفور ..
اسرة عزة السودان - يوسف السماني
يوم الخميس القادم ونفير خاص من اسرة عزة
السودان لحملة وليد دارفور ..
مازال التجاوب والدعم السخي من أبناء
عرفوا معنى الوطنية والوحدة ..
الخريف على الابواب وبورداب الرياض
في حماس لإصال المرحلة الأولى من الحملة
بالتنسيق مع بورداب الخرطوم ،،،
الله الموفق ،،
| |
|
|
|
|
|
|
|
|
|
Re: بورداب الرياض حضوراً في دعم إخوانهم في دارفور قبل موسم الأمطار (Re: ahmed haneen)
|
Quote:
حيث تتواصل الحملة بدعوة كريمة من الأخوان
في جمعية عزة السودان .. وذلك في يوم الخميس
الموافق 14 يونيو
باستراحة لؤلؤة المناخ ..
مخرج 18 .. حيث يتم انزال الكروكي لاحقا ..
وهذة دعوة للجميع .. للحضور .. ولكل من فاتهم تقديم
الدعم في مرحلته الأولي
ان يتواصلوا مجددا .. بحضورهم ودعمهم |
شكرا أحمد حنين
و من هناك سننقل بحول الله تفاصيل الحفل الخيري و إسهام عزة السودان و هذا بلا شك سيكون حافزاً لباقي الكيانات لتحذو مثل هذا العمل المشرف
واصلوا
| |
|
|
|
|
|
|
|
|
|
Re: بورداب الرياض حضوراً في دعم إخوانهم في دارفور قبل موسم الأمطار (Re: Mohamed Abdelgaleel)
|
هيا ياشباب
نكمل المشوار ...
فالخريف علي الأبواب ....
الشحنة الأولي سوف تغادرنا اليوم او غدا
عبارة عن عدد 32 كيس كبير ...
الأدوية ما زالت بالشقة .. في انتظار المزيد .. والتصديق بالشحن ..
هناك عدد كبير من البطانيات .. في الطريق .. الينا
تتواصل الحملة .. وتلقي الدعم .. في استراحة لؤلؤة المناخ يوم الخميس القادم
في ضيافة اخواننا في عزة السودان .. بدعوة كريمة من الأخ يوسف السماني
ريئس الجمعية
نواصل
| |
|
|
|
|
|
|
|
|
|
Re: بورداب الرياض حضوراً في دعم إخوانهم في دارفور قبل موسم الأمطار (Re: ahmed haneen)
|
Quote: الشحنة الأولي سوف تغادرنا اليوم او غدا
عبارة عن عدد 32 كيس كبير ...
الأدوية ما زالت بالشقة .. في انتظار المزيد .. والتصديق بالشحن ..
هناك عدد كبير من البطانيات .. في الطريق .. الينا
تتواصل الحملة .. وتلقي الدعم .. في استراحة لؤلؤة المناخ يوم الخميس القادم
في ضيافة اخواننا في عزة السودان .. بدعوة كريمة من الأخ يوسف السماني
ريئس الجمعية |
إقتطع جزءاً من :
وقتك
قروشك
جهدك
تضامن مع إخوانك الذين هم بحاجة حقيقية
لتضامنك في هذه اللحظة ..
ربما تزرع فرحاً في قلوبهم فيرتد إليك فرحاً أكبر
ربما يأتي يوم تكون فيه أنت من بحاجة ليد العون
فتجدهم يتهافتون إليك سراعاً
ربما تحقق بهذا العمل البسيط معناك الإنساني كبشر
معناك السوداني كمواطن بيان بالعمل
فحقق خلافة الله في الأرض بفعل إنساني نبيل
لتجد اجيالنا القادمة وطناً منسجماً وجميلاً
لنموت ونحن راضون عن ما أدينا
| |
|
|
|
|
|
|
|
|
|
Re: بورداب الرياض حضوراً في دعم إخوانهم في دارفور قبل موسم الأمطار (Re: ahmed haneen)
|
Quote: شكرا لكل من ساهم ويساهم ولو بلبسة واحدة تقي
طفلا قسوة عوامل الطبيعة.. |
وشكراً لكل من قال أن هناك إخوة وأخوات وأبناء وبنات
يجلسون تحت هجير الصيف ريثما يهاجمهم مطر الخريف
وعواصفه .. فتتساقط الخيام ليواجهوا مياه الأمطار
والمسغبة والبعوض .. وكلام كتير تنقله إذاعات العالم
بأن العالم يهتم بقضية دارفور .. كأن هنالك قضية
لدارفور أكثر من هذا الإنسان ذي الحظ المنكود ..
