|
|
|
 Re: دنقلا .. تودع قطوعات الكهرباء الى غير رجعة ... (Re: هشام الطيب)
|
انا الان في دنقلا والله العظيم الكهرباء قاطعة في دنقلا منذ المغرب
والان المدينه كلها تعيش في ظلام دامس
بعد ساعات فقط من تدشين نافع لكهرباء سد مروي
بدنقلا واظنك ما قريت جرائد اليوم ان الوحدتين التابعتين
لسد قد خرجت من الشبكة القومية منذ يوم الاحد ما عارف
نافع دشن شنو؟
كفاكم لعبا بعقول الناس فسد مروي لم ينتج الا 40 ميقواط
فقط وهنالك صعوبة تقنية في التحكم حتي في هذه القوة المستنبطة
مما ادي لتلف الاجهزة الكهربائية في مروي وكريمة.
| |
 
|
|
|
|
|
|
|
|
Re: دنقلا .. تودع قطوعات الكهرباء الى غير رجعة ... (Re: عبد الحكيم نصر)
|
..........ياناس دنقلا أشتروا الجنريترات وجهزوا المولدات ووابورات
الري وماتنسوا الفوانيس ودا الباوقة قبل عليكم!!!
......ياود الباوقة يا أخوي القطوعات وضعف الامداد الناس معتادة عليه
قبل الأنقاذ وبعدها ويبقي مافي داعي للمزائدة والشعارات وقول ربنا
يصلح الحال ونتمني أن يأتي مردود سد مروي أيجابيا علي الاقل في
جانب الطاقة وخصوصا بعد مئيات الملايين التي صرفت عليه من مقدرات الشعب
ومن قروض سيتحملها شعبنا مستقبلا!!
| |
|
|
|
|
|
|
|
|
|
Re: دنقلا .. تودع قطوعات الكهرباء الى غير رجعة ... (Re: صلاح ليون)
|
يا جماعة نحن اتعودنا من زمن الانجليز بنتعامل بالمثل لو ما غشوك ما كانو ربوك .. ونحن المشاريع الجبارة دي تعبنا منها .. ما دام المشروع ما جاهز وما مكتمل وفيهو مشاكل افتتحوه ليه .. وحكاية صيف بلا قطوعات دي من زمن نميري بنسمع بيها
اها الجماعة قالو حيغطي احتياجات السودان كلو وهو ما قادر يسد احتياجات المنطقة التي اقيم عليها
يعني عشان نرد على اوباما ولا اسمو منو داك اوهايو نقوم نخدع انفسنا
ولا يكونو ديل الشيوعيين خربوا السد?
| |
|
|
|
|
|
|
|
|
 Re: دنقلا .. تودع قطوعات الكهرباء الى غير رجعة ... (Re: عبد الحكيم نصر)
|
| Quote: وممكن جدا يكونوا انزلوا بعض المولدات ذات الطاقة الهائلة واوصلوها بالشبكة، وهو الامر الذي ادي الي احتراق الاجهزة الكهربائية،، يمكن ،، كل شيء جائز !!! |
يا سادة يا كرام،
من هنا،
لقد تأكد لنا تماما،
بما لا يدعو للشك،،
بأن كهرباء السد قد وصلت الخرطوم،،
أيوووووووىىىىىىى!!!!!!!!!!
و ذلك بعد أن أتحرق (باظ) تلفزيوننا بليل (تنوين بالكسرة،،)،
الف مبروووك،
و حمدالله على السلامة،،
و لا عزاء للمكذبين،
| |
|
|
|
|
|
|
|
|
|
Re: دنقلا .. تودع قطوعات الكهرباء الى غير رجعة ... (Re: Deng)
|
Quote: البشائر سترقد ( هبطرش ) ادعو معنا بان يبعد الله عنا الاشرار ...
|
فى فترة من تسعينات القرن الماضى فى كوز اسمه (فتحى محمد خليفة) كان مدير عام مشروع الجزيرة ايام نافع كان وزير زراعة , هذا المدير استضافو الاستاذ بابكر حنين فى برنامجه المشهور انذاك فى التلفزيون , وسالو قال ليه انت فى الموسم السابق وعدت المزارعين بجملة من الوعود ولم تستجب ولا لوعد واحد من هذه الوعود؟ فكان اجابته كمثل اجابة ودالباوقة , وقال (ديننا الحنيف يحتم علينا بان نبشر الناس) ولكن لم يقل اذا الدين الحنيف يحتم على الكيزان تبشير الناس بالكذب والضلال!
يا ودالباوقة
الدين الحنيف يحتم عليكم تبشير الناس بالكذب لحد ما يرقد هبطرش ام ماذا؟!!!!!!!!!!
| |
|
|
|
|
|
|
|
|
|
Re: دنقلا .. تودع قطوعات الكهرباء الى غير رجعة ... (Re: خالد حاكم)
|
Quote: انا الان في دنقلا والله العظيم الكهرباء قاطعة في دنقلا منذ المغرب
والان المدينه كلها تعيش في ظلام دامس |
ياخوانا الزول ده جاب ليكم كهربة الخرطوم نجضطو نجاض ... قام قال أحسن يمشي الأقاليم ولا من شاف ولا من دري ... يقوم يطلع ليهو عبد الحكيم ومين ما عارف؟ إنتو بتطلعوا ليهو من وين؟ وتاني يمشي وين؟ جبل عوينات؟ خلوها تمشي المرة دي ياخ.
| |
|
|
|
|
|
|
| |
ismeil abbas
عبد الحكيم نصر
صلاح ليون
علاء الدين حيموره
كمال عباس
Salahaldeen Nadir
Ahmed Alim
elfadl abdellatif
Deng
هاشم نوريت
حسين نوباتيا
محمد فرح
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست