|
إيفاءً بوعدي .. أستودعكم الله الذي لاتضيع ودائعه
|
العفو والعافيه ياأخوانا أتمنى أن لايكون في قلب أي أحد منكم شيء ضدي عن نفسي كلكم بمثابة الإخوة والآباء وصدقاً لم يكن أحمل في قلبي ولو ذرة من الكره لأي أحد هنا . لاأود الإطاله سأترككم في رعاية الله كونوا ومن تحبون بخير أعتذر مقدماً لعدم الرد على المتداخلين في هذا البوست
للجميع
مؤونة عشرة أعوام من الود
|
|
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: محمد فرح)
|
ياود فرح ادرك انك بتحاول تكون قدر كلمتك وانو حسن النية متوفر من خلال فتحك للبوست ده لكن الحصل شنو في الموضوع؟ هل تم تثبيت الحادثة .. وكيف؟ على العموم ما كان في داعي تتسرع في مغادرة المنبر وبعدين وين نلقى زول نختلف معاهو للطيش ياخي قول غير كده وسيب حركات الجيش دي
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: حيدر حسن ميرغني)
|
محمد فرح ... سلامات ياخي .... كان بدري عليك .. تودعني وأنا مشتاق ليك ... أتمنى عودتك للمنبر وعدم الاستعجال في المغادرة .. إختلاف الرأي والأراء وبعض الامور الاخر لا تعني الابتعاد عناالأسرة ... على الاقل حتى عودة الرئيس المنتخب ( ود الصائم ) من القصر الرئاسي بالخرطوم ... وبعدين نعمل جلسة كده ونشوف الحاصل شنو !! أها خليل قااااعد أخوي ما تمش سمح؟
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: حيدر حسن ميرغني)
|
ليـس المهــم يا محمـد فـرح أن تغادر المنبـر أو تبقى
المهــم والمهـــم جــداً أن تفهــم وتقتنـع بأنه لا يجــوز التعصـب لفكـرة / لشـخص / لمبدأ بشكل مطـلـق,
فزمان الانبياء المعصومين قد ولى بوفاة سيدنا رسول الله,
الحـق المطلق لا يوجـد على الأرض يا عزيزي ولذلك فعلى رسـلك في اعتقادك ودع الاندفاع في التأييـد ,
أنا لا أدعوك لترك حزبك / فكرتك, لكني ادعوك للتمحيص والشك دوماً فهو ما يقود للاستبصـار والاندفاع في التأييد هو ما يقود إلى العمى,
ظل رفاقك يعذبون الناس في بيوت الاشباح لأكثر من عشرة سنوات وكانوا يعتقدون بأنهم (بفعلهم هذا) إنما يؤدون رسالة ويتقربون إلى الله,
ثم جاءت نيفاشـا فجعلت كل ذلك في (موازين الحسنات) أو (نسياً منسياً) وخرج الشيخ بمقولة أن قتلى الجنوب إنما هـم موتى (حتف أنفسـهـم)
يا عزيزي تأمل في كلماتي هذه جيداُ فكلكم آتيـه يوم القيامـة .... فـــردا ......
أحمد الشايقي
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: حيدر حسن ميرغني)
|
اهو كوز صريح ومباشر غادر المنبر يلا يا مناتلين اعملوا بارتي
لزيتو لزيتو لزيتو لحدي ما اتخارج من المنبر واستغرب مستائين كيف الكيزان لزوكم ولزوكم لحدي ما اتخارجتوا من البلد
مع انو ديك عاوزين يكوشوا على بلد كامل يعني الطمع مفهموم وانتم عاوزين تكوشوا على منبر حوار عاوزيم نحاوروا منو ما عارف ؟ وكت بتخارجوا في الكيزان الصريحين
والطينة واحد لا تقبل الاختلاف ابدا
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: nazar hussien)
|
Quote: متى قدم محمد فرج فكرة حتى ناسى لذهابه الرجل كان يمارس عمله في التطفيش والكذب والعنصرية ضد اهل الجنوب الحمد لله على انجلاء البلاء |
خد يا نزار
لحدي ما القى لي كيبورت عربي انا بكتب من زاكرتي التي اخفظ فيها مكان الحروف
لكن المحصلة هو غلطان مافي كلام وفي ناس انبسطت لغلطة ده ولزتو لز
انا متابع البوست المعني
اها الزول اتخارج
يلا البارتي
وما عارف بما انو منبر حوار عاوزين تحاوروا منو ؟
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: عثمان رضوان)
|
Quote: مؤونة عشرة اعوام من الود ! |
محمد فرح ؟؟ اها وبعد ال 10 اعوام تخلص نجيب من ويين ؟؟
دا بالنسبة للناس الزينا كدا ال ح يعيشوا مائة عام من العزلة ..
اكييييييييد يا فرح بتهظر معانا صاح ؟؟ انا شخصيا ولو بهمك رايى من جووووه قلبى ما دايراك تمشى ...
ــــــــــ قالو يا محمد حسنى مبارك (90) سنة .. جابوا لي سلحفاة من جنوب الصحراء قالو لى دى ح تعيش 300 سنة تانى قال ليهم اديناااا اعديين وح نشوف !!! لووووووول ما تمشى يا محمد بكتتتتتتلك ! ياخ ما دايرين كهرباء ذاتوو
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: وليد محمد المبارك)
|
Quote: لزيتو لزيتو لزيتو لحدي ما اتخارج من المنبر واستغرب مستائين كيف الكيزان لزوكم ولزوكم لحدي ما اتخارجتوا من البلد |
يا ولّى يا قون,, وينك يا صاحب شايف صورك تولول فى البتاع داك,,,
ياوليد محمد فرح قطع وعدا والقصة ما قصة كيزان ولا قصة نتال!! الرهان كان رهان خاسر!! النضال الحقيقى كان نضال ست الشاى المرقت تكوس رزقها ورزق أولادا!!
القصة الحصلت هنا كانت قصة من نوع تانى,,
أحمد العمار جاب الخبر,, ود العمار ما كذاب ولا مناتل,, جاب الخبر وجاب المصدر وكان ممكن يكون خبر غير صحيح,,
محمد فرح قام فيهو سدارى وما حتى خلى ليهو فرقة يبرر كلامو وخبرو الجابو!!
