|
|
|
 Re: لاح لي من صعيد برقاً كتم تعّالو (Re: abubakr)
|
| Quote: ات الجابك هنا شنو يا طيش الانتخابات ... |
شفتوهو عندو بوست بهناك بقول للناس ما تتنبابذوا ومتلحنى انا بس
انت الخيال بديعه وغريبه يا الرطاني - انت ماعندك شغل غير النت ليل ونهار امشى للسمحة ام ولدك تسوى ليك الجبنة
| |
 
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
| Quote: جابولها المسبلق حبرو فوق لفاتو |
| Quote: بت طلحة دى حيرتني اشرحوها لي - المسبلق ده شنو ؟ |
وأنا كذلك يا شيقوق..
لكن ننتظر الملكة إذا عندها تفسير ... وإلى ذلك الحين نجتهد...
أنا بقول ربما يكون الشاعر قاصد توب الزراق (بفتح الزاي والراء للنهاية) 
السبب في هذا الاجتهاد هو الحبر (ولونه أزرق) واللفات...طيات التوب.. وهنالك توب اسمو توب الزراق (للأقدمين فقط)
أقول ما تقرأون والله أعلم
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: Ahmed Yousif Abu Harira)
|
Quote: أنا بقول ربما يكون الشاعر قاصد توب الزراق (بفتح الزاي والراء للنهاية)
|
يا احمد آزول مالك داير تلخبط علينا ود شيقوق تانى بالزراق وما الزراق. وانا رغم ان العبارة فاتت على راسى ايضا لكن اظن ان شرحك اقرب الى المعنى.
المهم نربع ايدينا ونرجى الملكة.
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
الاولي :
دحين ععرفتو ليه هي الملكة انتو التلات ودشيقوق الحتات وشيخ العرب وودالنعيم لسه بدري عليكم تتعلمو عربي زي بالضبط !
الثانية :
انا من عصر التكنولوجيا ايها العرريب ودشيقوق والنت اداة من الادوات الكثيرة التي حولي في المكتب والبيت والشارع والسيارة فلذا مش عايز مكان محدد ووقت محدد وادوات ثابتة للابحار في النت .. يا متخلف تكنولوجيا وبرضو الطيش ؟
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
Quote: ما أسعدنى بأخوالى
بيهم تتباهى أحوالى
والناس يتمنوا لفالى
|
بت طلحه يا الديمه سمحه خصالك
ولي الضيفان يوت متلعبه نارك
حقك تتباهي بيه ويستاهل خالك
ياربي مانتحرم من لمتكم الحلوه
وحشتونا وحشتونا شديد وكل سنه وانتم طيبين
بمولد الهادي الامئن
ام احمد
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: nourelhadi awad)
|
برق القبلة رف وقرقرت رعادتو
عاشق اللينة ساهر وفارقتو سعادتو
الملكت جنانى وتركتو عبادتو
جابولها المسبلق حبرو فوق لفاتو
أبوبكر
لقيت إيدك فى الجماعة ديل وحمدت سيدك
ود النعيم
أنا ماممكن أصدق إنو سيد الدلو ما بعرف ( المسبلق حبرو فوق لفاتو ! )
ود شيقوق
حكايتك حكاية مع الزراق دا... بتفتح لنا أبوابا !!! ربنا يلادى محنك
أحمد
شيخ العرب ود ملوك الشرق يا المنك الناس فرق (الشرق شرق النيل يا أبوبكر )
ليس من قرأ كمن سمع ,,, أنا سمعت الكلام دا من خشم سيدو ولذلك الشروح أتفرقن
ومعنى جابولها المسبلق حبرو فوق لفات / تو :ــ
المسبلق : الدافق و السايل / من سبلوقة / وما أظن السبلوقة بتغباك ياشيخ الطيب
حبرو : ياهو الزراق ذاااتو بفتح غير منضم
لفاتو : بتشديد الفاء والتاء هى الرقبة التى يلتفت بها البعير
( ومعقول يا أب ححريرة اللينة يجيبو ليها توب زراق ! ؟ دى البكرة شوية عليها )
وياود النعيم جابولها الدلو الكابس العتبة وختا النشال ومسبلق حبرو فوق لفاتو .
ودمتم تامين الفهم .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
| Quote: المسبلق : الدافق و السايل / من سبلوقة / وما أظن السبلوقة بتغباك ياشيخ الطيب |
والله عظيمة يا بت طلحة
بس الرطانة ما عندهم مطر عشان كده ما بيعرف السبلوكة ولا بيعرف مسح البيوت بالذبالة وقت الرشاشية ولا بيعرف يمد يدو للريكة فوق ينزل منها تيراب العشريف والعنكوليب والتبش بعد احت منها الغبار ولا بيعرف يعزل الحمار السخي للسدرة وقتين يجيبوها الحلب رقل رقل الرشاشية . ولا حتى بيعرف يطلع شوال البصل يعزل غرفه منو ويخزنه للخريف بعد يشتت فيهو القرض من الضياع .
ولا بيعرف السمبيرية وام بيوض وقت تجي حايمة الايام دى وتبني عشها في الهجليج والميم . ولا بيعرف الحويسد وقت نسامو يهب من الصعيد .
خليهو في عماهو الله يغطسو .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
| Quote: المسبلق : الدافق و السايل / من سبلوقة / وما أظن السبلوقة بتغباك ياشيخ الطيب |
والله عظيمة يا بت طلحة
بس الرطانة ما عندهم مطر عشان كده ما بيعرف السبلوكة ولا بيعرف مسح البيوت بالذبالة وقت الرشاشية ولا بيعرف يمد يدو للريكة فووووق ينزل منها تيراب العشريف والعنكوليب والتبش بعد يحت منها الغبار والسكن ولا بيعرف يعزل الحمار السخي للسدرة وقتين يجيبوها الحلب رقل رقل الرشاشية . ولا حتى بيعرف يطلع شوال البصل يعزل غرفه منو ويخزنه للخريف بعد يشتت فيهو القرض من الضياع .
