نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: الزوجة الثانية ... هل فعلا هي خطافة رجالة ؟؟؟؟ ألحقني يا بكري !!! (Re: مريم بنت الحسين)
|
بت الحسين !!!
كلامك سمح وزين ,,, ثانيا يشرفني دخولك في البوست وأتمنى أن تستمر مداخلاتك القيمة ,,, ثالثا عندما أكرر إهمال الزوجة لزوجها قد يدفعه إلى البحث عن حب آخر خارج عش الزوجية سواء كان بطريقة مشروعة أو غير مشروعة ليس الهدف منه دفع الأزوج إلى هذا الطريق ولكن لكي تفتح الزوجة عينها ولكي يعرف بعضا الأزواج أن الإهمال من جانبهم له أيضا ردود أفعال سلبية إضافة إلى ذلك يا بعد عمري إنت عشان لسة عروس جديدة قد لا يدور بخلدك نوعية المشاكل التي يعاني منها الطرفان فهناك أمور يصعب حلها وهناك زوجات لا يتغيرن لا بالكلمة الحلوة ولا بالزواج الثاني وفي هذه الحالة يكون الحل حسب تقدير كل شخص للمسألة وبعدين عايزه أقول ليك والله الناس الطرحو ليك الموضوع دة في يوم زواجك بالغو مبالغة شديدة وليكي حق تقولي دة طرفي منو !!
| |
|
|
|
|
|
|
Re: الزوجة الثانية ... هل فعلا هي خطافة رجالة ؟؟؟؟ ألحقني يا بكري !!! (Re: عواطف ادريس اسماعيل)
|
شكرا عواطف على البوست وطبعا (الزوجه الثانيه) دي بقت ظاهره حاليا. ضحكتيني بس مع نوسه وحابه اشغلها:
Quote: نوسة الننوسة!!!!
كيفك ياخيتي...
نورت البوست ومالك من زمان واقفة تتفرجي علينا ساكت ؟؟؟ عموما مرروك حلو وجيدن جيتي بس أنا خايفة توكوني دخلت من منطلق العيار اللي ما بصيب بدوش !!!بس أنا شايفاك يا نوسة نجيضة ومكنكشة بيديكي ورجليكي لكن نصيحة مني ليكي فكيها شوية النسوان اللي بكنكشن شديدديل بياخدن زمبة كبيرة فكي زرارة واحدة ... معزتي... |
يا نوسه قالوا لك فكي زراره واحده ان شاء الله
نوسه دي بت عمتي وزوجة اخوي يا عواطف عشان كده بشاغلها بلا خوف من فهم مغلوط. تراجي.
| |
|
|
|
|
|
|
Re: الزوجة الثانية ... هل فعلا هي خطافة رجالة ؟؟؟؟ ألحقني يا بكري !!! (Re: عواطف ادريس اسماعيل)
|
الاخت العواطف - كيف حالك جيتك كاسر سااااااااى كتلتني القريفة لبوستيك ده الدايرني يجي يقطع رقبتي انا برة اها
كيف يسعد الرجل المرأة؟؟
على الرجل أن يكون اول بالتبادي :
1. صديق 2. رفيق 3. حبيب 4. أخ 5. أب 6. سيد 7. رئيس 8. كهربائي 9. نجار 10. سباك 11. ميكانيكي 12. مصمم ديكور 13. صاحب أسلوب 14. طبيب نفسي 15. مبيد حشرات 16.طبيب معالج 17. مستمع 18. مرتب 19. نظيف جدا 20. عاطفي 21. رياضي 22. دافئ 23. يقظ ومتنبه 24. أنيق 25. ذكي 26. مرح 27. مبدع 28. حساس 29. قوي 30. يتفهم 31. يتحمل 32. متعقل 33. طموح 34. قادر ومؤهل 35. شجاع 36. مصمم 37. صادق 38. يعتمد عليه 39. يمدحها بانتظام 40. يحب التسوق 41. محترم 42. غني جدا 43. لا يرفع ضغطها
4 4. لا ينظر لغيرها من النساء
كيف تسعد المرأة الرجل؟؟؟
1. تتركه في حاله ساااااااااااى زى السمحة ام ولدي يطول عمرها لا بتابعني في السفر ولا في البوستات كمان
