|
Re: سوداني يحتضن مضيفة في الطائرة القادمة من باريس وسب افراد الطاقم (Re: عزاز شامي)
|
Quote: من متين بيشار لشخص سوداني بأنه عربي و خصوصا في الصحافة العربية و تحديدا ذات السمة الفضائحية ؟؟
|
الاخت / عزاز تحياتي
صراحة احد الاخوة السعوديين متخصص اي خبر ما كويس عن السودان ما يصدق على طول اجي جاري , المهم رغم اني استنكرت عليه الخبر وقلت له مفبرك ورفضت اكمال الاطلاع عليه كتعبير عن عدم تصديقي له لكني التقطت اسم الموقع وقلت بالمرة نرسله ليكم تشاركونا بالمناقشة عشان نرجع ليهو .
وشكرا
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: Faisal Elrasheed)
|
Quote: ننبه الركاب السودانيين ان الـ(اير فرانس)تضم مضيفات جميلات يرتدين تنانير قصيرة مصممة من ارقى دور الازياء الفرنسية لذا فاننا نطلب منكم ربط الاحزمة وضبـط النفـٍس . |
غايتو انا تجربتي الشخصية مع المضيفات ديل
مره في رحلة من البحرين الى عمان - الأردن بي الخليجية والرحلة كانت عادية في الإقلاع
ومعاي أمريكي حنكو سنين كدا
وراكبين درجة رجال الأعمال ( على حساب الشركه طبعاً )
ولمن ادونا الوجبة المضيفات 3 قبل هبوط الطيارة 2 من المضيفات
جــن قعدن يتونسن معانا لحدي ما جاء وقت الهبوط
والونسة والكلام والقعاد ....
جنسيتهن كانن من الفلبين وأندونيسيا
واللبس بتاعن كان قصير شـديد - ولمن قعدن جمبنا الكشيف حصـل
الحمد لله انا لا بشرب ولا .......
الخشلعه والكشيف جزء من ثقافة الضيافه الجويه
دا في غير سوادنير
ما بعيد يحصل دا في نظري حسب تجربتي الشخصية دي
وربنا يجيب العواقب سليمه
يا د. بيان
السودانيين في الجو بيرضعوا رُضاعه ما شــراب ...
هشام
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: Hisham Ibrahim)
|
سكّر في رحلة بالطائرة ؟؟؟؟ ماظن في سبب يخلى وأحد يشرب وهو معلق بين السماء والارض لو حصل حاجة يقابل ربو ( سكران ) ؟؟؟؟؟؟؟؟؟؟
الزول بتاع الحادث ده ... جائي من باريس طيب لو جائي من بلد مجّفف كان عمل شنو ؟؟؟؟؟؟ وماظن بقي في بلد مجّفف على وجه الارض
لكين الظاهر في ناس بتدخل نفسه في حتات أضيق من ضيقة
عجبي
----
ماظن الارض ضاقت بالناس لدرجة يسكروا في السماء
.
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: Deng)
|
اربعون مليون نسمة (بني ادمية وبني ادم ) من عدة مئات من القبائل والمجموعات والشعوب ومنهم ملايين في مخيمات ومشردون وملايين عند حد الفقر وملايين موزعة علي كل المدن والقري والحلال وعلي الاقل مليون مسافر الي اتجاهات مختلفة في هذه الدنيا منهم عدة مئات من الاف مغتربين ومهجريين ...وحيث ان هذه الملايين الاربعيين لا تعرف بعضها البعض فان الاف منها مقتولة بيد سودانية وملايين مشردة بيد سودانية والاف مسجونة بيد سودانية وملايين موسومة باوصاف عنصرية كذلك بفكر سوداني وبنفس القدر هنالك ملايين تتصرف بادمية وانسانية وملايين تتصرف بغير ذلك .. من السذاجة ان نعمم الاشياء ومن السذاجة كذلك ان نري الاخر من خلال ذواتنا فقط ...وعموما فان حال بلادنا خلال الخمس عقود الماضية فقط وما حدث فيها من انقلابات واغتيالات وحروب وتعذيب وسجن وهجرات هروبا منها او من ضائقة اقتصادية خلقتها سوء ادارات البلاد وغياب لحكم القانون الذي يساوي بين الجميع وسوء مناهج وتعليم وتربية ليس فيه ما يجعلنا ان نصر بان الذي يخطئ لا يمكن ان يكون سودانيا مثله مثل غيره من الخطأؤوون علي وجه البسيطة ... عظيم ان نعتز بما لدينا من جميل ولكن المهم ان ننمي ذلك الجميل ليكبر ويتكاثر فعلا لا قولا يجافي حقيقة الاشياء وحقيقة اننا ليس استثناءا انسانيا ونحن نعلم تماما نواقصنا الكثيرة ولا نحاول ان نصلحها بحكم راشد وقانون وعدل ...
