|
|
|
 Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: شادية عبد المنعم)
|
الأخ عادل ان كان هذا حقيقة
حا تكون فضيحة بجلاجل
لأننا قرأنا لك بأنه أحد قيادات الحزب
الذى فتحت له بوست بفتح باب العضوية للجمهور .
-----------------------
غايتو ربنا يكضب الشينة
نسمع كثيرا عن أن فلان أو فلانة استقال أو استقالت
من الحزب الفلاني والعلاني
ولكن ان قال أنه ليس عضوا من الأساس ووضعتونه في منصب قيادى كمان
حا يكون تكبير كوم ليس الا وهذا يطعن في مصداقيتكم من الأساس
وفي هذه الحالة فتح باب العضوية ......حا يكون من نوع (الخم ساكت)
| |
 
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: الرشيد ابراهيم احمد)
|
يا شادية
افتكر الخبر ممكن يكون صحيح لانو انتي قلتي (خبر هام .....تاج السر عبدالله النجيب ينفي عضويته في حزب عادل عبد العاطي )
فدا ما عندنا بيهو شغلة
لانو نحن ما عارفين انو عادل عبدالعاطي عندو حزب باسمو والمعروف عندنا هو انو عادل عضو في الحزب الديمقراطي الليبرالي الموحد UDLP
http://liberalsudan.org/
صحيح انو عادل يمتاز بالنشاط في الحزب ولكن اعضاء وفروع يعملون ليل نهار في جميع ارجاء السودان في صمت
كوني بخير وعافية
عبدالمجيد صالح
الحزب الديمقراطي الليبرالي الموحد UDLP
-------------------
تخريمة
البوست الغرض منو شنو؟ لانو مافهمته حاجة لسا
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: عبدالمجيد صالح)
|
الأخ عبد المجيد صالح
أظنك عارفني ما بقيف بين بين
وأنا قبل ما أنشر البوست ده قابلتك في مركز الخاتم وقلت ليك تاج السر عبدالله النجيب أبو ليم تاج السر النجيب
الما بتغباهو نفى عضويته في الحزب بتاعكم المسمى (الحزب الديمقراطي الليبرالي الموحد UDLP
ونفى معرفته الأكيدة بعادل عبد العاطي لما حاولت أقرب ليهو عن ياتو حزب أنا بتكلم
بالحرف الواحد قال لي عادل عبد العاطي ده بتاع بولندا داك؟؟
يعني يا عبد المجيد تاج السر ما عضو في الحزب بتاعكم وطبعاًده على لسانو هو شخصياً
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: عبدالمجيد صالح)
|
الأخ عبد المجيد الغرض من البوست هو تكليف من تاج السر النجيب شخصياً بأن انفي عنه هذه التهمة
وغرضي الشخصي هو أن أعمل لأجل وطن لا يجف فيه الأمل من الكذب والكوار السياسي
فأنا لا أقتل الأمل لكن كنت أرجو أن يقوم حزبكم على الصدق وإحترام الشعب الذي يعمل لأجله
وأكرر لك هنا أن تاج السر عبد الله النجيب قال لنا (لنا دي شايفها كيف) يعني ما لي براي
بأنه ما عضو في الحزب الديمقراطي الليبرالي الموحد UDLP
ولا في أي حزب من الأحزاب المكونة ليهو
شفت كيف؟؟
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: عاطف مكاوى)
|
الأخ عاطف مكاوي
تحية طيبة
إتصل تاج السر النجيب تلفونياً وسألته ليم بتو
يا بابا صحي إنت بقيت نائب رئيسة الحزب الديمقراطي الليبرالي الموحد
قال ليها منو القال ليك الكلام ده
قالت ليهو منشور في سودانيزاون لاين
قال ليها أديني شادية
سألني صحي يا شادية الكلام المنشور ده
قلت ليهو بالحيل
قال لي أنا ما عضو في الحزب ده
قلتو ليهو هو تحالف أحزاب
قال لي ولا عضو في أي واحد فيهم
وحأرسل ليك بيان تكذيب لو سمحتي انشريهو
وعليك الله تنشري تكذيب للخبر ده
أها عاد والتفاصيل أثر لما يجي عادل عبد العاطي يقول جاب الكلام بتاع نواب رئيس من بيت واحد من وين
بعدين عبد المجيد زي ما بيعرف تلفوني بيعرف تلفون تاج السر ما تصل ويقول ليهو شادية نشرت تكذيب الحكاية شنو؟؟
يعني بدل ما يجي يديني درس أصيغ الخبر كيف
كان يعد عضوية حزبه ويتأكد من موافقتهم
بعدين دي ما عضوية يا عاطف دي قيادة نائب رئيسة عديل
يعني لو (لا قدر الله) يبقى الرئيس عديل.
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: ثروت سوار الدهب)
|
الأستاذ ثروت دهب المصداقية شئ هام جداً في تناول هذه القضايا
أنا لم أكتب عن السر النجيب
بل كتبت عن تاج السر عبد الله النجيب نائب رئيسة الحزب الديمقراطي الليبرالي الموحد
وديل شخصين مختلفين صاح أمهم الحاجة نفيسة رحمة الله عليها وأبوهم الخليفة عبد الله النجيب
لكن إنت واضح حتى ما عارفني بتكلم عن شنو
وعموماً مداخلتك دي ما غريبة علي فمرة أنت دافعت عن تبيدي الذي تم تعذيب عمر النجيب إبن أخ المذكورين وعينك لم ترمش.
حقو تعفي نفسك من الفتوى هنا خالص لأني متأكدة بكتب عن شنو
وبتكليف من تاج السر النجيب شخصياً
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: ثروت سوار الدهب)
|
الأستاذ ثروت سوار الدهب
أعتذر لك بشدة فقد خلطت بين إسمك وإسم عصام دهب في بوست آخر
وأنا لم أتعود أن أدوس للآخرين على طرف
فأنا آسفة حقاً
أما بخصوص تاج السر عبدالله النجيب فأنا مكلفة من قبله بتكذيب هذا الخبر
وهو يعني ما طلبه
وهونفي علاقته بالحزب الديمقراطي الليبرالي الموحد
أو أي من الأحزاب المتحالفة
والأهم من كل هذا هو ما مجبور يكذب علينا ولا في سبب يخليهو ينفي بهذه الصيغة القاطعة
وبالنسبة لينا ما في حاجة تخلينا نصدق ناس ما بنعرفهم ولا شفناهم ونكذب زولنا
ناس ما فارزين تاج السر من السر
وكما ذكرت وعد بإرسال بيان لنشره هنا وسوف أفعل حال إستلامه
وعلى أي حال هو قادم إلى الخرطوم قريب
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: محمد مكى محمد)
|
العزيز محمد مكي
مع إحترامي الشديد لوجهة نظرك لكن لدي رؤيتي في طرح هذا البوست
وتاج السر النجيب ليس زيد أو عبيد بل هو زميل لم يقدم إستقالته أوينقسم من الحزب الشيوعي
وهي ليس مسألة عضوية زيد أو عبيد في حزب ما بل هي ممارسة سياسية
فترسيخ الديمقراطية يتطلب ترسيخ المصداقية وهذا واجبنا نحو الديمقراطية
هذا إلى جانب حق ليم تاج السر في رؤية الحق لوالدها
ولا مانع لدي من تعديل عنوان البوست لو ممكن لكن تعلم أن هذا مستحيل
أرجو أن تتفهم أيضاً وجهة نظري
مع كامل شكري على مرورك هنا
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: عبدالمجيد صالح)
|
العزيزة شادية
تحياتي
بعد ردك علي أعلاه
وقولك بأنه قد كلفك بنشر تكذيب لخبر أنه لم يكن عضوا بأى
من الأحزاب الأربعة ناهيك عن أن يكون نائب رئيس الحزب المكون
من هذه الأربعة أحزاب .... وأنه سوف يكتب رسالة بهذا المضمون
فالآن ما علينا الا أن نصدقك القول مالم يحدث تكذيب لحديثك من جانبه
-------------------------------
والآن سنأخذ بقولك وما أظنك كنت بحاجة للدخول في معمعمة زى دى
لو لم تكن صحيحة .