ومحمد فرح كان متأكدا 100% إنو هو فقط ولا أحد غيره صاااااااااااااااح,,,ومعتصم أكد وأمن على الخبر ومعتصم كلامه دائما موزون ذهب ولم يك يوما كذابا ولا نجارا للأخبار والقصص,,
ومع ذلك ,,
خوتنا هنا تمنعنا أن نقول له وداعا!! طريقك زراعى وقشة ما تعتر ليك,, فليبقى محمد الإنسان السودانى الذى نتمنى أن أن نراه مسخرا قلمه وفكرته لقضايا أهله وأولاد بلده فهم الأبقى والأولى أن ندافع عنهم جميعا,,
مودتى لك ولهم,,
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: أيمن الطيب)
|
ليـس المهــم يا محمـد فـرح أن تغادر المنبـر أو تبقى
Quote: المهــم والمهـــم جــداً أن تفهــم وتقتنـع بأنه لا يجــوز التعصـب لفكـرة / لشـخص / لمبدأ بشكل مطـلـق,
فزمان الانبياء المعصومين قد ولى بوفاة سيدنا رسول الله,
الحـق المطلق لا يوجـد على الأرض يا عزيزي ولذلك فعلى رسـلك في اعتقادك ودع الاندفاع في التأييـد ,
أنا لا أدعوك لترك حزبك / فكرتك, لكني ادعوك للتمحيص والشك دوماً فهو ما يقود للاستبصـار والاندفاع في التأييد هو ما يقود إلى العمى,
ظل رفاقك يعذبون الناس في بيوت الاشباح لأكثر من عشرة سنوات وكانوا يعتقدون بأنهم (بفعلهم هذا) إنما يؤدون رسالة ويتقربون إلى الله,
ثم جاءت نيفاشـا فجعلت كل ذلك في (موازين الحسنات) أو (نسياً منسياً) وخرج الشيخ بمقولة أن قتلى الجنوب إنما هـم موتى (حتف أنفسـهـم)
يا عزيزي تأمل في كلماتي هذه جيداُ فكلكم آتيـه يوم القيامـة .... فـــردا ...... |
ده الكلام المهم
مش تجي تطرح لينا نفسك شهيد..
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: أيمن الطيب)
|
Quote: لعفو والعافيه ياأخوانا أتمنى أن لايكون في قلب أي أحد منكم شيء ضدي عن نفسي كلكم بمثابة الإخوة والآباء وصدقاً لم يكن أحمل في قلبي ولو ذرة من الكره لأي أحد هنا . لاأود الإطاله سأترككم في رعاية الله كونوا ومن تحبون بخير أعتذر مقدماً لعدم الرد على المتداخلين في هذا البوست
للجميع
مؤونة عشرة أعوام من الود |
أخي محمد فرح .... تحياتي
اعتذارك عن التشكيك الذي أوردته بخصوص خبر (ست الشاي) فضيلة ... والتزامك بالوفاء بالعهد الذي قطعته على نفسك بأن تترك المنبر في حال تأكدك من صحة الخبر فضيلة أخرى .. آمل – صادقاً – إعادة النظر في هذا القرار مع فائق مودتي وتقديري
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: أيمن الطيب)
|
مرحب ايمن احبارك يا مان
Quote: وينك يا صاحب شايف صورك تولول فى البتاع داك,,, |
النسبة لمحمد انا متابع وهو فضح نفسه براه ومعتصم تماها ليه مع انو معتصم مصنف امنجي وكوز في المنبر ده
بعد داك كجكد اتراجع والناس مفروض كانت تلز في اتجاه اعتذارة ما اسنقالته حتى لو صرح بيها
خلاصة القول وكت الناس عاوزه تخارج الكيزان من المنبر عاوزه تناقش منو ؟
وكت الماس
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: المسافر)
|
الأخ محمد فرح
تحياتي يا زول قرار الدخول للمنبر هو قرار ذاتي متعلق بالرغبة التي توفرت لديك بأن تكون صاحب حرف وكلمة وفق ما تري وتفكر وتقيم ملتزماً بلوائح المنبر المكتوبة وغير المكتوبة . لكن أن تغادر لمجرد خلافك حول أي أمر فهو أمر لا مجال فية للرأي والرغبة الذاتية ، مع التذكير بأننا هنا لا نستخدم سلاحأً نارياً في طرح آراؤنا وأفكارنا وتقيمنا للأشياء . ونعلم من خلال كتاباتك ومداخلاتك إنقازيتك الصارخة لكنها حقبة نعايشها ويبقي الوطن هو الملاذ الأخير للجميع بتعدده وتنوعه . وما أجمل ما رأيت في بوست حفل الفنان عاصم البنا من صور غارقة في الفرح إستجابةً لكلمات وموسيقي سودانية .
بحيراوي
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: أيمن الطيب)
|
Quote: المهــم والمهـــم جــداً أن تفهــم وتقتنـع بأنه لا يجــوز التعصـب لفكـرة / لشـخص / لمبدأ بشكل مطـلـق,
فزمان الأنبياء المعصومين قد ولى بوفاة سيدنا رسول الله, |
Quote: فليبقَ محمد الإنسان السوداني الذي نتمنى أن نراه مسخرا قلمه وفكرته لقضايا أهله وأولاد بلده فهم الأبقى والأولى أن ندافع عنهم جميعا,, |
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: محمد فرح)
|
الاخ / محمد فرح تحياتى
اشكرك لوفاءك بوعدك و لكن كان يكفى فقط الاعتذار الصريح للمتضررين من البوست المعنى فكلنا نخطى ولكن لا يجب ان يكون الخطأ نهاية الدنيا ، فقد وضعتنى فى موقف لا احسد عليه بفتحك للبوست الاول وهذا البوست واحسست كأنى السبب فى كل ما يحدث
عموما ارجو ان تعدل عن رأى (الذهاب من هنا) ويبقى الود بيننا
وختاما نصيحة اخوية : ارجو ان لا تكتب وانت فى حالة انفعال حتى لا تضع نفسك فى حرج
مع فائق احترامى
أحمد العمار
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: Badreldin Ahmed Musa)
|
Quote: عموما ارجو ان تعدل عن رأى (الذهاب من هنا) ويبقى الود بيننا
وختاما نصيحة اخوية : ارجو ان لا تكتب وانت فى حالة انفعال حتى لا تضع نفسك فى حرج
مع فائق احترامى
أحمد العمار |
فائق الإحترام أحمد عمار،،
وفائق الإحترام محمد فرح ، إنسحابك يعني إعتراف بالخطأ ، قليل من الإحترام للذبن يعتبرون خطأ شخص واحد هو خطأ دولة كاملة لأن حزبه هو الحاكم ،، قليل من الإحترام للكثيرين الذين يتصيدون المواقف للنيل من أخ عزيز وزميل في المنبر ، وما حدث للأخ محمد فرح في بوست الكهرباء شيء يدعو للحزن والأسف،،
لا صداقات في هذا البوست ، ولا عشرة يعتد بها ،،
حكومة ومعارضة أفسدوا حياتنا الإجتماعية وصلاتنا التي هي أغلى من كراسي حكمهم ،،
أؤيد إنسحابك أخي محمد فرح : فليس هنا ما تأسى لفراقه بإبتعادك،،
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: Badreldin Ahmed Musa)
|
الأخ محمد فرح
لك التحية والتقدير
أرجو الا تستجيب للاستفزازات التي تجعلك تتمسك بقرارك في الانسحاب
وهذا ما يريده البعض هنا , ليسرحوا ويمرحوا كيفما شاءوا
قد لا أوافقك في كل ما تكتب وتعتقد , ولكني قرأت لك حقائق مزهلة جعلت ألكثيرون يتمنون مغادرتك لهذا
المكان , وها أنت تمنحهم هذه الفرصة على طيق من ذهب .