ولا بيعرف السمبيرية وام بيوض وقت تجي حايمة الايام دى وتبني عشها في الهجليج والميم . ولا بيعرف الحويسد وقت نسامو يهب من الصعيد .
خليهو في عماهو الله يغطسو الرضاني المضر .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: حباب
أهلى
أهل
نفلى
البعرفوا أصلى |
العزيزة الفاضلة
سمية الحسن بت طلحة
الما بعِرف أصلّك بلقاهو في غُناكي مآصل
إرثاً قديم دهباً مجمّر وفوق الرُقاب عنتل
نفلك ديمه عامر يا بت الرُجال المُهل
سيري في أمان الله الكريم يغطيك كافل الهُمّل
خالد محجوب
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: محمد امين مبروك)
|
طريت الضحكو لي قلق الحزانى
بفيق "
ودمتو في عافية
محمد أمين مبروك مرحب بيك
جينا جرابك ملان
ياسلام يامحمد
والله حديثك دا فيق علينا بالحيل
الله يديك العافية خلاس عرفت الدار لاتطول الغيبة
الفر المتـل برق العشـــاء اللتبسم
اللهج العلي جيـب القبيح ما اتقسّم
الخلا العيـون نومن قليـل ومقسّـم
من الفيهو دوف البي الحجول اتوسّم
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: أحمد
شيخ العرب ود ملوك الشرق يا المنك الناس فرق (الشرق شرق النيل يا أبوبكر )
ليس من قرأ كمن سمع ,,, أنا سمعت الكلام دا من خشم سيدو ولذلك الشروح أتفرقن |
سلوووووووووم
كيفنكم..
أنا يا اخوانا كنت تايه تكنولوجيا...ومقطوع لي تلاته يوم من فرط جهلي..
شرحك يا ملكة هو الشرح الصحيح دون مثقال ذرة من شك...ولم يكن غائبا عنا بدليل توافقه مع المعنى الذي اسشتكل على حبيبنا الطيب في بوست الدلو..وكلامي الأولاني أجتهاد مقصود بالاتفاق مع صديقي ودالنعيم للإيقاع بشيخنا الطيب..فاخترعنا قصة توب الزراق لتوافقه مع المفردة طيبة الذكر لكن نقول شنو عاد
شرك وانهبر
----
ليس لهذا الكلام اي علاقة بشيطنة ناس قيلي
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: Ahmed Yousif Abu Harira)
|
Quote: أنا ماممكن أصدق إنو سيد الدلو ما بعرف ( المسبلق حبرو فوق لفاتو ! )
|
يا بت طلحة لك العتبى حتى ترضى ، ولكن صدقينى هذه من محن الاخ ابو حريره ومكائده وهو الذى اوقعنى واوقع نفسه فى هذا الفخ والذى كان القصد منه هو الفرق بين فتح الزاى او ضمها. وصدق ابو حريره انك هبرتى شركنا يا بت الملوك، ولله در من قال : على نفسها جنت براقش.
ومع ذلك فان شرحك قد وضح الكثير وبالذات كلمة المسبلق . ولكن لفاتو او طبق فقرتو وحبرو او ذلك العرق الداكن الذى يشبه القطران كلها مفهومه ، والسبلوقة او كما نسميها عندنا فى السافل بالدروة ايضا مفهومة.
وان شاء الله اهل الميز ما يروحو.
اطنان من التحايا ، ولك العتبى مرة ثانية لاننا كنا ونحن نختلق هذه المزحة "كالثور فى مستودع الخزف"
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: b_bakkar)
|
| Quote: وليه جابوهو للينة الملكت جنان الشاعر وجعلته يتركه عبادته؟ |
بكار سلامات
المعنى الذى سألت عنه واضح وهو الرحيل الذى افقد الشاعر عقله، اما سمعت اخ بكار:
يا ست ريدى بى شورة الرحيل مين شارك
انا جيت عاقبك لقيت محلب يمن فى ديارك
قلت لى نفسى ابكى دحين وشمشى طارك
كم كم عندها اب كوعا مفاسح بارك
وبعدين حبرو واضحة وضوح الشمس ، وللمزيد اطلع فوق بتلقى المعنى، واظنك بتعرف السبلوقة والدروة مو كدى؟
تحياتى.
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: على احمد النعيم)
|
الشيخ/بكار
المعنى الوارد في البيت الجميل ده تعرضنا له هنا:
دلوا كابس العتبة وختا النشال
وشرِحْنا المكعوج الفوق داك كان فوق رأي...وبالمناسبة المعنى واضح جدا...أيوا صاح ناس مدينة وكده والحاجات دي ما بنشوفها كتير لكن أهو بنتونس
والقصه ومافيها في البيت الأخير فوق جمل كبير ومانع (جمل شيل يختو فوقو "حور" هذه الجميله لينقلها من مكان إلى مكان) زي جملك أب دومات القايدو الزول دا (في صورة بروفايلك دي)...
نحن دي مرقنا منها ، الله لي شيخ الطيب
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: Ahmed Yousif Abu Harira)
|
ود بكار ها زول كيفنك الشي تمرقنا ناس صعيد سااااااااى ات قايل الصعيد فيهو شنو غير الابل ات ما سمعت ببقر كنانة وما سمعت بابل وتيش ولا سمعت بضان ود ديان ولا خروف ناس ام عروزة المدوعل .