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: عمر عبد الله فضل المولى)
|
Quote: يتحرش جواً .. بمضيفة طيران !! بتاريخ : الجمعة 5 يونيه 2009 3:07:03 م أحالت سلطات مطار القاهرة راكبا عربيا بعد قيامه بالتحرش الجنسي بمضيفة الطائرة القادمة من باريس، وسب أفراد طاقم الرحلة عند محاولتهم السيطرة عليه. وبحسب الوكالة الألمانية للأنباء (د ب أ) فقد كانت المضيفة «د.م» قد فوجئت أثناء عملها على الرحلة رقم 800 بالراكب السوداني (28 عاما) يحتضنها من الخلف، وعندما حاول طاقم الطائرة الإمساك به قام بسبهم. وبعد هبوط الطائرة طلب قائد الطائرة من رئيس وردية الشرطة التوجه إلى الطائرة وأبلغه بما حدث فتم تحرير محضر للراكب وإحالته للنيابة بعد أن تم منعه من مواصلة رحلته إلى دبي. |
Quote: أحالت سلطات مطار القاهرة راكبا عربيا بعد قيامه بالتحرش الجنسي بمضيفة الطائرة القادمة من باريس، وسب أفراد طاقم الرحلة عند محاولتهم السيطرة عليه. وبحسب الوكالة الألمانية للأنباء (د ب أ) فقد كانت المضيفة د. م قد فوجئت أثناء عملها على الرحلة رقم 800 بالراكب السوداني (28 عاما) يحتضنها من الخلف، وعندما حاول طاقم الطائرة الإمساك به قام بسبهم. وبعد هبوط الطائرة طلب قائد الطائرة من رئيس وردية الشرطة التوجه إلى الطائرة وأبلغه بما حدث فتم تحرير محضر للراكب وإحالته للنيابة بعد أن تم منعه من مواصلة رحلته إلى دبي. -------------------------------------------------------------------------------- رابط المصدر: http://www.informersyria.com/details.php?id=16487 |
Quote: يتحرش بمضيفة الطائرة فوق السحاب ! تاريخ النشر: الخميس4/6/2009, تمام الساعة 12:55 صباحاً بالتوقيت المحلي لمدينة الدوحة أحالت سلطات مطار القاهرة امس راكبا عربيا بعد قيامه بالتحرش بمضيفة الطائرة القادمة من باريس وسب أفراد طاقم الرحلة عند محاولتهم السيطرة عليه. وكانت المضيفة د. م قد فوجئت أثناء عملها علي الرحلة رقم 800 بالراكب السوداني 28 عاما يحتضنها من الخلف وعندما حاول طاقم الطائرة الإمساك به قام بسبهم. وبعد هبوط الطائرة طلب قائد الطائرة من رئيس وردية الشرطة التوجه إلي الطائرة وأبلغه بما حدث فتم تحرير محضر للراكب وإحالته للنيابة بعد أن تم منعه من مواصلة رحلته إلي دبي. http://www.raya.com/site/topics/printArticle.asp?cu_no=...parent_id=122[/QUOTE]
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: د.نجاة محمود)
|
يا د. نجاة لوووووووووووووول بالترابط و التداعي التاريخي ده تب و قع لي و لا فرق هناك بين ركاب دفارات بحري المتهادية بين الصقعي و نمرة 13 و بين خطوط اير فرانس اعتذر و انا آسفة ما بنختلف ... و علمني قانون شتارتك حرف حرف بس الشهادة لله أجعص شتارة لاقتني من سوداني في السفر هي الوقفة المكعوجة بالجنبة و الغرودة و بعدها طوالي السؤال الأزلي (اللخت سوادنية؟ وين في الخرطوم؟) وفجأة يبقى لي اخ وود اهل و يشيل لي الشنط و يختف مني الجواز و على سنننننننة كده ممكن يركب التكسي معاي طرحة و احتمال يصر انو يمشي معاي محل ما ماشة رجالة ساي بس منو ...
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: عبد المنعم سليمان)
|
اها النديكم دي: انا ومعاي واحد سوداني في البص القبيح داك البودي للطيارة واقفين في نهاية البص لكي نتعارف دخلت سودانية ستينية البص وتلفتت –طبعا الكراسي شوية تقول شاحدينها- فقام احد الأخوة المصريين وقف ليها ومن ثم شكرته بقل: " بارك الله فيك ياولدي , هسع لو دا سوداني ما كان وقف لي!!!" ونحن نسمع. وهاهي الأخت عزاز تدعونا بتعميم غير مباشر لعدم مساعدة السودانيات في السفر بحجة سوء نوايا البعض. و الله في نفس الرحلة انا خسرت اعز اصدقائي بالأعتزار عن حمل بعض اغراضه في يدي و لكني اضطررت لحمل ضعفيها لأحد السودانيات بعد ان طلبت مني ذلك وهو تسوق طفلين و كمية مهولة من الأكياس. يعني نحن الرجال واقعين بين نارين نار النخوة السودانية التي تربينا عليها ونار ناس عزاز الذين يرون في كل شهامة رسالة مشقلبة.
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: عبد المنعم سليمان)
|
اها يا عزاز شوفي دي لو مغالطاني
[/IMG]
اسع كان دي مرة تتعلق ليها في مضيف الاعمى شايل المسكر يجيي تكلم عن الاخلاق السودانية
والشرف والاسلام.. الليلة انا داقة خيمتي في البوست دا وانادي بانه يجب وزارة الداخلية تمنع الرجال من السفر بدون مرافقة..( الام والحبوبة)
الله بنعل الانقاذ هي سبب تدني الاخلاق والسكر في الطيارات والشعبطة في النصرانيات
بيان في حالة نادرة للنضال الاسفيري...
