|
Re: مهرجان الزهور ! ... مشاهدات من مؤتمر الحزب (Re: wadalzain)
|
شكرا يا طلال للتوثيق واللمسة الفنية الرائعة ........... ............ بس عندي احتجاج. .... لارا ويارا بخاري وعبد الوهاب معز عبد الوهاب وبافي الشباب العسولين ديل ما تخموهم ساي من هسع وتملوا راسهم بالكلام الكبار داك لك خالص الود والتحية وعجل الله بحل مشاكل الوطن
| |
|
|
|
|
|
|
Re: مهرجان الزهور ! ... مشاهدات من مؤتمر الحزب (Re: Waly Eldin Elfakey)
|
شكراً يا دكتور والي الدين .. وليك شوقه يا أخي .
بالنسبة للشباب الأعزاء ، يارا ولارا وعبدالوهاب ومن لف لفهم من أطفال الزميلات والزملا ، فما أعتقد - حد علمي - إنو أهلهم بيملوا راسم بكلام كبار ، لكن مشاركتم وحضورهم مع ذوييهم في حاجات زي دي جزء من تهرفهم على البيئة التي تحيط بهم ، انا لو كان عندي طفله أو طفل كنت هآخدم للإفتتاح ده زي ما كنت هآخدم لأي معرض أو جاليري أو زيارة عائلية كنوع من المساعدة ليهم على تلمس ما يحيط بهم بالإضافة لأني كنت في نفس الوقت هساعد على إنهم يفكروا تفكير حر ومنفتح بحيث إنو الحاجات دي كلها تتحول لمكون وجداني يقدروا هم يتعاملوا معاه بأفق مفتوح ويقرروا الإنتماء ليها او لا ..
بس برضو أعتقد أنك اثرت نقطة حساسة يا ريت يشاركونا فيها نجلاء وبخاري وعابدة ومعز ويورونا رأيهم حولها ..
مودتي العامرة يا صديق
| |
|
|
|
|
|
|
Re: مهرجان الزهور ! ... مشاهدات من مؤتمر الحزب (Re: طلال عفيفي)
|
طلال ما عندي اي اضافة علي ردك للدكتور والي الدين
اوافق عليه جملة وتفصيلاً ......
وبالمناسبة انا ابوي بالاضافة الي انه ما شيوعي
اختلف عنه تماما فكل الاماكن التي كنا نزورها معه
ونحن صغار لم يهفو اليها قلبي وانا كبير ...
تشكر دكتور والي الدين ونحن ضد ال child abuse
| |
|
|
|
|
|
|
Re: مهرجان الزهور ! ... مشاهدات من مؤتمر الحزب (Re: Amjed)
|
سلام يا طلال تحياتي
Quote: خالد العبيد ، انا كمان بشكرك على إهتمامك بالتوثيق ... يا ريت تاخد الحاجة دي على عاتقك وتخليها موضوعك ، الجمع والأرشفه والتصنيف ...
أتمنى نشوفك يا زمل |
حاضر ابوالزمل حاضر ابوي انا على استعداد ومجال التوثيق والارشفة والوثائق النادرة انا بديها كل وقتي قبل سنتين لمن مشيت السودان ناس الميدان مافارقتهم سلمتهم اعداد نادرة من الجريدة ام كانت عندهم بجانب وثائق اخرى وبكرة اجمل يا طلال وصدقني سيكون في جريدة الميدان اكبر واندر ارشيف مع كامل مودتي واحترامي
| |
|
|
|
|
|
|
Re: مهرجان الزهور ! ... مشاهدات من مؤتمر الحزب (Re: د.نجاة محمود)
|
Quote: ما في ولا صورة لزول من جيلنا |
سلام يا د.نجاة ، وعساكي طيبه وبخير انا في الحقيقة ما عارف إنتي ياتو جيل ، لكن زي ما قلت في أول البوست والكلام فالتغطيه الفوتوغرافيه دي ما شامله البته ، ولا بتعكس كل الأجواء أو كل المشاهد ، دي نتف صغيرة من هنا وهناك أخدتها في اللحظات القدرت أمسك فيها الكاميرا ...
