|
هل للرجال عدة ؟
|
العدة مشروعة للمرأة للتأكد من براءة رحمها إذا كانت مطلقة وللإحداد على زوجها إذا كان متوفى عنها ، والأيات كلها تتحدث عن عدة المرأة . {والمطلقات يتربصن بأنفسهن ثلاثة قروء} البقرة : 228 ، {يا أيها النبى إذا طلقتم النساء فطلقوهن لعدتهن} الطلاق :1 ، {واللائى يئسن من المحيض من نسائكم إن ارتبتم فعدتهن ثلاثة أشهر واللائى لم يحضن وأولات الأحمال أجلهن أن يضعن حملهن } الطلاق : 4 ، {والذين يتوفون منكم ويذرون أزواجا يتربصن بأنفسهن أربعة أشهر وعشرا} البقرة : 234 .
فالمرأة لا يجوز لها أن تتزوج غير زوجها إذا كانت فى العدة ، كما قال تعالى: {ولا تعزموا عقدة النكاح حتى يبلغ الكتاب أجله} البقرة : 235 . فإذا كان الطلاق رجعيا ولم تنته العدة جاز للرجل أن يعيدها إلى عصمته بالرجعة قولا أو فعلا . اما عدة الرجل - فيقال - تتمثل في كونه لا يجوز له أن يتزوج أخت المطلقة ولا عمتها ولا خالتها ما دامت زوجته المطلقة طلاقا رجعيا لم تنته عدتها ، لأنها فى حكم الزوجة ، وكذلك لو كان متزوجا بأربع نسوة ثم طلق إحداهن طلاقا رجعيا لا يجوز له أن يتزوج خامسة حتى تنتهى عدتها . فمنعه من الزواج فى هاتين الحالتين حتى تنتهى عدة المرأة ، يطلق عليه بعض الناس أن الرجل عليه عدة ، وليس كذلك ، إنما هو انتظار منه حتى تنتهى عدة المرأة .
فما هو رأيكم؟ هل تعتبر فترة حرمان الرجل في هذه الحالات عدة له ام للمرأة ؟
|
|
|
|
|
|
|
|
Re: هل للرجال عدة ؟ (Re: الطيب شيقوق)
|
عمنا ودشيقوق سلام من غير كع
يا سيدي:-
العدّة في الأساس شرعت للمراة المطلقة ، والمتوفي زوجها ، حيث ان عدة المطلقة ثلاثة ثلاث قروء ( ثلاث حيضات" أو ثلاث أشهر لمن إنقطع عنها الطمث لأي سبب ، وعدة الأرملة أربعة أشهر وعشرة أيام، وذلك لبراءة رحمها وحتى لا تخطلت الأنساب ، وحيث أن الرجل لا يحمل ولا يلد وليس له رحم .
ولكن أثار بعض فقهاء الشريعة ومشرعي القوانين مسألة عدة الرجل فيما يتعلق بــــ( الرجل المتزوج من أربعة وطلق الرابعة طلاق بائن بينونة صغرى هلى ينتظر إنتهاء عدة زوجته حتى يتزوج عليها ، حيث المعلوم من الدين أن الرجل يستطيع إرجاع زوجته المطلقة خلال مدة العدة دون عقد أو مهر " مرجوعة في مسماها" على قول كبارنا ) وبالتالي جرى الحديث عن إعتبار هذا الإنتظار عدة إن حدث.
وويوجد أراء لعدد من المذاهب أو قل فقهاء المذاهب منها : - فقهاء الحنفية والحنابلة: إنه لا يحل التزوج بالخامسة حتى تنقضي عدة الرابعة، ولو كان الطلاق بائنًا، لأن للعدة حكم النكاح القائم على وجه؛ إذ تجب فيها النفقة على المطلق ويثبت نسب الولد منه. - فقهاء الشافعية والمالكية: يحل لمن طلق زوجته الرابعة طلاقًا بائنا ولو واحدة أن يتزوج الخامسة قبل أن تنقضي عدة الرابعة لانقطاع النكاح بالطلاق البائن.
أما عن سؤالك عن الراي الشخصي ، فإننا نذهب إلى ما ذهبوا إليه الشافعية والمالكية ، خاصة وأن المراة المعتدة لا تستطيع الزواج من أي رجل ، إنما الرجل يستطيع الزواج من أي إمراة ، ماعدا المعتدة أو المحرمات حرمة مؤقتة أو مؤبدة ، والله تعالى أعلم .
مع التحية والسلام ولنا عودة
| |
|
|
|
|
|
|
Re: هل للرجال عدة ؟ (Re: سيف بخيت موسي)
|
اخي الاستاذ سيف بخيت
شكرا على هذه الاراء
عندما كنا ندرس في كلية الحقوق جامعة الخرطوم تقدم الينا الدكتور عبد الله دفع الله بسواله :
هل للرجل عدة مثلما هي للمرأة ؟
ولم يستطع احد الاجابة على السؤال . وقد كانت الاجابة ان للرجل حالتان يكون فيهما في العدة :
الاولي كما تفضلت حالة الاربعة وطلاق احداهن فلا يجوز زواجه للخامسة الا بعد ان تنقضي عدة المطلقة (الرابعة)
الحالة التانية فيما لو تزوج امرأة وطلقها وينوى الزواج من اختها فلا يجوز له ذلك الا بعد خروج المطلقة من عدتها.
وقد كنت متابعا برنامجا تلفزيونيا على القناة اليمنية وطرح نفس السؤال وكانت الاجابة عليه على النحو سالف الذكر وهي ان للرجل عدة .
