|
|
 هل نحن شعب لا يستحق ؟؟؟ أم لم يُعطي حقوقه؟؟؟ (يوجد وجع)
|
(1)
لماذا نحن هكذا؟؟؟؟؟
كان الاسقلال قبل الكثير من الدول ومازلنا لانستطيع ممارسة ماهو دمقراطي!!!!!!!
دمقراطيه أولي وتانيه وتالته والنتيجه لم ينجح أحد!!!!
حكم عسكري أول وحكم عسكري تاني وحكم عسكري تالت والمحصله لم يقتنع أحد!!!!
ناس مشروع الجزيره زعلانيييين!!
المناصير يعملو ليهم خزان عشان تنميه المنطقه غير موافقين!!
كبري في حلة سقط لقط دايرين تعويضات في وين وين؟؟!!!!
شارع أسفلت عشان تسهيل الحركه اللجان الشعبيه ماعارف قالوا دايريين!!!
حاجه تحير تخليك تسأل السودان دا هو حق منو ؟؟؟؟؟
وليه الاحساس بالوطنيه بقي مجلي الي هذه الدرجه؟؟؟؟
نواصل......
|
|
 
|
|
|
|
|
|
|
|
Re: هل نحن شعب لا يستحق ؟؟؟ أم لم يُعطي حقوقه؟؟؟ (يوجد وجع) (Re: السيد المسلمي)
|
مواصله
طبعا نحن في مجال كرة القدم برضو كنا من المؤسسين!!
لكن الغريبه لسه بنتعلم في أساسيات الكوره!!
شداد يشد فيها لي تلاتين سنه وهي واقفه دوتْ !!
الطيب عبدالله عرس زي الناس ماعرس عشان الهلال وبرضوا مافي حاجه!!
ياخ المريخ شايل ليهو كاس قبل كم وعشرين سنه ولسه مهرجانات الاحتفال شغاله!!
صلاح إدريس يدفع في ملايين الدولارات ولو الفريق درن بس الجماهير تهتف ضدو!!
المنتخب القومي ّّّ!!!
هو يعني شنوالمصطلح الفوق دا ؟؟!!
| |
|
|
|
|
|
|
|
|
|
Re: هل نحن شعب لا يستحق ؟؟؟ أم لم يُعطي حقوقه؟؟؟ (يوجد وجع) (Re: احمد محمد بشير)
|
احمد بشير مراحب
Quote: انتا الحاجات القولتها فوق دي كلها الناس عارفنها
ومافي زول ما عرف الوجع الانتا بتتناول فيهوا دا........ |
طيب دي المشكله إنكم عارفين إنتو وين ومنفوخين في الفاضي ساي!!
| Quote: يعني كيدا انت بتزيد في الوجع لانك بتذكر فينا. |
صدقني في ناس عاشين علي الوهم القديم ا !!!
Quote: يالا ورينا همتك كيدا وولرينا نظرتك المستقبلية والحلول
من هذة الألام |
.
لو أستمرينا بهذا الوضع أكيد اي زول ح يشيل أمتارو من البلد ويبعه أو يتصدق بيها!!
______________________________________________________________________________________
لك من الود اكثره
| |
|
|
|
|
|
|
|
|
|
Re: هل نحن شعب لا يستحق ؟؟؟ أم لم يُعطي حقوقه؟؟؟ (يوجد وجع) (Re: السيد المسلمي)
|
عندنا محمدوردي وودالامين وعثمان حسين وأيراهيم عوض و........
العالم الخارجي لايعرف سوي الفنان الراحل سيدخليفه!!!
يعني إلا يغنوا كلهم البامبو السوداني!!؟؟
والفنانين الكبار ديل كلهم ماقدرو ينشروا الموسيقي السودانيه!!!
العرب والعجم لسه ماوصلوا الي درجة الذوق ليستمعوا الي موسيقانا!!!!
نحن كفايا علينا يغنو لينا في المسرح القومي أو قاعة الصداقه!!
والغريبه يقولو ليك نحن شعب رائد !!!!!!!!
| |
|
|
|
|
|
|
|
|
|
Re: هل نحن شعب لا يستحق ؟؟؟ أم لم يُعطي حقوقه؟؟؟ (يوجد وجع) (Re: السيد المسلمي)
|
الطيب صالح لو ماهاجر بره البلد دي مافي زول كان جاب ليه خبر!!
ياخ قرن شطه لو كان معانا كان بقي فلفليه!!!
الرشيد بدوي عبيد شارك مره واحده في كاس العالم سنه 94 تاني وين لي يوم الليله!!!!
عبدالله الطيب لو عاش في بلد تانيه كان بقي أُسطوره ويعملو ليه تمثال في اكبر ميدان!!