وفي هذه الحالة نقول (وا فضيحتاه)
تزوير في منصب نائب الرئيسة كمان ! ........يا أخوانا نائب دى حاجة كبيرة
نزور في عضوية صغيرة (مثل عاطف مكاوى مثلا)
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: خضر حسين خليل)
|
الأخ الصديق خضر حسين
سلامات ياخ
الحقيقة أنا ما مختزلة حزب كامل في شخص زول
لكن الحقيقة الزول نسبة لكونه بعيد وما عضو في سودانيز أون لاين ولنه عندو التزام حزبي سابق
لم يتخل عنه بأي شكل طلب أن نكذب هذا الخبر ووعد بإرسال بيان سوف ننشره حال إستلامنا له
وحتى ذلك الحين لو بكري ادى إبنته ليم تاج السر باسوورد حتتولى القصة دي
لكن المهم بالنسبة لي هي الممارسة السياسية السليمة لأحزاب تنوي أن تحكم هذا الشعب يوما ما
بالنسبة لي لو الحزب الديمقراطي الليبرالي الموحد لو طلع مكرفون أنا وبنات تاج السر النجيب تاني
ما حنصدقهم ببساطة لأنو المصداقية عندنا شئ أساسي
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: emad altaib)
|
الأخ عماد الطيب تحية طيبة
الحقيقة في شخصين أنا بعرفهم جداً
هم سرالختم عبدالله النجيب المعروف بالسر النجيب
وتاج السر عبدالله النجيب وهو الشخص موضوع البوست
عن السر النجيب إحتمال يكون عضو في هذا الحزب وهو لم يطلب تأكيد
ولا نفي وكنا مع بعض الجمعة القبل الفاتت
أما تاج السر النجيب موضوع البوست
عبد المجيدصالح بيعرفنا الإثنين وكلمتو شفهياً بأن تاج السر النجيب نفى عضويتو في حزبكم
يعني عارفني بتكلم عن منو
وواضح إن أميمة برضو عارفة إنها بتتكلم عن منو
بالنسبة لينا نحنا نفينا عن تاج السر عبدالله النجيب نائب الرئيسة حسب طلبه
ولمعرفتنا به
دي كل القصة
يعني أنا ما عندي مشكلة مع أي زول
وعبد المجيد ده لغاية ساحة الحقيقة دي كان زول صديقي
بعدين ما في مجال للخلط لأنو الناس ديل عارفين إنو في شخصين وكمان أخوين
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: emad altaib)
|
والله يا عماد أنا زاتي كنت قايلة القصة كدة في الأول
وبعد قراءة القائمة المنشورة سألت عادل عبد العاطي وتجاهل سؤالي في البوست
ويوم الجمعة القبل الفات كنا مقيلين مع ناس السر النجيب وفي طريق العودة مع شخص بيعرفهم الإثنين
قال لي تاج السر صحي بقى نائب رئيس الحزب الديمقراطي الليبرالي الموحد؟؟
قلت ليهم يطرشني
أها أتنشر البوست ده
ليم سألت أبوها
هو سأل عن حقيقة المنشورفي البوست
قريناهو ليهو في التلفون
قال هو ما عضو في اي من هذه الأحزاب ولا نائب أي زول
وما في مجال للخلط لأنو عبد المجيد على الأقل عارف منو تاج السر ومنو السر
بعدين ليه عادل ما يرد في هذه المسألة الخطيرة
وليه عبد المجيد لما لاقيتو في مركز الخاتم وقلت ليهو تاج السر نفى ليه ما قال لي المعني السر؟؟
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: emad altaib)
|
Quote: في الإقتباس اللي أوردته سابقاً
ما تحته خط الاول هو تاج السر عبد الله النجيب نائب الرئيس
واللي تحته خط ثاني ومكتوب (ينوبها) السر ,
فهل الاثنين في الحزب وفي نفس الوقت الاثنين ينوب الرئيس ؟! |
تصحيح لما تحته خط كما ورد بالقائمة
الاول: تاج السر النجيب.... وليس تاج السر عبدالله النجيب فلم يورد اسم عبد الله بالقائمة.
الثاني: السر النجيب. وليس السر فقط
فعلا والله....
شئ غريب.
:).
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: Omayma Alfargony)
|
الأخت أميمة الفرجوني تحية طيبة
الحقيقة أنا قصدت الحزب الديمقراطي الليبرالي الموحد
زوأعتذر لو أسأت بصورة بايخة للأخ عادل عبد العاطي
وتاج السر النجيب لا مات لا فات جاي الخرطوم يوم 15 مايو
وهو طلب تكذيب هذا الخبر مني شخصياً
وبدأ فعلاً ما عارف أي حاجة عن الحزب بتاعكم ده
لأنو قال لي يمكن يكونوا خالطين بيني وبين السر النجيب قلت ليهو
إنت نائب نور تاور
والسر النجيب الهو ما عضو في المكتب السياسي برضة نائب بطريقة أخرى
وقال لي بي عضمة لسانو برسل ليكم بان حاولوا نشره في ذات الموقع
يعني غالطو زول تاني
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: شادية عبد المنعم)
|
Quote: أعضاء المجلس السياسي :
الاستاذة نور تاور كافي رئيسة المجلس
الاستاذ تاج السر النجيب نائباًً للرئيس
الاستاذ محمد عبدالله مقرراً
الدكتور صلاح مارشال رئيس قطاع الخارج
الاستاذ مارتن مادول عضواُ
الاستاذ معتز صالح عضوا
الاستاذ الجيلي يوسف عضواُ
الاستاذ منيب عبدالله عضواُ
الاستاذ احمد خاطر عضواُ
الاستاذ هبة النور عضواُ
الاستاذ عبد المجيد صالح عضواُ
الاستاذ محمد احمد غلامابي عضواُ
الاستاذ عادل عبد العاطي عضواُ
الاستاذ ابوهريرة عبدالرحمن عضواُ
الاستاذ عبد الرحمن عبدالسيد عضواُ
الاستاذ وليد عزالدين عضواُ
الاستاذ خالد كوكو عضواً
الاستاذ عبدالله عيدروس عضواُ
الدكتور اسامة النور عبد السيد عضواً
اما المكتب التنفيذي فيتكون من :
الاستاذة نور تاور كافي رئيسة (ينوبها الاستاذ السر النجيب والاستاذ احمد خاطر)
الاستاذ احمد خاطر رئيس مكتب الاعلام ( تنوبه في مكتب الاعلام الاستاذة نسرين عمر)
الاستاذان عبد العزيز كمبالي ومدثر خميس (المكتب السياسي )
الاستاذ عبدالله عيدروس رئيس مكتب التنظيم والادارة
الاستاذ مارتن مادول رئيس مكتب العلاقات الخارجية (ينوبه الاستاذ عبد المجيد صالح)
الاستاذ عبد الرحمن عبد السيد رئيس مكتب المال والاقتصاد (تنوبه الاستاذة ولاء حسين)
الاستاذ معتز صالح رئيس مكتب العمل الانساني والمدني
الدكتور عبد الرحمن النور عبد السيد
الاستاذ عادل عبد العاطي رئيس مكاب الدراسات والبحوث |
فتح باب العضوية في الحزب الديمقراطي الليبرالي الموحد ...
