|
Re: عازمك جبنة ... أظن يا نورة مزاجك شاي ! (Re: baha eassa)
|
نورة ساعة الحر يولع .. تتقلب نسمة وتطوف .. تدي للجيعان لقيمة .. وتدي للعطشان جقيمة .. نورة اخت كل الغلابــــة .. مرة شافت في رؤاها .. طيرة تاكل في جناها .. حيطة تتمطي وتفلع .. في قفا الزول البناها .. فسرت للناس رؤاها .. قالت جنت .. مابراها .. بي محبة تشق دروبا .. لي قلوب الكل تخـــــــــــش ..
| |
|
|
|
|
|
|
Re: عازمك جبنة ... أظن يا نورة مزاجك شاي ! (Re: حبيب نورة)
|
Quote: ما بين القلية و فنجان الأمل الرابع كان تستني الفرحة تتنِّي خلي الكيف يقدل في الشارع في حارة الروح قدام الخاطر أول باب جمبوا قصيدة ونخلة وحيدة بتقرا جريدة تخشي مداخل عالم ساكنوا براي!! |
يازول انت لسه في شوقك القديم المقيم
| |
|
|
|
|
|
|
Re: عازمك جبنة ... أظن يا نورة مزاجك شاي ! (Re: تولوس)
|
حبيب نورة
قعدتك دي في صورة بروفايلك مزاجها جبنة
Quote: يا نورة وجعك زنجبيل في الجوف وحبة هبهان! |
ياخي إنت كتابتك ذاتا ذات مزاج زنجبيلي ..
و رغم دة زول بتتاوق من مرة مرة ... بتخلينا متقريفين
نحن نحبك ضمة يا زول و الله .. فأنت أحد أثافي هذا المنبر
| |
|
|
|
|
|
|
Re: عازمك جبنة ... أظن يا نورة مزاجك شاي ! (Re: baha eassa)
|
أول دخل..
جاتني ريحةً بعرفه..
تاريها كانت قهوته..
منعول أبوك يا قريفه..
حبيبه كلام بي مزاج عالي جدا. ولغه أقرب ما تكون لطعم البِكري..
وزي ماقال قاسم ود ابزيد:
يا قهوته .. يا شهقة النفس المزاج.
_________________________ المره الجايه انا عازمك (مطره)
| |
|
|
|
|
|
|
Re: عازمك جبنة ... أظن يا نورة مزاجك شاي ! (Re: قيقراوي)
|
قيقراوي يا حنين
Quote: في توقيت خرمة بياضو بدأ يغالط لون القهوة لقيت نكهتا فايحة في المنبر قلنا نأتّرا . . . ساقتني لي هنا
يا حبيبا و الله ما قصرت معاها و نحنا كفانا بنسطل بفائض النكهة |
يا مان التوقيت دة فقري جداً أعمل حسابك لمن نقلي البن تكون قرون أستشعارك شغالة
| |
|
|
|
|
|
|
Re: عازمك جبنة ... أظن يا نورة مزاجك شاي ! (Re: حبيب نورة)
|
Quote: عازمك جبنة عديل في الخاطر شايلك طيف يتقريف شوقك لي يوم باكر! وكنت مسافر سايقني حنين قبال البكري ! بحسك قدري وسكة سفري مشوار غربة و أقدار شارع أخطار لازم أمشي وأظن يا نورة عرفتي معاي هاريني مزاج في البن الحبشي !
|
بعد دا كلو نورة مزاجها شاي!!!!
| |
|
|
|
|
|
|
Re: عازمك جبنة ... أظن يا نورة مزاجك شاي ! (Re: حبيب نورة)
|
بهاء عيسى ...
يا خوي ما تجلِب لينا الرابِط بِتاع أُغنِية < نورة > هَبشت فوقو شيتاً بعيد كُتْ قايلو راح ... لكِن الله قادِر ... إتَوَر مِن جديد
ــــــــــــــــــــــ حبيب نورة ...
والله يا حبيب نورة عِندي جبنه طين بِتسيها لي بِت إبراهيم أُم الوِليدات مِن شِده ما سمحه القَرَيَفَه بِتقضا مِن دُخان قلي بُنها وقطيعتا ... ما تجينا يا خوي البلد ساهلة وماهلة دُخولا ...
| |
|
|
|
|
|
|
Re: عازمك جبنة ... أظن يا نورة مزاجك شاي ! (Re: الطيب شيقوق)
|
Quote: ا بين القلية و فنجان الأمل الرابع كان تستني الفرحة تتنِّي خلي الكيف يقدل في الشارع في حارة الروح قدام الخاطر أول باب جمبوا قصيدة ونخلة وحيدة بتقرا جريدة تخشي مداخل عالم ساكنوا براي!! |
إبداع وأصيل .. ..وكلام يدغدغ مراكز الإحساس بالجمال ويحرك الخيال ..إلى ما فوق الخيال ...
