|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: براد بيت يتزوج سودانية !!!!!! (Re: فاروق حامد محمد)
|
Quote: عم فاروق ليه الغلط دا؟ يااخي كنا بنتشاكل في زكي طليمات ومع ذلك قرينا الإبتدائي والثانوي العام
والجامعة في عهد نميري والديمقراطيات الفاشلة يعني أصغر منك بعشرين سنة يا القريت الكتاب وكلية
غردون والله أم ناصر زميلتنا في شعبة اللغة الفرنسية قالت لمن خطبتها كنت شغال ليك تلاتين سنة ياأخي
ما تغير المواضيع وتكون إنصرافي زي يعني هسة لو جبت ليك عروس زي بيونسي أنا متأكدة كنت بتقول لي
زوجتي قرت معاكم في الكي جي ون وتو . مودتي |
اللللللللللللللللللللللللللللله !!!!!!!!!!!!!!!!!!!!!!!!
عمو دي ما شفتها إلا هسع ....
كده حتضطروني أقول مشاغبات غير بريئة !!!!!!!!!
وسأحكي هذه القصة غير الحقيقية .....
تذكري قبل سنتين كنت واقف معاكم انت وأم ناصر
وجا واحد وقف عربيته وسلم علينا ومشى بي بعيد منكم ....
أها الزول ده سألني قال لي ديل خالاتك ؟؟؟؟؟؟!!!!!!!
قلت ليه لا ... الخدرا عمتي والحمرا خالتي !!!!!!!!
بتجيبوا الكلام لروحكم برااااااااااااااكم ......!!!!!!!!!!
| |
 
|
|
|
|
|
|
|
|
Re: براد بيت يتزوج سودانية !!!!!! (Re: عواطف ادريس اسماعيل)
|
الاخت عواطف حقيقة الطريقة و المدخل للموضع عجبني وخلاني افكر معاكم في مثل هذه القضية المطروحة، وهي" اي القضية" بتفتح أسئلة كثيرة لقضايا تتعلق بعلاقتنا و تفاعلنا مع العالم ، لكن أسئلتي حاتكون بسيطة في نفس الاطار
سلامات ومودة خالصة للجميع.
بعض الأسئلة أحتمال تساعدني على أن أفهم أو أحس اكتر بهذا النوع من المعاناة
1- هل البنات المذكورات و الابناء المذكورين غير مدركين لهذه المحنة هنا، اقصد الفي المنافي؟
1-هل كنا "نحن الذين نتحمل أعباء التفكير لابنائنا" راضين عن كل افكار ابائنا وخططهم لمستقبلنا ام كنا نتضايق من بعض افكارهم التي لا تواكب"نسبياِ" العصر الذي نشانا فيه؟
1- هل لنا الحق في التفكير لابنائنا او نيابة عنهم ؟ أذا كانت الإجابة "نعم"لمتين؟
1-هل هذه المحنة" اذا جاز لنا ان نسميها محنة،مع انني لا أقبل هذا النعت" يمر بها ابناء السودانيين وحدهم ام تشمل كل المجتمعات التي لاذت بالغرب ، الدول العربية و المجتمات الموجودة في تلك المنافي من اصله؟
كسرة في السؤال والسؤال واحد اساساًًٍَِ
1- عايزين ناكل الرأس وخايفين من العيون؟
| |
|
|
|
|
|
|
|
|
 Re: براد بيت يتزوج سودانية !!!!!! (Re: Abdulbagi Mohammed)
|
أخي العزيز عبدالباقي
مودتي
أسئلتك موضوعية وفي محلها في الحقيقة نحن نعاني من إزدواج الثقافات وتداخل الحضارات فكلما حاولنا
إعادة أبنائنا إلى قيمنا المجتمعية الزاخرة بالمثل والأخلاق تطغى ثقافة الشارع ... المدرسة ...
