|
Re: بلاش كرري بلاش سيوف عشر (Re: داليا حافظ)
|
Quote: ملاسي حن لجذوره يا ود العمدة ..
وعمره الدم ما يكون موية |
الرقيق الذي أتى به محمد علي من البلقان والأناضول والسودان ، زائداً أراذل المصريين ، كونوا الجيش الذي فتح به السودان. هربوا أمام الوطنيين السودانيين، خلال الثورة المهدية، ومن لم يستطع الهروب ، انتظر حتى استرداد السودان للسيادة المصرية وكان في استقبال جيوش الغزاة ، وشارك في المجازر الإنتقامية التي ارتكبت في جميع أنحاء السودان. ثم كون هؤلاء في ما بعد العمود الفقري لما يسمى بالحركة الإتحادية.
وصدقت عزيزي،
وعمره الدم ما يكون موية
تحياتي
| |
|
|
|
|
|
|
Re: بلاش كرري بلاش سيوف عشر (Re: Abd Alla Elhabib)
|
مرحب يالحبيب
ابدا دخل روحو هو المدرسة
ماذا كانت نتيجة كرري يالحبيب ؟
هل كانت شي غير الزل والهوان لاكثر من خمسين عاما
ما يحدث في هذا البوست هو نفس ما يحدث في بوست دينق بتاع النهود من تنكر للماضي ومحاولة لي عنق الحقيقية
كرري كانت هزيمة تاريخية الناس تكتب تاريخها صاح وتعترف بالغطات الفيها بعدين تحتفي بشجاعة الجنود القاموا بيها كلا على حدى لكن كرري كمعركة هي هزيمة على المستوى العسكري بسببه احتل السودان اكثر من خمسين عاما
دي حقيقة ولا ما حقيقية؟
| |
|
|
|
|
|
|
Re: بلاش كرري بلاش سيوف عشر (Re: وليد محمد المبارك)
|
مرحباً وليد بجد أعفيني من الدخول في مغالطات لا تجدي نفعاً
Quote: لكن كرري كمعركة هي هزيمة على المستوى العسكري بسببه احتل السودان اكثر من خمسين عاما |
طبعاً هذا باعتبار كتشنر جاء السودان في رحلة سفاري لحدائق الدندر المفتوحة
ولما قابله التعايشي بالسيوف رشّاههم بالماكسيم (مدفع رشّاش)
وقعد يفكّر ليه ما يحتل السودان لو الناس هنا بتموت كدا
ولا شنو؟؟؟؟؟
يعني لو لم تكن معركة كرري الباسلة والتي من تبعاتها رأس الغازي كتشنر نفسه لم يكن الإنجليز ليحتلوا السودان؟
دا ياهو المنطق بتاعك؟
الحكاية ما غلاط يا وليد
الحكاية حكاية مبدأ
يعني واحد مجرم مسلّح يجي لراجل مالي هدومه ويقول ليه اليوم أنا قررت أستبيح أهل بيتكم تقوم تقول ليه قاتلته وهذا تهوّر ولو مت مت مهزوم
دا منطقك يا وليد؟؟؟؟
ولا عايزو يقول للمجرم اتفضّل لكن ح اسجل الحادثة واعرضها على الإعلام ويصوّر استباحة أهل بيته ويعرضها لمنظمات حقوق الإنسان بأنّ فلان دا استباح أهل بيته
وربّت على كتفه وقلت له برافو إنت أثبت حكمتك وعدم تهوّرك
كمال
**** فرانكلي وليس فرانكي يا شفت
| |
|
|
|
|
|
|
Re: بلاش كرري بلاش سيوف عشر (Re: Frankly)
|
Quote: فرانكلي وليس فرانكي يا شفت |
اعتذر عن الخطاء غير المقصود
فراكنكي .. فرانكلي .. فرانكلي
Quote: طبعاً هذا باعتبار كتشنر جاء السودان في رحلة سفاري لحدائق الدندر المفتوحة
ولما قابله التعايشي بالسيوف رشّاههم بالماكسيم (مدفع رشّاش)