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: د.نجاة محمود)
|
غايتو النصيييحة كده انا الطيارة دي ركبتها في حياتي اظن كان مرة كان مرتين ما بعرفو ليكم ولحددددددددي اسة بسمع المرا بتنضم اربطو الاحزمة ما بعرف بيلقوها وين ولااا حزامياة واحدة ما ربطتها ..الاكل البيجيبوهو لي بختو فيييييييي كرعيني ديل لا شايف لي تربيزة جمبي لا يحزنون مع انو الناس الجمبي كلللللهم بيكون عندهم ترابيز .. اكتتتر مشروب اتقدم لي وفيه ملامح من الجعة كان سيزار تفاح واتكيييفت في كنكوجي وقلت ليهم هييييييع انا الليلة واقف لط.. في جميييييع رحلاتي البي الطيارة (اااااي الركبة الوحيييدة دي) لم اتصادف مع قصص اللخت من وين وشايفك وين فكل المجاورين لي بيلعبو تحت ال8 سنوات ود مغتربين سمين وقليل ادب او بت مغتربين قليصة ..
انتو الناس ديل بتلقوهم وين ؟ تخريمة : عزاز شامي دي اححححححححسن زول ممكن يقول ليك "بِس" ده شنو السغيل ده ومعاها عيينا من تحت لي فوق ..
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: د.نجاة محمود)
|
التحيه لصاحب البوست
Quote: وهاهي الأخت عزاز تدعونا بتعميم غير مباشر لعدم مساعدة السودانيات في السفر بحجة سوء نوايا البعض. و الله في نفس الرحلة انا خسرت اعز اصدقائي بالأعتزار عن حمل بعض اغراضه في يدي و لكني اضطررت لحمل ضعفيها لأحد السودانيات بعد ان طلبت مني ذلك وهو تسوق طفلين و كمية مهولة من الأكياس. يعني نحن الرجال واقعين بين نارين نار النخوة السودانية التي تربينا عليها ونار ناس عزاز الذين يرون في كل شهامة رسالة مشقلبة. |
يعني قصه بتاعت شخص واحد وربما هو مختل عقليا او عندو مشاكل نفسيه فعل الذي فعله فليس من المنطق زول جاي من باريس يعمك كده!!!!!!!!!
يعني يا أستاذه عزاز ويادكتوره بيان الشعب السوداني كلو معدوم الاخلاق والشهامه؟؟ التربص بالرجل السوداني هكذا مخل ومعييب،،
يعني لو الواحد لقي ليه سودانيه لا أخلاق لها تمارس الرزيله في مكان ما يفترض جزافا أن كل نساء السودان كتلك المؤمس؟؟
هناك سودانيين نعم الاخون ونعم الاصحاب لا يشربون ولايزنون ولا ولا ... أرجو ان لاتجعلوا من هذا البوست سخريه وإستهزا بمشاعرنا كسودانيين.
إحترامي للجميع
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: د.نجاة محمود)
|
عزاز ال شامي: والله ولاااااااااااااا بتموتي عمرك طويييييييييييل خيتي .. غايتو انتي الا يجيبو ليك ادهم صبري حتى يغتال شخصيتك يغوص في معدتك ثم يستدير في جزء من الثانية ويديك بونية في كيانك :) :) :) لكن غير كده زوووول بيغتال شخصيتك ماف ..:) اجممممل حاجة الايام دي الرياض بردت .. تخريمة : امبارح واحد ضحكني ضحك قلت ارييت لو عزاز معانا ..قال لي ده شنو الكاتبو لي بت الناس ده !!!!!!! قلت ليهو خير ؟؟ قال لي شايفك كاااااتب ليك موضوع بتقول فيهو عزاز تتبربر من البووورة :D:D:D:D:D:D:D:D:D:D:D:D ضحكت وفي سري طنطنت وقلت ليهو والله انت ما عارف ساي البربرتهم عزاز :)
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: د.نجاة محمود)
|
Quote: من فوائد الاخبار الزي دي انها بتأكد عروبتنا كسودانيين :
|
!!!!!!!!!!!!!!!!!!!!!!!! وأنا ، ولأول مرة ، أسمع بالاحتضان من الخلف!! هذا الإنحراف الحيواني وال bestiality يردهما سلامة موسى إلى مراحل بعيدة من التاريخ، قبل أن يكتمل تطورالإنسان إلى هيئته الحالية.
أعزائي، لاتسيؤوا الظن بالنبيذ الفرنسي!! فما هكذا يتصرف الفرنسيون!! الاحتضان لا يكون لأغراض ""التدبير""!!
سودانياً كان الفاعل أم لم يكن، فهو لن يكون إلا عربياً!!!
