|
|
 السيناتور عثمان الريح خلي الانتخابات وتعال بي انقلاب !!
|
السيد الدكتور المحترم
ياهي الناس دي مابتريح اي زول ، انت زول ديمقراطي 100% وعايز تجي بواسطة صناديق الانتخاب
لكن باين الناس عندها دكتاتورية في الديمقراطية
عشان كده شد سرجك وتعال بي انقلاب واول حاجة قبل على ناس سودانيز اون لاين الكرهوك الانتخابات زاته
ومكان المستشفى اعمل ليك حوش سجن كبير ومكان المنفى كسروا وابنيهو تلاته طوابق واقع لبع في ناس سودانيز
اون لاين ديل من طرف ماتفرز بت ولا ولد .
مش قالوا ماعايزنك بالديمقراطية تعال ليهم زي ما الناس جاااات .
انا لو ماوعدت داليا حافظ كنت ح اديك صوتي لكن لو نطيت بي انقلاب معاك معاك
ناس مابتريح
كامل التوفيق يادكتور بي اي اسلوب تختارو
تحياتي
زاتوووو
|
|
 
|
|
|
|
|
|
|
|
Re: السيناتور عثمان الريح خلي الانتخابات وتعال بي انقلاب !! (Re: HAIDER ALZAIN)
|
Quote:
في انقلاب اكتر من انه يقلب لينا بطنا يا زاااتو ... |
حبيبنا حيدر
مبروك صورة البروفايل الجميلة
ياخي الراجل بعرفكم عن نفسو لانو جديد في الشغلانة ومحتاج تنوير اكتر عشان الناس تعرفوا وتستمتع بي برنامجو .
اما من ناحية القالبين لينا بطونا كتاااار بس بقت على ده
نتمنى انو الناس تكون ديمقراطية انتي وراسمالية التواجد في دماي
تحياتي
زاتوووو
| |
|
|
|
|
|
|
|
|
|
Re: السيناتور عثمان الريح خلي الانتخابات وتعال بي انقلاب !! (Re: ALZOLZATOO)
|
| Quote: ياخي الراجل بعرفكم عن نفسو لانو جديد في الشغلانة ومحتاج تنوير اكتر عشان الناس تعرفوا وتستمتع بي برنامجو |
عارف كلامك دا كان ممكن يكون صاح ونغفر للزول دا لو اتواضع وقعد في الواطة كدة واجاب على تساؤلات القاعدة الشعبية ..
لكن مشكلته ما ماعاوز يجاوب اي سؤال ويشبكنا ليك الناس دي كلها مسيسة ومنظمة في سودانيز ..
وواحدين مدفورين ..
والتانين قاصدنه ..
والتالتين امنجية ..
ووووو
وآخر حاجة يقول ليك انا مرشح رئاسي ومافاضي ارد على كل من هب ودبّ ..
اها عاوز يكتب ويتخارج والا كيف .. ؟
| |
|
|
|
|
|
|
|
|
|
Re: السيناتور عثمان الريح خلي الانتخابات وتعال بي انقلاب !! (Re: osman elrayah)
|
الاخ الدكتور
شكرا على الكلام الجميل
ونتمنى انو الناس كلها تجد اجابات لي استفساراتها
وكما تعودنا دائما ان مرحلة الترشيح يكون فيها الكلام كتير والتوجيه الاعلامي الضخم
اما مرحلة التنفيذ فتاتي بعد الفوز
نتمنى انو الناس تطول بالها شوية وتعرف البرنامج الشامل لكل مرشح وبعد داك ياترشح يا ماترشح .
تحياتي
زاتوووو
| |
|
|
|
|
|
|
| |
ALZOLZATOO
HAIDER ALZAIN
osman elrayah
فيس بوك
تويتر
انستقرام
يوتيوب
بنتيريست