اطيب الاماني
| |
|
|
|
|
|
|
Re: الزوجة الثانية ... هل فعلا هي خطافة رجالة ؟؟؟؟ ألحقني يا بكري !!! (Re: عواطف ادريس اسماعيل)
|
الزوجة الثانية حل مشكلة بمشكلة أخرى، أنانية في حل مشكلتك على حساب سعادة أطراف أخرى، زوجتك (الأصلية) أولادها، أولاد الزوجة الأخرى ... أنا ضد فكرة تعدد الزواج جملة وتفصيلاً .. مهما كانت المبررات والدوافع .. يظل هذا الفعل غير إنساني، وفيه جرح ما بعده جرح لكرامة الزوجة الأولى .. الزواج علاقة مقدسة ورباط روحي سامي والزج بقدسيته وسموه بمثل هذه التصرفات تفرغه من أهم مضامينه ... هاكم هذه الحادثة دي عشان تعرفو هول التصرف ووقعه المحزن على الزوجة المغلوب على أمرها:- بتكوي الهدوم بروااااقة في بيتها، جا زوجها داخل وناداها يا فلانة تعالي جات لابسة قميص بيت أنيق وتفوح منها رائحة جميلة قاليها : عايزك في موضوع ضروري قالت ليهو: أها اتفضل زوجي الحبيب قال ليها أنا إتزوجت عليك قعدت في أقرب كرسي تعلوها وجهها دهشة وبدأت عيونها تدمع من هول ما سمعت أضاف زوجها: وأنا وزوجتي ماشين شهر العسل الليلة، قومي لمي هديماتك أوديك بيت أهلك لغاية ما أرجع اتسمرت في كرسيها من هول الصدمة ... نهرها نهرة قوية ... قامت لمت هدومها ... انتظرها في العربية ... طلعت شايلة الشنطة لا تدري ماذا يحدث وصلو بيت أهلها ... نزلت ...نزل معاها قرّب منها .... قال ليها : حبيبتي أنا لا أتزوجت عليك ولا حاجة ... بس أبوك مات قالت : الحمممممممدلله
| |
|
|
|
|
|
|
Re: الزوجة الثانية ... هل فعلا هي خطافة رجالة ؟؟؟؟ ألحقني يا بكري !!! (Re: عواطف ادريس اسماعيل)
|
العزيزة عواطف
كيفنك ..أعذريني على الرد المتأخر نسبة لظروف سفري.
الوضوع دا لذيذ و شيق و مهم و حساس جدا..
أولا: فيما يخص ترتيبات حمايتك و تأمين سلامتك ..أرقدي قفا..فلقد صدرت التعليمات هنا بتكليف حراسة
خاصة على مدار ال24 ساعة لك و لجميع أفراد العائلة المتواجدين بالدولة و خارجها...و طبعا بعد
حضوري المعرض اياه فسأقوم أنا شخصيا بالاشراف على كل الاجراءات.
هو احنا عندنا كم "عواطف"
تانيا: صاحبتك "أم سعود" دي ما نصيحة.....الزمن دا في زول بينصحوهو بالعرس كان أول ولا تاني؟؟؟
هو البيعملها مرة ..!! بيعملها مرة تانية؟؟؟؟؟؟
تخريمة: نهلة ...هوووي ....دا هزار ساي
| |
|
|
|
|
|
|
Re: الزوجة الثانية ... هل فعلا هي خطافة رجالة ؟؟؟؟ ألحقني يا بكري !!! (Re: عواطف ادريس اسماعيل)
|
الأخت عواطف تحية أرفق بها الآتي من خبر السلف عن أفضل النساء وأشرهن:
1) سئل أعرابي في النساء ،وكان ذا تجربة وعلم بهن ، فقال: أفضل النساء أطولهن إذا قامت ، وأعظمهن إذا قعدت ، وأصدقهن إذا قالت ، التي إذا غضبت حلِمتْ ، وإذا ضحكت تبسّمت ، وإذا صنعت شيئاً جوّدتْ ، التي تطيع زوجها وتلزم بيتها ، العزيزة في قومها، الذليلة في نفسها ، الودود الولود وكل أمرها محمود.
