|
|
|
 Re: استطلاع : ماذا يعني لك البورد ? (Re: عماد محمود علي)
|
سلام باكمبا...
تعرف يا عمك واحد من اسباب البوست اني قريت ليك جملة في واحد صيواناتك مفادها انو احنا بقينا اسرة واحدة و بنفقد بعض و كدا
فحبيت اعرف هل الفهم دا للبورد عند باقي الأخوان برضك
ولا يختلف التقييم
يلا أدينا رأيك - قبل أو بعد - ما فرقت
| |
 
|
|
|
|
|
|
|
|
Re: استطلاع : ماذا يعني لك البورد ? (Re: Sana Khalid)
|
العزيز ود البشري
بالنسبة لي فضل سودانيز اونلاين يفوق الوصف
الاَ انا خارج السودان منذ 1986
و لم ازوره لـ 13 سنة الان
اتمكنت عبر المنبر من معرفة الكثر الذي
يخفي علي المشردين مثلنا
في الجانب الاجتماعي اتكونت لي صداقات
كثيرة و عزيزة كما عرفنا الكثيرون من كتاباتنا
اكثر من ذلك كان للمنبر الفضل في التعرف
علي زوجتي
شوفت كيف؟
| |
|
|
|
|
|
|
|
|
|
Re: استطلاع : ماذا يعني لك البورد ? (Re: الزنجي)
|
الكثير الكثير..
اولا حياة اجتماعيه أسفيريه تعوض عن الحياة الاجتماعيه المفقوده..نادي جميل..
أحباء حقيقيون نتعرف بهم هنا ثم نتقابل ونتواصل اجتماعيا..
وبالتالي أيضا خبره جديده في البشر..
امتصاص حقيقي..حتي وان كان اسفيريا..لكثير من المشاعر السالبه..
ثم تعويضه غصب عنا بما يثير مشاعر سخط برضه..
ولد عمتي الذي لم تلده خالتي,,
وحاجات كثيره والله لكن ايدي وجعتني من الكتابه..
بس ممكن اختم بانه المنبر برضه عندي زي الطربيزه العزيزه القديمه..القاعده علي تلاته أرجل بعد ما انكسرت رجلها الرابعه..
وما بنقدر استغني عنها!
كل ارشغه وانت بخير..
| |
|
|
|
|
|
|
|
|
|
Re: استطلاع : ماذا يعني لك البورد ? (Re: محمد البشرى الخضر)
|
ود حلال يا محمد
والله بيني وبين نفسي اقول يا جماعة ود البشرى وين ؟ الا القاك عامل استطلاعك دا
لكن يا اخوي مالك مخليهو استطلاع في السهلة كدا ، كان يكون اجمل لو عملته في شكل اسأله
على العموم البورد دا انا بعرف منو الاخبار واذا لقيت لي بوست ونسه ظريفة بتابعه ولو لقيت لي وقت اتداخل كمان
اما الباقي كلو لا يعني لي شي على الاقل في الوقت الراهن
| |
|
|
|
|
|
|
|
|
|
Re: استطلاع : ماذا يعني لك البورد ? (Re: الأمين عثمان صديق محمد)
|
الأستاذ محمد البشرى..
ليك وحشه..
البورد:
فكري..
إجتماعي..
ثقافي..
إعلامي..
سياسي..
ترفيهي..
والأهم يفيد من يرغب في بحث او دراسة خاصة في :
الدراسات الإجتماعية ..
السياسية ..
الإعلامية ..
النفسية ..
لما يحتويه من تنوع وتفاوت ..
كما أنه يعكس واقع حياتنا اليومية حسب فهم كل واحد ..
بتلقائيتها ..
حرصها ..
شكوكها ..
عنفها..
ورزانتها...
إذا نسيت حاجة تمها من عندك.