وقعد يفكّر ليه ما يحتل السودان لو الناس هنا بتموت كدا
ولا شنو؟؟؟؟؟ |
احتمال يكون الكلام كده لو كان غردون قاعد في ضاحية الخرطوم متجدع ولابس مايو
فدخل المهدي الخرطوم ولقى غردون غفلان فقام قال
ليه ما احرر الخرطوم بما انه غردون غفلان
ولا كيف ؟ ___________
Quote: يعني لو لم تكن معركة كرري الباسلة والتي من تبعاتها رأس الغازي كتشنر نفسه لم يكن الإنجليز ليحتلوا السودان؟
دا ياهو المنطق بتاعك؟ |
على الاقل ما كانو احتلوه بي خساة 33 فرد مقابل ابادة جماعية
Quote: الحكاية ما غلاط يا وليد
الحكاية حكاية مبدأ |
ايواااااااااااااا
قلت لي مبدأ
Quote: يعني واحد مجرم مسلّح يجي لراجل مالي هدومه ويقول ليه اليوم أنا قررت أستبيح أهل بيتكم تقوم تقول ليه قاتلته وهذا تهوّر ولو مت مت مهزوم
دا منطقك يا وليد؟؟؟؟ |
منطقي انا يا فرانكلي كراجل مالي هدومي لمن يجي زول يعلن انو جاي يستبيح اهل بيتنا ( مع انه اهل بيتنا ما عندهم دخل بالبورد ) وعارف انه جاي بشارع معلوم كراجل ملو هدومي
بمسي استناه في الشارع الجاي بيه هناك بره واحاول قدر الامكان ما اخليه يصل البيت زي ما اشار عثمان دقنة قبلي كرري موش بستناه جوه بيتنا مع النسوان
فهمت المنطق يا سيد المنطق
Quote: ولا عايزو يقول للمجرم اتفضّل لكن ح اسجل الحادثة واعرضها على الإعلام ويصوّر استباحة أهل بيته ويعرضها لمنظمات حقوق الإنسان بأنّ فلان دا استباح أهل بيته
وربّت على كتفه وقلت له برافو إنت أثبت حكمتك وعدم تهوّرك |
وانت ما عندك غير اللونين ديل ؟
| |
|
|
|
|
|
|
Re: بلاش كرري بلاش سيوف عشر (Re: Frankly)
|
مرحب فرانكي
لا يتنافى ولا حاجة
Quote: فهل خسرت حماس المعركة في الميدان؟ نعم
ولكن هل هزمت حماس الجواب بالقطع لا |
كلامك انت غير المنطقي يا فرانكي
الاهداف المعلنة من قبل الاسرائيلين بخصوص حماس شنو ؟
والاهداف الكانت معلنة من قبل الانجليز في الوكت داك شنو؟
الاتحقق من اهداف الاثنين شنو ؟
ده ياه المنطق ؟
يموتو 33 الف وتحقق اهداف الغزاة تعتبر هزيمة
يموتو مليون ولا يتحقق هدف الغزو انتصار
الانجليز جايين مجتاحين وعشان يهدوا اركان دولة المهدية هدوها ولا ما هدوها ؟
اليهود دخلوا لاهداف معلنه اولها ايقاف الصواريخ تانيها الاسير بتاعهم
هل توقفت الصواريخ؟ هل عادوا الى ديارهم واسيرهم معهم؟
Quote: حساب الربح والخسارة يا وليد لا يتم بهذه العفوية والسطحية الموغلة في تجاوز الواقع والسياق العام وحماية المبادئ ولا تكون بالدعوة للخنوع وتجرّع الذل والهوان بالركون لإرادة القوي |
حسابات الريح والخسارة يا فرانكلي لا يتم حسابها بكومي وكومك باخوي واخوك باهلي واهلك
وفعلا لايتم حسابها بهذه السطحية الموغلة في تجاوز الواقع العام بالنسبة للخنوع والزل والهوان تفتكر ماذا حدث بعد كرري ؟
ما ياهو الزل والهوان بعينة لاكثر من خمسين عاما ولم تفيدنا كرري بل اضرت بنا