خالص ودي
| |
|
|
|
|
|
|
Re: هل للرجال عدة ؟ (Re: الطيب شيقوق)
|
هو البيه ماعندو عدة ?
عليك الله دا سؤال تقابل بيهو ربونا?
ما شوفتا الجماعة بتاعين الكورة بيخطوا
ايدهم في العدة
اصلهم صراحة كدا خايفين على العدة
وبعدين انت راجل مستنكح ساكت عدة شنو
الهاماك بس عاوز تقنطر الكورة و تزح بعيد.
و ديلك يتاوقوا بالشبابيك .
كتا عاوز اكتل ليك الجوكر في يدك
بس اخوك كيشة في الكوشتينة
مالك علينا نحن برانا صوفتنا حمرا
عدتم او لم تعدوا سوف نعود
| |
|
|
|
|
|
|
Re: هل للرجال عدة ؟ (Re: فيصل محمد خليل)
|
عزيزى حيدر حسن ميرغني
مالك دافس كلامك جوة ايمين علا دقيتو فتاشة عشان لقيتو
لكن بالجد للرجال عدة شرعية يحرم عليهم الزواج خلالها وان اختلفت الاراء حول تسميتها
فيسل
ابقى بعيد ده فقه ما ليك بيهو ان شاء الله ما تعود تاني يا مسنوح
| |
|
|
|
|
|
|
Re: هل للرجال عدة ؟ (Re: فيصل محمد خليل)
|
عزيزى حيدر حسن ميرغني
مالك دافس كلامك جوة ايمين علا دقيتو فتاشة عشان لقيتو
لكن بالجد للرجال عدة شرعية يحرم عليهم الزواج خلالها وان اختلفت الاراء حول تسميتها
فيسل
ابقى بعيد ده فقه ما ليك بيهو ان شاء الله ما تعود تاني يا مسنوح
| |
|
|
|
|
|
|
Re: هل للرجال عدة ؟ (Re: الطيب شيقوق)
|
الطيب شكيتك على 114 سوره قول امين اخر شى داير تعمل ليناعده زى الحريم كدى النلاقيك 00 0 قال عده قال 0 يععددك المرضل ل000000000000 اهلك
| |
|
|
|
|
|
|
Re: هل للرجال عدة ؟ (Re: خالد المحرب)
|
عدة قطر بخار وعدة قندران قديم وعدة تيمس عمك الانت غرتو زماان فوق راسك ابقنبور دة ....ات خلضت النضم كلو وبقيت في عدة الرجال ... كملت الطلح وكبدة الجمل والودك وبقيت في العدة ..عدة التدشدش راسك ....
| |
|
|
|
|
|
|
Re: هل للرجال عدة ؟ (Re: abubakr)
|
ودشيقوق خليها حلوه شويه عشان ما يتعقد اصحاب العده نقول للمرأه عدة وللرجل انتظار
علا مالك الفتوي دي نقالها بضبانتها ؟ عدلها ياخ حوصت لينا عيونا
| |
|
|
|
|
|
|
Re: هل للرجال عدة ؟ (Re: خالد المحرب)
|
Quote: الطيب شكيتك على 114 سوره قول امين اخر شى داير تعمل ليناعده زى الحريم كدى النلاقيك 00 0 قال عده قال 0 يععددك المرضل ل000000000000 اهلك |
المحرب - الحرابة ال ..........................جع
| |
|
|
|
|
|
|
Re: هل للرجال عدة ؟ (Re: الطيب شيقوق)
|
تصدق ياالطيب دا كان واحد من الأسئلة في معاينتي للإلتحاق بالهيئة القضائية !!
"متى يعتد الرجل ؟!"
و لما كنت حافظ صم عدة المرأة !
Quote: العدة مشروعة للمرأة للتأكد من براءة رحمها إذا كانت مطلقة وللإحداد على زوجها إذا كان متوفى عنها ، والأيات كلها تتحدث عن
عدة المرأة .
{والمطلقات يتربصن بأنفسهن ثلاثة قروء} البقرة : 228 ، {يا أيها النبى إذا طلقتم النساء فطلقوهن لعدتهن} الطلاق :1 ، {واللائى يئسن
من المحيض من نسائكم إن ارتبتم فعدتهن ثلاثة أشهر واللائى لم يحضن وأولات الأحمال أجلهن أن يضعن حملهن } الطلاق : 4 ، {والذين يتوفون
منكم ويذرون أزواجا يتربصن بأنفسهن أربعة أشهر وعشرا} البقرة : 234 .
فالمرأة لا يجوز لها أن تتزوج غير زوجها إذا كانت فى العدة ، كما قال تعالى: {ولا تعزموا عقدة النكاح حتى يبلغ الكتاب أجله}
البقرة : 235 .
فإذا كان الطلاق رجعيا ولم تنته العدة جاز للرجل أن يعيدها إلى عصمته بالرجعة قولا أو فعلا . |
ولما لم أكن قد سمعت بعدة الرجل بعد ، قعدت أضحك في المعاينة !! سألوني بتضحك ليه ؟! قلت ليهم إتذكرت نكتة بلد
المليون شهيد !!
قالوا لي احكيها لينا! قلت ليهم في واحد في معاينة دايرين ياخدوه سألوه ما هي بلد المليون شهيد ؟! و المادايرين ياخدوه قالوا
ليه قول لينا أسماء و عناوين المليون شهيد واحد واحد !!
