|
|
|
 Re: أها ..عملتو شنو بى وراى؟ (Re: abubakr)
|
لا تسألوا عن أشياء ان تبدى لكم تسؤكم
يا ابوبكر ...
الشكية لغير الله مذلة
لكن محمد ويسرا ديل اتنين يافعين فى بيتى ..قولو كده وأكبروا وأبقوا 14 و13
الولد الاكبر
حماك الله ...
اجرى بى وراهم زى السخلة ..من لعبة كورة لى فرقة موسيقى لى "جمعية الشباب" لى فصل الفنون لى اجتماع المدرسة ..
وبشتغل اجارك الله شغلتين واحدة بالصباح واحده طول الليل .. والوصية بالتلفونات
وبعد داك امسك يالموديم اسكت
طلبنا غيره من شدة ما جاريين ما ركبناه الا امس ...
الله يجيب العواقب سليمة غايتو..
شكرا على السؤال ولو الاجابة ما عجبتك ممكن ترجعها بالميل (دى شافاها من ناس الموديم)
| |
 
|
|
|
|
|
|
|
|
Re: أها ..عملتو شنو بى وراى؟ (Re: Tumadir)
|
أيييييييك
عملنا العمايل في زمن الهجايم
أسكتي ساهي
كدي أسمحي لي بالرقصة دي هسة
أمانة ما جاطت الخلق و انتي البعاد
حتي السما الليلة ناحت أنجمـا
وانتي البعاد
حتي الشجر جافاهو في ليل المطر
وانتي البعاد
أِييييييييييييك
غيابك كعب
بس أوعي تقولي لي انت الأكعب
كعب البعـاد
يا الغايبة في أقصي البلاد
والله تشتهيك المداين
والسفاين
والجناين
لكن الزمن يا غالية خاين
و يااااااااااااه يا زمن
بالمناسبة
جيداً جيتي
وعاد لاتشوفي شر
| |
|
|
|
|
|
|
|
|
|
Re: أها ..عملتو شنو بى وراى؟ (Re: حبيب نورة)
|
أها يا حبيب نورة
جنس نظمك ده هو الخلانا نحب البورد ده ..
والاشواق موصوولة يا حبيب نورة ..
وانتى البعاد دى عجبتنى ..لانها تعبير خاص بيك ..وواصل المعنى ..
فتحيات صادقة ومرحبتنين حبابك ...ما حأقول ليك انت الأكعب لكن بقول ليك انت الأجود 
| |
|
|
|
|
|
|
|
|
|
Re: أها ..عملتو شنو بى وراى؟ (Re: عوض حمزة)
|
أختى العزيزه تماضر
حمد الله ع السلامة....
محل ماكنتى ....
الزمن أصبح كعب....
والنفوس أكعب...
إذا سافرتى البلد مصيبة...
وإذا سافرتى سويسرا مصيبتين....
آخ يا زمن....
سعدت برأيتك بسنترال بارك بنيويورك فى ميوم التضامن مع ضحايا دارفور...
أخوك
أسامه خلف
| |
|
|
|
|
|
|
|
|
|
Re: أها ..عملتو شنو بى وراى؟ (Re: أسامة خلف الله مصطفى)
|
| Quote: سعدت برأيتك بسنترال بارك بنيويورك فى ميوم التضامن مع ضحايا دارفور... |
نحن الأسعد والله برؤياك ..وقد كان يوما جديرا بالحضور ..
اما كعوبية الزمن ده فحدث ولا حرج ..
الزول بس بقى يتفرج ..ويقول انا فى حلم ولا فى علم ...
مع انه الفرجة ضارة بالكثيرين من المستضعفين ..لكن فقدنا خط الرؤية وفى غبار كتير فى الجو الواقع ..بين الحقيقة والخيال ...
أدعك عيونك زين
| |
|
|
|
|
|
|
|
|
|
Re: أها ..عملتو شنو بى وراى؟ (Re: عوض حمزة)
|
أولا :
مرحب بي عودتك كتير و البورد نَور
تانيا:
ما تغيبي كدا تاني
تالتا و الأهم:
بسرعة حا اديك رؤوس مواضيع لجزء من للشمار الفاتك
1/ بمناسبة العيد و السنة الجديدة عمك الريس أطلق دعوة رائعة للتسامح و فتح صفحة جديدة و عودة جميع الموقوفين لأسباب إدارية
كانت نتيجتها عودة ميمونة لأقلام رائعة, منها من عاد مباشرة و بعضها تقل علينا شوية و الباقين لسة
2/ أوسلي عقد إنتخابات (مسرحية) لنجم المنبر 2006 و حصل ناذر على أعلى الأصوات يليه لؤي و معاذ بعدين عمل إنتخابات لطيش المنبر , قام وليد رشح عمك بكري, طوالي عمك ما كضب قاليهم ما دام قلتوا كدا , تموا التصويت في الخور. وحاليا التصويت مدور بي هناك و إن كان الإقبال مش ولا بد
3/ ناصر البطل أخد وورننغ ( لكن ما تسأليني ليه)
نواصل بعد شوية
| |
|
|
|
|
|
|
|
|
|
Re: أها ..عملتو شنو بى وراى؟ (Re: محمد البشرى الخضر)
|
| Quote: مرحب بي عودتك كتير و البورد نَور |
محمد البشرى خضر
نور الله عقلك ...
تصور حأغيب ...للأسف يعنى ..طالما البرنامج (المذكور أعلاه) ما تغير ..لكن بحاول ان شاء الله ..
| Quote: بسرعة حا اديك رؤوس مواضيع لجزء من للشمار الفاتك |
انت يايابا ..تلقى الفى مرادك ...أها ...
Quote: 1/ بمناسبة العيد و السنة الجديدة عمك الريس أطلق دعوة رائعة للتسامح و فتح صفحة جديدة و عودة جميع الموقوفين لأسباب إدارية
كانت نتيجتها عودة ميمونة لأقلام رائعة, منها من عاد مباشرة و بعضها تقل علينا شوية و الباقين لسة |
والله خطوة بالغة فى الرقى ..وكويس انه أعرف انه "أقلام رائعه " عادت تلك الميمونة ...(اذكر منها ثلاثة اقلام ...) لا لكن خبر مفيد وفريد ...
Quote: تالتا و الأهم:
2/ أوسلي عقد إنتخابات (مسرحية) لنجم المنبر 2006 و حصل ناذر على أعلى الأصوات يليه لؤي و معاذ بعدين عمل إنتخابات لطيش المنبر , قام وليد رشح عمك بكري, طوالي عمك ما كضب قاليهم ما دام قلتوا كدا , تموا التصويت في الخور. وحاليا التصويت مدور بي هناك و إن كان الإقبال مش ولا بد |
ناذر يستاهل وألف مبروك ليه ..انا شفت البوست ده لمحة واندهشت لما لقيت زول مرشحنى ...لأنى ما كنت مواكبة فى المنبر وما كان من حقى انافس
على كل حال اللقب "حقى" ..لانه انا كنت أول نجمة للمنبر يرشحوها ويتفق عليها الاغلبية ..وكانت لفتة لا تنسى ..ما زلت احتفظ بحلاوتها ..فى الحلقوم ..مبروك لناذر ..وحسة من دربى ده امشى على الخور ..أغربل باقى الشمار هناك ...
.| Quote: 3/ ناصر البطل أخد وورننغ ( لكن ما تسأليني ليه) |
ههههههه الذ خبر ..بس المهم هو ما يكون اتلوم ليه فى زول .....(اللوم بجى بالغفلات) لكن عجبتنى وورنيغ دى خالص خالص
شوية دى عندكم كم بالدولار؟ ما كفاية ؟؟
| |
|
|
|
|
|
|
|
|
|
Re: أها ..عملتو شنو بى وراى؟ (Re: عوض حمزة)
|
انت الأبق يا عوض حمزة
انا رايح لى فندك ..عديل كده ..
زمان فى واحد بجى يقول فى جنو فى جنو ؟؟ قاصد فى شنو؟
لمن سموه فجنو ..
فحسة انا فى حالة فجنوة شديدة ..وطاشة طشة العدو من المنبر وناسو ..
مراحب
| |
|
|
|
|
|
|
|
|
|
Re: أها ..عملتو شنو بى وراى؟ (Re: nourelhadi awad)
|
طبعا أحلى حته استعمل فيها "السودان" كلمة يعنى هى فى أغنية محمد الامين ..شال النوار ..وطبعا بقععععععدها هو لمن تقوم ليها أجنحة:
يعنى ...........نسيتنا خلاص؟
مع انك انت الخليتنا ..
نغنى الحب فكرة واخلاص
يانور الهادى عوض .....فاهمنى انت؟
| |
|
|
|
|
|
|
|
|
|
Re: أها ..عملتو شنو بى وراى؟ (Re: Tumadir)
|
أييييييك و الله يا تماضر عملنا كترة حاجات
ياخي النت ده حاجة غريبة خلاص
والله لمن شفت البوست حقك
إنبسطت بسطة شفتك عديل
مش حاجة غريبة إنو يكون في ناس عمرك ما لاقيتهم
تكون متأكد إنهم أصحابك و تشتاق ليهم
و تفرح لمن تلاقيهم
لا حولااااا
أنا أظني بحبك شديد خلاص يا تماضر
إزيك ياخ
مشتاقين
| |
|
|
|
|
|
|
|
|
|
Re: أها ..عملتو شنو بى وراى؟ (Re: fadlabi)
|
| Quote: أنا أظني بحبك شديد خلاص يا تماض |
لا انت ما أظنك ..
ات بتحبنى لأنى بحبك ..وبعرفك بدون ما ألاقيك ..معجبة برسمك وشعرك وجنك وصحبتك لى قرمبوز صاحبى "برضو ما لاقيتو تصدق"؟
ومتابعة حبك للبت الفرنسية وزواجكم والبت ..وهى فى الرحم ..ومرقت بره أجمل ..متابعاك يا فاضلابى وحاباك وبكون أسعد وكت فى حياتى انه أشوف الاصحاب السيبيريين زيك كده ..وأكتمل ..خيالا وواقعا ...وحتى لو ما تلاقينا ..ضامناك
ضامناك دى وقعت ليك؟
اخو وأخت ..وكل حاجة ..يا مرحبا بالمحبة ...
| |
|
|
|
|
|
|
|
|
|
Re: أها ..عملتو شنو بى وراى؟ (Re: Tumadir)
|
Quote: لا حولااااا
أنا أظني بحبك شديد خلاص يا تماضر |
وأنا ذي فاضلابي ده -مع إنو خليت صحبتو- في الشديد .
بكره بجي اوريك الحصل شنو ؟
كدي نمشي حفلة ناس "ابوساندرا " دي ونجي !
علي العموم اتيتمنا بعدك .
| |
|
|
|
|
|
|
|
|
|
Re: أها ..عملتو شنو بى وراى؟ (Re: Ibrahim Algrefwi)
|
يلا جيتك تاني..
4/ لا زال الحبشي مزازي محسن خالد
5/ بشاشا لسة شايل فرمالاتو و حايم بيها
6/ بورداب الخرطوم مواصلين في الإبداع و التألق
7/ دينق زار السودان بعد 17 سنة و رجع أمريكا مسخن , دور في الظلاميين من تاني يوم
8/ الجمهوريين أحيوا ذكرى رحيل الأستاذ بطريقة ملفتة - بس ما متأكد له و لا عليه
9/ د.بيان رجعت المين البورد بخجل, لكنها إعصار في الخور
اكمل باكر إنشاء الله
| |
|
|
|
|
|
|
|
|
|
Re: أها ..عملتو شنو بى وراى؟ (Re: محمد البشرى الخضر)
|
Ooooooops
كنت حا أنسى أهم خبر
10/ خالد كودي طلع مستلب زينا - حسب بشاشا
11/ حكاية كودي دي طلعت أساسي من عزلته و خلته يكسر قدسية ستاته الأربعة و جاهم شمتان
واحدة أخيرة
12/ الحبشي فاكر تبارك أخوك Female
يلا صباحاتكم بيض
| |
|
|
|
|
|
|
|
|
|
Re: أها ..عملتو شنو بى وراى؟ (Re: محمد البشرى الخضر)
|
Quote: يلا جيتك تاني..
4/ لا زال الحبشي مزازي محسن خالد
5/ بشاشا لسة شايل فرمالاتو و حايم بيها
6/ بورداب الخرطوم مواصلين في الإبداع و التألق
7/ دينق زار السودان بعد 17 سنة و رجع أمريكا مسخن , دور في الظلاميين من تاني يوم
8/ الجمهوريين أحيوا ذكرى رحيل الأستاذ بطريقة ملفتة - بس ما متأكد له و لا عليه
9/ د.بيان رجعت المين البورد بخجل, لكنها إعصار في الخور
اكمل باكر إنشاء الله |
ده بورد ولا سوبر بول ... وهو محسن خالد رجع البورد؟ ...بختنا كان كدى ..."لاحظ كدى وما كده" ..
اخبارك لذيذة ...واصل
| |
|
|
|
|
|
|
|
|
 Re: أها ..عملتو شنو بى وراى؟ (Re: Ibrahim Algrefwi)
|
وأقول ليك
يا الرائعة أنت الأروع
ألف حمد لله على السلامة
عشان كدا منبرنا نور
وبيتنا نور وحلتنا نورت
ويا ناس الحلة هوى 00 تماضر رجعت بالسلامة 0
وألف ألف مرحب 00
والله ليك وحشة 00 ايتها الفنانة الأصيلة 0
مع مودتي 000
| |
|
|
|
|
|
|
|
|
|
Re: أها ..عملتو شنو بى وراى؟ (Re: Ibrahim Algrefwi)
|
Quote: كدي نمشي حفلة ناس "ابوساندرا " دي ونجي !
|
كدى قبل ما اشاكلك فى عدم سؤالك عنى فى غيابى ..ابو ساندرا -ماشاء الله تبارك الله- عندو حفلة وين والمناسبة شنو؟
ياحليلك يا قرم ..مشتاقيييين ..
وكان خليت صحبة فاضلابى ..الترابة فى خشمك
المتل الفاضلابى بخلو صحبتو كان ما الغبا؟
| |
|
|
|
|
|
|
|
|
|
Re: أها ..عملتو شنو بى وراى؟ (Re: Tumadir)
|
محمد البشرى ,,
دا كلام شنو دا :!!!!
| Quote: 2/ أوسلي عقد إنتخابات (مسرحية) لنجم المنبر 2006 و حصل ناذر على أعلى الأصوات |
شنو يعني إنتخابات مسرحية وكمان خاتيها بين قوسين ؟!!!
دا تشكيك في نجوميتي ولا شنو ؟!!
صنفرة :
حمدلا على سلامتك يا تماضر !
معليش بس قلت إتشنج مع محمد البشرى دا شوية
| |
|
|
|
|
|
|
|
|
|
ما عملنا حاجة غير علالتنا القايمة فوق دي (Re: ناذر محمد الخليفة)
|
الجميلة
يعني السلك دا مالو؟
يعني كان دقيتي حيحصل شنو أكتر
من دقة كندا؟
و للاّ أقول ليك: محمد و الجبل
ساقيتهم لسة مدورة؟
.
.
.
.
كان الله هون بنشوفك قريب، و ما تنسي
تسلمي لي على الحلفاء الاربعة
في القبل الأربعة و الأيست كوست!
ود من سرمد و أشواق ملونة
| |
|
|
|
|
|
|
|
|
|
Re: أها ..عملتو شنو بى وراى؟ (Re: ناذر محمد الخليفة)
|
Quote: شنو يعني إنتخابات مسرحية وكمان خاتيها بين قوسين ؟!!!
دا تشكيك في نجوميتي ولا شنو ؟!! |
والمسرح مالو؟
قايلنا ما بنعرف "نصنفر" ولا شنو؟
مبروك النجومية ..
طبعا بينى بينك كده مش فيها كسرة ضهر؟
انا لمن بقيت نجمة داك ..كنت مصاقرة الكمبيوتر ليل ونهار ..مدمنة عدييييل كده ..وبعرف الناس بالاسم ..وأكتب واهزر واضحك وابكى وأحزن بالكيبورد..
لكن نحنا ناس محمولين "على آلة حدباء" ...ما بنقدر
ان شا الله نجم البورد تلاته سنين ..يابركة الله ..
بعد داك بتكونوا بقيتو تلاته ..ما حتقدر عليها
| |
|
|
|
|
|
|
|
|
|
Re: أها ..عملتو شنو بى وراى؟ (Re: Hussein Mallasi)
|
سلام يا تماضر..
وألف حمدالله على السلامة..
طلّّتك بالدنيا..
وما فاتك شي..
نفس الونسات..
الأغنيات..
الشكلات..
والإعتذارات..
ومزيد من....الإعتذارات..
مافي زول في البورد ده ما شاكلوه ...وإعتذروا ليهو..
ومافي زول ما شاكل وبعد ما إتفشّى ...إعتذر..
ولهذا إعتذر لك وبشدّة يا تماضر.. عن غيابك..
واتوقع منك ..إعتذار عن ذات الغياب..
وإلا... ده مايكون سودانيزاونلاين..
ًWelcome Home
| |
|
|
|
|
|
|
|
|
|
Re: أها ..عملتو شنو بى وراى؟ (Re: نجوان)
|
Quote: نفس الونسات..
الأغنيات..
الشكلات..
والإعتذارات..
ومزيد من....الإعتذارات..
مافي زول في البورد ده ما شاكلوه ...وإعتذروا ليهو..
ومافي زول ما شاكل وبعد ما إتفشّى ...إعتذر..
ولهذا إعتذر لك وبشدّة يا تماضر.. عن غيابك..
واتوقع منك ..إعتذار عن ذات الغياب.. |
والله يا نجوان ..اعتذر عن غيابى ..واقبل اعتذارك ..واقبل اعتذار اى زول يعتذر لى ..وانتى كمان أقبلى ...