البوست دا سوو عشان يزيد العضوية يقوم ينقصا ؟؟
لالالالالالالالالالالالا يمكن في غلط في اسم في حرف .. كدي يا شادية اتاكدي كويس بالله
على كل حال ننتظر كلام عادل عبد العاطي ثروت دا لسع اسمو بقلم الرصاص
الزعل مرفوع يا شباب
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: خضر حسين خليل)
|
اQuote: لاخت شادية
تحياتى
خليك من السيد تاج السر
الحزب اللبرالى زااااته بخلاق النت ما سمعنا بيه
لا فى التاريخ ولا الواقع
وحتى فى النت ما عرفنا ليه برنامج بخدم ليه قضية او يحل لينا ازمة غير شتيمة الاخرين
يعنى باختصار ( انا انتقد واطول لسانى على الاخرين اذا انا موجود)
وبالتالى يبقى عضوية المذكور اعلاه ان صدقت او كذبت قضية ناقصة الجوانب |
الاستاذ عاطف
بما انك من المتابعين النشطين للحزب الديمقراطي الليبرالي الموحد في النت فارجو ان تاتي لنا وللقراء
الاتي:
Quote: وحتى فى النت ما عرفنا ليه برنامج بخدم ليه قضية او يحل لينا ازمة غير شتيمة الاخرين
يعنى باختصار ( انا انتقد واطول لسانى على الاخرين اذا انا موجود) |
الرجاءالاجابة بوضوح. هل انت تقول ان الحزب الديمقراطي الليبرالي الموحد يقوم بشتيمة الاخرين؟؟
اذا كانت الاجابة بنعم فارجو ارفاق ما يثبت ذلك.
ارجو ان لا تاتي لنا باي موضوع يخص شخص بالحزب وليس الحزب كمؤسسة.
اما رائك في الحزب على ارض الواقع فانه يعادل قولي( كشخص وليس كحزب لليبرالي) بان هناك احزاب على ارض (الواقع الذى تعترف به انت) وليس -(واقع الليبرالي الذي لا يروقك)- ليس لهاأي انجاز حقيقي في (الواقع)....وهذا ما أتي بها ل (الواقع السياسي الان) الذي (هي) -أعني تلك الاحزاب-
(جزء) منه وفيه.
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: Abdel Aati)
|
الأستاذ عادل عبد العاطي
أولاً أنا لم ألجأ لأي أساليب صفراء ولن أفعل
وأرجو أن يعرف السر النجيب الذي تقصده طبعاً أساليبك التي شهد عليه كل من في البورد
ولو كنت فعلاً كما تظن لما إعتذرت لك
لكن كما قال أحد المتداخلين الحسنة ما بتنفع فيك وإنت ما بتنفع معاي
أنا واثقة أن لا مجال للخلط لكن الحمد لله إن السر النجيب أداكم مخارجة
وبالنسبة لي السر النجيب زاتو ما دايم ليكم لأنه أخلاقه أرفع من أساليبك دي
وعليك النبي تجادلني لأنو بالنسبة لي أنو الإسم الرسمي لنائب العضو بتاعكم خطأ
يعني إنتو نائب رئيسكم يا كافي البلاء ما عارفين إسموا منو
المرة دي عاد إلا السر النجيب شخصياً يديكم الإسم الكامل لأنو في كل الحالات إنتو ما عارفين عضويتكم منو
معقول
بعدين غبينة شنو يا عادل عبد العاطي البفشها في ناس ما بعرفهم وحزب عمري ما سمعت بيهو؟؟
ياخ قول كلام معقول
لقد كتب عادل عبد العاطي:
والباحث عن تدقيق الأسماء أولي به أن يبدأ بنفسه وقد قال السيد المسيح "أيها المنافق لما تريد أن تخرج القشة من عين أخيك وتترك الجذع في عينك، أو كما قال
الخلاصة:
يعني مثلاً أنا ممكن أكون ما عارفة إسمي
ولا ماعرفة الإسم الرسمي لي عم بناتي؟؟
المهم السر النجيب زاتو حيقرأ الكلام ده
وعشان ما تسقط في الإمتحان تاني
وخدمة ساكت كدة عشان بكرة بعد بكرة بنات السر النجيب ما يجوا يقول ليك كذاب
إسموا سر الختم عبدالله النجيب السر النجيب دي بنقولها نحنا في البيت
عليكم الله أمشوا عدلوا ورق حزبكم ده نائب رئيسة معقول مرتين تكتبوهو غلط؟؟
والغلطة الأولى تكلفكم إعتذار لأخوه وأسرته والثانية تكلفكم العضو نفسو؟؟
بعدن يا عادل عبد العاطي أنا ما مخطئة ولا خطأ واحد عشان تقول لي هناك خطأين كفيلات بي الذهاب بي مصداقيتي
أنا تعاملت مع خطأك بحسن نية في وقت إنتو كنتو بتتجاروا تفتشوا على مخارجة
ومصداقيتي أسأل منها السر النجيب أنت شن عرفك بي كدة
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: محمد حسن العمدة)
|
الاخت شادية عبدالمنعم
تحية طيبة
يبدو أن رأيك الشخصي في عادل عبدالعاطي والحزب الليبرالي أثر سلباً علي ما تحاولين نشره هنا ... ويبدو ذلك واضحا من العنوان ومن المفردات و التحامل الواضح علي عادل عبدالعاطي وتصغير واختزال الحزب الليبرالي بل (الأحزاب الأربعة) في شخصه .. كما تبدو محاولاتك مستميتة في إدانة الاخ عادل واتهامه بالتزوير ...
أنا من أكثر الناس خصومة مع عادل عبدالعاطي (خارج إطار الحزب الشيوعي) وكان لنا حوارات وخصومات وعداءات كثيرة علي هذا المنبر .. يمكنك مراجعة الارشيف .. وبالتالي ليس دفاعاً عنه (لانه الحسنة ما بتنفع فيهو) ..
لكني لا أعتقد أن أغبي أغبياء العالم يمكنه أن يضع اسم نائب الرئيس (لأربعة تنظيمات) لشخص ليس عضواً في اي منها .. حتي قبل أن اعرف ان هنالك اشتباه في الاسماء ..
ومن الواضح أن تطابق الأسماء وتشابهها هو سبب الخلط هنا ... وطالما كان هو حزب عادل عبدالعاطي كما ذكرت فكان بامكانه ان يضع اسمه في خانة نائب الرئيس ويقي نفسه شر المسألة وهو يعرف خصوماته الكثيرة ...
حينما قرأت ردك علي الأخ عبدالمجيد ووصك لنفسك بأنك (( أظنك عارفني ما بقيف بين بين )) ...