تحياتي
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: عمر عبد الله فضل المولى)
|
Quote: اها النديكم دي: انا ومعاي واحد سوداني في البص القبيح داك البودي للطيارة واقفين في نهاية البص لكي نتعارف دخلت سودانية ستينية البص وتلفتت –طبعا الكراسي شوية تقول شاحدينها- فقام احد الأخوة المصريين وقف ليها ومن ثم شكرته بقل: " بارك الله فيك ياولدي , هسع لو دا سوداني ما كان وقف لي!!!" ونحن نسمع. وهاهي الأخت عزاز تدعونا بتعميم غير مباشر لعدم مساعدة السودانيات في السفر بحجة سوء نوايا البعض. و الله في نفس الرحلة انا خسرت اعز اصدقائي بالأعتزار عن حمل بعض اغراضه في يدي و لكني اضطررت لحمل ضعفيها لأحد السودانيات بعد ان طلبت مني ذلك وهو تسوق طفلين و كمية مهولة من الأكياس. يعني نحن الرجال واقعين بين نارين نار النخوة السودانية التي تربينا عليها ونار ناس عزاز الذين يرون في كل شهامة رسالة مشقلبة
|
الاخ محمد الشيخ ...
عاد النار ما عندكم يا اخواني
يا اخوي انا لسه في الطاشرات وماني ستينية ولا طلبت زول يشيل لي اكياس النايلون اعمل خيرك ساي و ارميهو البحر، يا طلعت بتستاهل يا طلعت حامضة زي و شالت حسك في الاسافير
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: عزاز شامي)
|
الاخ محمد سلام
اهجروهن في الطائرات يااخ بدل ما تشيلوا الاكياس والحطب والاطفال مرة ركبت جنبي مراه سودانية شايله طفلها معاها واظن الود الشقي كان ظهرت ليهو امراض الطفولة السبعة مرة واحده كدا في الطياره بقا يجرني من اللياقة ويريل فيني ويقح في وش امه ولولا لطف المضيفة التي وجدت لي مكان قصي ذي ذرع لاصبت بشلل الاطفال جراء تلك الرحلة
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: عبد المنعم سليمان)
|
Quote: يعني قصه بتاعت شخص واحد وربما هو مختل عقليا او عندو مشاكل نفسيه فعل الذي فعله فليس من المنطق زول جاي من باريس يعمك كده!!!!!!!!!
يعني يا أستاذه عزاز ويادكتوره بيان الشعب السوداني كلو معدوم الاخلاق والشهامه؟؟ التربص بالرجل السوداني هكذا مخل ومعييب،،
يعني لو الواحد لقي ليه سودانيه لا أخلاق لها تمارس الرزيله في مكان ما يفترض جزافا أن كل نساء السودان كتلك المؤمس؟؟
هناك سودانيين نعم الاخون ونعم الاصحاب لا يشربون ولايزنون ولا ولا ... أرجو ان لاتجعلوا من هذا البوست سخريه وإستهزا بمشاعرنا كسودانيين. |
يا المسلمي يا انت ظريف يا ظريف والله
بالله قربتااحلف بالطلاق لكن الراجل دا حايم بجاي حيقول "اتغولت" على صلاحياته كمرية سودانية
امانة ما وقع سوداني وجر وراه كل الرجال السودانين بدون فرز كلامك دا تقولو لزول ما عنده حديدة وين كنت لما كل مرة جاي واحد يتكلم عن خروج السودانيات ومنعهن من الخروج عشان واحدة كانت بتاكل لبان ان ببلك ولا ضحكت بصوت عالي... عاد زولكم اتشعبط عديل كداوكمان سب افراد الطاقم عين قوية وسن ملوية يا الرجال السودانين..
ما عندك طريقة مني غايتو كان عزاز مشت ولا قعدت البوست داحدو سنة 2020 امانة ما وقع راجل
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: د.نجاة محمود)
|
العزيزه د/بيان
Quote: وين كنت لما كل مرة جاي واحد يتكلم عن خروج السودانيات ومنعهن من الخروج عشان واحدة كانت بتاكل لبان ان ببلك ولا ضحكت بصوت عالي... عاد زولكم اتشعبط عديل كداوكمان سب افراد الطاقم عين قوية وسن ملوية يا الرجال السودانين.. |
كده واضح مماذكرت إنك بتكتبي هنا وقلبك محروق في بكان تاني .....عاد دا كلام شايله عكازك وحارسه المنبر لي أي راجل يدقس ولا يعمل حاجه كده وكده!!!!!!!
Quote: ما عندك طريقة مني غايتو كان عزاز مشت ولا قعدت البوست داحدو سنة 2020 امانة ما وقع راجل |
اها صنقري بس شوفي ليك ضل عشان ماتجيك ضربت شمش ...سمح
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: عمر عبد الله فضل المولى)
|
يا دكتورة ما تشيلي هم معاك معاك للربع الأول من 2020 بعد ده اعفي لي بيكون دايرة اتم قرايتي السيد المسلمي قلت لي مالك؟ لعلك طيب يا اخوي بركة اللقيت ليك زول اداك طرف علشان تجي من أقصى المدينة تسعى ...
