|
Re: هالة الأحمدى ...وحاتم الياس؟ (Re: Tumadir)
|
Quote: هالة الأحمدى ...وحاتم الياس؟ |
وليه ما حاتم الياس وهالة الاحمدي
مبروك للاستاذ حاتم..والعروسة هالة
وعامرين بالمودة انشالله
تاني فولك المجمغمس داك تاكل نصو وتودي نصو لي نصك الحلو ..
| |
|
|
|
|
|
|
Re: هالة الأحمدى ...وحاتم الياس؟ (Re: طارق جبريل)
|
تماضر ..أشكرك ياست الناس لحدهم وحدهن..
والجميع فرداً فرداً الا أن نأتى على زكر الأسماء العزيزة على قلوبنا من الأصدقاء ..أشكركم على المشاعر الدافئة والجميلة التى غمرتمونا بها
هذا المكان غاية الروعة بكم
| |
|
|
|
|
|
|
Re: هالة الأحمدى ...وحاتم الياس؟ (Re: طارق جبريل)
|
ألف مبروك .. زواج سعيد و حياة أسعد
هل هالة الأحمدي هي شقيقة أحد اصدقائنا أبوبكر الأحمدي رحمة الله عليه .. لقد كان زميلا وفيا في جامعة الخرطوم.. و كان شخصية تلمع بالثقافة و بيننا نقاش في الفكر و الشعر رغم الخلاف لم يكتب الله له الإستمرار ..
على العموم ...
أسرة جديدة و بيت نزل من السما عقبال أي عازب ..
| |
|
|
|
|
|
|
Re: هالة الأحمدى ...وحاتم الياس؟ (Re: elsawi)
|
تماضر ..أشكرك ياست الناس لحدهم وحدهن..
والجميع فرداً فرداً الا أن نأتى على زكر الأسماء العزيزة على قلوبنا من الأصدقاء ..أشكركم على المشاعر الدافئة والجميلة التى غمرتمونا بها
هذا المكان غاية الروعة بكم
| |
|
|
|
|
|
|
Re: هالة الأحمدى ...وحاتم الياس؟ (Re: Tumadir)
|
الحاجة الغايظانى إنو نحنا مشينا فى الويكند لنيويورك لقينا الناس ديل عرسو!!! يعنى لو كنا واصلنا لواشنطن كان لقيناهم فى الحج ولاشنو؟
غايتو مبروك.
وياحاتم لو عايز نصائح فى :
كيف تنجو فى عالم الجندر العبد لله خبير.
وشكرا ياتماضر على البوست
| |
|
|
|
|
|
|
Re: هالة الأحمدى ...وحاتم الياس؟ (Re: Esameldin Abdelrahman)
|
الليلة ياحاتم الياس
الجماعة ديل كلهم بتقدروا تعشوهم
انا طقيت الخبر فى الحلة ....ما متوقعة احبابكم قدر ده...
يا أصدقاء كل الناس
الف مبروك لكم ..
وشكرا لكل الناس
المفطوطين بيجيهم العريس أو العروس ..بعد قطع الرحط .نباشرة ...فأرجو ان تحسوا بأنكم فى بيتكم
وتواصلوا الافراح ..
| |
|
|
|
|
|
|
Re: هالة الأحمدى ...وحاتم الياس؟ (Re: عاصم محمد شريف)
|
ايدية كدة حاتولى الرد على بعض التساؤلات
اولا هالة ...وحاتم ولاد خالات ..وولاد عمات فى نفس الوقت
د.هالة محمد عبد الماجد الاحمدى ( والدها المرحوم الباش مهندس محمد عبد الماجد (السيد) الاحمدى..
وهى ابنة خال الشهيد : ابوبكر الاحمدى ...والسفير عبد الماجد الاحمدى عمها ...
حاتم : ود عمتها ...انفريابى ..رواسى ...قطينيابى (معوكابى ..حذفت للقافية)...لكن حكمة الله مثقف ..وناقد ..واديب (لى درجة انو واحد صاحبنا كان داير يطعنوا..عشان ثقافتوا دى)
انا فرحان ليهم ..فرحا قدر الدنيا ..
