|
الكهرباء شغالة ( تش ) بالخرطوم ...
|
في اتصال هاتفي اجريته قبل قليل باحد الاقارب بالعاصمة الخرطوم اكــــــد لي انتظام سريان التيار الكهربائي بشكل مستمر دون اي قطوعات .. عليه يمكن اسدال الستار عن البوستات التي تريد ان تعيدنا الى عصور الظلام والطلمات ..
بس السخانة قالوا زايدة شوية ...
|
|
|
|
|
|
|
|
Re: الكهرباء شغالة ( تش ) بالخرطوم ... (Re: ود الباوقة)
|
خلاص إشتغلت ليها يوم جيت جاي تغتس حجرا؟
لكن ما وريتنا إتصلحت كيف.
أقول ليك أنا؟
تم تجنيد أعداد معتبرة من البلطي ببحيرة السد، وتوجهوا متسلحين بزعانفهم وأعملوها خبطاً وتزييتاً وتسليكاً في الآلات ذات (الديدن) حتى رضخت. وتقول الأخبار غير الرسمية أن تلك الآلات لم ترضخ للزعانف البلطية إلاّ حينما هددها سرب من سمك (البردة) بأن يحيلها للصالح العام ويطلق شحنات كهربائية ذاتية في الأسلاك المتعطشة للتيار.
| |
|
|
|
|
|
|
Re: الكهرباء شغالة ( تش ) بالخرطوم ... (Re: omer osman)
|
المنطق يخبرنا ان التيار الكهربي (ينبغي) ان يكون مستمر ! الواقع يخبرنا ان القطوعات ماتزال مستمرة بوتيرة اقل ! و ربنا يسترها !!
يا جماعة احترموا عقل المواطن 2009 و لسه في قطوعات كهرباء !!! ده برضك كلام ! و عاوزين شكر ! صحيح ان لم ... فاصنع ماشئت !
| |
|
|
|
|
|
|
Re: الكهرباء شغالة ( تش ) بالخرطوم ... (Re: Dr. Haitham Mekkawi)
|
يا جماعة احترموا عقل المواطن 2009 و لسه في قطوعات كهرباء !!!
دكتور هيثم ..
ارجع الى الوراء قليلا . قطوعات الكهرباء كانت تبرمج ما بين الاحياء . مثلا اليوم الصحافة شرق وغدا الصحافة غرب والصحافة حي واحد يفصلها زلط . وهكذا تتم البرمجة لبقية احياء العاصمة . العاصمة كانت تعج في ظلام دامس لايام . نقص في الكهرباء وانعدام للوقود والخبز والعلاج ... البلد الان تسير بخطى متسارعة نحو التقدم والازدهار .. ربنا يكفينا شر العين العانية الكافرة النصرانية ...
| |
|
|
|
|
|
|
Re: الكهرباء شغالة ( تش ) بالخرطوم ... (Re: ود الباوقة)
|
Quote: دكتور هيثم ..
ارجع الى الوراء قليلا . قطوعات الكهرباء كانت تبرمج ما بين الاحياء . مثلا اليوم الصحافة شرق وغدا الصحافة غرب والصحافة حي واحد يفصلها زلط . وهكذا تتم البرمجة لبقية احياء العاصمة . العاصمة كانت تعج في ظلام دامس لايام . نقص في الكهرباء وانعدام للوقود والخبز والعلاج ... البلد الان تسير بخطى متسارعة نحو التقدم والازدهار .. ربنا يكفينا شر العين العانية الكافرة النصرانية ...
|
العزيز ود الباوقة ... و كيف لي الرجوع الي الوراء و لو قليلاُ... ان كان هنالك (هامش) للمضي قدماً؟ ...
اظن المسير (المضي) يكون قدماً... و نحن نسير .. سير ... و تسير سفينة(الصحراء) لا مبالية باي رياح ... سددنا الرياح عنا ولو كانت رياح تغيير ... و سير... سير ...