انت الان واقفة بين بين ... وقد حاول اكثر من شخص تنبيهك للأسماء المتشابهة لكنك مصرة علي المضي في الاتهام .... وطالما انك لا تقفين بين بين أرجو التريث قليلاً في الامر ... وافتراض الأفضل وليس الأسواً (ما لم يكن الافضل بالنسبة لك اثبات تزوير عادل عبدالعاطي)...
فالمسالة ليست عادل عبدالعاطي في شخصه ...
وقضايانا لم تكن قط بمثل هذا الاختزال ...
فلا تقفي بين بين مثلما كنت ..
تحياتي
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: عبدالمجيد صالح)
|
افتكر يا شادية بوست غير موفق
بالعكس يا صديقي أفتكر إنو موفق لأني قدمت ليك خدمة ماجانية
وخليت السر النجيب يعرف وقع وين
وخليت عادل عبد العاطي يرجع لمنهجه القديم الذي تحدث عنه خالد العبيد
وخليت عندكم حزب من غير نائب رئيس لأنو الزول الموجود وهو تاج السر النجيب إضطريتو
تستجيبوا لي نفيو حالتو لسة ما نشرنا المذكرة
والسر النجيب ده رسمياً شخص غير موجود (إلا تجيبوا إشهاد شرعي)
يعني عشان ما كان في سبب أنت تعمل شفت وأميمة تجي تعمل أبو العريف وعادل عبد العاطي
يعمل إنو ممكن يشتمني
ببساطة كان ممكن ترجعوا للعراب تخلوهو يوريكم المخارجة كيف ويا دار ما دخلك شر
لكن بعد ده المخارجة صعبة
حتى بعد رد عادل عبد العاطي
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: Omayma Alfargony)
|
العزيزة شادية
سلامات
للامانة والتاريخ
ابان فترة الوحدة بين الحزب الليبرالي والتنظيمات ال3 الاخري ( والتي كنت من اشد المعارضين لها بشكلها الحالي )
كنت اشرف علي العمل التنظيمي بالتكليف
وفي اجتماعات المكتب التنفيذي للحزب الليبرالي والتي كنت احضرها بصفتي اعلاه
وفي احداها عرض علينا مسئول ملف التفاوض اسماء الممثلين للتنظيمات في قيادة الحزب الموحد
واكن ممثلو الحركة الديموقراطية هم
1 _ السر النجيب
2_ تاج السر النجيب
3_ معتز
ورابعهم لا اذكرة الان
وللحقيقة لم اري مكتوب ولم اصادف الاخ تاج السر في ايي فعالية للحزب الموحد حتي لحظة خروجي من الحزب الديموقراطي الليبرالي الموحد
مع فائق احترامي
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: Yassir Bainwi)
|
الأخ ياسر بيناوي
تحية طيبة وشوق
شكراً على مرورك وتوضيحك
الحقيقة أنا عارفة إنو الحركة الديمقراطية حاولت أكثر من مرة الزج بإسم تاج السر
وهو نفى ذلك بشدة
لدرجة إنو قال لي ليم أي زول يقول ليك بابا عضو في الحركة الديمقراطية تقولي ليهو دي ما حقيقة
وهو بالتحديد نفى عضويته لأي من التنظيمات الأربعة دي
وده ما حاولت بلطف أن الفت له نظر عادل عبد العاطي ومن بعده الصديق عبد المجيد
لكن بدل ما يعدلوا غلطهم عايزين يجروها لمساحات ضيقة
على أي حال دي مساحة أنا ما بخسر فيها
لا أنا حزب هنا لا فاتحة الباب للعضوية
وشكراً ليك تاني
بالمناسبة لميس أمتحنت الرياضيات كويس
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: Gafar Bashir)
|
الأخ الفاضل جعفر بشير
هناك شخصين هما الأخوين تاج السر عبد الله النجيب وسر الختم عبدالله النجيب
والشخصين لتاريخهما السياسي
المهم في القصة إن الحزب الديمقراطي الليبرالي ده يطرشني أنا ما سمعت بيهو غير قبل إسبوعين
وأنا ما واقفة بين بين أنا بعرف تاج السر وبعرف عبد المجيد والذي يعرف تاج السر جيداً
لما قلت ليهو تاج السر نفى عضويته في حزبكم ما علق ضحك عادي وتم باقي الونسة معاي
أنا قلبي أكلني
أتكلمت تاني مع تاج السر لأنو مستحيل يكون نائب رئيس حزب وما عارف روحو
وتأكدت بأنه ليس هناك أي خلط
لأنو الناس الأنا بتكلم معاهم هم عارفين مين تاج السر ومين السر
بعدين أنا ما بعرف عادل عبد العاطي ولا عمري لاقيتو ولا أظن أنو دربنا أتقاطع في هذا البورد
يعني ما أظن إننا تداخلنا مع بعض غير في البوست الذي أعلن فيه الحزب الديمقراطي الليبراليالموحد
يعني لا عادل ولا الحزب ما عندي ضدهم شئ لا شخصي لا عام
لكن تكليف تاج السر النجيب وسلامة الممارسة السياسية هما دافعي لكتابة هذا البوست
أنا بعرف أسرة عبد الله النجيب كلها وبعرف إنتماءتهم السياسية فما في مجال للخلط
إلا للدخلوا الحزب ده في النت بس
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: شادية عبد المنعم)
|
Quote: بعدين أنا ما بعرف عادل عبد العاطي ولا عمري لاقيتو ولا أظن أنو دربنا أتقاطع في هذا البورد
يعني ما أظن إننا تداخلنا مع بعض غير في البوست الذي أعلن فيه الحزب الديمقراطي الليبراليالموحد
يعني لا عادل ولا الحزب ما عندي ضدهم شئ لا شخصي لا عام
لكن تكليف تاج السر النجيب وسلامة الممارسة السياسية هما دافعي لكتابة هذا البوست |
طالما الأمر هو كذلك وأنه ليس لديك رأي مسبق في الاخ عادل أو في حزبه
وطالما اعتذرت للأخ عادل مسبقاً عن العنوان فيبقي الأمر الان في يد الاخ عادل عبدالعاطي ليوضح ملابست هذه المسألة ...
