أمين عام حزب الأمة القومي الفريق معاش صديق اسماعيل في حوار الأسرار والمكاشفة

Quote: عمر الكواريك شنو ؟؟ طيب قول ناس سودانيز زوار واعضاء عرفو انو ود العمدة دا Quote: المفاهيم الضحلة والقاصرة وما عندو اي شي وزول ساي .. طيب انت بديلك شنو ؟؟ اهو جنس الكلام الفوق دا ؟؟ دا ما بفيدك حاجة .. انت بيدك لا بيد غيرك مشيت جبت حوارات امينكم العام ( الغير شرعي ) انت مفتكر انو الانضمام لسودانيز فرصة جديدة لممارسة هوايتك في النسخ واللصق والترويج لمؤسساتكم الجديدة الاختطفتوا بيها الحزب من اصحاب الحارة و اصحاب القضية عشان تعدوا العدة للانخراط في المؤتمر اللاوطني عبر مشاركات فوقية ترفضها القواعد ... النسخ واللصق والاساءة ممكن تعملا في الشبكات الداخلية للحزب لكن هنا ولا اي مكان برا البيت مافي طريقة ابدا ... الطفل الشقي اهلو في بيتهم مجبورين عليهو يستحملو .. لكن الجيران ما عندهم ذنب يستحملو شقاوتو عموما .. انا زي ما انت قلت لان فوق كل ذو علم عليم .. انا يادوب .. بتاتي ... انت الكامل الفاهم تعال علمني .. انا اتكلمت عن امنجية امينكم العام وعن مشاركتوا في النظام الارهابي وقلت دا زول صاحب سوابق عشان كدا السي في بتاعتو ما بتاهلو لقيادة حزب مثل حزب الامة ليهو تاريخو الطويل في مناهضة الشمولية والديكتاتوريات .. قلنا حزب زي دا لا يمكن ان يقوده من كانت له سوابق في مناهضة القوى الديمقراطية .. الكلام دا ما افتراء دا باعتراف زولكم وفي نفس الحوارات الفوق دي .. الزول دا تحدث عن انو بيعد التقارير وتقييم المعلومات ودا اخطر من الزول البنفذ الاعتقال نفسو .. ليه ؟ لانو الزول البنفذ دا بيدو تعليمات والتعليمات دي بناء على التقارير الاعدها زولكم .. عشان كدا قلت ليك ما بنفع معانا ابدا ابدا الزول بتاعكم دا بيقول بعضمة لسانو انو قوانين الامن هدفا Quote: فالعمل في مثل هذه الاجهزة ليس جريمة فهذه اجهزة تحكمها قوانين وهذه القوانين توجه لحسن معاملة الناس. يعني سعادتو بتاعكم بيعتبر قوانين القمع الارهابية هي قوانين كويسة وهدفا حسن معاملة الناس !! ياخي انسان بالفهم دا كيف تتوقع انو يتفهم مسالةالاساسية للانسان من راي وتعبير وخلافه الحقوق وكيف تتوقع منو يدافع عنها وكيف تتوقع منو يمشي يمثل حزب الامة كحزب هدفو محاربة كل القوانين القمعية للانظمة العسكرية ؟؟؟ انا ( خاوي الفكر دا ) والمسخرة بتاع سودانيز اون لاين بفتكر انو اي انسان عمل في اي جهازامني قمعي لاي نظام بوليسي يفترض ان يقدم للمحاكمة لان الانتماء لهذه الاجهزة - مجرد الانتماء - يستحق توجيه تهمة جرائم ضد الانسانية على طول .. وطالما ان امينكم معترف بانو كان ضابط امن في جهاز السفاح النميري فبغض النظر عن اي دوافع له حينها يستحق ان يقدم الى محاكمة ( رادعة ) يلا يا عم ورينا شطارتك ... زمان سودانيز اون لاين ومنتديات النيل الابيض وليس زمان الجاحظ هات ادلتك وبراهينك وحججك بدون رقي وهرجلة