|
...الف وردة...لحب البورد
|
جندرية...
جئت هذا الصباح...للبورد
ووجدتك ترشيرشين حوشه الكبير.. بكلمات حبك...لمتواضع ما اكتب
مع اننى ارتجف من هول الرثاء ، والذى اعتبره لبس غير مقصود...لابى او عمى
واشعر بالحزن للراحل...الذى لا اظن اننى اعرفه... واسدى احسن العزاء لاهله
الا اننى مغتبطة...وممتنة لك يا جندرية...لهذا التشريف
ولكل من تفاعلوا معك...واكدوا تذوقهم لمحاولاتى المترددة
وقلت افتح بوست ...متفائل...لنهدى وردة...كل منا يهدى ورقة عطر...لهذا الوطن...الحنين
فهل من مزيد؟؟؟
|
|
|
|
|
|
|
|
Re: ...الف وردة...لحب البورد (Re: Tumadir)
|
لفتة حلوة يا تماضر بهديها ليك اولا
باهدي الوردة لكل من اعطانا الكلام الحلو والسرد العذب بخاصة ابوجهينة قرشو الرحمابي ملكة سبأ واخيرآ إيمان احمد المتفردة
كتابات المرأة
الجندرية عشة بت فاطنة ندي امين
وتحية خاصة الذين يغذون ارواحنا ويشنفون اذاننا باجمل النغم والكلم الدافئ ولا يردون لنا طلبآ ان طلبنا وان كان خصمآ من وقتهم الثمين و راحتهم
تمبس خالد ابا عم تنقو شيبا
وبرضو الذين يكتبون في السياسة ويراعون ادب الحوار فيها و حق الاخرين في التعبير..أخص
ياسر الشريف حيدر بدوي صادق
هالة قوتة ما عرفت اختك وين-فانت مزيج من هؤلاء
وبرضو لا انسي كتابات تمبس (و شخصية فرنكش) وكتابات ابا في السياسة وغيرها
عن البوستات التعليمية والتثقيفية
خالد ابا تمبس عجب الفيا ابوجهينة
ما ذكرته من اسماء هو من سبيل المثال فقط لا الحصر ومن فاتني ذكره له العتبي حتي يرضي
ورمضان كريم
| |
|
|
|
|
|
|
Re: ...الف وردة...لحب البورد (Re: Tumadir)
|
عزيزتي تماضر/
طيب الله أوقاتك وعطرها بشذى أجمل الورود ربما اكون مقلة جدا في إطلالتي على البورد ، ولكني من المتابعين لك بكل الحب و الود. لكل و لكل البوردابيات أجمل باقة ورد من ... روز
| |
|
|
|
|
|
|
Re: ...الف وردة...لحب البورد (Re: Tumadir)
|
ورده للانسان/ه حر/ه مبدع/ه
ورده لامى و هى تمنحنى الحكمه, الضمير اليقظ و حنانها
ورده للاصدقاء...ينير نجمهم ليل الغربه البهيم
ورده للصديقات...دفء ذكراهن نار لليالى الوحده المفجعه
للجميلين و الجميلات هنا و هناك, جمال العقل ونقاء الروح,لمن يحلمون/يحلمن بالانسان حر و معافى..
