|
Re: جمهوريه بورداب الدوحه تعظيم سلام (Re: Esam El-Khawad)
|
جلسنا جلسه غزليه ... شربنا كاسات المنى دور منهم ودور مننا... يا قليب مالك عليا وانت عارف نقطه الضعف الفيا وذى تقول يا دوب عرفتا الاندهاش.... الزول الصديق بى اسمو مهو صدقيك الزول الصديق البلحقك فوق ضيقك سعت الصعاب تلقهو ديما رفيقك الناس تتوهم تقول اخوك شقيقك
| |
|
|
|
|
|
|
Re: جمهوريه بورداب الدوحه تعظيم سلام (Re: SHIBKA)
|
لو نوى أحد أعضاء سودانيز أون لاين (بالدوحة) الزواج (منتصر).. لأبلغت جميع الأعضاء للحضور والمشاركة والمساهمة في حفلي الدوحة والسودان.
لو حَلّ أحد أعضاء سودانيز أو لاين ضيفاً على الدوحة (عصام).. لأبلغت الجميع وأتحت الفرصة لأعضاء سودانيز أون لاين ( لمواجبته ) والترحيب والاحتفاء به.
أخونا عصام، ياخي مرحب بيك في الدوحة..
أبوساندرا ، كيف حالك!!
| |
|
|
|
|
|
|
Re: جمهوريه بورداب الدوحه تعظيم سلام (Re: عبدالرحمن عبدالله أبوشيبة)
|
كتب صلاح عبدالله :
Quote: لو نوى أحد أعضاء سودانيز أون لاين (بالدوحة) الزواج (منتصر).. لأبلغت جميع الأعضاء للحضور والمشاركة والمساهمة في حفلي الدوحة والسودان |
أنت شخصيآ تمت دعوتك لحنة منتصر وقدمت إعتذار مقبول والجدير بالذكر ان عدد الذين وجهت لهم الدعوة كان أكثر من 30 والذين حضروا كانوا أقل من 12
الدعوة كان موعدها بعد المغرب مباشرة أي من السادسة والنصف العريس حضر في السابعة اول واحد حضر من المدعوين بعد العريس كان في التاسعة مساءآ
انا زهجت من الدعوات المطرشقة وقررت تاني ما بعزم بقوم بالواجب فقط ومن علم وحضر من تلقاء نفسه مرحبآ به
بالنسبة لعصام الخواض ، هو من بادر بالإتصال مشكورآ وعلى الفور دعوته بعد التنسيق مع كمال سالم وهارون دياب امس و أول أمس هارون وكمال ابلغوا ضحية وكمال علي الزين ودكين والمحتفى به دعى هجو الأقرع
| |
|
|
|
|
|
|
Re: جمهوريه بورداب الدوحه تعظيم سلام (Re: أبو ساندرا)
|
يخونا انا نسيت موبايلي في عربية هجو الاقرع..
حاولتا اضرب ليهو من الموبايل عشان اكلمو ماقدرتا.. حاولتا اضرب لي ابو ساندرا قافل جوالو ماهي اظنها نايمة.. هارون دياب رقم تلفونو في الموبايل..رلستا ليهو في المنسجر ال\داخلي ما عبرني..
اخوي ياهجو.. نتلاقى اليوم المساء في منطقة وسطى غرب (دخان) خلف جبل ابوطالوش تعال ومعاك بندقيتك
| |
|
|
|
|
|
|
Re: جمهوريه بورداب الدوحه تعظيم سلام (Re: DKEEN)
|
قَجَّ السادرة فى الوادى أب نِعاماً دكَّك وضايق سوقها قبال الضرير يتمكك أنا أخو النايرة إن خِرِب الحديث واتلَكَّك إت قدَّامى ماك ورَّانى مقطوع شكَّك دكين الحبيب ... شكرا وانت دوما تزرع الفرح حولك
| |
|
|
|
|
|
|
Re: جمهوريه بورداب الدوحه تعظيم سلام (Re: أبو ساندرا)
|
إزدانت الدوحة بمقدم أخونا عصام ،، ولدنا ومن سجانتنا ( من طرف الحبيب .. جات أعذب رسايل) أحيي الديم والسجانة والله ..
ثم كتب صلاح عبدالله للوجيه أبوساندرا (طبعاً بعد أن صاح ،، لا حولاااااااا): --------------- أول حاجة : Take it easy .. أنا زول مسكين ياخ.. تاني حاجة : حالتها دي معاها Call ؟؟ ثالت حاجة : والله إنت و(Group B) ديل الله يدينا خيركم.. رابع حاجة : هو صلاح الجن ده متين قعد يجيكم هنا زاتو ؟؟ ما شايفنا ( غادي غادي ) .. خامس حاجة : لسه باقي لي كم معافرة هنا ، وشتاااااااات .. سادس حاجة : والله بقيتو صعبين خلاص..
