إنعقاد الجمعية العمومية لبورداب وبوردابيات الرياض

حقنة انسولين على الحائط

فراشات سيسيليا الحزينة!

مظاهرة الغضب الكبرى لنصرة تابت الثلاثاء 25 نوفمبر بنيويورك

الوقفة الإحتجاجية للجالية السودانية بولاية كوينزلاند الأسترالية بمناسبة الــــ G20

المنبر العام ابحث

اغانى مختارة

English Forum

تحديث المنتدى

الحضور

تحميل الصور تحميل الفيديو والأغاني أغاني مختارة الصور المختارة التبرع للموقع
كيبورد عربي دليل الأصدقاء أغاني سودانية

دليل الخريجين

اجتماعيات

آخر الأخبار

دراسات ومقالات الأرشيف والمكتبات أرشيف النصف الثاني للعام6 مواضيع توثيقية قوانين ولوائح المنبر
مرحبا Guest [دخول]
أخر زيارة لك: 20-11-2014, 10:42 PM الرئيسية

مدخل أرشيف العام (2003م)حلمنتيش
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
أقرا احدث/اخر مداخلة فى هذا الموضوع »
17-06-2003, 12:23 PM

alfatih

تاريخ التسجيل: 04-02-2003
مجموع المشاركات: 1150
للتواصل معنا
FaceBook
تويتر Twitter
YouTube



حلمنتيش

    ألانا

    حدباى
    هى زى هبهانة وما هبهانة
    وزى بنانة وما بنانة
    غايتو نحن مجننانا
    حتة حتة مكسرانا
    لسة ما عرفتوها برضو
    دى ما ألانا
    ألانا خلتنا عاد ننضم برانا
    غايتو لو سكنت حدانا
    نحن ما الله معانا
    ألانا ما بتاكل فتة اصلو
    وما بتمشى الاجزجانة
    فيها حاجات مغلغلانا
    تلاتة شامات جنب خدودا وجنب اضانا
    اضانا زاتا مطنشانا
    تلاتة حاجات لاها وحدى ولا توأيز
    وفيها أيز اى واحد شافا مرة
    الجماعة رقدوا خردة
    أولزا بيبل راقدين جنايز
    اف انا مرة اغتربت
    ولى امورى اورقانايز
    لى ابوها جوة هاوسو بمشى ليهو وما بلاوز
    اصلى حربى وفقرى ييشن
    اقولوا امايستميشن انى يور دوتا
    رهيبة وليها عايز اعرسيشن
    اف هو قال لى رافضيشن
    ولى عيونو حمريشن
    بقولو ليشن وبالحجارة بجدعيشن
    وابقى بيشن

    ألانا جاتنا فى الخرطوم هنا
    الجماعة جنس دفر وجنس عفص
    وجنس كبع وحريمنا عاد فتحولو تب
    من الزعل داير ينفقع
    ألانا جاية من استراليا
    جكسينا عاد امبدة والديم والربع
    ألانا جاية من استراليا
    لابسة جنز بلوزة غالية
    جكسينا ناس جكس العباية
    وفى العباية قماش ملاية
    ألانا جاتنا بقوها زى ست الودع
    جاها واحد قال ليها يا ألانا
    جرى كبسولة الزمن دى شهرين لى قدام
    شوفينى بعد الامتحانات بباصى ولا بتشلع
    جاتا وحدى قالت ليها الرسول يا ألانا
    تجرى كبسولة الزمن دى عشرين سنة
    شوفينى بتزوج ولا شاكوش بتلبع
    بعدين ألانا لا بتنخلط ولا بتقتنع
    الا لى انا دة فقرى جدا مطلع
    انا عاد بخاف
    قلت ليها ارح نقعد فى سنة تلاتة الاف
    وفو مشينا سنة تلاتة الاف
    قلت ليها تعرفى ناس القرن العشرين
    ناس متخلفين ... سفر بالطيارة
    وكمبيوترات وجنس عوارة
    اها قمنا راجعين كبسولة الزمن ضهبت
    وقعت بينا فى امبدة جنب المزارع
    نزلت منها ألانا شافت الناس بتاكل فى الكوارع
    جرت للكمبيوتر قالت ليهو يااى
    نحن فى ياتو زمن ؟
    قال ليها نحن فى الزمن الضائع
    ألانا معاها وحدى قالوا جانا
    يعنى بس بالشايقى جينى
    يالحلوى وظريفى
    الكريشة ماها ظاهرى والرويس تب ماهو نيفى
    جينى قمى وكونوا زاتا نشوفا نحنا
    دى زاتا نعمى
    والشايقى فيها اندهش داير
    يقول دة الشغل قال دى الخدمى

    يا وجع ساكن كلانا
    الا جد جد وبامانة فى بناتنا بنلقى
    مليون زى ألانا
    فى السماحة عسل بدفق
    ومسخن سكر كنانة
    وفى العلم افكار دؤوبة
    شان يطوروا مستوانا
    فى بناتنا بنلقى حاجة ما بنلقاها فى ألانا
    فيهن العفة الرزانة
    وفيهن الامل البيضوى
    فى مدنا وفى قرانا

    (عدل بواسطة alfatih on 17-06-2003, 12:27 PM)

                   Subscribe on YouTube |Articles |News |مقالات |اخبار

17-06-2003, 01:04 PM

3omda4



للتواصل معنا
FaceBook
تويتر Twitter
YouTube



Re: حلمنتيش (Re: alfatih)



    سلام ياولدنا
    ممكن اشارك؟؟؟؟؟؟؟؟؟؟
    الاجابه التانيه
    لاجابه صحيحه؟؟؟
    خلاص حاشارك بقصيده
    القصيده من حلمنتيش الجامعه

    عايز اكون
    ------

    قالو زهجانه واظنك ....ما عرفتي سؤالي عنك
    يا اللزيزه الكلكي جنك
    عايز اكون انا ابقي منك
    اي حاجه قريبه منك
    تبقي طربيزه ابقي كرسي
    تبقي راكب ابقي تكسي
    بيكي اسافر لام دقرسي
    وتبقي حافله ابقي بوكسي
    وياسلام لو ابقي ببسي
    تشربيني
    تقرطعيني
    تدفقيني
    وما مهم
    هي قرطعيني
    بس مهم شوفت عيونك ابقي اي حاجة قريبه منك
    تبقي وردي ابقي ترباس
    تبقي سانتو ابقي كدباس
    تبقي بنكي ابقي حراس
    تبقي برعي ابقي عباس
    تبقي اوبرا ابقي ترباس
    ابقي غرقان تبقي رفاس
    رفسيني
    وفتشيني
    وغرقيني
    وفنجطيني
    وماهم
    هي رفسيني
    بس مهم شوفت عيونك وابقي اي حاجه قريبه منك
    تبقي فالق ابقي مفلوق
    تبقي كسره ابقي طايوق
    تبقي منفوخ ابقي مطفوق
    تبقي ويكه ابقي لايوق
    تبقي شناق ابقي مشنوق
    تبقي حراق ابقي محروق
    وياسلام لو تبقي خازوق
    مقلبيني
    وزهجيني
    وعكريني
    ومامهم
    هي مقلبيني
    بس مهم شوفت عيونك وابقي اي حاجه قريبه منك
    تبقي حيطه ابقي طوبه
    تبقي روسيا ابقي كوبا
    تبقي جمباظ ابقي هوبا
    تبقي غنمايه ابقي لوبه
    تبقي فاطمه ابقي زوبه
    ابقي راس هي تبقي قوبه
    الميني
    وعوريني
    وبشتنيني
    وزهجيني
    ومامهم
    هي عوريني
    بس مهم شوفت عيونك وابقي اي حاجه قريبه منك
    تبقي سكر ابقي ضبان
    تبقي بوليس ابقي بمبان
    تبقي كبده ابقي مصران
    تبقي شيته ابقي طرزان
    ابقي حفله وتبقي سكران
    فرتقيني
    وجهجهيني
    وبهدليني
    ومامهم
    هي فرتقيني
    بس مهم شوفت عيونك وابقي اي حاجه قريبه منك
    قالو زعلانه واظنك
    قالو قرفانه واظنك
    ماكي عارفه سؤالي عنك
    يااااااااااااا اللزيزه الكلكي جنك
    عايز اكون انا ابقي منك اي حاجه قريبه منك
    اي حاجه قريبه منك
    اي حاجه قريبه منك
    اي حاجه قريبه منك



                   Subscribe on YouTube |Articles |News |مقالات |اخبار

17-06-2003, 01:19 PM

alfatih

تاريخ التسجيل: 04-02-2003
مجموع المشاركات: 1150
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    عمدة
    اللزيز الكلكى جنك

    تسلم
                   Subscribe on YouTube |Articles |News |مقالات |اخبار

17-06-2003, 01:27 PM

انور عمر

تاريخ التسجيل: 15-10-2002
مجموع المشاركات: 559
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    شعر: نسرين سيد صديق

    قالوا قامت شكلة في صينية الفطـور
    الآبري عمل فيها مجنون

    قال: يا انكشح يا أقوم ، يا أدي الحلومر أم دلدوم
    كيف تسمو علي أب لوناً حيمور
    أب عواسةً بالاسابيع تـطول
    اسمه التقول غلوتية .. وريحته ابداً ما زكية
    الحلو مر قال للآبري: اسكت يا حلبي يا مضروب
    يا مقطع يا مشرط يالنصك بعد رمضان في الكراتين مربط
    قال ليهو الأبري : انا مقطع يا اب طرقا مدفق
    أنا بتشرب كلي، ما بشيلو نوري ويرمو قنبوري
    قال ليه الحلومر: قنبور شنو يا اب طرقاً في قعر الكبايت

