|
|
 محمد فرح الله يبشرك بالخير ...........
|
الاخ محمد فرح فتح بوست قبل عدة ايام يبشر الناس بانتظام التيار الكهربائي بعد دخول كهرباء سد مروي الشبكة القومية
صادف ذلك بعض الاشكالات الفنية المتوقعة في مثل هذه المشاريع الضخمة وحدث انقطاع متكرر في التيار الكهربائي وان كان قد
انتظم منذالامس وما قطعت ولا دقيقة واحدة ................
غلاة المعارضين ومن لفه لفهم وجدوها فرصة لشن هجوم على الاخ محمد فرح وسد مروي وبالطبع الانقاذ والمؤتمر الوطني.
|
|
 
|
|
|
|
|
|
|
 Re: محمد فرح الله يبشرك بالخير ........... (Re: omer osman)
|
سلام يا عمر ..
انا غايتو خشيت البوست و ختيت خبر القطع الحصل لينا كنوع من المشاغبة لاخونا محمد فرح لأنو جاب خبر البشرى بطريقة كده متلببه شديد
كأنو هو مسئول من الموضوع و واثق فيو.
لهجتو كانت واثقة اكتر من اللازم.
اها لمن لقيت الجماعة ما قصروا معاهو بلاغات تاني ما كتبت ليو.
لكن ..
كلامك انت ذاتك ده ما صاح يا عمر اخوي.
انتظمت من الامس دي متين بالضبط ؟
لأنو الحلفايا مربع سبعة كانت قاطعة من المغرب لحدي الساعة عشرة.
نفس مواعيد القطع اول امبارح.
و امبارح كانت قاطعة بالنهار.
يعني شكلها قطوعات مبرمجة.
غايتو لو اتكررت بكرة النهار يبقى فعلا برمجة يوم نهار و يوم ليل.
بديك الخبر بكره النهار باذن الله.
لكن ما تقول لينا من امس ما قطعت.
امس قطعت و الليلة قطعت.
| |
|
|
|
|
|
|
|
|
|
Re: محمد فرح الله يبشرك بالخير ........... (Re: omer osman)
|
عمر ياصاحب
لا محمد فرح ولا انت غلطانين
الغلط الكبير من الناس البدقو الوتد قبل يجيبو الثور (الحيكومة)
الخبر في حد ذاتو مفرح لو ختينا الرحمن في قلبنا وقلنا ان شاء الله وبس
لكن المسؤولين المتسرعين كعادتهم لفحوا الكلام وملو بيهو الهوا في الفاضي واحرجوا الناس
| |
|
|
|
|
|
|
|
|
|
Re: محمد فرح الله يبشرك بالخير ........... (Re: حيدر حسن ميرغني)
|
يا جماعة الخير ..
محمد فرح جاب تفسير لزيادة القطوعات بعد بشراه، وقال إنو الكهرباء المنتجة أكتر من إستيعاب الخطوط والا شنو كدا ما عارف. يعني إنتو أصبروا شوية لحدي ما يجددوا الشبكة ..... وبس. طول عمركم صابرين جات على دي يعني؟ عالم جاحدة, بعدين الناس من زمان ما عايشة بدون كهرباء .. نقصا شنو يعني؟
| |
|
|
|
|
|
|
|
|
|
Re: محمد فرح الله يبشرك بالخير ........... (Re: HAIDER ALZAIN)
|
أخ عمر
حقيقه في بعض الشخصيات الـ(لياقه) عندهم طبع من الصعب التخلص منه
البوست من البدايه كان خبر وتعليق علقه لي أحد مهندسي الهيئه وأردت ن أبشر به إخوتي هنا
للأسف فعلاً لم يكن الإمداد كما ينبغي لكنه بكل تأكيد كان أفضل عشرات المرات من الاعوام السابقه وبكثير جداً
الهيئه الان توفق اوضاعها وأثق أنه قريباً جداً سنستمتع بتيار متواصل إن شاءالله .
مؤونة عام من الود
| |
|
|
|
|
|
|
|
|
|
Re: محمد فرح الله يبشرك بالخير ........... (Re: محمد فرح)
|
Quote: البوست من البدايه كان خبر وتعليق علقه لي أحد مهندسي الهيئه وأردت ن أبشر به إخوتي هنا
للأسف فعلاً لم يكن الإمداد كما ينبغي لكنه بكل تأكيد كان أفضل عشرات المرات من الاعوام السابقه وبكثير جداً
الهيئه الان توفق اوضاعها وأثق أنه قريباً جداً سنستمتع بتيار متواصل إن شاءالله . |
من زماااااااااااان لو قلت كدة ما كان ريحت نفسك وريحت الناس اللى اتكهربوا بكهربتك ديل
| |
|
|
|
|
|
|
|
|
|
Re: محمد فرح الله يبشرك بالخير ........... (Re: دوت مجاك)
|
الاخ عمر عثمان
تحياتي لك ولكل المتداخلين
حقيقة هنالك امر محير وقد كتبت اليوم عمودي بعنوان لغز الكهرباء
وكل انجازات الكهرباء من تطوير افقيا وراسيا لاينكرها الا مكابر
ولكن لغز الكهرياء يستعصي علي فهمه
لماذا تبدأ القطوعات يوم الاحتفال بدخول كهرباء سد مروي الي محطات التوزيع بالخرطوم؟؟
علما بان كمية الكهرباء قبل هذا اليوم كانت توفر امداد كهربائي مستقر !!!!!!!!!!!!!!!!!!!!!!
