الأنثى العورة والرجالة السودانية..يوجد سوط عنج

Quote: بت قضيم ... بقيتي تطنشي مداخلاتي عشان انا مسكين وماعندي باس ويرد يعني ده نوع جديد من الاضطهاد بتمارسيهو علي الناس الماعندها باس ويردات .. وكمان برضو انا بطالب يضاف من ضمن العنف المعنوي الممارس ضد الرجل باعتبار اختلاف النوع فينا .. ماعلينا ... طبعا اساسا بعد ما فشل تحليلي لي مسار البوست وخاصة بعد مادكين اورد رسالتي الخاصة ليهو وضحك علي في تحليلي فجاة لقيت نفسي زاتي خارج دائرة الحوار وبقيت اترقب بي عين حريفة لي مدخل جديد اخش بيهو دائرة الحوار من جديد زي لعبة ام الحبل الكان بيلعبوها الشفع زمان ديك تتزكريها لما الزول يكون عايز يخش داخلية ويتابع بي نظرو الحبل مع رفع اليدين وحركة بالارجل تشبه حركة موسي المجنون في نواحي الكلاكلة يانازر بتكون بتعرفو عشان يختار لحظة مناسبة للدخول ..وبالمناسبة يادكين انا تحليلي كان ممكن يحصل بنفس السيناريو القلتو لو كان الناس ديل بيعاملوك زي بقية خلق الله ويابت قضيم اسمعي الكلام ده ووريني رايك بصراحة ... دكين ده ماقاعدين تعاملوهو زي باقي الرجال في المنبر ده والكلام ده ليكم كلكم يعني مثلا الكلام القالو هنا في بوستيك ده لو قالو زول غيرو كان مسحتو بي كرامتو الارض لكن هو بس بتشاكلوهو شكل خفيف كده ومابتنسو في الاخر انكم تاكدو علي الصداقة والود البينكم ممكن ترجعي لكل المداخلات الفيها نقد لي سلوك دكين حاتلقيها موقعة باسم صديقتك للابد او ماشابه ذلك عدا مداخلات اماني .. اسي عليك الله لو زول غير دكين قال المرا من بنبرا ولي ورا والله كان احتمال تفتحو فيهو بلاغ ... طبعا الكلام ده انا ماقصدي احرشكم علي دكين لكن بس هي ملاحظة لاحظتها بي نظرتي الثاقبة للامور وقلتها زي ماهي وخلاص وعايز رايك في الكلام ده ماتطنشيني بالله ملحوظة دكين انا سامحتك علي ايراد رسالتي الخاصة وعلي ضحكك علي صديقك الي الابد خالد غالي