| |
|
|
|
|
|
|
Re: بلاش كرري بلاش سيوف عشر (Re: وليد محمد المبارك)
|
Quote: يموتو 33 الف وتحقق اهداف الغزاة تعتبر هزيمة
|
وليد
سلامات
خلينا..نتفق اول هم ماتوا ولا إستشهدوا ؟
تاني ياوليد .إذا اعترفنا بالاخطاء الحصلت ..الأشاوس ديل لو ما دخلوا المعركة ما كنا برضو قلنا
ادوها ليهم سااااهلة ؟
| |
|
|
|
|
|
|
Re: بلاش كرري بلاش سيوف عشر (Re: داليا حافظ)
|
Quote: خلينا..نتفق اول هم ماتوا ولا إستشهدوا ؟ |
مرحب داليا
انا عندي استشهدوا
كان في كرري ولا في غزة
________________________________
Quote: تاني ياوليد .إذا اعترفنا بالاخطاء الحصلت ..الأشاوس ديل لو ما دخلوا المعركة ما كنا برضو قلنا
ادوها ليهم سااااهلة ؟ |
ليه يا داليا مافي حاجة في النص ؟
يعني يا ينقرضو او يستسلموا
يعني ما كان ممكن يتسمع كلام عثمان دقنة ؟ ما كان ممكن التقهقر الى امدبيكرات ده يحصل قبلي كرري ما كان ممكن تتوزع المهدية على تخوم السودان وتبدا حرب استنذاف يكسبوها في فترة وجيزة ما تتعدى الخمسة سنوات موش خمسين سنة يقعدوها الانجليز بسبب كرري
ما كان ممكن يعالج الداخل ليحصل اجماع وطني يجابه الغزو الانجليزي من حلفا موش ناس الشمالية يفتحوا الدرب للانجليز ويبقوا ليهم ادله الحسانية ينصرفوا لسباق حميرهم
الخيارات كانت كتيره ومتاحة ليه اختارة المهدية الانتحار بدلا عن المجابهة طويلة الامد زي ما اشار بعض قادة المهدية انفسهم ؟
| |
|
|
|
|
|
|
Re: بلاش كرري بلاش سيوف عشر (Re: وليد محمد المبارك)
|
Quote: ليه اختار المهدية الانتحار بدلا عن المجابهة طويلة الامد زي ما اشار بعض قادة المهدية انفسهم ؟ |
يا وليد
المعروف عن الأنصار أنهم كانو زاهديين والقيمة الدينية عندهم كانت عالية جدا ..والإنت شايفو إنتحار
هم شايفنو (جهاد وإستبسال )..نحن ما بنقدر نحاكم النوايا ، لانو في ظاهرا كانت حسنة ..بس ما في
مشكلة نتعلم من الأخطاء ...يعني لو خضعت الهزيمة دي لتحليل ..حنطلع بحاجات كويسة .
| |
|
|
|
|
|
|
Re: بلاش كرري بلاش سيوف عشر (Re: داليا حافظ)
|
Quote: مشكلة نتعلم من الأخطاء ...يعني لو خضعت الهزيمة دي لتحليل ..حنطلع بحاجات كويسة . |
الاستشهاد يا داليا قيمة فردية بتحسب للانسان الواحد
النصار كجنود استشهدوا ورينا يتقبل منهم
المهدية كدولة انتحرت
انا لا الوم جنود المهدية فهم جنود اطاعوا اوامر قادتهم ببساله وشجاعة لكني لايم قادتها هم السبب في ذلك
جنود يا داليا الواحد فيهم بقابل المدفع براسه
يغلبني اقدر اقودهم بصورة جيده واحقق بيهم انتصار
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ده فهمي
| |
|
|
|
|
|
|
Re: بلاش كرري بلاش سيوف عشر (Re: وليد محمد المبارك)
|
Quote: شيكان لو ما سمو بيها شركة تأمين |
وما كده وبس
الناس كانت بتقرأ في التاريخ دخول المهدي الخرطوم بعنوان
ســــقوط الخرطوم ؟!