Quote: يعني قصه بتاعت شخص واحد وربما هو مختل عقليا او عندو مشاكل نفسيه فعل الذي فعله فليس من المنطق زول جاي من باريس يعمك كده!!!!!!!!! |
حسي انت مالك ما شايف ردي الاول القلت فيهو انو التصرف ده شاذ و ما شبه شتارة السوداني المعتادة؟ ما قبيل حافظت ليكم على تميزكم النوعي في الشتارة و يعلم الله حرقتني ليكم حقارة جرايد العرب .. آي و الله
بعدين باريس دي مكة ؟؟ منطقك شنو يا اخوي انو اللي يجي من باريس مايعمل كده؟
يعQuote: ني يا أستاذه عزاز ويادكتوره بيان الشعب السوداني كلو معدوم الاخلاق والشهامه؟؟ التربص بالرجل السوداني هكذا مخل ومعييب،، |
دقيقة بالله ما تحرش الرجل السوادني بلا سبب ... كون في نفسك و كل مما يليك و الحريش ده ما حلو منك ... و بعدين متين قلنا الشعب السوداني معدوم اخلاق و شهامة؟ يا اخوي انت متسبب ولا رايح ليك شكل ؟؟
Quote: يعني لو الواحد لقي ليه سودانيه لا أخلاق لها تمارس الرزيله في مكان ما يفترض جزافا أن كل نساء السودان كتلك المؤمس؟؟
هناك سودانيين نعم الاخون ونعم الاصحاب لا يشربون ولايزنون ولا ولا ... أرجو ان لاتجعلوا من هذا البوست سخريه وإستهزا بمشاعرنا كسودانيين. |
ده حسي اقول ليهو شنو؟
Quote: عزاز شامي دي اححححححححسن زول ممكن يقول ليك "بِس" ده شنو السغيل ده ومعاها عيينا من تحت لي فوق .. |
ادين و اشجب اغتيال الشخصية .... انت يا عمر بتقود حملة مؤسسة ضدي ولكني لك بالمرصاد و ستجدني شوكة حوت لا اسمو شنو داك لا بتفوت ...
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: عزاز شامي)
|
عزاز شامى دايماً بتكتبى الكلام البجى فى راسى .... بعد داك احاول امشى بالحوار درجة أعلى ... بعد داك الحوار يجوط ... مثلاً (بعد التأمين على آرائك)
Quote: بعدين باريس دي مكة ؟؟ |
مكة! - حسب تجربتى معاها - بلد ثقافتا المحلية سوقية وداعرة (داشرة) لى درجة انو الجكس بتواعدوا فى الحرم (وخصوصاً فى المسعى) بينما باريس (مدينة النور) كانت دائماً مأوى الفنانين الهاربين من أوطانهم .... بيكاسو .... فان جوخ .... دالى ..... صلاح احمد ابراهيم .... حدّثى ولا حرج .... ودا بى سبب الجمال البيلف الثقافة المحلية للمدينة (ما عارف ملامحا فى عصر العولمة، لاكين لغاية طه حسين، و"إيرما لا دوس" كانت جميلة) والجمال دا بيلقى بى ظلال فنّية حتى على مومسات باريس (وعمود نورهن المفترى عليه)
طبعاً - زى ما قلتى - القصة لا تخلو من تلفيق (يعنى خبر فيهو صورة "القطرية" - فيها خمور للبيع - وما فيهو ذكر لى انو الحادثة حصلت فى ياتو خطوط!) لاكين لو الرحلة دى جاية من باريس ... الراكب (السودانى بتاع الصاجة مع السُكر) بيكون مرحمن شوية وما بقابض ساى .... فى المقابل .... لو كان جايى من مكة (مُغيم، ما حاج ولا معتمر) كان حيكون متأثر بى ثقافة المدينة بتاعة الشحتفة والإباحية وغياب الخطوط الحمرا .... وكان حيقابض ويتصرّف بى شتارة .... موازية لى شتارة مكة بتاعة المواعدة فى الحرم ديك ...
فأنا بتّفق معاك على التلفيق السعودى للخبر (بما انو "الخطوط السعودية" ما فيها خمور) وأضيف انو الملفق السعودى الضحل ... غالباً ما يكون سودانى متسعود مغيم فى مكة وحاغد على المجتمع ....
وفى واحد قال الشخلعة والكشيف بقت جزؤ من الضيافة الجوية .... ونضيف على كلامو انو الشخلعة والكشيف - فى نظرى - هو الجزؤ الأساسى فى الإستمتاع بالحياة كلها .... لاكين بى طريقة لذيذة وبراحة .... الشتارة مافى ليها داعى ....
ويا دكتورة بيان المثل السودانى بقول:
أرجى سفيه ما ترجى عاطل ......
اتصلّحى معانا - نحن السفها ديل - شوية، وفكّى الأمخاخ العاطلة دى عكس الهوا .....
... المهم ......
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: عزاز شامي)
|
الاستاذه عزاز
Quote: السيد المسلمي قلت لي مالك؟ لعلك طيب يا اخوي بركة اللقيت ليك زول اداك طرف علشان تجي من أقصى المدينة تسعى ... |
طيب تاني حددي لينا الموضوع الممكن نناقشك فيه إن وجد.... عشان مانجي نسعي من اقاصي المدينه سمح
Quote: بعدين باريس دي مكة ؟؟ منطقك شنو يا اخوي انو اللي يجي من باريس مايعمل كده؟ |
قصدي كان واضح يعني لو كان يعشق النساء ففي باريس كل الملزات .....!!!!
