|
|
 دايرين..الصِحْ..وللا..الكِضبْ..؟؟
|
تدخل وتمرق..!!
لا تلقى حاجة تشدك..!!
ولا
حاجة تشدها..!!
تدخل وزى مادخلت تمرق..!!
ملل..!!
حياتنا كلها مواضيع..ومن كترة المواضيع..بقى ماعندناموضوع..!!
تحك راسك لمن يجيب الدم..!!
لا مبادرة..ولامناورة..ولا وجهة نظر..!!
الألوان كلها واحد..!!
أتحداكم..!!
واحد يقول لى مسك ليهو كتاب شداهو وهضمو من الغلاف لى الغلاف!!
واحد سمع ليهو نكتة ..قرقر لمن مصارينّو وجعنّو!!
لو الإحساس ده خاص بى أنا!!
ما أشوف وشكم هنا..!!
أما لو الحالة الكتاس دى عامة!!
أهو....جاكم موضوع للماعندو موضوع..!!
أكتب إسمك ...كفاية
نكتة....(ولو إنو ماحانضحك)...برضو مقبولة..!!
أى حاجة ..بس ماتسلمها فاضية..إن شا الله رقم الجلوس بس..!!
وماتقول بكرة ..مالقيت لى فرصة....لأنو ماعندى موضوع..!!
|
|
 
|
|
|
|
|
|
|
 Re: دايرين..الصِحْ..وللا..الكِضبْ..؟؟ (Re: أحمد عبدالوهاب الأحمدى)
|
الحبيب البشرى
وغيرو...من الماعندهم موضوع....والذين لم يأتوا بعد..!!
بس هم حاييجو...أنا واثق إنهم حاييقو..ولو بعد حين
عشان مانموت من عدم الموضوع...أديك القصة دى
واحد صاحبنا مصلح وشايل نصّو وماشى يخيط فى الشارع..!!
جا ماشى جنب دار الرياضة أمدرمان والكورة شغالة..!!
صاحبنا..عاين كده لقى ليك مكتوب فى الحيطة الخارجية بتاعة دار الرياضة..بالخط العريض
(التطعيم ضد الجدرى)
قال"هو نحنا عرفنا شنو لى هلال مريخ....عشان يعملو لينا فرق جديدة"
| |
|
|
|
|
|
|
|
|
|
Re: دايرين..الصِحْ..وللا..الكِضبْ..؟؟ (Re: أحمد عبدالوهاب الأحمدى)
|
Quote: صاحبنا..عاين كده لقى ليك مكتوب فى الحيطة الخارجية بتاعة دار الرياضة..بالخط العريض
(التطعيم ضد الجدرى)
قال"هو نحنا عرفنا شنو لى هلال مريخ....عشان يعملو لينا فرق جديدة" |
ههههههههههههههههههههههههههههههههههههههههههههههههه
ياخي بتكتل ليك مغترب يوم بطريقتك دي
تاني واحدة باللاي عشان خاطر وهبة
| |
|
|
|
|
|
|
|
|
|
Re: دايرين..الصِحْ..وللا..الكِضبْ..؟؟ (Re: محمد البشرى الخضر)
|
وعشان وهبة...وعدم الموضوع نواصل قصة صاحبنا....
الراجل دخل دار الرياضة عشان يشوف مباراة (التطعيم ضد الجدرى)
ويقال أن الهلال كان طرفاً فى المباراة أيام والى الدين عليه الرحمة والكوتش فوزى المرضى
وفجأة الجمهور حول صاحبنا بقى يكورك..(النص يافوزى!!....النص يافوزى!!)
صاحبنا قايل الجماعة قاصدنو فى قزازتو قال ليهم...
"مالو النص....يمين أنضف عرقى...ومن الفتيحاب كمان"
| |
|
|
|
|
|
|
|
|
|
Re: دايرين..الصِحْ..وللا..الكِضبْ..؟؟ (Re: motaz)
|
| Quote: قام قال ليهو أكان كدا المباراة دي دخلتها قبل كدا |
هاااااااااااااااااااااى
معتز شكرا لشخصنة عدم الموضوع....!!
ود ذكرتنى زولك وأثنا الفيلم الهندى شغال...البطل دخل فى حتة ضيقة..وشارف على الهلاك..والجماعة متنشنين مع الحكاية دى....زولك ماقدر يستحمل وقعد يكورك ليك فى الجماعة
"ياجماعة ماتخافو بطل ده ماراح يمووووت...والله ماراح يموووووت....فيلم ده أنا شِفتا فى قضارف"
| |
|
|
|
|
|
|
|
|
|
Re: دايرين..الصِحْ..وللا..الكِضبْ..؟؟ (Re: سارة علي)
|
Quote: سارة علي
هههههههههههههههههههههههههههههههههههه
دة الـHalf-brother بتاع مكاوي؟؟
يا بكري انتا الذ زول |
وعشان تتميها ياسارة (الضحكة) ما(حاجة تانية)
وبمناسبة وجود(female) ماعندهن موضوع نرحب بإنضمامك ونتم ليك قصة زولنا بتاع (التطعيم ضد الجدرى)
والمهم.........