شكراً ..على التوالي
| |
|
|
|
|
|
|
Re: عازمك جبنة ... أظن يا نورة مزاجك شاي ! (Re: عزام حسن فرح)
|
عزام حسن فرح يا زول دي ما جبنة الهنا سمحة و متنتنة
Quote: والله يا حبيب نورة عِندي جبنه طين بِتسيها لي بِت إبراهيم أُم الوِليدات مِن شِده ما سمحه القَرَيَفَه بِتقضا مِن دُخان قلي بُنها وقطيعتا ... |
ياااااااااااااه والله قوية والغنية انشاء الله بشوفا ليك وين و ألصقا مع أنو أخونا بهاء عيسي ما قصر وختا لينا وحدة فووووق بي صوت المبدع محمد جبارة
| |
|
|
|
|
|
|
Re: عازمك جبنة ... أظن يا نورة مزاجك شاي ! (Re: حبيب نورة)
|
الاخ نورة
Quote: ياخي مسعول من الخير المحرب كيفنهم واخونا عادل جبارة و هاشم خلف الله عليك الله تحياتي ليهم شديد وعايز خبر من أبوجهينة العسل |
المحرب في امان الله وموجود وحائم بجاى لكن طلات وزوغات
عادل جبارة اخباره منقطعة عني
| |
|
|
|
|
|
|
Re: عازمك جبنة ... أظن يا نورة مزاجك شاي ! (Re: ابو جهينة)
|
أبو جيهنة يا حبيبي انت عارف توقيتك معاي دايما بكون سكر! والله انا يمكن كم مرة قاعد اقول ليك أني بفرح بي جيتك دي حاجة ترطب حيرقان المسافات! عارفك بتقدر تخش بينات سطوري وكتير بلقاك عامل لي فضيحة في رد مرات قاعد اكتب وأداري الجوة الجوف مدسوس لكن انت برضو بتجيني بي شباك النص
شكرن كتيرن يا غالي!
| |
|
|
|
|
|
|
Re: عازمك جبنة ... أظن يا نورة مزاجك شاي ! (Re: الطيب شيقوق)
|
Quote: نوارة مزاجها الشوق الشايلو غناي بتسمع منو أنين الساقي وحذن الناي نورة الشمش التطلع تبقي حداي لا قهوة بتنفع لي بنفع برضو الشاي! |
شمسك طلعت واشرق نوره بقت شمسين قالها في الوطن ولا يدري ان نوره ايضا لحبيبها وطن
خارج النص _ مع اقتباسه عارفك بتلاقي روحك هنا ونحن ذاتنا بنلاقيك هنا
| |
|
|
|
|
|
|
Re: عازمك جبنة ... أظن يا نورة مزاجك شاي ! (Re: نوفل عبد الرحيم حسن)
|
Quote: æÃÙä íÇ äæÑÉ ÚÑÝÊí ãÚÇí åÇÑíäí ãÒÇÌ Ýí ÇáÈä ÇáÍÈÔí ! |
علي اليمين ياحبيب نورة ، قعدتك دي شهتني في القعاد ، بعدين ياخي وكت أصله الحكاية كدا، ما تعزمني مرة ، الظاهر إني متقريف لي سنين ، وكنت ما عارف نفسي!! البن "" الحبشي""؟؟ تعرف أنا ، وكذلك أحبابنا الإثيوبيين، ما بنحب كلمة حبشي Abyssinan لأنها لفظة عنصرية ، طبعاً إلا في البن . يعني ما ممكن أمشي وأقول لبتاع الكنتين بالله أديني بن إثيوبي!! حاجة شتراء وأصلاً ما بتجي .
تحياتي
| |
|
|
|
|
|
|
Re: عازمك جبنة ... أظن يا نورة مزاجك شاي ! (Re: حبيب نورة)
|
Quote: عازمك جبنة عديل في الخاطر شايلك طيف يتقريف شوقك لي يوم باكر! وكنت مسافر سايقني حنين قبال البكري ! بحسك قدري وسكة سفري مشوار غربة و أقدار شارع |
والله انك لشقي يا حبيب نورا كلام يجبر خاطر الجبنة .. البن .. الشاي ياخي انا شاكر لك انفعالاتك هنا وهناك
والعشق كل العشق الي نورا
| |
|
|
|
|
|
|
|