    مجلط وفي رقابة الجكاكة مشلهت
    قال ليه الآبري : بتشلهت ما بشلهت و للعواسات امرض

    *جات العصيدة من بعيد تتجارا
    قالت ليهم : براحة يا جماعة.. والله أقع اكسر رقبتي وتقوم في السودان مجاعة

    انا ما عصرة الكبدة وللصينية نوارة

    انا ما نجفة الغرافات والملحات فيني محتارة
    كان الروب ولا التقلية و حتى النعيمية بجلالها
    نطط الروب من الكورة
    و قال ليها : اسمعيني هنة يا زولة
    انت بلاي ما بتنوري .. وأخير منك قراصة جاية من نوري
    قالت ليه القراصة : تقارني بالمدردمة المعجوني
    أنا يا الحلبي شايقي مشكوري

    إخلو لي هش البلح، و يرمو جنبي العصيدة محسوري
    قال ليها الكركدي : انت يا القمحٍ امانِ مي سمحري

    قالت ليه: هوي، هه يالمصري ما تتشويـق لي
    كان سمح ولا شين الروب ده ود بلدي
    تر لا غاد و شوفلك كشري

    قال ليها الكركدي: تتجوزيني؟
    قولت تتجوزيني.. جن المويات دافرات
    والروب فار واتدفق بالجنبات
    الكركدي نطً من الجك و مرقها من الخرطوم للامارات...اغترب
    حرت بلدنه .. وديل وديل اولاد بلدنه
    و ديل انحنه كان ناس ولا مويات
    في رمضان وفي كل المناسبات
                   Subscribe on YouTube |Articles |News |مقالات |اخبار

17-06-2003, 05:08 PM

alfatih

تاريخ التسجيل: 04-02-2003
مجموع المشاركات: 1150
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    الحبيب انور عمر
    لك التحية على المداخلة
    الجميلة دى
    وكتر منها عشان نزيل الدبرسة


    عبلة

    لها سفة لو انهادخلت
    بها يوما على واحد عاش فى
    السجن وانقفل
    لاصبح مهووسا بها ولهاج
    واغتاظ وانفعل
    منشية الكرعين
    و الحشا
    تكاسية الالفاظ
    من شافها جفل
    ام بدية الكعال
    وسطية الضفر
    كمسارية الحوار مقطوعة الاهل
    محدبة الفكين
    ريحتها بصل
    لاعبتها السيجة حجارى ترادفت
    ودكتها لاننى البطل
    فلبعتها تسع وتسعون لبعة
    وبلنجة اخرى وكنت على عجل
    ثم انى حرستها على بابها
    اربع وعشرون ساعة
    لم يهمنى الحر ولا السقط
    ولا اولاد حيها اذاما الليل
    جن او دخل
    عصاتى مدببة مضببة
    ودراعى بها سكينة تجقد من تطاول
    او سأل
    ولم تعر الباب مرة لتعرف ما بى
    لا انا اكل ولا هدمى ينغسل
    واباك اذا ما مر بى ادسس وجهى
    او ادنقر راسى او اكب الفلل
    ومرة اباك لقانى فى الشارع
    فحيانى وظننته فصل
    وكم من مرة تمنيت لو اننى
    دخلت توشا
    لكننى اتردد حين يتملكنى الخجل
    الدنيا قست معاى حين نشأتى
    وحالتى شلش ووالدى يبيع القلل
    ولانه حين ولدونى وسمونى
    كانت سمايتى على سخل
    وانت رغم صدقى وصبرى
    يستهويك من له كريسيدا او كرونة
    او حتى من يمشى على عجل
    انا من له الجسم غريب الى الان
    لم ازل اصفر اللون باسم
    وانا فى الكتشينة اول من
    نزل
                   Subscribe on YouTube |Articles |News |مقالات |اخبار

18-06-2003, 11:06 AM

انور عمر

تاريخ التسجيل: 15-10-2002
مجموع المشاركات: 559
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    السلام عليكم ورحمة الله وبركاته
    يا اخي الدبرسة الجاتك شنو مالك الحاصل ليك شنو
                   Subscribe on YouTube |Articles |News |مقالات |اخبار

17-06-2003, 07:44 PM

3omda4



للتواصل معنا
FaceBook
تويتر Twitter
YouTube



Re: حلمنتيش (Re: alfatih)



    هذه القصيده للاستاز محمد عبد الله الريح

    خليناك وما خليتنا
    --------

    خليناك وما خليتنا
    ه يا القصيت دربنا وجيتنا
    من بين الشباب ناديتنا
    قلت كتير خلاص حبيتنا
    لما شبكنا فيك ابيتنا
    يظهر ناوي تخرب بيتنا
    قول باالله كيف باريتنا
    بي مات العيون جريتنا
    في حبل الغرام شريتنا
    مااا تنزلنا ياااا الماطريتنا
    ورانا كتير جريت سكيتنا
    لي قاضي المحنه شكيتنا
    لما شبكنا فيك فكيتنا
    بدمع العيون بكيتنا
    جيتنا وبالعيون باكيتنا
    لمّن غلبك سكيتنا
    زي لعب الورق شكيتنا
    جيت حمبكته ليه دكيتنا
    تاني بريس بريس لاقيتنا
    لما رضينا بيك صافيتنا
    وتاني بدون سبب جافيتنا
    ليه يا جكسه يعني طفيتنا
    وقمت وبالحنان وصيتنا
    لمن للاهل عصيتنا
    ولمن في الدرج رصيتنا
    في الاوت بعيد باصيتنا
    زي لعب العيال سويتنا
    واتفششته زيييييين كاويتنا
    ه ياالغسلتنا ولاويتنا
    ما اتكرمشنه ليه ما كويتنا
    اتشتت ما لميتنا
    في قفه هواك خميتنا
    في كانون هواك حميتنا
    لمن زيتنا فاح شميتنا
    لمن زيتنا فاح شميتنا

                   Subscribe on YouTube |Articles |News |مقالات |اخبار

18-06-2003, 02:22 PM

الرشيد أحمد القاسم

تاريخ التسجيل: 24-02-2003
مجموع المشاركات: 0
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    يا شباب هذه أبيات وجدتها في مؤخرة رأسي
    ولا أدري لمن والظاهر انها ناقصة فنرجوا
    من كانت عنده معلومات عنها أن يمدنا بها

    قالت سوف تنساني
    وتنسى إنني يوما وهبتك نبض وجداني
    وتعشق موجة أخرى وتهجر دفء شطان
    ويسقط كالمنى اسمي وسوف يتوه عنواني
    ترى ستقول يا عمري بأنك كنت تهواني ؟
    فقلت هواك إيماني ومغفرتي وعصياني
    أتيتك والمنى عندي بقايا بين أحضاني
    ؟؟؟
    ؟؟
    ؟
    أحبك أنت يا أملا كضوء الصبح يلقاني
    أمات الحب عشاقاً وحبك أنت أحياني
    ولو أنساك يا عمري حنايا القلب تنساني
    إذا ما تهت في درب ففي عينيك عنواني







                   Subscribe on YouTube |Articles |News |مقالات |اخبار

18-06-2003, 02:28 PM

alfatih

تاريخ التسجيل: 04-02-2003
مجموع المشاركات: 1150
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    الحبيب انور عمر


    الدبرسة ما بتاعتى انا
    بل فى ناس دبرسو بينا هنا
    وعايزنهم يطلعوا منها



    الاخ الرشيد

    قصيدتك دى فيها شاكوش
    وكت قريتها لحدى قربت ازوغ
    لكن تميتا برضو

    لك الحاجات السمحة
    وتسلم على الطلة
                   Subscribe on YouTube |Articles |News |مقالات |اخبار

18-06-2003, 02:38 PM

alfatih

تاريخ التسجيل: 04-02-2003
مجموع المشاركات: 1150
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    يوم داك

    كشكة

    مشكلتى انى جكستك
    وشلتك شمعة فى جواى وقدستك
    وبعد الكلام القلتيه صدقتك
    نسيت انى تربيت فى راكوبة
    وكنت بدردق اللستك
    مشيت حفيان وبت جيعان
    وما صدقت شاكلتك

    وونستك بقصة ابوى لمن هاج
    وضرب العرقى وفرتق الجرتق
    وألمتك بقصة ديكنا لمن مات
    واحزنتك
    وجيتك يوم داك بدرى
    شاكى ومضيقة ولابس جزمتى السوداء
    عفصتك بيها عوكتك
    وضحكتك وكلكلتك وونستك
    انا بريدك حتى ذراتك
    وتصدقى انى قبالك بيدفرونى للحمام
    واخش حمامى بالدفرة
    ما اتسوكتا ما اتشطفتا ما اتمخطا
    قبالك
    وبعد ما جيتى لاقيتك
    كان عيدى وميلادى تشرينى ؟
    ان شا الله تموتى

    يا كلبة
                   Subscribe on YouTube |Articles |News |مقالات |اخبار

18-06-2003, 03:05 PM

3omda4



للتواصل معنا
FaceBook
تويتر Twitter
YouTube



Re: حلمنتيش (Re: alfatih)



