|
|
|
 Re: الاخ مصمم ومحرر صحيفة سودانيز اون لاين (عفوا .. نحن لا نكتب هنا صدقة .. فاعطنا حقوقنا) (Re: هاشم نوريت)
|
شكراً يا نوريت
و لعلمكم
وليد بذل جهد مقدر في نقل الخبر إلينا لنقوم بإيصاله إليكم و لم يداوم ذاك اليوم بسبب هذه المأساة إلا متأخراً بعد أن نقل إلينا جُل الأحداث بهاتفه و من رصيده .
و أذكر أنني كنت على وشك الدخول إلي إجتماع هام خارج مقرنا فاستأذنت بحجة نسياني لبعض الأشياء في السيارة و من داخل السيارة قمت برفع الموضوع و متابعته من بعد ذلك بالهاتف مع وليد ليأتي هذا بكل يسر و سهولة و يكتب عليه (أشرف سعيد)
لا تنه عن خلقٍ و تأتي مثله عارٌ عليك إذا فعلت عظيمُ
يا من كتبت (جميع الحقوق محفوظة)
| |
 
|
|
|
|
|
|
|
|
Re: الاخ مصمم ومحرر صحيفة سودانيز اون لاين (عفوا .. نحن لا نكتب هنا صدقة .. فاعطنا حقوقنا) (Re: وليد محمد المبارك)
|
يا خوانا مجهوات مقدره في اخراج المجله..في نفس الوقت كل مجهود تم هنا يجب الاعتراف به..
الزملاء قاموا بمجهود ضخم في اعلامنا وتغطية احداث مهمه..لا يجب ان يضيع حقهم لاي سبب..
كما انني انتهز هذه الفرصه "العظيمه" أو أضيف ان شئتم..انني قد بحثت في الاعداد الاخيره المختلفه عن أكبر حدث قضائي أمام القضاء السوداني وهي قضية اشانة السمعه ولم أجد اي خبر عنها..هذا مع كثرة البوستات التي تحدثت عنه
وكذلك الاعلام السوداني ..اخشي ان عيوني وذهني لم يساعداني في رؤيته منشورا..
ممكن تتأكدوا معاي..وبعدين لو طلع كلامي صح توروني؟؟
أو تتسائلوا معاي..
لماذا لم تتضمن الاعداد الاشاره للقضيه؟؟
ولو كلعت مطششه كمان نعتذر وبرضه نكالب بالاشاره لأصحاب الحقوق اشاره واضحه في المجله..
تحياتي يا وليد والجميع..
| |
|
|
|
|
|
|
|
|
|
Re: الاخ مصمم ومحرر صحيفة سودانيز اون لاين (عفوا .. نحن لا نكتب هنا صدقة .. فاعطنا حقوقنا) (Re: ناذر محمد الخليفة)
|
Quote: إنتي ليه بتسألي عن أشياء إن بدت ليك بتسوئك ؟!!
زمااااان في العدد التجريبي علقت وكتبت (أعيب عليها الإنتقائية) ..
هسي دا العدد الإتناشر كما أفتكر ..
كلامي مشى وجاء ولا لا ؟!! |
اذا يا ناذر ان صح ظننا ...قاننا نقول ان صحيفةسودانيزاونلاين لا تمثل سودانيزاونلاين..بل تدعي انها تمثلها..
أو تدعي انها تعرض ما بالموقع..في حين انها تختار ما تود ان تختار لتنشره من الموقع..
وبهذا يكون انتقاد أعضاء الموقع لمجلة سودانيزاونلاين اول نقد من نوعه..
علي سبيل المثال للشرح..
هل حدث وقرأت نقد علني لأي جريده او مجله لنفسها في أعدادها المنشوره؟؟
خظوره السكوت علي الانتقائيه يظهر أكثر عندما تنشر الصحيفه بأوراق وتوزع..
لان القراء قد يكونوا مختلفين عن قراء النت..
في الانتظار مع التحايا..
| |
|
|
|
|
|
|
|
|
|
Re: الاخ مصمم ومحرر صحيفة سودانيز اون لاين (عفوا .. نحن لا نكتب هنا صدقة .. فاعطنا حقوقنا) (Re: معروف حمدين)
|
علاء صاحبى !
Quote: و أذكر أنني كنت على وشك الدخول إلي إجتماع هام خارج مقرنا فاستأذنت بحجة نسياني لبعض الأشياء في السيارة و من داخل السيارة قمت برفع الموضوع و متابعته من بعد ذلك بالهاتف مع وليد ليأتي هذا بكل يسر و سهولة و يكتب عليه (أشرف سعيد)
|
علاء يا كبير !! هسه انت فرقك من عماد الطيب دا شنو ؟؟
وليد صاحبى زمان !