ودى لمحة لذيذة منك ..
نحن زماااااان كنا ما بنتشاكل ..
قامت المواضيع كبرت ..بدت الانياب تبرز ..
شوية شوية جات مواضيع رهيبة زى الحجاب ورقصة العروس والعنصرية والاستعلاء ...وأخيرا موضوع دارفور
الناس اتفركشوا حته حته ..
يعنى فى ناس منفوخين من الزعل ..من ما يشوفوا اسم معين ..يجوا شايلين كيبوردهم ويضربوا بيه الاسم ده فى وشو...
اها دى البحلها شنو تانى؟؟ الله يبارك فى الاعتذار ...
الناس مافاهمين انه الدنيا دى ما ملك زول ولا الفكر ملك زول ولا فى شى حيقيف ...الخير والشر ...الا الناس يجتمعوا عليه.......
شكرا حبيبة.....
| |
|
|
|
|
|
|
|
|
|
Re: أها ..عملتو شنو بى وراى؟ (Re: Tumadir)
|
تماضر العسل
فقدننننننننننننناك كثييييييييييير
| Quote: أها ..عملتو شنو بى وراى؟ |
اصبري شوية وبتعرفي الحاصسل ما عاوزليهو
درس عصر ،،،
نورتي وكلنا فرحانيين بيك
اها كيف الجماعة
واخبارك
الله يسلمك
ويعافيك
والاحوال
ان شاء المحنة ما تتقطع
وان شاالله مافي زول ابقى غداه والله عشاة
وناس حاجة
وامهم
... الخ
عميق مودتي يا جميلة //
| |
|
|
|
|
|
|
|
|
|
Re: أها ..عملتو شنو بى وراى؟ (Re: خالدة البدوي)
|
| Quote: فقدننننننننننننناك كثييييييييييير |
خالدة البدوى ....
طبعا اجابتك مقنطرة وجاااااهزة ......
مايفقدوك بى شينة ....يختى .......طبعا يختى دى ..جوها جو معين ...نسوان فى بعضهن ...هاك نماذج يالصور
بالافريقى
وبالهندى
وبالتشكيلى
وبالخواجى
مزيدا من الخواجى وحقوق النشر محفوظة لقوقل ((
The Boydell Galleries - Est'd 1851
وبالصومالى .......
ولك التحية
| |
|
|
|
|
|
|
|
|
|
Re: أها ..عملتو شنو بى وراى؟ (Re: Hussein Mallasi)
|
تصوري من كترة الخبارات ما جاني نوم
( الخبر الجاي بمناسبة طلة ملاسي)
13/ إتضح إنو ملاسي ما شغال في الأمن و نال إعتذار كارب
14/ أيضا إتضح أنو ملاسي أكثر أعضاء المنبر تهذيبا مع النساء و أيضا نال إعتذار أكرب
(نظرية المؤامرة بتقول إنو الجماعة ديل تعبوا من غلاسة ملاسي و عاوزين يجيبوا يوم شكره بسرعة)
15/ معتز القريش طلع لا ظلامي لا مستنير
16/ كيكي طلع تبع العدل و المساوة و بدش بيوت
(تاني نظرية المؤامرة بتقول إنو حكاية العدل و المساواة كانت كانت كاميرا خفية عاملينها كيكي و ناذر و أوسلي و آخرون لبقال)
17/لؤي عمل كورسات تقوية مجانية للبورد عن الألوان و الأصوات و الفنيات - و بان أثرها في بوستات الأعضاء
بتاعة لناذر....
حسي أنا جبت سيرة بورداب الخرطوم؟
| |
|
|
|
|
|
|
|
|
|
Re: أها ..عملتو شنو بى وراى؟ (Re: محمد البشرى الخضر)
|
Quote: تصوري من كترة الخبارات ما جاني نوم
( الخبر الجاي بمناسبة طلة ملاسي)
13/ إتضح إنو ملاسي ما شغال في الأمن و نال إعتذار كارب
14/ أيضا إتضح أنو ملاسي أكثر أعضاء المنبر تهذيبا مع النساء و أيضا نال إعتذار أكرب
(نظرية المؤامرة بتقول إنو الجماعة ديل تعبوا من غلاسة ملاسي و عاوزين يجيبوا يوم شكره بسرعة)
15/ معتز القريش طلع لا ظلامي لا مستنير
16/ كيكي طلع تبع العدل و المساوة و بدش بيوت
(تاني نظرية المؤامرة بتقول إنو حكاية العدل و المساواة كانت كانت كاميرا خفية عاملينها كيكي و ناذر و أوسلي و آخرون لبقال)
17/لؤي عمل كورسات تقوية مجانية للبورد عن الألوان و الأصوات و الفنيات - و بان أثرها في بوستات الأعضاء
بتاعة لناذر....
حسي أنا جبت سيرة بورداب الخرطوم؟ |
دى بقى اغلبها اخبار دايرة مذاكرة انا فاطة سميسترين ...الخبر نمرة 13 كان معلوم بالنسبة لى والخبر نمره 17 حضرت جزء منه ...
خلينى أذاكر الباقيات ...وبعدين اجيب دلوى وأجى أدلى ....
لكن الشمار عندك ........
كنت بتجيب كم فى الكومبوزيشن؟
| |
|
|
|
|
|
|
|
|
|
Re: أها ..عملتو شنو بى وراى؟ (Re: Hussein Mallasi)
|
Quote: يادآآآب كدا البورد بقى بورد.
____
أشرقت الأنوار. |
يعنى ده شكر ولا نبذ؟؟
تشرق انوار بناتك ان شا الله ..
وبالمناسبة انا ضيعت المقال عن ملاسى المسرحى الرسلتو لى وبعتذر ليك زى ما قالت نجوان البورد كلو اعتذارات
ضاع فى الارشيف ايام غيابى ..
