يا ديامة موش لقيت سلمون نوبة

مرحبا Guest
اخر زيارك لك: 03-29-2024, 10:55 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثاني للعام 2009م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
05-06-2009, 05:00 PM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
يا ديامة موش لقيت سلمون نوبة

    قبل ايام اورق صندوق بريدي واينع

    رسالة من سلمون نوبة

    اخي وصديقي العزيز

    الشاب اللطيف الذي زينت ايام الطلب بمعرفته هو ورهطه العجيب
    حيث تم اعطائي جوازا دياميا 100% اباهي به عماد عبدالله
    لقضاء جل زمن الطلب في الديم..
    ماشين جاين طول الوقت..

    يا عهد الصبا الجميل...
    اين هؤلاء الان

    بربر وزهير المرضي و عزيز وفتحي
    عوض نوبة,, وسينما النيلين
    ودبلومات المعهد واسبوع السديم وحفلات الوداع
    والاستقبال والندوات الشعرية والادبية والسياسية واسابيع الاتحاد
    ... في معهد الموسيقى
    في عهده الذهبي..
    ايام العمارات

    والله يا سلمون مشتاقين كتير..
    ياريت بكري يديه باسورد فهو دائما على صمته لديه ما يقوله,,

    يلا
    يا عماد عبدالله...ثني ان يدخل سلمون..
    باقي بكري دا نهائي ما بشتغل بي..
                  

05-06-2009, 06:10 PM

ابراهيم عدلان
<aابراهيم عدلان
تاريخ التسجيل: 01-04-2007
مجموع المشاركات: 3418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: د.نجاة محمود)

    Quote: بربر وزهير المرضي و عزيز وفتحي
    عوض نوبة,,



    د. نجاة لقيتك خطيييرة و ديامية بالميلاد و ليس التجنس
    ياخ الناس دي الفوق ديل ما يعرف قدرهم الا الراسخون
    ادعم ترشيح نوبة اخوان و عبدالرحمن بربر وزهير و عزيز و مجدي فليتة و الرهيفة التنقد
                  

05-07-2009, 06:50 AM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: ابراهيم عدلان)

    Quote: د. نجاة لقيتك خطيييرة و ديامية بالميلاد و ليس التجنس
    ياخ الناس دي الفوق ديل ما يعرف قدرهم الا الراسخون
    ادعم ترشيح نوبة اخوان و عبدالرحمن بربر وزهير و عزيز و مجدي فليتة و الرهيفة التنقد


    يا سلام عليهم

    الزول ما اكتشف ان هناك اشياء اجمل من القراءة الا لما عرفهم
    فكانوا خير الاخوان والاصدقاء..
    يا حليلهم كثير كثير... لما اذكرهم بحس بانحسار الفرح

    بالجد ناس ما ساهلين..

    ومعك ندعم دخول نوبة اخوان
                  

05-06-2009, 06:17 PM

ASHRAF TAHA
<aASHRAF TAHA
تاريخ التسجيل: 08-04-2007
مجموع المشاركات: 1017

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: د.نجاة محمود)

    اثني

    وفوق كمان
                  

05-06-2009, 07:31 PM

Salah Abdulla

تاريخ التسجيل: 03-15-2006
مجموع المشاركات: 3169

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: ASHRAF TAHA)

    يا دكتورة ، لو بتعرفي الناس ديل
    فتستاهلي جواز ديامي ( دبلوماسي )
    أثني وأثلث وأربع ..

    بربر في العين وزهير في السودان



    عوض وين ؟؟ لسه في المغرب ؟؟
                  

05-07-2009, 02:43 PM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: Salah Abdulla)

    Quote: فتستاهلي جواز ديامي ( دبلوماسي )


    موش بالله؟

    اتخيل زول من عطبرة والديم
    في عز اكتر من كدا
    ياهم ديل الناس ابغني ليهم المغني
    ما بين زمن بتمناه وزمن اداني اسية..

    بالله اي زول بعرف طريقهم يدلنا..بربر لو عندك تلفون
    ولا ايميل لزو لينا..



    عوض بالله مشى المغرب الغريبة كنت مفتكراه في دولة اوربية..