,,,,,,...........................,,,,,,,,,,,,,,,,
| |
|
|
|
|
|
|
Re: ...الف وردة...لحب البورد (Re: الجندرية)
|
وردة للغائبات نهى بت قضيم شيري سكرا رانيا مأمون غدي دلع وجن بت القبائل فاطمة بت الخليل عديلة المتوهجة أم ألاء تيتا و... و..... ساعود لسه باقي لي ورود كتيرة مش قالواالف وردة ؟
| |
|
|
|
|
|
|
Re: ...الف وردة...لحب البورد (Re: Tumadir)
|
ناثرت الورد .. تماضر
لك كل الورود الجميلة
ولكل من وهب البورد لحظة حب صادقة معبرة
والجندرية ما بتقصر
الأخت حنينة
شكرا لهذه الوردة الفواحة والتي غمرتني بعطرها
ولا أهديك بأقل منها
ولكل أصدقاء البورد
سلام
رحمابي
| |
|
|
|
|
|
|
Re: ...الف وردة...لحب البورد (Re: AlRa7mabi)
|
البورد والورد..زرعوها جوة قلبي..ياتماضر..أنشري مرة أخرى صورتك وأنت تصدحين في محطة السكة الحديد في أمريكا..وتكون ألف وردة ووردة
تلك الصورة وصورتك مع وردي معطونات في حق المودة عندي وما بطلعن لأي زول..حق بضم الحاء
| |
|
|
|
|
|
|
Re: ...الف وردة...لحب البورد (Re: sadda)
|
ياااااه
لحديقة الورد التى...اشتعلت هنا
الف وردة للحوارات الجريئة
الف وردة للافكار التى تتقدم زمانها
الف وردة ...للمبدعين...والذين يتامسون خطى الابداع...والذين يدخرهم الغيب بيكونوا مبدعين
الف وردة يا نساء البورد الجميلات المناضلات الجنينات الذكيات
ويارجاله الاذكياء...والاقوياء
ويا شبابه الواعد بالخير والغد
الف حقل من ورود...لكل..انسان سودانى...فقد روحه او انسانيته...وهو يقاوم الصلف والتعسف...والطغيان
الف رحيق...للابرياء...الف رحيق للابرياء...الف رحيق للابرياء
| |
|
|
|
|
|
|
Re: ...الف وردة...لحب البورد (Re: Tumadir)
|
تماضر حاسة لو دخلت البوست ده واتكلمت فيه،، أكون كواحد استفزاه جمال رقيق،،، فمسكه بشدة عله يحتويه،،، يقوم كششششششش،،، يقع يتكسر انت رقيقة حد الدهشة
اهديكم كلكم بدوري زهرية ورد،،، لاني لو اهديتكم وردة ستذبل وتموت،، وأنا أحب أن أهديكم شئ متجدد،،، يحمل في طياته كل يوم أمل بغد مشرق جميل،،، إذ لا بد يوم أن تشرق،،، ولو طال الظلام.
أحبكم بثورة
| |
|
|
|
|
|
|
Re: ...الف وردة...لحب البورد (Re: بت قضيم)
|
" احبكم بثورة"
وانت ودودة الى حد الهتاف..وطلتك ممشى من العشب الظليل...
يا مراحب
"طوالى بكلم اصحابى اقول ليهم انا رقيقة وهم ما بصدقونى..يعنى...ما تكلميهم لى يا بت قضيم"
| |
|
|
|
|
|
|
Re: ...الف وردة...لحب البورد (Re: Rawia)
|
راوية... وملايين الورود...لرجاء العباسى...وهى تعانى..من مرضى المجتمع..وهم يفتكون بخصوصيتها
ويهددون...راحة بالها...
رجاء..العباسى..ماسة على تاج نساء السودان...ودرة بنات البورد
لك ولها الانحناء والتقدير...
وللفاتح يس...وباقاته الطفوليه الحلوة...الف فراشة
| |
|
|
|
|
|
|
Re: ...الف وردة...لحب البورد (Re: Rawia)
|
يا اخواننا من امبارح لايصة. دخلت البوست الرقيق ده، لكن ما عارفة ارفع ليكم وردة فتأخرت. لكن جمالكم جراني تاني وأنا أحمل أجمل الورود، فهل ترونها؟ إنها لكم.
للدفء الذي تتبادولنه ويشملني. لتماضر المدهشة حتي لذاتها، في كل الأوقات. لحنينة الحنينة التي تجعل البورد يحتويني كلما دخلت، وأتذكر لحظات خاصة جدا، تعلمها هي جيدا. للأخ خالد الحاج وهو يعطر أيامنا بحلو الموسيقي ويبعث فينا زهوره التي لا تنتهي، ولهالة قوتة التي أحببتها كده - لله في لله. للجندرية والصورة الفاتنة التي تضعها تأخذني إلي عوالم تانية. لكل من دخل هذا البوست ولم يدخل، وللممتلئين بقيم المحبة، السلم والإنسانية البسيطة جدا والنادرة جدا في أزمان البوار التي تلوح لنا وتحاول إخافتنا فنهزمها معا.