| |
|
|
|
|
|
|
|
|
|
Re: بورداب الرياض حضوراً في دعم إخوانهم في دارفور قبل موسم الأمطار (Re: حليمة محمد عبد الرحمن)
|
كان يوم الخميس في لؤلؤة المناخ .. دار عزة
السودان التي أستضافت فعاليات بورداب الرياض
في دعم أهلنا في دارفور .. يوما جديداً مـــن
أيام التضامن البهي .. يوسف السماني رئيس
جمعية عزة السودان .. الأستاذة ست البنات التي
شاركت يوسف الكلام السمح بأسم أسرة عزة السودان ..
هارون أسرم .. وحضور أسري مهيب .. وبراعم
عزة السودان يرسمون لوحة سودانية زاهية ..
بقيادة الفنان إيهاب نميري .. كان كل شيء
كالقمر يبدو بهيجاً ووضيء والجميع فرح .. والأخ
هارون أسرم يؤكد أن هذه الروح كفيلة بالحفاظ
على إنسجام الوطن .. وكان الرئيس أبوجهينة
غاية النشوة وهو يرى أيدي عزة السودان الصديقة
تنضم لركب دعم بورداب الرياض .. وإعلان التوأمة
في كل جهد وطني على لسان رئيسها الأخ يوسف
السماني .. ويا سلام عندما تقفز المشاعر من
النظري إلى دائرة الفعل .. إنها تثمر مثل
ذاك البهاء الذي ظلل سماء لؤلؤة المناخ ونواصل.
| |
|
|
|
|
|
|
|
|
|
Re: بورداب الرياض حضوراً في دعم إخوانهم في دارفور قبل موسم الأمطار (Re: الناظر)
|
Quote: كان يوم الخميس في لؤلؤة المناخ .. دار عزة
السودان التي أستضافت فعاليات بورداب الرياض
في دعم أهلنا في دارفور .. يوما جديداً مـــن
أيام التضامن البهي .. يوسف السماني رئيس
جمعية عزة السودان .. الأستاذة ست البنات التي
شاركت يوسف الكلام السمح بأسم أسرة عزة السودان ..
هارون أسرم .. وحضور أسري مهيب .. وبراعم
عزة السودان يرسمون لوحة سودانية زاهية ..
بقيادة الفنان إيهاب نميري .. كان كل شيء
كالقمر يبدو بهيجاً ووضيء والجميع فرح .. والأخ
هارون أسرم يؤكد أن هذه الروح كفيلة بالحفاظ
على إنسجام الوطن .. وكان الرئيس أبوجهينة
غاية النشوة وهو يرى أيدي عزة السودان الصديقة
تنضم لركب دعم بورداب الرياض .. وإعلان التوأمة
في كل جهد وطني على لسان رئيسها الأخ يوسف
السماني .. ويا سلام عندما تقفز المشاعر من
النظري إلى دائرة الفعل .. إنها تثمر مثل
ذاك البهاء الذي ظلل سماء لؤلؤة المناخ ونواصل |
.
كان يوم من الايام التي لا تنسي في ذاكرتي الي الابد لا ادري عن ماذا اتحدث ؟ هل اتحدث عن تفاعل الاباء مع الحملة ؟ ام اتحدث عن مشاركة الاطفال بكل ما لديهم واكثر ما ادهشني جميع الاطفال اخذوا من اولياء امورهم مبالغ لاسكريم وتبرعوا بها الي اخوانهم في دارفور تخلوا كيف تفاعل الصغار مع الحدث
وانشاء الله سوف اعود الي باقي الاحداث بعض قليل
| |
|
|
|
|
|
|
|
|
|
Re: بورداب الرياض حضوراً في دعم إخوانهم في دارفور قبل موسم الأمطار (Re: haroon asram)
|
الاخوة سارة عمر
معتصم دفع الله
وعبد الدائم سيد احمد
لكم الشكر اجزله..
اسر عزة السودان
ان كان لنا ان نرفع القبعات احتراما وتقديرا..
او "نَشَّنِق" طواقينا، عزة واعتزازاَ، فلنفعل ذلك
لاسر عزة السودان/ يوسف السماني..
