|
|
 أيخاف الرجُل المرأة الذكِية المُتفَوِقة القَوِية؟
|
يقول كانط (1724 - 1804):
[ على المرأة أن تتخلى عن التفكير والمعارِف المُجردة النافِعة وأن تدع ذلِك لِلرِجال لأن
البحث الجاد والتأمُل ، يقضِيان لدَيها على الميزات الخاصة بِجِنسِها في حالة ما إذا تمكنت
مِن التفَوق فيهما ، وسيضعِفان مِن الجاذِبِية الشديدة التي تُمارِسُها على الرجُل ]
أي أن ذكاء المرأة يُعيق إرتِباط الرجُل الغربي مِنها وإن كانت جميلة ... فالرجُل الغربي
بِالرغم مِن ما يدعيهِ مِن تقدُم يُريد المرأة الجميلة فقط ... أي أن على المرأة أن تختار
بَين < الجمال > أو < الذكاء > ... ويخاف الرجُل الغربي مِن مُنافسة المرأة لهُ في الحياة
العملِية لِذا قال بِإبعادِها عن < التفكير والمعارِف > ...
ونجِد أن المرأة لِيرتفِع سِعْرُها - الايماء - في الدَولة العباسِية (750 - 1258) لابُد أن تكون
بارِعة في العزف على العود وأن تروي الشِعر وأن تكون سريعة البديهة .. وقد تحكمن في كثير
مِن مفاصِل الدَولة الأموِية والعباسِية ... وتمتلئ كُتُب التُراث العربي كالمُستظرف وطَوق الحمامة
بِحِكايات عن ذكاء المرأة وسِعه حيلتِها، وقد إدارت المرأة عُهود إسلامِية كثيرة مُباشرةً أو عن
طريق تحكُمِهِن في < الزوج > أو < الولد > أو < العشيق > ...
وأرى أن المرأة < الذكِية > هي التي تبدو لِلرجُل < الغبي > أنها غَير ذلِك ... فلا بأس مِن
أن تحتال لِنفسِها وهذا مِن الذكاء ... فإن < شهرزاد > لِذكاءِها فقط تمكنت مِن العَيش مع
قاتِل مريض نفسِياً ألف لَيلة ولَيلة ...
|
|
 
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزام حسن فرح)
|
الاخ عزام
تحياتى
الرجل الذكى فعلا
و المتفوق فعلا
و القوى فعلا
لا يخاف لا من رجل و لا من امراءة بتلك الصفات
بل يفترض الا يطيق و لو لثوان التعاطى مع (رجل) او امراءة غبية او ضعيفة:
غبية لا تفهمه و تحتاج الى مذكرات تفسيرية مطولة لاى كلمة او تصرف فى مقايل
امراءة ذكية قادرة على فهم الايماءة و الاشارة.
او ضعيفة تستهلك معظم جهده فى حمايتها من ضعفها و اخطائها بدل ان تكون عونا له و لنفسها
Quote: على المرأة أن تتخلى عن التفكير والمعارِف المُجردة النافِعة وأن تدع ذلِك لِلرِجال لأن
البحث الجاد والتأمُل ، يقضِيان لدَيها على الميزات الخاصة بِجِنسِها في حالة ما إذا تمكنت
مِن التفَوق فيهما ، وسيضعِفان مِن الجاذِبِية الشديدة التي تُمارِسُها على الرجُل |
ز حتى فى مثل هذه (الاشياء) فالمراءة الذكية تتفوق بمراحل على المراءة العادية
ليس اجلب للملل و الضجر من التعاءش مع الاغبياء (رجالا كانوا ام تساء)
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: زوزو)
|
ازيك..يا استاذ
عــــــــــزام
....
لما بكون الراجل مهزوز..وغير واثق في نفسه
وفي حوله..وشخصيته ضعيفة..
بفكر بي تفكير العنوان
ده..
ونفس الكلام بنتطبق علي المرأة...
عموما الانسان القوي و الحكيم وذو الثقافة العالية..
والواثق..
وصاحب الشخصية السوية...ببحث عن انسان يكون له نفس المواصفات...!!
حتي تكون في ارضية للحوار و الفهم و مشاركة الحياة..
ولا سوف يكون هنـــــــــــاك فرق شاسع
وفي الاخر كل شخص في وادي..
لك الشكر..
واتمني ان تكون مداخلتي في نفس موضوع البوست!!
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: Hawari Nimir)
|
عَوض مُحمد أحمد
Hawari Nimir
نعم إن تحليلَكُما < النظري > صحيح .. ولكِن .. غَير < واقِعي > وحتى < تسلم > المرأة لابُد
أن < تنتبِه > إلى أن أغلب < طِباع > الشرقي تميل إلى المرأة < الخاضِعة > ... ففي مجالِس
الرِجال التي تُحرم على النِساء نحكي بِحسدٍ وغيرة عن أن بعل فُلانة لسعيد بِها فهي تجعل مِنهُ
< سي السَيِد > و< تُغسِل > رِجلاه و< تُكفي > ضِيوفِهِ ... حتى أمثالِنا تُطَوِقُهابِـ< هدِية ورضِية >
ولن تكون < رضِية > لولا أنها تُظهِر < مسكنتِها > و< ضَعْفِها > حتى إن مفهوم قَول الله تعالى
< حُورٌ مَّقْصُورَاتٌ فِي الْخِيَامِ > الرحمن 72 تعطي لِلرجُل < شرعِية > بِأن يقول لِلمرأة < ... قَرْنَ
فِي بُيُوتِكُنَّ ... > الأحزاب 33 فإن ذوات الخِدور < مُثيرات > .. هذا تفكير أغلب الشرقِيين وإن
كان < مُعيب > فنحنُ لا نُريد أن < ننْدس > خلف أقنِعة < الحضارة > < العَولمة > < التقدُم >
فنقول حديثٌ يُرضي ما ندعيهِ مِن المفهومات الحضارِية وفي دواخِلُنا خِلاف ذلِك .. فنغِشُ بِكلِماتِنا
< المُزركشة > تُصدِقُنا المرأة وتبني على ذلِك .. وتُغالي في شُروط الفَوز بِها .. نُريد أن ترى
المرأة أمراضِ الرِجال وأن تتعايش معها بِترويضِنا كما رَوضت < شهرزاد > < شهريار > ... إذا
لم تدري المرأة بِذكاءِها ما أقول ... فهي لن تدري ...
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزام حسن فرح)
|
زوزو
Quote: الرجل الشرقى؟! نعم يخااااافها!!!!!
بيكون معجب بيها بعيد لبعيد فقط، اصحاب اصحاب وكدا حتى لو كانت زميلته لا يصحابها |
يخافها ... نعم ... إلا النوبي < مِثلي > فإن < الكنداكات > ونِظام < الإرث > الذي يتِم عن طريق
< الأُم > في الممالِك النوبِية القديمة قد جعلتنا نكاد أن < نُألِه > المرأة .. واليَوم يَوم الناس
الناس هذا نعِز المرأة بِأن نُنادي الرجُل بِإسم < أُمِهِ > ... ونحنُ النوبِيون الوحيدون في سودان
اليَوم الذين نكتُب أنسابِنا بِما يُعرف بِِـ< الشجرة اللَينه > وهي أن نذكُر < الذكور > ونعود فنذكُر
< الإناث > فأنا عزام بِن حسن بِن فرح بِن مُحمد بِن عبدالحميد بِن خليل ... إلخ فأعود فأنا عزام
إبن فَوزِية بِنت زهرة بِنت فاطِمة بِنت صافوره ... إلخ
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزام حسن فرح)
|
الاخ عزام
تحياتى و مساك الله بالعافية
رغم أن الموضوع شائك و معقد ، و حاولت جاهدا أن لا أدلو بدلو .. إلا أن الدلو أبى إلا أن يتدلى و عليه ..
و بين
| Quote: تكون بارِعة في العزف على العود وأن تروي الشِعر وأن تكون سريعة البديهة |
و
| Quote: المرأة < الذكِية > هي التي تبدو لِلرجُل < الغبي > أنها غَير ذلِك |
يخطر على البال مسألة
التفوق الذهنى .. و الانوثة
هل هما نقيضان
هل كان مستر كورى نموذج للتعايش السلمى مع هذه المسألة ، أم أن المسألة لا تعدو أن تكون "تساؤلات مشروعة" ، و فى ظنى أن الاثتنان " التفوق الذهنى" و الانوثة" ليسا على طرفى النقيض ..
و الله أعلم ..
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عبدالغفار محمد سعيد)
|
العزيز عزام
شفت الرجل دا بخاف من اىىى حاجة بقا !
يا حليل بتاعين العباس ديل ..
Quote: وسيضعِفان مِن الجاذِبِية الشديدة
التي تُمارِسُها على الرجُل
|
طيب وما تضعف المشكلة شنو ؟؟ احسن لى الجاذبية
العند زول تانى ؟ ولا العلم والذكاء والتفوق ال
فىىىىىىى مخى دا ؟
هن النساء تطير عيشتن ياعزام لمتيييين يبارن فى الرجل
داير دا وما داير داك ؟؟ النوعين ديل حوجتهم لى بعض
متسااااوية كل زول يقطع مشوارو ويتلاقو فى النص ...
ـــــــــــــ
عزام ؟ ياخ لما عندك صورة ذى دى
مكرهنا بى الجزار دى لييه ؟
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: دينا خالد)
|
دينا خالِد ...