المجتمع الذي يتضمن مئات الثقافات على إرادتناوتحول بيننا وبين ما نريده لأبنائنا خوصوصا وأن
تأثير الأصدقاء في هذه المرحلة أكبر من تأثيرنا بكثير وفيما يتعلق بأبنائنا في الدول الغربية
فالحال يا عزيزي أسوأ من حال الذين يعيشون في دول عربية وهذه ضريبة الغربة والهجرة .
| |
|
|
|
|
|
|
|
|
|
Re: براد بيت يتزوج سودانية !!!!!! (Re: عواطف ادريس اسماعيل)
|
ياأستا>ة عواطف سلامات ، أعجبني جداً مدخلك للمشكلة التي يبدو انها مشكلة معظم سوداني المنافي
بقية الإخوة لكم مودتي ن ممكن اسال بعض الأسئلة ؟
1-هل هي فعلاً مشكلة للفتيات و الفتيان معا، ام انها مشكلتنا نحن الأباء ال>ين نريد ان نصمم أبنائنا بالطريقة التي نريد؟لم نكن نحن ك>لك مع أبائنا حينما احسسنا بأن زمننا مختلف عنهم و لابد أن نتطور مع الزمن؟
1-هل هي ظاهرة ناتجة عن تأثرنا نحن السودانيين فقط بثقافة المهجر ام ان هنالك مجتمعات اخرى متورطة في نفس المشكل؟
1- هل المجتمات الأصلية في المنافي لم تتاثر بثقافة وسلوك المهاجرين لها؟
1-هل نحن كاقلية نريد فقط ان نأخد دون أن نعطي ؟او أن نعيش بين الأخرين دون أن نتأثر بهم؟
يا اخوانا ان كتبت الكلام ده أمبارح لكن ما عارف الحصل شنو ما لقيتو، يكون ما كلام كويس بكري حزفه ولا شنو؟
يعني علشان قلت الناس ما تكون دايره تالك الرأس و خايفة من العيون ولا شنو؟
| |
|
|
|
|
|
|
|
|
|
Re: براد بيت يتزوج سودانية !!!!!! (Re: عواطف ادريس اسماعيل)
|
عواطف
اولا حبابكـ في المنبر " آسف للترحيب المتأخر "
| Quote: جميلة بروحها .. أخلاقها .. أدبها .. حشمتها .. علمها .. تواضعها |
و ده كفاية جدا..
عشان كده ما دايرين نعرس سودانية تاني خلي الناس التانية تضوق يا تبلدينا.
تبلدينا
عارف اخوكـ جاي خاشي البوست ده بالسيرش بتاع بكري
بفتش في إسمي لقيتو هنا.
| |
|
|
|
|
|
|
|
|
 Re: براد بيت يتزوج سودانية !!!!!! (Re: فيصل نوبي)
|
أخي العزيز فيصل
مودتي
أسعدني ترحيبك وإن كنت تعتقد أنه متأخرا
والله براد بيت لو عرس سودانية تكون أمه داعيالو بس بشرط تكون بت بلد يعني مش نسخة مشوهة زي بعض
البنات اللواتي انسلخن من المجتوع السوداني الأصيل باسم الحضارة والنيو لوك ... شكرا على العبور.
| |
|
|
|
|
|
|
|
|
|
Re: براد بيت يتزوج سودانية !!!!!! (Re: عواطف ادريس اسماعيل)
|
تحية واحترام أختي الفاضلة
أنا عارف السبب
حداثة الحبوبة واختفاء النجر بتاعها "قصص النوم"
وبنات العمارة بقين ما بسممعن اذاعة توفى "هنا أم درمان"
علا بيشاهدن ناس ............. الواحد مستحي ... لو سمحتوا نقول ...ناس ... أأأأخ ... ناس
بونجور لا آسفي بونسوار لإلكون، مين بتوأعوا يا حبايب ألبنا تكون الشخسيي المجهولى هون عندنا علا البروفايل الـ لإيلها الظاهر على الشاشي؟أَمَرَةَ يما ندى القلعي، يما حنان بلبلو يما نانسي عجرم يما ...... ما بؤلكون؟
احزروا وبتربحوا هاي السياري الظاهري ع الشاشي البلوري وكمان تظكرتين مع شباب ومواهب تتجوا تحضرون هون عنا في ........ بحفلة البرايم وممكن يكون الحز من نسيبكون كلياتكم وتفوزوا
احزرو وما تتأخرو أو اتصل اس ام اس ع ها الأرام المكتوبي ع الشاشي
الله يكون في العون ... والانترنت عالم آخر
| |
|
|
|
|
|
|
|
|
|
Re: براد بيت يتزوج سودانية !!!!!! (Re: عواطف ادريس اسماعيل)
|
اها يا ام الحبان
الليله الخميس و بكره الجمعه ًweek end كارب.. كدى حاولى شوفى لينا الجماعه وصلوا وين
اوكى هاف نايس وويك ايند سويت هارت
الله يستر من وويك اينداتنا هنا من الصباح الجزر اااو سوورى ااى مين الفيجيتابل و المييت ماركت و فى النص زيارات و مستشفيات و فاتحات وهلمجرا يا قول........
