|
|
|
 Re: حرم راجِل ... بس أكان ما مشيت حفل التنصيب ده ... تاني عِلا يِشَلِخوك لِورا ويِفُكوك في السو (Re: بدر الدين اسحاق احمد)
|
بدرالدين إسحاق ...
| Quote: احسن ما يمشى كمــل لينا بنزين الطيارات .. |
ناس جنوب إفريقيا بعد 100 سنة ما حنصل الفهم الفِهموهو ... كِفاية
ديمُقراطِيتهُم وكفاية مبدأ < الحقيقة والمُصالحة > ويكفيهُم قُدرتهِم
على تجاوُز ماضيهُم المؤلِم البغيض ...
قلت لي < أحسن ما يِمشي > بِقيتو مِن هسِع تدردِقو فوقا ... ولامِن حام
مِن نفاجات السودان ومشا لِناس الجيران (أرِترِيا)(أثيوبيا)(مِصر)
(ليبيا) مشا بِكارو ما تراهو سافر بِطيارة حتو ما لكُم ما قلتو
< كمل بِنزينا > يا زول القِمم كتيرة والمُناسبات البِتْلمو فوقا
الرؤساء أكتر ... النشوف بِتخارج كيف مِنها ... وتاني ما دايرين
نسمع كلام وغُنا رجالا مِتل:
المُدفع الرزام
طلقاتو مِن صدرك
يا جبل الضرا
الماف زول حدرك
ــــــــــــــ
الليلة جاب كلام
دخلوها وصِقيرا حام
| |
 
|
|
|
|
|
|
|
|
Re: حرم راجِل ... بس أكان ما مشيت حفل التنصيب ده ... تاني عِلا يِشَلِخوك لِورا ويِفُكوك في السو (Re: عزام حسن فرح)
|
أيوة كـلام صحيح يا عـزام،، مافي زول رسّـل ليهم كرت دعـوة،، لكـن الفـرق هـو لامـن تقـول لي زول ياخي أنا داير أجيك عشـان نناقش بعض (المشاكل المعلقة) بيناتنا،، ويقـول ليك جدا مرحب بيك تعال نسمع (ويش عـندك).. وبين زول يعمل عـرس عـديل ويعـزم ـ يا عـزام ـ كل الزملاء إلا واااحد بس، ولا كمان يعلن يقـول والله (الزمـيل) دا ما تعزموه عشان ما يجيب لينا هوا ساكت،، ولا تنسـى أن جنوب أفريقيا من الدول الموقعة..يعني كان مشى مش ح يفكوه في السوق، لكن ما ح يفكوه نهائي،، إلا كان في سوق اليهـود الشهير في لاهاي.. شفت الإحـراج ال بي الكـربون دا كيف..
| |
|
|
|
|
|
|
|
|
|
Re: حرم راجِل ... بس أكان ما مشيت حفل التنصيب ده ... تاني عِلا يِشَلِخوك لِورا ويِفُكوك في السو (Re: omer osman)
|
omer osman (الشايقي)
| Quote: حرم راجل كان مشي كان قعد كان شلخوه والا خلوه راجل ومكمل الرجالة السوداني |
دي إعترفنا بيها قُبالك يا خوي ...