ات عارف الشاعر ده مو هيّن يمكن يقصد بالمسبلق في لفاتو هو الخاتم البسوهو بالدواية جوة الفرخة ( ورقة A 4 ) ويلفوها ويربطوها حجاب من العين والله اعلم .
والمسبلق زى ما حكت بت طلحة جاية من السبلوقه بتاعة البيت من المطر .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
الخال بشير ودبكار
حمد الله على السلامة وجيدن جيت وشفناك طيب
والله تستاهل المسبلق حبرو دا يضبحوا ليك كرامة
ونخت عطفة اللينة غادى ندليها
أنا غايتو دخلت ومرقت أضحك مبسوطة بى جيتك
أول تبادى وبى كلامن دا... أها رأيك شنو ؟
غايتو أحمد دا شيطنة ناس قيلى براها كاتلاهو
ياود النعيم الزول دا بودرك ...
أما شيخ الدندر دا غلبتنا فيهو حيلة لاعرفناهو درويش
لاعرفناهو أفندى غلبنا نمشهدو... بس عليك النبى
تانى ماتسوى فينا كدى وتنقطع مننا .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: عفاف أبو حريرة)
|
أختي العزيزة صاحبة الحوش ( سمية الطلحة ) أنا غايتو جيت أسجل حضور عندكم وأطالب بعضوية
وأنا زول خرطوم وكنت شغال في فندق الهيلتون الخرطوم والحين في وزارة الخارجية السعودية
يعني بالعربي كده ود بندر , لكن قليبي رهيف والكلمة السمحة بتعجبني بإي طريقة تلفظ وتتقال
أها قولك شنو يا سمية أختي ؟؟ وبعدين مستجد في الشعر يعني أكان دخلت معاكم مرة مرة القو
لي العذر ومعليش زمني ما ملكي ..... أها فوتكم بعافية المطر .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: عفاف أبو حريرة)
|
عفاف ياأم أحمد حمدالله على سلامة وصول أحمد ليكم
غمرتونا بالحب والحنان والقلوب العامرة بالطيبة دى
والغنوة دى هدية لخالد أخوك وأخوى ومشكور على الهدية
ربنا يجزيه عنا ألف خير ويخلف عليه بالبركة فى المال والولد
ويديكم الصحة والعافية
ابراهيم ودقدور :
أخـوك ياأم روبـــه مابـتـَّيـن الجّــارات
أخوك ياأم ديس َطبيق أسـد الخلاء القنّات
أخوك عِن موجبي ماني الزئبقي الهورات
أخــوك بَـلـزَم الحـارّة الشـديدة إن جات
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
| Quote: ما هو يعني خاتف لونيين |
والله ياأبوبكر جيت تحاكى بدعت
وشككتنا فى رقبتنا هو أنت الناطق بها ؟
ولا نحن الناطقين بغيرها ؟
خاتف لونين دى مافى زول سبقك عليها
وفعلا هو كذلك... خاتف كل شىء.
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: أختي العزيزة صاحبة الحوش ( سمية الطلحة ) أنا غايتو جيت أسجل حضور عندكم وأطالب بعضوية
وأنا زول خرطوم وكنت شغال في فندق الهيلتون الخرطوم والحين في وزارة الخارجية السعودية
يعني بالعربي كده ود بندر , لكن قليبي رهيف والكلمة السمحة بتعجبني بإي طريقة تلفظ وتتقال
أها قولك شنو يا سمية أختي ؟؟ وبعدين مستجد في الشعر يعني أكان دخلت معاكم مرة مرة القو
لي العذر ومعليش زمني ما ملكي ..... أها فوتكم بعافية المطر |
هاشم أحمد خلف الله
لاتنكر الضوء إلا العيون الرمداء
ولاتنكر ضوع الطيب إلا انوف زكماء
ولاشدو البلابل إلا آذان صماء
كلماتك سيل أخذت جبال كلمى أمامها كالعهن المنفوش
لانملك إلا الإنحاء أمام موكبك المهيب الذى شرفت دارنا
بمروره فكل كلمات الترحيب قلائل فى حقك....
أتابع كل كتاباتك تقريبا ومداخلاتك الشعرية مع أساطين
هذا المنبر فأنت هنا مقدم ونحن نسير خلفك....
أتابع تسلط الزوجات يوميا وقد كشف لى إننى زوجة
( مسكينة ورخمة فى طينة ) وبالنسبة للقريتو فى بوستك
( أنا مظلومة ظلم الحسن والحسين ) وزوجى وأولادى
قالوا لى البوست دا بغيرك علينا....
هنيئاً لنا بهذا الوصل الذى نرجو منه الكثير ونظل دوماً
نترقبك .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
| Quote: ما هو يعني خاتف لونيين ( ما شفتو بدلتو لونا كيف والكرفته كيف ؟؟ ) ..اها اللبس يا بتاع ودالمحرب يا بلاش مش واحد لابس بدلة كبدي ويقول انو شيخ عرب ( زي برامج الكمبيوتر المغشوشة ) |
الله يمسخك الرطاني الممسوخ كتلتني بضحكة
انت عارف انا اتشالقت للعمل العام وبقى يومي كلو جري بين الفنادق والمقابر
كمان في ناس فايقين الواحد بعد تكرمه يخت رجل في رجل ويملص العمة والشال يختها في الكرسي التاني راجيك تونسو . في واحد الليلة عمل لى كده ملص العمة والشال وختاهن في الكرسي وحك راسو عايز ود شيقوق يونسو بعمان وتارخ عمان وشعب عمان . انا خلاص روحي دايرة تمرق لانو بالي معاك في المنبر وبقول براى مع نفسي الليلة الرطاني يلقى الدار مطلوقة وببشتن حالي وحرم ياها بقت طلعتني خاطف لونين عديل .