أقول لك :
لا يوجد معصوم على ظهر البسيطة الآن , وجميعنا نخطي في تحليلنا وفي تقديرنا للأمور , هذا بافتراض أنك
أخطأت في شئ ما , أجمل ما في هذا المنبر هو التعدد والتنوع .
ولا بد من وجود الآخر ليشعر الأول بوجوده
ابقى بيننا , حتى لا يكون مكانك شاغرا
مؤنه أعوام من الود حتى تعود
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: وليد محمد المبارك)
|
ألأخ/محمد فرح..السلام عليكم..
أنا أخطىء وأنت تخطىء وكلنا نخطىء وليس منا هنا معصوم أو مبرأ...
من الفضيلة ان توفى بوعدك الذى قطعته..ومعنى ذلك بأن موت ست الشاى كان صحيحآ,الخبر الذى أورده أخى احمد العمار.
طيب أنت اوفيت بوعدك الذى قطعته على نفسك ولكن تركة لنا تركة كبيرة وهى غضة فى حلوقنا قبل ألأخ/أحمد العمار الذى نعرفه بالصدق,وهى عدم ألأعتذار..
هل تعلم بأن احمد ألعمار من شدة الضيق كان يريد ان يترك المنبر قبلك لما وجده من ذلك البوست المؤلم.
أنت زميل ومحترم ولكن التسرع والدفاع المستميت لقضايا من قبل النظر إليها من كل الجوانب هما سبب ما انت عليه ألأن..
وبصراحة أنا حزين لآنك ألأن ليس بيننا .ولكن اتمنى ان تعود كلك رؤى جديدة وقناعات اكبر..إنت إنسان خلوق وطيب القلب.واحيانآ كثيرة مصدر فرح لنا. نسأل الله ان يكون هذا الموضوع وقفة فى حياتك..............................لك منى خالص ألأحترام والتقدير.................إسماعيل محمد أحمد عباس..
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: احمد العمار)
|
Quote: وختاما نصيحة اخوية : ارجو ان لا تكتب وانت فى حالة انفعال حتى لا تضع نفسك فى حرج |
** الاستاذ أحمد العمار ** الشكر والتقدير والاحترام لك. ** الدين النصيحه ,, فلقد نصحت ... ** الإختلاف فى الرأى ظاهره صحيه الى أن نصل الى الحقيقه. ** الدفاع عن الباطل وأنت تعلم الحقيقه هو موت للضمير المهنى. وتشكيك وإشانة سمعه للطرف الآخر. ** يمكنك أن تُدافع عن مبادئك وقناعتك الذاتيه وبماتؤمن به إذا قدمت للمُتلقى أسانيدك وبراهينك وعندها أحترمك واحترم رأيك ,, وإن إختلفت مبادئنا. ** مانفتقده كشعب هو أدب الإعتذار وادب الإستقاله قبل الإقاله وادب إحترام الآخر الذى يختلف معنا. ## سيظل حوش بكرى جامعاً لكل الوان الطيف من أجل أن نرى وطناً نعتز به ويحترم كل من ألاخر وإن إختلف معه فكرياً ,, فالمليون ميل مربع يسع الجميع ,, ولاتدعوه يسع فئه على حساب بقية الفئات. ## وكذلك هذا المكان يسع الجميع من دون ضرر ولا ضرار او تهويل او تكذيب . ## وأخيراً اقول لك أخى محمد فرح :- (لاخير فينا أن لم نقلها) - وهى:- قول الحقيقه... (ودام الود بين الجميع لنهضة وطن بحجم قاره) (ابو محمد فؤاد - دبي)
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: محمد فرح)
|
يا محمّد فرح يا أخوي ما تدّي المنبر دا أكتر من حقّو
دا مجرّد مكان للحوار والنقاش الجاد والغير جاد والمناكفات وتقضية الأوقات
يجيك واحد يقول ليك هيئة علماء المسلمين قالت كذا وكذا ويطلع كذاب مفتري ساي
خجل ما خجلوا
واحد جاب خبر وإنت جبت خبر تكذيبه وجاء أخر وأثبت صحّة الخبر كل واحد فيكم حسب المعلومات الكانت متوفّرة ليه
يا محمد فرح إذا كان خبر الوفاة في المنبر دا لناس أحياء بيمر مرور الكرام وتلقى صاحبه بكرة بيكتب عن المصداقية والتروي في نقل الخبر فعاااااااااادي
خبر وفاة الترابي وخبر وفاة نميري وخبر وفاة سامي المغربي بالأمس القريب
دا غير سرقة نعش الخاتم عدلان وحضور جمعة لعملية الخطف وغيره كثير
أنت اعتذر فقط من تكذيبك للخبر "الصحيح"
والباقي ساهل
كمال
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: Frankly)
|
أناشدك عبر بوستك هذا بالعدول عن فكرتك جميعنا نخطئ ونصيب ، صحيح أن خطأك كان كبيراً بإعتباره تناول حالة إنسانية لا تمتلك حتي حق الرد لكن إعتذارك عن الخطأ في تقديري من شأنه أن يزيل ما علق في النفوس ، هذه التجربة من المفترض أن تفيدك يا محمد علي الأقل في التثبت والتأكد من المعلومة وعدم الاعتماد علي حسن النية في السلطة الحاكمة وأجهزتها التنفيذية فمسائل الموت أكبر يا محمد من أي سلطة في كوكب الارض وأكبر من بكثير من تناولها في الأسافير كمادة لا ثبات كذب المعارضين وما الي ذلك من دواعي العمل السياسي . أنا أتمني أن أقرؤك مرةً أخري هنا وبروح جديدة وأتمني أن لا يفهم من كلامي هذا إني أدعوك للتخلي عن فكرتك فهذا خيارك لكنني أناشد فيك الانسان يا محمد .