    كدي لمان سليمان يرد ...
    يدينا اخبارهم..
    شكرا للطلة
                  

05-07-2009, 02:39 PM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: ASHRAF TAHA)

    يديك العافية يا اشرف شكرا على التثنية
                  

05-07-2009, 06:53 AM

معتصم مكاوي
<aمعتصم مكاوي
تاريخ التسجيل: 04-22-2009
مجموع المشاركات: 446

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: د.نجاة محمود)

    دحين ده


    ماهو أخو


    عوض نوبه ؟؟


    ولا تشابه أسماء ساكت ساكت ؟؟


    ساكت التانية موسيقى السؤال
                  

05-07-2009, 07:57 AM

مدثر محمد ادم

تاريخ التسجيل: 12-17-2005
مجموع المشاركات: 3016

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: معتصم مكاوي)

    الرائعة نجاة ياعجيبة

    شكلك ادردحتي في الديم شديد

    مع الديامة الراوئع

    والف مرحب بسلمون يابكرى

    وشكرا جميلا نجاة

    تيف تيف
                  

05-07-2009, 11:49 AM

ASHRAF TAHA
<aASHRAF TAHA
تاريخ التسجيل: 08-04-2007
مجموع المشاركات: 1017

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: مدثر محمد ادم)

    up
                  

05-07-2009, 12:07 PM

Salah Abdulla

تاريخ التسجيل: 03-15-2006
مجموع المشاركات: 3169

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: ASHRAF TAHA)

    Quote: عوض نوبه ؟؟

    يا معتصم ياخ ليه ما كلمتني وقلت لي إنك بتعرف عوض نوبة ؟؟؟؟












    كان كده أخير اتخارج بالراحة..
                  

05-07-2009, 02:55 PM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: مدثر محمد ادم)

    يا سلام يا مدثر
    بدات معرفتي بهم
    بصداقة اختي سعاد بسمية نوبة
    ثم تطورت
    بمشروع بحث عن المشاهدة السينمائية في مدينة الخرطوم
    واستمرت علاقة ممتازة جدا بهؤلاء الشباب
    تعلمت منهم الكثير والله..
    شباب انتفاضة الديم ديل ما هينين الزوبعة الكانت في الديم في الانتفاضة ديك كولها
    سببها الشباب ديل..الله يديهم العافية..
                  

05-07-2009, 02:48 PM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: معتصم مكاوي)

    Quote: عوض نوبه ؟؟

    ايوا اخو عوض الصغير

    حيث لا يوجد الا نوبة واحد هو عوض..
    والاسم جرا لما وصل عمي علي
    مرة ربيع ولا سيف ما عارفة رسل واحد من لبيا للبيت
    يلا الزول جا لقى عمك علي قاعد جنب الباب
    قاليه ازيك يا عمي نوبة

    عمك على انتفض انتفاضة كبيرة على سماحته

    من اسمو الضاع اونطة بسبب عوض..

    والله الزول بالجد مشتاق ليهم جميعا..
                  

05-10-2009, 03:33 PM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: د.نجاة محمود)

    خبر محزن شديد فطر قلبي
    وهو وفاة الوالدة العزيزة ربنا يرحمها ويغفر لها

    امرأة طيبة من بلادي حنينة وقلبها كبير

    ربنا يتقبلها قبولا حسنة...

    يلزمكم الصبر يا اخواني واخواتي الاعزاء

    فقد عظيم..يا ام سيف وعوض وربيع وسليمان والصادق وسمية وصديقة..
    الى جنات الخلد يا عظيمة يا مليانة حنية..
    يا امنا...
                  

05-10-2009, 08:41 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: د.نجاة محمود)