و نهاية المسير ياتي الرد من سيادة المشير ... وعود بردود بحجم السدود ؟ و وطن الجدود نعم الوطن ... و ديل اهلي ... وتاني مافي كهرباء بتقطع ... و سير سير و لسان الكهرباء (واسفاي وا ذلي)
تعمير ... تعمير ... ارمي قدام ... و نقارن بي وراء !!
دا برضك كلام !!
سيدي لم اسمع بتقدم الي الخلف ... و لا توجد اوجه مقارنة بين ماض غابر و حاضر اغبر ! سيدي الكهرباء حق و ليس منة من احد!!
خصوصا اذا دفعت مقدم !
اما العلاج فتم بحمد الله توطينه داخلياً و الناس بطلت تسافر مصر و الاردن زمممممممان ... يابة خليها علي الله ...
و كان خشيت في دهاليز العلاج انا بترفد ...
اما ثورة التعليم (طب الخلاوي و اقتصاد القهاوي) فنتاجوا واضح في الشارع السوداني ...
اكتب يا صديقي ماشئت و لا تخف فالكل فرحان و سعيد ها هنا و لا أحد يموت لنقص في الامداد الكهربي او الدوائي ... الكل سعيد و اليوم عيد و ما تقطع كان قطعت ! حقت ابونا !!
| |
|
|
|
|
|
|
Re: الكهرباء شغالة ( تش ) بالخرطوم ... (Re: ود الباوقة)
|
Quote: مكيفات الموية شغالة هبطرش ... |
يا خوي مكيفاتك دي أظنها لا موية ولا هوا .... (مكيفاتك) دي شغلها شغل تاني.
الناس يقولوا ليك يدقّشوا في الضلمّة ... والغنماية أكلت سلك الكهرباء ... واللبن روّب لامن الكديسة أبتو ...
تقول لي مكيفات هبطرش؟ الطرش اليلايس السخلة القايمة ليك في راسك ده.
| |
|
|
|
|
|
|
Re: الكهرباء شغالة ( تش ) بالخرطوم ... (Re: محمد أبوالعزائم أبوالريش)
|
Quote: يا خوي مكيفاتك دي أظنها لا موية ولا هوا .... (مكيفاتك) دي شغلها شغل تاني.
الناس يقولوا ليك يدقّشوا في الضلمّة ... والغنماية أكلت سلك الكهرباء ... واللبن روّب لامن الكديسة أبتو ...
تقول لي مكيفات هبطرش؟ الطرش اليلايس السخلة القايمة ليك في راسك ده. |
والله ياودالباوقة ياخوي أخير ليك تركز على (السمك)
الشعب السوداني ده جاحد ..
أنا أمي كانت بتتكلم معاي أسي قالت لي :
الكهربا دي من 30 يونيو 1989 ما(قطعتشي) ولا لحظة ..
ولا يخفى على فطنتكم أنها نطقتها هكذا (ماقطعتشي) لكي تؤكد مشاهدتها( للمسلسل) اليومي ..
____________________________
مسلسل القطوعات بالطبع ..
| |
|
|
|
|
|
|
Re: الكهرباء شغالة ( تش ) بالخرطوم ... (Re: ود الباوقة)
|
Quote: يا اخوي انت قايل نفسك قاعد في تيمور الشرقية
|
فعلا يا ود الباوقة انا بقيت لمن اخش المنبر واشوف اولاد الانقاذ بتكلمو على انو الكهرباء قاعدة وما حتقطع والرد الرد السد السد واتفاجأ بأنو الواقع ما عامل كدا بفتكر اني جد جد في تيمور الشرقية
| |
|
|
|
|
|
|
Re: الكهرباء شغالة ( تش ) بالخرطوم ... (Re: محمد هشام)
|
واشوف اولاد الانقاذ بتكلمو على انو الكهرباء قاعدة وما حتقطع والرد الرد السد السد واتفاجأ بأنو الواقع ما عامل كدا بفتكر اني جد جد في تيمور الشرقية
يا اخوي انت لس في مرحلة الاولاد . الانقاذ الان ابن عشرين والسنوات مقبلة بعون الله ..