صباح/مساء الخير
Quote: النوعين ديل حوجتهم لى بعض
متسااااوية كل زول يقطع مشوارو ويتلاقو فى النص ... |
كلامِك صحيح 100% والله ... لكِن مُش برضو حقو كُل نوع يحرِص على إشباع حاجات الآخر
يعني حقو الراجِل ما يِتكِل على إنو < هي ما عارفة الفي قلبي > لا لازِم يِسمِع المرأة
< أنا بحِبِك > ويَومِياً كمان لأنو ده بِخلي الوردة أقصُد المرأة تتفتح وتلقاها كِده
بِقت زي الصباح ... وبرضو المرأة لازِم ترضي غُرور الرجُل < الشرقي > شعِريهو إنو
أسد وإنك مِلك ايديهو وطَوع أمرو وإنك عايشة بس ... بس علشانو ... < النوعين ديل
حَوجتُم لِبعض مُتساوِية كُل زول يِقطع مِشوارو ويِتلاقو في النُص > الراجِل وارِث خُزُعْبِلاتو
دي مِن قديم والمرأة الذكِية بِترضيهو ... الرجِل الشرقي في الأغلب مريض نفسِياً بِقول
كلام وهو بيأمِن بِغيرو ... تلقيهو بِقول ليك < عاوِز لي إمرأة تِستَوعب كلامي في الإطار
مُش عارِف إيه كِده > ولامِن يِجي لِلعِرس بِفتِش < الهدِية الرضِية > الهَدِية الرضِية دي
بس إختِزال مِني بقصُد بيهو المرأة البسيطة ... ربه البيت ... التقليدِية ...
الرجُل الشرقي في الأغلب بِحِب يِتَونس مع المرأة المُتعلِمة المُثقفة الذكِية لكِن لأنو
شرقي وشايِل أوهام وأحلام ما بِتزَوجا ... قِصص هارون الرشيد وجواري العباسيين و
حورِيات الأندلُس بِتتراقص قِدام الرجل الشرقي مِن ما يبلُغ وحتى مماتو ... بِتلقي ده
مدسوس في الشِعر العربي والنبطي في القِصص والحكاوي الشعبِية ... أنا ما بأيِد
الأوهام دي أبداً لأن المرأة عِندي < نبي إلا رُبُع > عديل كِده ... بس عاوِز أنبِه
إلى حقيقة قد تتوه على المرأة وسط الإحتِفال بِعقلِها ... بس فكِروا في المَوضوع
ده لأنكُم ما حصل كُنتو رِجال قبل ده ... أنا مِن الجِهة التانِية بس إتبرعت وقُلت
ليكِن ... مَخَيرات
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزام حسن فرح)
|
Quote: الرجُل الشرقي في الأغلب بِحِب يِتَونس مع المرأة المُتعلِمة المُثقفة الذكِية لكِن لأنو
شرقي وشايِل أوهام وأحلام ما بِتزَوجا |
وكلامك دا صحيح يا عزام الى حد بعيد
الرجل الشرقي يحبها لثقافتها وتعليمها وذكائها
ولكن اول ما يجي الموضوع عند الزواج يتردد الف مره
قبل ان يبدأ في التفكير بالزواج منها
ودا طبع موجود يعني هم ما ح يشتروهو!!
Quote: بس عاوِز أنبِه
إلى حقيقة قد تتوه على المرأة وسط الإحتِفال بِعقلِها ... بس فكِروا في المَوضوع
ده لأنكُم ما حصل كُنتو رِجال قبل ده ... أنا مِن الجِهة التانِية بس إتبرعت وقُلت
ليكِن ... مَخَيرات |
هنالك أشياء ملاحظة فطر عليها الرجل الشرقي منها
انه يحب في المرأة تلك التي تجعله سيداً في بيته
وتشعره بأنه الكل في الكل فيه
ـــــــــــــ
شكراً على النصايح ياخ
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزام حسن فرح)
|
عزّام،
سلامات ...
اتحملنا فيما يلي من حديثنا،،،،،
شعارات "كوني جميلة واصمتي .. هكذا يحبك الرجال"
ما عادت تنطلي على فتيات هذا العصر، او لنقل من رحم ربي منهن ...
كل ما حللت عقدة من عقد التصلب الذكوري ضد المرأة، كلما التفت عقدا أخرى لتشغلني عما بدأت،
ظننت وانا ابنة العشرينات بأن ما يحل بنا نحن النساء هو عقاب متواصل لخطيئة الغواية و التفاحة
و بالتالي نزولنا من السماء، على الرغم من الآيات الدالة،و ان تأخر الإخبار بها صراحة إلى ان تنزل الوحي،
وهي أن الله عز و جل خلق آدم من الاساس لإعمار الأرض، و نزوله كان أمرا مفروغا منه
و ان المعصية الأولى إن صحت لنا التسمية هي مسبار اختبار إلهي لطبيعة البشر،
وهو أعلم بنا و ما كان لآدم ولا حواء الإقدام علي شيء من دون مشيئته،
كما هو حالنا جميعا، رهن المشيئة و التسير، و بعض من التخيير فيما يسرنا له ...
و الآن و أنا على وشك طوي عقد من الزمان في ذات التساؤل،
بت موقنة بأن السر هو خوف الرجل من المرأة الواهبة للحياة ...
لا حاجة لنا في هذا المقام بإيراد الخلفية التاريخية عن مكانة المرأة،
فالواقع مرير بما يكفي لينسيا طلاوة ما قد كان، حتى ظننت انه لم يكن من تباعد الشقة بينه و بين الحاضر ...
مقولة كانط أخف و طئة من مقولة الفيلسوف الألماني نيتشه القائلة بأن الحضارة
بدأت تنهار منذ أقدم الرجل على إعطاء المرأة حريتها... الحرية هنا لا تعني بالضرورة فك القيد المادي،
ففرض صورة نمطية محددة عن المرأة قيد أيضا و أشد إيلاما، و تكبل المرأة في قيود من حرير ..
كوني كذا ليرضى عنك الرجل، كوني كذا لتكسبي قلبه، كوني كذا ليظل معك للأبد..
و الحقيقة هي ان الرجل يمل من المراة المقولبة كما يمل الطفل المدلل من لعبته،
و سريعا ما يبحث عن لعبة جديدة لدنة كالصلصال يملها كسابقاتها و يبدأ من جديد،
و تظل المراة (المسخ) في حيرة و تقريع للنفس كونها لم تستطع ارضاء "الرجل" "الطفل" ...
الاصرار المتواصل على خلق صورة المراة المثلى التي يريدها الرجل،
تشل قدرة المراة على تكوين فكرها الخاص بما يتناسب مع مقداراتها لأسباب يطول شرحها
أولها اعتمادها المادي و المعنوي على الرجل، وهو ما كرس له الخطاب الديني و المورثات المجتمعية
من قبل و من بعد و التي ظلت تعزل المراة و تنزلها مكانة أدنى بلا سبب منطقي
فالاختلاف الفيزيولوجي مُبرر و ويستوفي تكاملية العلاقة بين الرجل و الأنثى،
و هما، الرجل و الأنثى، متساويان في الروح و العقل وإلا ما تساوا في التكليف و العقاب و الثواب ...
عبارة سيمون دي بوفوار"لا يولد الإنسان امرأة بل يصبح كذلك" لا تفقد بريقها و تظل تقرع نواقيس
الانتباهة في عقل أي امرأة معنية بأمر مثيلاها في مشارق الأرض و مغاربها،
فالتربية تصنعنا... ووعينا اللدن حين الولادة و خلال سنون النشاة الأولى يطوعه الكهنوت، العيب،
ولا ننسى النساء الملكيات أكثر من الملك، و هكذا ..
فمنذ الولادة، حين نأتي للدنيا "انسان" مجرد وحتى لحظة الممات و نحن نوقلب و نطوّع وفق رغبات الرجل،
لنكون المراة المثلى التي لم تُخلق له في البدء، ولحكمة ما، لم تخلق على تلك الصورة المنقادة،
وإلا لما كان لحواء تأثير على آدم؟ تنسج الاساطير حول النساء و مكرهن،
و هو مكر حاجة لا مكر أصيل، للاحتيال والوصول للحق المشروع و الذي بات هبة أو منحة بيد الرجل ...
المراة الجميلة ... وصف فضفاض يكاد يسع نساء الكرة الأرضية قاطبة،
و بذا ينتفي النصح الحادب بألا تكون ذكية كي تكون جميلة بما يكفي لإثارة الرجل ، فالجمال نسبي اليس كذلك؟
المغزى من التلاعب بالمفردة، هو ملامسة الحس النسوي (الممسوخ) المُحب للتقريظ
و الباحث دوما عن موافقة الرجل approval
المدخل الثاني،
لما يقبل الرجل، الأعلى مرتبة في العقل و التدبير، بأن تخدعه المرأة و تتدعي غير الحقيقة؟
ألا يتنافى هذا مع المسوغات التي يسوقها الرجل لتكون له اليد العليا؟
أليس هو بالذكي الفطن العالم ببواطن الامور؟
كيف يقبل من الأدنى منزلة بأن يدلس الحقيقة أو يخفيها؟
تعبير المنافسة في العمل تعبير محجف للمراة،
لأن المراة في ظل التراكم الوارد اعلاه من قمع و تأطير و تهميش،
لم تدخل سوق العمل بشكله الحالي (العقد المنتهى بدخل شهري)
إلا لسد الخانة التي تركها الرجل جراء الحروب التي هي من صنعه ...!!