    بالله يا نجاة الكلام ده كان مندسي وين ؟
    الغريبة الأسبوع الفات جاني إيميل من سليمان .. أوا إيميل من سليمان الماقابلتو سنين طويلة ..
    ياخي فرحت فرح .
    بعدها بربر اتصل بي و عرفت إنه أدى سليمان إيميلي . في الصيف الفات إتلمينا : بربر و عبدالعزيز الروسي و عمر جولط و مصطفى بحيري و أسامة أبشنب و زهير المرضي و حسين مرسيدس و مبارك طاشين . تقريبا كل يوم كنا بنتلم قدام بيت ناس بربر و نتعشى ..
    و تعود النقة الجميلة و الإلفة و الذكريات و الهموم الكبيرة .
    عوض نوبة أوسم شباب الديم و أعلاهم حنك سنين .. هو و عدد من شلتهم : المرحوم حسن عثمان " عجيب " على رأسهم , و المرحوم يحي شمت .
    ربيع و سليمان و يحى نوبة ما كانوا بيختلفوا عن عوض , و يمكن علاقاتهم بالناس و بالديم و بالهموم الكبيرة كانت أوسع و أكتر التصاق .
    شباب من أجمل خلق الله و اكثرهم عشق للحياة و الناس و السودان .
    و كلامك صاح . تعرفي يا نجاة .. في فترة ما كان التنوير الجد و التثقيف و الثورة و المفاهيم الجديدة بتطلع من الديم ده ..
    و أشهد إنه معظم قراءاتي و معارفي كانت بفضل التحريض البيحصل لما الليل يفلل و تتلاقى مع الديامة الجميلين و تبدا النقق و تبادل المعارف و الكتب و المجلات و الإصدارات و التجارب و البلاوي .
    الناس بتتلاقى بشكل منتظم و عفوي يا قدام بيت ناس بحيري ( مصطفى و محمد و ضياء ) أو في الميدان أو واحدة من بيوت الشباب ديل و تبدا مشاوير الأنس السمح و الصحبة الجميلة .
    أنا شخصياً لا أزال بقول إنه أصدق أصدقائي طوال العمر ما بيطلعوا من دايرة الناس ديل : بربر و مرسيدس و طاش و زهير .

    أولاد نوبة ديل كوم من الجمال و الإبداع و الحس العالي ..
    فيا بكري أبوبكر يا سيد الحوش ..
    نثني ؟ نثني دي يعني راي تاني مؤيد ؟
    يا بكري أولاد نوبة كل واحد فيهم يستاهل باسورد براهو .
    ياريتك تستجيب ..
    و نحنا الكسبانين .

    شكرا يا دكتورة ..
    تحياتي لابراهيم و البطان طرفكم فردا فردا .

                  

05-10-2009, 09:04 PM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: Emad Abdulla)

    Quote: عوض وين ؟؟ لسه في المغرب ؟؟


    عوض نوبة بعد غيبة طويلة ناهزت ال 20 سنة
    عاد ليشارك في المؤتمر الخامس لحزبنا الشيوعي
    يتأبط مغربية حسناء هي زوجته
    سألتها : كيف اقنعتي هذا الرجل الفالت المدهش
    قالت: هو الذي أقنعني
    وجدتها معه في ردهات الخامس
    ثم زيارة لبيتهم برفقة محجوب شريف
    ثم يوم مؤتمر النسائي
                  

05-11-2009, 02:07 AM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: أبو ساندرا)

    يا سلام يا عماد

    من عرف هؤلاء ملك الدنيا كلها وجل ما ملك..

    حسين مارسيدس اسمه في قسيمة زواجي...فهو صديق الطفولة لزوجي
    الديامي بالاصحاب..
    بالله زهير وبربر و الروسي عاملين كيف؟
    ىخر مرة لاقيتهم بعد الانتفاضة..
    لكن سمعتا الروسي بقى محامي كبير والبلد ضيقة..وتذكرت موقف طريف جدا

    مرة جا كدا سليمان سالو انت الليلة عملتا شنو لقيت ابوك يشتكي منك لسيد الدكان..
    سيد الدكان لا يحضرني اسمه لكن كان حائط المبكي لاباء الديم
    ويعرف كل صغيرة وكبيرة في الحلة يكرهه كل الاولاد..
    والقصة دي كانت مدهشاني شديد في الديم سيد الدكان لاعب دور امام الجامع..

    اتمنى السنة الجاية الزول يمشي الديم ليتلقى بالجميع ان شاء الله

    سليمان قال حين عاد وجد كمية من الفواتح قرب يمشي الساحة الخضراء
    ويعزي بمايكرفون..
    والله يرحم كل الاموات من الاباء والامهات والاخوان والاخوات
    احزنني جدا موت حسن عثمان..
                  