------------------- أخير نرجع لبياتنا الشتوي !! ديامة فارات ..
| |
|
|
|
|
|
|
Re: جمهوريه بورداب الدوحه تعظيم سلام (Re: أبو ساندرا)
|
ود الديم ابو ساندرا ديوان الدوحه المفتوح .. ذكرنى بيتك ايام زمان لم كنا الواحد بخش الحله وبنوم فى اقرب سرير من بيوت الحله ...من عاش فى هذه المناطق ..بيعرف معنه ان تكون الحله بيت والبيت حله ... تحياتى وانت حله وبيت
| |
|
|
|
|
|
|
Re: جمهوريه بورداب الدوحه تعظيم سلام (Re: Esam El-Khawad)
|
Quote: العمده ابو شيبه تحياتى وهذا سؤال محيرنى هل الدخول الى الدوحه يمر عبر لجنه لختيار لافضل ام انها صدفه
|
لا مجال هنا للصدفة فللدوحة مقاييس وموازين وغرابيل لا يمر منها إلا أمثالك ممن تنطبق عليهم الشروط بالأمس سألت عنك صنوك الآخر الرجل الصبوح بشير معاذ وعلمت منه أن نور الدوحة الزايد هذه الأيام مصدره ضياؤك يا رائع ،، لو كنت حتى اللحظة بالدوحة أرجو منك ألو على 5291913
| |
|
|
|
|
|
|
Re: جمهوريه بورداب الدوحه تعظيم سلام (Re: Esam El-Khawad)
|
.. . اسمعنى يا طويل العمر خلينى من تعظيم السلام وكلامك زين .. والقهوة بالهيل ..
دايرين نسكن .. تعبنا من مساسكة بتاع الايجار
____________
الكونتراكت جاهز ولا لسه ؟؟ عندكـ ناس هنا مهم تقيل عشان كدا ادينى مسكول لمن تشرف .. وتشرق
وتحية قلبية؛
| |
|
|
|
|
|
|
Re: جمهوريه بورداب الدوحه تعظيم سلام (Re: Tabaldina)
|
تبلدينا استهدى .... خلاص بديت ترمى فى الحجار ياخ بطل حريش ... مشتااااقين للطله ..والله الواحد فاقدك لم اجى السودان ذى ما اتفقانا ....
________________________________________________ معقوله داخل طوالى على طمع
| |
|
|
|
|
|
|
Re: جمهوريه بورداب الدوحه تعظيم سلام (Re: Esam El-Khawad)
|
الاخ عصام الخواض
الدوحةواحة دوما ترحب بزوارها،،،
دخان برضوا قريبة ياخى هههههههههه
Quote: اخوي ياهجو.. نتلاقى اليوم المساء في منطقة وسطى غرب (دخان) خلف جبل ابوطالوش تعال ومعاك بندقيتك |
دكين
الشحانية كيف معاك الـ1م ـــساعة بكون على الدوام وبنسق مع ابومحمد ان لم يصلك لذلك الحين
| |
|
|
|
|
|
|
Re: جمهوريه بورداب الدوحه تعظيم سلام (Re: Esam El-Khawad)
|
صلاح عبد الله
ياخوي ابوساندرا ده ماقصر معاك عديل كان عمل ليك مسج ساي.. انا الزول ده بفتح الباب بلقاني في وشو.. ومرات بجي خاشي الاوضة برضو بلقاني جواها بحضر في كورة الريان وقطر.. مرات بجي بشرب شاي وبمرق لا بشوفو ولا بلاقيني..
ياخي اتعامل مع الخلايق حسب راحتك معاهم..المضيقا خليك معاهو ضيق والماهل ابقى معاهو ماهل.. ابو ساندرا صحي زول فالت ومنفلت امنياً..بس ماهل ومرحاب وود حلة وكده..
طبعا ده لايخلو من كسير تلج لزوم شاي المغارب..
الخواض: درق البازا جـاك زى السحابة الجارة حس اب جقرة والقربين صوقعن كارة أركز للتجيك اطرى ام حـــمد والسارة
اها صحبك ردا قال ليهو: باكل حارة ماضُقْ باردة ماك دارينى أســـعل منى رُبْعَاي البعرفوا قرينى حِسْ أب جقرة والقربين دوام بارينى انا خو السارة كان يبقى الحديث عانينى
درق البازا شفناه وعقدنا ظروفنا نحن ركزنا، لو كان ام حمد بتشوفنا
موش قتا ليك بتذكرا..
| |
|
|
|
|
|
|
Re: جمهوريه بورداب الدوحه تعظيم سلام (Re: بابكر التوم)
|
Quote: رابع حاجة : هو صلاح الجن ده متين قعد يجيكم هنا زاتو ؟؟ ما شايفنا ( غادي غادي ) .. |
صاح صلاح { الطير } ده ما بيجينا نحن هو فاضي من ناس القرعي ودجالي المدينة
يازول اخير ليك تتلم على ناسك
الديم زي الدم بيجري في العروق { جمع شرايين و أوردة } وخوتو ما بتبقى موية ولا فرندقس
سيبك من فارات الرزق السايبة ونحن منك فركة دوارين بس
| |
|
|
|
|
|
|
Re: جمهوريه بورداب الدوحه تعظيم سلام (Re: أبو ساندرا)
|
دكين
Quote: صلاح عبد الله
ياخوي ابوساندرا ده ماقصر معاك عديل كان عمل ليك مسج ساي.. انا الزول ده بفتح الباب بلقاني في وشو.. ومرات بجي خاشي الاوضة برضو بلقاني جواها بحضر في كورة الريان وقطر.. مرات بجي بشرب شاي وبمرق لا بشوفو ولا بلاقيني..