تحياتي
| |
|
|
|
|
|
|
Re: مهرجان الزهور ! ... مشاهدات من مؤتمر الحزب (Re: طلال عفيفي)
|
شكراً طلال و شكراً لمساهمة الصديق الذى "من حقه أن يصور". و أكيد "إيدعلى إيد نبدع جديد". ننتظر مشاركات آخرين وأخريات كانت و ستبقى كمراتهم تسجل حضوراً أنيقاًوجميلاً. وأرجو أن يتواصل هذا البوست حتى نلاقى أفراح السادس و الذى نراه قريباً و يرونه بعيداً. و برضو " ماشين فى السكة نمد ****من سيرتك للجايين"
| |
|
|
|
|
|
|
Re: مهرجان الزهور ! ... مشاهدات من مؤتمر الحزب (Re: عمر دفع الله)
|
طلال يا جميل
في شخصك رأيت روعة الحزب الشيوعي السوداني
قابلتك في هذا المنبر وعندها عرفت عظمة الحزب
ففيهم الرقيقين كامثالك... وفيهم الأدباء والفنانين
وفيهم الصعاليك والذين أتمني أن لا أكون منهم وان دعي
الداعي فمرحبا بالصعاليك
ولكن عندما التقيتك وجها لوجه قلت لنفسي يا فرحي ويا فرح
الحزب الشيوعي السوداني بعضو من شاكلة هذا الشخص الجميل.
شكرا لهذه التغطية
وان كنت علي علم بأن التغطية الرسمية ستجد طريقها الي العامة
خلال أيام !!!!!!!!!!! ولكني يمكن أن أبصم بأن جانب التصوير
قد لا يفوقك فيه أحد ...احتمال الملك وعبدالمنعم الجزولي والرضي .
| |
|
|
|
|
|
|
Re: مهرجان الزهور ! ... مشاهدات من مؤتمر الحزب (Re: عاطف مكاوى)
|
عارفك حتشوف و تشوت من زوايا تخصك وحدك زوايا اليفة و حساسة و انسانية .. زوايا عادية لم يطالها صدأ حتى اللحظة زوايا تعرف ان "الزعيم الفقرى التجانى الطيب " هو ايضا العم العادى الانسان التجانى وان للاختلاف معه مكان و انه يقبل و يحترم هذا الاختلاف عكس ما تحاول ترسيخه صورة "شيطنة" هؤلاء البشر سلام طلال .... الباقي بعدين
| |
|
|
|
|
|
|
Re: مهرجان الزهور ! ... مشاهدات من مؤتمر الحزب (Re: esam gabralla)
|
عذرا الكلام ده جا فوق
]Quote: شكرا يا طلال للتوثيق واللمسة الفنية الرائعة ........... ............ بس عندي احتجاج. .... لارا ويارا بخاري وعبد الوهاب معز عبد الوهاب وبافي الشباب العسولين ديل ما تخموهم ساي من هسع وتملوا راسهم بالكلام الكبار داك لك خالص الود والتحية وعجل الله بحل مشاكل الوطن |
| |
|
|
|
|
|
|
Re: مهرجان الزهور ! ... مشاهدات من مؤتمر الحزب (Re: DEYAA MOHD)
|
سلام يا طلال تحياتي
Quote: خالد العبيد ، انا كمان بشكرك على إهتمامك بالتوثيق ... يا ريت تاخد الحاجة دي على عاتقك وتخليها موضوعك ، الجمع والأرشفه والتصنيف ...
أتمنى نشوفك يا زمل |
حاضر ابوالزمل حاضر ابوي انا على استعداد ومجال التوثيق والارشفة والوثائق النادرة انا بديها كل وقتي قبل سنتين لمن مشيت السودان ناس الميدان مافارقتهم سلمتهم اعداد نادرة من الجريدة ام كانت عندهم بجانب وثائق اخرى وبكرة اجمل يا طلال وصدقني سيكون في جريدة الميدان اكبر واندر ارشيف مع كامل مودتي واحترامي
| |
|
|
|
|
|
|
Re: CHE (Re: ناظم ابراهيم)
|
طلال .. والله داير اسالكم سؤال جادي و من غير زعل ..
.. ..