2) قيل لأعرابي كان ذا تجربة بالنساء: صف لنا شر النساء ، فقال: شرهن النحيفة الجسم القليلة اللحم ، المحياض الممراض ، المصفرَّة الميشومة* العسرة المبشومة**، السلِطَة البطرة السريعة الوثبة، كأن لسانها حربة تضحك من غير عجب ، وتبكي من غير سبب ، وتعو على زوجها بالحرب ، أنفٌ في السماء وإست في الماء ،عرقوبها حديد ، منتفخة الوريد ، كلامها وعيد ، وصوتها شديد ، تدفن الحسنات وتفشي السيئات ، تعين الزمان على بعلها ولا تعين بعلها على الزمان ، ليس في قلبها عليه رأفة ، ولا عليها منه مخافة ، إن دخل خرجت ، وإن ضحك بكت ، وإن بكى ضحكت ، كثيرة الدعاء قليلة الإرعاء ، تأكل لمّاً ، وتوسع ذمّاً ، ضيقة الباع، مهتوكة القناع ، صبيّها مهزول وبيتها مزبول ، إذا حدّثت تشير بالأصابع وتبكي في المجامع ، بادية من حجابها ، نبّاحة عند بابها ، تبكي وهي ظالمة ، وتشهد وهي غائبة ، قد دلَّى لسانها بالزور ، وسال دمعها بالفجور ، إبتلاها الله بالويل والثبور وعظائم الأمور !!
*الميشومة: التي بها شؤم **المبشومة المملولة والأكولة
| |
|
|
|
|
|
|
Re: الزوجة الثانية ... هل فعلا هي خطافة رجالة ؟؟؟؟ ألحقني يا بكري !!! (Re: عواطف ادريس اسماعيل)
|
عواطف الجميلة
في اخر اجازة ، وهي في الحقيقة لم تكن اجازة بل كانت رحلة عمل استغرقت مني شهورا عدة التقيتها بنت خريجة نشيطة تعمل في شركتين تدرس بالمسا حلوة موووووووووووووووت تسكن مع خالها والذي هو جارنا نتبادل التحية والابتسامات ( حلوة الابتسامات دي مش كدة )
ذات صباح سالتني ( انت سبت السعودية؟)
قلت ليها ايوة، ممكن تساعديني في شغل لانو علاقاتك واسعة
نظرت الي وقالت ما عندي ما نع بس بي شرط قلت ليها شرطك شنو قالت لي : ( اكون التانية)
ومودتي
| |
|
|
|
|
|
|
Re: الزوجة الثانية ... هل فعلا هي خطافة رجالة ؟؟؟؟ ألحقني يا بكري !!! (Re: السمؤال بدرالدين)
|
ود بدر الدين !!!!
تبيت برة البيت وبس ؟؟؟ دة انت مفروض تبيت برة الحارة لغاية ما عاصفة الصحراء تهدأ بعدين تجي البيت على مراحل أول حاجة ترمي جزمتك بي فوق الحوش إذا ما جاتك راجعة ترمي القميص ثم البنطلون وبعداك تجي داخل يا حرقة يا غرقة وتغني لروحك تقول براي سويتة في نفسي قلبي الحب ما واعي وماكان عشق زولا مجافيه للحصل داعي ودة كله كان مانفع ارمي الباسورد لبكري وشوف ليك بلدا آخر ,,,, تحياتي ,,,
| |
|
|
|
|
|
|
Re: الزوجة الثانية ... هل فعلا هي خطافة رجالة ؟؟؟؟ ألحقني يا بكري !!! (Re: عواطف ادريس اسماعيل)
|
عارفة يا توفي عاد جايب ليك قوالة حاررررة أمبارح مشينا معزومين عرس في نادي كدة البلد دي لقيناها ليك مترترة نسوان واللبس دة والتياب ديل تحلفي تقولي مهرجان دبي والله يا توفي ما كنت قايل بلاقيكي و بحدثك جنس بوبار من الله غزاني فوق بطن ا دي ما شفت زيو الدياميات ديل وخدم العشش و ناس قريعتي راحت انا اليوم داك كنت الناطق الرسمي بي أسمهم أهااااااا طبعن أهاااا دي حرف قوالة وما تعتبريها صواطة أعتبريها في أطار الأمانة الصحفية و المهنية!! كاااااااااااك الحفلة شغالة والفنانة دي تسوي في نار الله بدت غنية