لكن تاني لومك على اشوف لي وليد شافع امسكو الشغلانية بتاعة الضيوف عشان اقابلك بس .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
Quote: الليلة السحاب ضرب أم شديدة وبهّل
والحارسين البروك لمّو العزيز ومأصل
طريت سمت الحبيب الفي القليب إتمهّل
أقسم لي ياكريم طله للبديع ومكمل |
غناكن واردو نَازل ورسمي دربو مشـيتبو
زي تاريـخ جدودكم حَجوَة مااتحجيتبـو
مما عرفتــكم هـَــمْ فوقـي ماحســّيـتـبـو
أقِدلو وطبـِّـقـو الشـَكْرَة آ الفناجرة وتيتلو
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: أخـوك ياأم روبـــه مابـتـَّيـن الجّــارات
أخوك ياأم ديس َطبيق أسـد الخلاء القنّات
أخوك عِن موجبي ماني الزئبقي الهورات
أخــوك بَـلـزَم الحـارّة الشـديدة إن جات |
ما بتبّن الجارات واخون الحرّه
ماني دغور بيوت أعقب وأحل الصرّه
بازل مالي للفارسْ العنود ومشرّه
فراي ضراعي للقاصدني قاعد برّه
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: أبوبكر
أنت وين ؟ ما يكون ختفك واحد من الخاتفين ديل !؟
دا يكون خاتف كنزين... |
ما العرريب بتاع المعلاقات العامة مسطح في المطار .. اها من يوم ما ادو شغلة المعلاقات العامة وهو في الدرب بين المطار والنادي لحد ما رجلينو حفيت وليهو يوميين مسطح في المطار قال احسن يرحل وينوم في الباركنق في عربيتو اها المشوار يكون مطار الي النادي وبالعكس .. هو كان قايل شغلانة الانتخابات بتجيب ليهو حتاتين زيو ما جابت ليهو غير مرضانيين بيدورو العلاج وناس دايريين شغل وناس دايراهو يوديها امريكا وناس دايراهو يرسل شيلة وخلك من ناس العربات والاسبيرات والموبايلات شي ايركسون سوني وشي موتو وشي نوكيا ...اها هو معلق وانا منتظرو
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: nourelhadi awad)
|
Quote: برقِك قلـَّع السارية أم صبيبا ســاح
وتعّـالك كتـَـم من الهـواء اللفــّــاح
رعـدك رَزّ في المطرة التقيلة وقاح
وهَجـِك لاقى شمس الغيبة باكِر زاح |
برقّك شلع يا الضهراوي اب شهفوفّه
تِدارق ضحى منو السمينة والمكلوفّه
رعدك رزم زي مدافع المترُوسّه
وهجك لصف يجهر مُقل محروسّه
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: خالد علي محجوب المنسي)
|
أبوبكر زولك آخر منجهة وإجتماعات مستلم النادى على حسابو
نور الهادى لوحات الفنجرى للفنانين ياالفنان
خالد على محجوب المنسى كلامك جميل ( يتور وجع الضرس )
تعددت الأحوال والبرق واحد
الفر المتـل برق العشـــاء اللتبسم
اللهج العلي جيـب القبيح ما اتقسّم
الخلا العيـون نومن قليـل ومقسّـم
من الفيهو دوف البي الحجول اتوسّم
وتسلموا .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
| Quote: اها عندك رقم هاتف سكرتيرتو او مدير مكتبو ؟؟ دنيا |
ابو بكر كيفنك ومشتاق ليك بالحيل
زمان عملت لى مشروع زراعي وزرعت السمسم وكان يشرف عليهو اخواني وبعد السمسم قام بقى قريب مرحلة الحصاد الاولاد قالوا لى تعال شوف مشروع ناجح كيف . ركبت العربية وشلت معاى معلبات للخلاء وهم يعاينو ويضحكوا في الافندى ابو معلبات .
عندما لقيت المشوع في مساحة الف فدان ناجح جسمى بقى خفيف غلبني الصبر وبقيت طوييييييل من الطغية . بديت افكر في الناس العندهم مليارات ديل كيف هم صابرون على النعمة العندهم . بالمناسبة تحمل النعمة صعب جدا .
كذلك امبارح حسيت بالسلطة وجيت شايف ليك الجماعة صغار واستغربت في الرؤساء بتاعين الدول كيف متحملين السطة .
دنياااااااااااااااا
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
Quote: كذلك امبارح حسيت بالسلطة وجيت شايف ليك الجماعة صغار واستغربت في الرؤساء بتاعين الدول كيف متحملين السطة .
|
الاخ ودشيقوق سلامات
اباركلك الفوز للمرة الثانية، بس عايز اوصيك اعمل حسابك الرطانى ما يشمت فيك لانو بتكبرك دا برفدوك من منصبك.
أعز ما يبقى وداد دائم ** إن المناصب لا تدوم طويلا
___________________________
* بالمناسبة عندنا دلو غتس دايرين ناس المروه ينشلوه معانا!!!