| Quote: ورفع رأس السودان والشعب السوداني |
بس ما تبالِغ ... ده تعميم ما صاح ... أنا وأهالي شُهداء كجبار وإمري ودال والشِريك وكُل الحركات
المُسلحة والمُحالين لِلصالِح العام والفي السِجون بِسبب الزندِية ... وأهالي الـ28 ضابِط الذين قُِتِلوا
صباح العيد وأهل مجدي الحلفاوي وبطرُس القِبطي والـ10 ألف قتيل ( حسب خِطاب الكحومة الرسمي ) في
دارفور والـ2 مليون نازِح بِسبب أعمال أحمد هارون وكوشيب والجنْجويد ومظلومي جبهة الشرق والذين
تشردوا بِشرق السودان بعد أن طردتهُم الحكومة مِن أراضي الخُطة الإسكانِية لِتعَويض آل الميرغني كُل
هؤلاء يا سعادتك سودانِيين لا يحِق أن تتحدث بِإسمهُم ... ولا شنو
| |
|
|
|
|
|
|
|
|
|
Re: حرم راجِل ... بس أكان ما مشيت حفل التنصيب ده ... تاني عِلا يِشَلِخوك لِورا ويِفُكوك في السو (Re: عزام حسن فرح)
|
Quote: بس ما تبالِغ ... ده تعميم ما صاح ... أنا وأهالي شُهداء كجبار وإمري ودال والشِريك وكُل الحركات
المُسلحة والمُحالين لِلصالِح العام والفي السِجون بِسبب الزندِية ... وأهالي الـ28 ضابِط الذين قُِتِلوا
صباح العيد وأهل مجدي الحلفاوي وبطرُس القِبطي والـ10 ألف قتيل ( حسب خِطاب الكحومة الرسمي ) في
دارفور والـ2 مليون نازِح بِسبب أعمال أحمد هارون وكوشيب والجنْجويد ومظلومي جبهة الشرق والذين
تشردوا بِشرق السودان بعد أن طردتهُم الحكومة مِن أراضي الخُطة الإسكانِية لِتعَويض آل الميرغني كُل
هؤلاء يا سعادتك سودانِيين لا يحِق أن تتحدث بِإسمهُم ... ولا شنو |
الاخ عزام نقف كما تعلمنا قيام النفر البيادة لنؤدي التحية العسكرية لكل هولاء الشهداء والضحايا ولكل سوداني اردته قتيلاً طلقات
الصراع السياسي في السودان منذ الاستقلال حتى يومنا هذا.عندما اقول انه رفع رأس السودان والشعب السوداني ليس بالضرورة ان يكون ذلك هو
شعور كل الشعب السوداني والاجماع لم يتحقق حتى لرسول الله خير البرية سيدنا محمد لكني انطق بلسان الغالبية العظمي من الشعب السوداني.
| |
|
|
|
|
|
|
|
|
|
Re: حرم راجِل ... بس أكان ما مشيت حفل التنصيب ده ... تاني عِلا يِشَلِخوك لِورا ويِفُكوك في السو (Re: omer osman)
|
| Quote: حرم راجِل ... بس أكان ما مشيت حفل التنصيب ده ... تاني عِلا يِشَلِخوك لِورا ويِفُكوك في السو |
استغفرتك يا مالك روحي
إنت يا زول ما قريت كلام ناس جنوب إفريقيا ديل:
Quote: أفاد موقع "سودان تربيون" الإخباري أن جنوب إفريقيا لن تدعو الرئيس السوداني عمر البشير لحضور
حفل تنصيب رئيس حزب المؤتمر الوطني الجنوب إفريقي كرئيس لجنوب افريقيا |
يعني زول ما دعوه كيف يعني يفرض نفسو ساي
كان إنت بتعملا
ما ظنيت البشير يرضاها لي نفسو
إنت قايلو ما عندو عزة نفس ولا شنو
وهو ساعة قاعد يمشي البلاد التدعوه دي
ما لأنو عزة نفسو بترفض له أن لا يلبي الدعوة خوفاً من الجنائية
أها الآن عزة نفسو برضو بترفض ليهو أنو يمشي يبارك لرئيس ما دعاه
=========
ثم ثانياً: ما سمعت البشير براه قال إنه سيمشي لأمريكا لو دعته لزيارتها
وثقتي أنه سيفعل إن وجهت له الدعوة
==========
رجالة البشير دي عارفناه
كان سافر كان ما سافر إلى أي مكان
كان قبضوه.. أو لم يقبضوه
عقبال ما نعرف رجالتكم إنتو يا حبيب
| |
|
|
|
|
|
|
|
|
|
Re: حرم راجِل ... بس أكان ما مشيت حفل التنصيب ده ... تاني عِلا يِشَلِخوك لِورا ويِفُكوك في السو (Re: عز الدين بيلو)
|
عز الدين بيلو
| Quote: عقبال ما نعرف رجالتكم إنتو يا حبيب |
رجالتي سويتا في السودان لامِن ماف زول أكان بِيقدر يِقول بِغِمْ ويِشهدو لي
الناس البِيعرِفوني في بحري ... كُل السِجون زُرتها وكُل أنواع الضرب ضقتو
ده شعراً ما عِندك ليهو رقبه يا خوي ... خليك في دلوكتك ... لامِن سويت
رجالتي أكان عِندي (6) محلات قطاعي و(2) جُملة وتوكيل وكتب عِقارات وقُلت
الفي راسي وكُنت عارِف إني حأرجع لِداوُن عشرة ورجعت ... أها دي رجالتي
البشير حاميهو منصبو وناس المصالِح والمِتلك ده داشي ساي لا منصب ولا مصلحه
بِس بِأمِل ...