وبرضو أخدوني أول دفعتي !!
| |
|
|
|
|
|
|
Re: هل للرجال عدة ؟ (Re: محمد فضل الله المكى)
|
Quote: ( الليله صِحيت بدرييييييي غسَّلت العِده) |
والله انت احسن واحد .. بس طلب خاص ممكن تتنازل شوية-صدقة لوجه الله والغلابا الممكونيين بالعرريب السجمان دة- عن بعض الصحون الصيني وتكسرا فوق راس العرريب المفلطح دة ....
| |
|
|
|
|
|
|
Re: هل للرجال عدة ؟ (Re: الطيب شيقوق)
|
Quote: جاييكم الصباح يجيكم ال ................ زى ما قال ود المحرب المسنوح |
ياتو صباح ؟ صباح بالليل ؟؟.. مالواطة بقت الضهر وانت ناموسيتك بمبة ... قووووم قامت قيامتك
| |
|
|
|
|
|
|
Re: هل للرجال عدة ؟ (Re: abubakr)
|
كتب المسنوح محمد فضل الله المكي
Quote: ( الليله صِحيت بدرييييييي غسَّلت العِده) |
الظاهر ليلتك كانت حمراء
في واحدين بدون ما يغسلوا العده يشوكو البنطلون
و يطلعوا الشغل
مولاناعادل سمير توفيق قال
قول انت باآآآآ
| |
|
|
|
|
|
|
Re: هل للرجال عدة ؟ (Re: حيدر حسن ميرغني)
|
كتب قريبي العكليت حيدر سن ميرغني
Quote: شيقا ده ما عندو عدة يقضيها او يغسلها
عايز يكاوش من عدة المنبر |
لا لا لا يا حمام
دا شايل عدتو في كتفو و حايم و في رواية اخر هايم
| |
|
|
|
|
|
|
Re: هل للرجال عدة ؟ (Re: abubakr)
|
مولانا عادل سمير
Quote: تصدق ياالطيب دا كان واحد من الأسئلة في معاينتي للإلتحاق بالهيئة القضائية !!
"متى يعتد الرجل ؟!" |
ريحتني يا اخي اكان ما كلامك ده اكان بكري لحس البوست
الرطاني
حيد ود ميرغني
فيسل ود هليل
ود المحرب
نوفل
اقروا كلام مولانا عادل سمير الفوق ده عشان تعرفوا منهجية وعلمية وفقهية هذا البوست يا مسانيح الله يسنحكم
| |
|
|
|
|
|
|
Re: هل للرجال عدة ؟ (Re: الطيب شيقوق)
|
الملك
Quote: أطالب والح واصر على توصيل خدمات النت لأهالي البردانه |
ده برنامج بداهو لينا ود عمك المرحوم الزبير الملك علا ناس دومة ود حامد جوهو جارين عكاكيزهم
محمد فضل الله
غسل ساى ومحل رهيفة تنقد
ود الكامل
والله الشوق ليك بحور - بقيت ما تجيبك لينا علا الصواني
| |
|
|
|
|
|
|
Re: هل للرجال عدة ؟ (Re: abubakr)
|
يا ود شيقوق. ســــــــــــــــــــلام... انت في العنوان ده..ما كان تميز؟؟ هي..ياتو عدة.. عدة السباكة...؟؟ عدة البي حوشو منها الديك..(عدة المطبخ)؟؟ عدة الشغل؟؟ عدة العدة؟؟ عدة النجار؟؟ عدة الكهربجي؟؟ .. .. اها...العدة انواع!! يعني..يا دجانقو افرز؟؟؟ شان ما نجي متلبين ساي؟؟ و كمان شان الجندر و كده!! يعني كيف احنا الرجال ديل ما عندنا عدة؟؟
اها فتكم بي عافية...!! اصلو البوست ده فيه ريحة عدة!! سلام
| |
|
|
|
|
|
|
Re: هل للرجال عدة ؟ (Re: هواري نمر)
|
ود شيقوق سلام يا جافي
كنت فاكر انو بتتكلم عن العدة كبابي وصحانة وبراريد وكفتيرات
الجن بداوا كعبا الإندراوة
ود المحرب وفيصل ديل بجيبو ليك الهوا
تحياتي ما تحرمينا منك في الإنجمامة يا جافي
| |
|
|
|
|
|
|
Re: هل للرجال عدة ؟ (Re: خالد علي محجوب المنسي)
|
خالي الهواري ود النمر
كيفك انت
انت في العنوان ده..ما كان تميز؟؟ هي..ياتو عدة.. عدة السباكة...؟؟ عدة البي حوشو منها الديك..(عدة المطبخ)؟؟ عدة الشغل؟؟ عدة العدة؟؟ عدة النجار؟؟ عدة الكهربجي؟؟ .. .. اها...العدة انواع!! يعني..يا دجانقو افرز؟؟؟
ايمين ما تفوت يا خالي غيرك خرابة شان ما نجي متلبين ساي؟؟ و كمان شان الجندر و كده!! يعني كيف احنا الرجال ديل ما عندنا عدة؟؟
يا اخوانا ما تجرجروني وابعدوا من الاسئلة التجريمية الله يملأ خشومكم طين . الواحد اكان خت ليهو كليمة شرعية ساى تبحتوا فيها وتقلبوها جاى وجاى وما تعجبكم فيها علا ..............
