|
|
 ده فلم هندى
|
السودان ده فلم هندى
وياريتو لو مترجم
كان فهمناه
الغريبة الفلم ده مما وعينا على الدنيا لقيناه شغال.
ومازال
كل يوم نقول دى المناظر ,, الفلم لسه مابدا
لانو مرة تلقاه شغال فلم بتاع حركات ثورية تحررية
مرة يجيبوا ليك الثوار انتصروا
بعد شوية يقلب فلم حربى
بعد شوية يقلب فلم بوليسى
تانى تلقاه قلب جاسوسية
يرجع تانى لحكاية الثوار ديك
شوية كده يقلب تاريخ اسلامى
عشان كده نحن ماعارفين ده الفلم ولا دى المناظر
والغريبة يوم واحد مافكرنا نخش الفلم ده لوج
دايما ندخلو شعب ,, لانو كنا قايلين ناس اللوج ديل حارقاهم قروشن
اتاريهم بجو يدخلو الفلم اكرامية
وياريتم لو بجوا يتفرجوا على الفلم
اتاريهم بجو يتفرجوا على الناس اللى داخلين شعب
عشان كان لقوا زول من ناس الشعب فهم الفلم يمنعوه من دخول السينما
المهم الزول اللى بفهم الفلم ده تانى مابنشوفو فى الشعب
بودوه وين ?
الله اعلم
وكان بتاعين اللوج ديل حسوا ناس كتار يمكن يفهموا الفلم يقوموا يغيروا اللقطة
بعد ماكانت اللقطة تحكى قصة زى قصة جيفارا
يقوموا يشغلوا مقطع حربى
وكان الجمهور صفر يشغلوا ليهم لقطة بوليسية
بعد شوية يقوم الجمهور يكسر فى الكراسى
يجيبوا ليهم لقطة من نضال غاندى
الجمهور يهدأ شوية
يرجعوا لقصة الخاين اللى ببارى بالوادى داك
الجمهور يقعد يكورك للبطل
وراك وراك
شوية يجيبوا ليك واحد عندو دقن كبيرة ,,
يقعد ينصح فى الخيانة ويديهم مواعظ
الجمهور يديها صنة ,,
بعد شوية يشوفوا ليك ,, زولك الواعظ ابودقن
قاعد يلبع وحوله حسناوات نصف كاسيات
يقوم الجمهور يهيج ,,
ينطفى النور
الجمهور يبدا فى التكسير من جديد
يدخلوا ناس الإحتياطى المركزى
التقول قاعدين بره الباب
يفرتقوا الناس
والفلم لسه مامعروف بدا ولا دى بس مناظر.
اللى دخل الفلم ده خليكم معانا
عاوزين نكون اتحاد للمطالبة بقروشنا
الفلم بايخ ومامفهوم.
|
|
 
|
|
|
|
|
|
|
 Re: ده فلم هندى (Re: عبدالعزيز الفاضلابى)
|
Quote: انا من زمان مابحب الافلام الهندية
لانها كانت طويلة
وكانت بتفوتنا آخر بنطون
بنطون الساعة تسعة ونص |
يا فاضلابي
يا مولانا .. اوع من المبه ..
رجع قروشك براك والحق بنطونك
نحن الفلم عاجبنا ,,
مشتاقين والله ..
| |
|
|
|
|
|
|
|
|
|
Re: ده فلم هندى (Re: سيف الدولة كامل)
|
فاضلابى يا عزيز
ياخ انت أهم فقرة فى الفلم ده ما زكرتها
طبعآ بحكم اخوك مدمن ادمان شديد للافلام الهندية وناقشها من طق طق للسلام عليكم، فقدت فى فلمك ده الفقرة بتاعة الجبجبة
مش فى فقرة كده برضو البتل بيكون واقف ليهو فى شيتآ عالية كده ويبدا فى النطيط زى العتود والجماعة يشيلو وراهو؟
اها دى الحلقة المفقودة
دمت بعافية
| |
|
|
|
|
|
|
|
|
|
Re: ده فلم هندى (Re: عماد الشبلي)
|
الQuote: رجع قروشك براك والحق بنطونك
نحن الفلم عاجبنا ,,
مشتاقين والله .. |
شبلى يارائع ,,
فراقك طال ياخى ,, كيف صاحبى كمال
انت كان الفلم عاجبك شايل الكاميرا وقاعد بره ليه
ياحليل البنطون الحكاية بقت كبارى
وكان اللمبة قالت بق
| |
|
|
|
|
|
|
|
|
|
Re: ده فلم هندى (Re: معاوية المدير)
|
سلامات يا غالي
شنو ما تروق معانا
زهجة هاشم
اسع زهجة وطن بالهندي
اه هاشم قصة انتهت
اما فلمك دا ما عندنوا نهاية
عشرين سنة والحال هو ذاتوا الحال بس كترت الهموم
استحمل ناس البورد الشفقانين ديل دايرين نهاية
لا .............
هندي ولا ناكل باسطة
اكيد باسطة
مع ودي وسلامي
| |
|
|
|
|
|
|
|
|
|
Re: ده فلم هندى (Re: محمد ابو القاسم)
|
Quote: الفقرة بتاعة الجبجبة
مش فى فقرة كده برضو البتل بيكون واقف ليهو فى شيتآ عالية كده ويبدا فى النطيط زى العتود والجماعة يشيلو وراهو؟
اها دى الحلقة المفقودة |
كيفك ياهيثم
تخيل ياهيثم مشاهد الحبحبة دى كانت فى ,,
لكن يجى من عشرين سنة كدى منعوها
لكن تحت تحت فى العروض الخاصة ناس اللوج بشغلوها
| |
|
|
|
|
|
|
|
|
|
Re: ده فلم هندى (Re: عبدالعزيز الفاضلابى)
|
Quote: ومرات بيقلب فيلم كرتون وهاك يا جري ومساككة
وكدايس وفيران وغبار قايم ومقالب وثعالب وأسكت
ساكت إتفرج وقول يالطيف...
والله مشتاقين أخي عبدالعزيز... |
ودالمدير ,, ودالبلد الحنان أهلها
حليل الجمهورية ,, والوطنية
والجديدة راحت فى خبر (كان)
المشكلة انو الفلم مامفهوم
| |
|
|
|
|
|
|
|
|
|
Re: ده فلم هندى (Re: عبدالعزيز الفاضلابى)
|
Quote: عشرين سنة والحال هو ذاتوا الحال بس كترت الهموم
استحمل ناس البورد الشفقانين ديل دايرين نهاية
لا ............. |
ودابوالقاسم
السلام كيمان كيمان
ياخى المشكلة نحن داخلين الفلم ده قبل أربعين سنة
ومن شدة ما زهجنا
مرقنا من السينما
المصيبة بقوا يجيبوه لينا فى الفضائيات ودى بحكيها لكن باكر
| |
|
|
|
|
|
|
| |
عبدالعزيز الفاضلابى
عماد الشبلي
سيف الدولة كامل
هيثم درار
معاوية المدير
محمد ابو القاسم
فيس بوك
تويتر
انستقرام
يوتيوب
بنتيريست