ممكن ترسلو لى تانى؟؟ اكون شا كرة ..
| |
|
|
|
|
|
|
|
|
|
Re: أها ..عملتو شنو بى وراى؟ (Re: Hussein Mallasi)
|
الجميلة تماضر
| Quote: أها ..عملتو شنو بى وراى؟ |
بس اشتقنا ليك أكثر واكثر
ولا جديد هنا سوا المذيد من الاسفاف وبعض السكر
مرة جات جارتنا وانا براي في البيت وزولتك قدمت البارد وونستها وقدمتها للباب
قامت قالت لي ارتاحي
رديت ببساطة وفرح معرفة المجاملة جديدة لنج (((مافي راحة منك)))
فنظرت الي نظرة نارية لم افهمها
لمن جاءت الماما اخبرتها بالقصة
فردت بجمالها :: بقولوا يا بت لا راحة بلاك
فبهت الذي حاول المجاملة
Quote: الغلب منو؟ المستنيرين ولا الظلاميين
الخور ملان ولا فاضى
العرس منو؟
الحصلت ليه وفاه منو
|
صفر صفر والله
الخور هو وين يا توتة؟؟
بت الاحفاد حبيبتي
كتاااار
| |
|
|
|
|
|
|
|
|
|
Re: أها ..عملتو شنو بى وراى؟ (Re: sudania2000)
|
| Quote: (((مافي راحة منك))) |
أها يا سودانية النحكى ليك ...طبظات مجاملاتية زى حقتك دى ..
عمتى ام السعادة قالوا لمن بقت بنية ولبسوها التوب ..بقوا يسوقوها بيوت النفاس والبكيات وما شابه ...
مشت مع ناس امها واخواتها الكبار لى مرة والده اسمها بتول. الغريبة أمها حلوبتى ام ابوى اسمها بتول لكن ما علينا. الاوضة ملانه نسوان على داير ما يدور. وهى مسكت ليك من أول مرة لغاية بتول زاتها وشبكتكم ليك: (الله يكفينا شر بتول، الله يكفينا شر بتول، الله يكفينا شر بتول............) قاصدة يا عينى ....حمد الله على سلامة بتول .....
برضو دى حكتا لى مريم ..قالت المرة صرييييييحة والفى قلبها على لسانها ..عزمت جماعة غدا ..وبعد داك لقت روحها فترانه ..المهم عملت القدرت عليه لما جو للغدا ..قالت ليهم: والله بعد عزمتكم....... ندمت جنس ندم...........
فلا تحزنى ولا تنحرجى يا حبيبتى ....حصلت لى غيرك تحصل ليك...
فبالاكتر والله والشوق مطر ..وعرس بت الاحفاد ده لاقانى ..وكتبت ليها لكن الوكت داك كنت بدخل مسارقة ساى ....أما الحصلت ليه وفاه ديل حأقوم ابحبت وأعزى ...أصلو العزا لى حولو بجيب زولو ...والمجاملات الانسانية دى أنا ما بنسى لى ناس البورد وقفتهم معاى فى وفاة أبوى ..عشان كده بحب أقيف مع الناس أكتر قدر من اللازم .....عشان أرد الجميل ..والمهم .....شكرا على المعلومات المفيدة ...
| |
|
|
|
|
|
|
|
|
|
Re: أها ..عملتو شنو بى وراى؟ (Re: Kostawi)
|
أجمل مافى المظاهرات دى انه الزول بيشوف وشوشكم السمحة ...
لكن الباقى حمدو فى بطنو...........
شكرا كوستاوى على التغطية ..
(وده بالضبط الكتبتو ليك هناك) .......
شكرا على التنبيه....
| |
|
|
|
|
|
|
|
|
|
Re: أها ..عملتو شنو بى وراى؟ (Re: Tumadir)
|
ليك وحشة.. الله يسلمك الله يبارك فيك.. وليداتك بنياتك أخياتك أخيانك.. ماكن طيبين؟؟ الحمد لله..
حتى القمر حولو النجوم اتلموا فيك اتغزلوا
وقالوا الجمال يا غالي بيك كانت نهايتو أولو
نحن في هواك يا غالي لا بنطيق بعاد لا بنحملو
أصلو المحبين الحنان لا بنسوا لا بتحولوا
ننساك؟؟ إنت إنت بتتنسي.. ما إنت روحنا وحبنا
سافرنا في عينيك ولسة قلوبنا بيك متجننة
Quote: الثقافة اخبارها شنو؟
قريتو شعر سمح؟ سمعتو غنا سمح؟ قصة قصيرة رواية
|
"والقصيدة إسمها" "يا ذات العينين السوداوين ويا أم السعد" والشاعر ليبي..
والقصيدة هنا "محشورة بعد كم وصلة كدا"..
..
وأجيء بلادى مشتاقا فى يوم الوعد!!
الشريف تم سنة منذ أن رحل عنا ولكنه في القلوب قاعد وفي الأحلام والرؤى المفرحة..
وكان الجليد يتساقط!!!! فيديو وصور
بتنا إمتثال بدأت دراسة "هندسة معمار" وبتجينا كل نهاية أسبوع.. دعواتك يا بت الشيخ.. حتشوفيها في الفيديو والصور طويلة وظاهرة..
أما باقي المنبر كله بتلقيهو في الصفحة الأولى أو التانية ما بيغباك..
وتقبلي سلامي وسلام إلهام..
| |
|
|
|
|
|
|
|
|
|
Re: أها ..عملتو شنو بى وراى؟ (Re: Yasir Elsharif)
|
Quote: شنو يعنى يا مرتضى
بعد الصحوبية دى كلها تقول لى كلمتين ؟؟
والقريحة دى كلها موفرها لمنو يعنى ؟؟ نحن ما أد المآآآآآم ولا ايه؟
ترحب بيك الايام الهنية ان شا الله !!!! |
تماضر العزيزه، هسّه لو كنت غنّيت ليك ( بعدك الفريق أصبح خلا) كان أضفتيها لقاموس المجاملات الذي استهللت به هذا البوست شان كده قطّعتها في مصاريني ، وفي الحقيقة كنت عايز أجاوب على سؤالك:
| Quote: أها ..عملتو شنو بى وراى؟ |
ب:
قطعنا فيك.
| |
|
|
|
|
|
|
|
|
|
Re: أها ..عملتو شنو بى وراى؟ (Re: Yasir Elsharif)
|
ياسر الشريف.......................................
