نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: أشهد أن لا امرأة إلا أنت !!! (Re: ابوبكر يوسف إبراهيم)
|
الجميل جدا أبوبكر !!!
يديك العافية إنشاءالله ,, ويسعدك بقدر ما تسعد بنات حواء بكلامك الحلو ,,,
( 1 )
لا مبرر لإعلان حبي لك في السنة الجديدة
فكل السنوات تبدأ بك ..
وتنتهي فيك ..
سأكون مضحكا لو فعلت ذلك ,
لأنك تسكنين الزمن كله ..
وتسيطرين على مداخل الوقت ..
إن ولائي لم يتغير .
كنت سلطانتي في العام الذي سيأتي ..
ولا افكر في إقصائك عن السلطة ..
فأنا مقتنع ..
بعدالة اللون الأسود في عينيك الواسعتين ..
وبطريقتك البدوية في ممارسة الحب ..
( 2 )
أنني أحبك ..
ولا أجد ضرورة للصراخ بنبرة مسرحية :
" هذه هي حبيبتي .."
فالمسمى لا يحتاج إلى تسمية
والمؤكد لا يحتاج إلى تأكيد ..
شكرا د. أبوبكر على هذه الأحاسيس النبيلة ,,
| |
|
|
|
|
|
|
Re: أشهد أن لا امرأة إلا أنت !!! (Re: عواطف ادريس اسماعيل)
|
إنتو يا عواطف طاير ليكم حب في راسكم دا!!!
صباح الخير
عواطف كلامك كلو حلو بس في حاجة المفروض البت تفهمها إنو الحب وشكل التعبير عنه بيختلف مع اختلاف المراحل العمرية يعني قبل العرس شكل وبعد شهر العسل شكل وبعد ما ربنا يرزقكم بي أطفال شكل آخر مع الإبقاء على المضمون ممكن في بعض الأحيان الصمت يكون أجمل تعبير عن الحب وممكن والصبر على المحبوب يكون أيضاتعبير ممتاز عن الحب ... على الرغم من ضرورة التعبير عن ذلك ظاهريافي بعض الأحيان...
غايتو أنا الحمد لله كل ما البلدية يعملوا لي مخالفة (باركين) هنا بشوف أقرب زهور كيتاً في البلدية بقطعها أوديها للمدام وأقول ليه وردة حبنا شفتي المخاطرة يعني ممكن أتسجن عشانها... ما صعب عليك الله.
أنتي آخر مرة جابو ليك فيها وردة من غير مناسبة متين يا عواطف (هاك الزرزرة دي)
أنا بجي راجع ليك تاني في الموضوع ده!!
أمير
| |
|
|
|
|
|
|
Re: أشهد أن لا امرأة إلا أنت !!! (Re: Ammir Mohamed)
|
Quote: فوددت تقبيل السيوف لأنها ,,, لمعت كبارق ثغرك المتبسم |
عواطف اشهد الله انك ما براك .
هسع الناس ديل بيقولوا اجمل بيت قيل في الغزل هو:
إن العيون التي في طرفها حور قتلننا ثم لم يحيينا قتلانا
اقسم بالله بيتك الفوق ده هو الاحلى .
تدوم ليك السعادة يا بت احمد السمحة
| |
|
|
|
|
|
|
Re: أشهد أن لا امرأة إلا أنت !!! (Re: الطيب شيقوق)
|
الاستاذة عواطف شكرا على اشادتك باسمى وحلاوتو فعلا انا أسمى طاعم
لا تتركينى نازفا بين القصيدة والقصيدة إنى تعبت من اللغات فعليمينى النطق يا لغتى الجديدة قلقى بغير نهاية ومرافئ فى الشعر ابعد من بعيدة لا شئ يفصل بيننا الا عقودك والاساور والجريدة
لك معذتى
شاكر حامد السكرتير الثقافى لفرقة المسرح السودانى بالرياض
| |
|
|
|
|
|
|
Re: أشهد أن لا امرأة إلا أنت !!! (Re: Shaker Hamid)
|
يا شاكر ,, يا حامد !!!
صباحك فل ,,,
بهذه القصيدة الجميلة تأكدت تماما أنك الرجل المناسب في المكان المناسب ,,,
أشهد أن لا أمراة ..
جاءت تماما مثلما انتظرت ..
وجاء طول شعرها , أطول مما شئت أو حلمت ..
وجاء شكل نهدها .. مطابقا لكل ما خططت أو رسمت ..
أشهد أن لا أمرأة ..
تخرج من سحب الدخان إذا دخنت ..
تطير كالحمامة البيضاء في فكري , إذا فكرت
يا امرأة كتبت عنها كتبا بحالها
لكنها .. برغم شعري كله ..
قد بقيت أجمل من جميع ما كتبت ..