مع وافر التقدير والاحترام
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: خضر حسين خليل)
|
يا محمد فرح ما مهم تقعد او تمشي المهم هو طريقتكـ في التفكير دي و الدليل بوستكـ ده انت عاوز تمشي إيفاء لنذر قطعتو امام الاخرين لو ثبت عدم صِحة كلامكـ و المشكلة هنا , فكرة انكـ تراهن علي رأيكـ فقط بإعتبارو رأي لا يغشاه الباطل فكرة مزعجة و اُحادية و اصراركـ علي المغادرة تأكيد للتفكير المتسلط ده. التعصب لفكرة اي كانت ضار و غير مفيد, الصحيح انكـ تكون مرن في طرح افكاركـ او حتي في ترويجكـ لبضاعة المؤتمر الوطني الكاسدة في سودانيزاونلاين. اهو حتي المختلفين معاكـ في إستماتتكـ في تجميل وجة المؤتمر الوطني هنا في المنبر جوكـ و قالوا ليكـ اقعد ما تمشي و يكفينا منكـ الإعتذار. ياريت ده يكون علمكـ حاجة مهمة في قواعد التحاور او ترويج الافكار
لو قعدت اتمني انكـ تغير طريقة تفكيركـ دي و لو مشيت ودعتكـ الله
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: خضر حسين خليل)
|
يا محمد فرح إنت أخ وزميل عزيز وحتى إذا اختلفنا معاك فهذا لا يعني أن أحداً ما هنا يكن لك أي بغض أو ضغينة.. من حقك أن تتبنى وتدافع عن أي فكر تؤمن به، لكن دفاعك عن الباطل يخصم منك الكثير أنا هنا لا أقول لك اذهب أو أبقى، فهذا شيء تحدده أنت، مسألة بقاءك أو ذهابك قناعة شخصية يرجع أمرها إليك وحدك.. فإن بقيت بيننا فمرحباً بك وأتمنى أن تسخر قلمك للخير والحق والناس المساكين أمثال الشهيدة نادية التي كذبت خبر وفاتها لتجمّل وجه الحكومة القبيح المتقيّح، وأرجو أن تعلم أن مهمة الدفاع عن الحكومة مهمة شاقة وصعبة، وهي أشبه بمهمة بيع الكمونية البايتة لناس العمارات، وإن غاردتنا فتصحبك السلامة أينما كنت، واعلم بأنني شخصياً لا أحمل لك إلا كل مودة وإعزاز وإنْ اختلفت معاك في موقفك السياسي الذي تتبناه وتدافع عنه..
مع وافر التقدير والاحترام،،،
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: Frankly)
|
الاخ الكريم محمد فرح
تحياتي وتقديري..
برغم كل شئ تظل أنت الوحيد تقريبا من مؤيدي الحكومة تحمل خلقاً عالياً..ومؤدب أحسن الأدب..فإذا ذهبت فإن العري سيحدث وانك جماعتك الباقين في المنبر سيكون ظهرهم كاشف..أنت صاحب عبارة (مؤنة عام) من الحب والاحترام والتقدير) هذه التي افتقدناها في أصحابك الباقين ومنهم من كشف عن سوء تربيته واخلاقه.. إذا ذهبت فقد تركت صورة جميلة وناصعة..والاختلاف لا يفسد للود قضية..وجل من لا يخطئ.. ولك مني كل التقدير والاحترام.
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: khalid abuahmed)
|
كامل تضامني مع محمد فرح
جد حزين لمغادرتك و الله فرغم دفاعك المقيت عن الانقاذ , تظل اخاً سودانياً نفاخر به الشمس .. اخي محمد فرح كمارأيت نفسك مخطئاً الآن و من قبل في بوست الكهرباء , يمكن ان تكون اخطأت في مواقف اخرى بحق الوطن و ابناءه .. كن شفافاً و باحثاً عن الحق و اعدل و اضع الف حساب للطرف الاخر و اجعل رأية حقاً و رأيك خطئاً و ناقش لتصل الى جوهر الحقيقة .
الأن انت امام امر صعب هو رد حقوق المسكينة التي توفيت .. و هي من تحتاج الوفاء و ليس نحن في هذا المنبر و تلك مسألة اخلاقية . ارجو ان تبقى بيننا و ان ذهبت لتكن استراحة محارب و تقييم للتجربة السابقة و الى حين عودتك جد افتقدك . الصادق ضرار
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: محمد فرح)
|
Quote: العفو والعافيه ياأخوانا أتمنى أن لايكون في قلب أي أحد منكم شيء ضدي عن نفسي كلكم بمثابة الإخوة والآباء وصدقاً لم يكن أحمل في قلبي ولو ذرة من الكره لأي أحد هنا . لاأود الإطاله سأترككم في رعاية الله كونوا ومن تحبون بخير أعتذر مقدماً لعدم الرد على المتداخلين في هذا البوست
للجميع
مؤونة عشرة أعوام من الود |
انا شخصيا ما بحمل تجاهك اى كره بس سؤال كدة مجنني وقفوا الماهية ولا وقفوها
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: دوت مجاك)
|
Quote: واحد جاب خبر وإنت جبت خبر تكذيبه وجاء أخر وأثبت صحّة الخبر كل واحد فيكم حسب المعلومات الكانت متوفّرة ليه
يا محمد فرح إذا كان خبر الوفاة في المنبر دا لناس أحياء بيمر مرور الكرام وتلقى صاحبه بكرة بيكتب عن المصداقية والتروي في نقل الخبر فعاااااااااادي
خبر وفاة الترابي وخبر وفاة نميري وخبر وفاة سامي المغربي بالأمس القريب
دا غير سرقة نعش الخاتم عدلان وحضور جمعة لعملية الخطف وغيره كثير
أنت اعتذر فقط من تكذيبك للخبر "الصحيح"
والباقي ساهل
|
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: دوت مجاك)
|
الاخ / محمد فرح
تحية طيبة
Quote: لو علي انا ح اكضب واعمل اي شئ وما ح اخلي البورد
وما ح اجيب اي اعتذارات .
يلا ده وعد مني |
بالرغم من وجود البديل الا ان وجودك ايضا مهم ...
فاذا كان ارتكاب الاخطاء يولد الاستقالات كان على الحكومة ان تستقيل من 19 عاما ..
