|
مليارات في مؤتمرات وناس ما لاقيه ( كرجاكات ) بالصور الهامش كيف يشرب الإنسان مع الحيوان
|
الى عشاق الانقاذ الي مؤتمري الاعلام بالخارج بعد صرف المليارات ماذا لو قلتوا اولى بتلك المليارات عطشى وجوعى هنا وهناك الشاذلي عبد المحمود شاب صغير في العمر خريج كلية الموسيقى والدراما في الوقت الذي كنتم فيه مجتمعون وفي الفنادق نائمون كان هذا الشبل الصغير يحمل كاميرته وفي جنوب النيل الازرق يحوم يصور لنا حال السدود والتنمية وكيف ان انسان بلادي يعاني ليحصل على جرعة ماء لن اكتب اكثر من ذلك فالصور جد محبطه وتدعوا الناس لحمل السلاح .... شكرا شاذلي عبد المحمود الإعلامي الحقيقي في هذا الوطن
|
|
|
|
|
|
|
|
Re: مليارات في مؤتمرات وناس ما لاقيه ( كرجاكات ) بالصور الهامش كيف يشرب الإنسان مع الحيوان (Re: مهيرة)
|
ود الجمام و كل المتداخلين ... سلام حزين المشكلة ما في الموية , و انو الانسان بشرب مع الحيوان او غيروا ؟ المشكلة حتي الموية في كتير من شهور السنة بتكون زي فطور اليتامي تنتهي قبال ما تبدأ .... و بعدين الموية وقت تتوفر تتوفر بمشاكلها ملاريا , بلهارسيا و دودة الفرنديد ... و دودة الفرنديد يا معتصم الزول بشربها بيضه مع الموية بتفقس في الجسم و بعدين بتتغذي علي السائل بين المفاصل دورة حياتها زي 9 شهور ... بعدين اول ما يجي الخريف بتطلع عشان تكمل دورة حياتها خارج جسم الانسان بعدين بتسبب الم ما عادي ... اول ما تجي طالعه مفروض الزول يربطها بقشة كبريت و يبدأ يلف و يلف لكن بحذر شديد عشان ما تتقطع جوه لانو لو اتقطعت بتعمل مشاكل اجارك الله.... شايف انا مثقف جدا بدودة الفرنديد لانو ببساطة اصيب بالدودة في اجازة التسعة شهور حقت الجامعة و بعدين الدودة اللعينة ما تطلع الا وقت الجامعة تفتح ... وهنا اسمحوا لي اشكر د. عمر عبدالعاطي لانو عالجني بلاش تحت استغرابه ... ما شال مني قروش كشف و اشتري لي حبوب مهدأة للام و اتعلموا فيني ناس كلية الطب جامعة الخرطوم .... و خلينا مع بعض نحي مركز كارتر و اليونسيف لانهم شغالين شغل قرف لمحاربة الفرنديد تشكر يا معتصم رغم الالم .... وناس تموت من الموية و من قلتا
| |
|
|
|
|
|
|
Re: مليارات في مؤتمرات وناس ما لاقيه ( كرجاكات ) بالصور الهامش كيف يشرب الإنسان مع الحيوان (Re: حافظ حسن ابراهيم)
|
ليتهم يقرأوووووا ليتهم يفهموووووا ليتهم يتعظوووووا
كي يتوقفوا عن وصف كل من كشف زيف القناع بالعميل ومعارضي الكيبوردات
اضم صوتي اليك ليتهم جادووووا بالمليار السايب لقضية حقيقية وما يُؤسف
أن هناك هبات من اموالنا استلمها المؤلفة قلوبهم .
حقاً يجب حمل السلاح في كل شارع وكل بيت وكل حااااااارة حتى يأتي عاقل يعلم
عظم الحرب والأعظم هو الموت جوعاً كان او عطشاً وهاهي القضارف بالامس تخرج عطشى
تنادي اصحاب الضمائر الحية ان انقذوا حياتنا .
....................................................................حجر.
| |
|
|
|
|
|
|
Re: مليارات في مؤتمرات وناس ما لاقيه ( كرجاكات ) بالصور الهامش كيف يشرب الإنسان مع الحيوان (Re: Alshafea Ibrahim)
|
اميرة بت الشيخ كيف حالك ... الحال في السودان وفي مناطق عديدة يغني عن السؤال طبعا شاذلي منزل عدد من الصور في الفيس بوك امس طلبت منه ان يسمح لينا بعرضها فوافق مشكورا وده اهل المسرح قلبهم علي بلدهم ... ولك الود
اسماعيل عمر ... والله بالجد ما عارف اقول ليك شنو ؟ الحال بقى عجيب ناس كتار تفكر في نفسها فقط وهذا وجع هذه البلاد ولكن لابد لهذا الليل وهذا الظلم ان ينتهي ...