وأتمني أن يصدق حسن ظني في الأمر وما أرجحه هنا رغم تأكيداتك المستمرة علي أن المسألة تمت عن قصد ... ووقتها سأكون أول من يعتذر لك عن سوء تقديري للأمور
وحتي ذلك الوقت
لك كل الود
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: Gafar Bashir)
|
Quote: ثمة سؤال خطر ببالي أعزائي بالحزب الليبرالي بعد قراءة البوست من أعلي الي اسفل ومن اسفل الي أعلي
هل هناك خلط بين الاستاذ السر النجيب والاستاذ تاج السر عبدالله النجيب ؟
أم الاثنان أعضاء في الحزب ؟
أرجوا أن أجد إجابة واضحة |
الاخت شادية ........... سلام
يبدو ان هنالك خلطا غير مقصودا من الاخوة بالحزب الليبرالي حيث ان المقصود هو الاخ السر النجيب وليس تاج السر ابوليم , والسر فعلا عضو بالحزب الليبرالي بعد عملية التوحيد وانتخب في القيادة ومعه الاخ معتز صالح من ذات الحزب الذي توحد مع بقية التنظيمات ,
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: Abdel Aati)
|
يشجعني هذا البوست الخبيث أن اكتب مقالي الموعود عن هنري كورييل المؤسس الحقيقي الحزب الشيوعي السوداني فترقبوه
كمبيوترى لم يساعدني في عمل اقتباس :
ولكن أعلاه كلام الأخ عادل عبدالعاطي
فيا عزيزى عادل (بتهدد بدل التوضيح أو اللبس المنطقي الذى حدث)
يا أخوى زى ما انت عايز (حد حايشك)
ما زمنك ده كلو بتكتب وتسئ للحزب الشيوعي وقافلة هذا الحزب في مسيرتها)
انت مسئول عن التوضيح ....بعد داك أكتب العايز تكتبو
هنرى كوريل منو الما كتب عنه ومساهماته في تكوين الأحزاب الشيوعية في المنطقة العربية
وعلي وجه الخصوص مصر والسودان ....(يعني ما حا تجيب الديب من ديلو كما يقول المصريين)
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: Abdel Aati)
|
كتبت السيده شاديه في معرض تخبطها في هذا البوست عده اشياء اقتبس منها الاتي| Quote: أظنك عارفني ما بقيف بين بين |
| Quote: وعموماً مداخلتك دي ما غريبة علي فمرة أنت دافعت عن تبيدي الذي تم تعذيب عمر النجيب إبن أخ المذكورين وعينك لم ترمش. |
| Quote: أعتذر لك بشدة فقد خلطت بين إسمك وإسم عصام دهب في بوست آخر |
| Quote: ناس ما فارزين تاج السر من السر |
Quote: أنا لم أكتب عن السر النجيب
بل كتبت عن تاج السر عبد الله النجيب نائب رئيسة الحزب الديمقراطي الليبرالي الموحد
وديل شخصين مختلفين صاح أمهم الحاجة نفيسة رحمة الله عليها وأبوهم الخليفة عبد الله النجيب
أنا لم أكتب عن السر النجيب
بل كتبت عن تاج السر عبد الله النجيب نائب رئيسة الحزب الديمقراطي الليبرالي الموحد
وديل شخصين مختلفين صاح أمهم الحاجة نفيسة رحمة الله عليها وأبوهم الخليفة عبد الله النجيب |
اولا انت ركزي قاصده منو في السراري في واحد اسمو تاج السر والتاني السر
بعدين عنوان البوست عامل زي قصة (ارخميدس) الطلع وهو جاري يكورك وجدتها وجدتها...
انت معنونه ليك بوست ومختصره حزب كامل في شخص عادل عبالعاطي ...يعني نور تاور دي ما عاجباك ...ولا هي روح الجندر الملازمه (المتثاقفين) defeated mentality and low self esteem البتعاني منها المراه في العالم الثالث ...وبعدين شنو حكاية انت كاتبه حزب عادل عبدالعاطي وداخل البوست injected مفردات مثل المصداقيه والثقه ...ولا دي اساليب اغتيال الشخصيه وشخصنة السياسه الاتعلمتيها من ممارستك للسياسه عبر تنظيمك ( الماعارفنو شنو)...انا ما ح اكون زي الباقين القالو علي استحياء عنوان البوست غير لائق لانو انت ببساطه عايزاه غير لائق ..وده بيوحي انو السياسه(ده لو انت سياسيه ) مابارحت مخيلة (المتثاقفه) علي اعتبار انها ونسه وشخصنة مواضيع ...
ساعود ان وجدت الوقت يا سيده شاديه ...
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: Elsanosi Badr)
|
يا اخت شادية
انا ثروت سوار الدهب
اين دافعت عن شخص اسمه تبيدي قام بتعذيب الناس؟
الرجاء التكرم و الإفادة
من ناحية اخرى
معرفتك بالسر النجيب او الآخر الذي ينتهي اسمه بالنجيب لا تهمنا هنا
ما يهمنا الأتي
الرجل المشار إليه كنائب رئيس احزبنا هو السر النجيب
انتهى
كونه عبد المحيد ضحك و لا بمى لمن سالتيه او هو عارف انت بتكالمي عن منو او عن ما منو دا شي خاص بينكم.
لا يرقى لدرجة نفي انسان انه ليس نائب في حزب ما و هو لم يكن المعني اساسا.
السر النجيب عضو في الحزب الديمقراطي الليبرالي الموحد
و منصبه نائب رئيس الحزب
ضحكة عبد المجيد ما اجابة
و نفي الشخص القادم يوم 15 ما اجابة
فهي تشبه ان انفي الان باني ثروت سوار الدهب لست بنائب رئيس حزب سانو.
و منتظر
منك
اين دافعت عن تبيدي الذي يعذب الناس
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: Elsanosi Badr)
|
السيد السنوسي بدر الحقيقة عنوان البوست كنت عايزاهو غير لايق
لأن عادل هو من نشر هذه اللستة ووثائق الحزب
وأعتذرت عن هذه النية لعادل عبد العاطي
وأكتشفت بعد داك أني ما مشيت بعيد
والحقيقة نور تاور لا عاجباني لا ما عاجباني لآني ببساطة ما بعرفها
وكونها سيدة هذا لا يحفز روح التعاطف أو (الجندر ) دي ما عارفها كيف
يعني تحليلك مستند على شنو
أو تنميط مبني على شنو ما عرفتو
لو أنت عايز تهاجم ساكت كدة ولا عندك تار ما إتجاه سياسي ده بيكون موضوع ثاني
ولو ما عارف أنو قصة تاج السر النجيب والسر النجيب دي كانت مقصودة بدليل أني
لقيت عبد المجيد عضو المجلس السياسي في ذات التنظيم وهو في حكم صديق لينا الإثنين تاج السر وأنا
وذكرت ليهو نفي تاج السر
ما نفى لي القصة
يعني معقول عضو مكتب سياسي إسمو في نفس القائمة مع الشخص النافي صلته بالحزب يكون ما
عارف خطورة هذا الخلط لو كان في خلط؟؟
بعدبن عبد المجيد بيعرفنا الثلاثة أنا والسر وتاج السر
سالنا عادل عبد العاطي
تجاهل الرد
فياسيدي أنا لم أتخبط عارفة القصة ومتأكدة وحاولت من غير بوست مستفز
وخارج النت
يعني ممكن إنت ممكن تكون خالط لأنو في أخوين يحملون أسماء قربية وهناك مزايدة على أحدهم
وكان ممكن تتوضح من الأول
لكن أنا عارفة البير وغطاها
وصدقني القصة ما عندها علاقة باثر من الأسرتين وهذا الحزب الديمقراطي الليبرالي الموحد
بصراحة أنا ما شايفة شخصية يجب أن تقتال وللتاريخ راجع كتاباتي على قلتها لن تجد هذا الإسلوب
يعني إنت بس مستبطن ليك شكلة معاي وما أظن عندك حق
أنت مالك مكبرة معاي كدة؟؟ يعني من وين ليك أنو مخيلتي متثاقفة ولا شنو هي؟؟
ياخ أنا كلفت من شخص بشكل أسري جداً أن أنفي إنتمائه لهذا الحزب
لأضرار نراها كأسرة
حاولت القصة دي بي أخوي وأخوك
الجماعة عملوا معاي مجانين
رديت عليهم
والزول الغلط في حقو أعتذرت ليهو
وناس الحزب الديمقراطي الموحد الليبرالي عرفني بتكلم عن منو وعن شنو
وكان ممكن يتم التصحيح ده ببساطة هم إختارو يطلعوني ما عارفة بتكلم هن شنو ومنو
وأنا عارفة كويس وأسأل بهاء بكري
ولو أنت عضو في الحزب ده
ببساطة إسم نائب الرئيسة بعد النقة دي كلها غلط
ودي ما جابت ليها سياسة
ولو جينا للسياسة
الممارسة السياسية الصحيحة هو أن يتم إنتخاب أعضاء القيادة السياسية وأن تعلن أسماءهم وأن تكون صحيحة
بس!