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: على احمد النعيم)
|
| Quote: لانو بتكبرك دا برفدوك من منصبك. |
ود النعيم اهلك ناس الغرب بيقولوا سلطة ضحوية ولا مال دهر . كدى خلونى اتجوجا بيها الاسبوع ده بعد داك انشاء الله يدوها ناس الجمري وجمال عمر ( ديل اولاد حناكيش بكونوا في النادى كل يوم وما بقعدوا معانا نحن الكبار )
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
| Quote: كذلك امبارح حسيت بالسلطة وجيت شايف ليك الجماعة صغار واستغربت في الرؤساء بتاعين الدول كيف متحملين السطة . |
بس خليك مستغرب كدة .. الحمدلله ما شغلوك اهلك زمان في الهجانة والا المشاة والا المدرعات ...بعدين اسمع كلام العرريب ودالنعيم بشان ما تلقي الحناكيش عاملنك دافوري
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
| Quote: دافورى شنو يا ابوى هو تاني النادي بيفضل فيهو حنكوش ؟ تاني الانشطة كلها في النادى تبقى دلوكة وعرضة وسوط . |
هاأأ الحناكيش عيال بريك دانص وهب هوب واكيد حيقلبو ليك العرضة ابسايد دوان وما بعدين السوط يجيك صاد وتبقي انت هوب
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
Quote: الفر المتـل برق العشـــاء اللتبسم
اللهج العلي جيـب القبيح ما اتقسّم
الخلا العيـون نومن قليـل ومقسّـم
من الفيهو دوف البي الحجول اتوسّم |
جدعت من المكحولّه برقاً والرمش صبح متفارّق
نحسب في النجوم من بدري لا وكت الصبح مايسْارّق
إن لفضت ينقط شهد منو سمح الحديث زي البرق فالق
فرقنا من البلد طشينا نجمع يا ربي قبُل مانفارق
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: خالد علي محجوب المنسي)
|
Quote: جدعت من المكحولّه برقاً والرمش صبح متفارّق
نحسب في النجوم من بدري لا وكت الصبح مايسْارّق
إن لفضت ينقط شهد منو سمح الحديث زي البرق فالق
فرقنا من البلد طشينا نجمع يا ربي قبُل مانفارق |
نفض المزرة واصبح رد حفيرن سايل
عقب الليلة فوق ودالأغيبش شايل
أنا ياداري لايبقابي فرقاً طايل
أصلي بريدن والريد فوق جبينن خايل
على ود نايل
فرقنا من البلد طشينا نجمع يا ربي قبُل مانفارق
|
آمين
أنا ياداري لايبقابي فرقاً طايل
آميين
ربنا يسمع منكم ويلم شمل كل شتيتين .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: خالد علي محجوب المنسي)
|
عودا على بدء
قال أخونا الباشمهندس أبوبكر:
Quote:
اها جيت تساعد ود عمك الحتات بقيت زيو حتات ... اها لغوة البنادر الاتعلمتوها في المدارس شنو ؟؟؟
اها في نوبي هنا ( يعني فيهو التلات سوا حلفاوي ومحسي ودنقلاوي) وما عندنا مدارس بالرطانة اصلا بشان لغوتنا تتبدل ؟ ولغوة شنو البتبدلا المدارس ؟ ات وبن عمك عراريب قشرة ؟ اها ودالمحرب وقوم ابوحريرة وطلحة دييل ما دخلو مدارس في البندر بشان يتكلمو بلغوة اهلها ؟؟؟
اخير ليك خلك من ودعمك الخربتو البنادر والمقاه الامهرية وحت الليالي ونومة التسطيح وارجع قواعدك هناك في البادية وخلك مني الرطان لانك ما بتقدر علي رطانتي ..؟ الحق ودعمك اليويو دة ... |
يا اخوانا أنا عايز اصاحب الرطاني دا.. واشغالو شوية..
ما بعرفو ساكي العرب ديل مالو.. لازم يكون اتربى في حلفا الجديدة.. زي أصحابنا عمر دهب ونور الدين منان وحيدر بدوي .. وآخرين كثر..
يا باشمنهدس ما أظنك فهمتي* قصدي، دحين النشرحو ليك:
أنا بقول نحن لما دخلنا المدارس والمدن أو القرى المتمدنة نوعا ما، مثل الطنضب بشرق الجزيرة، خلينا كلام العرب الفيهو فصاحة وتشديد شديد على مخارج الحروب والكلمات "very strongly articulated" زي الرصاص.. وبصوت عالي.. لأنو الناس دايما بتكلموا وبينهم مسافات سواء كان في الخلا مع الزراعة والبهايم، أو قاعدين في السهلة قدام البيوت والفضاء واسع والهواء طالق .. ناس الجزيرة كانوا بقولوا لشرق الجزيرة "شرق الله أب هوايا"هواين" بارد).. ومن بعض سمات كلام بدو البطانة إظهار الحروف القمرية، مثل الجيم، ما بقولوا "أجّمل" بتشديد الجيم، بقولوا "الْجمل".. وبيظهروا هاء التأنيث في الفعل مع المؤنث، مثلا: شفتها و كلمتها، أو يدغمون الهاء ويشددون في آخر الكلمة على تاء التأنيث، مثل قولهم : ناديتّه، بدلا من "ناديتا"، وأكلتّه، وشربتّه بدلا، من أكلتا وشربتا.. وهكذا، أصبح كلامنا ناعم شوية يعني ... ولكن بعض كبارنا وسكان القرى المطلة على البطانة ما زالوا متمسكين بلهجتهم الأصلية حتى الموت..
أما مسألة أنو أهلنا النوبيين حرموا الرطانة على وليداتهم، فأعني بها لما وليداتهم دخلوا المدارس، عشان يتعلموا العربية كويس، كان ممنوع الكلام بالرطانة في المدرسة، ومرة أخونا جعفر عباس في مذكراته كتب أنو الواحد لو اتكلم في المدرسة بالرطانة بجلدوه.. وفي ناس كمان حرموا الكلام على الأولادالصغار بالرطانة حتى في البيت.. ودي أنا شفتها في زيارة للقولد في النصف الأول من السبعينات، وكلمني بها أخ عزيز لنا رحمه الله رحمة واسعة، اسمه حسن عبد الكريم.. نزلنا عنده في القولد..