لكم حبي، وألف وردة، فهل ترون ورودي؟؟ ولكم بضع روحي، يا كل الروح!
إيمان
| |
|
|
|
|
|
|
Re: ...الف وردة...لحب البورد (Re: Tumadir)
|
عزيزتى تماضر لك حبيبتنا اول ورده ولكل امراه سودانيه وقفت على خشبه وابدعت الف ورده اهدى أجمل ورود الكون الى روح امى الطاهره وأخرى الى امى الثانيه ، اختى العزيزه ووردة خاصه الى من فى طريقه الى ... وورده خاصه الى صديقتى الحبيبه فى وطن العز ولسودانى الجو وجدانى ورود وزهور ووووووووووو
| |
|
|
|
|
|
|
Re: ...الف وردة...لحب البورد (Re: Tumadir)
|
WARDA LE TUMADIR OW BELMUNASBA ALMADOO3 INTAHA KHALAS YA TAMADUR ANA 7AZRTIK WARDAAA KABEEEEEEEEEEEEERA LE ALBORD WARDA BEDAAAAAAAAA LE BAKRY ABUBAKR WARDA LE AY ZOL FI ALBORD
| |
|
|
|
|
|
|
Re: ...الف وردة...لحب البورد (Re: mohammed alfadla)
|
دخلت تاني لاطوف بحرم الجمال واستنشق عبير ورودكم الفواح
ولكن هذه المرة
لم استطع ان اقاوم ادمعي
دموع الفرح بلقياكم يا اخواتي و اخواني كلماتكم رقيقة و صادقة احسستها حارة حرارة قلوبكم
ما أجملكم ...ما أجملكم
كــلــكــم
| |
|
|
|
|
|
|
Re: ...الف وردة...لحب البورد (Re: mohammed alfadla)
|
الرجال بى جاى والنسوان بى جاى
ايمان احمد...احلى الورود...على رقتك حليمة تو...وردة للفتتك البارعة...وللامهات الغائبات...كل الحدائق هالة قوتة...وتستاهلى رياض...الدنيا بورودها...على عقلك الراجح...وفكرك النافذ اشراقة مصطفى...ياوردة...فى الخيال...ما اصفاك
ابا...خلينى ادى الوردة لزوجة حمزةسليمان...وهى تضع لحنا عبقريا هكذا للورود
الفاضلابى...بالله خلاص؟؟؟
ووردة مضرجة بالدماء المراقة من اطفال السودان... بغدر الجهلاء...والغاصبين...
اهديها لرودا..وهى تحملهم فى مشاويرها اليومية... تقاتل...لاجلهم...ولا ترضخ للهزيمة
| |
|
|
|
|
|
|
Re: ...الف وردة...لحب البورد (Re: Tumadir)
|
تماضر الحقاره مابتنفع الحديقه دى زرعناها سوا,و لو ما حافظنا عليها سوا بتنشف, رجال و نسوان , بتنشف خلاص ادونى ورودى (على وزن ادونى كفرى فى الكوره) يلا بسرعه نزلى شكر الرجال!!!!!!!!!! الفاضلابى ما تخليك خفيف كده... تبارى تماضر دى ضحك ساكت تغطس حجرك فراشات فرح و عافيه للجميع
| |
|
|
|
|
|
|
Re: ...الف وردة...لحب البورد (Re: Tumadir)
|
و الف ورده كل من كتب/ت كلمة هادفة تطمح الى التغيير الايجابي الفاعل.
و الف وردة و لحن و قصيدة لكل من تحمل/ت جارح القول بسبب "الخربشة" الجريئة على جدران المفاهيم الببغائية المتهالكة.
و الف وردة لأعز عزيزين لدى في هذه الدنيا أمي و أبي.
و الف ووردة لبكري أبو بكر و هو ما زال يعطينا بصمت و كبرياء من وقته و ماله و جهده.
و...الف وردة لكي يا تماضر على بالونات الجمال و الحب و الخير الملونة التي تطلقينها على سقف البورد فيزداد جمالا على جمال. و الف ورده لكي مرة أخرى على امتاعنا بقراءة و تذوق عمق الكلمة و دفء البوح الانثوي في "زوجات بنصف عطر" و "امرأة لا يأتيها الطلق" !
| |
|
|
|
|
|
|
Re: ...الف وردة...لحب البورد (Re: Nada Amin)
|
ندى امين...