Quote: اها فتكم بي عافية...!! اصلو البوست ده فيه ريحة عدة!! |
| |
|
|
|
|
|
|
Re: هل للرجال عدة ؟ (Re: خالد علي محجوب المنسي)
|
خالي الهواري ود النمر
كيفك انت
انت في العنوان ده..ما كان تميز؟؟ هي..ياتو عدة.. عدة السباكة...؟؟ عدة البي حوشو منها الديك..(عدة المطبخ)؟؟ عدة الشغل؟؟ عدة العدة؟؟ عدة النجار؟؟ عدة الكهربجي؟؟ .. .. اها...العدة انواع!! يعني..يا دجانقو افرز؟؟؟
ايمين ما تفوت يا خالي غيرك خرابة شان ما نجي متلبين ساي؟؟ و كمان شان الجندر و كده!! يعني كيف احنا الرجال ديل ما عندنا عدة؟؟
يا اخوانا ما تجرجروني وابعدوا من الاسئلة التجريمية الله يملأ خشومكم طين . الواحد اكان خت ليهو كليمة شرعية ساى تبحتوا فيها وتقلبوها جاى وجاى وما تعجبكم فيها علا ..............
Quote: اها فتكم بي عافية...!! اصلو البوست ده فيه ريحة عدة!! |
| |
|
|
|
|
|
|
Re: هل للرجال عدة ؟ (Re: الطيب شيقوق)
|
Quote: اقروا كلام مولانا عادل سمير الفوق ده عشان تعرفوا منهجية وعلمية وفقهية هذا البوست يا مسانيح الله يسنحكم |
الطيب أخوي الناس ديل قاصدينك عديييييل كدة !
مرة حكيت الموضوع دا لمولانا جلال علي لطفي - و كان رئيسا للقضاء - قال لي " كان تقول ليهم عندو عدة كبيرة " !!
إتخيل في المعاينة أقول كدة !!
| |
|
|
|
|
|
|
Re: هل للرجال عدة ؟ (Re: Adel Sameer Tawfiq)
|
مولانا عادل سمير
Quote: الطيب أخوي الناس ديل قاصدينك عديييييل كدة !
مرة حكيت الموضوع دا لمولانا جلال علي لطفي - و كان رئيسا للقضاء - قال لي " كان تقول ليهم عندو عدة كبيرة " !!
إتخيل في المعاينة أقول كدة !! |
الله يجازي محنك ومحن مولانا جلال - الله يرحمه - ضحكتني نامن وقعت من الهباب .
عليك الله يا مولانا شايف الجندر متحسس من البوست ده حاول وريهم الجانب الشرعي وغاياته النبيلة .
يبدو في ناس ما ما ناقشين تشكيلة كلمة (عدة) بقوموا بكسروا العين ويغطوا عيونهم استحاءا ويشتتوا
| |
|
|
|
|
|
|
Re: هل للرجال عدة ؟ (Re: الطيب شيقوق)
|
Quote: عليك الله يا مولانا شايف الجندر متحسس من البوست ده حاول وريهم الجانب الشرعي وغاياته النبيلة . |
الجن الكلكي .. ات ما عاجبنك احنا ؟؟ الحساسية التسلخ جلدك
| |
|
|
|
|
|
|
Re: هل للرجال عدة ؟ (Re: Adel Sameer Tawfiq)
|
Quote: يا اخوانا ما تجرجروني وابعدوا من الاسئلة التجريمية الله يملأ خشومكم طين . الواحد اكان خت ليهو كليمة شرعية ساى تبحتوا فيها وتقلبوها جاى وجاى وما تعجبكم فيها علا .............. |
علا.............. شان ناس البردانة...وخميسة... وشرق الله البارد..
اها ادي قعدة.... وتعال تم (عدتك)..معليش قصدي نضميك المجيه ده! بس الله يمرقك من الباشمهندس...
علا بالجد يا مولانا شيقوق كلام عدة الرجل ده...ليه ما بدرسوه لي الناس في مناهج التعليم!! لو سالت اي زول,من السؤال الفقهي و الشرعي و الله الا ..اكان يلوك خشيمو ساي..!! الله يديك العافية
| |
|
|
|
|
|
|
Re: هل للرجال عدة ؟ (Re: هواري نمر)
|
Quote: شان ناس البردانة...وخميسة... وشرق الله البارد.. |
والله يا خال انت عسل عديل اتاريك موغل في جغرافية شرق الله البارد
Quote: اها ادي قعدة.... وتعال تم (عدتك)..معليش قصدي نضميك المجيه ده! بس الله يمرقك من الباشمهندس... |
عليك الله هاشم مالك ببقى ليك شنو ؟
Quote: علا بالجد يا مولانا شيقوق كلام عدة الرجل ده...ليه ما بدرسوه لي الناس في مناهج التعليم!! لو سالت اي زول,من السؤال الفقهي و الشرعي و الله الا ..اكان يلوك خشيمو ساي..!! |
والله يا ود النمر ده اصعب سؤال لطلاب القانون وانا مرة متابع برنامج مسابقات طرح هذا السؤال ولم يجب عليه اى من الحضور الله يديك العافية
| |
|
|
|
|
|
|
Re: هل للرجال عدة ؟ (Re: هواري نمر)
|
Quote: شان ناس البردانة...وخميسة... وشرق الله البارد.. |
والله يا خال انت عسل عديل اتاريك موغل في جغرافية شرق الله البارد
Quote: اها ادي قعدة.... وتعال تم (عدتك)..معليش قصدي نضميك المجيه ده! بس الله يمرقك من الباشمهندس... |
عليك الله هاشم مالك ببقى ليك شنو ؟
Quote: علا بالجد يا مولانا شيقوق كلام عدة الرجل ده...ليه ما بدرسوه لي الناس في مناهج التعليم!! لو سالت اي زول,من السؤال الفقهي و الشرعي و الله الا ..اكان يلوك خشيمو ساي..!! |
والله يا ود النمر ده اصعب سؤال لطلاب القانون وانا مرة متابع برنامج مسابقات طرح هذا السؤال ولم يجب عليه اى من الحضور الله يديك العافية
| |
|
|
|
|
|
|
Re: هل للرجال عدة ؟ (Re: الطيب شيقوق)
|
سلام يا سعادة المستشار
أصحابك ديل ما مريحينك ود سيد أحمد وود المحرب والعرب العاربة
بس يا ود شيقوق الليلك ذاته عجيب,
فكيت كوندي ومسلسل دوما وبت الهنا, مسكت لينا في العدة وهي ما يحتمل التفسير ظاهرا وباطناً
أنا بس بقول ماله ودشيقوق دا خلى الاسواق المالية وبقى الايام دي فوق أمور زاج يزوج ÷÷÷÷÷÷÷
ياخوي الراجل ما ليهو أي عدة, والفقهاء البفكروا في عدة راجل مياخد اربعة وبكوس في الخامسة ديل قليلين شغلة,
هو الناس ويحيدي ما لاقينها ....