ولك التحية وممكن ترجع في أي وقت ؤبنا يديك الوقت والعافية
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: Abdel Aati)
|
| Quote: يشجعني هذا البوست الخبيث أن اكتب مقالي الموعود عن هنري كورييل المؤسس الحقيقي الحزب الشيوعي السوداني فترقبوه |
في انتظاروا
وين مقالك عن مؤتمر الحزب الخامس ؟
الذي نشره ثروت هنا بعد يوم واحد من المؤتمر
وبعد ذلك اختفى
وين المقال ده يا عادل؟
اتمنى ان تنشره ثانية
شادية بتتكلم عن شخص وانت خلطت في الاسماء
شادية محقة في ما ذكرت
واكدت على نفي تاج السر عبدالله النجيب عضويته لحزب عادل
ولي عودة
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: Omayma Alfargony)
|
Quote: العزيزة شادية
سلامات
للامانة والتاريخ
ابان فترة الوحدة بين الحزب الليبرالي والتنظيمات ال3 الاخري ( والتي كنت من اشد المعارضين لها بشكلها الحالي )
كنت اشرف علي العمل التنظيمي بالتكليف
وفي اجتماعات المكتب التنفيذي للحزب الليبرالي والتي كنت احضرها بصفتي اعلاه
وفي احداها عرض علينا مسئول ملف التفاوض اسماء الممثلين للتنظيمات في قيادة الحزب الموحد
واكن ممثلو الحركة الديموقراطية هم
1 _ السر النجيب
2_ تاج السر النجيب
3_ معتز
ورابعهم لا اذكرة الان |
رد ياسر بيناوي وهو كان من الاعضاء الفاعلين في عملية الوحدة والاندماج للحزب الجديد ويقول شهادته للتاريخ
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: ثروت سوار الدهب)
|
لاحظت في ردودك تخبطات و ارتباك
و الواضح انك استعجلت في ربط الشحص القادم للنفي لشيئ بدا يتضخ لامن ردودك المشتتة
المنطق بيقول
لو في تشابه اسماء و انت تعرفيها. و تعرفين ان ال>ي تسعي لتبيان نفيه بمنصب نائب الرئيس هو اصلا - و حسب معرفتك- ليس عضو في الحزب المعني. بيقى - و بغض النطر عن ضحكات عبد المجيد او بكائه - المعني هو الشخص الاخر.
لاحظي اقحامك لاسمه الثلاثي تاج السر عبد الله النجيب
في حين ما اورده عادل عبد العاط:ي تاج السر النجيب و الذي نعرفه باسم السر النجيب.
فكان يجب ان تنتبهي لان المقصود الاسم الاخر.
و قد يكون كلاهما يختصر اسمه بالسر
فكثير من يحملون الاسم المركب تاج السر و سر الختم بالسر فقط.
و عندنا عضو مميز اسمه تاج السر العطا
فقد يكون اضافة عادل نابعة من هنا مثلا فإلتصق تاج السر عنده من زميلنا في الحزب الليبرالي المحلول و اعتقد بان تاج السر العطا كان نائب رئيس في الحزب السابق. فاعتقد عادل خطا بان و ذهنه شابك بصديقهالعم تاج السر العطا هو الاسم الرسمي للاخ السر النجيب هو تاج السر النجيب(علما بانه لم ياتي باسم ثلاثي) انما اتيت انت به للماحججة بعد تبين خطأك. قد يكون اليس كذلك؟ هذا إن لم يكن السر النجيب اسمه الرسمي تاج السر النجيب.
اما ادعائك عن عدم معرفتك بالحزب الليبرالي فهذا ما لم اشتريه
فالصرع الذي تعانيه ينبئ بغير ما تلهجين
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: ثروت سوار الدهب)
|
الأخ ثروت سوار الدهب لك التحية والتقدير
الحقيقة أنا في غاية الأسف للخلط الذي حدث بين إسمك وإسم عصام دهب (جننتونا بالدهب)
لكن فيما يخص تاجر السر النجيب فأنا ما خالطة ولا حاجة
السر النجيب هو إسم العائلة لعم بناتي والإسم الرسمي هو سر الختم
تاج السر هو أبو بناتي
يعني أنا عارفة بتكلم عن شنو
وكان ممكن مجيد يقول لي في خلط ساعة كلمتو لكن ما كان في خلط وأنا فقط تحسباً
كلمت مجيد
وبرضو تحسباً كتبت في البوست متساءلة لعادل عبد العاطي ولمجيد ولأي عضو في الحزب ده
وعارف أني بتكلم عن الأخوين السر وتاج السر
بالنسبة لبناتي التوضيح ده كان مهم جداً ولهم تقديرهم الذي أحترمه والذي إحترمه والدهم عندما
قرر نشر بيان في هذا الخصوص
ولو تخلى أعضاء الحزب الديموقراطي الليبرالي عن إستبطان سوء القصد
أظن في ما حدث درس جيد في تصحيح العمل السياسي
والذي يحتاجه كل حزب وكل شخص
وننا كلنا كشعب بنتعلم في الديمقراطية يا دوب
لكن الناس من أول زنقة تلجأ للتهديد والوعيد ده تمرين سئ حقيقة
على أي حال أكرر أسفي للضرر الذي سببته لك وأرجو أن تقبل خالص إعتذاري
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: ثروت سوار الدهب)
|
,,,,,,,,,,,,القيامة قامت والله شنو?
Quote: الاخت شادية
أسف للإلحاح لمعرفة بهتان دفاعي عن شخص اسمه تبيدي يعذب الناسز يبدو اننا كنا نكتب في تزامن.
فلم الحظ اجابتك عليَ إلا في اقتباس الأخت اميمة.
ما بيناتنا سماح و لا يهمك. تشابه اسماء بيحصل عادي |
ثروت سوار الدهب يدافع عن تبيدي?
والعزاء أن الاخت شادية قد أخطاءت
وتشابه عليها البقر بمثل أخطاء من نقل أسماء مكتب الحزب الليبرالي
هنا والامر لايستحق هذه الضجة وخصوصا بعد هذه التوضيحات وكان يمكن
للأخت شادية أن تستفسر عن هذه النقطة بدون اللجوء لهذا الشكل الاثاري
ومن دون هذه الحدة
وأرجو أن يتم طي هذه الصفحة سريعا والتركيز علي الاهم ولكن قبل ذلك
أرجو أن نتعرف علي السيرة الذاتية للنجيب القيادي بالحزب الديموقراطي
والنجيب الاخر الذي نفي أنه هو القيادي بذلك الحزب....
00 وياثروت يا إيها " المغتر بجهله" لعبت ليك باص قون في البوست داك شفت الباص والله لسة?
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: أسامة عبد الجليل)
|
الاخت / شادية
الاخ / عادل
فعلا دا بوست من اغرب البوستات حيث ساقت الاخت شادية البوست لاتجاه خطير جدا
وكأنما هي متربصة بهفوة لا لتريد اصلاحا او تداركا لخطأ ... هذه ليست كرة قدم
يستفيد الفريق من اخطاء الخصم وما هو هجم الخطأ الذي وقع فيه الاخ عادل ليقود
الاخت شادية لصرف كلام لو وجه الى شيء آخر كان قد اصلحه ..