    رايكم شنو اديكم واحده؟؟
    القصيده دي بتاعت المتجكم العلفي

    لهلوبه
    ----
    يا ام ريداً شعل في جسمي لهلوبه
    انا المعيوس دوام كسره وفارد ضلعي راكوبه
    انا المفروم اكيد كفته وجنبك قالب الهوبه
    اشيل احزاني واتوجع واعاين ليك بعينين دوام تدمع
    اجيب الفانته
    ما تنفع
    اقدم كولا
    ما تنفع
    اعزمك سينما
    ما تنفع
    الف في القهوه واتمرصع وارقص جيركي واتوقع
    والبس ليكي شارلستون وقمصان قوس قزح مليون
    انا المخروط انا المغبون
    انوم فالق اقوم مفلوق
    انوم منفوخ اقوم مطفوق
    انا المتروك بدون احباب وانا المشنوق في حلق الباب
    وانا المارق من المولد بدون حمص
    وانا الامسخ من الترمس
    وانا الرامني في الكوشه وانا العفصتني نعنوشه
    وانا الضاربني نوك اوت وكل اسناني مدشوشه
    وحي لو حي تفيد ملكوم لو بترجع اللكوم ولو بتروح الدوشه
    كنت اقوم واقول ا حي
    هه كنت احوم واصول ا حي
    كنت انوم واقول ا حي
    كنت اعوم واقول ا حي
    هه كنت اصوم واقول ا حي
    كتلت الجضوم وآآآآآآآآآه ا حي
    وحي وا حي وحي واحي
    انا اللاعب وفاقد اتوه ودايماً وارمي في البوشه
    انا الكاتلاني حنتوشه
    وانا الشارني في الكوشه
    انا الشارني في الكوشه
                   Subscribe on YouTube |Articles |News |مقالات |اخبار

18-06-2003, 03:31 PM

Maged

تاريخ التسجيل: 08-06-2003
مجموع المشاركات: 316
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    سلامات يا شباب
    ممكن نشارك معكم؟
    كتب شمس الدين حسن الخليفة:

    لو ما الدنية قاسية و قاصدة تسوى لوم
    تركبى اٍنتى تانية و نركب نحن نوم؟

    يوم سفرك ده حقو السكة الحديد
    تدى الناس اٍجازة ويلبشو ليك جديد
    والصالون محضر جاى عليهو عيد
    اٍستقبل نضارتك بى فرحة ونشيد

    والسواق موصى اٍبقى هميم و حاس
    اٍبقى عليك حنين ويسوق باحتراس
    وما اٍقلك منامك لو لفراملو داس
    وعارف الجاهلة دايم فى عيونة النعاس

    ولا بدل ده كلو للقدر الرفيع
    فى محطة وصولك اٍبنو مطار سريع
    تجى طيارة خاصة تشيل زهر الربيع
    وتخلى الغلابة ما لاقين وجيع


    ودمتم
                   Subscribe on YouTube |Articles |News |مقالات |اخبار

18-06-2003, 04:08 PM

بت قضيم

تاريخ التسجيل: 05-07-2002
مجموع المشاركات: 2048
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    الاستيكة
    واحد قاعد في كفتتريا الجامعة جات واحدة قيافة استلفت منه اسيتيكة،، شوية لفتها ودخلتها في الشنطة
    قال ليها

    تسمح؟؟
    وكيف يا السمحة ما بسمح
    اصابعي العشرة يكتبوا ليك وقلبي استكية للغلط يمسح
    يدوب بين اصبعين حلوين ويتوه وسط السطور ويسرح
    ولما تنتهي الكلمات،، نخش في شنطة في منديل ونمشي القهوة نتفسح
    وهناك عاشق يطيع سحرك
    يجيب الفانتا شان امرك
    وتتحكر الشنطة في حجرك
    أعاين ليك تغمضي انت
    تعاينيلي اغمض انا
    ونعيد الكرة من اول
    اعاين ليك ،، تغمضي انتي
    تعاينيلي اغمض انا
    أعاين ليك تفري البسمة لي اضنيك
    احك راسي
    وابلع ريقي
    واقول السمحة لو تسمح
    احسن نمشي في زاوية وركن ضلمة
    تقول بسمح
    وتتلملم وتتخمخم
    وانا اتكركب واخم نفسي
    واقع في الكرسي،، أوووب سوري
    اخبط الجنبي ،، اوووب سوري
    هناك في زاوية نتقعد
    واقول ليك
    والحاصل
    وفي الواقع
    وحقو الزول
    تقول لي
    هي ياده
    ما تخجل وتتعقد
    كون واضح
    اخم نفسي
    واقول ليك
    بي صوتا ندي ورويان
    يفيض رقة ومزيكة
    لوتسمحي
    يا السمحة
    ترجعي لي الاستيكة
                   Subscribe on YouTube |Articles |News |مقالات |اخبار

18-06-2003, 06:31 PM

AbuSarah

تاريخ التسجيل: 27-05-2003
مجموع المشاركات: 667
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    يا الفاتح والاخوة الاحباب/
    ما فض لكم فوها
    زي ما قال سيدنا الصادق / وضحكنا في اوقات حزينة...ما احوج البورد لمثل هذه النفحات التي تمر عليه كغيمة في عز الصيف ، ونسمة دعاش تبشر بالخريف والمطر....والزرع اذ يخضر والضرع يدر در
    هاك يا الفاتح قرب القرعة واحلب الجاموسه... و لا ام قرين بقرتك المطموسه

    اخوكم ابوساره
                   Subscribe on YouTube |Articles |News |مقالات |اخبار

18-06-2003, 09:03 PM

alfatih

تاريخ التسجيل: 04-02-2003
مجموع المشاركات: 1150
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    عمدة
    سلام يا اصيل
    انت عارف لهلوبة دى
    قلبت فيها هوبة
    انضح ايها المبدع

    تسلم



    ماجد
    سلام يا شفيف
    الاستاذ شمس الدين حسن خليفة
    المبدع المعروف ؟
    كنت قاعد اقرأ ليهو
    فى جريدة الخرطوم
    تسلم
    ويسلم شمس الدين
    وبالله زيدنا من روائعه

    بت قضيم
    بت قوقو
    سلام يا مبدعة
    الواحد الليلة يضبح ليك محمد دة
    تسلمى يا زوق على المشاركة
    لكن الزول دة ما مطرطش ؟
    البت ما صدقت لمت فيهو
    وخلاص قالت جابت الراس
    اتارى سجم الرماد
    اكاديمى بس ؟
    قال استيكة قال


    ابو سارة
    سلام يا حبيب
    و الله الواحد سعيد بمشاركتك دى
    و زى ما قلت البورد عايز
    نفحات كوميدية
    اليومين ديل زى ما قال
    ابو حراز كان داير تدخلو
    الا تجيب معاك عكاز مضبب

    بعدين القرعة
    جبتها بس الجاموسة المطموسة
    دى ابت تحلب
    وقريت تكسر القرعة
    المرة الجاية بنجيب معانا
    وحدات من هولندا
                   Subscribe on YouTube |Articles |News |مقالات |اخبار

18-06-2003, 10:52 PM

haneena

تاريخ التسجيل: 27-05-2003
مجموع المشاركات: 2002
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    سلام يا فاتح

    والله بوستك خفيف وظريف

    خفف علينا من طقيع الحجار والعكاكيز الحايمة دي

    بمشي واجيك راجعة بحاجة سمحة

    جيب لينا معاك الحاجات دي لما نشوفك هناقريب-

    بإذن الله

    تسلم
                   Subscribe on YouTube |Articles |News |مقالات |اخبار

18-06-2003, 11:34 PM

cantona_1

تاريخ التسجيل: 04-01-2003
مجموع المشاركات: 6747
للتواصل معنا
FaceBook
تويتر Twitter
YouTube



Re: حلمنتيش (Re: haneena)

    الأخت بت قضيم
    بعد التحية

    كاتب قصيدة الإستيكة هو زميلنا المرحوم محمد إسماعيل المشهور بالبروفيسور جاغوم بن بلاّع خريج كلية العلوم قسم علم الحيوان العام 1976

    كتب هذه القصيدة وهو في مكتبة الجامعة عندما طلبت منه إحدى جميلات العلوم في ذلك الوقت الإستيكة ونسيت الموضوع ووضعت الإستيكة في شنطتها وعندما إحتاج للإستيكة إتكبكب وكتب تلك القصيدة

    عليه رحمة الله

    وبالمناسبة هو كاتب قصيدة

    نعست يا السمحة أم جضوم
    إتجازى عاد دكتور فلان تتهدّ كلية العلوم
    دبابة تعمل فيها رف ماتخلي عاد في الكيمياء رف
    وتغشى لي القسم سيد الإسم تهدم وتهرس من طرف

    ونقعد برانا لوحدنا.. إنت وأنا.. وسط الخراب.. في أي لاب
    دكتورة من غير إمتحان
    إلخ القصيدة

    لقد توفيت السمحة أم جضوم أيضا عليهما رحمة الله وغفرانه

    هل يعرف أحدا منكم من أين أتت كلمة حنكوشة؟؟؟
    من هو مخترع الكلمة... والذي نظّم أول قصيدة جاءت بها كلمة حنكوشة؟؟
    هل منكم من يعلم من هي البنت المقصودة بكلمة حنكوشة والشباب المعاها؟؟

    القصيدة بدايتها تقول:

    ناس هشومة ناس عصومة نافشين الشعور منكوشة
    ..... الخ القصيدة

    الإجابات على هذه الإسئلة في البوست الجاي لو ماعارفين

    الجفلن خلوهن أقرعوا الواقفات
                   Subscribe on YouTube |Articles |News |مقالات |اخبار

