|
|
 والله لكن ... ياود الباوقه ... لقيتك ختري عديييييل كده !!!!
|
حبيبنا ود الباوقه كيف حالك
وحمديلالك بسلامة العوده من حجة الخرتوم , طبعا دي الحجه الوحيده المابكون فيها زوغه[/
B] ماقلتو نوبه !!
طبعا بعد عودتي الاختيارية من منفاي الاجباري قلت استفتح بيك واهو الرزق تلاقيط شويه معاك وشويه
مع السيدح الواحد بقضي اجازه مابطاله , الفتره الفاتت كنت معصور شويه بس مره مره كده بتاوق
والله ماعجبني ليك الكان حاصل ده واحدين قالوا شقي ومجنون وواحدين قالو منافق وواحدين قالوا كذاب
وصدقني اتلومو لوم ضكر رغم انو فيهم نتايه.
دا ما موضوعنا خليني اشرب لي فنجان جبنه واجيك بي رواقه , فتك بعافيةالمطر
|
|
 
|
|
|
|
|
|
|
 Re: والله لكن ... ياود الباوقه ... لقيتك ختري عديييييل كده !!!! (Re: خضر الطيب)
|
اجيك للسالفه على قولت السعوديين في اثناء بحثي الدؤوب لقيت اللقاء دا عجبتني الحته دي قطعتها وجبتها وعندي فيها راي
سري للغاية ...
في حالة فشل إنقلاب الإنقاذ .... ما هي الخطة البديلة ..؟
الخرطوم : الهادي محمد الامين :
توضأ العميد وقتها عمر البشير بعد أن صلي ركعتين ليبدأ مهمة تنفيذ الانقلاب وهو يتجه نحو القيادة العامة للقوات المسلحة للجلوس علي الكرسي ومتابعة المراحل الاولية لوقوع المواقع العسكرية واستسلامها للقادمين الجدد ..ولكن هل دارت في اذهان المجموعة المتأهبة لاستلام السلطة ان هناك أي إحتمالات واردة ولو بنسبة ضئيلة لفشل التحرك العسكري أو وجود خطة مضادة من قبل الحكومة القائمة حينها لاحباط المحاولة خاصة وأن كل المؤشرات كانت تنذر بوقوع أكثر من ثورة من بينها تحرك التنظيم العسكري لحزب البعث العربي الاشتراكي وفي ظل وصول تقارير للإستخبارات العسكرية أن هناك مخططات تجري في السر والخفاء للإنقلاب علي النظام الحزبي ؟؟ الامر الذي يجعل مجرد التحرك وفقا لهذه الظروف عبارة عن مخاطرة ومغامرة ومجازفة هذا إذا أضفنا البعد الخارجي المتمثل في الوجود الدبلوماسي والمخابراتي للدول بالخرطوم ... فهل كانت هناك أي سيناريوهات أو خطط بديلة لدي الحاكمين الجدد في حالة فشل التحرك(أ) لإنقاذ الموقف عبر الخطة(ب) وما هي معالم وملامح الخيار المتاح في تلك الفترة ؟
حاولنا البحث عن إجابة لهذه التساؤلات واتصلنا بعدد من الخبراء العسكريين والاستراتيجيين للرد علي هذا الافتراض فقال الفريق آدم حامد موسي والذي كان وقتها في رتبة العقيد ويعمل قائدا للواء48مدفعية أم درمان : ليؤكد ان الاحزاب العقائدية كانت تتنافس من أجل الاستيلاء علي الحكم خاصة البعثيين ولكن الاسلاميين كانوا هم الاسبق في الوصول لمقاليد الامور وفرض سيطرتهم علي البلاد ..
| |
|
|
|
|
|
|
|
|
|
Re: والله لكن ... ياود الباوقه ... لقيتك ختري عديييييل كده !!!! (Re: خضر الطيب)
|
Quote: طبعا بعد عودتي الاختيارية من منفاي الاجباري قلت استفتح بيك واهو الرزق تلاقيط شويه معاك وشويه
مع السيدح الواحد بقضي اجازه مابطاله , الفتره الفاتت كنت معصور شويه بس مره مره كده بتاوق
والله ماعجبني ليك الكان حاصل ده واحدين قالوا شقي ومجنون وواحدين قالو منافق وواحدين قالوا كذاب
وصدقني اتلومو لوم ضكر رغم انو فيهم نتايه.
دا ما موضوعنا خليني اشرب لي فنجان جبنه واجيك بي رواقه , فتك بعافيةالمطر |
خضر الطيب
صدقني كتبتك في البداية خضر بشير ما عارف ملامح الشبه بينك وبين المرحوم
بعدين انا دايرك تكون معاي بهناك في بوست الشيوعيين تجي تزوغ بهنا وتفتح ليك بوست ماحا يجيب
راس مالو .