راجع الدكنشنري ...
| |
|
|
|
|
|
|
Re: الكهرباء شغالة ( تش ) بالخرطوم ... (Re: عبد اللطيف السيدح)
|
وقول للمرجفين في المدينة ( يقشروا بصل) بعد اليوم
1250ميقاواط من مروي تكهرب الخلاء والبحر وما تنسي محطة قري الحرارية اكبر محطة كهرباء في افريقيا
استاذنا السيدح ..
صدقني هؤلاء المرجفون لو استمرت الكهرباء 24 ساعة دون انقطاع يقول ليك جايبالا ( ريحة )
| |
|
|
|
|
|
|
Re: الكهرباء شغالة ( تش ) بالخرطوم ... (Re: عبد اللطيف السيدح)
|
حبيبنا ود الباوقة
فعلا اتصلت قبل كم يوم وقالوا الكهرباء اتصلحت عقبالكم لووول يكه
لكن الكهرباء دي ماتخصص محمد فرح وكده
يعني نتوقع محمد فرح بكره يعمل بوست يقول سمك السد شغال في الخرطوم تش ترش
الكهرباء بقت من اساسيات الحياة نتمنى انو الدولة تقوم بتخفيض الرسوم وتواصل التيار على مدى العام
تحياتي
زاتوووو
| |
|
|
|
|
|
|
Re: الكهرباء شغالة ( تش ) بالخرطوم ... (Re: ALZOLZATOO)
|
فعلا اتصلت قبل كم يوم وقالوا الكهرباء اتصلحت عقبالكم لووول يكه
زاتووووووووووو..
فعلا اتصلحت والان حاجة تمام ...
الكهرباء بقت من اساسيات الحياة نتمنى انو الدولة تقوم بتخفيض الرسوم وتواصل التيار على مدى العام
نتمنى ذلك ... شكرا زاتوووووووووووو...
| |
|
|
|
|
|
|
Re: الكهرباء شغالة ( تش ) بالخرطوم ... (Re: عبد اللطيف السيدح)
|
عدلت مالك يا حبيب هو بالله ود الباوقة اسمه شيخ عمر؟؟ يا عمك عاشت الاسامي في الحتة دي شديد شديد
لكن قصة العمرين(الشيخ وجنابو) مع الكهربا بقت غريبة خلاص
نجي لي دي
Quote: 1250ميقاواط من مروي تكهرب الخلاء والبحر وما تنسي محطة قري الحرارية اكبر محطة كهرباء في افريقيا |
شفت التحته خط ممكن يمط البوست ده عشرة صفحات
مطلوب حضور ليون وصلاح الدين نادر ونزار حسين وحيدر جمع كامل للقوة ودي صفارة طويلة جدا عشان نناقش اكبر محطة افريقة للكهربا في قري وبتطلع 200ميقا
| |
|
|
|
|
|
|
Re: الكهرباء شغالة ( تش ) بالخرطوم ... (Re: أميرة فاروق عبد العال)
|
Quote: في اتصال هاتفي اجريته قبل قليل باحد الاقارب بالعاصمة الخرطوم اكــــــد لي انتظام سريان التيار الكهربائي بشكل مستمر دون اي قطوعات .. عليه يمكن اسدال الستار عن البوستات التي تريد ان تعيدنا الى عصور الظلام والطلمات .. |
مسيلمة الانقاذ ود الباوقة.
الظاهر أنت وصلت لحالة متأخرة جدا.
بقيت تضرب تلفون الخرطوم كل راس ساعة علشان تتأكد من الكهربا ؟
قال شغالة "تش" قال التش اللي يتش قلمك ويحرقوا.