حديقة كاملة لك وانت تتنزهين بيننا بفكرك وعطرك...
بناديها,,,الصورة الجديدة طبعا غيرها "بكرى ابوبكر" سيد البيت...لما سالته من توبى البرتغالى...فال دى احسن
والموقع موقعه...والتكنولوجيا حقتو...لو اراد غيرها...وفى الحالتين هى صورة ولا كافى بلا؟؟؟
والمهم شكرا على الدقة دى...انا ما عارفاك فاكر للقصة دى اصلا...
| |
|
|
|
|
|
|
Re: ...الف وردة...لحب البورد (Re: Tumadir)
|
تماضر : يا وردة بتعانق الندى ويا نفحة العطر المثير ادينى من طيبك شذى وبديك حنان قلبى الكبير ....................... اتانى عبير هذا البورد الانيق فتنسمت شذاه . ودخلت هذة الحديقة العبقة التى انتم/ن /ورودها افخر بهذا الجمال لنساء بلادى رقة / وجمال/ وزوق/ وفهم لكل هذة الكوكبة الجميلة من الجنسين اهدى عبير كل الورود ولك عزيزتى . كل الحب
| |
|
|
|
|
|
|
Re: ...الف وردة...لحب البورد (Re: Tumadir)
|
و بقية الحقل لى و الناس الليهم الله و عيشة السوق الذين لا يذكرون فى مواسم الفرح و كرنفالات الحب , لكل من لمن يأتى ذكرهم و لزوار المنبر الاعزاء , لكى لا يبقى محزون فى دروب تساسق للفرح
ثم اذيع سرا اعترف بأن علاقتى بالورد و كل انواع الزهور تشوبها الشوائب و لا اظن انى وحد فى هذا بل ان الغالب الاعم من رجال السودان الذين نشأوا على اطراف الصحراء و اخذوا بالشدة فى تربيتهم يجفلون من ما يسلب عنهم ما اريد لهم ان يكونوا عليه اضافة لان البيئة التى نشأنا فيها كانت ترقب الزهر لما يتبعه من ثمار و ليس لاجله و دلالاته الجمالية و الامر من ذلك كان فى الشمالية حيث نشأتى الاولى تصيبنا زهرة النيم الساقطة فى الجداول التى منها شربنا, كانت تصيبنا نتيجة شرب الماء (الملوثة) بها بمغص يصحبه ارجاع لما تناولناه منذ موسم ازهارها فى العام الماضى. بالله ما شجاعة و رغبة فى التصالح منى ان اهد نفسى و من ارعى لهم ود وردة من اصناف غير ما خبرته فى طفولتى الاولى؟ من امثال زهرة البرسيم الفنفسجية و اليمون و البرتقال بعاقتنا النفعية معها و سيئة السمعة زهرة النيم
لكم ود وردى
| |
|
|
|
|
|
|
Re: ...الف وردة...لحب البورد (Re: Tumadir)
|
الاعزاء ورود البورد حب يلملم جراح الشتات وورد يعبق في حدايق البلد المجرحه بي سكاكين ولادها ...... ورده حمراء زاهيه لصاحبة الفكره وحب كبير ليها وورده لصديقي الهادي جمعه وللصديق البعيد احمد عثمان وعباس فتح الرحمن وعمر سيد احمد وورده لكل متشبث باحضان الوطن ولسه ما انقلع وورده لوطني الحزين الليهو زمن بيفتش لينا كل الحب لك تماضر كل الحب كل الحب وعذبتينا بالرومانسيه احسن واهون نمشي نناطح الجماعه بي هناك اسهل من بحر الدموع وللجيع حبي
| |
|
|
|
|
|
|
Re: ...الف وردة...لحب البورد (Re: لنا جعفر)
|
لنا جعفر...ضحكتنى..عذبيتبنا بالرومانسية
معليش ...البوست انا زرعتو فى حفرة...بوست تانى الناس اتبادلوا فيه الصفات والنعوت
قلت اخلينا نتبادل الحب والورود...