Quote: والقصيدة هنا "محشورة بعد كم وصلة كدا"..
..
وأجيء بلادى مشتاقا فى يوم الوعد!!
الشريف تم سنة منذ أن رحل عنا ولكنه في القلوب قاعد وفي الأحلام والرؤى المفرحة..
وكان الجليد يتساقط!!!! فيديو وصور
بتنا إمتثال بدأت دراسة "هندسة معمار" وبتجينا كل نهاية أسبوع.. دعواتك يا بت الشيخ.. حتشوفيها في الفيديو والصور طويلة وظاهرة..
أما باقي المنبر كله بتلقيهو في الصفحة الأولى أو التانية ما بيغباك..
وتقبلي سلامي وسلام إلهام..
· |
اطلعت على كل الوصلات...
بكيت طويلا....حزنت مريرا
أفرحتنى أخبار امتثال ...
هذه هى الدنيا يا ياسر الشريف ....(تشيل بى جاى وتدى بى جاى) ...رحم الله شريف ..وبارك الله فى اخوته ...
وصبرا كثيرا ...سيفرحكم الله ...وأنتم فى الدعاء ..انت والهام والابناء ..دائما فى الدعاء ....شكرا لهذا البوح الصافى.
| |
|
|
|
|
|
|
|
|
|
Re: أها ..عملتو شنو بى وراى؟ (Re: Tumadir)
|
تماضر
عملنا .. لما انتي تني مافي عملنا حادات تتيييره
ما بوليييك
بث هسام سيخ الدين سافر الحج وبيدا حاد تبير
وحدا مبرورا
مشتاااقين يااااااخ وما طولليي الغيبة
منعم
| |
|
|
|
|
|
|
|
|
|
Re: أها ..عملتو شنو بى وراى؟ (Re: عبد المنعم سليمان)
|
| Quote: بث هسام سيخ الدين سافر الحج وبيدا حاد تبير |
وده ( تلام ) ده يا عبد المنعم ...؟ تدينى اخبار هشام؟
عمر الدم ما يبقاش مية ......
ألف مبروك لهشام الحجة ....
.Quote: عملنا .. لما انتي تني مافي عملنا حادات تتيييره
ما بوليييك
|
عليك الله ولينى ....
ونحن الاشوق
| |
|
|
|
|
|
|
|
|
|
Re: أها ..عملتو شنو بى وراى؟ (Re: Tumadir)
|
ها يا تماتم ..
إزيك
الله يسلمك
الله يبارك فيك
(وحاط) الله مشتاقين
ونحن بي وراك بنقدر نعمل حاجة ؟
ما كلو قدامك وتحت عينك
والموديم مبروك
تقطعو بي عرق العافية ..
بس والله يطرشني ما سمعت بيهو إلا هسي
أها ياختي
مابنستغنى ..
(ثم وضعت كباية الليمون ووقفت على حيلا عشان تمشي ..)
| |
|
|
|
|
|
|
|
|
|
Re: أها ..عملتو شنو بى وراى؟ (Re: تيسير عووضة)
|
| Quote: (ثم وضعت كباية الليمون ووقفت على حيلا عشان تمشي ..) |
(تجرها من طرف توبها وتقف أمامها مندفعة وهى تردد):
الرسول كان ما تونستى ..هى ا ما بدرى ..يحتحتك ..يتعارض ليك جبل ..يمرقك من الصف ..يدشدشك حته حته ...
(حدجتها بنظرة غريبة وأجابت) الرسول عزيز ..والله ما بقدر ...ماشة أولادى مستنيينى للغدا ..
(فألحت)
هى يا يمة الاولاد الغدة التغدهم ..هو يعنى غالبهم يملحوا ليهم صحن كسرة وملاح وياكلوا براهم ..الونسة دى نحن بنلم فيها مره فى الدهر ..
(فزهجت منها المرة دى شديد وقالت) ...
لالا ما بقدر اقنب ..بمشى ..ادينى خاترك...
(فتنازلت المرأة الثقيلة التانية دى أخيرا وقالت)
ما استغنايا منك يختى ..كتر خيرك تجيك العافية ...سلمى عليهم ..
(وهرعت المرأة الالله فكاها من الزيارة دى ...الى الشارع وصوتها يتلاشى من بعيد وهى تردد)
الله يعافيك ..تسلمى ...ما بستغنى ...
وكادت ان تقول: تانى ما بجيكم ، ده شنو ده هو؟ ........
| |
|
|
|
|
|
|
|
|
|
Re: أها ..عملتو شنو بى وراى؟ (Re: تيسير عووضة)
|
انا والله افتقدتك مع انك مابتعرفيني وكل ما احاول اعرفك بي نفسي اتردد لحدي ما لقيت في ناس هنا اصحابك وماشوفتيهم قمت قويت قلبي وكتبت - اهم ما في البورد في فترة غيابك هو غيابك -
كلماتك هي رحيق البورد
| |
|
|
|
|
|
|
|
|
|
Re: أها ..عملتو شنو بى وراى؟ (Re: Asma Ali)
|
Quote: انا والله افتقدتك مع انك مابتعرفيني وكل ما احاول اعرفك بي نفسي اتردد لحدي ما لقيت في ناس هنا اصحابك وماشوفتيهم قمت قويت قلبي وكتبت - اهم ما في البورد في فترة غيابك هو غيابك -
كلماتك هي رحيق البورد |
ياسلام عليك يا سمسمة ..
كده حسستينى انى لذيذة او مهمة ..او حاجة "من الشاكلة" وكت اصلو البورد كلو شكل وشاكلة ..
المهم انا أعرفك بى نفسى
تماضر شيخ الدين
فترانة
شقيانة
جارية
ومالاقية زمن للبورد...