اما كان يمكنك ان تأتي بعنوان افضل من هذا ؟؟
اما كان يمكنك ان تكتبي المقدمة وبهدؤ ريثما يرد عليها الاخ عادل ليوضح الالتباس ؟؟
اما كان يحمد لك توجيه الخصم اذا لم يكن اضر بك في شيء وكل خطأه انه ورد اسم بالخطأ ؟؟
اخت شادية / لا اتفق معك في البوست ومضمونه ...
اخي عادل / سنحترمك اكثر وانت تضبط نفسك في الردود
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: أسامة عبد الجليل)
|
شادية
بعيدا عن التدقيق والنفي والاثبات_(الذي تقولين انك تسعين اليه).
تفتكري السودان فيه كم شادية عبدالمنعم؟؟؟أ
وكم تاج السر النجيب؟
وكم تاج السر عبدالله النجيب.؟
وكم السر النجيب؟
وكم السر عبدالله النجيب؟
في القائمة مافي عبدالله. زي ما تاج السر في البيت بقولو ليه السر بس ما افتكر في شهادة الميلاد اسمه تاج السر النجيب من غير عبدالله.
Quote: والسر النجيب ده رسمياً شخص غير موجود (إلا تجيبوا إشهاد شرعي)
يعني عشان ما كان في سبب أنت تعمل شفت وأميمة تجي تعمل أبو العريف وعادل عبد العاطي |
ابو العريف
اميمة
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: Omayma Alfargony)
|
| Quote: الأستاذ السر النجيب هو نائب رئيس المجلس السياسي المؤقت للحزب الديمقراطي الليبرالي الموحد ونائب رئيس المكتب التنفيذي لنفس الحزب. أما الأستاذ تاج السر عبد الله النجيب فلا اعلم شيء عن عضويته |
اعتقدان هناك طريقة اسهل لفض هذا الاشتباك
فالياتي السر النجيب هنا ويقول انا السر النجيب نائب رئيس الحزب ولا علاقة لي بي تاج السر عبدالله النجيب
حتي لا يصبح السر النجيب مثل شفيق با راااجل
__
ارجو ان ياتي ذلك السر المدفون وان لا ياتي الاستاذ عادل عبدالعاطي ليعرفنا عن سره بطريقة
السر .. السر الللللي اللي لما يعطش يشرب ميه
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: Omayma Alfargony)
|
أميمة
على الأقل أنا ممكن أمشي المحكمة وشايلة بطاقتي الشخصية وأثبت أني شادية عيد المنعم
لكن على حزبكم أن يثبت من هو تاج السر النجيب ومن هو السر النجيب
علماً أنه وبهذه الأسماء حزبكم بدل تتموا من النت عشان تسجلوانقص نفرين
ولو عايزة تتميهو نضم ساكت أنا لحدي هنا بقيف لكن السر النجيب وتاج السر النجيب
المتخيلين إنكم بيهم جبتو التايهة خلاص راحوا عليكم
وأنتو عارفين القصة كانت خم
ما في أي خلط بتاع أسماء وعارفين أنو لو كسبتو أولاد النجيب دابكم بقى عندكم حزب
لكن بعد ده كيف؟؟؟؟
حيكون أصعب مهمة تواجهكم في حياتكم
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: أسامة عبد الجليل)
|
الأخ أسامة أنا شاكرة لحسن ظنك فيني
الحقيقة ما في أي خلط في الأسماء ودي أنا متاكدة منها لدرجة إني بكرة من الصباح بمشي للسر النجيب
تاج السر النجيب والسر النجيب شخصين مختلفين واحد قد يكون في الحزب المذكور والآخر يعاني من جر إسمه في هذه الأحزاب
السبب الخلاني أنزل البوست ده سبب أسري ويخصني ويخص أشخاص تهمني مصلحتهم جداً وهم بناتي
ومنزعجين كلنا من حركة الخم السياسية والمكاورة التي تمت ممارستها مرات كثيرة وبناتي إتضرروا منها
ومخارجة الخلط في االأسماء دي مخارجة وأنا عارفاها
وكنت حاقبل بيها
عشان خاطر السر النجيب عم بناتي وتاج السر ابوهم وهم
لكن صدقني البوست ده كان ضروري بالنسبة لينا وهو ما مزايدة سياسية من أي نوع
لكن على أعضاء الحزب الديمقراطي الليبرالي الموحد الحذر
هنا أنا ما عندي حزب ولا جمهور حأخسره هنا
ولا عندي اي أجندة سياسية
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: أسامة عبد الجليل)
|
أختنا شاديه ! سلامات
يا أختي أراك تسرعت - و بسوء نيه لا تخطاها بصيره محايد - و أحسب نفسي منهم - ، لو إنت كان غرضك فعلاٌ الحقيقه و ترسيخ المصداقية ، كان جيتي سألتي هل السر النجيب ده ياهو زوكم ده و لا لا ، لانو ما ممكن السر النجيب - و لا أي زول تاني - يعتقد إنو محتكر إسمو و اسم والده براه ...لكن يا أختي ، إنتي عملت العكس تماماً ، فتحتي بوست من عنوانه جرّمتى فيهو الحزب اللبرالي ، و ااساءتى لي اعضاءه بتسميتك لحزبهم بحزب عادل عبد العاطي .
أنا قريت ليك بوستن ، فيهم موقفين جميلين و عميقين و أحد لمن دافعت عن دكتوره نجاة ضد ناس حزبك ذاتهم و المره التانيه في بوست تبيدي و بالله اعمليهم تلاته و اعتذري لناس اللبرالي ديل و لعادل, ما عشان عادل و لا عشان الحزب اللبرالي ، عشان و حده جميله و عميقه بمواقفها إسمها شاديه عبد المنعم !!!!!!