وكتير ناس ويحيدي ما لاقين ينفكوا منها .............
كدي فتاويهم دي خللها وبس أدينا نمة في همبريب بكري دا
أحمد الشايقي
| |
|
|
|
|
|
|
Re: هل للرجال عدة ؟ (Re: هواري نمر)
|
Quote: علا بالجد كلام عدة الرجل ده...ليه ما بدرسوه لي الناس في مناهج التعليم!!
لو سالت اي زول,من السؤال الفقهي و الشرعي و الله الا ..اكان يلوك خشيمو ساي..!! |
الأخ هواري نمر
ما حصل سالت زول كبير والا صغير عرف يجاوب السؤال دا..
أنا زاتي كنت قايل ناس لجنة المعاينة بيهظروا معاي و ما دايرين ياخدوني عشان كدة قعدت أضحك ، قلت اصلو بايظة أخير أضحك !!
طلع الموضوع جد و علمي و شرعي !!
و طلعت أول المعاينة !! قالوا لي اديناك النمرة الكاملة في السؤال دا عشان إجابتك دي ! بيقصدوا النكتة أكييييد !!
| |
|
|
|
|
|
|
Re: هل للرجال عدة ؟ (Re: abubakr)
|
Quote: ما حصل سالت زول كبير والا صغير عرف يجاوب السؤال دا.. |
مولانا عادل.. انت عارف..من اكبر المشاكل عندنا,عدم العرفة القانوية و الشرعية, ولازم مراعاة تدريس القوانين و التشريعات في المدارس و الجامعات وحتي كمان تكون في توعية و تثفيف قانوني! عشان الناس تعرف حقها ومستحقها.. واجباتها وحقوقها... وامور دينها..
لك عاطرالتحية.. علي ما اعتقد المرحوم مولانا\جلال علي لطفي..له صلة قرابة باسرة المرحوم الحاج\حماد توفيق...في سنجة هل لك صلة بهذه الاسرة الكريمة,ام تشابه اسماء
| |
|
|
|
|
|
|
Re: هل للرجال عدة ؟ (Re: هواري نمر)
|
الأخ هواري نمر
لك التقدير الشديد..
Quote: علي ما اعتقد المرحوم مولانا جلال علي لطفي .. له صلة قرابة باسرة المرحوم الحاج حماد توفيق...في سنجة |
ما عندي فكرة و الله ..
Quote: هل لك صلة بهذه الاسرة الكريمة ، ام تشابه اسماء |
لا .. مجرد تشابه اسماء فقط !
| |
|
|
|
|
|
|
Re: هل للرجال عدة ؟ (Re: Adel Sameer Tawfiq)
|
Quote: والله يا خال انت عسل عديل اتاريك موغل في جغرافية شرق الله البارد
عليك الله هاشم مالك ببقى ليك شنو ؟ |
اها...يا سعادة المستشار.. انت نسيت انا من سنجة و لا شنو؟؟؟ و شان قلته للباشمهندس..انا قريبو.. ايوه .احنا دناقلة..من ارقو اصلا .لكن!! اتولدنا في سنجة .. وحتي دكان جدي في السوق ..قدامه(سجارة البرنجي)..و انت ماشي علي المشرع..قبل ما تحصل باتا و السينما, اسال اي زول من ناس الدندر قول ليهم..(دكان ودنمر)... ات عارف كانو زمان بغنو ليه...ههههههههههههههه اي شيلة لي عريس في اغلب مدن الصعيد و حتي الدندر كانت مارقة من هناك....
يعدين يا مسنوح....(خال)..خلاص كبرتني و لحقتني أمات طه!! هههههههههههه لسه احنا شباب.... وأسال عبد العزيز عيسي...احنا موالبد العكسر.. اتولدنا في زمن ابوعاج...وقمنا كدة لقينا..البشير ناطي في الدبابة.. واها.. بجيك تاني.. شان ما نكمل الونسة..........
الا هاشم مالك ..قرابة الصعيد بس!!
| |
|
|
|
|
|
|
Re: هل للرجال عدة ؟ (Re: هواري نمر)
|
Quote: كملت الطلح وكبدة الجمل والودك وبقيت في العدة ..عدة التدشدش راسك .... |
شيقا الحديد
حالك يحنن ياخوي.. الله معاك..
Quote: يعدين يا مسنوح....(خال)..خلاص كبرتني و لحقتني أمات طه!! هههههههههههه لسه احنا شباب.... وأسال عبد العزيز عيسي...احنا موالبد العكسر.. اتولدنا في زمن ابوعاج...وقمنا كدة لقينا..البشير ناطي في الدبابة..
|
ازيك يا خالو
وينك؟ ليك زمان!!
قلت لي اتولدت في زمن ابوعاج!!!
في شمارات تقول ان بعض بيانات الإنتفاضة قد اشتركت في صياغتها...
سؤال فني لود شيقوق:
كم من الزمن يحتاجه الرطاني في تعلم العربية؟ (بدون الإتقان)
تحياتي عبدالعزيز
| |
|
|
|
|
|
|
Re: هل للرجال عدة ؟ (Re: Abdlaziz Eisa)
|
استراحة
***************** في واحد مجنن أبو داؤود كل ما يشوفو في حفلة أو قعدة يقول ليهو يا أبو داؤود عليك الله زهرة الروض .. الأغنية دي بترجعني !!! عشرين سنة لي ورا أبو داؤود زهج من الزول ده يوم قال ليهو ياخي زهجتني ، أسمع إنت عمرك كم سنة ؟؟ أخونا قال أربعين سنة أبوداؤود قال ليهو خلاص أنا بغنيها ليك مرتين !!! عشان ترجع في بطن أمك ونرتاح منك ياخي
| |
|
|
|
|
|
|
Re: هل للرجال عدة ؟ (Re: فيصل محمد خليل)
|
الشايقي - وحيدي - حلوة والله وكسرييييييييي
فيصل
سمير
هواري
الرطاني
عزو
الحكاية الشنو الواحد اكان معزوم ساى ومشى ياكل يجي القاكم تارسين البوست وحاة النبي ما بقدر ارد عليكم كلكم
بس المعلومة المؤكدة عندى هي علاقة حماد توفيق بلال على لطفي وايضا الحاجة عزيزة حماد في السوكي لاني التقيتهم جميعا في منزل حماد توفيق في سنجة .
افو افو دكان ود نمر انا ما بعرفو؟ انا تدربت فترة في مكتب بشارة مريمي سنجة وكنت دائما بقدل على دكانكم ده . بس ما
| |
|
|
|
|
|
|
Re: هل للرجال عدة ؟ (Re: الطيب شيقوق)
|
ات كل مرة تمشي تشرب شاي "كرك" مع ناطور البناية الملباري في اوطتو تجي تقول انك كنت معزوم ...ما في زولا قال في كل مسقط ونواحيها انو عزمك لانك بتصروط الواطة وتلحس اصابعينك وتتكرع وتوسخ جلابيتك وبتاكل الحلو اول وبتعمل حاجات عجيبة ياااخ ...
| |
|
|
|
|
|
|
Re: هل للرجال عدة ؟ (Re: abubakr)
|
Quote: العرسان دييل كسرو العدة (توجد صور .. الحق ياعرريب ) : |
انت مصيبة هسع دى لقطها من ويييييييييييييييين
عزو
خليهو الرطاني - شنو رايك في الشايقي البقول وحيدييييي وكسري وعصيدييييييي وعيييييك
| |
|
|
|
|
|
|
Re: هل للرجال عدة ؟ (Re: عماد الشبلي)
|
انت يا المسنوح لسع ما علموك كيف تسجل الارقام في الهاتف أمش لي حيدر امين يوريك تكنولوجيا الهاتف
ما اديتك لي المرة الفاتت
الخميس الجاي بإذن الله ممكن أمشي لودالقرشي أحمد
المهم ياسيدي تلفوني
00971501546277
وزيدها صفرين
هيييييييييييييييييييع ومحل رهيفةالتنقد
| |
|
|
|
|
|
|
Re: هل للرجال عدة ؟ (Re: الطيب شيقوق)
|
Quote: الخميس الجاي بإذن الله ممكن أمشي لودالقرشي أحمد |
طيب انت يا سجم قايل نحن كم من ود القرشي - ود القرشي المسنوح اصلا يوم الخميس بجينا وبرجع الجمعة تعال معاهو وارجع
| |
|
|
|
|
|
|
Re: هل للرجال عدة ؟ (Re: الطيب شيقوق)
|
Quote: الخميس الجاي بإذن الله ممكن أمشي لودالقرشي أحمد |
طيب انت يا سجم قايل نحن كم من ود القرشي - ود القرشي المسنوح اصلا يوم الخميس بجينا وبرجع الجمعة تعال معاهو وارجع
| |
|
|
|
|
|
|
Re: هل للرجال عدة ؟ (Re: الطيب شيقوق)
|
. .
أستاذنا الطيب
موضوعك ذكرني سؤال :
هل للرجل لبن؟
وما معنى عبارة لبن الرجل أو لبن الفحل التي وردت في كتب الفقه؟
وكثير من الناس قد يستنكر هذه العبارة مع انها تعني خلاف مايتبادر إلى أذهان العامة.
Quote: وهو في لغة الشريعة يراد به،(لبن الرجل) وصورته : الرجل يكون له امرأة، تنجب منه ولداً ولها لبن.فهذا اللبن هو لبن الرجل وهو المسمى في لغة الشريعة (لبن الفحل) ونسبة هذا اللبن إليه، كونه سببا فيه. وهذ اللبن إذا أرضعت به المرأة بنتاً، تحرم البنت على زوجها وإخوته، لأنه صار أبا لها وصاروا هم أعماما لها. |
(...)