كن معنا ولكن بطريقة اخرى يرضاها لك الكل رغم الاختلاف
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: شول اشوانق دينق)
|
Quote: يا خساااااااااااااارة يا محمد اخوى معقولة يا محمد ماشى ومخلى الدوار!!! هسى عليك الله البجيب لينا اخبار اهلنا الفى الجنوب منووووووووووووووو؟
كلام جاد: كما كنت يا مجند |
كاااااااااااااااااااااااااااااااك والله صحيح يا شول اخوى الزول دى بيعرف اى شئ بيحصل فى الجنوب مرة انا زاتى فى الجنوب وجاب خبرا كدة عن المنطقة اللى انا متواجد فيها غايتو جنس غايتو المهم نتمنى لك كتابة مريحة باسمك (التاني) وقع ولا اعيد الوقعة
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: دوت مجاك)
|
Quote: كاااااااااااااااااااااااااااااااك والله صحيح يا شول اخوى الزول دى بيعرف اى شئ بيحصل فى الجنوب مرة انا زاتى فى الجنوب وجاب خبرا كدة عن المنطقة اللى انا متواجد فيها غايتو جنس غايتو المهم نتمنى لك كتابة مريحة باسمك (التاني) وقع ولا اعيد الوقعة |
تعرف يا بنج دوت الزول ده مرات بيجيب اخبار من اللحم الحى زاااااااتو وده المكيفنى منو بس غرضو من اخبارو ما بيكون عشان اهلنا التعبانين ابداً بيكون تريقة منو وطولة لسان لا اكثر. بعدين يا باشا كلامك التحتو خط ده فيهو إتهام خطير جداً اتمنى تكون حاسب الخطوة ده كويس
______________ كما كنت يا مجند
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: شول اشوانق دينق)
|
بقاءك أو ذهابك لا يساوي ذرة من قتلك للمرأة مرة أخري وإذا كانت الأولي مأساة وسط عشرات فالثانية ملهاة علي رأس الآلاف ... ومحاولتك البائسة في تحويل القضية من قضية إمرأة قتلت لأنها خرجت للبحث عن رزقها إلي تمثيل دور الضحية وإداء الشهادة هي أكثر بؤساً من تكذيبك الخبر نفسه ... ولن تنطلي علي الجميع ... فلقد تعودنا أن تتفوقوا ليس علي حسن الظن بل حتي علي سوء الظن نفسه ...
مثل هذه الحوادث لا تحدث في أي زمان ومكان بل تحدث هنا في السودان وفي العهد الغيهب ولسنا نحمل فقط عساكر المحلية بل نظام بأكمله جرائم لم يسبقه عليها نظام في السودان من موت واعتقال وابادة ... والمأساة الإنسانية ليست هنا حينما تنكشف المحاولة البائسة لقتل المجني عليها مرتين لكنها طالت كل شبر من أرض السودان ... لم تترك صغيرا او كبيرا شيخا او طفلا امراة أو رجل ..
إن ما حدث ليس سوي مجرد نسخة من سيناريوهات تتكرر علي ابشع صورها ليلاً ونهاراً منها ما نعرفه ومنها ما يتم تكذيبه مذل هذا ...
وجود أو ذهابك لا يعنينا بشيء فهو أمر يخصك وحدك لكن يعنينا اغتيال ضحايانا الاف المرات.وتحويل مأساتهم الي إدعاء أجوف بتمثيل دور الضحية
لم يطالبك احد بالرحيل لكن إذا رغبت ... قشة ما تعتر ليك
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: شول اشوانق دينق)
|
Quote: الأخ محمد فرح
لك التحية والتقدير
أرجو الا تستجيب للاستفزازات التي تجعلك تتمسك بقرارك في الانسحاب
وهذا ما يريده البعض هنا , ليسرحوا ويمرحوا كيفما شاءوا
قد لا أوافقك في كل ما تكتب وتعتقد , ولكني قرأت لك حقائق مزهلة جعلت ألكثيرون يتمنون مغادرتك لهذا
المكان , وها أنت تمنحهم هذه الفرصة على طيق من ذهب .
أقول لك :
لا يوجد معصوم على ظهر البسيطة الآن , وجميعنا نخطي في تحليلنا وفي تقديرنا للأمور , هذا بافتراض أنك
أخطأت في شئ ما , أجمل ما في هذا المنبر هو التعدد والتنوع .
ولا بد من وجود الآخر ليشعر الأول بوجوده
ابقى بيننا , حتى لا يكون مكانك شاغرا
مؤنه أعوام من الود حتى تعود |
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: حامد محمد حامد)
|
بغض النظر عن أي شي كونك يا ود فرح تلتزم بكلمة قطعتها على نفسك دي حركة جدا جدعة و فنجرية أجدع من حكومتك زاتها بي ريسها الحالي و المرشح احييك عليها باللاي ما تخذلني و تعمل فيها استجبت للنداءات و تتراجع الراجل بربطوه من لسانه فقط
يلا يا ناس مكاوي و عثمان الريح ومين ومين ابغروا منو واعملوا ليكم حركة كدا ولا كدا
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: حامد محمد حامد)
|
العزيز محمد فرح لا تذهب فأنت لم ترتكب جرماً يقال أهو صابحم الدكتور سردوب عضو المجلس التشريعي جا و كضب و بكوا و ناحوا ليهو و كشفناهو و حيقعد دة كمان كضبتو شينة خلاص إنت كنت زينا ما سمعتة عن الخبر إلا في المنبر كحالنا و لأننا قاعدين في الخرطوم و لا شيء يخفى فيها فكان الخبر بعدم ذيوعه فيه شيء من الريبة عموماً لا تذهب لأنو في ناس كدة أعوذ بالله صيادي المياه العكرة جوك فرحانيييييييييييين
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: علاء الدين يوسف علي محمد)
|
الاخ محمد فرح ... الفرحان شديد ، اقرأ كلام الزميل جعفر بشير دة كويس ، ما نكتبه هنا يعبر عن مواقفنا السياسية والفكرية من قضايا البلد ، منا من هو يؤيد المؤتمر الوطني واخر من يؤيد هذا الحزب او ذاك ، ومنا من لديه راي حول المعارضة والحكومة - مع ان مثل هذه المواقف تصب في خانة الحكومة - المهم كنا نجادلك في اراءك وما تكتبه هنا ، الذين يتباكون بدموع التماسيح هنا لا يقدمون لك النصح فقط هم يريدونك تواصل في التعمية التي كنت تمارسها ، مع ان الذين كانوا يخالفونك نصحوك ولا يسعون ان تبدل رايك لتاتي غدا معهم ، لا اظن ذلك بل انت تستفيد من الاخطاء وتعتذر ، والاعتذار تنبع من الشخص وما في زول بلزك ليها اذا انت ادركت انك مخطئ او تكابر كما يفعل البعض هنا ولن يتعلموا ، وانا لست بناصح لك ، لكنني اتفق تماماً كما ذكرت سابقاً مع الاخ جعفر ولذلك اقتبسه .. بقاءك أو ذهابك لا يساوي ذرة من قتلك للمرأة مرة أخري وإذا كانت الأولي مأساة وسط عشرات فالثانية ملهاة علي رأس الآلاف ... ومحاولتك البائسة في تحويل القضية من قضية إمرأة قتلت لأنها خرجت للبحث عن رزقها إلي تمثيل دور الضحية وإداء الشهادة هي أكثر بؤساً من تكذيبك الخبر نفسه ... ولن تنطلي علي الجميع ... فلقد تعودنا أن تتفوقوا ليس علي حسن الظن بل حتي علي سوء الظن نفسه ...
