|
Re: من بدرى اجرنا الاستراحة الواسعه للَمَّة الاحباب من بلادى لسماية حفيدتنا (مِـنَّـة) (Re: خالد المحرب)
|
الفارس المقوار ود المحرب ... اسعدك الله صباحكم .... حمد لله على سلامة بنتنا ( فاتن ) ومبروك البنية وتتربى في عزكم وكنف والديها ...
Quote: يوم الأربعاء الموافق 1/7/2009 م |
شخصياً ما جااااي ، لأنك قلت لي السماية يوم الخميس الجاااي وقرض على كده ( يعني نظام توزيع وكده ) وعملت إرتباطاتي على حسب كلامك بأنها يوم الخميس.. ويوم الأربعاء المذكور مرتبط بميعاد خارج مدينة الرياض ( الدلم ) . أتمنى لكم سهرة سعيدة وسماية مقبولة إنشاء الله ... الله غالب ... توزيع بالباااااارد ... .
| |
|
|
|
|
|
|
Re: من بدرى اجرنا الاستراحة الواسعه للَمَّة الاحباب من بلادى لسماية حفيدتنا (مِـنَّـة) (Re: Shiraz Abdelhai)
|
* *
الأربعاء هي اليوم المظبوط سمايةً ...... وهي كمان يومنا المفضل لهذا الإسبوع شكرا يا محرب علي التعديل .
Quote: وا المحرييييييييييب عليك بالشربووووووووووووووووووووووووووووووووووت |
ود شيقوق قريبي ســـــــلام عريض المحرب مالو ومال المسكرات الزي ده! إت ماك عارف البطحاني دهـ عندو سوط عنج شايلو السنة كلها.... داير الشاربوت يلعب براسو عشان ناس شحرفان ما يجو السماية ده .
حضور بدري إن شاء الله والليلة عندكم في البيت .
لكم ودي ،،،،،،
| |
|
|
|
|
|
|
Re: من بدرى اجرنا الاستراحة الواسعه للَمَّة الاحباب من بلادى لسماية حفيدتنا (مِـنَّـة) (Re: Mohamed Abdelgaleel)
|
خالد اخوي اسم البنية سمح بالحليل (منة) و انشاء الله تشيل اسمها ...و يا اخوي انت في بلد الغربة اوعك تتلوم مع الداية لازم يوم السماية دي تودي ليها كراع ورا و بعدين الجلد و الرأس ... و ما تنسي تكلم بت ابو حريرةمع اللحمة تودي الفال ....
والله كنا دايرين بالحليل نحضر السماية لكن القدم ليهو رافع.....
الطيب شيقوق
Quote: وا المحرييييييييييب عليك بالشربووووووووووووووووووووووووووووووووووت
|
شربوت شنو شراب نسوان بحر ابيض دا .... بحر ابيض دي بجيك ليه يوم يا الطيب الشقي
عندنا كلب يا الطيب و الما بعرف يسوق ما يجينا ادريس
المر ما شربتو من عمرك 7 سنة لحد هسي انت شرفان يا خي قلنا ليكم دي سماية و الله اعمل حسابك مني خوجلي هناك عندها سوط ...يعني نظام عام في البيت محمد عبدالجليل يحكم و مني تنفذ العقوبة 40 جلدة لو بأدبك و 80 لو حصلت اي خرمجة.
يلا يا شباب فتكم بعافية وانشاء الله السماية تنفعكم و انشاء الله لمه في الحرم ( ولا كلو اتلميتو فيهو)
عفاف النبي ترسل مرارة انشاء تقزيها في ابره
| |
|
|
|
|
|
|
Re: من بدرى اجرنا الاستراحة الواسعه للَمَّة الاحباب من بلادى لسماية حفيدتنا (مِـنَّـة) (Re: حبيب نورة)
|
أخوي شيخ العرب ود المحرب تحياتي ومودتي ،
تتربي في عزكم أخي خالد وأختي عفاف ، وألف مبروك . ربنا يجعلها من المستورات القانتات العابدات العاملات لرفعة بلدها وناسا . وربنا يحفظها ليكم ويغطيها من عين الحسود ، فهي هبة الله ومنته لكم .
والحمدلله لقيت لي رفيق أصيل في درب الجدود والحبوبات ، وما بقيت براي في عالم برالمة الأحفاد ؟!
(قدامي الجدود أمثال الريس أبوجهينة والخال حمزاوي يمتنعون) !؟
تخريمة :
حبيبنا حبيب نورة : تحياتي ومودتي ،
Quote: Quote: منة يا أهلنا يا الفيكي الحنة وبرضو محنة منة شتلة تيراب الجنة يا نيل أفراح محّنا يا غيم بي الخير بلبلنا منة يا الفيكي أملنا للفرحة قدومك وصلنا منة ومنة ومنة |
كدت أن أكتفي بكلامك الحلو .. السهل الممتنع أعلاه ، بس خفت يطولني سوط عنج البطحاني .. فشكراً لك .
و .. حضور بإذن الله ، ومعنا سواق احتياطي ؟!!
مودتي ،
( ليمو )
| |
|
|
|
|
|
|
Re: من بدرى اجرنا الاستراحة الواسعه للَمَّة الاحباب من بلادى لسماية حفيدتنا (مِـنَّـة) (Re: عمر صديق)
|
Quote: ادريس خليفة علم الهدي كان ولا يزال وسيظل بإذن الله وزير الري والموارد المائية ... وإحتمال إضافة والثروة السمكية قريباً |
الاخ عماد والشباب .. إظنو كلامي ما وقع ليكم:
أنا لمن قلت وزارة الري دي ما معروفة
أقصد أنهاوزارة أمرها محسوم لإدريس
وللتوضيح:
واحد لقى زول في المحكمة متسلبطلو في (زول ليهو مكانة كبيرة في المجتمع) قال أنو ماكل منو مليون جنيه
فشب هذا الواحد وقال للقاضي: يا حضرة القاضي الزول ده غلطان المليون جنيه الزول ده عاوزه مني أنا مش من الرجل ده!
فصاح الشاكي:
لا .. لا
حقتك دي ما معروفة خليها بنجيها
أنا في الميلون العند الناكر ده!! فوزارة إدريس لا خلاف حولها .. والمهام الاشرافية أعباء جديدة .. وزروا إدريس فلن تظمأوا أبدا والانتخابات قادمة.
| |
|
|
|
|
|
|
|
| |