|
|
 ما بين د.عثمان الريح وعمر اومو وابو ضفيرة مقاربات وتقاطع......!!!!
|
يا سلام علي زمانات عمر اومو ياخي
ذلك الرجل النبيل الطيب الذي كان يتواجد بكثافة في ردهات جامعة الخرطوم وقد عاصرناه في فترة منتصف الثمانمنيات وحتي بداية التسعينات...
عمر اومو زائر دائم لنشاط السنتر وله اركان نقاش ماهولة ومدهشة يومها الكثير من الطلاب ويعاملونه بلطف ومحبة وهو الكريدت الاكبر الذي يتفوق فيه علي دكتور عثمان الريح الذي اورث المنبر قلق وتوتر علي و عصر علي الشباب والشابات فيهو...
فمن من استغاث ومنهم من كورك ومن قال الروووووووووب...
|
|
 
|
|
|
|
|
|
|
|
Re: ما بين د.عثمان الريح وعمر اومو وابو ضفيرة مقاربات وتقاطع......!!!! (Re: عصام دهب)
|
| Quote: و منهم من يدعو الله لهذا المرشح أن يفوووووووز ، بسس عشان يتخارج لينا من هنا ، و قبل ( تنصيبو ) بي يومين كدة ( ينط ) لينا فيها عسكري ( أطرش ) مرتو ميتة و ما بعرف أمو .. |
هلا يا عصام
وانا غايتو اتمني دخول الدكتور ده القصر الجمهوري ولو علي طريقة ابو ضفيرة الشهيرة..
قالو عمل ركن وقال للشباب ارحكم القصر الجمهوري وانا عاوز اخش القصر الجمهوري ده..
قالو ليهو كيف لكن تخش مع السياج والسور ده..؟؟
قال ليهم ارحكم بس ..ولمن المظاهرة تقرب من سور القصر الجمهوري شيلوني فووووق واجدعوني
جووووه القصر... ههههه
| |
|
|
|
|
|
|
|
|
|
Re: ما بين د.عثمان الريح وعمر اومو وابو ضفيرة مقاربات وتقاطع......!!!! (Re: عبدالكريم الامين احمد)
|
ا- عمر اومو..
لا اتذكر تاريخ تواجده في الجامعة ولكن عندما جينا في البرليم لقينا ليهو شنة ورنة..ولكن هنالك اثنين اومو وليس واحد بالمناسبة (احدهم عالي الهدوء) وداخل في شخصية عميد جيش.. ولا يظهر الا في الداخلية
ولكن عمر اومو الاصلي (حياه الغمام) كان عالي النشاط وسخي التواجد في كل كراكير الجامعة.. وله كتابات مبهمة وغامضة في جدران الداخليات اذكر منها الان مفردة (جانقي) .. جانقي شنو كده ماعارف,,,
اركانه ايضا كانت ملمات وبها كلام اقل ما توصف به بانها كلام الطير في الباقير... وكان الاوغاد يترصدون سانحة حضور احدي الطالبات الي (ركن عمر اومو)... لانو جنو وجن البنات وبمجرد حضور احدي الاخوات الطالبات كانت هي فرصة سانحة لاومو لكي يترك كل ما يتحدث عنه (والرجوع الي الموضوع الاساسي) والذي كان في كل الاحوال موضوع لو ردت سيرته هنا لوشحه بكري ب (#######) هههه
| |
|
|
|
|
|
|
|
|
|
Re: ما بين د.عثمان الريح وعمر اومو وابو ضفيرة مقاربات وتقاطع......!!!! (Re: محمد البشرى الخضر)
|
| Quote: الواحد فيهم يا جنريتر يا بوَلّد |
هلا ياعمك
وبيني وبينك الجنترة حاصلة
ولكن قلنا نصل للحكاية دي عبر سكة المقاربة والمقارنات مع اخريين كانو بنفس حركات وبركات
الدكتور ده..
طبعا ابعدنا من المقارنة (عثمان اماني)..