مثل هذه الحوادث لا تحدث في أي زمان ومكان بل تحدث هنا في السودان وفي العهد الغيهب ولسنا نحمل فقط عساكر المحلية بل نظام بأكمله جرائم لم يسبقه عليها نظام في السودان من موت واعتقال وابادة ... والمأساة الإنسانية ليست هنا حينما تنكشف المحاولة البائسة لقتل المجني عليها مرتين لكنها طالت كل شبر من أرض السودان ... لم تترك صغيرا او كبيرا شيخا او طفلا امراة أو رجل ..
إن ما حدث ليس سوي مجرد نسخة من سيناريوهات تتكرر علي ابشع صورها ليلاً ونهاراً منها ما نعرفه ومنها ما يتم تكذيبه مذل هذا ...
وجود أو ذهابك لا يعنينا بشيء فهو أمر يخصك وحدك لكن يعنينا اغتيال ضحايانا الاف المرات.وتحويل مأساتهم الي إدعاء أجوف بتمثيل دور الضحية
لم يطالبك احد بالرحيل
عموماً تلفزيون السودان والاذاعة كلها تكذب يومياً ومع ذلك ندير اجهزتنا ، وهي لن تعتذر عن العشرين عاماً من الكذب بقت عليك انت مؤونة اعوام من الود
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: مصطفي سري)
|
سلامات يا محمد ذهابك اثبت انك عندك دم اكثر من المناتلين الواحد بجي هنا يشتم الناس ويكذب ويقل ادبو وفلانة ديك مينبوس وديك شنو وداك شنو
ويقعد ذي الما عامل حاجة.. وممكن المناتلين يجو يرشو ليك القاب المناضل الرائع وتذكرني ببوخارين الفتى الثائر وبتيخ..
صحح الخطا بالاعتذار ومارس النقد الذاتي
والعترة تصلح المشية وليك مليون تحية يا ملك....
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: د.نجاة محمود)
|
الاخ محمد فرح ..
نصيحتي الأخوية لك أن تأخذ إستراحة وراحة من الكتابة هنا وحتى من القراءة ، وذلك كي يتسنى لك الوقت الملائم للتفكير قليلا حول الفترة الماضية التي قضيتها هنا مع طرح السلبيات والإيجابيات ثم قم بالحكم عليها ..
أعتبر نفسك في إجازة كم شهر كدة يا محمد فرح وإنشاء الله ترجع بعد محاسبة نفسك ..
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: د.نجاة محمود)
|
تفارق كيف تخلينا لي شوقنا وذكرى ماضينا
وكيف بعدك يكون الحال وكيف تصبح ليالينا
يازول خير الخطاؤون التوابون
لكن مشكلتك يامحمد فرح انت زول بتشوف الحق وبتقيف مع الباطل والدليل على ذلك البوست بتاع مرتبات الاطباء انت كنت بتوجد في العذر لتاخير المرتبات وقلت الازمة المالية مع انو الدولة قالت السودان ما تاثر بالازمة المالية.
عشان كده اذا مشيت اعتبر المنبر عتره وحاول تصلح المشية بتاعتك وتكون استفدت وفي التاني السلامة
واذا رجعت اهلا ومرحب بيك وحاول ماتتعجل وخليك مؤتمر وطني والمؤتمر الوطني فيهو الصاح وفيهو الغلط اها لمن تكون الحاجة صاااح اعمل عشرين بوست ولمن تكون الحاجة غلط اعمل زغبير بس
تحياتي
زاتوووو
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: السيد المسلمي)
|
يا أخوانا إنتو جادين ؟؟؟ ستين مداخلة عشام محمد فرح قال ماشي ؟؟؟ ما يغور في ستين داهية أصلاً وجودو زي عدمو واحد .. شخص لا يحمل ذرة من الإنسانية و لا جرام وحد من الضمير ما سيضيرنا أن بقي أو ذهب ؟؟؟؟ اصلاً وجودو في المنبر كان خطأ من الأول ... لا مكان هنا للكاذبين و بالذات لمن يتعمدون ذلك والله لا أقول ذلك لأن محمد فرح كوز .. في المنبر العديد من الكيزان لمن يطبلون للإنقاذ لكنهم على الأقل لا يكذبون متعمدين مثلما يفعل محمد فرح البوست كلو محاولة لإستدرار العطف بعد أن إنكشف الملعوب ... وأظن و إن بعد الظن إثم أن هذه ليست فكرة محمد فرح فهو محدود التفكير جدا وهذا ما يدعم أن وجود محمد فرح هنا وراءه قوي و جهات أخري
ياخ أمشي ربنا يسهل علينا و عليكـ ..
كان عندي قلة كنت كسرتها وراكـ
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: سيف اليزل برعي البدوي)
|
محمد فرح
اعتزلت الكتابة في المنبر...اعتذرت ..ماده الموضوع ولا دي القضية,,,ولا نادية الله يرحمها استقالتك من المنبر حتفيدها بي شيء.. انت وعدت بالذهاب والتحقق من الامر..كان اكبر اعتذار لي نادية انك تمشي تشوف لينا اولادها الحاصل عليهم شنو..وتخلينا نتشارك كلنا سوا نشوف طريقة نخفف العليهم..ونساعدهم..واسه ماحصل يدنا في يدك بعد ده..شكلوا مجموعه من الخرطوم تمشي تصل بيتها ،، وانا بعد ايام حاكون معاكم يسعدني انه انضم ليكم.. يا محمد فرح مافي زول طالب منك تدفع غلطة نظام بأكمله...بس تحرى وتحرة وتحرى.. وابعد من الطاعة العمياء خاصة مايخص الروح وحق الله فيها,, لو على الغلط...كلناغلطانيين في حق المرحومة مابقت عليك بس..
وليد الشفت..بالجد مستغربة لي ردة فعلك..بس اهو نتقبلها زي حاجات كتيرة في المنبر ده..مافي زول قاصد محمد فرح يا وليد..لكن انت حاول فرز المواقف..وفرز المواضيع...احتراماتي للكل.