يا خاينة يا خاينة يا خسيسة الخيانة ظاهرة و باينة ولمن وصلنا المقطع بتاع يا الكلمتي صاحباتك وما خلاس كدة كفاية كبرتي و القطر فاتك !! ماك طالباني حليفة نسوان أتنين كدة واحدة من زمن مشط المساير و خدم القماير وواحدة تانية زي الليالي و المجلس الوطني الأنتقالي الساعة النسوان أتماعطن وحاة الله تقول الحفلة وقع فيها ساروخ من جماعة أبو سياف هي لكن جنس بشتنة و بهدلة اهاااااا سمعت تحت تحت قالوا ديل ضرات طوالي انا أنسحبت بررررررري يا يمة الضرة تطلع بررررررررررة
| |
|
|
|
|
|
|
Re: الزوجة الثانية ... هل فعلا هي خطافة رجالة ؟؟؟؟ ألحقني يا بكري !!! (Re: حبيب نورة)
|
Quote: الدياميات ديل وخدم العشش و ناس قريعتي راحت انا اليوم داك كنت الناطق الرسمي بي أسمهم
والفنانة دي تسوي في نار الله بدت غنية يا خاينة يا خاينة يا خسيسة الخيانة ظاهرة و باينة ولمن وصلنا المقطع بتاع يا الكلمتي صاحباتك وما خلاس كدة كفاية كبرتي و القطر فاتك !! ماك طالباني حليفة نسوان أتنين كدة واحدة من زمن مشط المساير و خدم القماير وواحدة تانية زي الليالي و المجلس الوطني الأنتقالي
|
لكن بالغت عديييل كدة يا حبيب نورة "نورة دى منو ؟؟؟"
هههههههههههههههههههه
| |
|
|
|
|
|
|
Re: الزوجة الثانية ... هل فعلا هي خطافة رجالة ؟؟؟؟ ألحقني يا بكري !!! (Re: خالدة البدوي)
|
عطوفة ازيك Quote: الزوجة الثانية ... هل فعلا هي خطافة رجالة ؟؟؟؟ |
سؤالك دة لو اجابتو ما طلعت ( نعم ) يبقى اتلومتي يا ختي
خطافة رجالة ونص وخمسة الدنيا دي ما مليانة رجال إلا دة يعني وبعدين الزوجة التانية دي بتهد اهم ركن من اركان الزواج اللهو السكينة كدي اسألك ممكن تكون في سكينة بين زوج عينو طايرة اتزوج زوجة تانية وبين زوجتو الأولى ؟
غايتو يا عواطف مواضيعك حلوة وما بناباها لكين الفيك اتعرفت
| |
|
|
|
|
|
|
Re: الزوجة الثانية ... هل فعلا هي خطافة رجالة ؟؟؟؟ ألحقني يا بكري !!! (Re: salma altijani)
|
سلوم يا الخاتية اللوم !!!
حبي ,,,
شكرا على مرورك الأنيق والمسألة يا نسوان بسيطة جدا كدي كبرن عقولكن شوية و تخلصن من عقدة الغيرة وإنظرن للموضوع بشيء من العقلانية أنا لا أدعو للزواج مرة أخرى و لكن طالما حلل الشرع هذا الموضوع أكيد في حكمة فهناك حالات مستعصية لا يتم حلها إلا بالزواج مثلما أحل الله الطلاق لحل المشاكل التي ليس لهاحل وبعدين يا سلوم يا أختي الزواج التاني مسئولية كبيرة جدا ولها تداعيات يعني مافي راجل بقدم عليه بدون تفكير وتدبير لكن مع ذلك عندك حق في بعض الرجال عينم زايغة وبدل ما يعملو علاقات غير مشروعة بتزوجو,,, عموما رغم الفيني الإتعرفت دي برضه بحبك موت أها شنو رايك ؟؟؟
| |
|
|
|
|
|
|
Re: الزوجة الثانية ... هل فعلا هي خطافة رجالة ؟؟؟؟ ألحقني يا بكري !!! (Re: عواطف ادريس اسماعيل)
|
عواطف انا طبعا تزوجت عمري 14 سنة من الابتدائي وهنالك سوالف كتيرة جدا عن زواجي ده طبعا السمحة ام ولدى بنت عمي طوالي .
اول سالفة بيقولوا زمان وقت الطيب عريس صغير ويكون نائم متهبب برة وتجى المطرة السمحة ام ولدو بتشيلو بتدخلو من المطرة .