أمريكا ضربت مصنع الشفاء سنه98 لسه ماعارفين بي طيارات ولاصواريخ!!
تاني مايجي زول يقول أقيف في الداره ووسط الداره ومعارف آيه كده؟؟!!!
حقو نناقش القصه دي!!
المشكله هي شنو ومن شنو؟؟
يعني نحن أصلا دي قسمتنا ؟؟
أم أن الرب هو الذي جعلنا هكذا؟؟
وماهو الحل؟؟؟؟
هل نمزق جنسيتنا السودانيه و نلتجي بأُخري ؟؟
وهل مصيبتنا في سودانيتنا؟؟
غايتو أنا زيتي طلع
| |
|
|
|
|
|
|
|
|
|
Re: هل نحن شعب لا يستحق ؟؟؟ أم لم يُعطي حقوقه؟؟؟ (يوجد وجع) (Re: السيد المسلمي)
|
| Quote: ناس مشروع الجزيره زعلانيييين!!...... |
(1)
السيد المسلمي ازيك
ناس الجزيرة بتعرف ليه زعلانييييين كدة ؟؟؟
عشان مشروعهم من جاء حكومة الانقاذ عطلوا
وهسع عايزين يبيعوها للخليجين والحكومة تكب القروش فى جيبها
هسع انت لو عندك حواشة فى الجزيرة وعملوا فيك كدة وما عندك غيرها عشان تاكل عشيك ما بتزعل
Quote: المناصير يعملو ليهم خزان عشان تنميه المنطقه غير موافقين!!
!!...... |
(2)
المناصير دى حكاية تانية
اى سد بتعمل فى اى دولة بيكون عشان ثلاثة اهداف
1- تنموى
2- درء للكوارث
3 - الاثنين معا
1- تنموى عشان مثلا يولد الكهرباء والمنطقة المحيطة يكون فيها مشاريع لتنمية المنطقة مثلا مصانع صغيرة للزيوت عشان تبعا لذلك ناس المزارع يستفيدوا ويزرعوا محاصيل تدخل فى تصنيع الزيوت وطبعا لازم السد يزقى تلك المشاريع
الحصل للمناصير انه السد ما معمول لاى شئ من الحاجات دى بل ان الامر الافظع فى الاتفاقية ان لا يتم ري المزارع من هذا السد رغم انها غمرت اراضيهم ومواشيهم فقدت مصادر الكلاء
فهل هذا شئ لا يغضب برائك حتى ولو لم تكن متضررا
3- درء للكوارث دى معروفة طبعا
Quote: كبري في حلة سقط لقط دايرين تعويضات في وين وين؟؟!!!!
شارع أسفلت عشان تسهيل الحركه اللجان الشعبيه ماعارف قالوا دايريين!!!
!!...... |
طالما ان الانسان تضرر من عمل شئ عام فلابد ان يعوض نتيجة لفقده ممتلكاته الخاصة جراء العمل العام
Quote: حاجه تحير تخليك تسأل السودان دا هو حق منو ؟؟؟؟؟
!!...... |
السودان حقنا كلنا
بس ما بترضي اخوك ياكل الميراث براهو ويقول ليك اصبر شوية وكمان يحمر ليك
لو خليتو
انت واحد من اثنين
يا خواف وما راجل
او دى ما ابوك وبالتالى ليس لك حق
| Quote: وليه الاحساس بالوطنيه بقي مجلي الي هذه الدرجه؟؟؟؟!!...... |
الوطنية لا تعني القبول بالظلم حتى من اقرب الاقربين
| |
|
|
|
|
|
|
|
|
|
Re: هل نحن شعب لا يستحق ؟؟؟ أم لم يُعطي حقوقه؟؟؟ (يوجد وجع) (Re: دوت مجاك)
|
مرحب بيك يامجاك ياحبيب
| Quote: وهسع عايزين يبيعوها للخليجين والحكومة تكب القروش فى جيبها |
بي نفس المنطق ممكن أقول ليك المصلحه العامه تقتضي بيع المشروع عشان كذا وكذا وكذا!!