حسن مكاوي ... كامل الود لكن الوجع في اطراف البلاد مضاعف هناك تنعدم كل مقومات الحياة حتى ولو وجد المال لن تجد ما تفعله به لنفسك . صحة تعليم موية كهرباء شارع اي شي ما في زيرو
مهيرة ... الفساد هو محرقة تلك البلاد البلد ماشه وراء بسرعة الصاروخ والناس تقول كباري وسد
العم الطيب ود شيقوق اشواقي كنت قد كتبت اليك بعضا من قصصي في بلاد الصعيد نواحي الباندغيو والفزرة وام كراع اذكر ان اهالي الباندغيو قاموا ببناء مركز صحي بالجهد الذاتي ولان وزارة الصحة لم توفر لهم طبيب او ممرض قامت الولاية عملت الباندغيو ( محلية ) وتحول المركز الصحي لمبنى المحلية وفرح المواطن بكون قريتهم من دون القرى بقت محلية الباندغيو ... لكن هو يمشي يتعالج في القضارف او الحواتة ... قصص تمحن يا ود شيقوق هسه بيني وبينك مناطق الرهد والدندر دي موش مظلومة ظلم منو كده ما عارف
حافظ حسين ... زرنا محمية الدندر كان هناك مع الفرديد المدعو الكلزار فكنا ننام بعد نمارس كل طقوس تلك البلاد ومرات تنوم بجزمتك وشرابك وكان معسكرنا في ام كراع بجوار مستشفى اطباء بلا حدود المتخصص في علاج الكلزار كان كل يوم بموت شخص سالت ممرض هناك اسمع الناس كده بكملوا قال لي في اعوام خلت كانوا في اليوم موتوا اكتر من عشرين اعوام خلت 97 98 الرفاعي يا اخوي الزمن ده في ناس تاكل ومرات ما بتقش خشما كمان وصحيح الاختشوا كملوا ... زمان ... قال رافضة قال فيصل خليل الشاذلي ود فنان كلموا بكري يديهو لينا حساب وحتشوفوا منو صور توريكم الحاصل بالجد
شادية عبد المنعم ده اسمو عذاب الموية
الشفيع نحاول ان نجعلهم يعرفون انهم يكذبون السودان ليس القاعة ولا حتى السد السودان ده اوسع من افاقهم الضيقة لكم الود
| |
|
|
|
|
|
|
Re: مليارات في مؤتمرات وناس ما لاقيه ( كرجاكات ) بالصور الهامش كيف يشرب الإنسان مع الحيوان (Re: صديق الموج)
|
اولا اشكر بكري لرفعه البوست عاليا واتمنى ان يكون قدر ارسل لشاذلي الباسورد
شكرا الزميل صلاح شعيب ... الاعلامي هو ذلك الذي يعرض الحقيقة دون زيف محمد الامين ... في السودان الحال الصعب لا يعرفه احد اتمنى ان توسع دائرة تفكير اهل الاعلام والصحافة لتشمل كل السودان
امين زوربا ... التحايا والود يا صديق الصورة لا تكذب شاذلي يعمل وموجود في تلك المناطق وهناك صورا ابشع من ذلك بكثير التحايا عبرك لصديقنا المشترك عفيف واسرته الجميلة عاطف عابدون ... تحايا وود في قائمة اصدقائي في الفيس بووك شاذلي عبد المحمود اضيفه لترى كم نحن متاخرون يا عاطف الجوع ينهش البلاد ونحن ونحن ماذا لا ادري مرات بحس انو نحنا حالمين شديد عشان نصنع وطن حر ديمقراطي والمواطن لسه يرزح تحت عبودية الفقر والجوع والمرض .. صديق الموج ... .. لو كنت تملك الحق والقدرة في تغيير مسار ذلك البند من الصرف الفي القاعة كنتا سترسله لعمل ابيار وكرجاكات لاهل الصعيد الفوق
| |
|
|
|
|
|
|
Re: مليارات في مؤتمرات وناس ما لاقيه ( كرجاكات ) بالصور الهامش كيف يشرب الإنسان مع الحيوان (Re: Amin Mahmoud Zorba)
|
شكرا جزيلا الاخ معتصم
شكرا جزيلا الاخ شازلى .
الصور اصدق تعبير عن الواقع الؤلم الذى يعيشه مواطنونا فى تلك المناطق.
كل مناطق السودان تعانى من مشاكل بعينها تعبر عن قصور حكام الخرطوم الذين ينهبون اموال البترول ودافع الضرائب - الذى يعانى الامرين:
الفقر المدقع . والعطش ..
اهلنا فى شمال السودان مهددون بالغرق وازالة قراهم الذى يعيشون فيها منذ الاف السنين بالاضافة الى ممتلكاتهم من نخيل ومزارع مقابل ان تنعم مصر الجاره بالرخاء والنماء بتوفير الماء الوفير والكهرباء الرخيص دون اطماء يهدد توربينات سدها العالى.
ولعل الكثيرين لا يعلمون ان اهل الشمال يموتون بالسرطان اكثر من اى منطقة اخرى بالسودان والذى اصبح من الامراض المستوطنه بالمنطقه - ولا توجد ادويه او حتى اطباء فى معظم المراكز الصحيه اضافة الى عدم دفع مرتبات المدرسين .
