|
Re: دعوة لتبني شيئاً ما .. أكثر فائدةً بدلاً عن(الطُز) التي نفاخر بها .... (Re: عمران حسن صالح)
|
الإحساس بالناس الغيرنـــــــــــا ... داخلنا مكوم بس إيدينـا مكتفة .. مكتفة بي احتياجات الأقربين .. الأولى بالمعروف .. شايلين فوق اكتافنــا البنشال .. والمابنشـــــــــــال ..!! بي حكم الدين ، التربية الحنونة الحاسة بالتانين ، الواجب ، أو إنسانيتنــا .. وده ما بخلي (التانين) ديل يقنعوا من خيراً فينــا .. هم لسه بعاينوا .. منتظرين .. نقسم من (لقمة) الحِبَان .. ونديهم .. يلا يا أخوان /ت العطاء .. مدوا إيديكم ...
| |
|
|
|
|
|
|
Re: دعوة لتبني شيئاً ما .. أكثر فائدةً بدلاً عن(الطُز) التي نفاخر بها .... (Re: عمران حسن صالح)
|
ساس يسوس !!!!!!!! جاطت علينــــا كل حاجاتنا السمحة ... راحت مفاهيمنــا من غير عودة .. سيطر علينا الحقد السياسي بمفهومه الجديد ... وصارت عناوين (لفت النظر) تسيطر على كيبورد ردودنــا (وكلكاتنا) كلها موجه للسياسة .. قناعتي تقول : يمكننا أن نساهم في دعم الاخر الذي كانت السياسة القذرة جزءاً من معاناته .. معاناته مع الألم ، المرض ، وضيق ذات اليد .. فلنجعل جزء من ردود (معارضتنا) الكلي بالقول فقط .. فعلاً (وليس قولاً إسفيرياً ) لدعم التانين الكانت سياسة البلد جزء من معاناتو ..
| |
|
|
|
|
|
|
Re: دعوة لتبني شيئاً ما .. أكثر فائدةً بدلاً عن(الطُز) التي نفاخر بها .... (Re: ismeil abbas)
|
B]عمران...الحبيب..للشفافية...
جانى قريبى الباشمهندس/أمجد حبيب الله عبدالله.. الزول الخلوق..مارى بالمكتب لحاجة ما....
تناولنا اطراف الحديث وركزنا على عمل الخير البقوم من غير رياء..وشرحت ليهو فكرة الصندوق((دعوة لتبنى شىء ما))
سر بالفكرة وحلف قال دى منى مية ولو ربنا قدرنى كل شهر أكون معاكم...
ربنا يعظم اجره يارب ويستر عليه دنيا واخرة ويبارك له فى ماله واهله وعمله ....ونسال الله ان يجعل ذلك فى موازين حسناته يارب...
أنا كده معى 400 ريال...
مودتى..إسماعيل محمد أحمد عباس...
| |
|
|
|
|
|
|
Re: دعوة لتبني شيئاً ما .. أكثر فائدةً بدلاً عن(الطُز) التي نفاخر بها .... (Re: ismeil abbas)
|
أخي العزيز إسماعيل محمد احمد عباس
يكون الشرف لي ان اكون من بينكم والف شكر علي حسن ظنك بي وأن شاء الله سوف نلتقي ناوين العمرة والحج السنة دي باذن الله
وبمناسبت حبيناك من قلوبنا اهدي لك قصيدة الاستاذالشاعر الجليل اسماعيل حسن رحمةالله عليه بقدر ما اثرى وجداننا
بلادي اهلاً يا بلادي الف تحية ليكي من الفؤادِ بلادي اهلاً .. يا بلادي صدورنا حماية ليكي من الاعادي
بلادي أنا بلاد ناساً في اول شي موارثيم..كتاب الله وخيل مشدود ، وسيف مسنون حداه درع تقاقيبن تسرج الليل مع الحيران وشيخاً في الخلاوي ورع
وكم نخلات تهبهب فوق جروفا الساب وبقرة حلوبة تتضرّع وليها ضرع
وساقيةً تصحي الليل مع الفجراوي يبكي الليل ويدلق في جداولو دمع يخدر في بلادي سلام .. خدرةً شاربة موية النيل تزغرد في البوادي زرع
بلادي سهول بلادي حقول بلادي الجنة للشافوها او للبرة بيها سمع بلاد ناساً تكرم الضيف وحتى الطير يجيها جعان ومن اطراف تقيها شبع
بلاي أنا تشيل الناس ، كل الناس وساع بي خيرو لينا يسع وتتدفق مياه النيل على الوديان بياض الفضة في وهج الهجير بيشع
بلادي بلاد الصفقة والطمبور وداراتاً تنح بالليل وبنوتاَ تحاكي الخيل يشابن زي جدّي الريل وشبالن مكنتل في طريفو ودع
بلادي بلاد من التاريخ من ترهاقا لا عند ميسنا ... عاد ترجاك خيل ودروع
بلادي أمان ، بلدي حنان وناسا حُنان يكفكفوا دمعة المفجوع يحبو الدار يموتو عشان حقوق الجار يخوضو النار شان فد دمعة وكيف الحالة لو شافوها سايلة دموع ؟!
ديل اهلي .. ديل اهلي ..
يبدّوا الغير على زاتم يقسموا اللقمة بيناتم ويدّوا الزاد حتى ان كان مصيرم جوع
ديل اهلي .. ديل اهلي ..
ديل اهلي .. البقيف في الدارة وسط الدارة واتنبر وأقول لي الدنيا كل الدنيا ديل أهلي
عرب ممزوجة بي دم الزنوج الحارة ديل اهلي ديل قبيلتي لما ادور افصل للبدور فصلي اصحاب روحي والاحساس وسافر في بحار شوقم زمان عقلي
أقول بعضي ... ألاقيهم تسرّبوا في مسارب الروح بقوا كُلي .. ديل اهلي
محل قبلت القاهم .. معايا .. معايا زي ضلي
كان ما جيت من زي ديل وآسفاي وآماساتي وآآآآآآآذلي
تصور كيف يكون الحال لو ما كنت سوداني واهل الحارة ما اهلي ؟؟
تصور كيف يكون الحال
| |
|
|
|
|
|
|
|