وكان فى زولا عندوا كرباج فى البورد ده ..كان خليته (باطننى)....
| |
|
|
|
|
|
|
ألف ألف مبروك (Re: Tumadir)
|
Quote: (زغـــــــــــــــــــــــــــــــــــــروووووووده) |
تمنياتي الصداقة والحارة للأخوين
هالة الأحمدي حاتم الياس
وربنا يبارك لكما وبيت مال وعيال
| |
|
|
|
|
|
|
Re: هالة الأحمدى ...وحاتم الياس؟ (Re: Tumadir)
|
باللهي العظيم عرس تقليدي بشكل شوفو جنس ده :-
Quote: يعنى لو كان الكلام ده قبال شهرين بس مالو؟ عشان كنا نكمل البهجة (كاهل عريس) وننقز فى الباوقة والدكة والقيقر ..ويمكن حلة يونس كمان ..ويوم العرس ..(كاهل عروس) ...جامع الاحمدية ..والمنشية ...وبربر ...ونزوركم ود (اب خف ..البيقول للبلاء كف)....ويكون مهرجان .. انقرياب ..هواوير ..احمدية ..راسخاب ...قطينياب ...شرفة ...تماسيح ...سليناب...رواويس
وكان يمكن لى هسة ما تتفكوا مننا......
مليون ...مليون .. مبروك
وابقوا عشرة على بعضكم .....
باقى الليل ده ..بديكم سلك
|
وكمان موغل في التقليدية لي درجة انو تماضر ذاته تحت تحت كده طلعت تبع الاهل :-
Quote: العزيزة تماضر
you just made my day
بعدين حاتم ده ما جارك فى الثورة بس ..نحن حاسبنك بربراوية ..ولا ما كدة ..
|
هاهاهاهاهاهاهاهاها كتر خيرك يا عاصم كته ياخ حسمته ماذون أحمد العربي وطلعته الكلام فشوش واهالي وناس بيتنا عايزين بتكم لي ولدنا هاهاهاها عشان ما يجوا يقولو لينا اصلاً نحنا اتعارفنا في سودانيز والعلاقة اتوطدت واهو بقينا قريبين من بعض لحدي ما وصلنا للقرار ده (اصلاً موضوع اعراس سودانيز دي هددت تفكيرنا عديل كده وكتار بقو يكتبو في يدهم شبكة مش قلم) هاهاهاهاها وعشان تاني حاتم ما يجي يقول لي :- النظرية المعرفية والتقدم والحرية الفكرية وحرية الاختيار بطل بقي ياحاتم الموضوع طلع فيهو (بطان ومباطنة) عرس تقليدي بشكل ولو ما اعدتوهو با الحركة (البراحه) وكلمتوناوجبتو فرح ده من أمريكا سيظل عرس المثقفين التقليدي لابد الدهر . عشان تاني . مبروووووووووووووووووووووووك قلتها عديل كده لي هالة بس حاتم ده لسع ما داير يفتح تلفونو يا كته .
| |
|
|
|
|
|
|
Re: هالة الأحمدى ...وحاتم الياس؟ (Re: سفيان بشير نابرى)
|
يا سفيان : كدى اطلع منها ..يمكن الزول ده يرضى يفتح تلفونه
اما صاحبك فرح : انا قاعد فى البلد دى لى ستة سنين ما لاقيته..وقبال شهرين مشيت السودان ..سافر بعد يومين ..اها ده باقى ليك يلموا فيه كيف؟
تحياتى واشواقى الجمة
وسلام لى كل الاصحاب
| |
|
|
|
|
|
|
Re: هالة الأحمدى ...وحاتم الياس؟ (Re: Tumadir)
|
.
تماضر يا وجه الخير
Quote: نادوا لينا البنا
يبنى لينا الجنة
بالكتاب والسنة
عقدوا لينا أهلنا
نرمى طوبة حب...
وفيها طينة محنة ....
|
أمانا البنّا ده ما فتر السنة دي داير ليهو بنّا تاني للتقيل الورا
Quote: وعقبال كل العزابة ..