وما احوجنا...لظل وردة...فى هجير المعارك
لنا...لنا ولكم...كل اشجان الورود
| |
|
|
|
|
|
|
Re: ...الف وردة...لحب البورد (Re: Tumadir)
|
وردة لي..وشهقة من تباريح الأسـى اقايض بها غبار النسيان..ومنها اعلم ذاتي احتمال التساقط في بئر الغياب النتن.. ووردة لمــنى..لكي تعلم اننا يمكن ان نحتمل كل معلقات الغياب ودهوره السرمدية.. ثـم وردة للصمت..لأنه الوحيد/القادر على ان يعلمني أبجدية الحب.. تبا لكم..وتبا لجمالكم الدفاق.. العنكم جميعا..فبرغم بعدكم عني..فقد اختزلتم آفة البعاد.. اللــه يخلينـي ليكم..
كبر
| |
|
|
|
|
|
|
Re: ...الف وردة...لحب البورد (Re: elsharief)
|
الشريف
ما ارق هذا الاهداء
من لى بهم؟؟؟
الف زهرة
الف حضنة ام بتضحك فى الرخاوبتساعدهم...يحلو واجب
و..كيس. فواكه من.... ابو...شغال وبرجع فى المغارب...
وحديقة مليانة بصياحهم...
ينوموا ما بزورهم...محارب
الف وردة
| |
|
|
|
|
|
|
Re: ...الف وردة...لحب البورد (Re: Tumadir)
|
زهور "جهنميه" تطل من حائط منزلنا العتيق مبتهجه بهذا الكرنفال الوردي
زهور "صباح الخير" التى تحبها و تراعيها امى للنساء و الرجال صانعات/ى الجمال و البهجه ورده خاصه لتماضر...للخيال البديع...و لحب الناس ورده خاصه لبكرى...و بيننا مليون ضحكه و ونسات مؤجله
بساتين للاصدقاء و الصديقات داخل و خارج البورد..
منى هذه النيران... عسي ان تضيف لمهرجانكم الوان وضجيج و نلتقى
| |
|
|
|
|
|
|
Re: ...الف وردة...لحب البورد (Re: Tumadir)
|
تماضر الورد الجاك ده كثير جدا ، اشيل معاك عشان نوصلو البيت ؟ يا أولاد يا حلوين وزعوا الورود لفلاحين بلدنا لعمال بلدنا لكل الغلابة للأمّات للأبوات لكل الحلوين وردة واحدة بألف لون عشان وحدة بلدنا وردة مليانة بي عبق السلام ووردة مليانة بي عبق المحنة ووردة مليانة بي شبع البطون ووردة تحقن في العقول فكرا جديد يملانا نور يملانا نور
| |
|
|
|
|
|
|
Re: ...الف وردة...لحب البورد (Re: HAMZA SULIMAN)
|
عندى وردة احب اقولها
اقصد اهديها
اها
وصلت؟
لكل لحظة صدق انتزعها منى هذا البورد
لكل من استحمل زفير تعبى ومنحنى الشهيق كلمات
لكل صلة ود والفة بقت وريد عطاء وشريان انتماء
لكل القابلتهم لكل الحسيتم لكل ....
وردة بيضاااااااااااااااااااااااااااااا
تسلمممممممممو ياااااارب
| |
|
|
|
|
|
|
Re: ...الف وردة...لحب البورد (Re: dreams)
|
حمزة...منور بكلامك العبق...وصوتك الطرب...ووردك..الرطب...منور وليكا الاف الورود
دريمز....مشيولة فى حدق العيون...
شهد المياسم والطيوب....يا مماشى العطر وياضل الحنان...
مليون وردة بينك وبين ...السودانيين فى لبنان....
فى يوم تضامن سودانيز اون لاين معهم...وقلوبنا معهم... ونندد بالظلم...