| |
|
|
|
|
|
|
Re: أشهد أن لا امرأة إلا أنت !!! (Re: الطيب شيقوق)
|
الاستاذة عواطف شكرا على اعجابك بأسمى وهو فعلا أسمى طاعم مش كده. امى كانت بقول كده برضو
لا تتركينى نازفا بين القصيدة والقصيدة إنى تعبت من اللغات فعليمينى النطق يالغتى الجديدة قلقى بغير نهاية ومرافئ في الشعر ابعد من بعيدة لا شئ يفصل بيننا الا عقودك والاساور والجريدة
لك معزتى
شاكر حامد السكرتير الثقافى لفرقة المسرح السودانى بالرياض
| |
|
|
|
|
|
|
Re: أشهد أن لا امرأة إلا أنت !!! (Re: Shaker Hamid)
|
حين قالت له قول حاجة حلوة .. قال لها حلاوة طحنية
فالقول الحلو يا عواطف نتعلموا من وين؟ .. قمنا و الأم تنادى الأب بيا أبو فلان .. أبو العيال .. و هو أن أحسن فى القول يناديها بـ"حرمنا المصون" .. فهى أم العيال .. و الولية و الحرمة و إن زاد فى الدلال يناديها بإسمها "حاف" .. وفى حالات كثيرة هى قشيرة و الداهية و المصيبة .. فكيف لنا أن نناديها بـ"حبيبتى" وسط هذه البيئة! .. لو فعلنا لماسمعنا غير "كفر ابن يوسف من شقي واعتدى" .. فنحن نحب نساءنا ونحترمهن لكن هذا البعبع الكامن فى عقلنا الباطن يمنعنا من التعبير الصريح بهذا الحب .. لكنة بائن فى أفعالنا .. فـ"إن الحروف تموت حين تقال" .. أو هكذا نبرر عدم جراءتنا ..
أسمعى كلام الأخ أبراهيم:Quote: أها شوفي المحن دي .. الواحد لازم كل يوم يثبت لزوجتو إنو بحبها ..وإنو مافي في الدنيا أجمل منها...وإنو....وإنو... وده الكلام البجنن بوبي...بعدين هنالك فروقات نفسية..طبيعية بين الرجل والمرأة...فالمرأة تعشق بأذنها.. يعني لازم تضرضر الكلام السمح في أضانها كل يوم ...وبعدين لازم تعمل حسابك ..لأنك إذا غلطت وبديت تصرف الكلام السمح..لازم تزيد الجرعة كل مرة ...يعني لو بديت بيا حبيبتي ... لازم تخترع كلمة جديدة المرة الجاية تكون أقوى..مفعولا...أو تخترع طريقة جديدة عشان تقول بيها الكلمة إياها... يعني شغلانية ..بس خليها على الله .. |
دى الشغلانية الخايفين منها .. و خصوصا أنو .. و إنو .. و إنو
| |
|
|
|
|
|
|
Re: أشهد أن لا امرأة إلا أنت !!! (Re: Ali Alhalawi)
|
الحلاوي العزيز !!!
ما أحلى وجودك بيننا ,,,
مداخلتك ثرة وجميلة ولكن يا بعد عمري يجب أن نحمل معاول التغيير كي نواكب الزمن ونتفاعل مع الحدث
وإلا مافيش فايدة دع عنك الموروثات وعوامل البيئة وأبدأ صفحةجديدة عامرة بالحب وخلي الباقي علينا
كلو يوم نديك فكرة جديدة لنهاية سعيدة
معادلة
أعشق ياحبيبتي
إذن أنا موجود
أكتب يا حبيبتي
فاسترد الزمن المفقود ..
| |
|
|
|
|
|
|
Re: أشهد أن لا امرأة إلا أنت !!! (Re: الطيب شيقوق)
|
أبن شيقوق يالكلك ذوق !!!
يسعد صباحك ,,,
عاد أكون براي كيفن وإنتو كلكم معاي بي جاي ؟ بالله أهدي الأبيات دي لأم عبدالله دلوقت حالا ...
أحبك ..
وأحب أن أربطك بزمني .. وبطقسي ..
وأجعلك نجمة في مداري ..
أريد أن تأخذ شكل الكلمة ..
و مساحة الورق ..
حتى إذا نشرت كتابا .. وقرأه الناس ..
عثروا عليك , كالوردة في داخله ..
| |
|
|
|
|
|
|
Re: أشهد أن لا امرأة إلا أنت !!! (Re: Ammir Mohamed)
|
أمير الأمور !!!
شايف الدلع دة كيف ؟؟ عشان كلو يوم بتجيب وردة وماسائل في البلدية ,, بصراحة ضحكتني شديد بمداخلتك
الظريفة دي وزي ما قلت التعبير اللفظي مهم جدا وبيرفع المعنويات شوية وعدم التعبير برسخ هواجس
كتيرة وأسئلة ليست لها إجابة بعدين بمناسبة الزرزرة بتاعة آخر مرة جابو لي فيها وردة متين دي أحكي
ليك عليها نكتة ,, معاي زميلاتي من بلاد الشام وكل مناسبة تعال شوف الأزواج هدايا دهب وألماظ آخر
مرة في عيد الحب واحدة جات لابسة عقد جميل جدا قالت لي شوفي نبيل جابي لي أيه ؟ قلت ليها يا سلام
على ذوقو بجنن قالت لي إنت زوجك شو جاب لك بمناسبة عيد الحب ؟ قلت ليها جاب لي شريط أم كلثوم ,
قالت أكيد فيه غنية حلوة قلت ليها للأسف لا ,, قالت لي شو لكان ؟ قلت ليها أغنية أم كلثوم اللي
بتقول فيها حب أيه اللي إنت جاي تقول عليه أها إنشاء الله إجابة معقولة أضمن بيها النمر النهائية!!
| |
|
|
|
|
|
|
وكيف لى أن لا أعود؟
| |
|
|
|
|
|
|
Re: أشهد أن لا امرأة إلا أنت !!! (Re: محمد المختار الزيادى)
|
عطوف الحبيبة
لك كل الود والتحايا النواضر
والاشواق العارمة ..
لك وحشة كبييييييييييييرة
مواضيعك شيقة ومفعمة بكل جميل
ليت السودانيين من الجنسين يتعودون
على الكلمات الرقيقة والجميلة ولو
عملوها تعالي شوفيهم يبقو كيف
عسل على عسلهم ..
دفق ودي وشوقي يا حبيبة ..
| |
|
|
|
|
|
|