وأنا بعض مرات بحامي لي ود شيبوب سري لأنه شايف الناس حاقرين بيهو، ما عارف ليه
ولك مني السلام والمودة
* بالمناسبة"فهمتي" دي كانت خطأ مطبعي ولكني لما قرأتهاضحكت، فتركتها..
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: b_bakkar)
|
| Quote: وأنا بعض مرات بحامي لي ود شيبوب سري لأنه شايف الناس حاقرين بيهو، ما عارف ليه |
هييييييييييييييييع ابشر قريبي حوبتك الله لا جابها الناس ديل خليهم لى سااااااى هسع انا بدودر ليك فيهم بالطوالة والنفس الطويل عاين ساى بعد شوية بعدمهم ليك طفاى النار.
دى يا ود ابكار اخوى نفخة مدينه خلي الرطاني يطرف حرم يطعن تراب ضحى .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: وأنا بعض مرات بحامي لي ود شيبوب سري لأنه شايف الناس حاقرين بيهو، ما عارف ليه
ولك مني السلام والمودة |
ياودبكار
اها قت بتصاحب رطان الف مرحب بيك .. علي الله تبطل التحييز مع عرريبك المسطح ودشيقوق .. منو قال بحقرو بيهو ؟ دة شغل اونطة من العرريب ؟ يتمسكن لحدما يتمكن ؟ وباسلوبو دة طلع طيش انتخابات النادي ؟
اما العربي وحكاية ظلع الجمل - ونحن الجمال في عندنا بس مش كتيرة- لكن ما بتظلع او العيال ما كلهم شافوها بتظلع فلما جيتو بعربيكم وفرضتوه علينا ( حكاية الجلد حقيقية )وبديتو ب"ظلع" فلذا كان الامر انحيازا للعرريب وجمالهم لكن شوف الانجليزي كيف The man and the pan من اول حصة؟ ؟ .. اها عارفننا طباخيين فجابو حاجة من البيئة بتاعتنا مش ظلع الجمل ؟؟ الواحد كان يتلفت زي السمبرية يحاول يشوف ظلع دي وين وفي النهاية خلينا اطول واحد فينا يجلس علي اربع وختينا شوية دلاقيين علي طهرو " يعني سنام " وقلنالو ا"اظلع " شفت جنس البهدلة البتسويها لغة تابط شرا في الرطان اما ناس سكسون فاخر افتهام (دي عربي) علي طول جابو لينا الموجود اندنا الحلة The Pan مش ظلع وجلد ؟؟
مودتي
ابوبكر
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
| Quote: مودتي قال . انت حرقت جوفنا شن دايرين بمودتك يا رطاني .امشى اشتري ليك كفن مع اهلك ناس مروي . هم اتشمروا خلاص بقوا ناس موت عديييييييييييل تقعد لي هنا تاكل في البيتزا والكنتاكي . |
"كل نفس بما كسبت رهينة " اها انت جبتو لروحك براك ... لما العراريب جو من الشمال دايريين بلدنا جوهم ابان حراب "رماة الحدق" و عملوهم Dart Board وفي مرحلة كانو بيجيبو العرريب الزييك يخيرو " اها عايز السهم في عينك الشمال واللا اليمين ؟ "... ودحين انت دايرا يمين واللا شمال ...؟؟
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
الأخوة الكرام :ـ
خالد على محجوب المنسى
الخال / بشير ود بكار
الطيب شيقوق
أبوبكر سيد أحمد
أخذتنا عنكم فى اليومين الماضيين
مجاملات أفراح وأتراح ...
هكذا هى الدنيا بسامة عبوس
لكم التحية ظللتم ترفعون البوست
على أسنة أقلامكم للصفحة الأولى
فى غيابى ...
فلا عدمناكم أصحاب المروءة الكاملة
ودمتم أخوة كرام
قبل النجمة لزّوا على الدُقاقة سغارُن
وشايلين قلّة مارجعوا القلب لى ديارُن
الما أتعشّى بالضيم والمغايس جارُن
بِتِبوا سريع على صيحة المروة كبارُن
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
أبا بكر
(شفت؟ لازم نلتزم العربية في خطابنا، وننصب المنادى إذا كان مضافا)
تعرف يا صديقي، في زمانا كان "دخل" الجمل و "خرج" الجمل.. والعنوان "حمد والولد والجمل" : دخل حمد والولد والجمل، إلخ.. لكن "ظلع" دي إظنها جات في عهدكم ورا شوية.. بعد ما جوا أولاد البلد وقعدوا سنوات شوية ويبدوا يخرمجوا المناهج التركوها الإنجليز.. بهذه المناسبة لما دخلنا وادي سيدنا الثانوية القديمة الأصلية، سنة 67 وجدنا آخر دفعة درست بالإنجليزي في الثانوي قبل التعريب، كانت متخرجة في تلك السنة.
المنهج العربي البدينا بيهو برضو كان موضوع في بخت الرضا بتاعة الإنجليز..
المهم،
يا اخي مدرسكم دا مغلب نفسو ليه؟؟ يجيب ولد ويخليهو يحني ضهرو وتختوا فوقو دلاقين ويقعد يضطلع ، علشان ما يشرح ليكم "ظلع". ما كان بس يترجمها ليكم وكان الله يحب المحسنين. أي يترجم ليكم كلمة "ظلع"، طبعا "الجمل" ما ممكن تكونوا ما شفتوهو أصلو عند العرب الواردين البحر أو قوافل الجلابة تحمل البلح والفول والقمح قبل اللواري. ما تكتر.. أو على الأقل في أي قطعة عمله قبل ما نميري يخت صورته، ويسخت الجمل ذاتو بعد ما سخت السودان.