دينق.
| |
|
|
|
|
|
|
Re: الكهرباء شغالة ( تش ) بالخرطوم ... (Re: Emad Abdulla)
|
قمرنا المامحتاج لكهرباء ازيك يا اخي
اول الشئ التعديل ده ضرورة عشان دينق وانت ما تفكوا الحوار الاساسي حول الكهرباء وتمسكوا في الفارغة
واذا مغالطني في حتة محطة قري انهااكبر محطة حرارية في افريقيا اسال الصينيين اللافين في السوق العربي
يا اخي حتي منجزات وطنكم يوروكم ليها الاجانب / فعلا الاختشو ماتوا/
| |
|
|
|
|
|
|
Re: الكهرباء شغالة ( تش ) بالخرطوم ... (Re: عبد اللطيف السيدح)
|
Quote: اول الشئ التعديل ده ضرورة عشان دينق وانت ما تفكوا الحوار الاساسي حول الكهرباء وتمسكوا في الفارغة
|
السيدح كدي خلينا من اختشوا ماتو ولا بعثوا بعد حين
هو وينو الموضوع الاساسي بتاع الكهربا عشان نمسك فيه الكهربا الشغالة تش دي ولا حاجة كدي بس ورينا قري طاقتها الانتاجية كم وكيف اكبر محطة كهربائية في افريقيا...
يا دينق بالله ابقي مارق الناس دي لقوك سبة وبقوا يطفشوا الكورة يمين شمال الناس ديل اقنص ليهم في بوستات السياسة هنا تخصص مواطنين
| |
|
|
|
|
|
|
Re: الكهرباء شغالة ( تش ) بالخرطوم ... (Re: GamarBoBa)
|
Quote: وزير الطاقة يتفقد سير العمل بمحطتي قري(4) وبحري الحرارية 2009-04-27 06:47:01 سونا تفقد الزبير احمد الحسن وزير الطاقة والتعدين محطة قري(4) يرافقه مساعد عبدالله مدير عام الهيئة القومية للكهرباء بالانابة حيث وقف علي سير العمل بالمحطة والتي دخلت مرحلة التشغيل التجريبي ويتوقع دخول الوحدة الاولي للخدمة في نهاية شهر مايو القادم باذن الله لتضيف 55 ميقاواط كما يتوقع دخول الوحدة الثانية مطلع يوليو القادم باذن الله ليصل انتاج المحطة الي 110 ميقاواط وتعمل هذه المحطة بالفحم البترولي المنتج من مصفاة الخرطوم وقامت بتنفيذها شركة (CMEC) الصينة واستمع الوزير الي افادات من مدير المشروع والمسئولين بالموقع وشركة (CMEC) الصينية والمستشار لشركة لامير الالمانية حول مجريات العمل بمراحله المختلفة والتي تضافرت فيها المجهودات من اجل انتهاء المشروع في الوقت المحدد كما تفقد الوزير والوفد المرافق له امتداد محطة الشهيد محمود الشريف (بحري الحرارية) والتي تبلغ سعتها التشغيلية 200 ميقاواط واستمع الي افادات الشركة الصينية المنفذة (CMEC) والشركة الاستشارية الانجليزية والمسئولين بالمحطة يذكر ان العمل قد قطع اشواطاً كبيرة من اجل دخول المحطة الي الشبكة القومية قبل موعدها المحدد ويتوقع دخول الوحدة الاولي الخدمة في نهاية نوفمبر المقبل باذن الله لتضيف مائة ميقاوط اخري للشبكة القومية وبذلك تصبح اضافة محطتي قري وامتداد محطة الشهيد محمود شريف ببحري 310 ميقاواط في نهاية هذا العام باذن الله لتسهم في سد الطلب المتنامي والذي بلغت نسبة زيادته هذا العام 23%
|
المصدر: http://www.alhadag.com/economic1.php?id=410
بالمقارنة
Quote: New thermal power plant for soon: Ghana
Ghana will soon benefit from a 900 million U.S dollar thermal power generation plant which would provide up to 660 megawatt (mw) of electricity to industries and homes.