ونهديهم مليون وردة...وزهرة عبادشمس..صفرا وفاقعة زى الحق
منتصبة وواقفة تحدق ...فى عين الشمس....فى حقل هتاف ضد الظالم.... ومن فوقها..نهار وسماكم حلق ... فيها كنار
مليون وردة ووقفة قوية...وصلمدة وحانية وممتدة
| |
|
|
|
|
|
|
Re: ...الف وردة...لحب البورد (Re: Agab Alfaya)
|
مجرّه من الورود للقطر .. للبحر .. للسفينه .. المطار .. حين يعود الوتر والغنا والممثّل والمسطّر قلبو حب للبلد .. انتظار .. احتفال .. والبكا زي عطر .. والزحام .. السلام .. القلب ينشرح والجروح تندمل والاهل يضحكو .. مجرّه من الورود لكم وانا احلم بمانشيت في الصفحة الاولي من جريدة وطن حر ديمقراطي ( تماضر شيخ الدين .. منعم شوف .. و ..... تعالوا ..... و ... هنا علي خشبة المسرح القومي بام درمان .... مسرحيّة ال.... ) مجرّه من الورود لكم وانا احلم بصوت زول سمح في بلد حر ديمقراطي عبر اثير الراديو يعلن عن امسيات فيها البنات والاولاد فيها الموصلي يكرّب عصب وتر الكمان .. وكمان يغنّي علي السقيد وطارق ابو عبيده وعلاء سنهوري و.................. مجرّه من الورود لكم هنا في الوطن نقرأ لكم الاشعار بالليل والنهار . مجرّه من الورود لكم وانا احلم ببلد حر ديمقراطي ومعرض فيهو ناس كتااااااااااااااار ولوحات يضحك لها اللون وينبسط .. تعرفوا اهئ الدمعات منذ الآن لاستقبالكم .. ورده ورده .. وانطّط .. ورده ورده .. واصفّق .. ورده ورده .. واكيد حنتلم هنا ذات وطن طيّب ديمقراطي .. وعندها يا تماضر ستجدي ورده بحجم المليون ميل من الريد تضخ الونسه والحب واناقة قلب الزول السوداني السمح و.. و مجرّه من الورود لي لافتل منها حبل قصيده لانزل هناك في بير عطر قلب الحبيبه وانوووووووووووووووووووووووووووووووووووووووووووم . وسلام الي مطلع الامر
| |
|
|
|
|
|
|
Re: ...الف وردة...لحب البورد (Re: عاصم الحزين)
|
مليون وردة مربعة فائح عبيرها نرسلها لكم جميعا فى هذا المنبر حكومة و شعبا و زوار و تتمدد عبركم لجميع الاهل بالسودان و جميع السودانيين بارض الله الواسعة. مع احلى الامانى و حقوق المبادرة و الابتكار محفوظة و علامة مسجلة باسم تماضر شيخ الدين.
| |
|
|
|
|
|
|
Re: ...الف وردة...لحب البورد (Re: Ibrahim Algrefwi)
|
ياقة ورد لبورداب الرياض...
وردة لى يمنى قوته وهى بتطل ..من اسياج البعد..شان ما تغيب
وردة للمتهجدين..فى الليل الهكم يستجيب
وردة لدنقل...ونوح العندليب
جريفاوى...ليك الف ورده
ووردة واحدة موحدة...ومبتهلة ليك يا... عزيز فى البورد معانا...تطيب
| |
|
|
|
|
|
|
Re: ...الف وردة...لحب البورد (Re: Tumadir)
|
ورده ليك بالمسافه
ووردة لمصطفى السنى زهز بحيى احتفالاتكم فى سانت كاثرين لكندا
خيط عبير...ممدد عبر القارات...عبر الاثير..للوقفه الخرافيه..التى يقفها اهل البورد لاستشفاء ولدهم..ود حشاهم...بدون اسم وبدون عنوان...وبدون مساءله...
اى ورده تلك التى تتشرف بالتوشح بكم...واى بهرج هذا الذى سيستحيل ظلاما امام نور حقيقتكم الباهر...
يا شعبا تسامى...يا هذا الهمام
الف ورده...والف اغنيه جميله ...والف قبله...والف ترتيلة جمال...