تحياتى
| |
|
|
|
|
|
|
|
|
|
Re: براد بيت يتزوج سودانية !!!!!! (Re: عواطف ادريس اسماعيل)
|
عواطف سلامات
ليْ كم يوم أشوف في عنوان البوست.. ما فهمتو!! وعشان المشغولية كل مرة أقول "كدي لمن نفضى ليهو". وقد أعجبتني بوستات سابقة لك خاصة بتاع العريس المتأخر والوزير المتأخر، وبوست مشكلة الزوجين المنفصلين ولسة عايشين في بيت واحد وهم في هذه الغربة الحزينة.. ثم بوستات أخرى اجتماعية ومفيدة من الطراز الأول.. ربنا يوفقك..
اليوم قرأت قصة عبد الغني كرم الله أنا وإلهام "الطريق إلى المدرسة".. وتذكرت بوستا قديما دار بخاطري أن أضع رابطه إليك هنا..
هذا البوست من زوجتي إلهام.. وقد وعدتها بأن يكون بإسمها
ملحوظة: حتى الآن لم أكمل البوست هنا.. فهو يحتاج وقتا وليس غريبا أنك تسرقين كل القراء وهذا يجعل البعض يظنون أن السودانيين في سودانيز أونلاين لا يهتمون بقضايا بلدهم ولا بمآسيها، ويظنون أن مثل هذه البوستات فارغة.. أنا لا أرى أنها فارغة..
يمكن لكل إنسان جاد بمشاركته أن يضع بصماته ويترك بعض الكلمات..
والزارعا الله في الحجر بتقوم..
والسايقة واصلة..
وشكرا
ياسر
| |
|
|
|
|
|
|
|
|
|
Re: براد بيت يتزوج سودانية !!!!!! (Re: Yasir Elsharif)
|
أخي الحبيب د. ياسر
لك ولعصفورتك الحلوة إلهام كل الود والمعزة , أدام الله مودتكم وما تشوفون شر إنشاء الله .
أخي ياسر عاجزة عن الشكر لمرورك الرائع وقد قرأت البوست اللطيف بتاع عصفورتان في الحجاز
وفعلا يا ياسر لا شيء يعدل الوطن .. مودتي .
| |
|
|
|
|
|
|
|
|
|
Re: براد بيت يتزوج سودانية !!!!!! (Re: حسن الجيلى سعيد)
|
أخي العزيز حسن
تحياتي
أشكرك على مرورك الأنيق وعلى ثنائك على كتاباتي المتواضعة التي أحاول من خلالها أن أعكس شيئا من
الواقع ... أحزن كثيرا لحال المهاجرين الذين يبحثون عن سوداني ليتكلمو معه بالعربية وقد صادفتني
هذه الحكاية كثيرا عندما أسافر برة حيث يلاحقني إخوة وإخوات بس لأني سودانية عموما يا أخي حسن قد
صدقت القول السوداني لا شاف مراجيح لا أكل جنك فود ولا سمع بعيد الحب فمن أين يأتيه الحب تصدق مرة
يا حسن واحدة زميلتي فلسطينية جات يوم 14 فبراير طبعا عيد الحب بالنسبة ليهم شيء مقدس قالت لي
شوفي نبيل شو جاب لي بمناسبة عيد الحب كان ياحسن عقد ألماظ يجنن قلت ليها مبروك قالت لي إنتي
زوجك شو جاب لك ؟ قلتي ليها شريط أم كلثوم بتاع أغنية حب أيه اللي إنت جاي تقول عليه ؟؟؟
| |
|
|
|
|
|
|
|
|
|
Re: براد بيت يتزوج سودانية !!!!!! (Re: عواطف ادريس اسماعيل)
|
الاخت العزيزة/عواطف,
صباح الخير...