فقد كانت ليلة الخميس، يوم التلاحم الوطني..
لكل فئات الشعب السوداني، بكل سحناته والوانه
والوان طيفه المختلفة..
وكان الاطفال ابطال المناسبة..
رقصوا لكل اقاليم السودان.. وابتدروا الرقص
باغاني من غربنا الحبيب.. وشاركهم الرقص
النساء والرجال..
رقص هلباوي وهارون على ايقاع الطار.. واوشك
حمزاوي ان يطير على ايقاع "حباني هوي"..
وكان لسان حالهم يردد: يكفي النيل ابونا والجنس سوداني..
كانت ليلة التلاحم الكبرى..تبرعاسخيا.. وموسيقي وكورال
واغاني وطنية.. ومشاعر دفاقة، بكل حنية جأءت "تدق الباب"..
باب القلب ، الراكز فيهو الحب.. حب الوطن وانسانه، بكل
تقاطيعه ولهجاته.. افصح ام رطن..
غنى ود الشيخ بمساعدة الكورال باقة من اغانيه الرائعة،
على راسها:"البلد كيفنها" من كلماته وتلحينه
وادائه..
وشدا زميلنا العزيز والبوردابي "الفنجري" ايهاب نميري
بكل اغاني الكورال، بمساعدة الصغار الذين كانوا يغنون ويرقصون..
فابدع، وابدعوا من ورائه..
وغنى ياسر الحلفاية بصوته الرائع، باقة من الاغاني
الوطنية الرائعة، فالهب حماس الناس، فالهب اكفهم
بالتصفيق الحار..
كان الطفل في دارفور حاضرا، في القلب والوجدان..
فتلاشت المسافات المكانية والزمانية..
كان لسان حال اطفال عزة السودان، يقول : رغم بعدي
برسل سلامي ، يروي (حبى ، ومعزتي)..وتضامنى..
وابتدع الاطفال قصة ريال طفل دارفور..
سنعود لهذه القصة والى جو الحفل مرة اخرى..
مودتي..
حليمة
| |
|
|
|
|
|
|
|
|
|
Re: بورداب الرياض حضوراً في دعم إخوانهم في دارفور قبل موسم الأمطار (Re: حليمة محمد عبد الرحمن)
|
Quote: ان كان لنا ان نرفع القبعات احتراما وتقديرا..
او "نَشَّنِق" طواقينا، عزة واعتزازاَ، فلنفعل ذلك
لاسر عزة السودان/ يوسف السماني..
فقد كانت ليلة الخميس، يوم التلاحم الوطني..
لكل فئات الشعب السوداني، بكل سحناته والوانه
والوان طيفه المختلفة..
وكان الاطفال ابطال المناسبة..
رقصوا لكل اقاليم السودان.. وابتدروا الرقص
باغاني من غربنا الحبيب.. وشاركهم الرقص
النساء والرجال..
|
العزيزة - حليمة - تحياتي
رائع عندما يتنادى الناس لوجه الوطن .. يمحضوا
الدعم لإخوتهم في دارفور فيرتد إليهم فرحاً لا
يزول .. وها هو الأخ البوردابي الناظر يسأل عن
الطريق .. يبحث عن الطريق إلى البورداب الداعمين
.. فيا أخي الناظر لم يعد الأمر في حد بورداب
الرياض .. فحيثما وجهت وجهك فثمة داعمين للإخوة
في دارفور .. فأجر البورداب أنهم إبتدروا
المسألة فأهتزت وربت وهاهي في عزة السودان
اليوم وفي مكان آخر غداً وانتا وصلت بإطلاقك
كلمة أنا معكم بنية خالصة .. و(نية المرء خير
من عمله) .. سأتصل عليك لتعرف التفاصيل ومن ثم
تنطلق مع الزملاء .. مرحبا بك يا أخي وأنتا
لا تأتي إلا عند الفزع).
| |
|
|
|
|
|
|
| |
ahmed haneen
حليمة محمد عبد الرحمن
أحمد الشايقي
رشا سالم
سارة عمر
Mohamed Abdelgaleel
humida
tmbis
ولياب
خالدة البدوي
انعام عبد الحفيظ
AmroKamal
ابو جهينة
معتصم دفع الله
محمد صباحى
haroon asram
فيس بوك
تويتر
انستقرام
يوتيوب
بنتيريست