Quote: دقيقة بالله ما تحرش الرجل السوادني بلا سبب ... كون في نفسك و كل مما يليك و الحريش ده ما حلو منك ... و بعدين متين قلنا الشعب السوداني معدوم اخلاق و شهامة؟ يا اخوي انت متسبب ولا رايح ليك شكل ؟؟ |
كدي راجعي كلامك الكتبتيهو كويس وركزي لي علي حكاية يشيل جوازك ويجري قدامك وسنننننه كده ويركب معاك التاكسي
دحين دا مو كلامك ولا أنا جاي من ام صفقا عراض رايح لي شكل؟؟؟
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: السيد المسلمي)
|
Quote: قصدي كان واضح يعني لو كان يعشق النساء ففي باريس كل الملزات .....!!!! |
Quote: كدي راجعي كلامك الكتبتيهو كويس وركزي لي علي حكاية يشيل جوازك ويجري قدامك وسنننننه كده ويركب معاك التاكسي |
Quote: دحين دا مو كلامك ولا أنا جاي من ام صفقا عراض رايح لي شكل؟؟؟ |
انا من رأي يا اخ السيد المسلمي انك تشرب ليك ليمون و موية ساقطة و تقعد في ضل البوست ده لانو المشوار من صفقن عراض شكلو تاعبك شديد
اصلا انا من زمان حاسة انو انت و اخوك ناوين تهردو لي فشفاشي
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: عمر عبد الله فضل المولى)
|
Quote: عزاز ال شامي: والله ولاااااااااااااا بتموتي عمرك طويييييييييييل خيتي .. غايتو انتي الا يجيبو ليك ادهم صبري حتى يغتال شخصيتك يغوص في معدتك ثم يستدير في جزء من الثانية ويديك بونية في كيانك :) :) :) لكن غير كده زوووول بيغتال شخصيتك ماف ..:) اجممممل حاجة الايام دي الرياض بردت .. تخريمة : امبارح واحد ضحكني ضحك قلت ارييت لو عزاز معانا ..قال لي ده شنو الكاتبو لي بت الناس ده !!!!!!! قلت ليهو خير ؟؟ قال لي شايفك كاااااتب ليك موضوع بتقول فيهو عزاز تتبربر من البووورة :D:D:D:D:D:D:D:D:D:D:D:D ضحكت وفي سري طنطنت وقلت ليهو والله انت ما عارف ساي البربرتهم عزاز :) |
قل للحنين و قلبو علي هو ذاك .. هو ذاك تهمة لا ننكرها و شرف لا ندعيه...
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: عمر عبد الله فضل المولى)
|
تبارك ... وما ليك علي حلفان، المدن لا يقاس شرفها بما نسج خيالنا، أو ما طرحته الشوارع لنا من فاكهة النساء ... ولكن، لكل مقام مقال دي هي القاعدة الشرعية في المنبر ... يعني بالله ما هو قولك فيمن حاججنا بأن ما اجتمع القوم عليه من الصباح كان مستساغا مزاحا و جدا إلا أن تأسن ماءه بحضور امرأتين و فجأة مين طفى النور و جا رمى لينا الدرر المكنون
Quote: يعني لو الواحد لقي ليه سودانيه لا أخلاق لها تمارس الرزيله في مكان ما يفترض جزافا أن كل نساء السودان كتلك المؤمس؟؟ |
يعني نوع ده تقول ليه شنو؟ وياهو فقه الضرورة تجيب ليهو عفيفات المدن في مقارنة مع ماجناتها، و المقياس مقياسهم وليس مقياسي ...فالمدن أعمارها و جمالها ووقارها عندي يُقاس بغير ما أظهرت نسائها أو أضمرت جخانينها ...
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: عزاز شامي)
|
العزيز / دينق -----------------------------------------------------
عارف ممكن ..... باريس أحتمال تجفف فيها ( - ) لكين هنا وارد جدا في ناس في البلد من تصرفاتهم بتعرف انهم ( مجّففين للغاية )
على اى حال يادينق الحته مربوطة بالشخص كشخص ما بالحيز الجغرافي الهو فيهوا في البعرف يتصرف ويخارج روحوا ... وفي البتلاقي دق الاربعينات ولسه قاعد مستني بت الحلال
مستني ماما تلقاها لي
حاجة تانية يادينق مرات رأسك يشطب لما تلاقي واحد متزوج وزوجتو معه وبعد ده تصرفاتو زي (المراهق ) ...خفة وشتارة
ديل الماقدرته أفهم مالهم ؟؟؟؟؟؟؟؟؟؟؟؟؟؟ يعني مشكلتهم شنو بالضبط
**
- احلى تعليق لزول الطيارة ده سمعتو قبل شوية وانا بتغدي ممكن يكون بمزّح معاها ( يعني احتمال بهزر ) ...