05-11-2009, 09:31 AM

طه القرشي

تاريخ التسجيل: 12-08-2002
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: د.نجاة محمود)

    جميل جدا يانجاة أن تلقي سليمان...وتفكي خاتمه/كود..هكذا في الفضاء،
    فنقيف طابور...والشعرقنبور.
    تعلمين أن لسيرة الديم،وانسان الديم...فعل التلبِش(أكثر فظاعة من السحر)،
    أن تكون صاحي(في امان الله تلملم في الرزق)،موضوعي جدا وواقعي، ثم تنزلق
    في حلم مرئي ...من غير فجأة.
    تغرق في بحور لا ساحل لها، من اللذة
    الدهشة،
    الذهل،
    انسجام خارج الزمن والمكان وفيهما.
    للبوست وعنوانه مسلكان للروح ومعارج إعجاب وتعجب.
    يحي نوبة ابن اخت عوض ،صديق تقرع انامله الرقيقة طبل الذاكرة بحنية وشوق.
    اولاد نوبة،اولاد السر، التيمان...اسماء لبيوت يخرج كل فرد فيها من باب أو بسمة
    تمييزه عن البقية ولا تخرجه عن ملة التعايش السلمي معهم.
    اذن يمتد سحر الديم عبر تخوم البورد فيفرخ صداقات نفخر بها،ونتمنى دوامها.
    شكرا..نجاة، وليت بكري يستجيب.

    (عدل بواسطة طه القرشي on 05-11-2009, 02:25 PM)

                  

05-11-2009, 09:47 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: طه القرشي)

    Quote: سيد الدكان لا يحضرني اسمه


    الزهايمر


    دكان ودالبحر
                  

05-11-2009, 09:54 AM

ALZOLZATOO
<aALZOLZATOO
تاريخ التسجيل: 03-14-2002
مجموع المشاركات: 4216

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: أبو ساندرا)

    يادكتورة نجاة

    بربر ده عندو اخوه عضو غير نشط بالبورد اسمو بوكو حاتم

    اها بربر ده اخو صديقي اللذيذ حاتم وقابلتوا مرة واحده في بيتهم في العين في اخر زيارة


    لو عايزة تلفونوا ممكن نساعدك

    تحياتي

    زاتوووو
                  

05-11-2009, 11:05 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: ALZOLZATOO)

    كتب عماد عبدالله
    Quote: أوا إيميل من سليمان الماقابلتو سنين طويلة ..


    لو جيت قاعة الصداقة يوم إفتتاح الخامس مساءآ
    كنت قابلت سليمان علي إسحق
    سليمان نوبة ضيع طوله الفارع بإمتلاء خفيف
    اكتسبه في منفاه الباريسي
                  

05-11-2009, 01:10 PM

Egbal Elmardi
<aEgbal Elmardi
تاريخ التسجيل: 04-08-2007
مجموع المشاركات: 1148

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: أبو ساندرا)

    نجاه يختى جهجهتينى يا بت امى....

    قربت أقول للجماعه دى ما كويسه رامينها ليه...

    لما سعتك بتتكلمى عن الناس ديل بكل الحنين ده...



    بهزر معاك ما تاخديها جد...هاهاها




    ________
    تخريمه..

    ح أجاوب ليك على سؤالك للمره الكم ياربى...

    أنا أخت زهير



    كل الود
    إقبال
                  

05-11-2009, 03:54 PM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: Egbal Elmardi)

    يااااااااه يا اقبال

    اخت الغالي...

    كم ركبنا الجيب حقكم داك وكم قدمنا زهير لخشم بيتكم من الكلاب
    هاهاهههااهها بهظر معاك
    عايزة بس احقق نكتة بنات الديم يقدمو اولاد الزهور والعمارات

    انت بتصدقي كلام ناس النت ديل بقولو ليك ناس القبور وقفو طابور

    ياني انا الكويسة صاحبة الشباب ديل
    في زمن جميل جدا...
    واقوليك كلام احمد اخوك كان استاذنا في معهد الموسيقى
    شوفتي كيف؟
                  

05-11-2009, 04:08 PM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: طه القرشي)

    طه القرشي
    سلام يا صاحب الاسم العجيب..مليان حنية والفة
    ربنا ما يوديك المستشفى..