قلت لى عيد الحب Valentines day طبعا بعد ما عدينا العشرين عرفنا انو فى حاجة اسمها عيد الحب ,اول يوم عرفتا فيه عيد الحب كنا فى السنة التحضرية لغة وكنا كمية من البرالمة جمع برلوم فى المعهد جينا الصباح خاشين تووشك ,البنات والاولاد لابسين وملمعين وبائعات الورود ساكين الناس قلنا يالله الحاصل شنو طبعا الواحد فينا حق الفطور ما عندو بالله هى دى منو الغبيانه البتحب ليها واحد حق الفطور ماعندو,المهم دخلنا الدرس وكان عندنا مدرسة اسمها تركان هانم باركت عيد الحب للجميع الفصل اشى اسيويين اشى عرب اشى افارقة يعنى مالذ وطاب نحن السودانيين نتلفت زى مروحة الطربيزة ,لمن رجعنا الداخلية اخدنا الدرس الاول فى الحب من السناير وهم اخوننا الذين سبقونا فى الايمان .
اول مرة اشترى ورود لجكسويه من شدة الخجل لبتها ( دسيتا) تحت المعطف وخدودى قد توردت واحمرت خجلا ( توردت واحمرت دى صيغة مبالغة واللبيب بالاشارة يفهم ) قلت لروحى ياحسن لو شافوك الجماعة(الجماعة Sudanese community طبعا) وطاطك اصبحت ,وطفقت ادعو ربى بان لا تصطادنى اعين الجبناء اعداء الحضارات
واحد فرده من اعداء الحضارة سالتو :
- عملت شنو فى عيد الحب
الجواب
- لعن الله قوما كثرت اعيادهم...
فعلا يا اخت عواطف حب ايه الانتا قاى تاوول عليه ( الله ارحمك ياست )
| |
|
|
|
|
|
|
|
|
|
Re: براد بيت يتزوج سودانية !!!!!! (Re: عواطف ادريس اسماعيل)
|
عواطف الاخت العزيزة
والاخوان/ت العقد الفريد
ارجع ليك تانى لموضوع الرجل السودانى ذو الحظ المنيل بستين نيله..
تبداء المعاناة الثانية مع مرحلة الدراسة الجامعية يارب اواصل جوه البلد ولا اهاجر لبلاد الخواجات والعرب والعجم طلبا للعلم فهو فريضة ,لو اختار السودان مصيبة ولو اختار بلاد ماوراء النهرين تلاتة مصايب وهكذا تدور عجلة الحياة مابين فلس مزمن وتقشف مقيت ...
ليشيخ ذالك الشاب اليافع قبل يومه...وخصوصا لو ربد بالشدة(repeat) بالجامعة كم سنة ...
ويتخرج من الجامعة عشان انصدم بالحياة العملية ونظرا لضيق ذات اليد فى السودان يفكر فى الخيارات التالية:
1-السعودية
2-السعودية
3-ابوظبى
4- ليبيا وذلك اضعف الايمان
اواصل
------------------------
مهما انتقدنا نفسنا برضو اجمل حياة واجمل شعب
| |
|
|
|
|
|
|
| |
فاروق حامد محمد
عواطف ادريس اسماعيل
Abdulbagi Mohammed
فيصل نوبي
othman mohmmadien
Yasir Elsharif
حسن الجيلى سعيد
فيس بوك
تويتر
انستقرام
يوتيوب
بنتيريست