رفـــاعة

محمد سيد أحمد يا صديقي
داير تراث يقول علينا شكارتها امها وخالتها مالك ؟

مريم بت الحسين
انا من الحلة الكتل فيها اخونا سودان وبس دي
من ناس ديم لطفي وناس كتار في البورد من رفاعة
ابومهيار
سمندلاوي
مشتاق
عشة بت فاطمة
ازرق واخرين / ات
واظن في بوست دعوة لناس رفاعة للتعارف سوف ارفعه لاجلك

اخونا الشاعر
الاستاذ الهادي ادم من منطقة قريبة من رفاعة اسمها الهلالية
كان مديراً لمدرسة رفاعة الثانوية بنين

اخونا سيد المكان سودان وبس
شكراً لك اخي للدفاع الراقي عن جمالي ، بس تعرف عثمان تراث دا معاه حق بعد 13 سنة عُشرة وقبلها 7 سنوات ترافق من اركان نقاش لمنتديات ثقافية لحفلات عقد الجلاد ومصطفى وابوعركي .. لم يعد للشكل اثر ، وتبقى الرفقة الطيبة والمحبة والصداقة ، بعدين نحن استفدنا من السمعة على قول بت الحسين وزي ما بقولوا اهلنا الطشاش في بلد العمايا شوف يعني هو لمن جاء رفاعة حتى اكتشف المفارقة دي .

نعم رفاعة مدينة العلم والنور
ودي دعوة لنسجل ونوثق اسماء الرواد والرائدات في مختلف المجالات المدينة
وابدأ رائدات التعليم :
الاستاذة زهرة الفكي
الاستاذة زينب الفكي
الاستاذة نفيسة عوض الكريم
الاستاذة سكينة ابوتركي
رواد التعليم الاهلي :
الشيخ محمد عبد الله لطفي
الشيخ ابراهيم مدني
الشيخ عبد الغفار الفكي أحمد
الاستاذ الطيب التوم
الأستاذ مجتبى عبد الوهاب
الاستاذ احمد علي جابر

الثائر عبيد عبد النور

الأستاذ عبد المنعم عبد اللطيف وزير المعارف السابق

القاضي محمد ابراهيم مدني
القاضي القرني عبد الرحمن

اول طيب اسنان سوداني الدكتور حسن عبد اللطيف

النحات الاستاذ عبد الرازق عبد القفار
التشكيلية الاستاذه صفية نسيت اسم ابوها الحقوني بيهو
التشكيلي الدكتور عمر درمة

الممثلة فايزة عمسيب
المسرحي الدكتور يوسف عايدابي
الممثلة سميرة مسعود
المسرحي صداح محمد الحسن

القاضية مولانا درية درار

المذيعة والاستاذه الجامعية الدكتوره سعدية الامين

ويلا ايدكم معاي يا ناس رفاعة

كتب عن رفاعة وتحضر اهلها علم السودان الطيب صالح الذي اقام فيها لفترة ليست بالقصيرة

وكتب عنها شاعر السودان الاول خليل فرح ، ودعوني اهدي لكم جميعاً نصه الذي كتبه بمناسبة زواج صديقه كشة في رفاعة

قُوُمْ نادِي عَنَان

قُوُمْ نادِي عَنَان واتَباعَهْ * * * وقَفِّلْ حوانِيتْ البَاعَـهْ
نزلَتْ للدْنيا شَفَاعــَه * * * وُسَعَت امدرمانْ لرُفَاعَهْ

وطنْ الآباءْ يا امْ طاعَهْ * * * أجَمَهْ ومشهوَرهْ سِبَاعَهْ
من دونْ أتْرابَا مُطَاعَهْ * * * حَضَرِيَةْ تقول في طِبّاعَهْ

المجدْ الحاسْدُهْ مَدَاعَى * * * هُو أساسْ المَا بتْدَاعَـى
وسِعَتْ أسلافْنَا وَدَاعَهْ * * * وصارتْ في جيلْنَا بَداعَهْ

رفَعتْ أعلامَا رٌفَاعَهْ * * * وشمَختْ بي كْبَارْنَا يَفَاعَهْ
وطَنْ السِنَّاب يا رَبَاعَه * * نزلَ العُرْبَانْ في رِبَاعَـهْ

هِنَا تَلْقَى الخُلُقْ الأعرابِـي * * * لا خوفْ لا ضَيمْ لا مُرَابِي
ظِلْ الشُكْـرِيَةْ الكَـــابِي * * * والشرفْ الأصْلُهْ رِكَـابِي

هِنَا روعَةْ عصراً وَلى * * * وروايِعْ جيلْنَا الهَلًّهْ
عصِبيَهْ تَناطْح الجُلَّهْ * * * ومدَيِنَهْ مْنَافْيهْ الزّلَّهْ

إيَّـاكْ يا عاشـِقْ تحـرقْ * * * في بحورْ اوصافَكْ تَغْرقْ
هِيَ شَامَهْ في تورْنا الأبْرقْ * * *هِيَ جـنَةْ نيلْــنَا الأَزْرَق

في رُبُوعَا الصيدْ إنْ وَقَّلْ * * * وشَافِنْ مجنُونْ يتْعَقَلْ
كفـــروعْ البانْ يِتْنَقَلْ * * * رُطَبْ القـَـامَاتِنْ فُقَّلْ

الصَيدْ الضاربْ الوْادِي * * * إِجَّفـــلْ نَافِرْ غَادِي
شَرَفَنْ لي صوتْ الحادِي * * * حَـفَلَنْ ضَمَّاهِنْ نَادِي

العِزْ مِنْ حاضِرْ وبَادٍي * * * حَرَسِـتْ ما جَاهِنْ عَادِي
النور في خُدودِنْ بادِي * * * وُسَلامةَ الذوقْ شَيء عَادِي

لا تَنْسى ليالي العِشَّهْ * * * وفي الحِلَّهْ هَبُوبْ الرَشــَّهْ
إتعْشَى عَشَاكْ واتْمشىَ * * * هَوى بيتْ المـالْ ما انْفَشَّ

اعذرني أَخوكْ إنْغَشَّ * * * لا اتْعَدَ هــــواكْ لا كَشَّ
أذكُرْنِي وَلَوْ بي قّشَّهْ * * * بيتْ مـــالْ وعِيَالْ يا كِشَّهْ
size=4>