19-06-2003, 02:25 AM

Maged

تاريخ التسجيل: 08-06-2003
مجموع المشاركات: 316
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    العزيز الفاتح
    هذه أيضا من قصائد ـ العم ـ شمس الدين حسن الخليفة الحلمنتيشية
    وقريبا ستقراؤا قصائد الأستاذ ـ والوالد ـ مبارك حسن الخليفة
    قصيدة شمس التالية كانت مشهورة بين شباب جامعة الخرطوم

    ليه تظلمنى ليه تظلمنى
    وفى هواك أنا ليه بتلومنى
    لو تظلمنى وتنسى هواى برضى بحبك زي
    my eye
    وصولك كيف ومكانك
    high
    تعال أدركنى
    befor I die

    ليه يا قاسى ستة شهور
    since I saw you
    وامكن
    more
    قلبى حزين أصبح
    very poor
    بين ال
    window
    وبين ال
    door

    ليه يا قاسى كفاى تعذيب
    من ذكراك
    I can't sleep
    في قلبى جروحى كمان
    very deep
    و شغلى صبح فى
    cry and wheep

    عملتة كمان لحبك فايل
    واستعملتة
    every style
    دمعى يسيل زى موية ال
    nile
    وطالب منك
    just smile

    بحلم بيك أنا
    day and night
    أنا والنوم دوام فى
    fight
    اٍنتة النور بل اٍنتة ال
    light
    تغلط واحلف اٍنك
    right

    (عدل بواسطة Maged on 19-06-2003, 02:27 AM)

                   Subscribe on YouTube |Articles |News |مقالات |اخبار

18-06-2003, 11:42 PM

alfatih

تاريخ التسجيل: 04-02-2003
مجموع المشاركات: 1150
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    الاستاذ كانتونا
    سلمت ياخى للتوضيح
    وللطلة برضو
    لكن ما تتم لينا القصائد دى
    عشان تتم السعادة

    بالنسبة للسؤال

    الاجابة هى
    التفنيش
    ممكن اتصل بصديق ؟

    طيب
    لحن الختام بهديهو
    لبابا فى اميركا
    والاخوان
    فى نجيريا و الكاميرون
    و البرازيل
    وكوريا الشمالية

    و للاصدقاء
    فى اليابان
    وماليزيا
    ودول النمور السبعة

    كمان بهدى اللحن
    لبكرى وناس البورد
    الحلوين
                   Subscribe on YouTube |Articles |News |مقالات |اخبار

19-06-2003, 08:22 AM

AbuSarah

تاريخ التسجيل: 27-05-2003
مجموع المشاركات: 667
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    اخي الحبيب الفاتح

    سعيدا ان اسمع منك عبر مساحات الزمان التي امتدت لعقد منذاخر لقاء بيننا.... فيا لها من ايام خوالد في الذاكرة الضعيفة

    ثم انقضت تلك السنون واهلها**** فكأنها وكأنهم احلام
    فالحية لكل حبيب واخي عزيز جمعتنا به مدرجات الجامعة او العمل التنظيمي في حزب الامة وكيان الانصار ايام البراءة والحماسة المتوقدة فلهم مني كل محبة.

    وبمناسبة العكاز المضبب حق اخونا ابو حراز خليني احكي ليك قصة عمنا واحد بديري في دار البديرية في كردفان
    طبعا اهلك البديرية هواة " قنيص " اي صيد لعيل البندر الما بعرفوا كلمة القناص وهي من القنص اي الماهر في الرمي والصيد،

    يقول عمك: لمن الواطة تراشش ( اي يبدأ المطر في الهطول شوية شوية)... وشيخ الصيادين " القناصين" يضر " القرن " وهو مزمار او بوق النداء للخروج الى الصيد ، يقول عمك "سفاريقه" كثيرة مخزنة جو الرحل في البيت قال من ما تسمع حس القرن او البوق براها تقعد تتطاقش كرلع ...كرلع...كرلع

    فيا الفاتح قل لا ابو حراز معانا ترسانة من السفاريق ولقنفوتات والعصي المضببة..... واكثر من ذلك نخشى ان يقال انن دي اسلحة دمار شامل

    ولكن الذي يجلي الغيم والهم والغم ويرطب النفوس التي تشتط في هذا البورد هو حقا هذا المعاني التي تغذون بها ارواحنا..هذه هي الوسيلة الناجحة لنزع فتيل التوتر في العملية التثاقفية والحوارية بهذا المنبر...فطبتم وطابت اوقاتكم
    انكم لمن :
    قوم اذا اسود الزمان تواضحو*** فيه وغودر وهو منهم ابلق


    اخوكم / ابوساره بابكر حسن صالح ود ابو صفية
    ***********************************************************************
    مكتوب لك الدهب المجمر تتحرق بالنار دوام
                   Subscribe on YouTube |Articles |News |مقالات |اخبار

19-06-2003, 11:51 AM

3omda4



للتواصل معنا
FaceBook
تويتر Twitter
YouTube



Re: حلمنتيش (Re: alfatih)



    وهذه القصيده ايضاً للمبدع المتجكلم العلفي


    البص بتاع بنات الزراعه والبيطره في شمبات برضو البص بتاع بنات الطب والصيدله

    بص البنات
    -------

    الليله شوف باص البنات
    عجلاته كيف متحننات
    الكي قبل والكيس حرن
    يمشن تقول متوحلات
    لمباته خلقه مكحلات
    من غير دلال كنباته من داخل عدااال
    شايلات بلومات الكلالي الحبهم في عروقنا سال
    بنزينو من ازكي العطور
    عادمه الكبير يطلق بخور
    سواقو ديمه صباحو نور و مساهو نور
    ورفاه من قدام خفاف
    مضروبه بأحمر شفاه
    وانا بس بخاف
    وخوفي شديد لايدك شداد
    دايرين وصولك بالسلامه
    وتجينا يا برج الحمام
    نتلمه في الكافتيريا كوووم
    ويتلاقو احباباً قداام
    نعمل تمام الكل حضور مافيش غياب
    وكل التياب اتجمعو تسمع ضحكك
    تسمع سلام
    وتحت التحت تسمع كلام
    اه يا حريم نوعكم عجيب
    مرات كلامكم لينا طيب
    لي روحنا انتو بترفعو
    مرات علينا بتتزرو وتتأندلو وتتدلعو
    ولآمن تحين ساعه الدفع نحلف يمين ما تتدفعو
    ونفضل نجيب الشاي باللبن الحليب
    وكمان نجيب وكمان نجيب
    ليمون ملخبط في القريت وتبلعو
    وتقدو جيبنا ونرقعو
    ولم ينتهي الليل سارمشن
    وتقولو دايرين ترجعو
    من نوعنا خالص تقنعو
    تاخدونا طرحه بدون ايجار
    تاخدونا ويتفك الحصار
    وتروحو غير ما تودعو
    راكبين علي باص البنات
    خطراته باقه حلا وحمار
    يا ناس خلاص انا قلبي فار
    نطرح بلاش من دون ايجار
    وجوفنا من باص البنات
    جوه الخشم فتحت غبار
    نطرح بلاش لستكنا طار
    نتعب نلقطهااا في الظلام
    تلقوها ميتات بالنهار يا ناس نزار
    تلقوها ميتات بالنهار يااا ناس نزار

                   Subscribe on YouTube |Articles |News |مقالات |اخبار

19-06-2003, 12:38 PM

alfatih

تاريخ التسجيل: 04-02-2003
مجموع المشاركات: 1150
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    حنينة الحنينة
    سلام
    ما قلتى بمشى واجيك بحاجات سمحة ؟
    انا فى الانتظار النار النار
    وسلمت عزيزتى للطلة
    وقولى بس الحاجات بجيبا معاى


    ماجد
    لك الحب
    كنت اشتهى فى الزمن الفلانى تلكم
    القصائد التى بهرتنا ايام الدراسة
    الحلمنتيشى شمس الدين
    من المبدعين الذين اثروا الساحة
    بالفرح الجديد ,
    انضح بالفرح وزد ايامنا بهجة


    الحبيب ابو سارة
    مصطفى قال
    والله ايام يا زمان
    ببكى واتحسر عليه
    ما بقول العشنا كان

    وصحيح و الله ايام
    بالمناسبة اخوك
    قناص كبير < ما قناص من المستوطنين
    اليهود

    وبحب الارانب

    قال ليك فى واحد اسمه
    هجومة
    قال ليهم شلت السفروق
    واحد قال ليهو السفروق دة شنو ؟
    السفروق دة معناهو السفر عووك
    شلت السفروق ورفعتو ليك
    قلت يا اب صفجلى
    المابتجلى ان ضربك سلاح وان ختاك عود وراح
    وفكيتو ليك
    الارنب شافو وفتح
    انا ما بخليهو لكن
    عضيت ليك جلابيتى وجريت وراهو
    اللحظة المسكت الارنب
    السفروق دقانى فى رقبتى
    نحاول اخى ان ننتزع فتيل التوتر
    ونرش الورود فى ساحتنا


    المبدع عمدة
    دايرين وصولك بالسلامة
    يا برج الحمام
    الحمام دة المجنن بوبى زاتو

    قلت لى برج الحمام ولا برج البراجنة ؟
    تسلموا على الحاجات الجميلة دى
    ووالله ضحكتونى كتير جدا يا لطفاء
                   Subscribe on YouTube |Articles |News |مقالات |اخبار

19-06-2003, 12:43 PM

بت قضيم

تاريخ التسجيل: 05-07-2002
مجموع المشاركات: 2048
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    تحياتي للجميع