This follows a power purchase agreement reached between the Canadian Energy Solutions Consortium Inc. (CESCI), the Ministry of Energy and the Electricity Company of Ghana (ECG) in May this year for the former to build, own and operate the 660mw natural gas-fired thermal generation plant.
|
المصدر:http://www.tehrantimes.com/index_View.asp?code=184755
ومافي زول يجي يقول لي طاقة قري 1200 ميقا لانو الرد جاهز برضو من مصادركم
| |
|
|
|
|
|
|
Re: الكهرباء شغالة ( تش ) بالخرطوم ... (Re: ود الباوقة)
|
Quote: يا دينق بالله ابقي مارق الناس دي لقوك سبة وبقوا يطفشوا الكورة يمين شمال
الناس ديل اقنص ليهم في بوستات السياسة هنا تخصص مواطنين |
يا قمر.
ما عليك يا عزيزي. الجماعة ديل بغالطوا في فشلهم الزريع في السودان ليهم عشرين سنة. علشان كده لا تتوقع أن يكون بينهم عاقل. خصوصا صاحب الكرفتة الرخيصة ده . قايل قشرتوا بالكرفتة المضروبة دي ممكن يقنع ليهو زول بيها.
دينق.
| |
|
|
|
|
|
|
Re: الكهرباء شغالة ( تش ) بالخرطوم ... (Re: ود الباوقة)
|
أخي ودالباوقة: طيب قول الكهرباء شغالة تش ؟ خلاص يعني مشاكل المواطن انتهت ؟ وأردد وأكرر وأعيد هنا أن الكهرباء ملك حر من أملاك المواطن أعمده ، أسلاك خارجية ، أسلاك داخلية ، عوازل ، عدادات ألخ ، وكمان دفع مقدم ، يفترض من شيوخ حزبكم التنحي عن إدارة هذا المرفق وعدم التواجد فيه لأنهم غير مؤهلين البتة لتحمل هذه المسئولية ، ما تشبكونا حنك وكأن الكهرباء فتح رباني إنقاذي للمواطن ... وأزيدك شوية كمان ، ما أرخص منتجات توليد وتوزيع الكهرباء في زمننا هذا ، يعني استهلاك ولاية الخرطوم سنة واحدة من الكهرباء حسب تعريفة د. مكاوي ممكن أن يؤسس من الصفر توربينات كهرباء تنتج ألوف الميقاواتز وبأحدث طرق التوليد والتوزيع ... لكن للأسف جماعتكم جشع وطمع وضياع لحقوق المواطن والوطن وبدون رقيب أتقوا الله في أنفسكم الشفيع
| |
|
|
|
|
|
|
Re: الكهرباء شغالة ( تش ) بالخرطوم ... (Re: Alshafea Ibrahim)
|
الأخ ود الباوقة تحياتي انت عارف أكبر دليل على فشل الإنقاذ هو زي عنوانك دا... يعني لمن تجي في القرن الواحد و عشرين و تكون فرحان بإنو الكهربا شغالة (تش) مش في الجنينة ولا حلفا ولا نمولي ولا سنكات... لكن في الخرطوم!!!! كارثة يا ود الباوقة لما تجوا تمتنوا على رعاياكم بتوفر الأساسيات. لك الله يا سودان. ذكرتني نكتة سيد البص لما المساعد طلب ماهيته و حاول يماطله لما المساعد أصر في النهاية قال ليه يا هو دي قروشك لكن كراعك تاني ما تختها في البص... نهارك كلو راكب البص من الخرطوم لي كريمة... يوم واحد سألتك من حق تذكرة؟ هسع أنا والله خايف تسألونا من حق التذكرة ولا على قول عادل إمام تجوا تقولوا دايرين تشيلوا العدة... عشان كدا و حفاظا على العدة و تجنبا لدفع قيمة التذكرة نقول ليكم شكرا على إنو الكهرباء شغالة تش.