| |
|
|
|
|
|
|
|
|
|
Re: محمد فرح الله يبشرك بالخير ........... (Re: دوت مجاك)
|
ابكدوك وينك ياخي من المولد ده
ياخي صاحبنا ده بالرغم من كل البوستات
الفاتحة عن القطوعات ودائماً بيكونو في اول
المنبر ،، وفيها كل البلاغات عن القطوعات
وهو طبعا بيكون قراها .. صحبك جا ناطي
طوالي وقال .. ما قطعت ولا دقيقة....
| |
|
|
|
|
|
|
|
|
|
Re: محمد فرح الله يبشرك بالخير ........... (Re: صلاح ليون)
|
Quote: الاخ محمد فرح فتح بوست قبل عدة ايام يبشر الناس بانتظام التيار الكهربائي بعد دخول كهرباء سد مروي الشبكة القومية
صادف ذلك بعض الاشكالات الفنية المتوقعة في مثل هذه المشاريع الضخمة وحدث انقطاع متكرر في التيار الكهربائي وان كان قد
انتظم منذالامس وما قطعت ولا دقيقة واحدة ................
غلاة المعارضين ومن لفه لفهم وجدوها فرصة لشن هجوم على الاخ محمد فرح وسد مروي وبالطبع الانقاذ والمؤتمر الوطني |
اخونا عمر ..
اتخيل لى .. لو كان واحد نزل بوست وقال فيهو : من بكره ... تاني مافي كهرباء في الخرطوم
كان ح يكون ردك او رد محمد فرح شنو ؟؟؟؟
للامانة .. بوست محمد فرح كان مستفز خصوصاً في تلك الاثناء كان الوضع على عكس مايبشرنا به.. واردنا ان نوضح له ماعليه
الوضع الآن . ليس كما فهمت انت بأنها فرصة سانحة لمعارضة النظام وهو مايفسر ب ( الحرامى فى راسو ريشة) .
| |
|
|
|
|
|
|
|
|
|
Re: محمد فرح الله يبشرك بالخير ........... (Re: كتو)
|
Quote: للامانة .. بوست محمد فرح كان مستفز خصوصاً في تلك الاثناء كان الوضع على عكس مايبشرنا به.. واردنا ان نوضح له ماعليه
الوضع الآن . ليس كما فهمت انت بأنها فرصة سانحة لمعارضة النظام وهو مايفسر ب ( الحرامى فى راسو ريشة) . |
حكمة والله يا كتو ..
| |
|
|
|
|
|
|
|
|
|
Re: محمد فرح الله يبشرك بالخير ........... (Re: Nader Abu Kadouk)
|
Quote: الاخ محمد فرح فتح بوست قبل عدة ايام يبشر الناس بانتظام التيار الكهربائي بعد دخول كهرباء سد مروي الشبكة القومية
صادف ذلك بعض الاشكالات الفنية المتوقعة في مثل هذه المشاريع الضخمة وحدث انقطاع متكرر في التيار الكهربائي وان كان قد
انتظم منذالامس وما قطعت ولا دقيقة واحدة ................
غلاة المعارضين ومن لفه لفهم وجدوها فرصة لشن هجوم على الاخ محمد فرح وسد مروي وبالطبع الانقاذ والمؤتمر الوطني
الاخوان حمور وصلاح الدين تحياتي
ما شهدت إلا بما عايشته في المنطقة التى اسكن بها (الخرطوم 2) أو بما سمعته من الاصدقاء في مناطق متفرقة
على كل حال بلاشك توجد كهرباء منتجة من سد مروي ستصلنا عاجلاً ام اجلاً
|
سعادة الكمندان عمر .. ..
يسألك الله فى نضميك ده ولا دقيقة ماشفناها.. ..
التلاجات بقت مخزن واللمبات اصابها البيات الشتوى .. .. والمكيفات بيوت حمام .. ..
ماشهدت الابماعايشت !!!!!
| |
|
|
|
|
|
|
| |
omer osman
حمور زيادة
صلاح ليون
Salahaldeen Nadir
حيدر حسن ميرغني
محمد أبوالعزائم أبوالريش
HAIDER ALZAIN
محمد فرح
Nader Abu Kadouk
دوت مجاك
عمر صديق
فيس بوك
تويتر
انستقرام
يوتيوب
بنتيريست