(زغـــــــــــــــــــــــــــــــــــــروووووووده) |
أيو يو يو يوووووووووووووووي
يا حاتم إلا أكتبها والله ما بعرف
مبرووووووووووووووووك وليك يا هالة
| |
|
|
|
|
|
|
Re: هالة الأحمدى ...وحاتم الياس؟ (Re: fohamer)
|
منى خوجى..الرائعة حسين ملاسى...(ماسمعتنى يوم كوركت ليك ياهندسه فى المقرن وأنت صديق أساسى قبل الكراسى..) أبو الجاز (أحمد محمدين) حبيينا الذى أنتقل من الدوديات لأمستردام كمال عباس أبومهيار دز المشرف محمد عبد الرحمن أستاذنا.محمد المرتضى حامد (أولئك رجال تعلمت منهم الكثير..وعادل مختار معى دائماً) بت ملوك النيل..لنا مهدى تولوس الأخت تراجى مصطفى الأخ محمد سليمان النصرى أمين عبد الرازق الطالب (سعدت بعودتك جداً.يبدوأنو فكتنا تمت بشكل جماعى أعمل حسابك ود الباوقة أبن خالى لزم يعنى زى ماقال بشاشا رد الله غربته يسار يمين..أنظر حولك..جلابه ههههه) الأخ محمدين أسحق عادل عثمان بكرى أبوبكر الصديق البشوش...أشكرك على الباسورد الأخير (ههههههه) الأخ جنى الأخ نصار نازر محمد خليفة (باسم الثغر وضاح المحيا) العزيز ياسر طيفور حاتم أبراهيم (أياك لاباس) المبدع عاصم البنا....جضمت الحقيبة لمن أمنت صديقى فرح الأخ النسر الأخ حيدر قاسم فاروق حامد محمد الملك..ملك عبد المنعم الرزوقى محمد حسن العمدة (بود كنون..والتكاوى أسأل عمر المكى) ياقريبى الملاحى هههههه
عاطف محمد زكريا ياسر عبد القادر عبده عبد الحميد جاد الله أيمن تابر خدر ( أمانه ماأتجندر راجل) الأخت سناء خالد أستاذى/عجب الفيا كوستاوى عبد الرحمن عزاز تقديرى وحبى ياجميل الأستاذ شمس الدين السنوسى الأخ راشد الحاج الأخت الراقية صفاء فقيرى الأخت سلوى صيام الأستاذ منصور المفتاح الأخ محمد الأمين موسى كوفى مبدعنا اسامة الخواض المسافر الأخت دوما الأخ حاج حامد
لكم جميعاً شكرنا وتقديرنا لما غمرتمونا به من فيض أحساسكم الجميل
| |
|
|
|
|
|
|
Re: هالة الأحمدى ...وحاتم الياس؟ (Re: Tumadir)
|
Khalid Kodi كتب
Quote: وياحاتم لو عايز نصائح فى :
كيف تنجو فى عالم الجندر العبد لله خبير. |
الغلبتو جندريتو جا "يتخبرن" في جندريات الناس
مثل من حى ود ازرق
قوم كده تلقاك اليوم كلو يرسلو فيك (زى خدر) و تتطاقش من بامبرز لى بزة
عالم نفاخة ساكت
| |
|
|
|
|
|
|
Re: هالة الأحمدى ...وحاتم الياس؟ (Re: esam gabralla)
|
شكرا تماضر... هنيئا لك بنصفك صديقنا الشفيف حاتم... الف مبروك يامن احترفت الانتظار بخشوع وصمت لتتوسد السعادة بكل قلبها... فحتي لاتهدأ ثرثرة قلمك عليك بان تحمل الوطن والحب حقيبة بعد أن أصبح لك بابا وجناحين... الف مبرو هالة... سلملم...
| |
|
|
|
|
|
|
Re: هالة الأحمدى ...وحاتم الياس؟ (Re: Tumadir)
|
هالة عبد الماجد ياصديقة الطفولة والصبا 1000000 مبروك بيت مال وعيال وانشاءالله العديلة تقدمك وتبراك لم تسعدني الظروف بمعرفة الاخ المحظوظ حاتم ولكن يكفي انه اختيارك ياجميلة لكم الود وخالص المعزة وفي درب الحياة الطويل غدا نلتقي ياصديقتي
| |
|
|
|
|
|
|
Re: هالة الأحمدى ...وحاتم الياس؟ (Re: Tumadir)
|
تماضر ملحتينا وكمان دايره تزوغى من عشا الفنانين
مبروك د. هاله .... وشكرا للعريس ود البجرد الالفية ما فتح لى زى الغالية تماضر .... ولى سؤال عن بشير عبد الماجد الاحمدى هذا الرجل له دين فى ذمتى وهو رفيق كفاح موسيقى قديم لا انساه ما دمت حيا ... له التحية واحترامى اينما كان
وتانى مبروك وربنا يهنيكم بى بعض ...
اسمك بالاف انت المنسل حر ابواتك ملوك زى الكواكب غر بالباء باينه فيك تغوة ومهابة تسر بالراء راسى ديمه عليك جلال ونصر....
ودى زياده ..........
حمر زداد فوق حدودو ومرق السابلات عروضو عبداللع يبلغ قصودو ومتل حاتم يحكو جودو
بريدو ود شيوخ البطانه
| |
|
|
|
|
|
|
Re: هالة الأحمدى ...وحاتم الياس؟ (Re: ASIM AL BANNA)
|
من سنين وسنين... طويله...... على الدوام... كنت فى جواى ملامح صاحيه فى عز المنام... فتشت عنك فى صحابى فى الغنى ورد السلام... فى شرايين... القصيده ..........سألت عنك ... فى المحطات.... البعيده..........سألت عنك... وكنت قدامى ومعاى تصحى وتنومى تحت عيونى.. وتسرى فى اعماقى.....وتسبحى...... فى دماى ... زوجين ............ حبايب نحن.. عصفورين وناى... دابو............ ابتدأ..............العمر الجميل... تعبت من شد الرحال... ..تعبت من.. تعب الرحيل....... يا أجمل الكلمات احبك..يا ملاذ القلب من حزنا طويل... ................................................ كنتى وين العمر كلو ..كنت وين ..وانا فى انتظارك من متين..