تحياتي
**
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: عزاز شامي)
|
ما واحد النوعية الجاية من اول لدنيا استراليا ولا نيوز لندا( ما يقومو يرفعو قضيةاشانة سمعة)..
عيونو حمرا شرارةوريحة الكحول مبالغةعاملة فايريشن.. جا قعد جنبنا اها ضحى كل مرة توسوسني ماما اذ هي اي مسلم؟ لخبط لها الدين الفي راسها كلو لما قلت ليها ما عارفة
بعداك اختفى وجا تاني شايل ليه كيس من السوق الحر المهم بس ركبناالطيارة الماشة السودان الراكب القدامنا لاحظ في موية من فوق بتكب فيه الساعة المضيفة تجي تمرق الكيس الما يغبانا.ويطلع الزول ماقفل القزازة كويس ي قومي كدي ياالشكلة دوري بين صاحب القزازة والادفقت فيه القزازة..الرجل لا ايدو لا كراعو ريحتو بقت خمرة ..
وصاحبنا داك قرب يقوليه انت المقعدك هنا شنو..
اسع يستحيل في مليون سنة تجي مرة سودانية تعمل حاجة ذي دي ودا السبب الاسع حنقرقر راسكم دا لامن تآمنو فاضحننا...يا رجال ..
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: عبد الناصر الخطيب)
|
تبارك شيخ الدين ( سخصيا ) بي جاي
ياخي ما تخش غلط قبيل وأحد قال كده والكلام ده ماحاصل
المضيفات الجويات زي النيرس مفروض يبتسموا ويعملوا للمسافر جو من الطمئنينة في الرحلة
ودي حاجات من صميم عملهم وبتلقوا تدريب عليها يعني مافي لا شخلعة لا كشيف
مشكلتنا ياتبارك أى تصرف بندي اكبر من حجموا
ودي في حد زاته مشكلة .........
---------------
د. بيان أزيك مامعاك في حته السفر بمحرمة للسودانيين
تحياتي
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: د.نجاة محمود)
|
تبادل الحوارات بطريقة جميلة يخلق نوع من التبادل المعرفى...
ما يعنينا هنا أكثر أن التصرف من شخص سودانى..وهذا تصرف غير لائق من سودانى او غيره مع بنت حواء..
وهذا تصرف حيوانى .إذا كان الشخص واعيآ او تحت تأثير الخمر..
فألأنثى لم تخلق فقط لمثل هذا..ولتلك النظرة البغيضة لمثل هذا التصرف ألأهوج..
ويجب علينا ان نتحاور بمنهجية ..حتى نبث وننثر الكلام المفيد لتوعية شعبنا بدل التهكم والمهاترات التى لاتفيد..
للسفر فوائد جمة..وفى نظرى كل شخص يسافر كثير يفهم كثير..
الراكب فى الطائرة له حقوق من الطاقم ..وقد مره بى موقف.. كاد ان يمنع مسافر مدى الحياة بركوب AA أميريكان أير لاينس وذلك بسبب الرائحةالكريهة التى تنبعث منه و التى إشتكى منها أحد الركاب الذى كان يجلس بجانبه..وكان الشخص المعنى راكب من أحد الدول ألأسيوية..كانت الرحلة داخل أمريكا بين شيكاغو ونيو يورك ]> تقديرى وإجترامى .......إسماعيل محمد أحمد عباس...
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: عزاز شامي)
|
Quote: وكانت المضيفة 'د.م' قد فوجئت أثناء عملها على الرحلة رقم 800 بالراكب السوداني (28 عاما) يحتضنها من الخلف وعندما حاول طاقم الطائرة الإمساك به قام بسبهم. |
إن كان قميصه قد من قبل فصدقت وهو من الكاذبين* وإن كان قميصه قد من دبر فكذبت وهو من الصادقين واشمعنى قابوا عمر الجدع وما قابوش عمر الست! لا للتمييز ضد الجنس! يجب فهم كلمة الجنس فى سياقها ولا داعى للأوف بوينت! جنى جنى
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: محمد عبدالله سيد احمد)
|
انا فى مطار الخرطوم ... شالوا "الواين" بتاعى .... قلت ليهم ادّونى إيصال بى إنو شلتوا منّى قزازة "واين" ...
قالوا لى ما عندنا إيصال ... لاكين لو داير ورقة رسمية ممكن نعمل ليك "بلاغ حيازة" ....
قلت ليهم الواين دا انا مشتريهو غانونى من Liquor Store وعندى الفاتورة .... يعنى ما "حيازة" غير مشروعة ....
فأنا هسى داير امشى السودان تانى ..... أعمل شنو؟
(د. نجاة محمود يمتنعون) (الخطيب، عزاز، المسلمى، الرجل المقلوب لا يمتنعون)
... المهم .....
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: ابو مهند)
|
السلام عليكم ...... نشرت جريدة الخليج الأماراتية في عددها الصادر يوم الخميس 4/06/2009 كالتالي: .........