Quote: ونجِد أن المرأة لِيرتفِع سِعْرُها - الايماء - في الدَولة العباسِية (750 - 1258) لابُد أن تكون
بارِعة في العزف على العود وأن تروي الشِعر وأن تكون سريعة البديهة .. وقد تحكمن في كثير
مِن مفاصِل الدَولة الأموِية والعباسِية ... وتمتلئ كُتُب التُراث العربي كالمُستظرف وطَوق الحمامة
بِحِكايات عن ذكاء المرأة وسِعه حيلتِها، وقد إدارت المرأة عُهود إسلامِية كثيرة مُباشرةً أو عن
طريق تحكُمِهِن في < الزوج > أو < الولد > أو < العشيق > ... |
لم استطع مقاومة الرغبة في اقتباس كلامك اعلاه،
من قال يا سيدي ان امراة اليوم، تريد أن تكون مرغوبة بمقايس سوق النخاسة في الماضي؟
وهل المكر من حميد الخصال ليسوّق لنا نحن معشر النساء؟
لما نُطالب نحن النساء بالاحتيال على خوف الرجل و ضعفه، و نخسر في المحاولة ذواتنا لكي نرضي غروره؟
سأعود،
فأينما يأتي ذكر المراة محفوفا بضد ما خلقت له، ومنتقصا من منزلتها العليا
أجدني مدفوعة بأرواح ملايين النساء اللاتي عشن و متن بنصف روح ...
كن بخير ....
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: كمال سالم)
|
عُزاز ...
مساء الخير ...
كلام < كانط > + < نظرة العصر العباسي > لِلمرأة كُنت عاوِز أثبِت النظرة < الذُكورية >
تِجاه المرأة ... هذِهِ النظرة وإن كانت < مُعيبة > إلا أنها < واقِعِية > وإن كانت ليس
على إطلاقِها ... أرِدت أن أُبَين < لِشهرزاد > مَوقِف < شهريار > ... هُناك مُشكِلة ...
ومُعايشه اليَوم في مُجتمعاتِنا في السودان أو بِلاد المِهجر والأغتراب ... بنات قِمة في
كُل شئ لا يتزَوجن ليس لِعدم تَوفُر الرِجال بل لِعدم رغبة كثير مِن الرِجال مِن الإرتِباط
بِهِن ... لن تجِدي الإجابة التي تبرعت أنا بِها < إنهُم يخافون > المُتعلِمة المُثقفة
الذكِية ... أنا في صف < النِساء > أبداً لِذا فتحت هذا العمود لِنتحاور ونُحلِل ونتناقش
وسوف يخرُج < الرجل > و< المرأة > بِشئ ... حتما سيخرجوا بِشئ ...
حتى أن التسهيل لِلزواج تَيسر كثيراً فهُناك < المِسيار > < الوناسه > ... إلخ وكُل
هذِهِ الأشكال الغريبة نُحِتت فقط لِترفع عن كاهِل الرجل بند < الإنفاق > وبِرغم ذلِك
لا يتقدمون الرجال ...
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزاز شامي)
|
| Quote: الهَدِية الرضِية دي بس إختِزال مِني بقصُد بيهو المرأة البسيطة ... ربه البيت ... التقليدِية ... |
سلام يا عزام
جذبني تفسيرك لكلمه هديه و رضيه اعلاه
و علي افتراض انه ده المرغوب، منو القال انه الاوصاف دي تتعارض
مع انه الواحده تكون ذكيه، متفوقه و قويه، بل و جميله؟
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: Rihab Khalifa)
|
Rihab Khalifa
صباح/مساء الخير
كتبت:
Quote: حتى أمثالِنا تُطَوِقُهابِـ< هدِية ورضِية >
ولن تكون < رضِية > لولا أنها تُظهِر < مسكنتِها > و< ضَعْفِها > |
وكان تعليقك:
Quote: جذبني تفسيرك لكلمه هديه و رضيه اعلاه
و علي افتراض انه ده المرغوب، منو القال انه الاوصاف دي تتعارض
مع انه الواحده تكون ذكيه، متفوقه و قويه، بل و جميله؟ |
يبدو إنني لم أستطيع أن أشرح ما أعنيه ...
ما علشان كده يا رحاب فتحت البوست ده لأنو ما مفروض تِتعارض بِأي شكل مِن
الإشكال ... لكِن ... الواقِع المُعاش بِقول إنها بِقت تِتعارض ... في الحالة
دي لازِم نعرِف ليه بِتتعارض ... لازِم نغَيِر < فهم > الرجل البِتتعارض في
راسو الكلِمات دي < مُتعلِمة + مُثقفة + ذكِية > ولو الرجل فِهِم ماف إمرأة
بِتكون بلا راجِل ... الخوف ده يا رِحاب مرض عديل كده بِيتعالجو مِنو ...
الرُجال ديل خايفين ...
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزام حسن فرح)
|
انا فهمتك يا عزام، و صاح
بس ردي المختصر، ما ساعد انه يكون مفهوم
ردي كان عام، للمتابعين، اتسائل انا بدوري ليه التعارض ده؟
غايتو يا عزام فترنا من قصه تغيير فهم الراجل دي،
يا قول سعيد صالح في مدرسه المشاغبين: اذاكر و انجح؟ الاتنين؟
احنا مطلوب مننا ان نتطور في روحنا و كمان في معظم الاحيان
تلقي علي عاتقنا مهمه تهدئه روع الرجل!
في فهمي المشكله دي عالميه و بنسب متفاوته و محكومه بعوامل تانيه
غير التربيه، و انا اؤمن انها ستبقي الي ان يرث الله الارض و من
عليها، و لكن بنسب متفاوته. النساء في ايطاليا اليوم يرفضن الزواج
و الانجاب، في بعض القري معدل الاطفال في الاسره الواحده يساوي
نصف طفل.
الكلام ده قتل بحثا و نقاش بالصور التقليديه، ومدخلك جميل، و اكيد من
المواضيع المحتاجه نقاش الي ان تتغير بعض المفاهيم، لكن بحاول القي
لي مدخل غير تقليدي في ردي القادم و بجيك صاده
nite nite
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: ياسر عبدالكريم محمد)
|
يخاف الهينة دي؟!!!
يواخلو جكة كمان...
الرجل تعجبه نساء الجهالة السعيدة الا من رحم ربي
وديل الخالين من العقد...
ولذلك حرصن النساء على وضع حذاء صيني في عقول بناتهن
عشان يبقة ميريابول
واذا انطسا في راسو وعرس امرأة ذكية مستقلة
ادار معها الحروب وراء الحروب ليعيدها الى حظيرة الجهالة السعيدة..
بعداك هي واعتزازها بنفسها...يت قعدت يا مشت
( 90%) من النساء المثقفات والعاملات في مجال الثقافة مطلقات
الا من رفعت البيرق الابيض ووانتظمت في انشاد نشيد الجهالة السعيدة
اي منشزة بيت اهلها طوالي..
والصدمة بتجي لما الواحد تزوج واحد مثقف وعامل منفح
وتحك الجلد تلقى رجل مسيطر جاهل مستيد..
اقولها بالفم المليان الرجل السوداني يريد امرأة يسبقها بلفتين تلاتة..
ولا يوجد اي تعارض مع الانوثة وقوة الشخصية الا في ذهنية الرجال..
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: د.نجاة محمود)
|
ياسِر عبدالكريم مُحمد ...
Quote: يا عزام يا اخوى
واحدة بخاف منها الراجل
إسمها مكتوب فى القسيمة |
يا صاحِبي زول أب قسيمة ده طالما عملو قسيمة يبقى إتعدى مرحلة < الخوف > إلى
مرحلة < مَّوَدَّةً وَرَحْمَةً > ... الكلام في اللِسه ما سوالو قسيمة وبِقدِم رِجِل وبِأخر
أُخُتا ... إنت ظنك ثقافة < راجِل المره حِلو حلا > مِن فراغ ... لا يا صاحِبي لأن راجِل
< المره > إتخطى مرحلة < الخَوف > مِنهُن وعِرِف إنو ما كان في داعي لِلخوف مِن أساسو
عِرف الحقيقة ... عِرِف إنو < المرأة > المُتعلِمة ... المُثقفة ... الذكِية حتكون ليهو
رصيد بِيظهر فوق أولادو في لِبسو في إجتِماعِياتو في النائِبات وهي كثيرة ... علشان
عِرف بِقى < حِلو حلا > والبِرازي داك راجي الصباح لِتسكُت < شهرزاد > عن الكلام المُباح
سجمْ أُمو ...
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزام حسن فرح)
|
سيف الدَولة كامِل ...
Quote: والله يا عزام الرجل المتعلم المثقف الواعي يتمني
تلك المراة,ولكن الكثير يهابها بالرغم من انه
الغير متعلمات اكثر تسلط وتعنت في كل شئ. |
في رِجال مُتعلِمين وواعيين بِتمنوا الزواج مِن مُتعلِمة ومُثقفة ... لكِن أغلب الرِجال
المُتعلِمين الذين أعرِفهُم لا يتمنون ذلِك ... يِقول ليك < أجي البيت ألقاهو مُرتب
مُعطر وتكون المره طابخا لي بايدا ودولابي مرتب وضِيوفي بِتكفيهُم ... يا سلام >
< المرأة > الغير مُتعلِمة بِتسِد < نقصها > في المظاهِر
< المرأة > المُتعلِمة صرفها بِكون تحت بند < القِرش الأبَيَض لِليَوم الأسود >
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزام حسن فرح)
|
| Quote: أيخاف الرجُل المرأة الذكِية المُتفَوِقة القَوِية؟ |
عزام نهارك سعيد
عملت تحقيق حول الموضوع ده وكانت النتيجة كالآتي : أن معظم الرجال قالوا (لا) ، لكنها كانت مشروطة في
بعض الأراء بعدم التلويح بهذا التفوق طيلة الوقت ، البعض التاني القال (نعم )كان له إستدراك حيث لا مانع
لديه من أن تكون ذكية ومتفوقة فقط ليس اكثر منه .