Quote: السودان حقنا كلنا
بس ما بترضي اخوك ياكل الميراث براهو ويقول ليك اصبر شوية وكمان يحمر ليك
لو خليتو
انت واحد من اثنين
يا خواف وما راجل
او دى ما ابوك وبالتالى ليس لك حق |
ياخي ليه مايكون عندنا قبول للأخر؟؟
وليه نسميه خوف ممكن نسميه العفو عند المقدره ،،
| Quote: الوطنية لا تعني القبول بالظلم حتى من اقرب الاقربين |
نحن الوطنيه أتمسحت من قاموسنا زمااااان بقينا نقاتل من أجل الظلم !!!!!
| |
|
|
|
|
|
|
|
|
|
Re: هل نحن شعب لا يستحق ؟؟؟ أم لم يُعطي حقوقه؟؟؟ (يوجد وجع) (Re: haroon diyab)
|
الحبيب هارون
Quote: والله نستحق ....ونستحق كل جميل
ولكن كيف لنا ان نصل لمبتغانا
وقد تكالبت علينا الاحن والمحن
بايدينا وليس بيد اخري |
إتذكرت نكتة واحد من ناس الدعوه والبلاغ جاء السودان في رمضان
وكان الجو حاجه مولعه موت بس
اها في مواعيد الإفطار أهل الحله جابوا ليهو العصيده وملاح الروب الحامض الإنتي عارفو
المهم بعد الصلاة قالوا ليهو ياشيخنا أدعو لينا ربنا يدخلنا الجنه
قاليهم دا ربُنا يوم الإيامه بهد مايدخلكم الجنه ح يعتذر ليكم كمان!!!
______________________________________________________________
سعدنا بمرورك ياراقي
| |
|
|
|
|
|
|
|
|
|
Re: هل نحن شعب لا يستحق ؟؟؟ أم لم يُعطي حقوقه؟؟؟ (يوجد وجع) (Re: السيد المسلمي)
|
السيد المسلمي
تعرف الخلل هنا وحسب تقديري هو ازمة الثقة بين الشعب واخوانا في الحيكومة(يعني لو يوم ساكت واحد من اخوانا المسئولين الله هداه وقال انا عايز اعمل الظلط الفلاني عشان ناس المنطقة الفلانية بيعانوا شديد وانا حاني عليهم،قطع شك بنقول ما عشانا ، بل عشان النثريات والكوميشنات والذي منه)، واكيد ازمة الثقة دى اتت نتاج طبيعي لسياسات الحكومة
فمثلا اخوانا في سد الشريك اللى عملوا اشتباكات لرب السماء ،، انا بعتبره شي طبيعي لانهم عاشوا وشافوا مرارات اهلنا في المناصير ، (دا مثال يعني)
ففي رايي ونصيحتي للحكومة.... وطالما انها ما ظنيتها تتغير،عليها ان تحاول خلق ثقة بينها والمواطن!
لــــــــــــــــــــــكن...
لا اريد ان اكون قاسية على نفسي وشعبي واقول نحن نستاهل اكتر من كدا
تحياتي،،
| |
|
|
|
|
|
|
|
|
|
Re: هل نحن شعب لا يستحق ؟؟؟ أم لم يُعطي حقوقه؟؟؟ (يوجد وجع) (Re: شمائل النور)
|
بت النور مراحب
| Quote: تعرف الخلل هنا وحسب تقديري هو ازمة الثقة بين الشعب واخوانا في الحيكومة(يعني لو يوم ساكت واحد من اخوانا المسئولين الله هداه وقال انا عايز اعمل الظلط الفلاني عشان ناس المنطقة الفلانية بيعانوا شديد وانا حاني عليهم،قطع شك بنقول ما عشانا ، بل عشان النثريات والكوميشنات والذي منه)، واكيد ازمة الثقة دى اتت نتاج طبيعي لسياسات الحكومة |
المشكله يا شمائل الأعتقاد بأنو البلد دي حقت الحكومه وبس!!
يعني المصلحه العامه نحن نقبف ضددها عشان الولايه او المحليه هي المنفذه؟؟
وبعدين مفروض تكون عندنا نظره لي قدام عشان الاجيال القادمه وكده،،،
| Quote: فمثلا اخوانا في سد الشريك اللى عملوا اشتباكات لرب السماء ،، انا بعتبره شي طبيعي لانهم عاشوا وشافوا مرارات اهلنا في المناصير ، (دا مثال يعني) |
لو نظرنا لي المشروع ككل الفوائد الاقتصاديه البتجنيها المنطقه كبيره جدا
لكن عشان المشروع دا في ولايتنا لازم يدفعوا لينا ولازم يعوضونا وكده!!!!!
| Quote: ففي رايي ونصيحتي للحكومة.... وطالما انها ما ظنيتها تتغير،عليها ان تحاول خلق ثقة بينها والمواطن! |
نحن ياشمائل محتاجين لإعادة الثقه في أنفسنا أولا
وتاني حقو نكون مقتنعين إنو السودان دا حقنا كلنا مش حق الكيزان او الحركه الشعبيه
قصدي إنو الوعي الوطني يرتفع للمستوي القومي والحق العام يكون ماحق الحكومه بس،
| |
|
|
|
|
|
|
| |
احمد محمد بشير
دوت مجاك
haroon diyab
شمائل النور
فيس بوك
تويتر
انستقرام
يوتيوب
بنتيريست