تحياتي وتقديري . .
| |
|
|
|
|
|
|
Re: هل للرجال عدة ؟ (Re: ALazhary2)
|
Quote: طيب انت يا سجم قايل نحن كم من ود القرشي - ود القرشي المسنوح اصلا يوم الخميس بجينا وبرجع الجمعة تعال معاهو وارجع |
هههههههههههههههههههه والله ما مشتاق ليك
وأخير ما أشوفك
أشوف النبي
والله مشتاق أقابلك يا مسنوح
تحياتي
| |
|
|
|
|
|
|
Re: هل للرجال عدة ؟ (Re: ALazhary2)
|
اخي الازهري
Quote: هل للرجل لبن ؟
كثير من الناس قد يستنكر هذه العبارة مع انها تعني خلاف مايتبادر إلى أذهان العامة.لبن؟
وما معنى عبارة لبن الرجل أو لبن الفحل التي وردت في كتب الفقه؟ |
الله يخليك عشان كدا في ناس فارغين قاموا طوالي هبروا بالتفسير لاتجاهات اخرى
اهو مثالك خير دليل على سلامة الاستفسار وفساد الظن
| |
|
|
|
|
|
|
Re: هل للرجال عدة ؟ (Re: فيصل محمد خليل)
|
Quote: يا اخوانا ما تجرجروني وابعدوا من الاسئلة التجريمية الله يملأ خشومكم طين . الواحد اكان خت ليهو كليمة شرعية ساى تبحتوا فيها وتقلبوها جاى وجاى وما تعجبكم فيها علا .............. |
انت وقت الحرارة مقطوعة مالك ومال العدة ...جايب سيرتها ليه ؟؟
| |
|
|
|
|
|
|
Re: هل للرجال عدة ؟ (Re: فيصل محمد خليل)
|
عمو كمال
Quote: يا شيقااااا ٍسلامات مشيت ليك فى بنى شنقول ومالقيتك قالو غيرت من بيع الطلح وبقيت تبيع فى العدة ...فعليك اللة بيع لى عمك دة محول جديد ...ينوبك ثواب....هييييع عد |
الله يغطسك يا عمو منو القال ليك دى بضائع معروضة للبيع - منو الغشاك وقال ليك للبيع وكمان في تنزيلات؟
| |
|
|
|
|
|
|
Re: هل للرجال عدة ؟ (Re: الطيب شيقوق)
|
Quote: انت وقت الحرارة مقطوعة مالك ومال العدة ...جايب سيرتها ليه ؟؟ |
ما قاصد يا عمو وقلتها بحسن نية علا انتو مسانيح بتاعين سؤ نيااااااات
ههههههههههههههههههههههههههههههههههههههههههها
| |
|
|
|
|
|
|
Re: هل للرجال عدة ؟ (Re: فيصل محمد خليل)
|
Quote: ما قاصد يا عمو وقلتها بحسن نية علا انتو مسانيح بتاعين سؤ نيااااااات |
وعدة من ماركات سوني (كما قال قريبي) وسانيو وسونيا وسني ...قال عييييك قال ......
| |
|
|
|
|
|
|
Re: هل للرجال عدة ؟ (Re: abubakr)
|
يا ود شيقوق سلام
أولا حبيت اسلم عليك لأني لي زمن ما تداخلت معكم وده كلوا كان ناتج لعدم مقدرتي للدلوف على البورد .
ثانياً بما أننا رطانة وضليعين في المسائل الفقهية وبعد التوكل على الحي الذي لا يموت ، اقول لكم
الحالة الأولى
(( تنتهي عدة الرجل بمراسيم دفن زوجته ( لا قدر الله اللهم يحفظ حرمونا ، وكلامي ده لو وصلهن الله قال بي قولكم))
الحالة الأولى
(( تنتهي عدة الرجل بمراسيم تسليم ورقة الطلاق ( لا قدر الله اللهم يحفظ حرمونا ، وكلامي ده لو وصلهن الله قال بي قولكم))
أي المعنى : أقرب الأجلين الموت أو الطلاق ..... واقرب الأجلين في مصطلح المغتربين هو (( الموت أو الخروج النهائي))
والله أعلم ومن قال الله أعلم فقد أفتى
| |
|
|
|
|
|
|
Re: هل للرجال عدة ؟ (Re: ولياب)
|
اها العرريب يا بتاع العدة جااك بن عمي ولياب مفتي ال ولياب يورييك العدة كيف ووين .. انت ما رحت ACE Hardware قبل كدة .. خلاص روح وشوفلك عدة ...( ما عندكم فرع في عمان تعال دبي عندنا فرووع كتيرة)
| |
|
|
|
|
|
|
Re: هل للرجال عدة ؟ (Re: abubakr)
|
قريبي بكري شوف ليك فرع ماكن كدا
و زعمط ورقو ولو جاك المسنوح دا
هناك سوكو لحد البردانة
شوفتا فلقصة الرطاني ولياب
قال ادلف قال
| |
|
|
|
|
|
|
Re: هل للرجال عدة ؟ (Re: فيصل محمد خليل)
|
Quote: شوفتا فلقصة الرطاني ولياب
قال ادلف قال |
يااخي دي مفتي بتاعنا ال ولياب .. انتو المجراب لا كان عندكم جامع ولا مفتي ...