| |
|
|
|
|
|
|
Re: الكهرباء شغالة ( تش ) بالخرطوم ... (Re: MOHAMMED ELSHEIKH)
|
ودالباوقة ياشيخناسلامي وجزاك الله خير .. نحنا اصلاً ما محتاجين لكهرباء عشان نؤيد الانقاذ، والكهرباء دي وسخ دنيا... وقوفنا مع الانقاذ، قاعدين به فوق رأي ،بس جنة وحور عين ...كهرباء شنو؟ و حرية شنو؟ و ديمقراطية شنو كمان؟؟ياخي الانقاذ دي ان شاء الله بندخل بيها الجنة بس .....وكمان نحن امعاناً في التأصيل وكدة بس كفانا القمر ....الطبيعي دة وحتي زاتو الكهرباء دي اتضح انها سبب في توليد موجات كهرومغانطيسية يعتقد انها تؤين خلايا الجسم مما يسبب في الاصابة في السرطان....
| |
|
|
|
|
|
|
Re: الكهرباء شغالة ( تش ) بالخرطوم ... (Re: ibrahim alnimma)
|
سلام ود الباوقة ..
والله أنا أي حاجة فيها دفع مقدم ما قاعد اتساهل فيها ..
براك شايف إشكاليتي مع ناس زين وسوداني ..
غايتو الحمد لله الكهرباء جات هسسسسسسسسسسسسسسسع دي (عشرة ونص بالليل) بتوقيت الخرطوم تلاتة ..!! عشان أقدر أرد عليك ..
وكانت قاطعة من الساعة ستة مغرب ..!!
يعني أربعة ساعات ونص !!
وأنا دافع مقدم !!!!
صنفرة :
ليه بس .. كدة بس ... كدة بس .!!!
| |
|
|
|
|
|
|
Re: الكهرباء شغالة ( تش ) بالخرطوم ... (Re: الزبير صالح الزبير)
|
يا ودالباوقة سلااااام وتحيات عطرة
نحن محايدين لا مع ديل ولا مه ديك ولا مع الهناك لا الجاي
لكن الكهرباء لا تش ولا تيش
الكهرباء تش لص كط .. تش كط .. تش كط اليوم كلو
قريبك إلا ساكن الفيلل الرئاسية
نحن جنب الجنائية وقاطعين معاها لكن احن من الاسابيع المضت ديك كانت موت عديل كرهتنا السودان
تحياتي ومودتي
| |
|
|
|
|
|
|
Re: الكهرباء شغالة ( تش ) بالخرطوم ... (Re: ناذر محمد الخليفة)
|
ود الباوقة ومحمد فرح ...
بلّو راسكم .. الخبر جاني.
قالوا ناس الحيكومة بفتشوا عليكم، وكايسين ليكم كواسة ما أظن فيها بشارة خير. الناس ديل زمان كانوا بيقطعوا الكهرباء، المواطن المسكين يتدمدم ينوم، ويصحى الفجر عشان يلحق شخير المواسير ويعبي شوية موية للعيال. هسي بعد بوستاتكم دي يا الملاقيف الناس بقو واقفين للحيكومة في حلقا، وبقت ما لاقية نفس عشان تحل مشاكل المواطنين. أقعدوا في الواطة دي الحيكومة تتقطع يعني؟
| |
|
|
|
|
|
|
Re: الكهرباء شغالة ( تش ) بالخرطوم ... (Re: محمد أبوالعزائم أبوالريش)
|
Quote: ود الباوقة ومحمد فرح ...
بلّو راسكم .. الخبر جاني.