ياخي اتعامل مع الخلايق حسب راحتك معاهم..المضيقا خليك معاهو ضيق والماهل ابقى معاهو ماهل.. ابو ساندرا صحي زول فالت ومنفلت امنياً..بس ماهل ومرحاب وود حلة وكده.. |
شكراً على النصائح الغالية ،، بس هنا ما مقامها طال عمرك .. خاصة إذا كنا نتحدث عن ( المدعو ) أبوساندرا هدئ نَفَسَك يا قريبي فليس الأمر كما تتصور .. عندك جَكّر ؟؟ أرمي وشوف..
مرحب بالزباين والله..
يا بركة
Quote: هو فاضي من ناس القرعي ودجالي المدينة يازول اخير ليك تتلم على ناسك |
قلت لي ناس منو؟؟ الناس كلهم ناسي إلا أننا قد تجاوزنا مرحلة الإنتشار ، ونحن الآن في مرحلة الإنحسار(الطوعي) وبيمرقنا الشديد القوي..
-------------------------- ديامي مُقّرّم : (اللي هو أنا).. ديامي مشّرم : (ع.رحمن.أ.بركات) الداير موية منو؟؟
| |
|
|
|
|
|
|
Re: جمهوريه بورداب الدوحه تعظيم سلام (Re: Alsa7afa_30)
|
Esam El-Khawad
يا زول حرم حبابك ... أنا أخوك ... جيتاً جيت ... إنشاءالله العقبتهُم طَيبين وجُملة الأهل والأحباب يا زول طمِني ... أها يا خوي خابِر حبايبك كُتار عِلا إتْ واعِدني تشرب فوق بيتي < جبنه طين > تعالي وجيب أحبابك تب ... برجاك وده تِلِفوني 5490366 وتراني قاعِد ساااي فوق البيت إجازة طويلة ...
وصونا على الأصيل نبقالو نداما ... ما بنصبح فوق أسف نطاطي نداما ... إن صنقر شِمال نديهو حتو مدامـا ... يِمْه وليدك وصل السموهو عِصاما ...
| |
|
|
|
|
|
|
Re: جمهوريه بورداب الدوحه تعظيم سلام (Re: haroon diyab)
|
يعني ياجماعه الا نكون من الديم ولا شنو ؟؟؟؟ والله ياعصام لا جمهوريه ولا طوريه ناس الدوحه ديل ده طرفي منهم تاني مادام انت قلت بقيت من بورداب الدوحه اها ادخل مكاني وانا بسجل مع بورداب مانغولياالديمقراطيه
تحت تحت :ــــــــــــــــــــــــــــــــ نورت الدوحه الكانت مضلمه ببوردابه الشينين ديل
| |
|
|
|
|
|
|
Re: جمهوريه بورداب الدوحه تعظيم سلام (Re: haroon diyab)
|
.. .
Quote: تبلدينا استهدى .... خلاص بديت ترمى فى الحجار ياخ بطل حريش ... مشتااااقين للطله ..والله الواحد فاقدك لم اجى السودان ذى ما اتفقانا .... |
ياخ انت برموك بحجار انت برموك بالدعوات والقونقليز ( شايف التلج )
________
بعدين ابوساندرا دا ما يلصق فيك قريب كدا
| |
|
|
|
|
|
|
Re: جمهوريه بورداب الدوحه تعظيم سلام (Re: Esam El-Khawad)
|
عصام الخواض ,, نورت الدوحه والله ,, ياجماعه والله الزول ده مليان كترت جمال ,,
لمـــن مدفق ,, بساطه وطيبه ونخوه ,, وكمان رجاله فايته الحد ,, يأخ والله تستاهل كل خير ,,
| |
|
|
|
|
|
|
Re: جمهوريه بورداب الدوحه تعظيم سلام (Re: كمال سالم)
|
حبيبو كيفنك! أما شوق فتشتهيك القميرة بت الحلال قالت ضياك يا أنت شمعة فرحانة تقدل في الضلام عارف القمرة بتكون بت حلال متين؟؟ ! ساعة تشوفك نصاصي الليل ساعة سمر والدنيا غنوات جات تفتش لي قصيدك ولي جديدك ولي نشيدك شان تعيدك ليها عيداً و أحتفال ــــــــــ
بورداب الدوحة ناس زي الفل أما قبل! شنو ياخ؟؟
| |
|
|
|
|
|
|
Re: جمهوريه بورداب الدوحه تعظيم سلام (Re: كمال سالم)
|
Quote: عصام الخواض ,, نورت الدوحه والله ,, ياجماعه والله الزول ده مليان كترت جمال ,,
لمـــن مدفق ,, بساطه وطيبه ونخوه ,, وكمان رجاله فايته الحد ,, يأخ والله تستاهل كل خير ,,
|
| |
|
|
|
|
|
|
|