يا زول أكتِب كِتابتك وخليك مِن حِكاية الرجالا دي ... شِن عرفك بيها وبناسا
| |
|
|
|
|
|
|
|
|
|
Re: حرم راجِل ... بس أكان ما مشيت حفل التنصيب ده ... تاني عِلا يِشَلِخوك لِورا ويِفُكوك في السو (Re: عزام حسن فرح)
|
عُمر عُثمان
كيفك يا خوي ...
Quote: عندما اقول انه رفع رأس السودان والشعب السوداني ليس بالضرورة ان يكون ذلك هو
شعور كل الشعب السوداني والاجماع لم يتحقق حتى لرسول الله خير البرية سيدنا محمد لكني
انطق بلسان الغالبية العظمي من الشعب السوداني. |
يا سعادتك < المُبالغة > القبيل أخير مِن شرحك < المَلَوَلو > ده ... تقول < رافِع رأس السودان
والشعب السوداني > وتطلُب مِني أفهما بِالـ< الغالِبِية العُظمى > ما بقدر والله يا سعادتك ...
إحتِمال علشان العربِية مُش لُغتي الأُم ... ما علينا خلينا في حِته < الغالِبِية العُظمى > دي ...
عِرفت كيف إنو الـ 39 مليون سوداني وكَسر أغلَبِيتهُم مع البشير؟ أنا عارِف إنتو الحكومة وبِتعرِفو
كُل حاجة ... بس المعلومة لِلعامة كِده لِلجمهور ... عِرفت كيف؟
| |
|
|
|
|
|
|
|
|
|
Re: حرم راجِل ... بس أكان ما مشيت حفل التنصيب ده ... تاني عِلا يِشَلِخوك لِورا ويِفُكوك في السو (Re: عزام حسن فرح)
|
Quote: البشير حاميهو منصبو وناس المصالِح والمِتلك ده داشي ساي لا منصب ولا مصلحه
بِس بِأمِل ... |
هه
أها النقول داخل السودان حاميهو منصبو وناس المصالح وناس قريعتي راحت الزيي ديل
لكنك شفت الراجل وهو يتحدى العالم كلو
ويتحدى أوكامبو بي تصريحاتو النارية التي قالها
إن البشير لن يخرج من السودان البتة
وإذا خرج إلى أي مكان سيقبض عليه.. أو تعترض طائرته
فقام سافر إرتريا
ققالوا: إنه ركب لوري من كسلا ولن يغادر لأبعد منها
فسافر مصر وليبيا
فقالوا إنها دول جوار
عليه أن يقوم بسفرية لأبعد من ذلك
أي تمر بأكثر من دولة
فسافر إلى قطر فكان مفاجأة القمة
تعجب الأصدقاء
وتغيظ الأعداء
وأعلن من هناك أنه جاهز للسفر إلى أمريكا ذاتا إن دعي إليها
فجاي إنت جايب ليك خبر فرحان أوي وتقول ليهو يمشي جنوب أفريقيا.. والخبر يقول إنهم لن يدعوه (مالكم كيف تحكمون)
ولا أدري .. فقد تذكرت هنا موقف عندما كنا أطفال
يقوم الواحد يعمل ليك شخيت ويقول ليك: كان راجل أقطعوا
تقوم تقطعوا.. تاني يعمل ليك واحد بعدو ويكرر ليك ذات العبارة
وهكذا إلى أن يصل خشم بيتهم ويكون اليوم انتهى
========
فكذلك مثل بوستيك ده يا حبيب
| |
|
|
|
|
|
|
|
|
 Re: حرم راجِل ... بس أكان ما مشيت حفل التنصيب ده ... تاني عِلا يِشَلِخوك لِورا ويِفُكوك في السو (Re: عز الدين بيلو)
|
مبروك عليك الـ ( داون كم كدى ما عارف ) ..