يللا عرفينى بى نفسك ولو لقيتك على "شاكلتى" ..اصاحبك ...ولو ما على "شاكلتى" ...أشاكلك ...كيف الكلام ده معاك يا مراحب
| |
|
|
|
|
|
|
|
|
|
Re: أها ..عملتو شنو بى وراى؟ (Re: الملك)
|
| Quote: يقابلنَهم يا بت أمي..شباشب المولد..!!! |
ممكونة
سلامات يا شوق
تعرفي من حبهم لينا قاموا عملوا بوست كامل لينا ((نصف الكوب الاخر)))
وكلهم مساكين الاميرات المعاهم في البيت حكومات قوية خليهم يفضفضوا شوية
مش سمعتي بقصة سيدي بسيدوا
ما تزعلي دا دليل حب بس 
| |
|
|
|
|
|
|
|
|
|
Re: أها ..عملتو شنو بى وراى؟ (Re: بشير جبريل علي)
|
يا تماضر
انا زمان كان عندي واحد جدي كدا بيديني طراضة ويقول لي امشي اشتري بسكويت,جدي جنو بسكويت
بعدين عندي واحدي صاحبي حبوبتو بتدهيو ريال تعصرو ليهو في يدو قوووووووي وتقول ليهو: أمشي بيع ليك بيهو شُغُل , أو تقول ليهو: العيال ما يشيلوهو منك , أو سويهو ليك في طحينية.
اما الخواجات يدوا الطفل الدولار والدولارين ويقولوا ليهو : do not spend it
| |
|
|
|
|
|
|
|
|
|
Re: أها ..عملتو شنو بى وراى؟ (Re: Marouf Sanad)
|
اللذيذة TUMADUR
ازيك وازي الوليدات
عودا حميدا مستطاب والله
محمدالبشرى والبعده شغالين ليك في الشمار التقيل بس
أخير أقول لبك شمار انضمامي للمنبر في غيابك برااااااااااي.
أنحكي ليك دي عربون محبه:
زميلا لي ظريف جدا ساكنين في ميس المدرسة، جا زميل تالت خش من غير ما يتكلم جهز شنطته وطلع الصالون. مالك يا فلان? قال ليه أبوي اتوفي ، قال ليه كيس والله.
بعد ما صاحبنا الأبو اتوفا وصل السوق الشعبي ده اتذكر انه الزول قال ليه ابوه اتوفى قام حصله حلتهم.
مرحى لهذا المتبر بك
يقيني أنه سيزداد ألقا وبهاء بك.
دومي بخبر
محمدنور
| |
|
|
|
|
|
|
|
|
|
أها ..عملتو شنو بى وراى؟ (Re: Tumadir)
|
الأخت / تماضر
سلام واحترام ،،،،
الحمد لله على السلامة
ما عملنا أي حاجة وما زال الحال كما هو واحد ينزل موضوع ويشتم الأخر
وواحد يقول فلان عنصري وأخر يقول فلان كوز وأخر يقول فلان شيوعي
مواضيع غير جادة وغير مفيدة .
ولو ما بورداب الخرطوم المبدعين وما يقومون ويقدمون من إعمال تستحق الاحترام والتقدير
كنت بقول ليك مافي أي حاجة جديدة تستأهل .
أتمنى إن نستفيد جميعاً من هذه المساحة المتاحة لنا وطرح مواضيع جادة للنقاش حتى نستفيد منهاجميعاً
ونعمل على عمل كل ما هو مفيد لوطننا الغالي مع تمنياتي لجميع الإخوان بالتوفيق .
تقبلي تحياتي وتحياتي لأسرتك الكريمة
أبو كريم
| |
|
|
|
|
|
|
|
|
|
Re: أها ..عملتو شنو بى وراى؟ (Re: الفاتح خليل الفكي)
|
Quote: ما عملنا أي حاجة وما زال الحال كما هو واحد ينزل موضوع ويشتم الأخر
وواحد يقول فلان عنصري وأخر يقول فلان كوز وأخر يقول فلان شيوعي
مواضيع غير جادة وغير مفيدة .
ولو ما بورداب الخرطوم المبدعين وما يقومون ويقدمون من إعمال تستحق الاحترام والتقدير
كنت بقول ليك مافي أي حاجة جديدة تستأهل |
تلخيص رفيع لحالة التمنبر العامة
وبالله ورينى بورداب الخرطوم عملو شنو؟
لو سمحت طبعا ..
| |
|
|
|
|
|
|
|
|
|
Re: أها ..عملتو شنو بى وراى؟ (Re: othman mohmmadien)
|
الاصدقاء المارديت عليهم
الجماعة عملوها لى كلها مراسيل
وانا استاهل
امشى شوفى البوست ده ..وهاك اللنك دى ..
محقوا على الاجازة
الليلة الاتنين
تانى الانترنيت بالمسارقة
والله أوعدكم ...أسرق وقت فى اى لحظة تسمح بيها الظروف ...وكل ما أتاوق ...اجاوب
ومحبتكم فى محلتا ..
.مشكورين يا كرام
| |
|
|
|
|
|
|
|
|
|
Re: أها ..عملتو شنو بى وراى؟ (Re: othman mohmmadien)
|
عثمان محى الدين ...
شرقت بى وغربت بى مشيت اتصرمح فى بوستاتك لامن ..يومى راح
حلوات والله ...وعجبنى بتاع اهل العوض جدا ...ختو الكلمة ..