معقولة عاد
سقوط الخرطوم ما تحريرها
والتاريخ احتفى بكرري اكتر من احتفائه بتحرير الخرطوم وفي الدرب سقط الكثر من امثال شيكان
مع انه شيكان درسوها عسكريا
كان تكامل ما بين الشجاعة والفهم القيادي العالي واستغلال الموارد والبيئة في الحرب
والنتيجية كان نصر تاريخي ازهل العالم بحقيقة
ياخ غزوات عثمان دقنة الحيرت الخواجات هسع لو سالنا الناس عنها في زول عارفها ؟
| |
|
|
|
|
|
|
Re: بلاش كرري بلاش سيوف عشر (Re: Frankly)
|
أقوال ( ماسورة ) :
Quote: ملاسي حن لجذوره يا ود العمدة .. |
ـ
Quote: قيادات وعساكر وشهداء معركة كرري هم الذين طردوا الاتراك من السودان مش كدا وجع |
Quote: وكما قال حميد ... الانجليز اذنابه في |
Quote: اتحدى ملاسى ان يكون له جد شارك فى التاريخ الناصع الذى خطط خريطة السودان بدمائه ليعيش عليه ملاسى المتهكم من امة آمنت بالوطن ودفعت فى سبيله الغالى والمهج الزكية .. |
Quote: ملاسي لا غبينة له تجاه الترك وتجاه الاحتلال فلذلك يفاخر بهزيمة قوات الانصار في كرري ويسخر منهم تماما كما سخر سلاطين باشا من قبل .. وفي راي ان ملاسي غير مطالب بالانتماء لتاريخ لم يشارك اسلافه فيه ولكنه مطالب باحترام مشاعر و( وجدان ) شعب باكمله ... |
Quote: التجنس بالميلاد وحده لن يهب الإنتماء |
Quote: لولا اننا فعلا سذج او طيور بمعني الكلمة، البلد الي هذا التاريخ ماكان تسيدو فيها، بقايا غزاتنا من امثالك، لتكون الابادة هي مصير اهل الارض والبلد، بالجد. |
| |
|
|
|
|
|
|
Re: بلاش كرري بلاش سيوف عشر (Re: عصام دهب)
|
يا وليد ياخي سؤال من وحي الواقع المعاصر... امريكا وفرنسا وانجلترا قادت الجحافل والجيوش لاستلام البشير للمحمكة الدولية والسفن دي خطراتها دقت في بورتسودان.... بفهم انو في وعي مدور في السودان والخطاب الرسمي قاعد يبشر ليهو في ناس بتعاملو مع الموضوع كوطن وعزة وكرامة.. تتوقع المشهد يكون كيف يا وليد...!!! وهل الذين قد يموتون في مثل هذه المعارك منتحرين ولا التصرف حيكون كيف يا مان
| |
|
|
|
|
|
|
Re: بلاش كرري بلاش سيوف عشر (Re: وليد محمد المبارك)
|
كدي يا عبد الكريم اتخيل معاي سنة 2003
ناس طالبان سوي زي المهدية وانتظروا الامريكان في قندهار
هسع الجرسة الساويها حلف الاطلس دي كانت بتكون في
يا عبد الكريم اثبات الشجاعة ما محتاج مواجهة انية ولحظية
في القران قيل متحرف لقتال
والرسول قال الحرب خدعة
وفي غزوة الخندق حفروا خندق تحرفا لقتال
ما قالوا ناس الرسول خافوا المجابهة فحفروا الخندق خوفا من المشركين
يا جماعة الفرق كبير بين الشجاعة والتهور
وكرري كانت تهور
| |
|
|
|
|
|
|
Re: بلاش كرري بلاش سيوف عشر (Re: عبدالكريم الامين احمد)
|
Quote: اتخيل المصريين يعملوا ليهم محافظة - محلية - يسموها محافظة النكسة! |
المصريون غنوا للنكسة برضو :
الأداء لعبدالحليم حافظ ..والكلمات للابنودي
عدّى النهار
و المغربية جايّة
تتخفّى ورا ضهر الشجر
و عشان نتوه في السكة
شالِت من ليالينا القمر
و بلدنا ع الترعة بتغسل شعرها
جانا نهار مقدرش يدفع مهرها
يا هل ترى الليل الحزين
أبو النجوم الدبلانين
أبو الغناوي المجروحين
يقدر ينسّيها
الصباح
أبو شمس بترش الحنين؟
أبداً ..