بعد ما الجماعة كرهو فوزى بى كواريكم (النص) (النص)
فوزى أعطى تعليماتو لى (والى الدين) بالتسخينة قبل الدخول...
والجمهور مما شاف ليك والى الدين يسخن غير النغمة وبقى يكورك
(الوالى جا) (الوالى جا)
صاحبنا طبعا بالو فى نصو الشايلو.....قال ليهم
(الوالى خلى الخرطوم دى كلها....بس بقى شغال قصاد نصى ده....أصلو ده نص ولا طرمبة)
| |
|
|
|
|
|
|
|
|
|
Re: دايرين..الصِحْ..وللا..الكِضبْ..؟؟ (Re: محمد البشرى الخضر)
|
| Quote: اها يا ابوحميد زولك طلع من دار الرياضة ولاّ لسة |
يطلع وين..!!
صاحبنا لمّ فيهو واحد عرفو راكب غلط قام قال ليهو
"يا اللخو النص القاصدنو..الجماعة ديل ..مانصك...قاصدين نص الفريق.....
لأنو نص الفريق مانافع"
صاحبنا رد عليهو
"لا حولااااااا...1/2 الفريق مانافع....طيب الباقين ديل المقعدهم شنو؟ مايرحلوا من الفريق الما نافع ده"
| |
|
|
|
|
|
|
|
|
|
Re: دايرين..الصِحْ..وللا..الكِضبْ..؟؟ (Re: سارة علي)
|
Quote: سارة علي
هاك دي
في واحد اتنين تلاتة ما عندهم موضوع بيكتبو في سودانيز اون لاين
انقلبو
من واحد اتنين تلاتة لي احمد الطاهر ود البشري وسارة علي |
سارة ....
وحايزيدو زى ماقلتا ليكى...وما أكثرهم عديمى الموضوع..!!
زشوية كدة وحانعملو عدم الموضوع حصرى...!!
الجايينا بعد ده يجيب (تموينو) معاهو..!!
النصيص ده يادوب يحوق..!!
| |
|
|
|
|
|
|
|
|
|
Re: دايرين..الصِحْ..وللا..الكِضبْ..؟؟ (Re: أحمد عبدالوهاب الأحمدى)
|
شباب
أنا ماشى أنوم..!!
ما أجى الصباح ألقى الناس العندهم موضوع ديل لزوا موضوعنا الما عندو موضوع ده...!!
وأقوم أضطر أقلب الصفحة...!!
وأنا كان لحقتا قلبت الصفحة....بركب وش..الله لا وراكم ليهو..!!
دحين البتقدرو ...عليهو لامن تصبح..أعملوا معروف ..دفرة..دفرة..لا فوق شوية..!!
وعلى وزن"دفرة..دفرة..الليل نعدو.."
لامن نجى بكرة إن شاءالله ..يحيينا ويبعد العوارض ونشوف ....
عدم الموضوع الجديد شنو..!!
تصبحوا كنب..!!
أما أصحاب الجانب الآخر من الكرة الأرضية..الشمسم قاجه هسع وعشان مايلومونا
..تمسوا شنط..!!
| |
|
|
|
|
|
|
|
|
|
Re: دايرين..الصِحْ..وللا..الكِضبْ..؟؟ (Re: أحمد عبدالوهاب الأحمدى)
|
ماننوم يعنى وللاشنو...!!
ده منتدى وللا (جر حبل) بس تغفل تلقاهو ودوهو التونج...وتقعد تكوس..!!
وينكم إنتو ياناس عدم الموضوع....!!
أول ماقلنا نعمل ليكم موضوع..إنضايرتو!!
غلطان أنا العملت لى موضوع لى ناس ماعندهم موضوع...!!
كدى النشوف ناس بالنهار ديل..أكان بقى ماعندهم موضوع كمان..!!
| |
|
|
|
|
|
|
|
|
|
Re: دايرين..الصِحْ..وللا..الكِضبْ..؟؟ (Re: محمد عبد الماجد الصايم)
|
Quote: متعة ياخ!
غايتو يا عمكـ
بداية كلامكـ دا عمل لي قشعريرة كــدا! |
هل ياترى ود الصايم لم يرفق اي من وشوشه الضاحكة ، المِدَورََة ،
ولا ثابت منها ، على فهم ...
اَن البوست ليس جدير شرف بذلك ؟!!! ..
او
اَن حَصاد زيارته من السودان لم يجني الموفور ، فأطفى داخلة روح الدعابة ؟!!
و
كاااااااك
واحد مُعدم من موضوع .. وضارب ديبش !!!!
| |
|
|
|
|
|
|
| |
أحمد عبدالوهاب الأحمدى
محمد البشرى الخضر
سارة علي
motaz
محمد عبد الماجد الصايم
محمد الجزولي
على محمد على بشير
أبو الحسين
فيس بوك
تويتر
انستقرام
يوتيوب
بنتيريست