عثمان ده كان زول برئي جدا لكن خربوا الطلاب
لانو كان بقعد في المين رود وبغني اماني ام شعر
قاموا اولاد هندسة المساخيت خربو ليهو زمنو وغصبو يغني بدل اماني ام شعر
اماني (ام قعر )ومن ديك قصتو بقت بايظو بوظ شديد
| |
|
|
|
|
|
|
|
|
 Re: ما بين د.عثمان الريح وعمر اومو وابو ضفيرة مقاربات وتقاطع......!!!! (Re: عبدالكريم الامين احمد)
|
كيكى يا فرده الشوق بحر
وعلى سيرة ابو ضفيره والارقام المميزه :
حنشوف الآن علاقة عادل امين و حنفى شمس الدين بالرقم 40 وده كان بحضور
ملك الارقام السيد ابوضفيره عند مدخل النشاط بجامعة الخرطوم :
عادل امين : يا ابوضفيره المجلس الاربعينى لاتحاد الطلاب فيهو كم عضو
ابو ضفيره : 40 طالب
حنفى شمس الدين : سبحان الله
حنفى شمس الدين : امدرمان فيها شارعين رئيسيين واحد اسمو المورده و التانى شنو
ابوضفيره : شارع ال 40
عادل امين : سبحان الله
عادل امين : اقل نجاح فى اى ماده كم
ابو ضفيره : 40 درجة
حنفى شمس الدين : سبحان الله
حنفى شمس الدين : النفساء بعد الولاده بتقوم من سريرها بعد كم يوم
ابو ضفيره : 40 يوم
عادل امين : سبحان الله
عادل امين : ام اربعه و اربعين ... اسمها ام اربعه و شنو
ابوضفيره : اربعين
حنفى شمس : سبحان الله
وعندها تركهم ابو ضفيره وهو يردد فى سبحان الله ... سبحان الله ... سبحان الله
| |
|
|
|
|
|
|
|
|
|
Re: ما بين د.عثمان الريح وعمر اومو وابو ضفيرة مقاربات وتقاطع......!!!! (Re: عبدالكريم الامين احمد)
|
هلا يا كيكي
يا خي حبابك يا زول والذكريات العتاق,
عمنا عمر أومو الهادئ دا كنت دائماً ألم فيهو في مكتبة المين وهو شايل قلم وكراس وطوالي شغال نقل في الكتب,
نقل شديد وسألت جماعتنا (بتاعين ضهر التور) ناس صديق العربي وحسن بزنس وهلمجرا يا جماعة الزول دا خبره شنو طوالي شغال نقل في الكتب الكبيرة دي, قالوا عمر أومو بيفتكر انه المكتبة المين دي رايح تحرق وهو بالتالي يجهز كتب احتياطية للطلاب (من نقل يـده )
المهم يا كيكي
صاحبنا الصديق أبو ضفيرة (الرقم 13) كان يصلي بمسجد في الفتيحاب وبالمناسبة هو أول من بدأ أحداث الجامعة الشهيرة من حيث لا يقصـد حيث حاول اقامة صلاة الجمعة في مسجد البركس وصلينا معاه وحميناه لجمعتين - بعد وساطة شهيرة للإخوة أنصار السنة أقاموا فيها الحجة على الاتجاه الاسلامي بأن (صلاة الجمعة تجوز في مسجد البركـس ),
طبعا الاتجاه الاسلامي كان (يغصـب) الطلاب على الصلاة خلف (حاج نور) بمسجد الجامعة وسماع التعليق الاسبوعي من (محمد طه محمد أحمد) لأنه لا يوجد مسجد جمعة قريب سواء رضيت بالخطبة وما يقال أو لم ترض ...
بعد داك في الجمعة التالثة دورنا على الامام أبو ضفيرة ما لقيناهـو اتضح انه الاتجاه الاسلامي ( اعتقله ) في غرفة في الداخلية السوباط لغاية ما وقت الصلاة انتهى وبعد داك اطلق (المجاهدون ) سراحه ليقيم ركن نقاش ويعلن ما حدث ويترك ما حدث له (لله)
المشادة بين الشهيد بشير الطيب وقاتله بدأت في مسجد البركـس وصلاة الجمعة الاولى بالامام أبو ضفيـرة وكنا شهوداً حيث جرى التحدي وانسحب القاتل من المواجهة الاولى أمام الجميع.
عدد كبير من حملة السيخ تلك الايام وأوباش الكر والفر هم اليوم قادة عباقرة ووزراء وولاة ونواب في برلمان النسب المقلوعة وتافه يازمان ....
والله أيام يا كيكي
أحمد الشايقي
| |
|
|
|
|
|
|
|
|
|
Re: ما بين د.عثمان الريح وعمر اومو وابو ضفيرة مقاربات وتقاطع......!!!! (Re: أحمد الشايقي)
|
Quote:
عدد كبير من حملة السيخ تلك الايام وأوباش الكر والفر هم اليوم قادة عباقرة ووزراء وولاة ونواب في برلمان النسب المقلوعة وتافه يازمان .... |
هلا يااحمد
وفعلا ذلك هو الزمن الجميل
وابو ضفيرة اراد احياء السنن في مسجد البركس ولكن الاوباش كانو يريدون تسيير كل اشياء الجامعة حسب
افقهم الضيق..
والان تلك الوجوه فعلا نجوم في ساحة السودان يمارسون وعلي مستوي عالي ما مارسوه في ذلك الزمن من تامر
وخبث
| |
|
|
|
|
|
|
| |
عبدالكريم الامين احمد
عصام دهب
محمد البشرى الخضر
Al-Sadig Yahya Abdall
فيس بوك
تويتر
انستقرام
يوتيوب
بنتيريست