بلدنا ليل نهار
بتحب موّال النهار
لما يعدّي في الدروب
و يغنّي قدّام كل دار
و الليل يلف ورا السواقي
زي ما يلف الزمان
و على النغم
تحلم بلدنا
بالسنابل و الكيزان
تحلم ببكره
و اللي حيجيبه معاه
تنده عليه في الضلمة
و بتسمع نداه
تصحى له من قبل الأدان
تروح تقابله في الغيطان
في المصانع .. و المعامل
و المدارس .. و الساحات
طالعة له صحبة
جنود
طالعة له رجال ..
أطفال .. بنات
كل الدروب واخدة بلدنا للنهار
و احنا بلدنا ليل نهار
بتحب موال النهار
لما يعدي في الدروب
و يغني قدّام كل دار
..........................................
كلام فيهو شجن ..حزن نبيل ..أحساس بالمصيبة ..مافيهو تقليل وتبخيس .
| |
|
|
|
|
|
|
Re: بلاش كرري بلاش سيوف عشر (Re: داليا حافظ)
|
Quote: لكن كرري كمعركة هي هزيمة على المستوى العسكري بسببه احتل السودان اكثر من خمسين عاما
دي حقيقة ولا ما حقيقية؟ |
التقييم لكرري يا اخ الوليد يجب ان لا ينفصل عن تقييم السياسة العامة للخليفة عبدالله سياسة الخليفة عبدالله ربما تكون سببا في جلب الاحتلال ولكن عندما يكون العدو خارجيا فلات الوقت وقت ملامة ومن هنا يجب ان تكون النظرة الي كرري .. لو قستها بالمقاييس الحربيه هي هزيمة عسكرية تغلبت فيه الآلة العسكرية الحديثة ولكن لو قستها بالمقاييس الوطنية فهي نصر ونصر مدهش اذهل حتي الاعداء انفسهم( مذكرات تشرشل) كرري حية ترزق ولم تمت لانها اصبحت نموذجا خالصا للتضحية من اجل الوطن فعندما تنتهك ارضك ولا تملك شئيا لتدافع به تذكر كرري وفرسانها واقفز في العدو باسنانك واظافرك ....
| |
|
|
|
|
|
|
Re: بلاش كرري بلاش سيوف عشر (Re: الشامي الحبر عبدالوهاب)
|
مرحب الاخ الشامي
لا احد يقدح بتاتا في وطنية من حضروا كرري ولن يستطيع احد ان يفعل ذلك نحن بنقول انه الخيار الاختاروه الوكت داك كان غير صائب واعني هنا القادة فقط ده كله في ايطار وطنيتهم ووطنيتنا وعشان نستفيد من تاريخنا
Quote: ولا تملك شئيا لتدافع به |
خلافنا على الحته دي في اعتقادي الشخصي بالنسبة لكرري كان بالامكان افضل مما كان
خالص الود
| |
|
|
|
|
|
|
Re: بلاش كرري بلاش سيوف عشر (Re: داليا حافظ)
|
Quote: كدي يا عبد الكريم اتخيل معاي سنة 2003
ناس طالبان سوي زي المهدية وانتظروا الامريكان في قندهار
هسع الجرسة الساويها حلف الاطلس دي كانت بتكون في
يا عبد الكريم اثبات الشجاعة ما محتاج مواجهة انية ولحظية
في القران قيل متحرف لقتال
والرسول قال الحرب خدعة
وفي غزوة الخندق حفروا خندق تحرفا لقتال
ما قالوا ناس الرسول خافوا المجابهة فحفروا الخندق خوفا من المشركين
يا جماعة الفرق كبير بين الشجاعة والتهور
وكرري كانت تهور |
.... هلا يا وليد ومتفق معاك بانو هنالك فرق ما بين التهور والشجاعة... ومادار في كرري من الظلم للتاريخ ولارواح الذين استشهدوا فيها وصفهم بمنتحرين.. وان كان العقل الطالباني الذي قارنت به واحدة من ادواته هو والقاعدة هي الانتحار فالفكرة في منهج المهمة الجهادية وليس في الطريقة.. والنقة هنا محاكمة تاريخ بطريقة تجريدية ولمن نصف ما جري في كرري انتحار بنكون اغفلنا ياو ليد حاجات كثير الوعي العسكري عند الخليفة عبدالله وقادته في الزمن داك تكتيكات الحروب وطريقة اتخاذ القرار في الحرب التسليح المتاح الجانب العقائدي المربوط بسيرة الجهاد والموت ضد الكفار.. كل الاشياء دي لو ما ختيناها في الاعتبار وجردنا معركة كرري منها حنكون ظلمنا (العقل السوداني) الذي قاد المعركة في ذلك الزمان وبنحاكمو بادوات ومعايير عصرنا ووعي عصرنا... ................... جوهر الحديث في البوست هو قراية التاريخ انطلاقا من الفن وتخليده لسيرة الهزائم والانتصارات وده ياوليد منهج قاصر وما بقراء التاريخ بكل جوانبه وقراية بتكون ماعميقة .. في حوار يا وليد قد يكون اكثر فايدة وعمقا ويشابه هذه الجزئية دار في صحف السودان قبل الانتفاضة ما بين فضيلي جماع والتجاني عامر عن (كرري تحدث عن رجال كالاسود الضارية) وسجال كان سخن وعميق وقاسي عن قراية كرري انطلاقا من ناصية الفن وياريت الزول يلم في ارشيف جريدة الايام عشان يجيبو هنا وتعم الفائدة
| |
|
|
|
|
|
|
Re: بلاش كرري بلاش سيوف عشر (Re: عبدالكريم الامين احمد)
|
كدي يا عبد الكريم افهمني
اي مجاهد شارك في كرري مافي زول بلوموا لانه بنفذ في اوامر قادته
وده الشي المفروض
انا عاوز افصل ما بين الجندي والقائد
ما فعله الجنود هو تجسيد للطاعة والعسكرية وقمة النضباط ما فعله القاده تهور وضيق افق
حتى ود تور شين على المستوى الشخصي مافي زول بقول في شجاعته بغم
لكن على المستوى القيادي والله في مليون بغم خاصة في كرري
انا لا احاكم جنود يا عبد الكريم لانه الجندي موقفه عند النزال فقط وهو بحكموه ثلاثة اشياء شجاعته وطاعته ومهارته
بعيدا عن العتاد
وجندي المهدية نجح في ديل بامتياز
لكن بالنسبة للقادة الوضع مختلف لانه موقف القائد يبكون قبل النزال واحيانا قد يمتد الى النزال وقد لا يمتد لانه مرات المعارك عندما تبدأ بتدير روحهابراها
قادة المهدية بانتظارهم للانجليذ في امدرمان وعدم مجابهتهم في حرب عصابات طوال طريق النيل كما اشير عليهم او حتى في معركة كرري التي قادوها نهارا
او حتى في عدم تقهقرهم الى الخلف وقد فعلوها بعد هزيمة كرري
ده كلها غلطات تحسب عليهم كقادة
المعني هم على المستوى الشخصي شجعان و100% على مستوى القيادة كرري فشل عسكري زريع نتيجته كان احتلال استمر 50 سنة
كل الود يا صديق
_________________
Quote: في حوار يا وليد قد يكون اكثر فايدة وعمقا ويشابه هذه الجزئية دار في صحف السودان قبل الانتفاضة ما بين فضيلي جماع والتجاني عامر عن (كرري تحدث عن رجال كالاسود الضارية) وسجال كان سخن وعميق وقاسي عن قراية كرري انطلاقا من ناصية الفن وياريت الزول يلم في ارشيف جريدة الايام عشان يجيبو هنا وتعم الفائدة |
ان شاء الله تلم فيه بفيدنا كتير
| |
|
|
|
|
|
|
Re: بلاش كرري بلاش سيوف عشر (Re: وليد محمد المبارك)
|
Quote: كرري فشل عسكري زريع نتيجته كان احتلال استمر 50 سنة |