تعرف ود شيقوق دا أنا لو ما بعطف عليهو ساكت بحكم الوصية بذوي الأرحام، بضبط ليهو جلطات إنتو ما بتلاحظوها ، لكن كان طلعتها ليكم بطلعوا عينو.. أسكت ساكت ، نحن بنقول "ساكت" ما "ساي"
ود شيقوق من عرب الصعيد..
وأنا أشرت لي حكاية شيوعيين الصعيد، وهي كالآتي:
بعد حركة 19 يوليو 1971 حصلت اعتقالات واسعة وسط الشيوعيين..
في مدني كان في زول ساكت ما شيوعي أعتقل في قضية اختلاس أو شيكات طايرة
وجد نفسه مع مجموعة من الناس عندهم دقون طويلة وسبح ويصلوا الصلوات الخمسة جماعة، ويبدو عليهم ما ناس بتاعين مشاكل أو إجرام زيو
ثم بدأ التعارف وسبب الاعتقال فأخبرهم بقضيتو ثم سألهم : وإنتو يا أخوانا مالكم ؟ معتقلين في شنو؟ فرد عليه أحدهم قائلا: نحن شيوعيين..
فسأل الرجل مستغربا: إنتو شيوعيين وين؟؟
فرد عليه الشيوعي بلهجة ريفية "صعيدية" الكلام فيها مضخم شوية ومجرجر (وهذا جزء من النكتة) قائلا: نحنا آاااااااخوووي من شيوووعيين الصعيد..
فبقى "فبأه" ود شيقوق دا أظنو في العرب عربي صعيد، على شاكلة شيوعيين الصعيد..
ود شيقوق
يا أخي أولا مبروك الفوز..
أمانة ما شرفتنا شرف كبير يا عشا البايتات..
وإلى عودة قريبة..
لي كلام معاك
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
| Quote: وادي سيدنا الثانوية القديمة الأصلية، سنة 67 وجدنا آخر دفعة درست بالإنجليزي في الثانوي قبل التعريب، كانت متخرجة في تلك السنة |
.
اها يا جونير انا واحد من جماعة 67 .....!!! وتقول خربنا المنهج ؟؟؟ اها منو الخرب وخرمج المنهج ؟؟؟ ظلع دي شالوها من المنهج بتاعكم لانكم كنتو خلاس بتشوفو التلفزيون وتبندرتو ... بعدين سنام يترجموها بالرطانة كيف هي بالعربي تلتلة ....
اما ودشيقوق اب كرفته فمش لا حق شيوعيين الصعيد دة من ناس سينما غرب وعامل بدوي ؟
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: خالد علي محجوب المنسي)
|
Quote: قال الشاعر طه الضرير
ولداً يطبق المسرى فوق المسرى
يخلف ساقّو فوق ضهر اب قمائر ويسرى
حقب قربينو في جرباتو ختّه اب كسرّه
فرقّاً شتى من ناس يمُه زيدي الكِسره |
والخال الشيخ عبد العزيز قال : ـــ
نشط النيب علي قبطة أم جبالا ً غر
نجبر الروح علي الوعر العقوبتو تضر
ندبل الحد ومكتوبة الأزل بتمر
مديونين خلاس والناس فوق ضهورنا تجر
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
| Quote: فبقى "فبأه" ود شيقوق دا أظنو في العرب عربي صعيد، على شاكلة شيوعيين الصعيد.. |
ها ود بكار كيفنك انت
والله ما في حد حيرنا في الدنيا دى زيك كل يوم تجيب معلومة تحير وكل يوم ماشي داني علينا واظنك انت من دنادرنا سااااااااى لكن ما داير تفصح . المهم انا ارشحك تكون سفير النوايا الحسنة بين البدويين والناطقين بغيرها .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: خالد علي محجوب المنسي)
|
تعرف يا ود سيد آحمد، ما كنت قايلك عجوز كدي.. أكان كدي الله يكون في عون المدام والأولاد، لابد أنك مغبلهم غلبة شديدة..
ودي مفاجأة سارة أن أعرف أننا اتعاصرنا في وادي سيدنا..
نعم أنا كنت جونيور في سنة 1967 في وادي سيدنا.. لكن كان كتير من الطلبة بفتكروني من أولاد جبل أولياء "السينيورز"، اللي هم نقلوا من مدرسة جبل أولياء بعد قفلها(نقلت من قبل إلى مدرسة المؤتمر بأم درمان)، في مكان مجلس الشعب الحالي وقصر الصداقة، إذا لم تخذلن الذاكرة.
وكان من أصدقائي الخواص عثمان حسين النعيم، وعبد الرحمن حمزة (لاحظ، الجماعة الاتنين دول أصلا الدفعة القبلكم).. والسر حمزة الممسوخ، هسع بقى فكي يروب الموية..
ربما خذلتني ذاكرتي في مسألة "ظلع" تلك.. معليش..
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: b_bakkar)
|
| Quote: نعم أنا كنت جونيور في سنة 1967 في وادي سيدنا.. لكن كان كتير من الطلبة بفتكروني من أولاد جبل أولياء "السينيورز"، اللي هم نقلوا من مدرسة جبل أولياء بعد قفلها(نقلت من قبل إلى مدرسة المؤتمر بأم درمان)، في مكان مجلس الشعب الحالي وقصر الصداقة، إذا لم تخذلن الذاكرة. |
ود بكار اما انك عجيب بندراوى قح فمن اين لك هذه البداوة ؟ مش البداوة وبس كمان العمق المعرفي في السايكلوبيديا الاجتماعية السودانية .