    كانتونا
    انا جدا شاكرة هذه المعلومة
    لاني بكره اقول حاجة مبتورة
    والحقيقة ما عارفة القصيدة دي حافظاها لدرجة اني اندهشت وانا اكتب فيها اني حافظاها بهذه القوة
    ولو عندك معلومات اكثر اكون جدا ممنونة
    وتسلم

    جاياكم بتحفة
    استنوا بس
                   Subscribe on YouTube |Articles |News |مقالات |اخبار

19-06-2003, 12:50 PM

alfatih

تاريخ التسجيل: 04-02-2003
مجموع المشاركات: 1150
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    بت قضيم
    تسلمى يا رائعة

    نحن فى رصيف الشوق
    للمفاجأة
    وعلى احر من ال ...
    تعالى بسرعة ومعك الابداع
                   Subscribe on YouTube |Articles |News |مقالات |اخبار

19-06-2003, 01:04 PM

lana mahdi

تاريخ التسجيل: 07-05-2003
مجموع المشاركات: 16042
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    يا اخواننا افيدونا اصل التسمية بالحلمنتيشى شنو؟؟
    بعدين فى قصيدة حكى لى الوالد عنها من ايام كلية الطب - جامعة الخرطوم فى الستينات مطلعها
    اخر الزمن اضحى الخجل
    ما للمرة ...حق للرجل
    حاجيبها منو و انزلها طوالى لانها لذيذة جدا
                   Subscribe on YouTube |Articles |News |مقالات |اخبار

19-06-2003, 01:17 PM

Tabaldina

تاريخ التسجيل: 12-02-2002
مجموع المشاركات: 11844
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    ..
    .


    الاخ الرشيد

    سوف اكمل لك الابيات
    وهى التى تحتها خط
    وهى قصيدة من روائع الشاعر المصرى / فاروق جويدة
    العاطفية بعنوان
    فى عينيك عنوانى
    وليست حلمنيش
    طبعا اخوك كان لمن يلقيها فى المنتديات ..حاجة كدا

    تحياتى

    قالت سوف تنساني
    وتنسى إنني يوما وهبتك نبض وجداني
    وتعشق موجة أخرى وتهجر دفء شطان
    ويسقط كالمنى اسمي وسوف يتوه عنواني
    ترى ستقول يا عمري بأنك كنت تهواني ؟
    فقلت هواك إيماني ومغفرتي وعصياني
    أتيتك والمنى عندي بقايا بين أحضاني
    ربيع مات طائره على احضان بستان
    احبك .. واحة هدأت عليها كل احزانى
    احبك نسمة تروى لصمت الناس الحانى

    أحبك أنت يا أملا كضوء الصبح يلقاني
    أمات الحب عشاقاً وحبك أنت أحياني
    ولو أنساك يا عمري حنايا القلب تنساني
    إذا ما تهت في درب ففي عينيك عنواني

    ----------------------
    سلام يا فرقة حلمنتيش
    وشكرا لابدعاتك ومشاركاتكم
    من الجديد والقديم

    يا عمدة
    قصيدتك دى مش فى مقطع بقول
    لو نسيم يسرح بداركم
    درجة واحدة من حرارة نهاركم
    قشة من خضاركم
    تقطعيها
    وتمعطيها
    وما مهم لو تمعطينى
    بس المهم
    شوفة عيونك
    وابقى منك اى حاجة قريبة منك

    ولا انا تشابه على الجلمنتش
    بعدين يا جماعة
    ووين سيدة لا
    فايتانا ووين مستعجلة
    مالو العميد مالو البليد
    لو خلا ست الناس تعيد

    يا كونتانا الحقنا بيها ما دام طلعوا جيلكم

    ايام الجامعة
    كان عندا واحد مبدع قال قصايد بس الله يقطع
    جن السرقالكاسيت متنى فيهو قصيده اسمها جنكوشة بقول فيها

    حنكوشة ووين القاك
    فى ومبى او كنتاكى
    طفشت
    لبدت
    هربت
    خليتنى اعوعى اكاكى
    يا حنكوشة الدرجة الاولى
    حكم القدر ازورها
    سفن اب من الماسورة

    طبعا والله حنكوشات القاهرة كانوا فعلا
    حنكشة درجة اولى

    تحياتى

    (عدل بواسطة Tabaldina on 19-06-2003, 01:20 PM)

                   Subscribe on YouTube |Articles |News |مقالات |اخبار

19-06-2003, 01:35 PM

lana mahdi

تاريخ التسجيل: 07-05-2003
مجموع المشاركات: 16042
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    اخى تبلدينا
    ذكرتنا بدار الاتحاد العام للطلاب السودانيين بمصر فى شارع المقريزى و الامسيات الشعرية لمحمد احمد يونس صاحب قصيدة حنكوشة و التى اشرت اليها و التى يختمها ب
    حنكوشتى العزيزة
    عزيزتى اللذيذة
    المترو جايى بسرعة
    بالله هاتى بريزة

    سقى الله تلك الايام
                   Subscribe on YouTube |Articles |News |مقالات |اخبار

19-06-2003, 02:02 PM

Maged

تاريخ التسجيل: 08-06-2003
مجموع المشاركات: 316
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    قال [....]

    قيافةأنت كالعجور كبياض الهدوم
    بعيدة أنت على الباص كحارات الديوم
    [كل شئ موقع فيك حتى]
    غزة الكوع وانكماش الجضوم

    .......
                   Subscribe on YouTube |Articles |News |مقالات |اخبار

19-06-2003, 02:17 PM

alfatih

تاريخ التسجيل: 04-02-2003
مجموع المشاركات: 1150
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    الاديبة لنا مهدى
    انت عارفة اصلى ما لقيت لى ترجمة لكلمة
    حلمنتيش واظنها مشتقة من كلمتين
    بعدين الشغلانة هسى بقت بالعكس
    ما للرجل حق للمرة
    وبعدين نقوم نرجعكم شوية للجامعة
    وامرقوا لينا المستخبى من الابداع
    عشان انا اصلى اليومين ديل
    بكوس فى الضحك المعافى من الزيف
    سلمتى يا رائعة


    العزيز تبلدينا
    و الله ضحكتنى فى التشابه
    لكن بقول ليك تشابه عليك الخشب
    والقصيدة القلتها دى ما واحدة
    مع الموجودة
    تانيا
    ستنزل مادام فيها الوجع المضحك

    ماجد
    يا شفيف
    قلت لى غزة الكوع وانكماش الجضوم ؟
    بتك دى سجم رماد مادام
    جضوما غاطسة لجوة


    سلمت
                   Subscribe on YouTube |Articles |News |مقالات |اخبار

19-06-2003, 02:31 PM

abuguta

تاريخ التسجيل: 20-04-2003
مجموع المشاركات: 8262
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    السمبوسة

    السمحة قالت فى حديثة
    لا لا ما باكل سمبوسة
    ولا ايدى بتعرف تدوسة
    بس جيب لى حبة جكناية جوسة
    احى.... يالوسة
    نحن هنا زى الكديسة
    اى حاجة قادين ندوسة
    مرة كسره ومرة ويكة
    ومرة سمبر ومرة دوسة
    بنركب مواتر روسينا كاشفة
    والناس فى دلهى عاملة خوذة
    كل وقتنا سنمات فى قهاوى
    والناس قاعدة تذاكر فى دروسه
    دى ما اكلة ظريفة ياحليوه
    انحنا ما قاعدين نكوسة
    نحن لو لها ما بنعيش
    ونحن بنموت فى السمبوسة
    انت ما اكلتيها بالدهى- زبادى-
    وانت ما ذقتها ياكنجوسة-بخيلة-
    الزمن مشى والشيكات انقطعت
    من ناس ابوها واخوها موسى
    السمحة مرة لقيتها قاعدة
    فى المكتبة عاملة هيصة
    قالت لى انا من زمان راجياك
    جبت ليك هدية جابتها لى معاها نوسة
    تلقاها فى سودانا الحبيب
    فى الابيض ..وبابنوسة
    انا اتخيلت فولنا داك
    او تسالى خالى سوسه
    فتحت شنطتها الظريفة
    العاملة زى شنطة رئيسة
    وطلعت لى من بين الكتب
    قطعة سمبوسة
                   Subscribe on YouTube |Articles |News |مقالات |اخبار

19-06-2003, 02:33 PM

abuguta

تاريخ التسجيل: 20-04-2003
مجموع المشاركات: 8262
للتواصل معنا
FaceBook
تويتر Twitter
YouTube



Re: حلمنتيش (Re: abuguta)

