الغريب عن وطنه .. مهما طال غيابه

مرحبا Guest
اخر زيارك لك: 03-29-2024, 12:36 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف العام (2003م)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
06-28-2003, 03:10 PM

Zaydoon

تاريخ التسجيل: 06-12-2003
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الغريب عن وطنه .. مهما طال غيابه

    الشوق في عيونه أبوابه إتفتحت
    واللهفة في قليبو إتوهجت
    وقت جاه خبر رجوعه
    في الحلة جرى وزاعه


    ولدي جاي .... ولدي جاي
    جايب معاه شهادته

    الحمد ليك يارب
    الحمد ليك يارب

    وفي اليوم الموعود يتجمع أهل الفريج
    حافلة ... اتنين .... ما كفن

    الحاج:
    ياولد .. ياولد أجري لي عمك سعد .. قول ليهو يجيب اللوري حقو

    ويجري الولد .. مشوار يقطع النفس

    الولد:
    ياعم سعد ... يا عم سعد

    عم سعد:
    مالك ياولد في شنو ... الحاصل شنو .. اهدى شوية

    الولد:
    أبوي بقوليك جيب اللوري وتعال

    عم سعد:
    شنو ... اجيب اللوري ... خير ياولد .. مالكم .. راحلين من البيت ؟؟

    الولد:
    لا ياعم سعد ... اخوي راجع من بلد الخواجات

    عم سعد:
    أخوك راجع ؟؟؟ .. يانفيسة ... يانفيسة .. ادرعي توبك دا ... قومي .. ارحكي


    وصل اللوري ... وإندفسسسسسسس ... حافلتين ولوري .. وفي الطريق .. تسمع اهازيج الفرح الجمع اهلنا الطيبين ديل

    وصلوا ....


    الحاج:
    ياولد كدي إنزغم جوه الزحمة دي .. شوف اخوك ظهر ...

    إنزغم الولد ... حاسب ياخ .. عفصتنا ..

    الولد: ابوي .. ابوي ... هداك يابوي ..

    والحاج شمع كلمة هداك ... يقوم يشب يمكن يقدر يلقطه من فوق الريسين

    الحاج:
    وينو ياولد ... ماشايفه

    الولد:
    هداك يا أبوي ... جمب الراجل الأحمر داااااك ...

    وبرضو الحاج يشب .. وللأسف خاذلاه عيونه ... نظرن ضعيف ... والمسافة ما بيقدر يجيبها

    ويجييييك الولد مارق من الزحمة ...

    الولد:
    شفته يا أبوي ... بس في اتنين ساقوه معاهم ... دخلو بيه لا جوة ...

    تمر ساعة ... اتنين ... تلاتة .. ولسة الولد الكبير ماظهر .. الواطة مغربت ... الحاج تعب والشفقة زادت ... قام اتحرك ومشى على البوابة ... ويلقى ليك واحد واقف ماسك الباب زي ما يكون خايف يجري منه ..

    الحاج:
    كدى ياولدي ... الندخل

    صاحبنا:
    ممنوع الدخول يا حاج ... ارجع لا ورا شوية بالله ..

    الحاج:
    ياولدي ... الولد جاه من السفر ولي هسي ماطلع ... خليني ادخل نشوف الحاصل شنو

    صاحبنا:
    ياحاج ... ممنوع الدخول .. للموظفين بس ...

    الحج ركلس في الباب ... وصاحبنا حس بي شقثته على ولده

    صاحبنا:
    ياأبوي ... انت ولدك اسمه شنو ؟؟؟ اديني اسمه ... وأنا سأل ليك عليه..

    الحاج:
    اسمه .......!!!! وعليك الله كان شفته خليه يجي مارق ... دي وقفتنا من الفجر ..

    ويقوم صاحبنا ينادي لواد من زملانه ...

    صاحبنا:
    يا علي ... يا علي... تعال دقيقة بالله
    اسمع ... عمنا ده راجي ولده من قبيل ... ماطلع ... عليك الله كدى شوفه جوه .. اسمه ...!!!

    ويدخل علي .... يغيب شوية ... ويرجع وعويناته مقلعة ..... ويهمس في اضان صاحبنا ...
    صاحبنا وشه اتقلب .. وقف شوية متردد .. يقول للحاج ولا يطنش .. المهم استجمع شجاعته وقرب من الحاج

    الحاج:
    اها ياولدي .... لقيتوهو ....

    صاحبنا:
    والله ... والله ... ياحاج .. ولدك .. عند الجماعة ديل..

    وينتفض الحاج

    الحاج:
    ليه ... ماله ... في شنو ياولدي ... حدسني .. الولد ماله .. الحاصل شنو .... عايزين منه شنو ....

    صاحبنا:
    بيقولو .... بيقولو .... ولدك قاعدة

    الحاج:
    شنو ... ماله ... قاعدة .... قاعدة دي شنو دي ... فهمني ياولد ... في شنو ؟؟؟

    صاحبنا:
    ياحاج ... قلت ليك ... ولد قاعدة

    الحاج:
    هي شنو قاعدة دي ....

    وكان في زولا شليييييييييييييق خاتي أضانه ...

    الزول:

    يعني إرهابي يا حاج ....!!!!!!! ؟؟؟؟؟


    ونجيكم ...
                  

06-29-2003, 11:19 AM

Zaydoon

تاريخ التسجيل: 06-12-2003
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الغريب عن وطنه .. مهما طال غيابه (Re: Zaydoon)

    صباح الخير
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de