هلا يا وليد ومتفق معاك يا وليد بانها فشل وهزيمة تماما .. وكمان بتفق معاك عن مسئولية القادة تور شين واركان حربه...مافي خلاف.. ودي حقيقة علي الارض ..!! والخليفة بمقاييس الحروبات انهزم وكرري جابت ما بعدها ده كلو في محلو..!! ولكن لو جينا حاكمنا تور شين بعيدا عن محيطه المكاني والزماني والعقائدي ونزعنا منو ما يحيطه في ذلك الزمن وبردلب رميناهو دون اي اعتبار للحاجات دي كلها بنكون ظلمنا التاريخ وظلمنا تور شين...!!! كرري مشهد اكتملت صورته وعبر التاريخ و تداعياتها ودلالتها هي التي باقية في عصرنا.. المشهد ده كان فيهو تفاصيل شجاعة جندي محارب ومطيع لقيادته الميدانية حتي كل الظروف والمقدرات (ودي نقطة ممكن تحسب للجندي السوداني) التضحية والموت بكل قوي من اجل فكرة جوهرها الوطن وحاجات كثيرة يا وليد لو قلبتها جاي جاي يتلقي بان الهزيمة من صلبها خرجت عبر ودورس وممكن تكون قاعدة للتاريخ
| |
|
|
|
|
|
|
Re: بلاش كرري بلاش سيوف عشر (Re: عبدالكريم الامين احمد)
|
Quote: ولكن لو جينا حاكمنا تور شين بعيدا عن محيطه المكاني والزماني والعقائدي ونزعنا منو ما يحيطه في ذلك الزمن وبردلب رميناهو دون اي اعتبار للحاجات دي كلها بنكون ظلمنا التاريخ وظلمنا تور شين...!!! كرري مشهد اكتملت صورته وعبر التاريخ و تداعياتها ودلالتها هي التي باقية في عصرنا.. المشهد ده كان فيهو تفاصيل شجاعة جندي محارب ومطيع لقيادته الميدانية حتي كل الظروف والمقدرات (ودي نقطة ممكن تحسب للجندي السوداني) التضحية والموت بكل قوي من اجل فكرة جوهرها الوطن |
ايوووووووووووووووووووووا
ده الكلام
نعترف في الاول بهزائمنا لانه الاعتراف بالهزيمة من الشجاعة زاتو بعد داك نقعد في الواطه ونفتفت الحصل ونحلله
نخت حسناته بي جاي وعيوبه بي جاي
مستصحبين معانا الظروف الزمانية والمكانية
عشان نستفيد من تاريخنا لكن نقول كرري نصر ساحق ومنطقة حمراء البهبشها يقدح في وطنيته والبقول انها هزيمة ما نصر متواطي ده كلام ما سليم
حاجات كتيره مفروض يعاد فتحها وبشفافية
ليه الحسانية كانوا في سباق الحمير وهل فعلا ادلة الجيش الانجليزي كانو سودانيين من الشمال ؟ والسبب شنو ؟ ليه الشرق كله وقف متفرج ؟
| |
|
|
|
|
|
|
Re: بلاش كرري بلاش سيوف عشر (Re: ماضي ابو العزائم)
|
يعني أى زول يجي يناقش موضوع (سواء اتفقنا او إختلفنا حوله) لازم يعني يبرز جنسيته السودانية و شجرة عائلته اولا عشان الناس تديه جواز مرور للمناقشة ؟
قبل فترة الناس كانت مدورة نقاش لى رب السماء حول امر الفلاتة و ما ادارك ما الفلاتة و حقهم فى أن يكونوا سودانيين كغيرهم و نفس الفريق الكان واقف مع الفلاتةالان هم فى المعسكر الاخر ينفوا سودانية البعض و يعياروا الناس بأن أصولهم ليست سودانية
يا ناس أصحوا انتوا حالتكم نخبة متعلمة
| |
|
|
|
|
|
|
Re: بلاش كرري بلاش سيوف عشر (Re: وليد محمد المبارك)
|
Quote: كرري تحدث عن رجال كالأسود الضارية خاضوا اللهيب و شتتوا كتل الغزاة الباغية و النهر يطفح بالضحايا بالدماء القانية ما لان فرسان لنا بل فر جمع الطاغية!!
|
- ما هو الفرق الشاعر الفوق دا و بين محمود سعيد؟! - الفرق إنو محمود سعيد انكشف بعد 3 يوم؛ و الشاعر الفوق متابعاهو زفة الطرش ليوم الليلة.