    كومبيوتر

    اى حاجة كومبيوتر
    الساعة كومبيوتر
    والنضارة كومبيوتر
    والجزمة كومبيوتر
    ياحليل زمن النقر
    كانت الدنيا طايرة راكة
    مرة كفر ومرة وتر
    بس الليلة كلامن كل بقى
    كومبيوتر
    الزواج بالكومبيوتر
    والطلاق بالكومبيوتر
    والحب بالكومبيوتر
    والموت بالكومبيوتر
    انا مالى والكوبيوتر
    انا مالى وعيشة الضر
    كنت عايش مرتاح وفى السوق
    عامل سيوبر
    ديك بضاعة رابحة
    وديك خاسرة
    مرة تركيا ومرة مصر
    بس ابوى اصر وقال لازم
    ادرس كومبيوتر
    عشان بيتنا فيه كومبيوتر
    وامى صاجة بكومبيوتر
    وعندها حلة perjure
    حتى حواشتنا فيها كومبيوتر
    الزراعة بكومبيوتر
    والسقاية بكومبيوتر
    والحصاد بالكومبيوتر
    عشان مافى حاجة فى بيتنا تخسر
    انا لازم ادرس كومبيوتر
    جيت لقيت (ناغبيور) ظريفة
    ما فيها عيون حاملة شر
    لكن القلوب عليمها الله
    هى تراها دافنة سر
    بس لما جيت اتصعد
    العواجيز صارت تنظر
    مرة قالو عنى كوز
    ومرة قالو شيوعى حر
    ومرة قالو وقالو قالو
    انى بسكر
    ودا كله عشان انى قاعد بدرس
    كومبيوتر
    مافى ناس عاملين فيه ادميشن
    من سنة حفرو البحر
    لا دايرين امشو ابوظبى
    ولا دايرين يسافرو قطر
    بس قاعدين لشغل التنظر
    انا ذاتى حاقعد انظر
    النشوف مين الفينا يخسر
    ما اى حاجة كرهت احمد
    حتى حركات الprinter
    ولما اكتب برامج
    The output equal error
    حتى اللونا منى زهجت
    وفى النهاية عملت موتر
    وعلقت ليه شعار سودانير
    بس الموتر بمشى خطوة خطوة
    واللستك جديد قاعد يبنشر
    ولو الواحد عايز يحب
    برضو هنالك من ينظر
    ولو دخلت معاههم معاينة
    بطلعونى واحد صَغير
    بس هى قالت لى عشان
    تبقى قيس وابقى ليلى
    وتبقى روميو وابقى جولييت
    وابقى عبلة وتبقى عنتر
    انا لازم تدخل معسكر
    انا مالى والمعسكر
    ومال وبلدى وحكومة عسكر
    عشان كلامك كومبيوتر
    وانت ذاتك cpu
    وانت ذاتك كومبيوتر
    فى مشيك لاكى رايحة ولاكى جاية
    ولاكى ماشة ولا كى راجعة
    متل حركات الprinter
    عشان عيونك يامزرزر
    انا اتعلمت الكومبيوتر
    كومبيوتر
    كومبيوتر
    كومبيوتر

                   Subscribe on YouTube |Articles |News |مقالات |اخبار

19-06-2003, 02:51 PM

alfatih

تاريخ التسجيل: 04-02-2003
مجموع المشاركات: 1150
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    ابو قوتة
    مرحبا بك فى واحة الحلمنتيش
    يا مبدع

    انا الكمبيوتر
    انا الزرزروتر
    انا المكنة اللديتر
    قادى عربى وكمان
    سمستر
    تقول لى كمبيوتر ؟
    دة عامل زى رئيس اوربى
    دة شارب تروبى وكمان شرودر

    سلمت يا اصيل
    دى نجرتها هسى
    ردا عليك
                   Subscribe on YouTube |Articles |News |مقالات |اخبار

20-06-2003, 11:07 AM

3omda4



للتواصل معنا
FaceBook
تويتر Twitter
YouTube



Re: حلمنتيش (Re: alfatih)



    حب بالقوه للرائع المتجكلم العلفي

    يا من حبيت و ما حصل حباني
    ما كان في داعي تقفلو البيباني
    حبيتكم حباً يهجهج اضلعي
    شخبطه بالفحم في الحيطاني
    انا دقلش ومدقلش ياحلوتي
    ما كان في داعي تكسروا اسناني
    أنسيتي قعداتي مقاصد بيتكم
    متفرجخاً في عتبه الدكان
    راجيكي تفتحي بابكم في مره
    فاراكي حائمه وبالفستاني
    او تكشحي مويه الغسيل بجردل
    ياااا جردل حملته احلي يداني
    او تندهي لاخوكي من شارع الظلط
    واخوكي كبسه معاك في كل مكان
    انسيتي قعداتك في زحمات العرس
    مدهونه ملفوفه التيباني
    وانا هناك مصنقر في زاويه
    ومقهي فيكي مشحط العينان
    وينوقش الطبال في نقراته
    يلعلع الفنان بالالحان
    ويقوم مفعوص يلولح وسطه
    يدعوكي للكاروشه في الميدان
    فتظلي ترقصي في الثباته بخفه
    وتوزعي النظرات بالمجاني
    الكل هاجو ثم ماجو ونطتوا
    مثل الجزيره تموج بالفيران
    ياليتني سماً زعافاً حارقاً
    لقرضتهم قرضاً بلا احسان
    حتي العريس وعروسه سممتهم
    غرغرت باقي السم للفنان
    خميت كل الكراسي وردمتها
    اطلقت فيها حارق النيراني
    كوركت ياناس المطافي الحقوا
    النار امتدت الي الصيوان
    حتي اذا ناس المطافي ما اتوا
    كوركت يا ناس المطافي ثواني
    في القلب القاهم
    وفي المصران نيران
    فالتطفو نار الخلط من مصراني
    ولتأمروا هذه البنيه تحبني
    ما دام ابت ريدتنا بالاحسان
    ولتأمروا هذه البنيه تحبني
    ما دام ابت ريدتنا بالاحسان
                   Subscribe on YouTube |Articles |News |مقالات |اخبار

20-06-2003, 02:39 PM

alfatih

تاريخ التسجيل: 04-02-2003
مجموع المشاركات: 1150
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    عمدة يا رائع
    دقلش ومدقلش دة انا زاتى

    يوم التخريج فى رابطتنا
    جننونا جامعات ويست فرانكفورت
    باريس اثينا ... جامعات زى الدلالة
    انا الوحيد فى الجامعات الزى الدلالة
    كنت خريج معهد الة
    معهد الالة زاتو اتخرجت
    منو بيلا وجلالة
    دكاترتنا بتاعين قانون
    ما يشوفو اسمى الكريه دة
    شيل خمسة مواد شيل ستة
    كرهتونا اصلو دة قانون ولا
    عتالة

    شغالين فى التخريج كدة
    جاء دور الخريجة هالة
    هالة لكن ماااا هبالة
    شديدة شدة الحرامى السرق
    الساون والحفلة شغالة
    واحد من الحضور شاف هالة
    ما استحمل المنظر
    طوالى جرى عليها قام شالة
    دة شنو يا راجل اهه ؟
    قام قال خالة
    وجينا انا وهالة للمعاينة
    اول حاجة عملوها
    طيروا هالة
    وعينو الراجل الشالة
    التقول دايرين عتالة
    الباقين الشغلوهم كلهم
    ناس حالتهم بطالة
    راجلا رجولة تجى بالجلالة
    شنب صغيرون ما متل حقى دة
    قايم بالقطارة

    سألوهو ما هى عاصمة فرنسا
    انقروا ما قال
    كمبالا
                   Subscribe on YouTube |Articles |News |مقالات |اخبار

20-06-2003, 04:13 PM

abuguta

تاريخ التسجيل: 20-04-2003
مجموع المشاركات: 8262
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    الاخ الفاتح
    هاك دى دا نجر الهند

    الا هبى بدالك فاصبحينا
    ولا تزرى خمور البنقرينا
    وكاساقد شربت بكلكتا
    واخرى فى دلى وفى بونا
    وانا سوف تصلنا التذاكر
    وانا مثلك ياخليجى مسافرونا
    وقد اغتدى والناس فى اسرتهم
    ببنفسجن خير المواتر لونا
    وكم احضرت اللحمة من سدر
    فسلقت البصل فصارت مسبكونا
    ولقد حببتك يابلومة فافهمى
    فان الحب اخره جنونا
    ولقد ذكرتك والاسكريم فى يدى
    وراس كونج ومنقاه الحنونا
    ودت تقبيل الاسكريم لان داعب
    شفتاك فى اليوم مليونا
    اوتذكرين يوم حضورك حفلة
    قبل النهاية قلتى الى جلونا
    كل القلوب صارت تدق بدقة حذاك
    وصارت كل الكراسى محركونا
    وكم غيرت موترى عسى
    انال رضاك ياذات العيونا
    وكم رهنت جوازى عسى
    اوفر وجبة فاكون ضمن الفايزونا
    وكم كم ثم كم كم
    وكم عزمتك فى المطاعم مثل ارجونا
    ولو تركتك عفونا بنيتى
    فان قومى فيك مكسرونا
    ولقد خرجت وبارتناتى مرة
    الى جقت فصار السودنة فينا محملقونا
    ففاروا فورة فى من يليهم
    وفرنا فورة فى من يلينا
    فآبو بالسمبوسة منوعات
    وجينا بالهنود مقرنينا
    الا لا يعنكبنا احد علينا
    فنعنكب فوق عنكبة المتعنكبينا
    اذا بلغت البرلومة لنا اسبوعا
    صار الكبار فيها مكسرونا
    واذا بلغ البرلوم لنا يوما
    ركب الياماها واللونا

    ناغبور 1992
                   Subscribe on YouTube |Articles |News |مقالات |اخبار

20-06-2003, 07:37 PM

alfatih

تاريخ التسجيل: 04-02-2003
مجموع المشاركات: 1150
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    الحبيب ابو قوتة
    لوووووول
    ضحكتنى فى
    الا لا يعنكبنا احد علينا
    فنعنكب فوق عنكبة المتعنكبينا



    اسمع النجر دة

    ونحجز ان وردنا الحى جكس
    ويحجز غيرنا غضبا لعينا
    اذا تطقطق صاحبنا فى شكلة
    تحزمنا سكاكيتا تجقد من
    يخونا

    سلمت والله يا اصيل
    الحق اخوك مات من الضحك
    وزى ما قالوا الضحك شرطنى
                   Subscribe on YouTube |Articles |News |مقالات |اخبار