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: طه كروم)
|
تصدق أنا بالجد يا محمد فرح اتخدعت فيك وقايلك كوز لأني ما قابلت كوز بيحاور ويوفي بي وعده عشان كده سامحناك تعال راجع بس على شرط دي ما تكون برضو خدعة كيزان
بالجد كده متمنى رجوعك لأنو نحن نهاية معارضتنا مع الكيزان بتنتهي لما يرجعو للحق وإنت زول دافعت بي صوت عالي عن الكيزان البستحوا يدافعوا عن نفسهم لأنهم في أعماقهم عارفين حقيقة أنفسهم المرة لكنك كنت شجاع واعترفت بالخطأ
والأهم من ده كلو إنك تستفيد من التجربة وتكون أقرب للمساكين المحكومين من ثلة الحاكمين وخلي الجماهير هي دايما مصدر حقيقتك ونبضك وأحلامك ألبس جلابيتك وأمشي حوم في الأحياء الخلفية للمدينة في والمستشفيات والصيدليات والأسواق الشعبية وشوف هموم الناس البسيطة وأحلامها استمع للناس الما عندهم أحزاب ولا جرايد ولا إذاعات ولا منظمات ولا وكت للتفكير لأنهم مدورين زي المكنات وما قادرين يعيشو كبشر شوف الناس الاتشردت وهاجرت وعزبت وماتت هل ده كلو بيوازيهو كم شارع ظلط وكبري ونفق وخزان شوف الناس البتعشق الحريات ليها ولي غيرها وهي شايلة إحساس الكبت وكاتمة غيظها أقعد مع الناس التم تهجيرم وتشريدهم عشان تعرف كم فقدنا من كفاءات عشان خاطر الحزب الحاكم أمشي زور المدارس والجامعات وقارنها مع العالم من حولنا عشان تعرف كم ركزنا على الكم وضاع مننا الكيف في زحمة التباهي والانجاز شوف كم مغترب ومهجر سوداني أسسوا دول من الزيرو وشايلين اقتصاديات في اكتافهم ونصيبهم من حكومة الانقاذ هو دفع الضريبة والزكاة ومليون نوع من الرسوم والواحد ما يقدر يرجع للوطن حتى روحو وحر مالو وممتلكاتو الأفنى عمروا يبني ويعمر فيها بالحلال
ح تعرف ليه نحن اخترنا نكون مناضلي كيبورد ورغم إننا ما دايما على حق لكننا ما دايما على باطل
عايزك يا محمد لمن ترجع تكون مناضل كيبورد أحسن مني ومن أخوانك وأخواتك البستقطعوا من عيشتهم عشان يكتبوا كلمة أو كلمتين تودي البلد لي قدام وتؤثر ولو أثر الفراشة
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: معاوية الأرباب)
|
,,,,,,,,,,, الزول دا ماشي مالو? الكذب !! يا أخي الانقاذ نفسها تأسست علي أكذوبة : هل هولاء الرجال جبهة? وأذهب للقصر رئسا وساأذهب للسجن حبيسا وهاهو عمر البشير يكذب ليل نهار ومش كذب سادة وأنما كذب مسنود بالقسم المغلظ? وها هي صحيفة الرائد تختلق وتفبرك وتنتنفس أكاذيب/ شلل البندر /طرد علي الحاج من هولندة/ أعتقال المخابرات الامريكية لهاشم بدر الدين فالكذب صنعة كيزانية!! ما يطرحه محمد فرح يتم التصدي له هنا وبصورة كثيفة محمد فرح أمثاله لايشكلون خطورة عليكم يامعارضة المنبر فالرجل أوراقه مكشوفة ومعلن عن نفسه ولايخفئ أنتمائيه!! الخطورة لا تأتي من محمد فرح و أمثاله وأنما من ينفذ أجندة الكيزان تحت ستار الاستقلالية أو بإعتلاء منصة الهم الوطني والاسلامي الخ والخطورة ياسادتي تأتي من الكوادر الامنجية التي تعمل بتخفئ وخبث!! دعو الرجل يعرض غثه وثمينه وحقه وباطله وأتركوا القارئ يحكم له أو عليه ...مع حقكم بالتصدي له بالتفنيد أو تجاهل ما يكتب!! وهذه لمحمد فرح يا أخوي ماتشيل وش القباحة ساكت ولاتحرق مصداقيتك في الفارغة ...راجع نفسك وقلل من إيراد الاخبار وأضبط نفسك حتي لاتنجرف مع الحماس والهتافية والشعارات ...تريث ولا تتعجل في الكتابة!!
كمال
(عدل بواسطة كمال عباس on 05-13-2009, 01:03 AM) (عدل بواسطة كمال عباس on 05-13-2009, 01:05 AM) (عدل بواسطة كمال عباس on 05-13-2009, 01:05 AM)
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: كمال عباس)
|
ود فرح يا أخوهم.. نشكر لك إنتمائك الصريح للكيزان، وكذبك الفاضح، لأنك حقيقة بتساهم مساهمة ما عاديَّة في تمييز وترسيخ رأي الطرف الآخر -الضد-، وأنا شخصياً يا ود فرح قدر ما أقرأ ليك قاعد أحمد المولى عزّ وجل إنني في الطرف النقيض منك.. ولوجودك أهميَّة أخرى، هي لولا أمثالكم لما وجدنا -أهل المعارضة- ما نتفق عليه، فعليك الله ما تمشي حتى لا نأمكل بعضنا بعضاً.. __ المهم عشان يرتاح ضميرك، تقوم تدفع مرتب شهر لأطفال المرحومة ناديّة، وتكون بذا كفرت عن بعض من أكاذيبك، وتاني قدر ما تكذب، تقوم تدفع مرتب شهر لضحاياك وذويهم، وبالطريقة دي تكون أفيَّد كذاب، ونحن ذاتو بنساعدك على الكذب..
ليك مني مؤونة عشر أعوام من الود أبو كذبة، الود أبو كذبة ده أخو البرتكان أبو صُرة..
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: ضياء الدين ميرغني)
|
الاخ \ محمد فرح,,, التحية والاحترام
اتمني ان تقرأ بتمعن وتجرد ما كتبه الاخوة
احمد الشايقي و اسماعيل عباس , يكتبون بصدق
وشفافية, عبارات صغيرة تحمل معاني كبيرة
اكن لهم كل تقدير واحترام, اذا كنت انا المقصود
لوضعت كلامهم حلقة في اذني , اصغي اليها كلما جلجلت
ارجع اليها كلما انفعلت وفقد السيطرة علي مدادي
نصيحة اخوية خالية من اي كلمة جارحة. اتمني ان
تتقبلها بصدر رحب, وايضا ما كتبه العمار شي
جميل من شخص اخطأت في حقه,, خروجك من المنبر
ليس له مبرر كن شجاعا اعتذر وواصل كتابة مع
التحري في دقة ما تكتبه,,, اختلاف وجهات النظر
لا يفسد للود قضية.