اجمل الامانى للحبيبين ..هاله\حاتم..وتمنيات بدوام الحب ..والروعه.. شكرا تماضر على الفرح المعبأ فى بوستك..
| |
|
|
|
|
|
|
Re: هالة الأحمدى ...وحاتم الياس؟ (Re: هاجر سيد احمد)
|
والله يا جماعة لو كنت عارفة القصة دى مفرحة كده ..كنت عقدت ليهم براى ..
أشكر كل من شكرنى على الفرحة ، والفضل يرجع للعرسان اللذاذ ..
وأشكر كل من دعا لى بالخير ..دعوتكم مستجابة يارب (خصوصا منصور المفتاح) (ياراجل انا أولادى بدوا يتلفتوا "للجنس الآخر" تقولى عقبالك؟؟
اشكر كل من "عاصم البنا" . لكن الشكر بتاع (كتر خيرك وبارك الله فيك) حقة الأمهات ديك....لأنه خمانا فى الغنا ..وسواها لينا كتابة ..الكتابة دى غلبت ليها زول فى البورد ده؟؟
وأشكر كل من حسدنى على جيبة الخبر، الصاحب العروس فيهم منو؟ فــشـــــــــر!!
وأشكر كل من تولى مسئولية الرد على المعازيم لو كان العريس أو العروس أو من اهل الطرفين او أصحابهم أو بعام "وكل خير وأنتم بعام"...
وأشكر ربنا لأنه بعد أحزاننا بتجى أفراح..
| |
|
|
|
|
|
|
Re: هالة الأحمدى ...وحاتم الياس؟ (Re: طارق أحمد أبوبكر)
|
ابن العم الكريم حاتم الياس ..
بت بربر الكريمة هالة الاحمدي .
الف مبروك لكما ... جعله الله زواجا مباركا وبالرفاه والبنين ان شاء الله . والتحية عبركما لكل اهلنا في الباوقة وبربر الدكة . ودمتم بالف خير .
ود الباوقة
| |
|
|
|
|
|
|
Re: هالة الأحمدى ...وحاتم الياس؟ (Re: Tumadir)
|
مبروك للعروسين
حاتم..
لو سمحت الظروف ووقفت معاي زي ما وعدت
كنت انتظرت عرسك
بس انت ما كنت تعرف اني زميلة لك في المنبر
وانك استجبت لطلب المساعدة الذي قدمناه من خلال أعضاء المنبر العام
وما وفيت يا حاتم؟
حاتم..
عشان انت عريس
لكن..
أياك تقصر في العروس
| |
|
|
|
|
|
|
Re: هالة الأحمدى ...وحاتم الياس؟ (Re: Tumadir)
|
ألف مبروك لهالة الأحمدي وحاتم الياس وان شاء الله بيت مال وعيال ..
(حاتم ، جيب اضانك : والله ما دام انتَ عرستَ ، معناها الموضوع ده ساااااااهل ،، موية بس) ههههههههههههههههههههههههههه
مبروك يا مان
| |
|
|
|
|
|
|
Re: هالة الأحمدى ...وحاتم الياس؟ (Re: السمندل)
|
----------------------------------------- نحن جئنا اليك يا أمها بالزين والعديل المنقى حاملين جريد النخل فألا على اخضـــرار ورزقـا محمد المهدي المجذوب
مبروك لهالة مبروك لحاتم000
| |
|
|
|
|
|
|
Re: هالة الأحمدى ...وحاتم الياس؟ (Re: Nasr)
|
شكراً للجميع..أشكركم سمندل...............ساهل بس ماتكتر (السرد) ههههه..أفتقدك والله
عصام جبر الله (طارق عبوش...بن عبيشه) تصدق كنت متوقع تهنيتو دى من خلالك ..صديقى الجميل (بن عبيشة)..
| |
|
|
|
|
|
|
Re: هالة الأحمدى ...وحاتم الياس؟ (Re: MUNA OBIED)
|
حبينا واخونا وصديقى اللدود منذ الطفوله اجمل التباريك والتهانى للمره الاف بتنا ست البنات هلوله البت الراقيه اللطيفه المهذبه كل الامانى بحياه زوجيه سعيده وما تنسى وصيتى ليك انو صاحبى حاتم جنو مراسيل عليك الله شويه مويه عليك الله ولعه عليك الله جيب لى معاك مشط
الف مبرووووووووووووووووووووووووووووووك هاله وحاتم
| |
|
|
|
|
|
|
|