هل يعني لازم عشان ابقى شيوعي .. أكون زول هامل ..؟!
| |
|
|
|
|
|
|
Re: CHE (Re: humida)
|
Quote: طلال .. والله داير اسالكم سؤال جادي و من غير زعل .. هل يعني لازم عشان ابقى شيوعي .. أكون زول هامل ..؟! |
حميده ، الشيوعيه دي ما بيقبوها ، ما زي الهندسه والطب ، الواحد "بيكون شيوعي" ، دي بذره في القلب وحاجه في الروح غالباً ما الإنسان بيكون مجبول عليها . أما مسألة الإنضمام للحزب ، فدي بينظر فيها من قبل الفروع والهيئات ؛
| |
|
|
|
|
|
|
Re: CHE (Re: طلال عفيفي)
|
الواحد "بيكون شيوعي" ، دي بذره في القلب وحاجه في الروح غالباً ما الإنسان بيكون مجبول عليها .
أزيك يا طلال ..
عدم حضوري للخامس خلى الروح مشحتفة لحد الليلة
مع انو ابوي حاول يوصل لي المهرجان صوتاً وصورة ..
وانت كالعادة نقلتنا عبر زاويتك الحميمة لمهرجان الزهور ..
تحياتي وودي
| |
|
|
|
|
|
|
Re: CHE (Re: rosemen osman)
|
وجه عمنا التجاني يا طلال مُبَشِّر جداً جداً، وسلامٌ على سلام، في الصورة أم عِمَّة. رغم كل الأعباء واستاندباي الخدمة التي بلا منٍّ ولا أذى، وطويلة الأجل. أما نبي بصحيح. تحياتي لك يا أستاذ التجاني، ولكل المنتدين.
-------------- شكراً يا طلال على الفوتوغرافيا
| |
|
|
|
|
|
|
Re: CHE (Re: محسن خالد)
|
Tallal wrote:
Quote: زي ما قلت في أول البوست والكلام فالتغطيه الفوتوغرافيه دي ما شامله البته ، ولا بتعكس كل الأجواء أو كل المشاهد ، دي نتف صغيرة من هنا وهناك أخدتها في اللحظات القدرت أمسك فيهاالكاميرا ... |
This is why I missed the photo of البنت الجميلة نور الصادق العوض بت نيالا
Million of thanks for this beautiful 'slide show'...
mohamed elgadi Amherst, MA USA
| |
|
|
|
|
|
|
شكرا (Re: طلال عفيفي)
|
Quote: كلهم تبدو فى وجوههم الوسامة وفى عيونهم النجابة وفى قلوبهم الفرح |
شكرا يا طلال
و مبروك للحزب الشيوعى قيام مؤتمره الخامس. ندى
| |
|
|
|
|
|
|
شكرا للحزب الشيوعي السوداني (Re: طلال عفيفي)
|
Quote: شكر وعرفان
بقلم: أتيم قرنق دينق - نائب رئيس المجلس الوطني
بمناسبة المؤتمـر الخامـس للحزب الشيـوعي السـوداني الرفيقات والرفاق، المناضلون والمناضلات تحية ثورية خالدة · يسعدني أن أكون من بين المشاركين في افتتاح أعمال مؤتمركم العام هذا وبلادنا في حاجة إلى تضامننا أكثر من أي لحظة من حقب تاريخنا الوطني. ينعقد مؤتمركم ووطننا في مفترق الطرق بين أن يكون موحداً قوياً مزدهراً متقدماً معاصراً أو إن يتشظى ويتشتت ويصير منسياً مندثراً. · أيها الرفاق أنتم اليوم تعقدون مؤتمركم وأنتم تعلمون الدور النضالي الايجابي الذي قام به حزبكم كفصيل فعال من فصائل النضال الوطني في السودان. إن ما كانت تعرف بمراكز الشبيبة لحزبكم في منتصف القرن الماضي كانت هي الفضائية الأولى في السودان في نشر الوعي عن العمل النقابي وعن النضال الثوري وعن حقوق المواطنة في السودان وعن حقوق الشعوب المضطهدة في أرجاء العالم. فلولا مجهودات حزبكم، الحزب الشيوعي السوداني، فمن أين لنا في السودان في ذلك الزمان الذي لم يكن توجد فيه الأجهزة الكافية من راديوهات الترانستر ناهيك عن التلفزيون، نعم من أين كان لنا أن نعرف عن نضال الشعب الفلسطيني البطل وعن الثورة