والكلام ده في حالة كان السؤال موجه للرجال ..
أما في حالة ..إتوجه لي السؤال بيكون ردي : ياتو (راجل ) لكن ؟
الرجل الذكي الواثق من نفسو ومن مقدراتو وخالي من التشوهات المجتمعية اكيد ما حيخاف من المرأة المتفوقة ولا
حيحد من طموحا بل العكس ، لذلك ده بعتمد على عن أي نوع من الرجال نتحدث .
و المرأة الذكية المتفوقة ما حتنتظر شخص متردد ..لأنو هنا ذكاءها بكون خانا .
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزام حسن فرح)
|
| Quote: أيخاف الرجُل المرأة الذكِية المُتفَوِقة القَوِية؟ |
أى رجل ؟
الذكى والمتفوق لا يخشى الذكية والمتفوقة !
بل يسعى للتفوق عليها وإمتاع نفسه بذلك !
بعض الرجال قليلى الحيلة والذكاء يفضلون الذكية القوية التى توفر لهم نوع من الحماية !
والبعض الآخر منهم يفضل قليلة الحيلة ليفرض سلطانه ويعوض من نقصه وقلة حيلته ويشبع سلطانه
ويتجنب الشد والجذب مع شخصية قوية !
أما الغالبية من الرجال فيفضلون الذكية التى تفهم بذكائها ماذا يريد هو منها
دون أن يجهد نفسه بالشرح !
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: صلاح أبودية)
|
والله يا عزام،
كلامك صح،
و كلام د. نجاة صح،،،
و كمان كلام رحاب خليفة و عزاز صح،،،
يعنى إنتو فاكرين الراجل براهو حيرتو المرأة،
تعرف،
الرجال بقوا لغز كبير،
المشكلة مافى حل اللغز و معرفة ماذا يحتاجون و يريدون،،
المشكلة هم نفسهم،
ما عارفين!!!!!!!
ناهيك، عن حالات التناقض الفظيع الموجودة بين ثقافتو التى يفتخر بها،
و أفكارو التى يتمسك بها،،،،
طيب، ليه الواحد بتعجبه المرأة الذكية و المثفقة،
لمن بلقاها (صدفة) و يدخل معاها فى حوار،
و لما الموضوع يبقى على زواج،
و حتى و إن تم ذلك،
فجأة ينط؟؟؟؟
معناها الموضوع فعلا عقدة متأصلة فى الرجل،
و لا اقول الشرقى فقط،
بالمناسبة فى الغرب،
فى فهم عام أن المرأة الذكية ليست بالضرورة جميلة،،
و لو إنهم فايتننا بموضوع التعايش معهن،،،
Quote: أقرن وإتثقفن وخليكن ذكِيات وما تخُتن راسِكِن بِراس الرجل مُش علشان هو
بِيستاهل علشان الحال يمشي ... |
نصيحة (شاهد من أهلها...)،
لكل من ترى فى نفسها القدرة على ذلك،،،
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: Hala Hassan)
|
داليا حافِظ ...
| Quote: عملت تحقيق حول الموضوع ده وكانت النتيجة كالآتي : أن معظم الرجال قالوا (لا) |
ماف راجِل بِقول على روحو إنو بِخاف مِن < المرأة > المُتعلِمة والمُثقفة ... دي أمراض نفسِية
وده ما شئ بِعيب الراجِل ... لأنو مرض ... المرض عيب ... المرض بِيتعالج ... الرجل واقِف في
محطة < الجواري > عِندما كانت كُل مُهِمة < المرأة > إرضاء سَيِدِها ... والراجِل الما واقِف
فوق محطة السجم دي بِكون بِيحلم بيها بيحلم بِالـ < حُورٌ مَّقْصُورَاتٌ فِي الْخِيَامِ > ... مُش قُلت
ليكي ده مرض ...
أنا بفتكِر إنو < المرأة > تقرا وتتثقف وأكيد حتكون بعد داك ذكِية لأن
الثقافة دي بِالذات مُحتاجة ذكاء ... بعد ما تقرا وتِتثقف ما تِتجدع بيها مِحِل ما تصنقِر
وتتشدق بِالكلام وتتنطع بيهو ... والله والله والله أنا في صفَكِن ... بس إذا كان ده البخلي الراجِل
ما يِخاف المانِع شنو ... شنو بِالله ... إذا كان ده عِلاج الزول الوهم ده ... بِنقُص مِن المرأة
شنو ...
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزام حسن فرح)
|
Quote: بعد ما تقرا وتِتثقف ما تِتجدع بيها مِحِل ما تصنقِر
وتتشدق بِالكلام وتتنطع بيهو ... والله والله والله أنا في صفَكِن ... بس إذا كان ده البخلي الراجِل
ما يِخاف المانِع شنو ... |
المرأة دي بالذات ما حتقدر تعمل كدة ..لانو ببساطة الراجل البخاف منها ده ما زولا ،وبالمقابل الراجل البخاف
من المرأة ـالنجاضة ـ هو عارف أنو ما بقدر عليها الإحساس ده مسيطر عليهو لأنو حاسي فعلا أنو أقل والشعور ده
بعذبو وبخليهو يتحجج بتنطعاوفلسفتا وغيرو ، لكن ده ما السبب ..السبب انو حاسي فعلا بأنو أدنى ،وأدنى ديما
بغيرا واقع كونو متعلم ومثقف بشهادة الناس ..ده شعور داخالي بحسو هو .Quote: إذا كان ده عِلاج الزول الوهم ده ... بِنقُص مِن المرأة
شنو ... |
وليه هي تعالج ؟!مافي شي بلزما ، والبنقص منهايا عزام انها بتكون ماهي.. واحدة
تاني مطلوب منها ،تلبس توب العادية والبساطة عشانو .
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزام حسن فرح)
|
عزام،
صباح الخير يا اخوي ...
كدي نمسك المواضيع باب باب ...
Quote: < المرأة > الغير مُتعلِمة بِتسِد < نقصها > في المظاهِر <
المرأة > المُتعلِمة صرفها بِكون تحت بند < القِرش الأبَيَض لِليَوم الأسود > |
يعني تفضيل المتعلمة ما زال يصب في مصلحة الرجل الاقتصادية،
و رجعنا تاني للمربع الأول استقلالية المرأة المادية
يعني قرايتي دي و فهمي، يُقاس بمدى اسهامه في تحسين حياة الرجل،
ما دي ياها القولبة، ولا عاد كيفن؟
كون المرأة تكون متزنة نفسيا ومتصالحة مع نفسها علشان تكون منتجة في اوجه الحياة المختلفة
سواء تزوجت أو لأ، سواء رضى بيها الرجل أو لأ فده ترف وأمر ثانوي،
المهم المراة المتعلمة أوالجاهلة دي تفيدني انا الرجل كيف ..
جاهلة و تطبخ و تغسل و تكفي ضيوفي، تمام .. اشترينا
القراية طايرة و الثقافة طايرة، القليصات ديل نلاقيهم في النت و نحضرهن في التلفزيون
المراة دي عاقلة و مثقفة و "اقتصادية"، بس برضو بتطبخ، و تغسل و تكفي ضيوفي، ربح البيع ..
يا زول اشترينا و بالمرة تسلينا لو عدمنا التلفزيون أو النت قطع ...
عارف يا عزام، أي امرأة تدرك قيمتها كانسان ((بغض النظر عن تعليمها
لاني اتحدث الآن و تحضرني عشرات النساء البسيطات الغير متعلمات))
هذه المراة المدركة لكينونتها، لا تحفل كثيرا باستمالة أي رجل، و كسب وده
لأنه توقن تماما أن الرجل الجدير بها، المستحق لتلك الأنثى ذات البصيرة
يبحث عنها بالتحديد، لتملأ شقوق روحه بالمودة و الرحمة المذكورين أعلاه ...
| |
|
|
|
|
|
|
|
|
 Re: أيخاف الرجُل المرأة الذكِية المُتفَوِقة القَوِية؟ (Re: عزاز شامي)
|
Quote: عارف يا عزام، أي امرأة تدرك قيمتها كانسان ((بغض النظر عن تعليمها
لاني اتحدث الآن و تحضرني عشرات النساء البسيطات الغير متعلمات))
هذه المراة المدركة لكينونتها، لا تحفل كثيرا باستمالة أي رجل، و كسب وده
لأنه توقن تماما أن الرجل الجدير بها، المستحق لتلك الأنثى ذات البصيرة
يبحث عنها بالتحديد، لتملأ شقوق روحه بالمودة و الرحمة المذكورين أعلاه ... |
وعي ما بعده وعي
تسلمي ياعزاز يا بت شامي
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: انعام عبد الحفيظ)
|
عُزاز ...
صباح/مساء الخير ...
Quote: < المرأة > الغير مُتعلِمة بِتسِد < نقصها > في المظاهِر
< المرأة > المُتعلِمة صرفها بِكون تحت بند < القِرش الأبَيَض لِليَوم الأسود > |
أنا بقصُد بِبند < القِرش الأبَيض لِليَوم الأَسود > في حق راجِلا ... في قُرش زَوجها
يعني المرأة المُتعلِمة مُدبِره بِفهم بُكره في نائِبات في مصاريف جامعة في وفي وفي
عكس < الزَوجة > غير المُتعلِمة بِتعايِن قريب ... بِتعايِن إنو العيد جاي عليهُم
ودايره مِلايات جديدة وعِده و و و ... أنا في صف المُتعلِمة لأنو ده قميص لِبستو
قُبال ده ... ولامِن أشوف نفور الرجُل < الأعزب > عن الفتاة المُتعلِمة بستغرب لأنو
بفترِض إنو تعليما في صالحو 100%
لكِن برضو مُش حل إنو تخلو الرجُل العاوِز يِكون < سي السَيِد > كده يِدق راسو في
حيطه أوهامو وأحلامو المَكَعَوجه دي ... حقو نشوف حل وسط ... أنا مِن جانبي شرحت
مَوقِف الرجل مِن المُتعلِمة المُثقفة الذكِية القَوِية ... أنا عريت الرجل البِفكِر
كده ... وطرحت إقتِراح لِلفتاة فوقو حيله ... حيله ما مُضِره ... حيله حتعالِج
زول موهوم مِن زمن العصر الحجري لامِن الرجل أكان بِيطلع رحلة لِصَيد إمراة ويجي
جاريها مِن شعرا لِكهفو ... الحيله بِتقول الفتاة تِتعلم وتتثقف وإذا تعلمت و
تثقفت حتبقى ذكِية في أغلب الأحوال ... توظِف عِلمها وثقافتها دي لِبيتا وزوجها
وأولادا وبس ... ما تنافِس بيها راجِلا في المجالِس ... في الأعراس ... في المرقات
قِدام أهلو ... قِدام أهلها ... أنا نحت الحيله دي علشان ماف واحدة إتبرعت
بِطرح المُشكلة وحلها ... أنا مِن جانبي إتبرعت بِطرح < خَوف > الرجل ومُشكِلتو
وقروش < الزَوجة > لو عاين ليها < الزَوج > بِعينو ساي خليهو ياخُد مِنها < شرعاً >
بِتسقُط عنو < التفضيل > < القِوامة > < الرِّجَالُ قَوَّامُونَ عَلَى النِّسَاء بِمَا فَضَّلَ اللهُ
بَعْضَهُمْ عَلَى بَعْضٍ وَبِمَا أَنفَقُواْ مِنْ أَمْوَالِهِمْ > النِساء 34
عُزوف الشباب مِن الزواج دي مُشكلة ولا ما مُشكلة؟
طَيِب أنا إتبرعت وقلت ليكِن المُشكِلة < الخَوف ... الخَوف >
حلك شنو يا عُزاز؟
حلِكُن شنو؟
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزام حسن فرح)
|
داليا حافِظ ...
Quote: وليه هي تعالج ؟!مافي شي بلزما ، والبنقص منهايا عزام انها بتكون ماهي.. واحدة
تاني مطلوب منها ،تلبس توب العادية والبساطة عشانو . |
يعني لا < المرأة > عاوزة تتقدم ولا < الراجِل > عاوِز يخلي خوفو ... يبقى
فايدة العمود ده زي بعضو ... لا زالت المُشكِلة قائِمة وصف البنات طال ومرض
الفتى إستفحل ... والخسران < المُجتمع >
لا حَول ولا قُوة إلا بِالله العلي العظيم ...
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: Dalal Ezzaldin)
|
أخي عزام
سلام و تحايا
| Quote: أيخاف الرجُل المرأة الذكِية المُتفَوِقة القَوِية؟ |
الرجل يحب المرأة التي بهذه الصفات ، و لكنه يتجنب الإقتران بها حتى لا يضيع بين مملكتها التي ستكون هي فيه أحد قُطْبيْ بوصلتها ..
فالرجل يريد إمرأة بنصف ذكاء و نصف تفوق و نصف قوية ، أو دون ذلك حتى يمارس أفعالا يعتقد أنها تقع ضمن حريته التي كفلتها له رجولته و فحولته ...
بعض النساء اللائي يتمتعن بالذكاء و التفوق و القوة ، يتظاهرن أحيانا للرجل بعكس هذه الصفات التي فيهن حتى يضمنَّ إستمرارية الحياة.
الذكاء قد تستعمله المرأة في تدمير رجل يخونها أو يستغلها لمآربه.
و المرأة المتفوقة قد تجعل زوجها يهرب إلى خندق أخرى أقل تفوقا حتى يمارس سطوته
و المرأة القوية تجعل الرجل المتنمر يهرب عند أول سانحة
دمتم
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزام حسن فرح)
|
| Quote: ده سؤال ولا إجابة؟ |
كتبتها واقصد الاجابه ..
اعلم انك تقصد الرجل في مرحلة الاختيار ولماذا يفضل بعض الرجال
محدودية الذكاء والتصرف فيمن يودون الارتباط بهن .
ذكاء المرأه يساعد الرجل لتحمل الجزء الاكبر من مسئولية الزوجيه
كتدبير المنزل وتربية الابناء اللتين تحتاجا من الذكاء والحكمه القدر الكبير
لكن اذا ما فكر الرجل ( واقصد نوع معين من الرجال ) في حريته وتقيدها بعد الزواج بالطبع سيفضل
الارتباط بقيد ضعيف يمكنه المراوغه عليه وتدبر امره بقدر يسير من الجهد .
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزام حسن فرح)
|
Quote: عُزوف الشباب مِن الزواج دي مُشكلة ولا ما مُشكلة؟
طَيِب أنا إتبرعت وقلت ليكِن المُشكِلة < الخَوف ... الخَوف > |
ما عارفة لكن الموضوع كدة إتلخبط ...نحن بنتكلم عن عزوف الشباب من الزواج والهو عام ولا خوف الرجل من
الإرتباط بالمراة الذكية والهو خاص ومحدد؟...وهل مشكلة الزواج بتتلخص في ذكاءالنساء وتفوقن؟ ..لأنو لو كدة
المجتمع بخير والله .. وما ضروري زاتو يعرسن .
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: داليا حافظ)
|
Quote: وهل مشكلة الزواج بتتلخص في ذكاءالنساء وتفوقن؟ ..لأنو لو كدة
المجتمع بخير والله .. وما ضروري زاتو يعرسن . |
الحبيبة داليا
صح يا داليا
| Quote: أيخاف الرجُل المرأة الذكِية المُتفَوِقة القَوِية؟ |
وهو يا كافي البلا التلاتة صفات لا يملك منهن ولا واحدة؟
لو كان ذكياً فهو حتماً قوي فالذكاء قوة
لو كان متفوقاً فهو حتماً قوي فالتفوق قوة و لا يوجد متفوق غير ذكي
شكراً الحبيب عزام
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: داليا حافظ)
|
داليا حافظ
Quote: ما عارفة لكن الموضوع كدة إتلخبط ...نحن بنتكلم عن عزوف الشباب من الزواج
والهو عام ولا خوف الرجل من الإرتباط بالمراة الذكية والهو خاص ومحدد؟ |
ما إتلخبط ولا حاجة يا سِتي ... الرجُل (الأعزب) بِخاف مِن الإرتِباط مِن الفتاة/المرأة
المُتعلِمة المُثقفة الذكِية القَوِية ... وبِخاف دي معناها الزول ده مريض ... ومرضو
وارثو وِراثا ... وأعراض المرض بِتِتلخص في إنو بِحِب يِكون < المُسَيطِر > على الأمور
الغريزة بِتاعت الإنسان (رجل/إمرأة) بِتقود إلى الزواج ... الزواج مؤسسة كانت قبل
التعليم ... التعليم لامَن جا شغل المرأة شِويتين وبِقت سِن الزواج < بعد فُلانة بِتي ما
تخلِص الجامعة مُمكِن تعقِدو يا إبني > في خِلال جامعة البت قلب الولد بِيعمل عوايدو
وبِينقلِب ... عاد ما سموهو كدي علشان طبعو في التِقِلِب ده .. الولد أهلو ضغطو عليهو
عرس غيرا ... البت إتخرجت مِن الجامعة الأولاد الفي سِنها عاوزين الأصغر مِنها والما
عِندها تطلُعات بِتاعت ماجِستير ودُكتوراه وبعدين الوظيفة ويِجو مِن الشُغل سوا سوا
- سخن الأكِل يا فُلان لغاية ما أستحم وأغَير ملابسي
- وين الصُحان الصغَيرا
- شوفا في الرف التِحِت
- بِالمُناسبة ناس أُمي إتصلو وقال لينا نجي نتعشى معاهُم الليلة
- بِتبالِغ يا فُلان إنت ما عارِف بُكرة عِندي إجتِماع مجلس إدارة
< الفتاة > تِتعلم ولامِن يتقدم ليها < فتى > تتزَوج وتواصِل تعليمها بعد كِده ...
أنا شخصِياً تزَوجت زَوجتى وكانت عِندها الثانَوِية وأقنعتها بِمُواصلة تعليمها الجامِعي
وكُنت بذاكِر ليها وقبل الإمتِحانات بِشهر كُنت بِنسافِر لِمِصر لِلمُذاكرة وقلعها مِن كُل
الإرتِباطات الأُسرِية والعائِلِية و و و ... التعليم ما حقو يِوقف الزواج لو جا والزواج
ما حقو يِمنع التعليم لو في رغبة ... وتعليم وثقافة البت لو وقف عِرِسا يبقى هي
السبب لأنها خلت شِهاداتا حاجِز بينا وبين < الخوافين > وهُم كُتار بِدليل العِرس في
السودان وقف ... شباب الغُربة نُصهُم عُزاب ... شباب الحِله كُلهُم عُزاب ... شباب الأُسرة
أغلبهُم عُزاب ... يعني ماف بنات ... التِعداد الأخير مِن تِحِت تِحِت قال نِسبة البنات أكتر
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزام حسن فرح)
|
Quote: وتعليم وثقافة البت لو وقف عِرِسا يبقى هي
السبب لأنها خلت شِهاداتا حاجِز بينا وبين < الخوافين > وهُم كُتار بِدليل العِرس في
السودان وقف ... شباب الغُربة نُصهُم عُزاب ... شباب الحِله كُلهُم عُزاب ... شباب الأُسرة
أغلبهُم عُزاب ... يعني ماف بنات ... |
عزام مساء الخير
قيلنا في البوست ده
شوف يا عزام | Quote: المرأة الذكِية المُتفَوِقة القَوِية |
= المستقلة
والمستقلة دي هي الما بتخاف من جور الزمن ،والما مضطرة أنها تتنازل وتتاطي عشان الحياة تمشي ،والما حتخاف
من راجل أسيبها لأنها حتفقد العايل لمن ترجع بيت اهلها ومعاها 5 أطفال ،والما حتسكت على خيانة الراجل وتبلع
نزواتو لانو " راااجل !!!"و..و ...طبعا دي إمرأة مخيقة لأنو فكرة الزواج مبنية في مجتمعنا على فكرة
(أبونا) هي والأولاد زي بعض تحت سلطة أبوهم ..والحياة تمشي كما أتفق .
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزام حسن فرح)
|
عزام يا اخوي اعفي لي،
كترت الجية و مسخت عليك النهار
Quote: يعني لا < المرأة > عاوزة تتقدم ولا < الراجِل > عاوِز يخلي خوفو ... يبقى
فايدة العمود ده زي بعضو ... لا زالت المُشكِلة قائِمة وصف البنات طال ومرض
الفتى إستفحل ... والخسران < المُجتمع > |
هل تعتقد انو المجتمع "استفاد" من العلاقة السائدة الغير متكافئة بين الرجل و المرأة،
و هو مهدد الآن بالخسران عندما لو الأمور إلى نصابها، أو كادت تخطو ؟؟
يا سيدي الكريم،
الزواج ليس سدرة منتهى النساء "الذكيات" بغض النظر عن التعليم
لأنو هناك خلط بين التعليم و الوعي،
كثيرات هن من نلن الشهادات و أبعدن ما يكن عن روح الجندر و مفهومه،
وانا حبوباتي ما قرّن ولا فكن الخط وكان جندريات حتى النخاع بطريقة تحيرك ...!!
النداء لإعمار المجتمع جاي على حساب المرأة مالو؟
كوني ذكية بس استعبطي علشان الراجل الننوش ما يتضايق
كوني فاهمة و خليك مكارة علشان الاسد ما يزعل
محور الكون الرجل هو؟
ومنو قال انو الزواج حتمية؟ منو السوّق الفكرة دي؟
موش قسمة و نصيب؟ طيب،
افرض مثلا مثلا الزول ماليهو قسمة من الاساس
فوق شنو نتنازل و نعمل اكوازيون في فهمنا و نبيع القضية؟
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزاز شامي)
|
عزام والجمع الكريم
تحايا
يخاف؟؟؟؟؟ هو كدا الـ يعترف بانها ذكية ومتفوقة ، مرحلة الخوف دي متقدمة جدا
مما لا شك فيه ان طبيعة الرجل الاستحوازية تجعله يفضل الاقتران بامراة اقل منه فكرا وثقافة زي ما بيقولا هم(عشان ما تطنقع عليهو) اى تطلع ليهو فى راسو،فالرجل بطبيعته لا يفضل الاقتران بالذكية المتفوقة المفكرة لكنه يفضل وبشدة صداقتها (رجال غريبين جدا)،لكن هناك مفاهيم يجب ان تصحح بالنسبة للرجل ، فالمرأة ليست كما السابق ، المرأة الآن يمكن ان تعيش بدون رجل وعيشة هنية كمان
في رايي ، زواج يجعل المراة ترتخي في تفكيرها وتختزل نفسها في حاجة ترضي الرجل ، بلاش منو ، بالعافية؟؟؟؟؟؟
كلمة حاجة الواردة اعلاه ، نسبة لفشلي في ايجاد مسمى
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: Shamael Elnoor)
|
عُزاز ...
Quote: عزام يا اخوي اعفي لي،
كترت الجية و مسخت عليك النهار |
ليه بِتقولي كِده ... أنا لو ما جيتن وإتداخلتن معاي حيبقى نِقاش كيف يعني
ولو ناضمت براي حأستفيد شنو والناس حتستفيد كيف ... الفِكرة لابُد أن تُناقش
وأنا مبسوط جِداً جِداً لِمُداخلتكِن وفي حاجات كتيرة كُنت واقِف في صفها بِحُكم
حُبي لِلمخلوق الإسمو < إمرأة > بعد كم المُداخلات بِقت حاجاتي عِندها سند ومنطِق
| Quote: ومنو قال انو الزواج حتمية؟ منو السوّق الفكرة دي؟ |
< وَمَا خَلَقْتُ الْجِنَّ وَالإِنسَ إِلاَّ لِيَعْبُدُونِ > الذارِيات 52
وهذا يتطلب جمع لِيعبِدوه
< ... جَعَلَ لَكُم مِّنْ أَنفُسِكُمْ أَزْوَاجًا وَجَعَلَ لَكُم مِّنْ أَزْوَاجِكُم بَنِينَ وَحَفَدَةً > النحل 72
السَوق لِلفِكرة الأُمهات والخالات والعمات والحبوبات على مدى تاريخ البشرِية
السَوق لِلفِكرة < الفرحة > التي تُبديها < العروس > فتتشَوق لها أخواتِها
السَوق لِلفكرة < الكُبُر > < العجز > < أرذل العُمر > فتحتاج إلى سند إلى
عُكاز تستنِد عليهو ...
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: Shamael Elnoor)
|
Quote: في رِجال مُتعلِمين وواعيين بِتمنوا الزواج مِن مُتعلِمة ومُثقفة ... لكِن أغلب الرِجال
المُتعلِمين الذين أعرِفهُم لا يتمنون ذلِك ... يِقول ليك < أجي البيت ألقاهو مُرتب
مُعطر وتكون المره طابخا لي بايدا ودولابي مرتب وضِيوفي بِتكفيهُم ... يا سلام > |
سلامات لصاحب البوست و جميع
انتو مصنفين الرجال لنوعين...نوع عاوز واحده متعلمه مثقفه (او على راى عزاز) ما ضرورى تكون متعلمه التعليم التقليدى (قرايه و كتابه وشهادات) لكن شخصيتها مستقلة.
و النوع التانى اللى عاوز البيت مرتب و معطر و ضيوفوا مبسوطين حتى ولو الزوجه ما بتعرف تتكلم حتى....و سيد البوست بيقول انو دى الاغلبيه.
انتو نسيتو نوع تالت مهم جدا و شايفاه كتير جدا الايام دى. النوع اللى عاوز زوجه متعلمه و مثقفه يفاخر بيها ناس التعليم و الثقافه. مستقله بتتحرك براها و حسابها فى البنك تمام و عربيتها فى يدها وما بتحتاج ليه فى اى شى. حتى الاولاد و واجباتهم و مشاكلهم فى المدرسة عليها. و يا ريت لو كمان عندها وظيفه محترمه.
و بالاضافه لكده سيده بيت ممتازه..بيتها نظيف و مرتب...طباخه ماهرة...و قاشرة السنه كلها و مزاجها رايق...و بيقدر يفاخر بيها لما يجو ضيوف و يلقو مليون صنف اكل كل واحد اشهى من التانى.
اصلو النوع ده ما لاقاكم...؟؟؟
انا شايفه انو على الاقل النوع الاول و التانى عارفين عاوزين شنو...و من حق المرأة برضو تخاف من الرجل الذكى او البليد وتختار اللى هى عاوزاه .
و ذى ما فى رجال بيصاحبو المراة المثقفه فقط ...لكن ما زواج و كده ..فى بنات برضوا ممكن تصاحب زميلها المثقف الطالب الفقير...لكن لما الموضوع يبقى زواج ..بتختار المامتعلم ولا مثقف لكن غنى. اهم حاجه الناس تكون عارفه عاوزه شنو
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزاز شامي)
|
الخوف هو غريزة من الغرائز الأساسية التي تجد طريقها عند حدوث أو توقع حدوث حدث (سار غير سار خطر او ضار ) ....
الخوف يصيب الرجل والمرأة معاً في حالة الشعور بفقدان السيطرة .... المرأة في جميع انحاء العالم متحضر وغيره ورثت كماً هائلاً من ممارسات الرجال ضدها لكسب السيطرة عليها حيث تم توظيف كل ما يمكن توظيفه لكبت جماحها واخضاعها لسيطرة (الرجل ) ... (دين عادات تقاليد - ظروف المرأة الخاصة الناتجة عن تكوينها الجسماني - غيرتها وحالاتها النفسية المتقلبة - الهورمونات الموجودة والمكتسبة )
الرجل تمت اخافته منذ القدم بالمرأة القوية ( ليليث) فلذلك أعتقد انه يخاف المرأة التي تشعره بأنه - يمكن - أن يفقد سيطرته عليها وعلى ممالكه لأنه وللأسف يعتقد انه * سيد العالم * بلا منازع .
صراع قديم ولكنه متجدد بديمومة الحياة .
التحية لكل النساء في كل بقاع الأرض ....