Quote: أحالت سلطات مطار القاهرة الأربعاء راكبا عربيا بعد قيامه بالتحرش الجنسي بمضيفة الطائرة القادمة من باريس وسب أفراد طاقم الرحلة عند محاولتهم السيطرة عليه. وكانت المضيفة 'د.م' قد فوجئت أثناء عملها على الرحلة رقم 800 بالراكب (28 عاما) يحتضنها من الخلف وعندما حاول طاقم الطائرة الإمساك به قام بسبهم. وبعد هبوط الطائرة طلب قائدها رئيس الشرطة وأبلغه بما حدث فتم تحرير محضر للراكب وإحالته للنيابة ومنعه من مواصلة رحلته إلى دبي. |
.......... وتلاحظون سحبها لكلمة السوداني من الخبر .......
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: الزوول)
|
السلام على من إتبع الهدى... طبعاً كلكم حتقواى: عليكم السلام
دة خبركم مرة عاشرة:
Quote: أحالت سلطات مطار القاهرة الأربعاء راكبا عربيا بعد قيامه بالتحرش الجنسي بمضيفة الطائرة القادمة من باريس وسب أفراد طاقم الرحلة عند محاولتهم السيطرة عليه. وكانت المضيفة 'د.م' قد فوجئت أثناء عملها على الرحلة رقم 800 بالراكب السوداني (28 عاما) يحتضنها من الخلف وعندما حاول طاقم الطائرة الإمساك به قام بسبهم. وبعد هبوط الطائرة طلب قائدها رئيس الشرطة وأبلغه بما حدث فتم تحرير محضر للراكب وإحالته للنيابة ومنعه من مواصلة رحلته إلى دبي.
|
هسة المسكين دة لو كان مخمور ..كان قالوا ( راكب سودانى مخمور )
يعنى الأخ كان ( سوبر )
بس لساتو لابس النظارة الباريسية الوردية!!!
وفهموهوا غلط الجماعة...لأنة راجل بسيط
هسة فى بوست مفتوح لأخونا نابرى ياهو دة
Re: سفيان نابري ; بحبك وعزمك ـ لوممكن ـ قهوة ...
آى لوف يو آند إنفيت يو فور كوفى
كدى قول لى واحد ما عربى نفس الجملة دى وشوف رد الفعل...الموضوع ثقافات...وكدة
بعدين مضيفات الجن ديل..يمروا عليك فى ممر الطيارة ويتحكوا فيك
حكة الحمار فى الحيطة...يوم إشتكينا؟؟؟
كاااااااااااااامل تضامنى مع الشاب المظلوم وكان واحد عافوا محبوس وين يكلمنى سريييييع
راح أوصلو مع محامى سنين...وكدة
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: الزوول)
|
Quote: معا من أجل تقويم سلوك و اسلاك الرجل السوداني في الطيارات تقابضو .. في الموصلات كرهتو البنوت العيشة في المهاجر شارطين عينا .. |
غايتو بتاع الطياره دا شمت فينا خلق الله،،
اها دي فرصه ذهبيه لاي زول عندو راي في سلوكنا وأسلاكنا يجي يكبو لينا هنا .....
ذكروتنا أيام الخدمه الالزاميه وكده كان في تعلمجي عنيف جدا،، كنا لما واحد مننا يخالف التعليمات
بعمل لينا جزاء (نوع من العقاب) لكل الكتيبه .. ياجنابو أدرشو براهو يقول لالالالالالا
إندنا في الاسكريه الشر يعم والكير يخص.
___________________________________________________________________
الزول بتاع الطياره أريتو كان سوا شئ كان برد بطنا ساي
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: Siddig A. Omer)
|
والله انا حصلت معاي قصة حقيقية عجيبة ,,
وانا راجع من السودان للدوحة ..
سودانية معرفة معاها عدد اطفال وموصني عليها ..
قلت اساعد .. شلت منها شنطة هاند باق تقيله وطلعت بيها الطيارة ..
وكان نفسي اعرف المرة دي شايلة فيها شنو ..
وفي مطار الوصول وضعت الشنطة في مكنة الاكس ري ,,
وحرصت اعاين في الشاشة ..
انقرو ظهر شنو في الشاشة ..؟؟
مش حاتصدقو ..
راس خروف ,,,
بكامل لحمه وشحمه ,,,
| |
|
|
|
|
|
|
Re: سوداني يحتضن مضيفة في الطائرة القادمة من باريس وسب افراد الطاقم (Re: MOHAMMED ELSHEIKH)
|
دا بوست فى الصميم وموضوعه يحتاج إلى غسيل بفور ودلك ودكتوره نجاة وعزاز بنجضنو تب وهو من المسكوت عنه لاحياء ولكن وأشهد أن هذا البوست أعمق فائدة لما تطرق له من قضية إجتماعية هامه لحقيقتها التى يعايشها الكل فبعض الناس تتزاوج فى السلك دون رغبة أحد الأطراف وتشبعه بالحياء فهذه قضيه يجب التعامل معها ومحوها بالتثقيف والنقد الهادف والتربيه السليمه ففى الغرب يعلم الأطفال أن يترك مسافة بينه والآخرين وأن لا يتلامس جسديا مع أحد ومن يتعدى على ذلك فقد ظلم نفسه وربنا يثيبكم للإجتهاد
منصور
| |
|
|
|
|
|
|
| |