_____ محمود سعيد – للما بعرفو – حاجة كدا زي الصحاف.
| |
|
|
|
|
|
|
Re: بلاش كرري بلاش سيوف عشر (Re: Hussein Mallasi)
|
والله يا وليد بقيت غالاط جنس غلاط .....
(ولادة البنات بتعلم الغلاط ) ..... شكلك كدة يا ولي ما بتفوت اي بيت بكاء ولا عزومة عرس وبتكون لافي العمة وهاك يا صعوط لمن الحقة تشتكي وكل ما تتزنق في مغالطة تكبر السفة لحدي ما تغالط الحقة ... هههههه
ملاسي أخجل
| |
|
|
|
|
|
|
Re: بلاش كرري بلاش سيوف عشر (Re: Osama Mohammed)
|
ملاسي ياخوي
انتا بتشبة الترك العثمانين....
وشكلك من سلالة محمد علي باشا...
وشكلك ممغوس من هزيمتكم في تحرير الخرطوم وممغوس من العملوا المك نمر في خالك اسماعيل باشا(طبعا الكلام دا بأفتراض انك تركي)
عموما اهلك العرب قالوا التركي ولا المتورك
...
| |
|
|
|
|
|
|
Re: بلاش كرري بلاش سيوف عشر (Re: حذيفه ابراهيم الكباشي)
|
Quote: ملاسي ياخوي
انتا بتشبة الترك العثمانين....
وشكلك من سلالة محمد علي باشا...
وشكلك ممغوس من هزيمتكم في تحرير الخرطوم وممغوس من العملوا المك نمر في خالك اسماعيل باشا(طبعا الكلام دا بأفتراض انك تركي)
عموما اهلك العرب قالوا التركي ولا المتورك
|
شكرا يا حذيفه على إعلامنا بمدى عنصريتك !!!
| |
|
|
|
|
|
|
Re: بلاش كرري بلاش سيوف عشر (Re: Osama Mohammed)
|
Quote: والله يا وليد بقيت غالاط جنس غلاط .....
(ولادة البنات بتعلم الغلاط ) ..... شكلك كدة يا ولي ما بتفوت اي بيت بكاء ولا عزومة عرس وبتكون لافي العمة وهاك يا صعوط لمن الحقة تشتكي وكل ما تتزنق في مغالطة تكبر السفة لحدي ما تغالط الحقة ... هههههه |
ما بسف يا اسامه .. ما بسف
هاهاهاهاهاهاهاهاهاهاهاهاها
سجاير معانا تمباك لا
هاهاهاهاهاهاها
اسمع ما فيها عزومة المرة دي جايكم احتمال الشهر الجاي
| |
|
|
|
|
|
|
Re: بلاش كرري بلاش سيوف عشر (Re: وليد محمد المبارك)
|
Quote: نختلف او نتفق على هذا الفخر ودرجاته المهدي عندي من الافاضل وكذلك ودتورشين |
الاخ ولـيد
اذا نحـن متـفقين. كـمـان لازم نتفق انـه السـودان بـلـدنا كـلنا.
وانـه الامام المـهـدى والخـليفه عـدالـلـه مـن رموزنا التاريخيه للـوطـن.
لا افـرض احـترامهما عـلى احـد, فـى نفـس الـوقـت لا ارضـى لـهما بالاهـانه.
| |
|
|
|
|
|
|
Re: بلاش كرري بلاش سيوف عشر (Re: Hussein Mallasi)
|
Quote: اتحداكم إن لاقتكم عوارة أعور من عوارة عبد الله عبد الله. |
تـعـرف يـا مــلاسـى كـلامـك دا زى
طـبقكن طـبق طـبقنا ولا طـبقنا طـبق طـبقـكن.
غـايتو كـان مـا فكيت درب الانصـار دا الحـبه مـا بجـيك.
| |
|
|
|
|
|
|
|