فى حضرة العطاء البديع... طيب الله خاطر مريضنا...باذنه تعالى وحواطرنا...بمنحه الشفاء العاجل
| |
|
|
|
|
|
|
Re: ...الف وردة...لحب البورد (Re: Tumadir)
|
مررت عابرة ولكن عطر الورد سمرني وسحرني يا احلى ناس الف وردة ليك يا تماضر.....ولكل البورداب سماوات معطرة بالياسمين بالمناسبة يا تماضر توقيعك ده مكسرني عديل ولو يوم صحيتي وما لقيتي بكون سرقتو انا
| |
|
|
|
|
|
|
Re: ...الف وردة...لحب البورد (Re: Tumadir)
|
ورده الليله الصباح...للانسان والانسانه الاتبرعوا لى عاصم... وقالوا ما نقول اسمهم...
اليكما ورود العطاء الصامت....والحب المدخر
الف ورده...
والاف مؤلفة من ورود.لى عاصم الحزين..وهو بيضحك...رغم المه...عشان يقول لى ناسه واهله "بس ما تشفقوا"
| |
|
|
|
|
|
|
Re: ...الف وردة...لحب البورد (Re: yumna guta)
|
بمنة ما بركه اللميتى فى العبير..
كل عام والجميع بخير
وردة بمبيه كبييييييره...بمناسبة العيد السعيد للاهل والاقارب والاصدقاء والصديقات
"وجمهورى الكريم" ومعارفى...وعاصم الحزين والبورداب...
والفقرا اتقسموا الورده...
لكن معاها سهلة ريدة....ورياح من القبل المعطره...وغابات من احضان دافيه...
| |
|
|
|
|
|
|
Re: ...الف وردة...لحب البورد (Re: Tumadir)
|
كل سنو اونتو وانتن طيبين وطيبات زى تلاتة الف وردة لكل المعيدين والمعيدات فى المنافى بعيد عن الامهات والحبيبات زى الفين وردة لكل المر عليهم العيد وهم شايلين هم بكرة حق الملاح وقروش المواصلات الف وردة للبقوا لينا اهل وقت بعدنا من الاهل ...ليكم فى حوش سودانيز اون لاين وردتين لعاصم وهو يهزم المرض انشاء الله ووردة لست الورود يا تماضر
| |
|
|
|
|
|
|
Re: ...الف وردة...لحب البورد (Re: doma)
|
دوما...
حصانك ما جراى كيف...
الاولاد ما جابوا ليك الورد فى البيت؟؟؟
نحن من امبارح...رسلنااطفال الفرح بباقه ورد بنفسجى...وقلنا ليهم مسكوه لى دومه فى ايدها...بكونوا ساكين الفاراسات فى الدرب...وما صادفوك...
ليك الف زهره...با ست البنات
| |
|
|
|
|
|
|
Re: ...الف وردة...لحب البورد (Re: Tumadir)
|
الف ورده حب لي منال سوركتي
و هي بتابع معاي امبارح و انا بتصل بي الدكان العربي لشراء كروت اتصال و لما تعزر بمناسبه العيد اصرت تاخدني بيتها عشان اتصل انترناشونال من تلفون منزلها و كانت بتابع شلهته تماضر و انا اصبر فيها و شلهتي لي اماني بت خالي و اماني بعد ما تتصل بي عاصم تصبر فيني
و منال ما قدرت تداري دموعها فضحتها
و بعد داك قامت لي جوه و جاتني بي مبلغ و قعدت تعتذر انها دا بس القدرت تساهم بيهو
بالمناسبه منال سالتني بي دهشه لما شافت و تابعت عدد المكالمات بتاعه التهاني بي العيدمن زملاء و زميلات البورد
ديل بس يا راويه بتعرفيهم من النت
الف ورده لي حنينه الحنينه
تلفنونك امبارح كنت محتاجاه
| |
|
|
|
|
|
|
Re: ...الف وردة...لحب البورد (Re: Tumadir)
|
العزيزة تماضر :
دائما تذكرني هذة الابيات بك ... لك و للجميع الاف الورود
يا صندل الليل المضاء أفرد قميص الشوق حين تطل سيدة النساء فالمجد جاء و تألق الأحد الصبي يهز أقرعةالغناء لو زندها احتمل الندى .. لكسوت زندك ما تشاء ثوب من العشب الطري .. و إبرتان من العبير .. و خيط ماء
............ كم تمنيت ان اكون بائعة ورد
| |
|
|
|
|
|
|
|