هبة...إزالة الرحم في سرايا الأخطاء الطبية!!

Quote: ازيكم,كده يا جماعة يا عالم براحة نتناقش بلغتنا السمحة ده,والله انا مستغربة فى النقاش بين الاطباء والصحفيين,انا لو ما بقيت دكتورة كان بقيت صحفية وبحب الصحافة خالص واسى كان لقيت فرصة ووقت فاضى بشارك معاكم,وبالمناسبة للصحافة دور كبير ما انكرنا وانا زى ما قلت بحترمها شديد,طيب نجى من الاخر ونتناقش نقاش مفيد ومافى داعى للنقاش العقيم,اولا عن الكلام عن البروفيسور داؤود انا اصلا من زمان كانت عندى فكرة الكتاب ده,مش عشان تقدير ليهو وبس ولكن عشان يكون قدوة حسنة للاجيال القادمة الما عاصروه وتانى ما حيشوفو زيو عشان يتشبهو ان لم يكونو مثلهم ,اما لو بعض الناس فهمو انو ده كلو عشان الشايقى يبقى غلطانيين بالعكس الشايقى عمل فينا فايدة خلى الناس الما عارفة بروف داؤود تعرفو وبقى لى سبب لطرح فكرة الكتاب العندى من زمان لكن المشاغل,قلنا غلط واعتزر وخلاص مافى داعى للتكرار خلونا فى المفيد الكتاب وغيره,النقطة التانية الاطباء بدخلو الطب بالنسبة الاكاديمية وبس بكون فى ناس امدرمانيين زيي كده وناس من الشمال وناس من الغرب وناس من الجنوب,مختلف الثقافات يبقى يا جماعة الدكتور ده بشر فى النهاية بتاثر بتربيتو وبانفعالاتو وبسيكولوجيتو وبالوفرلود وبمشاكلو يبقى ما نتوقع كلهم يكونو ظراف وحلوين وكده بالنسبة للتعامل لكن قلنا برضو ما عزر وانا شخصيا بؤمن بالنقد الزاتى البناء وبمناسبة الوفرلود او العدد الزايد ده مشكلة اضافية وبتزيد نسبة الاخطاء, ومن تجربتى الفردية حينما كنت فى انجلترا واسال اخوى فى نهاية اليوم بلقى العدد من المرضى اللحدى نهاية اليوم الشافو اقل من العدد البشوفو انا والدكتور السودانى عموما فى الساعة الواحدة من دون مبالغةوببقى مافى مقارنة اصلا بين دول العالم الاول والثالث لو بقينا متفائلين لانو النظام كلو مختلف و مافى داعى للمقارنة ,قلنا العدد بتاع المرضى بفوت العدد المفروض اضعاف اضعاف والساعات البشتغلها الطبيب اكتر من طاقتو وبينما اطباء عاطلين ده كلوووووووووووووووووووو ما عزر وقلنا الطب الغلطة فيو ما زى باقى المهن وده ارواح ناس كلام جميل وماشين خطوة خطوة ومنظمين ,طيب يا جماعة احنا برضو دايرين نقيف يد واحدة مع الاخوة الصحفيين عشان نعالج المشكلة من جزورها انا بتكلم طبعا عن المشاكل الممكن تتحل ,وبعدين بالجد الاخطاء ده بتالمنا احنا برضو وانا لو كنت فى السودان كنت سعيت جادة فى توجهة هبة لانقاذ ما يمكن انقاذه , نفسيا على الاقل بس للاسف انا بره السودان , وبوكل المهمة لمن هم داخل السودان طيب زكرنا انو الاطباء بشر يعنى فئة بتلقى فيها الكويسين والما كويسين,نسبتهم كم للامانة العلمية ما بقدر احددها بالضبط ما عملت بحث فيها, لكن عشان نكون منطقيين وموضوعيين اكتر برضو ما عزر ده ارواح ناس ما بتستحمل,قلنا كويس يا جماعة تكون فى مساءلة وقانون فى حدود العمل من دون تجريح,ونتمنى انها تقل ونتمنى انو الما بعرفو يتعاملو كويس من الدكاترة يحاولو يتعاملو كويس بقدر الامكان عشان نفسية المريض,ولكن بعض الدكاترة مرات حتى الزملاء ما بتعاملو كويس وما بحترمو بعض زى مافى مثال الاخ الشايقى طيب ده نقطة اذا كان هم الدكاترة ما كلهم بعضهم نفسهم ما بحترمو بعض يعنى بالعامية كده بقطعو فى بعض وبيسيئو لبعض طيب كيف المجتمع حيحترمهم,وده امثلة منهم ما تعميم وبعدين يا جماعة عشان ما نطول عليكم المختصر المفيد يا الاخوة الصحفيين اقيفو معانا فى حل مشاكلنا وعكسها للجهات المسئولة ولو بقينا متفائلين وبقت بس على الطبيب وما قلت تعالو اسالونى,ولسة انا معاكم الاهمال فى واللا مبالاة فى وووووووووووووووووووووووو لكن احنا دايرين نعالجها جادين او على الاقل معالجة ما يمكن معالجتو بدل النقاش الكتير ده والكلام ده مش عشان خاطرنا لكن عشان عمى المسكين الحاج محمد احمد ده الما عندو طريقة يسافر برة السودان وما عندو حاجة زاتو عشان يبيعهانمن يمرض ويكون فقد الثقة من الكلام الكتير عن الدكاترة يمشى وين يا جماعة ولا يموت كمد ساى زى ما ماتو غيرو,وبعدين يا الاخوة الصحفيين العلاج العامل النفسى فيو مهم والثقة فى حد زاتها جزء من العلاج وده كلام بعرفو الدكاترة كويس بلاسيبو وغيرها من النظريات الفيها انو الثقة فى الدكتور مهمة للعلاج عشان كده اقيفو معانا عشان خاطر محمد احمد اولا وعشان نحل مشاكلنا ثانيا,احكى ليكم قصة اخيرة ظريفة عن الثقة ده عندنا حبوبتنا زولة امدرمانية ظريفة كانت قبل ما اسافر بتجى تتعالج عندى وبتثق فى علاجى شديد ىوم جات عيانة لقتنى مافى ومشت لدكتورة فى الحلة تانى مجبورة لانها كانت متضايقة لكنها ما بتثق فىها جاتنى المرة البعدها وبعادة النسوان فى القطيعة قالت لى يومدداك لقيتك مافى ومشيت لدكتورة فلانة لكن دواها ما نفعنى وده الروشتة قعدت اضحك لانو لقيتو نفس الدواء وعشان ابرئ الدكتورة قلت ليها يا خالة لكن هو نفس الدواء الهو كان احسن دواء فى حالتها,ما صدقتنى لمن اكدت ليها قالت لى لا كان للكده ايدك فيها بركة, ده ياهو العامل الاكبر فى العلاج الثقة البنتكلم عنها ,الا هل بلغت اللهم فاشهد والسلام عليكم ورحمة الله وبركاتو اخوتى صحفيين كانو ام دكاترة