ياخ الناس واقعين لسه فى البير وانت تكتفى بالتصوير ؟
انت ما جعلى ولا شنو؟
ـــــــــــ
يعملوا ليكم سد تنقنقوا يعملوا ليكم جريدة تنقنقوا
يعملوا ليكم عمل تنقنقوا ياخ انت وعلاء دا نقناقين كدا لييه ؟
علييييكم الله الجريدة دى خلوها .. الرسول كان كرهتو الولد دا بعرففكم انا...
| |
|
|
|
|
|
|
|
|
|
Re: الاخ مصمم ومحرر صحيفة سودانيز اون لاين (عفوا .. نحن لا نكتب هنا صدقة .. فاعطنا حقوقنا) (Re: دينا خالد)
|
Quote: علاء يا كبير !! هسه انت فرقك من عماد الطيب دا شنو ؟؟
ـــــــــــ
يعملوا ليكم سد تنقنقوا يعملوا ليكم جريدة تنقنقوا
يعملوا ليكم عمل تنقنقوا ياخ انت وعلاء دا نقناقين كدا لييه ؟
علييييكم الله الجريدة دى خلوها .. الرسول كان كرهتو الولد دا بعرففكم انا... |
دينا الجنريتر
ياخ والله أنا دايرو معاك عدييييييل كدة
من بوست مروي داك و أنا خاتيها ليك و مبيِّت ليك النية
ما تحنِكيني و تشبكيني يا صحبي و يا خطيبي و يا بتاع 
ندوِّر!!!؟
| |
|
|
|
|
|
|
|
|
|
Re: الاخ مصمم ومحرر صحيفة سودانيز اون لاين (عفوا .. نحن لا نكتب هنا صدقة .. فاعطنا حقوقنا) (Re: Zomrawi Alweli)
|
Quote: الاخت العزيزة منى
لك من التحيات اجملها
حاولت ان افهم معنى كلعت فلم استطع قلت يا ولد كدي اقرا لغاية نهاية الجملة يمكن تفهم ووصلت لكلمة نكالب هنا وقفت وقلت ان هؤلاء القوم في سودانيز اونلاين يتكالبون على مقالات الغير ويضعون صور غير تحت امضائهم امعانا في اغضاب الآخرين.
والشكر لك يا اختنا العزيزة منى خوجلي على التكالب |
كلعت الاولي يقصد من كتابتها "طلعت" من طلع البدر علينا..
اما نكالب..فهي أغلب الظن نطالب ..
وشكرا لك علي لفت النظر سأحاول من الآن ان افرق الكاف من الطاء في السكن فقد سببا لي من المتاعب الكثير!
كما انهما منعا حتي صاحب الجريده الاخ عماد من النظر في انتقادنا بجديه حيث ان لخبطة الكتابه جلبت لنا الحقاره ولسان الحال يقول..
دي شنو دي كمان الدايره تنتقدنا؟"
ومن غيرنا يفهم كلامنا؟؟
سلام ظريف يا زمراوي ..
| |
|
|
|
|
|
|
|
|
|
Re: الاخ مصمم ومحرر صحيفة سودانيز اون لاين (عفوا .. نحن لا نكتب هنا صدقة .. فاعطنا حقوقنا) (Re: waleed500)
|
الاخ وليد 500
تحياتي
اعتقد ان الفكرة مختلفة شوية
Quote: حلم باصدار صحيفة سودانية تصدر من الخرطوم
باسم سودانيز اونلاين حتى يتم توصيل مالم يوصل
عن طريق المنبر العام واظنها بتجد النجاح
كل النجاح الصحفيين موجودين والمواد موجوده
الفكرة مطروحة للاستاذ المهندس بكرى ابوبكر وبقية
العقد الفريد............. |
اعتقد انك تتحدث عن صحيفة ورقية .. وما يصدر الان صحيفة الكترونية
لكن برضو تظل انت اول من اشار لفكرة ايجاد صحيفة بدون تحديد مجالها وتخصصها ومكان صدورها وطريقة اصدارها
مفروض كان يتذكروك ويشكروك
والله بالغو
| |
|
|
|
|
|
|
|
|
|
Re: الاخ مصمم ومحرر صحيفة سودانيز اون لاين (عفوا .. نحن لا نكتب هنا صدقة .. فاعطنا حقوقنا) (Re: وليد محمد المبارك)
|
خلاص يا وليد دعه فهو من العتقاء
عماد رجل فنان جداً و أنا معجب أيما إعجاب بمقدراته التصميمية الهائلة
و سنعتبر ما حدث خطأ غير مقصود
نككككككككككككككككككككككككتة
يا ود الصايم عندي صحبي من الأمارات (جمع أمارة)
إتصل علي أمبارح و قال لي بعد حنك طويل و بيش كدة لأنو هو ذاتو زول بيش (حتقول لي و عرفتو زول بيش كييييييييف جاييك يا فردة)
أها بعد الحنك قال لي ياخي بالمناسبة أنا باسويردي رايح