21-06-2003, 12:22 PM

Tabaldina

تاريخ التسجيل: 12-02-2002
مجموع المشاركات: 11844
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    ..
    .
    هى يا لنا مهدى
    بالله انت طلعت من حنكوشات القاهرة
    وانا اقول شفتك ووين ؟؟
    طيب هاتى بريزة
    والله ايام وانقضت
    ولكن لن ننسى اياما مضت

    تحياتى

    توحة اها..حاكه دى بتحكى عن معاناة الشباب
    للزواج وانا كمان

    الزمن الضائع

    متين يا الله ألم الفكه

    أجيب الشيلة واسوي الشبكه

    وأمي تزغرد بي طول صوتها

    وأنا مبسوط وظابط الشكة

    هدومي معطنة بالأرياح

    ريحة الخمرة وريحة الدلكة

    واطبع للعيزومة كروت

    حاشاها الما زي كرت البنزين

    جميله زاهية في ورق التوت

    وتحت الإمضاء مشكورين

    لأنها لحظة ما بتفوت

    وإلا تكونوا مبسوطين

    ويجوا الأولاد بوجوهاً نادية

    يقشوا الفسحة الواسعة وهادية

    نرًكب فيها الصيونات

    ونعمل حفلة بود البادية

    ولازمن حفلة تكون صباحي

    أشفي غليلي وأداوي جراحي

    من زمن العذابة الأغبر

    السًود عيشتي وزاد لنواحي

    أفك القيد من قلبي وأغني

    حبيب الروح وغني يا صاحي

    وفي العصرية نمرق سيرة

    خلوق منتظمة ماشة مسيرة

    زي صف دكانأً ناصية

    فيه سجاير بالتسعيرة

    بناتنا يغنن مبسوطات

    دور بينا البلد ده

    يلفن يدورن العربات

    ولمن أصل بالسيف اتقدم

    زي الفارس ماشي ملجم

    وشي بينضح لمعه ونضرة

    قميصي نضيف وماه مجلبط

    بملاح خدره

    أهز في البنوت بي سيفي

    وابخبخ فيهن لبن البدرة

    وفجأة يدق صوت الدلوكة

    وتبقى الناس بالجد مربوكة

    واحدة تصفق واحدة تزغرد

    وواحدةتلوك في لبان بازوكة

    جابوا عروسي وبدت الوقفة

    سرحت بعيد في حق القفة

    جابت قون بي رقة وخفة

    ما اتجرست كلا وحاشا

    الا هناك واقفين شماشة

    قالوا اكيد شارب حرباشة

    زعلت شديد وغلبني اللعب

    لانو كلامن كلو كضب

    قاموا اصحابي بصوت عالي

    يا عبد الله اطلع بره إشاعة إشاعة

    وحتماً يوم لي أمك عايد

    قونها حقيقي ما اوف صايد

    صوت أصحابي أثر فوقي

    بحركة ذكية جبت القون

    وانا والحلوة بقينا درون

    وفجأة أضفت الهدف الثاني

    وغمر الساحة فرح رباني

    مرقوا اصحابي يكوركوا ويهتفوا

    فاتوا الفسحة وسدوا الشارع

    صوتهم طاغي ظاهر وطالع

    يا عبد الله هايل ورايع

    جبت القون في الزمن الضايع


    *****
    بالله كيف




    (عدل بواسطة Tabaldina on 21-06-2003, 12:24 PM)

                   Subscribe on YouTube |Articles |News |مقالات |اخبار

21-06-2003, 12:33 PM

alfatih

تاريخ التسجيل: 04-02-2003
مجموع المشاركات: 1150
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    سناء
    عزومة

    عزمتنى ...عزمتنى
    ما صدقت عزمتنى
    انا تعزمنى سناء
    سنة يا انا
    قبل ايام من مواعيدة
    استحميت ليك 39 مرة
    كملت جركانة ونص
    زيت بذرة مرة
    شطيف ..جيير كرش بالليف
    واشتريت ليك بيرروج للشلاليف

    وشحدت ليك بنطلون ظريف
    شبط خفيف ومن الساعة ديك
    نوم مافى .. دى تجى كيف ؟
    انا تعزمنى سناء سنة يا انا

    مسكتنى ليك دوشة يومين
    هوزيز فى الكرعين وتقل اضنين
    وسرحت ليك فى العزومة
    قلت يا ود بعدين راح تاكل
    ولا تعاين لجضومة ؟
    لبست قميص محشى مطقم مع وشى
    اسوكت مرتين
    واستعملت فازلين
    جهزت ليك نظام مكنة دقاقة

    وصلت البيت
    البيت فيهو غفيرين
    وكلبين
    وعندهم حوش كبير
    مزروع ياسمين
    الحوش فيهو طوطحانية
    الطوطحانية قيها كرسيين
    عاينت البيت بيساوى بيتين
    قدام الباب اربعة
    عربات مرسيدس
    وتانى عربيتين
    ادق ..اكو كو
    مافى زول جانى
    اخر حاجة خشيت البيت ساى
    براى
    نط فينى كلب عاتى
    ناس البيت قالوا
    الكلب جاهو بعاتى
    اوردلب غمرتا
    جاؤا دادى وماما بتاعين
    سناء
    كشفت ليهم كدة
    غمرتا تانى
    ساقونى سقونى شربات
    مع انو السكر غالى
    والله عندهم كراسى بتغطس بالزول
    وعندهم طرابيز وحدات
    قصيرو ووحدات طويلة طول
    عندهم مروحة لمن الواطة
    بقت ما مسخنة
    و الموكيت فى الكراع لى هنا
    غايتو الحاجة الوصلت ليها
    انو اى حاجة هنا ما من هنا
    الا انا
    قامت ظهرت سناء
    قالت هالو توحة
    ازيك يا فاتح
    قلت ليها كتر خيرك وبارك الله فيك
    قالت لى
    wellcome فىال free take ur rest
    تصور لا بابى ولا مامى
    بيجو هنا فى الهول
    قلت ليها ارحكى نطوطح
    قالت لى تسمع
    تسمع كلاسيك ميوزيك
    ولا بيور ميوزيك ؟
    قلت ليها بسمع حقيبة الفن
    فى الوكت دة جات امها
    اظنها مارقة ليها مرقة
    قالت لى جاو
    قلت ليها يا ولية هوى
    بسمح ليك تنبذى لكن ما تسبى
    ووصلنا الاكل
    جابوا صحانة
    وحاجات كدة زى عدة الحلاقة
    ودخلت ليك فى الخمش
    تصدقو مافى زول قال
    لى هوى براحة لا امش
    سناء تأكل فينى وانا اأكل فيها
    والحاجات ابت تتمسك لى
    شمرت عن ساعد الجد
    ودخلت تووووش بايديا
    قالت لى يا ود الناس ما تفضحنا
    انت عارف انا فرحانة بيك شديد
    لانك ود حاتكون مودرن قريب

    والبقية فى العدد القادم
                   Subscribe on YouTube |Articles |News |مقالات |اخبار

21-06-2003, 12:42 PM

alfatih

تاريخ التسجيل: 04-02-2003
مجموع المشاركات: 1150
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    تبلدينا
    قنقليسنا
    يا مبدع
    دى دعوة للعرس
    والله مرتاح .. انا عايز لى عرس فيهو
    رقيص العروس فوق
    وصحبك شايل الفركة فى كتفه
    ويهوزز بى سيفه
    اهو دة العرس ولا بلاش

    انت عارف بمناسبة تبخبخ بلبن البدرة دى
    عندنا واحد ادوهو اللبن عشان يبخو فى
    العروس قام شربو

    شوف لى عروس على شرط ترقص لى قدام اصحابى
    وهم يصفروا واجيب فيها قون من ضربة البداية
    ومافى درون خالص اصلى عندى تار مع النسوان

    الله يعرس لى ساكت

    تسلم يا مبدع
                   Subscribe on YouTube |Articles |News |مقالات |اخبار

21-06-2003, 12:43 PM

Tabaldina

تاريخ التسجيل: 12-02-2002
مجموع المشاركات: 11844
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    ..
    .

    توحه هاك دى واعمل حسابك من العزابة
    او تكون منهم ؟؟


    العذابة


    أقولها نصيحة ليك يا بابا

    أحذر جيرة العذابة

    أهل الضمنة والكشتينة

    ديل أهل الطباع الشينة

    ليهم مرة نحن مشينا

    لا إتغدينا لا إتعشينا

    ***

    لو وقعت ما بتنحل

    حتى إن كان بقيت زي بله

    ديل القوم في أي محله

    نص الليل بشدوا الحلة

    ***

    يعبوا البيت زي الباخرة

    ما بعرفوا السراير الفاخرة

    دفاتر الكل عليهم ساخرة

    أصلوا خلاص بقت دين آخرة

    يخلوا البيت مبشتن ديمة

    يدخًلوا فيه عدة قديمة

    كمان لو فيه شجرة نيمة

    يكون وسخان وحالتو أليمه

    ***

    الملاية ما مفروشة

    وجوه الأوضة قامت كوشه

    ست البيت تكورك فيهم

    ديل أخواننا ضربوا قروشا

    ***

    الغسًال يكورك فيهم

    والتاجر أبا يديهم

    والجزار مشرك ليهم خلاص يا اخواننا عرفوا الفيهم

    زحمة شديدة في الشماعة

    ريحة كريهة في البلاعة

    ديل في الحلة عملوا مجاعة

    شفطوا القدرة في نص ساعة

    ***

    ضد العرس رفعوا الراية

    ديل إنحلًوا من الداية

    لا تطعيم كمان لا رعاية

    مافي كرامة ولا سماية

    ****
    لكن والله ديل يا عزابة زمان
    يمين عزوابة اليومين ديل .. فارشين الارض موكيت
    والديجتل ووالحلل تتطاقش
    بس ضد العرس رفعوا الراية دى بسبب خمج الوليدات وامهم
                   Subscribe on YouTube |Articles |News |مقالات |اخبار