بالمناسبة وجدتُ في العالم المتحضر تفرقة (بشكل غير مرئي ) بين الرجل والمرأة تضمن للرجل شعوره بالتفوق ولكني أحسستُ بالراحة عندما عرفت ان النساء يعلمن ذلك عكس ما يحدث في دول كثيرة ...حيث تكتفي المرأة بوصاية الرجل وتقرها ....
موضوع جيد للنقاش الثر .....
الحل في الانسانية والشعور بها ....
مودتي للجميع
اسامة
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: Osama Mohammed)
|
smart_ana2001
Quote: متعلمه و مثقفه يفاخر بيها ناس التعليم و الثقافه. مستقله بتتحرك براها و حسابها
فى البنك تمام و عربيتها فى يدها وما بتحتاج ليه فى اى شى. ... عندها وظيفه محترمه.
و بالاضافه لكده سيده بيت ممتازه..بيتها نظيف و مرتب...طباخه ماهرة...و قاشرة السنه
كلها و مزاجها رايق...و بيقدر يفاخر بيها لما يجو ضيوف و يلقو مليون صنف اكل كل واحد
اشهى من التانى. |
[email protected]
5490366 (00974+)
الدوحة قطر
| Quote: اهم حاجه الناس تكون عارفه عاوزه شنو |
بس < العِرفه > ما شرط < صِحة > لِتحقُق الرغبات ... يعني أنا مثلاً
عارِف عاوِز شنو وبِالضبط كمان ... ده معناهو رغبتي تتحقق ...
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزام حسن فرح)
|
Osama Mohammed
| Quote: الحل في الانسانية والشعور بها .... |
وإنت الصادِق ... لو جا < الحُب > ده كلو بِتنسي ... أصلي الحُب بِكتسي ... شوقو
معاهو يِنْقسي ... بِالله مخلوق عاوِز يِتعلم ويتْثقف كيفِن تِتطاوعك روحك وتنفُر مِنو
هو ده مِنك هسِع ولا أكان مِنو ... لو جا الريد بِتطلُب مِنو ... حتو الريد ما بِقدِر
أديتو العدو ما بِقدِر سِنو ... يِقوم في طَبايعو ويِسوي في جِنو ...
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزام حسن فرح)
|
مرحب يا عزام
موضوع جميل..
كنت مستمتع جدا بالقراءة و ما كنت ناوي التدخل الا ان
استوقتني هذه النقطة للاخت عزاز ومع انو كلامها في مجملو جميل
الا اني رائيت بعض المغالاة في الاتى
(((النداء لإعمار المجتمع جاي على حساب المرأة مالو؟
كوني ذكية بس استعبطي علشان الراجل الننوش ما يتضايق
كوني فاهمة و خليك مكارة علشان الاسد ما يزعل
محور الكون الرجل هو؟
ومنو قال انو الزواج حتمية؟ منو السوّق الفكرة دي؟
موش قسمة و نصيب؟ طيب،
افرض مثلا مثلا الزول ماليهو قسمة من الاساس
فوق شنو نتنازل و نعمل اكوازيون في فهمنا و نبيع القضية؟ )))
اولا دعينى اؤكد لك ان الرجال والنساء كائنات مختلفة تماما لا يجمعهم الا الشكل
الخارجي ..فاذا تمسك كل بفهم بني جنسه واصر عليه لدرجة المغالاة مع الاصرار
على عدم التنازل ولو قيد انملة لهذا الكائن الاخر فلا يستقيم ان يكون هناك مجتمع
من اساسه..
لتكوين اي حياه بين هذين الكائنين لابد لكيهما ان يتنازلا عن بعض المفاهيم الخاصة بهم
المراة مثلا حباها الله بذكاء اجتماعي مفطورة عليه دون الحوجة للعلم او التثقف والرجل
مهما تعلم او تثقف يكون اقل قدرة منها في هذا المجال ..
الرجل مفطور علي حب الاحتواء والتملك بينما المراة مجبولة على العطاء لمن تحب
المراة كتلة من المشاعر برقتها وانوثتها وعزوبتها بينما الرجل يتدثر بالصلابة والمواجهة
فاذا تبدلت المواقف لنفر الجنسين من بعضهما ..
ما اود ان اقوله هنا ليس بالضرورة التنازل ضعف من الطرفين بل هو تكملة للطرف الاخر
اما الحديث عن عدم حتمية التعايش بين الجنسين فهو غير دقيق الهم الا اذا كنت تقصدين
الحياة المجردة المحسوبة بعدد السنين ..
كوني بخير
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: حسين نوباتيا)
|
الأخ عزام: وجميع المتداخلين/ات:
تحيه طيبه .. وتحية احترام علي الموضوع المهم للغايه .. وللطرح المتميز من الجميع ..
مع اني مقاطعه للبورد من فتره لكن لما لمحت الموضوع ماقدرت أتجاهله ..
كلامك صاح ياعزام جدا .. وبواقع مشاهدات شخصيه الرجل لايبحث عن عقل المرأه وثقافتها,
بس ياعزام اذا تحدثنا عن مرحلة ما قبل الزواج والاختيار وهي مرحلة الخوف كما ذكرت ,
مالذي يجعل المرأه تتعامل مع الرجل بواقع أنوثتها بدلا عن عقلها ..؟؟!!
بمعني المرأه المتفوقه لاتحمل أنوثتها كخيار جاذب للرجل.. لأن أنوثتها ملك أو حق لرجل واحد هو زوج المستقبل ..
وبالتالي فكل ما سيراه الرجل فيها هو عقلها وثقافتها, وتظل الأنوثه مخبئه لفارس الأحلام بعد الزواج ..
العلّه ليست في ثقافة المرأه, لأن المرأه وان كانت مثقفه ومتميزه فهي بداخلها أنثي تخفيها عمدا,
وتعمل أو تدرس بمعزل عن الأنوثه الزائده أو محاولة التأنث الطاغيه التي تسعي اليها الجميلات فقط بدون ذكاء واطلاع ..
لذا أري أن خوف الرجل غير مبرر .. وانما هو يأخذ بالظاهر فقط وكأنما الأنوثه والتفوّق علي طرفي نقيض !!
أما فيما يتعلق بمرحلة مابعد الزواج:
لا أعتقد أن المرأه العامله المتفوقه مهمله في أمر زوجها, بل علي العكس هي أشد حرصا علي بيتها,
بواقع تقسيم وقتها بحرص علي عملها ومهامها المنزليه, ومن الملاحظ جدا أنها أشد اهتماما بمظهرها وأناقتها ..
كذلك لاأري ترفّع المرأه المتفوقه عن تدليل زوجها كما أشرت ياعزام مبررا, لأنها يجب أن تقوم بذلك علي الأقل من باب حسن التبعّل ..
ياعزّام المرأه المتزوجه التي تدفن نفسها في العمل والثقافه علي حساب زوجها وانوثتها هي في نظري ضحيه لزوج طارد من المنزل بطريقة ما ..
وهي علي خلاف ربة المنزل لديها منفذ لتفريغ همومها بدلا من المكوث بالساعات الطوال في انتظاره أو في الشجار معه ..
ماوددت قوله أخيرا أن المرأه أصبحت الان تستخدم ذكائها في الوصول الي ماتريد بدءا من الرجل نفسه ..
انظر الي النص التالي من رواية بنات الرياض التي أهدانيها صديق فوجدت في قراءتها متعه لاتضاهيها متعه,
أتمني أن تكون قرأتها :
| Quote: بدأ جميع توجيهاتها لنفسها بـ (لن) : - لن أسمح لنفسي بحبه قبل أن أشعر بحبه لي . - لن أتعلق به قبل أن يتقدم لي رسمياً ! - لن أتبسط معه في الحديث ولن أحدثه عن نفسي ، سأظل غامضة بالنسبة إليه (هكذا يفضل الرجال المرأة) ولن أشعره بأنه على علم بما ما يدور في حياتي مهما شعرت بالحاجة لفعل ذلك ! - لن أكون أبداً البادئة بالاتصال ، ولن أرد على الكثير من مكالماته . - لن أملي عليه ما يفعل كما تفعل بقية النساء بالرجال . - لن أتوقع منه أن يتغير من أجلي ، ولن أحاول تغييره . إن لم يعجبني بجميع عيوبه فلا داعي لأن نستمر معاً ! - لن أتساهل في حقوقي ولن أسامحه على الخطأ حتى لا يعتاد على ذلك . - لن أعترف له بحبي (إن أحببته) قبل أن يصرح هو لي بحبه أولاً . - لن أغيّر نفسي من أجله . - لن أغمض عيني عن أية مؤشر للخطر !! - لن أعيش في وهم ، إن لم يصرح لي بحبه خلال مدة أقصاها ثلاثة شهور ، ويخبرني بوضوح عن مصير علاقتنا ، فسوف أنهي العلاقة بنفسي . |
بقي أن أخبرك أن صاحبة الذكاء أعلاه تزوجت بمن خططت له بمثل هذا الاتقان ..
سؤالي ليك ياعزام هل هذا مايجب أن تستثمر المرأه فيه دهائها ؟؟؟؟
تحياتي ,,,
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: Amany Elamin)
|
ليه الناس بفتكرو انه البت المثقفة لازم تكون شينة مثلا
ولا ما ست بيت ممتازة ولا بتعرف تطبخ...