قالوا ناس الحيكومة بفتشوا عليكم، وكايسين ليكم كواسة ما أظن فيها بشارة خير. الناس ديل زمان كانوا بيقطعوا الكهرباء، المواطن المسكين يتدمدم ينوم، ويصحى الفجر عشان يلحق شخير المواسير ويعبي شوية موية للعيال. هسي بعد بوستاتكم دي يا الملاقيف الناس بقو واقفين للحيكومة في حلقا، وبقت ما لاقية نفس عشان تحل مشاكل المواطنين. أقعدوا في الواطة دي الحيكومة تتقطع يعني؟ |
كلام في الصميم اذا قالت حزام فصدقوها فالقول ما قالت حزام
اسوا ما يضر الانقاذيين الذين ضل سيعهم في الحياة الدنيا في هذه المرحلة تحديدا هو المغفل الما نافع الذى يروج للاكاذيب في زمن ثورة المعلومات
شنو البخلي ناس معسكرات تجويد سورة النمل...والنكاح الجماعي...يعملو تنمية حقيقية في السودان
والله التنمية في العالم كله تتحدث عن نفسها بنفسها الي عند كيزان السودان يتكلمون عن التنمية ونسمع جعجعة ولا نرى طحينا .... السد ده عملو عشان ينبذو بيه اوكامبو بس ما عنده دور تاني والعايز فعلا يخرج من الظلمات الى النور يسقط الناس ديل في الانتخابات القادمة وما يضيع وقتو في الفارغة والمقدودة... بعدين من اكبر كضب ناس الباوقة نقفل الساحة ونشيل مفتاحا ونزرو الباوقة الذيذ تفاحا مع العلم انو الباوقة ما فيها تفاح
هسه يا ود الباوقة مالك ومال الخرطوم وام ضريوة هل الباوقة نفسها فيها كهرباء؟؟
| |
|
|
|
|
|
|
Re: الكهرباء شغالة ( تش ) بالخرطوم ... (Re: ناذر محمد الخليفة)
|
غايتو الحمد لله الكهرباء جات هسسسسسسسسسسسسسسسع دي (عشرة ونص بالليل) بتوقيت الخرطوم تلاتة ..!! عشان أقدر أرد عليك ..
وكانت قاطعة من الساعة ستة مغرب ..!!
يعني أربعة ساعات ونص !!
اخوانا ناذر..
الديوم الشرقية تبعد عنكم قليلا وكهاربها قايلة يا ليل ...
| |
|
|
|
|
|
|
Re: الكهرباء شغالة ( تش ) بالخرطوم ... (Re: ود الباوقة)
|
نعم محطة قري اكبر محطة حرارية في افريقيا..
اخونا محمد الشيخ الوليدات كيف انهم ...
ابدا ياود الباوقة ما اكبر من بحري الحرارية اها يا عمر اخوي بتجونا متين نحن والله كهربتنا تشششششششششششششششششششش و جونا(بتشديد الواو)اسكت ساكت اليومين ديل, قبل ما نمشي السودان تحياتي للأبناء
| |
|
|
|
|
|
|
Re: الكهرباء شغالة ( تش ) بالخرطوم ... (Re: MOHAMMED ELSHEIKH)
|
اها يا عمر اخوي بتجونا متين نحن والله كهربتنا تشششششششششششششششششششش و جونا(بتشديد الواو)اسكت ساكت اليومين ديل, قبل ما نمشي السودان تحياتي للأبناء
والله يا ودعمي ..
لولا الاختبارات والدوشة لشددنا اليكم الرحال الليلة ..
الجو عندكم ماشاء الله ..
| |
|
|
|
|
|
|
Re: الكهرباء شغالة ( تش ) بالخرطوم ... (Re: Elawad)
|
انت عارف أكبر دليل على فشل الإنقاذ هو زي عنوانك دا... يعني لمن تجي في القرن الواحد و عشرين و تكون فرحان بإنو الكهربا شغالة (تش) مش في الجنينة ولا حلفا ولا نمولي ولا سنكات... لكن في الخرطوم!!!! كارثة يا ود الباوقة لما تجوا تمتنوا على رعاياكم بتوفر الأساسيات. لك الله يا سودان.