بعد الغيبة دي حقو تجي ببوست سمين ومفيد لجماعتك
واتعاطف معك اذا طالبت الادارة بسحب هذا البوست
| |
|
|
|
|
|
|
|
|
|
Re: والله لكن ... ياود الباوقه ... لقيتك ختري عديييييل كده !!!! (Re: عبد اللطيف السيدح)
|
Quote: خضر الطيب
صدقني كتبتك في البداية خضر بشير ما عارف ملامح الشبه بينك وبين المرحوم
بعدين انا دايرك تكون معاي بهناك في بوست الشيوعيين تجي تزوغ بهنا وتفتح ليك بوست ماحا يجيب
راس مالو .
بعد الغيبة دي حقو تجي ببوست سمين ومفيد لجماعتك
واتعاطف معك اذا طالبت الادارة بسحب هذا البوست |
اخونا عبد اللطيف شمسيا ياخي مامعقول نشرك لي واحد الشبكه تقبض اتنين والاتنين قبور عارف القبوره طبعا واكيد ماحتعمل لي فيها انك شهاده عربية ذي اخونا الازهري
صدقني مافرقت خضر الطيب من خضر بشير غصبا عن مشروعكم الحضاري أل , الاتنين فنانين واسأل
المكاشفي خضر بشير
المهم على قولة حبيبنا المجنون اخو صاحبي المقداد الاجنا منو صدقني مافي اثمن من البوست دا
والتقيل ورا بس شدو (الضروع) واتحزموا .
بوست الشيوعين بجيك فيهو لكن صدقني انا لما شفت البوست افتكرتا كتبتو نجاة محمود بتاعة معهد
الموسيقى والمسرح وجامعة القران الكريم عليك الله في امانتك دي الانا بشك فيها في اي علاقة بين
الحاجتين ديل ؟
يعني اتخيل حبيبتنا سلمي الشيخ سلامه وتماضر شيخ الدين ومصطفى سيد احمد ونجاة محمود دي
بس سمك لبن تمر هندي !!! السمك طبعا الاخيره
| |
|
|
|
|
|
|
|
|
|
Re: والله لكن ... ياود الباوقه ... لقيتك ختري عديييييل كده !!!! (Re: عبد اللطيف السيدح)
|
Quote: قول انا قبورة
صاحبك ود الباوقة برضو قبورة
طيب راح الترحيل ليه مادام هو قبورة؟ |
عبد اللطيف ياتو ترحيل دا ؟ ولا عاوز تشتت لي البوست دا ؟
انا على حسب علمي انكم لما مشيتو مؤتمر الناس القالو شغالين في الاعلام مسكوكم انتو ودوكم دار الارقم ابن ابي الارقم وعملوا ليكم غسيل , ياخي غسيل شنو ما انتو اصلو مغسولين خلقة قصدي عملو ليكم دورات تدريبية حلوه دي صاح !!
| |
|
|
|
|
|
|
|
|
|
Re: والله لكن ... ياود الباوقه ... لقيتك ختري عديييييل كده !!!! (Re: ود الباوقة)
|
Quote: اها يا خدردر الحي يلاقي ..
انتهيت من الماجستير ولا لس ....
عموما ما بطال الايام دي الجو سخن عندنا شوية ما بطال نرطب بيك شوية ...
شوف يا خدوري خليك من اخونا السيدح دا خليهو بعيد ولو داير معاه دواس روح ليهو في بوست الشيوعين
بي هناك .
يلا يلا بسم الله ..
الفورة مليون .... |
حبيبنا ود الباوقه انت جيت ؟ سمح
امانه في زمتك ياود الباوقه في ماجستير ذي دا بخلص في سنه انتا قايلو من الحراج , المهم نتعصر ليهو شويه ولما نجي لموضوع الدكتوراه زياره واحده للسودان وشهر واحد بس بنكون خلصنا وكان كمان رسلوها لي بدون ما امشي بكونو ماقصروا معاي .
انت المسهرك لحدي الوقت داك شنو يازول الظاهر الوردية بقت تبدا من السعودية , واضح انو دي من توصيات المؤتمر الاخير دي بنجيها براها .
اكيد بتكون قريت الخبر الفوق دا فياريت توريني وجهة نظرك ونبدا واحد واحده , ملاحظ شنو في الخبر دا ؟طبعا انت بعد المؤتمؤ الاخير دا اصبحت اعلامي لايشق له غبار وبتفهما طايره .
كت اووت :
بدون فوره ياحبيب الجو عندنا هنا مابستحمل
| |
|
|
|
|
|
|
| |
خضر الطيب
عبد اللطيف السيدح
فيس بوك
تويتر
انستقرام
يوتيوب
بنتيريست