والسالفة التانية - لما كنت محامي في ولاية سنار السكرتيرة حبتني شدييييييييييد وبتحب نضمي مع العرب بالحييييييل وقالت الا تتزوجنى وانا بيني وبينك برضى ردتها عدييييييييل لكن كان في حساباتي انو زواجي بيكون سابق لاوانه لان الاولاد كتار الحمد لله وعايزين وعايزين - المهم السمحة ام ولدى سمعت بحب السكرتيرة دى للطيب وطوالى يوم جاتني في المكتب ولقت السكرتيرة تتضحك معاى ساااااااااى وانا قلبت الونسة لموضوع قضية كبيت الزوغة يعني - بعد شوية سمعت ليك السمحة نهرت ليك السكرتيرة دى نهرة ووووووب منها قالت ليها ( انت بتحبي ساااااااااى اظنك قايله الطيب ده انا حبيتو وتزوجتو . لا ابدا انا الطيب السمح العاجبك ده ربيتو بيدى لحدى بقى الطيب المحامي العاجبك ده اوعى تاني اسمع لى كلام حب او اطردك من المكتب هسع - انا اضحك ساااااااى قلت ليها عافي منك يا ام عبد الله )
نواصل
| |
|
|
|
|
|
|
Re: الزوجة الثانية ... هل فعلا هي خطافة رجالة ؟؟؟؟ ألحقني يا بكري !!! (Re: عواطف ادريس اسماعيل)
|
Quote: بكرة تكب الزوغة وتخليني وجها لوجه مع أم عبدالله ؟؟ شكيتك لألله يا أبو عبدالله !! |
حييييييييي انا يا العواطف ام عبد الله عشرة سنين من كنا وليدات ربتني وقرتني ولولتني و مسحت الدمعة من عيوني ابيع الدنيا كلها عشانها .
ام عبد الله يا العواطف زماااااااااان ايام كنت محامي جيتها زهجان من قضية عصيّة زهجتني شديد كنت عايش مع القضية بكل حواسي وام عبد الله حواسها كلها تجاهي كل يغنى على ليلاه يا العواطف . زهجت منها وطلقتها ودى كانت اول واخر طلقة وكنا برانا في غربة الا الوليدات كانوا صغار . اها بعد شوية اسمع ليك عربية لاندروفر مليانة ضيوف جونى بهداياهم العسل والعجوة وتخمخم آه يا حليل ايام زمان يا العواطف . اها العروس مطلقة والضيوف وصلوا اعمل شنو انا ؟
طوالي انا دخلت على ام عبد الله قلت ليها انا طلقتك كزوجة لكن تبقى العلاقة الدائمة هى انك بنت عمى وجونى ضيوف دحين قومى اتشمري نكرم ضيوفنا ونشوف موضوع الطلاق ده بعدين - والله يا العواطف اختى ، السمحة ام ولدى قامت على مطبخها وكأنو ما في شيى حصل ولعت نارها وجبنا الضبيحة وضبحنا والجيران حضروا كلهم ونضحك ساااااااى وكأنو مافي حاجة لحدى اكرمناهم زييييييييين ومشو . جيت اتحكرت جنب ام عبد الله قلت ليها انا عايز لي ...........وم دفرتني بعيد قالت لا وضحكتها ورضيتها ومشيت جبت رجل دين برااااااااااااااحة ورديناها في مسماها . وواصلنا ولحدى اليوم مافي حد عارف الحصل .
اها هسع السمحة ام ولدى اكان النغناقة والشفاقة والدلاعة والجرباعة مش اكان كشفت حالي مع الجيران والضيوف آآآآآآآآآه من ام عبد الله يا العواطف .
نواصل سوالف ام عبد الله
| |
|
|
|
|
|
|
Re: الزوجة الثانية ... هل فعلا هي خطافة رجالة ؟؟؟؟ ألحقني يا بكري !!! (Re: الطيب شيقوق)
|
تعيش أم عبدالله أم خيرا برة البكفي الجيران وناس الحلة أنا من الليلة حأعمل حزب في المنبر أسميه أم عبدالله ,,, الرزينة الواعية وحنينة ,,,اللولاية,,, القراية ,,,المو حكاية ,, شكرا يا سعادة المستشار على مداخلتك الكلها حكم !!
| |
|
|
|
|
|
|
Re: الزوجة الثانية ... هل فعلا هي خطافة رجالة ؟؟؟؟ ألحقني يا بكري !!! (Re: عواطف ادريس اسماعيل)
|
Quote: وقلمك الجميل ده طلع ميتينا ذاتو يا العواطف
وحياتك امشى لينا على بوست ود المحرب بتاع عثمان حسين وادينا كلمة كلمتين عشان تولعي النار هناااااااااااااك ا صلك شايلة كبريتك وحايمة في المنبر ده لا خليتي قلب راجل ولا قلب إمرأة |
الطيب توفي دي شايله كبريتتا عشان تولع ليكم الشموع عطوف دي ريدتاعندي تلات مرات واحدي لي والتانيه لي خالد والتالته كسييييييييير عديل ليك انت توفي كيفك حبيبه عفاف
| |
|
|
|
|
|
|
|