حاشية: زماااانك في حلفا كان في مساعد طبي برضو من اندنا صعب جدا .. وبردو كان اندنا واحد بينضم نضم العرريب كتير و يوم مرض وجاتو رجيفبة شديدة وديناهو المستشفي ودخلنا علي المساعد الطبي .. قالو " مالك اير منك كوني .. من ايكا اوديكا "" صاحبنا قال ليهو " عندي قعشريرة " وداك ما صدق " غشريرة منا .؟. كت انتون دفي " وطردنا كلنا ....
| |
|
|
|
|
|
|
Re: هل للرجال عدة ؟ (Re: abubakr)
|
Quote: قالو " مالك اير منك كوني .. من ايكا اوديكا "" صاحبنا قال ليهو " عندي قعشريرة " وداك ما صدق " غشريرة منا .؟. كت انتون دفي " وطردنا كلنا .... |
والله ياباشمهندس أنا مت من الضحك !!
طبعاً صحبك العرريب مسطح ، وعشان ينوبك وينوبي ثواب نقوم نعمل ليهو ترجمة فورية
إير منك كوني : أنت عندك شنو والمقصود هنا ( الأعراض المصاحبة للمرض)
إيكا اوديكا : ما ذاك يؤلمك
كت إنتون دفي : عبارة للطرد ( مش الطرد حق DHL أو فيدكس) أمشي من هنا( أو كما تقول الأعراب يا خي قوم طير)
الأستاذ الطيب
خلينا نديك كم كورس كده
عزيزي فيصل
مسكاقنا
طبعاً كنت أقصد أن أثير تعليق ود شيقوق لمن ذكرت كلمة ( أدلف)
لكن بوظتا علينا الشغلة، طبعاً رطاني فتن ، طبعاً ولياب الكبير مازال في القاهرة ونتمنى له سلامة العودة
| |
|
|
|
|
|
|
Re: هل للرجال عدة ؟ (Re: ولياب)
|
ولياااااااااااااااااااااااب
كيييييييييييييييفك
حباب The updated ratani and the latest version of RATANA
يقال هذا الجيل لا يحمل اى ميكروب
جاييييييييييييكم مشغول
| |
|
|
|
|
|
|
Re: هل للرجال عدة ؟ (Re: الطيب شيقوق)
|
Quote: حباب The updated ratani and the latest version of RATANA |
يا زول ها ولياب دا version 5
وانا version 10
ال version بتاعو من زمن ال DOS
| |
|
|
|
|
|
|
Re: هل للرجال عدة ؟ (Re: فيصل محمد خليل)
|
Quote: لكن بوظتا علينا الشغلة، طبعاً رطاني فتن ، طبعاً ولياب الكبير مازال في القاهرة ونتمنى له سلامة العودة |
لا حول ولا قوة إلا بالله ، تخيلوا أنا قاصد ( رطاني فطن)
| |
|
|
|
|
|
|
Re: هل للرجال عدة ؟ (Re: الطيب شيقوق)
|
Quote: لا حول ولا قوة إلا بالله ، تخيلوا أنا قاصد ( رطاني فطن) |
ما مشكلة انت تقول البعجبك
هو نحن استحملنا العررريب
وكلو عند البرابرة صابون
| |
|
|
|
|
|
|
Re: هل للرجال عدة ؟ (Re: الطيب شيقوق)
|
Quote: عييييييييييييك الرطانة اتلموا في العدة زى تلنق - ليكم حق لانها من لوازم المهن النوبية . |
نحن بناكل كويس ونطبخ بشان كدة عندنا عدة اها المشكلة فيكم العرريب تجغمسو ساااي ...
| |
|
|
|
|
|
|
Re: هل للرجال عدة ؟ (Re: فيصل محمد خليل)
|
ود ابو القاسم
Quote: إت محنك دى ما بتخليها... مش لو عملت لينا حصة دين. |
الله اداك نعمة التفقه في الدين لكن ما عايز تنفع بيها العباد زى شيقا نعمل ليك شنو
| |
|
|
|
|
|
|
Re: هل للرجال عدة ؟ (Re: الطيب شيقوق)
|
عمو كمال
Quote: واحد أتصل على زوجته ... وقال لها سخنى الموية بسرعة أنا جاى على الطريق ....
زميلو قاعد معاهو سمع المكالمة ... قال ليهو ماشاء الله الظاهر شخصيتك قوية فى البيت ...
رد عليهو الزوج .. عاوزانى أغسل ليها العدة بدون موية سخنة .. ! |
يجازى محنك يا مسنوح تكون قطعتها من راسك - ده السبب المخليك تبرطع سااااااااااى لا تورق خدرة ولا غسيل عدة - يعني شنو انت عارف يا عمو؟ يعني زول take wawy ساااااااااااى .
| |
|
|
|
|
|
|
Re: هل للرجال عدة ؟ (Re: الطيب شيقوق)
|
Quote: حاسبوا البوست للفتاوى الشرعية مش للتيك اويتات يا وليدات |
يربطوك في مشرع كلو تماسيح ... ات بعدما خليت الاوراق المالية تعتت اتحولت الي مستشار شريعة ؟؟
| |
|
|
|
|
|
|
Re: هل للرجال عدة ؟ (Re: abubakr)
|
Quote: ات بعدما خليت الاوراق المالية تعتت اتحولت الي مستشار شريعة ؟؟ |
بس خايف تختلط الانساب والاحساب عشان كدا يا عمو
لقيتني كيف؟
| |
|
|
|
|
|
|
Re: هل للرجال عدة ؟ (Re: abubakr)
|
Quote: خليهو الرطاني - شنو رايك في الشايقي البقول وحيدييييي وكسري وعصيدييييييي وعيييييك |
يا شيقا
عندي الساعة 2.45 صباحا وما زال الضحك متواصل
خليهو يمشي اب يي..
انت مزرود شديد جدا..
وقعتك سودة ما بين عمو كيمو والرطاني..
المديدة حرقتني!!!
| |
|
|
|
|
|
|
|