عميق معزتي
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: لاح البرق فى السحر
ذكرنى النبى البدر
ناوى القومة من بدرى
إن مازرت و كيف عذرى
قال قدورة فى الخبر
زارع أطيب الثمر
زرعا مو زرع مطر
صليت لى ولى الأمر
لامن أدخل القبر
تدخل عندو فى الكجر
وتسمع منه الخبر |
بقيتي تلصقي سااااااااااى ده شنو هسع ؟
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
أبوبكر انت ماقريت كلام ودبكار دا ؟
Quote: تعرف يا ود سيد آحمد، ما كنت قايلك عجوز كدي.. أكان كدي الله يكون في عون المدام والأولاد، لابد أنك مغبلهم غلبة شديدة..
ودي مفاجأة سارة أن أعرف أننا اتعاصرنا في وادي سيدنا..
نعم أنا كنت جونيور في سنة 1967 في وادي سيدنا.. لكن كان كتير من الطلبة بفتكروني من أولاد جبل أولياء "السينيورز"، اللي هم نقلوا من مدرسة جبل أولياء بعد قفلها(نقلت من قبل إلى مدرسة المؤتمر بأم درمان)، في مكان مجلس الشعب الحالي وقصر الصداقة، إذا لم تخذلن الذاكرة.
وكان من أصدقائي الخواص عثمان حسين النعيم، وعبد الرحمن حمزة (لاحظ، الجماعة الاتنين دول أصلا الدفعة القبلكم).. والسر حمزة الممسوخ، هسع بقى فكي يروب الموية..
ربما خذلتني ذاكرتي في مسألة "ظلع" تلك.. معليش..
|
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: خالد علي محجوب المنسي)
|
Quote: ست البنات يا أغلى من عينيّا
ممشوقة القوام يا الخاتيّا من الليّا
شعرّك دفة الليل الماب تبين لو تريّا
وثغرّك فجّة البرق اللي السحابة أم ديّا |
ياسيل السوارى الغمّ من ضهرية
إيدك لاحقة كان قانون وكان زندية
هيلك بالمواريث العروض مسعية
يابرقا خريفو برتِّع المـقـنِِِية
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
Quote: يابرقا خريفو برتِّع المـقـنِِِية
المقنية شنو يا بت طلحة ؟
تحياتي |
الحبيب الفاضل/ الطيب
سلام وعلك عافية
سقطت سهواً يا الطيب أقبله ومي معنيّّة
القصد ( مغنية ) ألا حروف البورد دوام مخفية
بتعرف الحديث بت طلحة ومعاها حِجة قوية
معلا مقامة في الأدب والفصاحة ودي المحريّة
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: خالد علي محجوب المنسي)
|
Quote: المقنية شنو يا بت طلحة ؟
|
الأخوان الطيب وخالد سلام عليكم
منورين الصعيد متل بروق القبلى والعبادى
وكت يتخالفن ...
أظنك ياشيقوق سمعان بالغنوة :ـ
ما بالنية فرقك ياالدرة المقنية
طال هجرى وزاد يابنية
هطلت دموع عينيا
وهدمت آمالى المبنية
..................
وكمان ود الشوبلى قال :ـ
المجلوبة والمقنية من ميراثنا
المخسوفة والمرقوعة ياها لباسنا
الجار والعشير من الكتف لى راسنا
وفى المال والعروض تخشى الملوك من باسنا
..........
المقنية زى المكنية وهى الشى العزيز الذى يضن به
أو الملموم عكس المجلوب ...
وأنا قصدت الخريف الذى ترتع فيه هذه المقنية .. ربما
هى صيده غزالة ريل ... أنا مابفسر وأنت ما تقصر.
أطيب التحايا
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: وكمان ود الشوبلى قال :ـ
المجلوبة والمقنية من ميراثنا
المخسوفة والمرقوعة ياها لباسنا
الجار والعشير من الكتف لى راسنا
وفى المال والعروض تخشى الملوك من باسنا |
ماكي الطقطق البجي في الحديث دون عِرفّه
ماخاب ظني فيك وارثة النضم مو حِرفّه
نظم الكلام مو قاسي ليك بجي غيركلفّه
تسلمي ياالريحانة بي نمّك تعم الفرحّه
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: خالد علي محجوب المنسي)
|
Quote: ماكي الطقطق البجي في الحديث دون عِرفّه
ماخاب ظني فيك وارثة النضم مو حِرفّه
نظم الكلام مو قاسي ليك بجي غيركلفّه
تسلمي ياالريحانة بي نمّك تعم الفرحّه |
أبو أحمد هميم ما أتغابا فينا العرفة
حافظ للعهود مابنسى حق الإلفة
الدهب المجمر نقاوتو خالصة وصرفة
ميزان منطقك حروفو مى منحرفة
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: أظنك ياشيقوق سمعان بالغنوة :ـ
ما بالنية فرقك ياالدرة المقنية
طال هجرى وزاد يابنية
هطلت دموع عينيا
وهدمت آمالى المبنية
..................
وكمان ود الشوبلى قال :ـ
المجلوبة والمقنية من ميراثنا
المخسوفة والمرقوعة ياها لباسنا
الجار والعشير من الكتف لى راسنا
وفى المال والعروض تخشى الملوك من باسنا
..........
المقنية زى المكنية وهى الشى العزيز الذى يضن به
أو الملموم عكس المجلوب ... |
لله درك بت الصالحين ربنا يحفظك ويديك العافية
هسع دحين ابو بكر الرطاني ده بيحسب عند اهلو مقني ؟؟
| |
|
|
|
|
|
|
|
على احمد النعيم
الطيب شيقوق
abubakr
Ahmed Yousif Abu Harira
عفاف أبو حريرة
خالد علي محجوب المنسي
محمد امين مبروك
هاشم أحمد خلف الله
فيس بوك
تويتر
انستقرام
يوتيوب
بنتيريست