العوض ..
الموضوع ليس فرحا بل مقارنة بين الامس واليوم وكفى ...
| |
|
|
|
|
|
|
Re: الكهرباء شغالة ( تش ) بالخرطوم ... (Re: أميرة فاروق عبد العال)
|
.. .
Quote: هي في طريقها للحل الجذري بعون الله .. امسك الصبر |
لولا عون الله لمتنا مرضاً .. جوعاً .. جهلاً عطشاً .. الصبر دا مسكناه 20 سنة نمسك لمتين لمن اولادنا يموتون ________
المؤسف ان المسترزقين من الانقاذ ودعاة الاسلام هم واسرهم فى نعمه والشعب يموت فقرا
| |
|
|
|
|
|
|
Re: الكهرباء شغالة ( تش ) بالخرطوم ... (Re: Tabaldina)
|
والله ياود الباوقة امبارح انصاص الليالي نحضر فى كورة ارسنال والمان......................... (اول عشرة دقائق) فى امان الله.............. تـــــــــــــــــــــــشالكهرباء قطعت البركة فى الموبايل نـــــــــــور ورادي................... الليلة الله يستر ناس خايفين من التحكيم وناس خايفين من المدرب ونحن خايفين من كهربة مكاوي.................. مودتي وتقديرى
| |
|
|
|
|
|
|
Re: الكهرباء شغالة ( تش ) بالخرطوم ... (Re: شول اشوانق دينق)
|
Quote: الحبيب ودالباوقه فعلاً الكهرباء إستقرت إستقرار كبير جداً منذ عدة ايام الكهرباء ماقطعت إطلاقاً وماحصل لقيتها قاطعه في اي مكان إتواجدت فيو في العاصمه المثلثه . مؤونة عام من الود |
يا كهربجية منك لو عرف مدينة الخرطوم؟
الخرطوم هي المدينة التي يسكن فيها من اتصل به ود الباوقة،كما يمكن تعريفها بانها المدينه التي يسكن او يتواجد فيها محمد فرح وحده لا يشاركه احد.
انتو ناس شول وناس صلاح الدين نادر والمنسي واميرة كلكم ما ساكنين الخرطوم
| |
|
|
|
|
|
|
Re: الكهرباء شغالة ( تش ) بالخرطوم ... (Re: GamarBoBa)
|
ياود الباوقة ده شنو الكاتبو ده (نحنا اصلاً ما محتاجين لكهرباء عشان نؤيد الانقاذ، والكهرباء دي وسخ دنيا...
الشفيع تسوووو في وسخ دنيا ( ومكلتين ) فيها بي ايديكم وسنانكم ...
راجع المداخلات وشوف مين كاتب هذه العبارة ، كاتبها الأخ ابراهيم ماأنا الشفيع ... أظنك شبعان سمك ، ولا دخول دينق ملخبط حساباتك ... كان الله في عونك واخوك محمد فرح ....أرحموا أنفسكم شوية عشان تكونا مصدر موثوق من مصادر حزبكم اللا موثوقة .... الشفيع
| |
|
|
|
|
|
|
Re: الكهرباء شغالة ( تش ) بالخرطوم ... (Re: ود الباوقة)
|
الخرطوم هي المدينة التي يسكن فيها من اتصل به ود الباوقة،كما يمكن تعريفها بانها المدينه التي يسكن او يتواجد فيها محمد فرح وحده لا يشاركه احد.
انتو ناس شول وناس صلاح الدين نادر والمنسي واميرة كلكم ما ساكنين الخرطوم والله ياقمربوبا، هسه كنت بفكر، قلت ياربي نحن ماساكنين (الخرطوم) ولا شنو؟
(11 وش زي وشوشك ديل)
| |
|
|
|
|
|
|
|