والله في نساء اعرفهن
جمال خلاب وذكاء لماح وستات بيت ممتازات وطباخات
بعدين تنميط فكرة المثقفة مسيطرة وما بتكرم الضيوف دي حاول الرجال
الترويج لها في الستينات يحكو قصة الراجل المتزوج جامعية عزم ضيوف
جا لقاها ما عملت الاكل قام جاب صينية وغطاها بالطبق لما شالو الطبق لقوهو خاتي
الشهادة .. القصة دي اكثر قصة بتغيطني كانت وبتجيب لي العصبي..
واكثر قصة برددوهها الرجال والنساء الذكوريات
عندي صاحبة لي
سمحة جدا ومثقفة جدا وست بيت ممتازة جدا
بتكرم الضيوف وتسهر عليهم والصباح تسوقهم بعربيتها توديهم الدكتور ولما يسافرو
توصلهم المينا البري تدفع قروش التذاكر
وتديهم الفيها النصيب وترجع بيتها عشان تعمل الاكل لبقية اهل العوض...
تنميط المرأة المثقفة دا غيرو شوية..
بعدين الرجل بكون تصوراته من النساء حولو عشان كدا نعد الام اعداد
جيد تطلع راجل منزوع الشرور والامراض..
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: الحاج حمد الحاج)
|
عزام يا خوى،
أسمع كلام أمانى دة،
| Quote: بمعني المرأه المتفوقه لاتحمل أنوثتها كخيار جاذب للرجل.. لأن أنوثتها ملك أو حق لرجل واحد هو زوج المستقبل .. |
فيه مربط الفرس لفهم عقلية الكثير من النساء المتعلمات و المثقفات،
ممن لا يعتبرن أنفسهن سلعة يمكن تداولها بناء على مواصفات خارجية،،
و بالمناسبة،
أود التحذير من تداعى هذا الامر،
حتى وصلت النساء القادرات على الإعتماد على أنفسهن،
إلى درجة من الإستقلالية يمكن معها الإستغناء عن الرجل،،
لا لشئ، إلا لأن (الرجل) فى قرارة نفسه،
لا يرى فيها إلا الجارية، التى يجب أن تقوم على خدمته،
و هو لا يريد أن يفهم أنها إذا فعلت ذلك عن طيب خاطر،
لا يجب ان يعتمد هذا كواجبها الحتمى، و منتهى امالها،،،
و لى عودة،،
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزام حسن فرح)
|
Amany Elamin
| Quote: سؤالي ليك ياعزام هل هذا مايجب أن تستثمر المرأه فيه دهائها ؟؟؟؟ |
يبدو أنني لن أنفك أن أُأكِد بأني في صَفِكُن ... وأشفِق على الفتى/الرجل الذي < يُبَعْبِع >
المُتعلِمة المُثقفة الذكِية ... أشْفِق علَيهِ لأن أمرِهِ هذا < مرض > نفسي ... فإذا علِمنا أن
هذا مرض ، فلا يجوز لنا أن نطلُب مِنهُ أن يدع هذا المرض ... كأن الأمر بِيدَيهِ ...
لدَينا < عِدة أشياء > أقول أشياء حتى لا أكْتُبُها < عِدة حقائِق > :
- أن الزواج نواة المُجتمعات < الودود الولود)
- إن الزواج آية مِن آيات الله تعالى < وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا
لِّتَسْكُنُوا إِلَيْهَا ... > الروم 21
- أن الزواج مُبتغى أغلب البشر (فتى/فتاة) الطبِيِعيين
- تجِد الفتاة بِزَواجِها حِماية مِن نظرة ومفاهيم المُجتمعات المُتخلِفة
- أن الزواج / عدم الزواج يكاد يكون هاجِس لِلفتاة (الوحدة/الأنيس/الأبناء/السند)
- أن غريزة الأُمومة طاغِية أو ستطغى في مرحلةٍ ما
- أن الوضع النفسي لِلمُتزَوِجة أفضل بِكثير جِداً مِن غَير المُتزَوِجة (مَودة ورحمة)
- أن التنافُس على الزواج بِالفتاة ينحصِر بَين عُمر 18 - 35 سنة (تقِل أو تزيد)
- أن فُرصة الفتاة في الإنجاب تقِل بعد عُمر الأربعين
- أن فِترة دِراسة الفتاة (إبتِدائِية/ثانوي عام/عالي/جامعة) 16 سنة (تقِل أو تزيد)
مِن مُنطلق هذِهِ < الأشياء > + < مرض الفتى النفسي مِن المُتعلِمة > أرى أن مِن الذكاء أن
تتبع كُل فتاة راغِبة في الزواج خُطة بطلة الرِواية أدناه:
| Quote: بقي أن أخبرك أن صاحبة الذكاء أعلاه تزوجت بمن خططت له بمثل هذا الاتقان .. |
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزام حسن فرح)
|
د. نجاة محمود ...
| Quote: تنميط المرأة المثقفة دا غيرو شوية |
ما بِنقدر يا سِتي ... كأنِك بِتقولي لِزول عِندو ملاريا ياخ خلاص قوم كِفاية كِده
مرض < شهريار > في جيناتو ... مرض مُتوارِث ... مرض قديم جِداً ... وتعليم
< شهرزاد > جديد جِداً ... وذكاء < شهرزاد > فِطري ... حقو تتقدم < هي >
وتاخُد بِيدو ... أنا بتكلم على الراغِبات في الزواج وهُن مُتعلِمات ومُثقفات
ومرغُبات لَولا < خَوف > الخوافين ...
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: عزام حسن فرح)
|
Hala Hassan
Quote: لا لشئ، إلا لأن (الرجل) فى قرارة نفسه،
لا يرى فيها إلا الجارية، التى يجب أن تقوم على خدمته، |
لا أنا ما برضى أبداً تكون أُختي أو بِتي تُعامل كجارِية حتى لو هي راضِية
لأنو دي فيها مهانة لِلجِنس البشري ولأنو أولادا حيِطلعو مُنكسِرين مهضومي
الحقوق ... أنا كُل كلامي في إنو المُتعلِمة المُثقفة حقو تكون ذكِية و
تعرِف إنو < شهريار > مريض وعاوِز الياخُد بِايدو ... طبعاً مُمكِن تقولي
وأنا مالي ومالو ... فِعلاً إنتِ مالِك ومالو ... بس أنا بطلُب ده مِن
العاوزا العِرِس ... وهي شايفة كيف < شهريار > بِحِبها وما عارفه المُشكِلة
وين ... ليه هو مُتردِد ... ليه ما عاوِز يخطو الخطَوة التالِيه ... أنا
هسِع وريتا ليه ... لأنو < مريض >
| |
|
|
|
|
|
|
|
|
|
Re: أيخاف الرجُل المرأة الذكِية المُتفَوِقة القَوِية؟ (Re: Manar Mahsoub)
|
مِن عزام فَوزِية بِت زَهرة بِت فاطمة إلى الكنداكا Manar Mahsoub
صباح/مساء الخَير
Quote: حقو المرأة تمرق نفسها من حته السعى و العمل على ارضاءالراجل و تواصل مشوار تفوقها
و ذكائها و لا تتنازل ابدا و لا تلبس ثوب الغنماية و تركز على ارضاء زاتها و العاجبو عاجبو
و الماعجبو يشوف شخصية اخرى متنكره و ما اكثرهم للفوز بسى السيد |
ما ده الحاصِل هسِع يا بِت سيدي محجوب ... الفتاة ماشه في تَفَوُقِها - وهو واجِب وفرض عَين - ولا
تتنازل أبداً ولا تكترِث لإرضاء < شهريار > ولِسان حالِها < لو عاجبو عاجبو > ... ترى أن لدَيها
فُرص أُخرى ... فهي جميلة ومُتفَوِقة وذكِية ... ولِسه صغيرة ... فقط لم < تنتبِهِ > إلى أن كُل يَوم
يمُر علَيها يُخفِض عدد < المُعْجبين > بِها ... علشان كِده شُفتها < صورة مقلوبة > ولازِم تتعدل حسب
رأي ... لأني بِحِب بناتي وأخواتي وخالاتي وعماتي وحبوباتي ديل هِن الإنتاجُم واضِح ظاهِر بِيِن ديل
إنتاجُم < الحياة > وتحت أقدامِهِن < الجنة > ... ما برضى تكون لأُمهات الأنبياء والصالِحين أن
يكُنْ < غنمايات > وإن كانت الغنماية مظلومة لأنها لَيست بِالهَينة بس الغنماية < طَيبة > بدليل
أنها الوحيدة مِن بَين الثدِيات التي تقبل أن تُرضِع وليد غَيرِها ... وغَيرِها لا تدِرُ اللبن إلا إذا
أتي وليدُها و< كود > در اللبن في ضرعِها أن < تشُمهُ > فإن كان هو وليدُها يُدر اللبن وينساب
والغنماية < قنوعة > إذا جار الزمان علَيها تكتفي بِأكياس النايلون فتمضغُها ... وصبورة لا
تشتكي بِالهَيِن ... وولودة تلِد في البطن الواحِدة ما بَين 2 - 6 سخلات ... وهي نِعم المال ...
أنا عزام أخو السارة وأبو السارة وأُمي فَوزِية
| |
|
|
|
|
|
|
| |
عزام حسن فرح
Hawari Nimir
اسعد الريفى
دينا خالد
SHIBKA
سيف الدولة كامل
انعام عبد الحفيظ
كمال سالم
Rihab Khalifa
ياسر عبدالكريم محمد
داليا حافظ
صلاح أبودية
Dalal Ezzaldin
ابو جهينة
lana mahdi
smart_ana2001
Osama Mohammed
حسين نوباتيا
الحاج حمد الحاج
فيس بوك
تويتر
انستقرام
يوتيوب
بنتيريست