21-06-2003, 01:15 PM

alfatih

تاريخ التسجيل: 04-02-2003
مجموع المشاركات: 1150
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    تبلدينا

    رحم الله عزابة زمان
    عزابة اليومين ديل تفتيحة
    وبخططوا كويس للعرس
    و العزابة فى القاموس مختلفين
    بمعنى
    انو فى عزابة فى الداخل وديل
    ماسكين الخشب

    وعزابة فى الخارج
    الدرب ما دخل ليهم فى الموية زى الجوة
    عرفوا درب النجاة
    لكن فقدوا حنان الامومة
    والصداقة و الوطن الكسيح


    انت عارف قصيدتك دى ابلغ تعبير للعزوبية
    و قول للشرامة امسكوا الخشب
                   Subscribe on YouTube |Articles |News |مقالات |اخبار

21-06-2003, 05:16 PM

alfatih

تاريخ التسجيل: 04-02-2003
مجموع المشاركات: 1150
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    قاموس الابتسامة

    He comes from him يجى منو
    The mouse played in my lap الفار لعب فى عبى
    The eye of the mind عين العقل
    count the goats عد الغنم
    Thrugh me عبرى
    They robbed us سلبونا

    ولى قدام يا ناس الامثال
                   Subscribe on YouTube |Articles |News |مقالات |اخبار

21-06-2003, 05:41 PM

AbuSarah

تاريخ التسجيل: 27-05-2003
مجموع المشاركات: 667
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    مساء الخير يا الفاتح

    انت فايق ورايق

    ابوساره
                   Subscribe on YouTube |Articles |News |مقالات |اخبار

21-06-2003, 11:22 PM

tabaldy

تاريخ التسجيل: 27-04-2003
مجموع المشاركات: 1027
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    الفثة
    لأبو شهاب

    في ليلة كانت كأوحش ليـــلة ... عزّ الرغيف و نفــد ما في القدرة
    لم ألق قطرة ماء فول واحـدة ... فشكت مصارينـي و سالت دمعتي
    فأبى المنام و فارقت عيني الكرى ... وبدون فول كيف تحلو نومتي
    لكن سويعات مضت فلقيتـــــها... ملأى بمـــــــاء الفول حتى القمة
    فجلست ثم طلبت مـــــــاءً صافيا ... فنثرت ملحـــــاَ ثم حبـة شطــة
    واخترت من حمر الرغائف خمسة ... فإذا انقضت أتبعتــها بالخمسة
    فعملت تقطيعا ولم أكُ ظالـــما... وقطعت آخــــــرها كأول قطعــــة
    واخترت من سلطات عمك نفسه... ما راغ نفسي و اصطفاه صحابتي
    و سكبت رطل الزيت لا متــــرددا ... بل زدته قطرات بعض السمنة
    قلبتــــها و خلطــــها بأنـامـلـي ... وجعلتـــها تبـدو كأحسـن خلطـــــة
    فســـرت روائحـها تعطـر جونا... فاهتـاج أصحـابي وهاجـت معدتي
    فأنا أراوغـــهـم بتأخيـــر الأمــــد... والكل ينتظــر اقتراب الّلحظــة
    لـم أصطبـــر وأنا أراهـــا فتــةَ...سلبـــت فــؤادي واستمـالت مهجتي
    فمــددت يـــدي للفتـــافت خلســةَ...لكن صحــوت ويالــها من حلمـــة
    لكن صحــوت ويالــها من حلمـــة


    1-farda
    دي أول مشاركة لي
                   Subscribe on YouTube |Articles |News |مقالات |اخبار

22-06-2003, 01:08 PM

alfatih

تاريخ التسجيل: 04-02-2003
مجموع المشاركات: 1150
للتواصل معنا
FaceBook
تويتر Twitter
YouTube



Re: حلمنتيش (Re: alfatih)

    الاخ تبلدى
    الورود المعطرة لك
    شكرا على المشاركة
    السمحة دى
    بعدين عندنا برضو تار
    مع الفتافت .... و البوش
    هم وحليف القدرة مولانا حاج
    رغيف ... يا ما جهجهونا
    ووقفونا فى الصفوف

    بئس الصحيان الذى يجعلك
    مبتعدا عن الفوليات السمجة

    قول حليف القدرة
    وستحلم ببقية الفيلم
    اللذيذ

    سلمت
                   Subscribe on YouTube |Articles |News |مقالات |اخبار

[رد على الموضوع] صفحة 1 من 2:   <<  1 2  >>

تعليقات قراء سودانيزاونلاين دوت كم على هذا الموضوع:

حلمنتيش فى FaceBook

· دخول · أبحث · ملفك ·




الصفحة الاولى
  المنبر العام
مدخل أرشيف الربع الرابع للعام 2013م
مدخل أرشيف الربع الثالث للعام 2013م
 مدخل أرشيف الربع الثانى للعام 2013م
 مدخل أرشيف الربع الاول للعام 2013م
مدخل أرشيف الربع الرابع للعام 2012م
مدخل أرشيف الربع الثالث للعام 2012م
 مدخل أرشيف الربع الثاني للعام 2012
مدخل أرشيف الربع الاول للعام 2012م
مدخل أرشيف الربع الرابع للعام 2011م
مدخل أرشيف الربع الثالث للعام 2011م
مدخل أرشيف الربع الثاني للعام 2011
 مدخل أرشيف الربع الاول للعام 2011م
 نمدخل أرشيف الربع الرابع للعام 2010م
 مدخل أرشيف الربع الثالث للعام 2010م
أمدخل أرشيف الربع الثاني للعام 2010م
 مدخل أرشيف الربع الاول للعام 2010م
مدخل أرشيف الربع الرابع للعام 2009م
 مدخل أرشيف الربع الثالث للعام 2009م
 مدخل أرشيف الربع الثاني للعام 2009م
 مدخل أرشيف الربع الاول للعام 2009م
مدخل أرشيف الربع الرابع للعام 2008م
مدخل أرشيف الربع الثالث للعام 2008م
مدخل أرشيف العام (2003م
 مدخل أرشيف العام (2002م
مدخل أرشيف العام (2001م
مكتبة البروفسير على المك
 مكتبة د.جون قرنق
مكتبة الفساد
 مكتبة ضحايا التعذيب
 مكتبة الراحل الاستاذ الخاتم عدلان
مكتبة دارفور
مكتبة الدراسات الجندرية
مكتبة العالم البروفسيراسامة عبد الرحمن النور
مواضيع توثيقية متميِّزة
 مكتبة قضية سد كجبار
 مكتبة حادثة يوم الاثنين الدامي
 مكتبة مجزرة اللاجئين السودانيين في القاهرة بتاريخ 30 ديسمبر 2005م
مكتبة الموسيقار هاشم مرغنى(Hashim Merghani)
مكتبة عبد الخالق محجوب
 مكتبة الشهيد محمد طه محمد احمد
مكتبة مركز الخاتم عدلان للأستنارة والتنمية البشرية
مكتبة الراحل الاستاذ الخاتم عدلان
 مكتبة سودانيز أون لاين دوت كم
مكتبة تنادينا,الامل العام,نفيرنا
مكتبة الفنان الراحل مجدى النور محمد
مكتبة العلامة عبد الله الطيب
مكتبة احداث امدرمان 10 مايو 2008
 مكتبة الشهيدة سهام عبد الرحمن
منبر اليوم الحار لخريجى كلية الهندسة و المعمار بجامعة الخرطوم
مكتبة الراحل المقيم الطيب صالح
مكتبة انتهاكات شرطة النظام العام السودانية
مكتبة من اقوالهم
مكتبة الاستاذ أبوذر على الأمين ياسين
 منبر الشعبية
منبر ناس الزقازيق
مكتبة تهراقا الفن الدكتور محمد عثمان حسن صالح وردى
اخر الاخبار من السودان2004
جرائد سودانية
اجتماعيات سودانية
دليل الاصدقاء السودانى
مكتبة الراحل المقيم الاستاذ الخاتم عدلان
الارشيف والمكتبات
اراء حرة و مقالات سودانية
 مواقع سودانية
 اغاني سودانية 
 مكتبة الراحل مصطفى سيد احمد
دليل الخريجيين السودانيين
 الاخبار اليومية عن السودان بالعربى













|Contact us |About us | Discussion Board |Latest News & Press |Articles & Analysis |PC&Internet Forum |SudaneseOnline Links |

للكتابة بالعربي في المنتدى

للرجوع للصفحة الرئيسية اراء حرة و مقالات
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
اضغط هنا لكي تجعل المنتدى السودانى للحوار صفحتك الرئيسية لمتصفحك
يمكنك نقل أو اقتباس اى مواد أعلامية من هذا الموقع بشرط وضع "نقلا عن سودانيز اون لاين"و الاشارة الى عنواننا WWW.SUDANESEONLINE.COM
الاخبار اليومية مواقع سودانية تحميل الصور أجتماعيات

© Copyright 2001-02
Sudan IT Inc.
All rights reserved.

If you're looking to submit news,video,a press release or or article please feel free to send it to bakriabubakr@cox.net

Software Version 1.3.0 © 2N-com.de