سيف الدولة كامل نيويورك
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: Nader Abu Kadouk)
|
الكلام الكتبو العوض الطيب ده كلام طيب اخرج دموعي من محابسها:
qoute
تصدق أنا بالجد يا محمد فرح اتخدعت فيك وقايلك كوز لأني ما قابلت كوز بيحاور ويوفي بي وعده عشان كده سامحناك تعال راجع بس على شرط دي ما تكون برضو خدعة كيزان
بالجد كده متمنى رجوعك لأنو نحن نهاية معارضتنا مع الكيزان بتنتهي لما يرجعو للحق وإنت زول دافعت بي صوت عالي عن الكيزان البستحوا يدافعوا عن نفسهم لأنهم في أعماقهم عارفين حقيقة أنفسهم المرة لكنك كنت شجاع واعترفت بالخطأ
والأهم من ده كلو إنك تستفيد من التجربة وتكون أقرب للمساكين المحكومين من ثلة الحاكمين وخلي الجماهير هي دايما مصدر حقيقتك ونبضك وأحلامك ألبس جلابيتك وأمشي حوم في الأحياء الخلفية للمدينة في والمستشفيات والصيدليات والأسواق الشعبية وشوف هموم الناس البسيطة وأحلامها استمع للناس الما عندهم أحزاب ولا جرايد ولا إذاعات ولا منظمات ولا وكت للتفكير لأنهم مدورين زي المكنات وما قادرين يعيشو كبشر شوف الناس الاتشردت وهاجرت وعزبت وماتت هل ده كلو بيوازيهو كم شارع ظلط وكبري ونفق وخزان شوف الناس البتعشق الحريات ليها ولي غيرها وهي شايلة إحساس الكبت وكاتمة غيظها أقعد مع الناس التم تهجيرم وتشريدهم عشان تعرف كم فقدنا من كفاءات عشان خاطر الحزب الحاكم أمشي زور المدارس والجامعات وقارنها مع العالم من حولنا عشان تعرف كم ركزنا على الكم وضاع مننا الكيف في زحمة التباهي والانجاز شوف كم مغترب ومهجر سوداني أسسوا دول من الزيرو وشايلين اقتصاديات في اكتافهم ونصيبهم من حكومة الانقاذ هو دفع الضريبة والزكاة ومليون نوع من الرسوم والواحد ما يقدر يرجع للوطن حتى روحو وحر مالو وممتلكاتو الأفنى عمروا يبني ويعمر فيها بالحلال
ح تعرف ليه نحن اخترنا نكون مناضلي كيبورد ورغم إننا ما دايما على حق لكننا ما دايما على باطل
عايزك يا محمد لمن ترجع تكون مناضل كيبورد أحسن مني ومن أخوانك وأخواتك البستقطعوا من عيشتهم عشان يكتبوا كلمة أو كلمتين تودي البلد لي قدام وتؤثر ولو أثر الفراشة العوض الطيب
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: Elawad Eltayeb)
|
Quote: الكلام الكتبو العوض الطيب ده كلام طيب اخرج دموعي من محابسها:
|
رغم جفاف دموعنا من محابسها ( كحالة فردية ) الا ان على محمد فرح قراءة كلام العوض اخوي دا... العوض خاتي ليه اسماء الله الحسنى ليس لكسب رخيص .. ولا نفاقا منه ... العوض ما هو الشيوعي الملحد في نظر الجبهة ومحمد فرح العوض ما هو رفيق ياسر عرمان العميل الذي يريد ان يهدم اركان الاسلام كما اتى به علماء القوم ..
العوض انسان بسيط يتكلم عن واقع معاش .. اذا على محمد فرح ان لا يذهب فأن ذهب انتماءه لن تذهب انسانيته وان لم يذهب انتماءه ايضا لن تذهب انسانيته ,,, فهو من رحم هذا الشعب الطيب ولا يجرد من الانسانية في خطأ ... لا تكونو كمن انطبق عليه مثل التور ان وقع كترت سكاكينو ... انا اشد الناس خلافا مع محمد فرح ولكن اليوم اقرب الناس اليه اختلفت معه سياسيا واتفق معه اليوم كأخوة جمعنا هذا المنبر .. ان كان يتصيد هفواتي فانه بحديثه الطيب قد ازال كل ما علق بالنفس ...
تعال لتكتب بصدق ... فالحزب محتاج لمن يفتح بصيرته لا لمن يخفي عيوبه ....
انا علاء الدين حيموره زاتو يا محمد فرح ...
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: بشير أحمد)
|
الساده المشاركين جميعاً نزولاً عند رغبات الكثيرين إرتأيت العوده للكتابه هاهنا بسودانيز اون لاين لاأخفيكم أن رغباتهم هذه وافقت رغبتي أيضاً اون لاين أصبح بمثابة الرئه التي اتنفس بها الأمر بمثابة الإدمان أي نعم إدمان فالفترة التي قضيتها بعيداً عنكم كانت قاسية ومؤلمة لأقصى درجه كما أن الفتره القادمه تعتبر حرجه جداً في تاريخ بلادي وكان لزاماً الدفاع عن مكتسبات هذا الوطن ضد المغرضين . لمده 3 سنوات او يزيد كنت اتصفح هذا المنبر الذي هو اليوم أصبح يشكل جزءاً لايتجزأ من برنامجي اليومي اسأل الله ان يحلنا وإياكم من هذا الإدمان
للجميع مؤونة عشرة أعوام من الود
| |
|
|
|
|
|
|
Re: إيفاءً بوعدي .. أستودعكم الله الذي لاتضيع ودائعه (Re: صديق الموج)
|
Quote: الساده المشاركين جميعاً نزولاً عند رغبات الكثيرين إرتأيت العوده للكتابه هاهنا بسودانيز اون لاين لاأخفيكم أن رغباتهم هذه وافقت رغبتي أيضاً اون لاين أصبح بمثابة الرئه التي اتنفس بها الأمر بمثابة الإدمان أي نعم إدمان فالفترة التي قضيتها بعيداً عنكم كانت قاسية ومؤلمة لأقصى درجه |
محمد فرح مرحب بعودتك بين ابناء وطنك مطلوب منك ان تحكي لنا حقيقة ما جرى عن نادية صابون . فقط هو مطلبنا .
| |
|
|
|
|
|
|
|