منطقة الحوض النوبى عباره عن مخزون مائى لا ينضب نظرا للتغذيه المستمره ويتمتع باراضى خصبه.
تريد حكومة الانقاذ الفاشيه جلب 7 مليون مصرى لاستيطانهم بالحوض المذكور واهلنا بشرق السودان والنيل الازرق وغرب السودان يعانون من العطش وضيق الارض والزحف الصحراوى.
اذا تم استغلال الحوض النوبى الذى تبلغ مساحته اكثر من 15 مليون فدان صالحه للزراعه لتم استيعاب الملايين من السودانيين من مختلف المناطق ولكانت هنالك نهضه زراعيه افضل بكثير من البترول ولتم حل مشكلة النزاعات القبليه من اجل المراعى - وذلك بدلا من توطين الاجانب المصريين بحجة عمل توازن سكانى ولزيادة نسبة العرب بين سكان السودان وتحسين النسل ّّ!!! هكذا يقول رجال الجبهه الاسلاميه العنصريه الحاكمه تبريرا لمنحهم الشمال للمصريين وعرب الخليج .
الحل الوحيد ان تثور كل مناطق السودان وتحمل السلاح للقضاء على هذا النظام العنصرى الفاشى الطفيلى الذى يبدد اموال شعب السودان فى المؤتمرات والامن ليبقى فى السلطه
وليستمر فى نهب اموال العطشى والجوعى والمرضى .
اكرر تقديرى للصور المعبره بحق عن واقعنا الاليم ..
| |
|
|
|
|
|
|
Re: مليارات في مؤتمرات وناس ما لاقيه ( كرجاكات ) بالصور الهامش كيف يشرب الإنسان مع الحيوان (Re: ABDALLAH ABDALLAH)
|
Quote: العم الطيب ود شيقوق اشواقي كنت قد كتبت اليك بعضا من قصصي في بلاد الصعيد نواحي الباندغيو والفزرة وام كراع اذكر ان اهالي الباندغيو قاموا ببناء مركز صحي بالجهد الذاتي ولان وزارة الصحة لم توفر لهم طبيب او ممرض قامت الولاية عملت الباندغيو ( محلية ) وتحول المركز الصحي لمبنى المحلية وفرح المواطن بكون قريتهم من دون القرى بقت محلية الباندغيو ... لكن هو يمشي يتعالج في القضارف او الحواتة ... قصص تمحن يا ود شيقوق هسه بيني وبينك مناطق الرهد والدندر دي موش مظلومة ظلم منو كده ما عارف |
صحيح كانت مداخلاتك رائعة وجميلة وكتابة شخص عارف المعالم والمظالم
تخيل يا ود الجمام حالة امرأة تعثرت ولادتها من قرية درابة وحتى مدينة الدندر في ايام الخريف
| |
|
|
|
|
|
|
Re: مليارات في مؤتمرات وناس ما لاقيه ( كرجاكات ) بالصور الهامش كيف يشرب الإنسان مع الحيوان (Re: عبد الباقي الجيلي)
|
المحزن أن ترى وتسمع كبيرهم ورئيسهم يكذب ويكذب أمام أي جمع بأن التنمية والاستقرار ورفاهية وخدمة المواطن هي مسيرة ثورتهم الشؤم .... أمس بكنانة كان يجتر نفس الألفاظ ... بلد أصبحت الجامعات والمعاهد العليا دورا لتخريج الأميين ... المرض والجوع والفقر لم يترك شبرا واحد من أراضيه ... ونجد فئة منهم فرحون بصورهم وصور الجسور وكأن مشاكل الغلابة أنتهت بهذا الإنجاز ... نرغب أن نعرف ماهية حدود الآراضي الخاضعة لحكمهم وتلك التي خارج نطاق حكمهم حتى يعرف هؤلاء لمن يتبعون ومن المسئول ؟ مودتي الشفيع إبراهيم
| |
|
|
|
|
|
|
Re: مليارات في مؤتمرات وناس ما لاقيه ( كرجاكات ) بالصور الهامش كيف يشرب الإنسان مع الحيوان (Re: الوليد محمد الامين)
|
الوليد التحايا والود
عندما زرت ام كراع كانت هناك لوحة عند مدخلها مرحبا بكم في ام الخير ولكني جلست بها قرابة الشهر لم اسمع احد يقول ام الخير ... ام كراع كل الناس بتقول ام كراع الحكومة تقول ام الخير اسماء تلك المناطق جميلة افرش توبك كرش الفيل خشم البطة ام سلعلع الفزرة ام بقر العبيك ياخي لو مريت من هناك اقريهم سلام .... بالمناسبة جو المحمية في قرية اسمها الجمام كندرو انا ود الجمام قروب المسرح المسمى على جمام وسيلة شرب جزء كبير من اهل السودان كامل الود
| |
|
|
|
|
|
|
|