    Quote: يحي نوبة ابن اخت عوض

    يحي دا آخر مرة شوفتو كان ببقى ليهم ود خالتهم

    يحي دا انا شخصيا قطعت معاه مسافات طويلة جدا
    هي السبب الاساسي فيما اعانيه الان من الركب ووجع الكرعين..
    اصلو ما بعرف يجكس في حلتهم ذي خلايق الله الديامة ( ما تخافو لا يوجد فت)
    .. ودائما في حالة تنقل من الديم لصحافات.
    والان مرقها في فرنسا الشقي..
    وهم كما قلت النوباب لا يوجد لديهم مثيل في كل الارض..
    ولك التحية وانت تحتفي معنا بهم...
    وياريت سلمون يلقى ليه فرقة هنا
                  

05-11-2009, 04:12 PM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: د.نجاة محمود)

    Quote: دكان ودالبحر


    علييييييييييييك نور

    يارب الان اين هو وهل يارب عزيز وبربر بمشو يشتكو
    من اولادهم ليه,,
    والله ود البحر دا زول عايز ليه بوست براهو..
                  

05-16-2009, 04:39 PM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: د.نجاة محمود)

    فووووووووووووووووق من اجل سلمون
                  

05-16-2009, 06:40 PM

حسن الجزولي
<aحسن الجزولي
تاريخ التسجيل: 12-05-2002
مجموع المشاركات: 1241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: د.نجاة محمود)

    Quote: يحي دا آخر مرة شوفتو كان ببقى ليهم ود خالتهم


    غايتو يا نجاة عندك جنس محن! .. دي ضحكت فيها شديد
    وأشد منها لمن مرة رديتي في مداخلة قلتي ( نهي نهي)!
    بطريقة الأفلام الهندية .. تضحك لك الدنيا.

    الناس اللي ذكرتيهم ديل معظمهم أصحاباً لينا..
    والديم كنا نقضي فيها أجمل أوقاتنا وأماسينا
    وهي الأقرب إلينا من معظم نواحي العاصمة ..
    مرة قال أستاذنا الراحل علي المك لأبو ساندرا
    في ندوة عن أغاني الحقيبة بنادي الديوم أن أولاد
    أمدرمان يحسون بأن الديامة أقرب إليهم من أولاد (الخرطوم
    بلد الترك)!.. وطبعاً الكلام دا مش صاح لأنو كل شباب العاصمة
    بما فيهم أولاد أمدرمان متشابهين في كل حاجة ولا فرق بين أولاد وأولاد..
    وأظن أن علي المك كان يمزح فقط!


    رحم الله زكريا عبد الرحمن ويحيي شمت وحسن عثمان(زين شباب الخرطوم
    عموم) .. صديقنا العزيز عوض نوبة عاد بالفعل من المغرب واستقر نهائياً
    بالسودان مع زوجته المغربية, حدثني بذلك قريبة عبد السلام
                  

05-18-2009, 12:15 PM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: حسن الجزولي)

    سلامات اخي العزيز حسن

    تعرف اولاد الديم ديل جنسهم كتر..قالب خلق خصيصا للديم..
    تعرف الزمن القابلت فيه الديامة ديل كانت بداية العشرينات من عمري
    وعرفتهم ولسان حالي يقول البخش الديم يا اما مفقود او مولود
    طبعا هنا ما اتكلمنا عن جكسهم العجيب خشية ان نفتن الجماعة

    لانهم بيكونو بقولو لامهات اولادهم والله انت اول حب واخر حب
    قرقرقررقر
    المهم اولاد الديم ديل لازم بالضرورة والا حيموت لو ما عنده جكس
    مرة مشيت معاهم رحلة اي لفة فيها خالة او عمة او حبوبة
    العربية دي شغالة زقزاق مقربة تلبس طاقية اختفي..
    بعدين الجكس كان كلو من مدرسة دار النعيم..احم احم



    Quote: رحم الله زكريا عبد الرحمن ويحيي شمت وحسن عثمان(زين شباب الخرطوم
    عموم) .. صديقنا العزيز عوض نوبة عاد بالفعل من المغرب واستقر نهائياً
    بالسودان مع زوجته المغربية, حدثني بذلك قريبة عبد السلام

    الله يرحمهم جميعا كل ما اذكر حسن احزن بشدة
    كم كان يوما حزينا يوم حدث له ذلك الحادث المروع ثم سجن في كرسيه المتحرك ذلك
    والله سعدت بعودة عوض ان شاء الله ساقوم بزيارتهم حين اعود الى الخرطوم
    الولد طلع اممي جاب ليه مغربية..

    والله سعدت يا حسن كون لدينا معارف مشتركين..لقد كنت اخي بالتواتر
    والان صديق بالتواتر.
    محبتي لاكيدة..