والكلمة اطول من العمر
اما الجملة الما فهمتها فبسيطة جدا انه الناس فى السودان ما كانوا بيقولوا جزاك الله خير ...بيقولو كتر خيرك ..حسة دى جات بى ورانا
صعبة دى؟
| |
|
|
|
|
|
|
|
|
|
Re: أها ..عملتو شنو بى وراى؟ (Re: Tumadir)
|
اسمعي يا تماضر
خليك من قصص فلان مات وعبدة زعل والموضوع ودوه الخور وهشام حجة ( هي دي قلتها انا)
الاخبار معاي انا ولو بضضمن ما تختفي تاني زي كل مره بقولها ليك
سمح
منعم
| |
|
|
|
|
|
|
|
|
|
Re: أها ..عملتو شنو بى وراى؟ (Re: omer almahi)
|
تحياتي
هيى البورد دة ما بتخلى
كان شادى الملاح فى الحلة
ولا مصيبة جات فى الحلة
كان واجب جناك ما اتحل
كان البرلمان اتحل
كان يوم فى الشغل تتزلى
وكان روح المعاك تتسل
ياكا الجارى ليه
بلهفة، داير تقرا، داير تبقى، داير بالبديع تتسلى
يابورد ... اصلو ماتنضر... بس يمسكنا منك ... الله
دة شنو دة؟
تنويه ...الرائعة اعلاه ليس من تأليفي ولكن من تأليف صاحبة الدم الخفيف تماضر
اضغط برفق
البورد دة ما بتخلى
هشام حامد العبيد
| |
|
|
|
|
|
|
|
|
|
Re: أها ..عملتو شنو بى وراى؟ (Re: Tumadir)
|
يا سمندلة
شخصيافي الأول عملت نايمة
وبما انه وصفة شراب النوني ما ما لميت فيها
اتوكلت على الله وعملت بوصفتك ديك
وبقيت اقدر اتاوق ومرات اكتب شدة الله ما اداني
سعيدة بشكل مضاعف لتزامن عودتنا
يعني نقشر بالرجعة معاك دي كم سنة كدا
| |
|
|
|
|
|
|
|
|
|
Re: أها ..عملتو شنو بى وراى؟ (Re: الجندرية)
|
إزييييييييييييك
مشتاقييييين
جاهزة للأخبار؟
يلا جيبي و رقة و قلم
18/ بورداب الخرطوم (الله يديهم العافية جميعا) أوفوا بما وعدوا و أحيوا الأمل فينا و بالجد إتمنيت لو كنت هناك
19/ معتز القريش قال البيقول عليه ظلامي ما عافي منو
20/ كيكي طلع براءة و حاليا زهجان
21/ منعم بيسف سعوط و يركلس مع ست الشاي قدام جريدة الصحافة
22/ دينا طلع عندها فصام أو في واحد بيكتبليها بالليل (لسة ما اتأكدنا)
23/ سودانية بتحلل في شخصيات الأعضاء و بدت بدكين
24/ هباني زعلان و هايج كيف السودانيات يشغلن العراقيات خدامات
25/ saleeeeeeeeeeeeeeeee قالت هي صغيرة و شاطرة لكن كارهه عيشتها (الكبكبة هناك و الزحمة ما تديك الدرب)
26/ نصيحة أخوية , ما يفوتك دا
محل عصاية قال كع. لمحي الدين
كفاك ديل , كان إذكرت حاجة تانية بجيك راجع
| |
|
|
|
|
|
|
|
|
|
Re: أها ..عملتو شنو بى وراى؟ (Re: Tumadir)
|
شوفي يا تماضر
ما كل مرة نتحمل غيابك يا تماضر ( وش ما متحمل)
لا عاوز 3 مليون دولار اسفيري ولا حاجة .. وخليك من مكنات هشامدي بالله !!
بث عشان تعرفي قيمة الموقع ده وكيف الناس ممكن تستفيد منو بهديك 3 بوستات
بتوريك كل حاجة وكمان تخليك تكوني فخورة جدا بانك سودانية وان السودان بخيربناسو
ال 2 وهم مكملات لبعض واحد وضعته انعام حيمورة ليك وواحدمعاوية كرفس
والتالت ده بقا خطير جدا وحيسعدك جدا يا قريبتي :
حفل سودانيزاونلاين لتكريم البت الجريدة بالمركز الالماني - الخرطوم ( صوووور)
بديك يومين وبجي اطل عليك اشوف رايك
محبتي يا انسانة يا رائعة
منعم
| |
|
|
|
|
|
|
|
|
|
Re: أها ..عملتو شنو بى وراى؟ (Re: Tumadir)
|
الاخــت الـحـبيــبـة الـحــبوبـة،
تـمـاضــر،
مـررت للتـحـيـةوالســـلام، وســررت لـطلتك البـهـيـة،
والف مــراحـــب بقــدومـك الـمـيـمــون_
لـك كـل الـمـودةـ
| |
|
|
|
|
|
|
|
|
|
أها ..عملتو شنو بى وراى؟ (Re: Tumadir)
|
الأخت / تماضر
سلام واحترام ،،،
بورداب الخرطوم عملوا حفل لصالح علاج اختنا العزيزة غادة نوري
ومن وجهة نظري انا اعتبر هذا اهم موضوع جاد وكان الجميع مهتم بهذا الموضوع
والحمد لله الحفل نجح وكنا نتمنى لو كنا معهم في الخرطوم لنشاركم هذه اللحظات
التي عبروا عنها بصدق في كلماتهم في صورهم وصورة الأخ خالد ماسا خير دليل
أختي تماضر لو كل واحد فينا طرح موضوع وكان جاد فيه ومقتنع به وعمل من اجله
سوف يجبر الجميع بالاهتمام بموضوعه.
اتمنى لجميع الإخوة التوفيق
تقبلي تحياتي ،،،
أبو كريم
| |
|
|
|
|
|
|
| |
Tumadir
abubakr
حبيب نورة
عوض حمزة
أسامة خلف الله مصطفى
محمد البشرى الخضر
هشام كمال
fadlabi
Ibrahim Algrefwi
عثمان سيد أحمد
يحي ابن عوف
Muna Khugali
ناذر محمد الخليفة
ابوعسل السيد احمد
محمد المرتضى حامد
Hussein Mallasi
نجوان
خالدة البدوي
بشير جبريل علي
Kostawi
Ahmed Yousif Abu Harira
Yasir Elsharif
عبد المنعم سليمان
غباشي
تيسير عووضة
Asma Ali
mamkouna
الملك
Marouf Sanad
محمد نور أحمد
احمد العربي
الفاتح خليل الفكي
othman mohmmadien
انعام حيمورة
محجوب البيلي
طارق جبريل
omer almahi
هشام حامد العبيد
khaleel
الجندرية
Emad Abdulla
معاوية كرفس
فيس بوك
تويتر
انستقرام
يوتيوب
بنتيريست