الجزائرية الفدائية وعن نضال الشعب الفيتنامي المقاوم وعن جهود الشعب الصيني العظيم في بناء أمة حديثة قوية. لقد قمتم بنشر الوعي الثوري عن حركات التحرر الأفريقي، عن عبد الناصر، نكروما، نياريري، مانديلا، سوكارنو، نهرو، جيفارا، بن بله، كاسترو، بن بركة، هوش منه وغيرهم من ثوار العالم. · إن دوركم في رفع الوعي النضالي في السودان هو دور ريادي وقيادي كما أنه لم يسبقكم في نصرة المرأة السودانية أي فصيل من فصائل العمل السياسي أو العمل الاجتماعي في السودان باستثناء الشيخ العظيم بابكر بدري الذي سبقكم في سبيل حق تعليم المرأة السودانية. · أيها المناضلون والمناضلات: لقد تعرض حزبكم من بين فصائل النضال الوطني في السودان لأكثر النكبات والاضطهاد السياسي في أزمنة الحكومات الديمقراطية والحكومات الشمولية، إنها مهزلة التاريخ. نكبتكم كانت أكثر من نكبة البرامكة. ولكن ها هو أنتم اليوم تجتمعون في نصف النهار في قلب الخرطوم والكل حضوراً وشهوداً. لقد تغيرت الكثير من المفاهيم في هذا الوطن بعضها ايجابي وبعضها سلبي. نعم ها هنا أنتم بعد أن عبرتم بحراً هائجاً من حقب التاريخ وها هم أنتم اليوم قد خرجتم من نفق مظلم من فصول التاريخ السياسي السوداني. وهنا مرة أخرى التقيتم بالنور وهنا في قلب الخرطوم التقى "جيل التضحيات بجيل البطولات". · نعم: ولكن إلى أين من هنا نحن ماضون وكيف نضمن وحدة وقوة ورفاهية هذا الوطن؟ لقد تولى عهد تصنيفنا لبعضنا البعض بأوصاف ونعوت عفى عنها الزمن بالضرورة (رجعي، تقدمي، عميل، كافر، ملحد، مجاهد، مؤمن الخ...) نحن اليوم (سودانيون بالمواطنة) نحن اليوم نبحث عن كيفية تقوية تنوعنا وتعدديتنا. إن السودان بحدوده الحالية هو من صنع الآخرين ولكن الاحتفاظ بالسودان بحدوده هذه هو من صميم إرادتنا القومية، ووحدته وديمومة الوحدة هي من واجباتنا الوطنية وعلى ضوء هذا أتمنى أن تكون خطواتكم القادمة هي تحقيق استقرار ووحدة الوطن من خلال التنوع السوداني. * التحية لشهدائكم، عبد الخالق محجوب، الشفيع أحمد الشيخ، جوزيف قرنق وغيرهم من أبناء وبنات وطن النجوم والنيل أتمنى النجاح لمؤتمركم والسلام عليكم،،،
أتيم قرنق دينق 24/1/2009م الخرطوم[/ |
شكرا للحزب الشيوعي السوداني ومبروك قيام المؤتمر الخامس
| |
|
|
|
|
|
|
Re: شكرا للحزب الشيوعي السوداني (Re: Haydar Badawi Sadig)
|
يا ولد يا فنان يا مدهش لقطاتك فيها روح ونطق
كنت متمني أشوف لقطات فردية لمجموعة الكورال ، كل واحد براهو
كنت متمني أشوف لقطات تواصل الأجيال زي لقطة لنعمات خضر وبنتها ولقطة لنعمات كوكو وبناتها زي لقطة محجوب شريف وبناتو الإتنين
اما سارا وسولارا ودينا فماكان في طريقة تصورني معاهن فارقني الصباح قدام باب القاعة وطفقت اراهن من على البعد غاديات ورايحات
كنت عايز لقطة تجمع نقد مع هنادي او مع أميرة عثمان وتكتب تحتها السكرتير العام السابق مع السكرتير العام
وذلك في المؤتمر السادس
| |
|
|
|
|
|
|
Re: شكرا للحزب الشيوعي السوداني (Re: أبو ساندرا)
|
سلام يا محمد القاضي وتحياتي
Quote: البنت الجميلة نور الصادق العوض بت نيالا |
والله انا برضو افتقدت نور وياريت واحد ينزل لينا مزيدا من الصور من بينها صور الاستاذة نور صادق الروح لسه مشحتفة في الخامس
| |
|
|
|
|
|
|
|