    نتحدث عنهم حديث المحبة

                  

05-19-2009, 00:13 AM

احمد معتصم الطيب
<aاحمد معتصم الطيب
تاريخ التسجيل: 04-27-2005
مجموع المشاركات: 2103

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: د.نجاة محمود)

    د.نجاة محمود
    تحية وأحترام

    لقد أتيتي بخيرة شباب الديم
    فمرحب بسليمان ( سلمون ) نوبة
    الشاب البشوش الهادى المبتسم دايماً.


    نبصم بكل أصابع الديم لسلمون نوبة


    شكراً .

    د.نجاة محمود
                  

05-19-2009, 06:21 PM

معتز جعفر الحسن
<aمعتز جعفر الحسن
تاريخ التسجيل: 08-13-2007
مجموع المشاركات: 246

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: احمد معتصم الطيب)

    د.نجاة الله يديك العافية
    تعرفى نحنا عشان الديم نجيب الغيم
    اولاد نوبة ديل من اجمل الناس فى الديم
    تعرفى الديم ما حدود جغرافية بقدر ما هو قيم جميلة يشترك فيها معظم السودانيين
    لكى التحية يادكتورة
    وفى انتظار كل الديامة الحلوين
    واحد ديامى ساكن جنب الساحة الشعبية
                  

05-20-2009, 03:08 AM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: معتز جعفر الحسن)

    واحد ديامى ساكن جنب الساحة الشعبية


    يا سلام ياخي ديامي..جنب الساحة دي بيت ناس جد اولاد نوبة
    لامه بيت مليان محبة وتقوى وصلاح.. كنت اذهب اليهم كثيرا
    حيث من كل فرع يوجد حفيد يجلس مع الجدات

    كنا يصمن 3 اشهر وقد بلغن من العمر عتيا
    وهم انصار على السكين..وخالة فاطمة الله يرحمها ويحسن اليها
    لقد كانت تعتني بي حين اصاب بالازمة
    عناية شديدة وتمارس مهنة التمريض بمحبة
    لزولة من مدينة تانية وغريبة.
    كل من يمت لعيال نوبة ديل اكسبشنال
    بعدين عندك ناس اهل صاحبتي اخلاص باقرين..
    اسرة برضو مميزة..نعرف عدد كبير منهم
    غالبيتهم جنهم كورة.. دكتور خلف الله باقرين كان لاعب كبير
    قبل فترة في الدوحة تحدثنا عن الديم وكرة القدم
    تعرف الديم والسجانة والمايقومة دي حتة فريدة
    كنت بتجول فيها كثيرا . اتمنى يجي يوم كاتب
    مجيد يكتب عن هذه المنطقة الغربية..
    عن منطقة تجمع فيها كل السودان بمختلف اعراقه ودياناته
    عاشوا معا في محبة ووئام,, كنت اذهب مع صديقتي ماجوري الى اقاربها هناك
    ولدينا صديقة ارتربة لديها اهل هناك
    وكذلك صديقات اخريات من مختلف مناطق السودان
    تعايشوا في سلام ووئام والغربية ايضا مختلفين الاتجاهات الفكرية
    لكن جمعهم الديم.فالديم حكومة مصغرة..
    فلا غرو في ان يقدم الديم شهيد مثل دكتور على فضل

    الذي كان يعالج الناس ويساعدهم..وقدم دمه لاجل هذا الشعب الابي
    ليموت ذلك الموت الماساوي الفاجع. اتمنى يوم ان يجد العدل
    الذي قدم دمه لاجله..وان يحاكم من قتله...
                  

05-20-2009, 05:03 AM

مبارك محمد عثمان
<aمبارك محمد عثمان
تاريخ التسجيل: 02-27-2009
مجموع المشاركات: 347

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا ديامة موش لقيت سلمون نوبة (Re: د.نجاة محمود)

    يادكتوره .. صباح الخير
    انا ما ديامى لكن كانت عندى كافتيريافى الديم
    وانا طالب فى الجامعة ... اسمها بلقيس فى الشارع
    الرئيسى ( شارع الصحافة زلط) وطيلة فترة الجامعة
    يعنى لمدة 4 سنوات ...
    عشت احلى 4 سنيين من عمرى فى الديم ... ممكن تقبلونى
    كديامى ( وعاشت الاسامى)
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de