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: Amin Mohamed Suliman)
|
أخوي أمين
ياخ مرحب بيك والله
وتآمن بالله موقفي هنا من منطلق ذات الموقفين الإنت بتتكلم عنهم
يعني موقف أخلاقي بحت
الحزب الديمقراطي الليبرالي الموحد أدرج إسم أبو بناتي وعمهم والمسألة كانت مقصودة وعندنا الإثبات
حاولت أن الفت النظر أي واحد فيهم شايفني وعامل ماشايف ومنهم زول عضو المجلس السياسي كلمتو وش لي وش
إستخفوا بي موقف بناتي من المسألة
ولقوها مخارجة ساهلة بي قصة الخلط في الأسماء
وعايزين يطلعوني عند أجندة
الحقيقة السر النجيب عندو علاقة بتاج السر النجيب وهم أخوان وكل واحد عارف التاني بيسوي في شنو
والحقيقة أنا ما كنت سيئة النية لكن عايزة أوقف إستغلال إسم تاج السرالنجيب لأنو القصة دي بناتو إتضررو منها كثير
وده حق مشروع
بعد داك الجاني يكون حزب ولا زول عادي يعتذر وينشر تكذيب بنفس النهج النشر بيهو الخبر
يعني لسة في تقديري أي لعبسة نحنا كاسرة ما بنخسر شئ
والسر النجيب ما بيجي هنا يقول ما عندي صلة بأخوي ولا بناته
لكن أنا بشيل الكمبيوتر وبمشي ليهو بكرة عشان يشوف الحفرة دي عاملة كيف
والحقيقة أنا ما بتكلم عن أسماء متشاهة بتكلم عن إستغلال لأسماء وده فرق كبير
المهم لك التحية
والتقدير
ومعليش لو مرة جيت ضفاري
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: شادية عبد المنعم)
|
كتب عبد المنعم سليمان:
اعتقدان هناك طريقة اسهل لفض هذا الاشتباك
فالياتي السر النجيب هنا ويقول انا السر النجيب نائب رئيس الحزب ولا علاقة لي بي تاج السر عبدالله النجيب
حتي لا يصبح السر النجيب مثل شفيق با راااجل
__
ارجو ان ياتي ذلك السر المدفون وان لا ياتي الاستاذ عادل عبدالعاطي ليعرفنا عن سره بطريقة
السر .. السر الللللي اللي لما يعطش يشرب ميه
الغريبة يا عبد المنعم سليمان أن الشخصين موجودين وهم أخوين
واحد قد يكون عضو في هذا الحزب
التاني بالعربي الفصيح قال إستغلوا إسمي
المشكلة إستغلوا إسم تاج السر كنائب لرئيسة الحزب
وبإعترافهم بأنهم أخطأوا في الأسماء
بقى منصب رئيس الحزب شاغر
لأن الأخ الأكبر برضو مسجل تحت إسم خطأ
المهم القصة كلها منهم مقصودة والبوست ده مني مقصود
وأي إتجاه يمشي ليهو أنا وبناتي ما حنتضرر إطلاقاً
وهم ممكن يمشوا يستشيروا السر النجيب
يعني أي خلط زيادة بيكون في صالحنا ما ضدنا
إلا إذا بقوا أذكياء وقررو يطلعوا منها هنا
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: Omayma Alfargony)
|
Quote: الغريبة يا عبد المنعم سليمان أن الشخصين موجودين وهم أخوين
واحد قد يكون عضو في هذا الحزب
التاني بالعربي الفصيح قال إستغلوا إسمي
المشكلة إستغلوا إسم تاج السر كنائب لرئيسة الحزب
وبإعترافهم بأنهم أخطأوا في الأسماء |
شادية ازيييك
بالرغم من اني انا زعلان منك برضي بسلم ( يعني بصافح لسه)
__
افهم ان يحول تاج السر للسر كما درج اهلنا ولكن السؤال كيف يصبح السر تاج السر ؟!!
شي محير ..!!
الا في حالة واحدة ان يكون الجهر في مكان السر..!!!!
حكمتو بالغة
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: عبد المنعم سليمان)
|
السيده شاديه | Quote: السيد السنوسي بدر الحقيقة عنوان البوست كنت عايزاهو غير لايق |
...اولا الحمدلله الجات منك ياسيده شاديه ...يعني انتي قاصده (غير لائق )...يعني ببساطه غرضك ما كان احقاق حق او تساؤل مشروع بشان (لخبطة) اسماء بقدر ماهو تهاتر علي طريقة (اركان) نقاش الجامعه عندما تنتفي الحجه ....
تانيا دعيني اضع النقاط التاليه:
اولا فتحك للبوست باسم عادل وقولك ان عبدالمجيد صالح صديق شخصي لسيادتكم فيهو تناقض واسمحي لي بوضع تعبير عدم تقدير للسيد عبدالمجيد بحكم ان عبدالمجيد وعادل عاطي ينتميان لنفس الحزب ...وقولك انه حزب عادل هذا تجني واضح لعضوية الحزب حتي لو لم تعرفيهم كما جا في معرض مداحلاتك وحديثك عاليه ...لكن السؤال الذي يطرح نفسه هو : ما هو تقديرك للعضويه الذين تعرفيهم حتي يصدموا بهكذا عنوان ...
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: Omayma Alfargony)
|
أميمة
لقد إخترتي الطريق أنا ما عندي أي إعتراض عليك ولا على أي حزب بغض النظر عن نوعية عضويته
لكن لن أسمح بالغش السياسي على حساب بناتي
ولن أسمح لكائن من كان أن يكبر كومه على حسابنا
والغش المن النوع ده عادي يمرق أعرق حزب من العملية الإنتخابية
خليك من حزب قاعد يتكون ويلم عضويتو بالنت
وأنا ما جبت حاجة من عندي ده واقع
وكفاية بس الزول يشيل اللستة بتاعتكم دي والباقي أسألي منو البيفهموا في قانون الإنتخابات
وأكررلو جيتي ولا ما جيتي حاولتوا تخموا الناس وتكبروا كومكم بإستغلال أسماء الآخرين
ولسوء حظكم الآخرين ديل عندهم وعي بحقوقهم ووقفوا ليكم بالمرصاد
وأسة ما فاتت شئ خلي نائب رئيس حزبكم يجي هنا ويقول أنا غلطانة
وحقيقة أخيرة أنا ماسلبتك حقك السياسي
لكن منعتك أن تسلبي بناتي حقهم في الفخر بتاريخ والدهم السياسي والأخلاقي
يعني البكائية بتاعتك دي وفريهه يمكن تحتاجي ليها مع زول غيري
وبعدين مالو أكون مرشحة للرئاسة لكن ما اتموا بس تاريخ زول تاني
أنتي عارفة البيسقط في الإنتخابات شنو؟؟
ما البكى ولا العواطف
الغش
يعني حركتكم دي كانت غش
وأنا وراكم
وبالغش ده زاتو ما حتصلوا لأي إنتخابات
| |
|
|
|
|
|
|
|
|
|
Re: خبر هام .....تاج السر عبدالله النجيب ينفي عضويته في حزب عادل عبد العاطي (Re: شادية عبد المنعم)
|
سلامات يا شادية
الله يديهم العافية خالتي نفيسة وعمي عبدالله
رصو اولادهم كلهم السر والتاج ومتوالياتها
دائما عندي مشكلة في معرفة اسماء آل النجيب ديل
وافتكر الخطا الحصل خطأ ما فيه نية سيئة
ودي بتخلينا نشدد دائما في كتابة الاسماء بدقة
مربعة كما مكتوبة في الجنسية
حيث لا يمكن تقدم قائمة بالاسمين الاوائل
في بلد فيها 32 مليون نسمة..
وانا عارفة انك ما بتقصدي تسئ للحزب ولا تقللي من شأنوا
لكن الصفاقين المعاك ديل هم المشكلة في البورد دا...
والبوست دا المفروض بس يكون تجلية للحقائق
لا غير بدون مشاكل..
انت كبيرة في عينا نتمنى تعتذري عن سوء الفهم
وقبلاني للبنيات الكبرن وكبرننا..
| |
|
|
|
|
|
|
| |
عاطف مكاوى
كمال مبارك
الرشيد ابراهيم احمد
عبدالمجيد صالح
emad altaib
محمد مكى محمد
ثروت سوار الدهب
خضر حسين خليل
Omayma Alfargony
عمر عبد الله فضل المولى
عاطف محمد أحمد زكريا
Abdel Aati
بهاء بكري
Elsanosi Badr
خالد العبيد
أسامة عبد الجليل
كمال عباس
عمار محمد حامد
علاء الدين حيموره
عبد المنعم سليمان
Amin Mohamed Suliman
فيس بوك
تويتر
انستقرام
يوتيوب
بنتيريست