راســك ناشف زى ابــوك
Quote: رجالتي سويتا في السودان لامِن ماف زول أكان بِيقدر يِقول بِغِمْ ويِشهدو لي
الناس البِيعرِفوني في بحري ... كُل السِجون زُرتها وكُل أنواع الضرب ضقتو
ده شعراً ما عِندك ليهو رقبه يا خوي ... خليك في دلوكتك ... لامِن سويت
رجالتي أكان عِندي (6) محلات قطاعي و(2) جُملة وتوكيل وكتب عِقارات وقُلت
الفي راسي وكُنت عارِف إني حأرجع لِداوُن عشرة ورجعت ... |
يا خال براحــة ( الضغط / السكرى / القاوت ... )بيــه طريقتك دى يوم بتخنق ليــك زول فى المنبر دهـ .
| |
|
|
|
|
|
|
|
|
|
Re: حرم راجِل ... بس أكان ما مشيت حفل التنصيب ده ... تاني عِلا يِشَلِخوك لِورا ويِفُكوك في السو (Re: عزام حسن فرح)
|
Isa وآخرين ...
Quote: أيوة كـلام صحيح يا عـزام،، مافي زول رسّـل ليهم كرت دعـوة،، لكـن الفـرق
هـو لامـن تقـول لي زول ياخي أنا داير أجيك عشـان نناقش بعض (المشاكل المعلقة) بيناتنا،،
ويقـول ليك جدا مرحب بيك تعال نسمع (ويش عـندك).. وبين زول يعمل عـرس عـديل ويعـزم ـ يا
عـزام ـ كل الزملاء إلا واااحد بس، ولا كمان يعلن يقـول والله (الزمـيل) دا ما تعزموه عشان ما
يجيب لينا هوا ساكت،، ولا تنسـى أن جنوب أفريقيا من الدول الموقعة..يعني كان مشى مش ح يفكوه
في السوق، لكن ما ح يفكوه نهائي،، إلا كان في سوق اليهـود الشهير في لاهاي.. شفت الإحـراج ال
بي الكـربون دا كيف.. |
جاء في صدر صحيفة < الخُرطوم > العدد < 7062 > بِتاريخ 13/05/2009م تحت عِنوان < الخرطوم تسخر
من إدِعاءات أوكامبو الجديدة > الآتي :
[ ... وسخِر مِن حديث (الكلام على لِسان السفير علي الصادِق الناطِق الرسمي بِإسم الخارِجِية) أوكامبو
عن ارتياحه لعدم تمكن البشير من حضور مراسم اداء رئيس جنوب افريقيا اليمين الدستورية ، بدعوي
تحذير بريتوريا الخرطوم من ان الرئيس السوداني سيكون معرضا للاعتقال ، مؤكدا ان حديث اوكامبو
عار من الصحة لأن الدعوة وجِهت للرئيس البشير الا ان مؤسسة الرئاسة رأت ان تتم المشاركة على
مستوى النائب الأول للرئيس ... ]
أها كده كيف ...
| |
|
|
|
|
|
|
| |
عزام حسن فرح
شمس الدين ساتى
Nazar Yousif
بدر الدين اسحاق احمد
أحمد الشايقي
الصادق صديق سلمان
أبو الحسين
omer osman
osman righeem
عز الدين بيلو
معاوية الأرباب
عمر التاج
فيس بوك
تويتر
انستقرام
يوتيوب
بنتيريست