قمتة بروح الزمالة المِنبريّة و كدة قلتة ليهو يا فردة ولا تقلق هسي أرش ليك أب صلعة ببوست عنوانو:
صديقي (هناي البيش) يشكو مر الفراق و اللوعة بعدما فارقو باسويردو فراق الطريفي لي جملو
و يجي أب صلعة يحلِف و يتعذّر إنو ما قاصد و يرجع الباسويرد و يرجع فردتي للمنبر
بالله تخيل بعد كل التخيلات النبيلة دي يا ود الصايم الصاحب اللفيف دة قال لي شنو!!!؟
قال شنو قال:
- لالالالالالا يا علاء الدين ياخ أقيف ، عليك الله إنتة بالذات ما تفتح لي أي بوست من أي نوع
حقيقة أُُسقِط في يدي تماماً و أنا أجد لهفتي عليه تُقابل بكامل الهيافة من هذا الزول البيش
أها قلتة ليهو ليه ياخ ، و أنا أُمنِّي نفسي بأن يتجمّل الرجل أمامي ببعض كلمات يزلن ما ألمّ بي من حرج
فقال بكل بجاحة الدنيا:
- ياخ أنا زول محترم و لي مكانتي و كدة عليك الله ياخ ما تشبِهني و تعمل قدام الناس إنك صحبي
تخيل يا ود الصايم!!!؟
هسي دة يعملوا معاهو شنو عليك الله!!!؟
افتح ليهو بوست؟ 
| |
|
|
|
|
|
|
|
|
 Re: الاخ مصمم ومحرر صحيفة سودانيز اون لاين (عفوا .. نحن لا نكتب هنا صدقة .. فاعطنا حقوقنا) (Re: الصادق ضرار)
|
وليد الشين
واحشنا
عاوزة أشارك الليلة في بوستين من بوستاتك
دا واحد
من زمان عندي سؤال لكن كنت حايفة أسأله عشان مايقولوا علي مامثقفة لاقدر الله
فايدة جريدة سودانيزاونلاين الالكترونية شنو؟
بتجيب من البوستات الموجودة أصلا في البورد وبتنشر في النت يعني زي ساقية جحا بتشيل من البحر وتسقي البحر.. أفهم أنها ممكن الاحتفاء بيها ووضعها في قمة البورد لما تكون هارد كوبي تتوزع لشرائح مختلفة وتصل ناس مامتوفر ليهم النت ويمكن الاحتفاظ بيها في مكتبات ويلفو بيها سندوتشات في النهاية وكمان تجيب قروش -إحتمال كلنا نلقى منها ربح في الحالة دي-.
وكمان زول واحد بيختار المواضيع البيشوفها هو شخصيا مهمة ويضعها ويحدد أهميتها من حيث تكون سكوب أو في صفحة داخلية وكدا.. عشان كدا أنا كنت بتعامل معاها على أساس بوست (واحد) بيمارس فيهو هوايته الشخصية في التصميم وكدا
_________________
البوست التاني النزلتو هسة دا
| |
|
|
|
|
|
|
|
|
|
Re: الاخ مصمم ومحرر صحيفة سودانيز اون لاين (عفوا .. نحن لا نكتب هنا صدقة .. فاعطنا حقوقنا) (Re: Rawia)
|
راوية السمحة ( الما رقاصة )
الشوق بالكراتين
Quote: عاوزة أشارك الليلة في بوستين من بوستاتك
دا واحد |
نحن لاقنك وين ياخ
| Quote: أفهم أنها ممكن الاحتفاء بيها ووضعها في قمة البورد لما تكون هارد كوبي تتوزع لشرائح مختلفة وتصل ناس مامتوفر ليهم النت ويمكن الاحتفاظ بيها في مكتبات ويلفو بيها سندوتشات في النهاية وكمان تجيب قروش -إحتمال كلنا نلقى منها ربح في الحالة دي-. |
كلامك منطقي ومعقول
احتمال النسخة الالكترونية دي تمرين للجريدة الورقية
حقيقي كلامك سليم
صحيفة اون لاين بشكلها ده كساقية جحا
من النت للنت
فوايدها الحالية تنحصر في انتخاب مواضيع يفترض انها تكون ذات فايده كبرى ، تسهل على المتابع ايجادها في مكان واحد وبسرعة
لك حتى الفائده دي شايف الناس ما متفقين على انها حاصلة
تحياتي وكتري من طلاتك
| |
|
|
|
|
|
|
| |
وليد محمد المبارك
هاشم نوريت
Maawya Hussein
حمور زيادة
محمد عبد الماجد الصايم
حيدر حسن ميرغني
هشام آدم
شول اشوانق دينق
Muna Khugali
ناذر محمد الخليفة
emadblake
معروف حمدين
دينا خالد
Zomrawi Alweli
waleed500
محمد فرح
أيمن الطيب
رأفت ميلاد
الصادق ضرار
Rawia
Adam Mousa
فيس بوك
تويتر
انستقرام
يوتيوب
بنتيريست