تقديري.
| |
|
|
|
|
|
|
|
|
|
Re: استطلاع : ماذا يعني لك البورد ? (Re: ombadda)
|
Quote: لمن يبحثون عن الصداقات والإجتماعيات فى البورد:
فى مكان العمل أو الدراسة ..تجد هؤلاء من حولك:
فى الحى والحلة ..تتلفت لترى كل هؤلاء من حولك:
تتجاهلهم جميعا ..وتأتى لعالم وهمى لتفتش عن أناس تصادقهم ؟؟
النتيجة:
عزلة وإكتئاب نفسى |
غلطان يا امبده أخوي..
مين قال ليك بنتجاهلهم؟؟
مش امكن بنزيد في العدد..وامكن برضه يكونوا مافي ما موجودين؟؟
وبعدين مادام هم جنبي..والباقيين ما جنبي..
ايه المانع اعرف الجنبي مع الماجنبي وأجمل الحياة بتاعتي؟؟
اها سه انت لما بتعمل فصول في الكومبيوتر هنا..
مش كان احسن وبنفس المنطق..تعملها لناس في الحقيقه وتتأكد من انهم استوعبوا الدروس؟؟
هل انت مصاب اكتئاب وعزلة نفسيه؟؟
أم انك افترضت انهم جميعا قد تعلموا ونجحوا في المعرفه فلم يصبك الاكتئاب؟؟
شوفت كيف..القصه ذاتها عندها اكثر من تحليل وزوايا تحليل وتقبل او رفض او اختلاف..او تقبل
ارسل ليك أشواق علشان ما تشاكلني..اصله ايام الأرشفه وايام الكريسماس الناس بتشاكل ساااكت
| |
|
|
|
|
|
|
|
|
|
Re: استطلاع : ماذا يعني لك البورد ? (Re: محمد البشرى الخضر)
|
| Quote: ارسل ليك أشواق علشان ما تشاكلني |
حاشا وكلا أن أشاكل زول هنا...
نسيت أن أبين أن كلامى المعنى به بورداب السودان فى الداخل..أما
ناس الخارج حيث يصعب فى بعض المناطق ملاقاة السودانيين وحيث
ضيق العلاقات الإجتماعية لمعظم الشعوب نجد لهم العذر فى إيجاد
السلوى والأهل على الانترنت...
تحياتى
Mona
Lisa
| |
|
|
|
|
|
|
|
|
|
Re: استطلاع : ماذا يعني لك البورد ? (Re: ASHRAF MUSTAFA)
|
أبيت
طيب..
البورد يعني لي ذاك وهذا ايضا:
قروبات..
تنظيمات ..
موسسات ..
جبهجية..
وامنجية..
وطائفية..
وشيوعية..
ديموقراطيون ..
شموليون..
فلوترز..
فيه المنتج للفكرة
(Creator)
وفيه السمكرجي ..
( يغير العنوان ويسمكر الفكرة ويكتبها باسمه)..
والعتالي ( يشيلها ويحوم بيها)..
والعربجي..
(Q&P)
وسواق التراكتور ..
( يحرت البوست ويواسيه ـ حساده ساكت)
فيه الناس البتشجع اللعبة الحلوة..
وفيه هلال مريخ..
حقي وحقك..
وفي ناس بتتعامل فيه بنفس طريقتهم في الحلة..
( ما بنمشي لى ناس ما بجونا )
في الداير يمشّي البورد عوج..
وفي الداير يمشّيه مارش..
وفي الداير يرقصه..
وفي الداير يهنضبه ويعلن ال.. ... وبس..
وإلّم تعد عدنا.
| |
|
|
|
|
|
|
| |
محمد البشرى الخضر
حيدر حسن ميرغني
نصار
الزنجي
omer osman
Muna Khugali
بدر الدين اسحاق احمد
محمد على طه الملك
وليد محمد المبارك
محمد عبد الماجد الصايم
سيف بخيت موسي
عبدالوهاب علي الحاج
ombadda
Yassir Tayfour
mayada kamal
طارق جبريل
ASHRAF MUSTAFA
فيس بوك
تويتر
انستقرام
يوتيوب
بنتيريست