اول الكلام اعاين فيهو واضحك وامشي واجيهو راجع متــلاعب ليــــس إلا ما موضوع مطامع دي ما بلقاها زولا زي أنا صيدو ناجع الكلام لودالرضي ______________________ من منكم يستطيع ان يغالب هذه الصورة التي ينسجها خياله وهو يستمع الى هذه الكلمات الرائعة .. عن نفسي فشلت لانني ، لم اتعب نفسي كثيرا في مغالطة نفسي وانحزت تماما الى منطق التخيل عندي وامكانية حدوثه .. كأن تكون متواجداً في حديقة الحيوانات وفي هذه الحديقة بالذات تلزق امام (قفص القرود) .. وقرد بعينه تتخذه انيسا لك .. تشاغله .. بصحبة والديك او قريبين منك علي مسافة تمكنهما من مراقبتك لان عمرك صغير .. في يدك ترقد (موزه) وفي الاخرى (تسالي) وبما انك مازلت طفل فان هذه الحركات البهلوانية والشكل (الشين) حد (الحلاوة) كثيرا ما يدغدغ في دواخلك هذه المرح الطفولي .. اعاين فيهو واضحك تمتعك هذه الحركات البهلوانية . وتقشير التسالي .. وتصيبك نوبة من الضحك الهستيري وامشي واجيهو راجع ويجذبك والدك للرحيل .. لكن القرد مازال يواصل عبثه .. اكل الموزه الاولى وكيس التسالي ، وعينه على باقي الموز في يد والدك . فتعود مرة اخرى وانت تتمسك بسلك قفصه الخارجي .. وتضحك وتضحك حتى يفيض الدمع من عينيك ما موضوع مطامع !!!!! (ابوك) يريد ان يخلص من هذه (الشغلانة ) .. لكن القرد (ولف) عليك وعلى لهوك الطفولي ، فاثر ان يبقيك الى جانبه تخفف عنه هذه الحبسة الطويلة .. فلم يوقف هذه القفشات والحركات اللذيذة .. وحتى يطول من امد بقاءك الى جواره .. يتفنن في الحركات .. فيقلب هوبه .. ويغمز لك بعينيه .. ويحرك اذنيه والضحك الطفولي يتملكك اكثر .. فتحلف ورأسك الف سيف الا تغادره قيد انملة متلاعب ليس الا ويشوف والدك ان الحركات القرديه تلك هي التي سوف توديهو في داهيه .. سوف يتأخر على المباراة وعلى جلسة اصحابه .. فتطق في رأسه زهجه شديده منك ومن قردك فيجذبك من يدك محاولا تخليصك من القفص ويدفعك بالغصب امامه .. لكنك تتذكر ان هناك اصدقاء لك .. ينتظرونك لكي تحكي لهم .. ولم لا ؟؟.. من يعتقل اسماع المجالس غيرك بهذه الحكاوي .. فتصر على ان تملأ ذاكرتك بهذه المناظر فتنفلت من ابيك وتهرول في اتجاه القفص لتقف من تاني امام (قردك) اللذيذ ..
05-25-2003, 09:34 AM
shiry shiry
تاريخ التسجيل: 07-05-2002
مجموع المشاركات: 3511
دي ما بلقاها زولا زي أنا صيدو ناجع لكن ابوك يشعر ان الحالة وصلت معاهو الى (هنا) .. وان مديره في العمل أضافة الى امك في البيت تكالبا عليه ونكدا عيشته بما يكفي لهده هدا.. فيهرول خلفك زهجانا عليه الف عفريت .. ويمسكك من لياقتك مثل لص هارب ..ثم يرفعك الى كتفه .. ويسجنك هناك بين رقبته وكتفه وحصار يديه القويتين .. وإياكم ان تقنعوني ان (الشاعر) كان يتكلم عن حبيته التي رآها لأول مره .. فكسرته تكسيرا .. لا العقل والمنطق ولا تدافع الكلمات وطريقة تنسيقها توحي بالذي تقولونه .. كيف يكون قاصد حبيته . وهو يبتدرنا بانه بعاين فيهو واضحك .. وامشي واجيهو راجع !!!! أي قصيدة تحكي واقعة معينة سواء أن كانت من نسج الخيال المحض او انها صورت موقفا معينا او حادثة وقعت فعلا متفقين في هذه النقطة !! ياشباب صاح . انتم ايها الشنكاتين ؟ حتى لا تجوا بعدين وتغالطوني ....صاااااح ؟؟ لا يمكن ابدا ن يكون الشاعر كحل (البنت الحديقة) بعيناه اللتان سياكلهما الدود وسيطرت على لبه واخذ يضحك ويضحك ويمشي ويرجع وتاني يجي وهو مازال مواصلا الضحك ؟؟ يا اما يكون مجنون أو أهبل !! او عامل مشغول وهو ليس مشغول مثل ام العروس حينما تفضل تقطع خيمة نسوان الشغل ، ونسوان العده ونسوان الريحه جيئة وذهابا مقنعة نفسها انها مشغولة جدا وهي اصلا لا تعرف ماذا تفعل وماذا تترك . وهذه الصوره سنستبعدها لامتناع جنس وصفة القالب . أو ان الموصوف المعني في هذه الصوره هو مجرد طفل وان الذي يشاهده لا يعدو عن كونه (قردا) مثلما ذكرته .. يشاغله بحركاته القرديه الفكاهية .. لانه ساعة ان ترى (جسكوية) شديده شدة الحرامي السرق الدش .. فاول شيء هو انك تصاب بالدهشة ، والدهشة هذه غالبا ما تفغر (فاهنا) يعني بالعربي كده خشمنا .. وفغر الخشم من الدهشة يختلف عن فغره عند الضحك .. في هذه الحالة تنفرج اساريرك كلها وتتمط شدقيك .. وتظهر اسنانك .. ويا الهي اذا كان (خشمك )مثل المطبقة .. فانك في الطريق لان تبوظ كل حاجة جميلة .. اما ان كان (تمك) مثل نواعم الال بي سي فان بسمتك سوف (تضوي ) ثم تهبل … ربنا يحفظك يا (نشوي الرويني) حقو توزعي بسماتك للمناطق المتضررة والمنكوبه في العالم .. ياخي عقدتينا عديل كده .. عن نفسي تنازلت لها عن تاء التأنيث .. اما الشينين التانيين المنضمين لجماعة بت قضيم لرعاية الشناة والشينين فاني انصحهم بالاسراع لنيل بركة تلك البسمه الحلوه .. المهم ان الدهشة تختلف عن الضحك . صاااح ؟؟ . اذن الرجل كان ضاحكا حينما شاهد البنت وليس مدهوشا أو مصقوعاً .. !! اذن الذي رأه لم يحطم (قلبه) ولا طشش عينيه ولا الجم فاهه !! .. انما امتعه المنظر .. والمنظر كان شيء يجلب الضحك .. والشي الذي يجلب الضحك ويمنعك ان تغادره يا امة حركات بهلوانية او كلام فكاهي ظريف .. حركات اقرب الى قلب الهوبا والنطيط والقرد وحده ما يقوم بهذه الحركات في توافر الموز والتسالي وطفل مثل صاحبنا حتى يشجع ذاك القرد .. .. والشاعر بخشمه اثبت ان (الذي ) شاهده ، لم يكن يتكلم معه .. انما يقوم بحركات بهلوانيه مضحكة (متلاعب ليس الا …)) وهذا ينفي عندنا ان تكون (الجكسوية ) تقوم بحركات بهلوانية .. او تقول نكات ؟؟ اذن ان المنظر الذي كان يتفرج فيه الشاعر لم تكن (جسكوية) باي حال من الاحوال . سواء ان كانت (شديدة ولا كوم شناة) لانه لا يمكن ان (تشدهك) أي (حسناء) وانت تفضل رايح وجاي رايح وجاي زي البتفتش في حاجة . تماما مثل ام العروس التي مشغولة وموش مشغولة .. او مثل مجنون يلقط في ورق الجرايد القديمه من شقوق الارض .. وحتى ام العروس لا يمكن ان نشاهد بسمتها التي تملأ وشها وهي جايه ورايحه .. والمجنون نفسه ذاك الذي اتفقنا على انه يلقط في الورق ايضا لا يمكن ان يمارس الضحك الفاضح ذلك وهو يلقط ورق مهري وقديم من الواطه وهو اصلا من زهجه وطفشه قام بهذه الشغلانه فلا يمكن ان يكون بضحك او يتكشب مثل نار القصب ماتقول حبوبتي يرحمها الله .. يعني ليس هناك من داعي ان يضحك الواحد رايح وجاي ؟؟ دون سبب ؟ الا واصبح قلة الامر في مجمله قلة ادب ؟؟ ولا يستقيم القول ايضا عندنا ان تقول انها (جذبتك) وانك تكسرت لدرجة انك اصبحت تضحك على ايه ماعارفه ؟؟ على قلة بختك ، وعلى نيلتك السوداء التي اتنيلتها ؟؟ ثم تمشي وتجي راجع ؟؟.. ولاحظ انك لاول مرة تشاهدها ولا تفنك تخبرنا بانك تعرف تاريخها كله لا بل تصر على هذه صدق هذه المعرفة وان ممتلئ بجمل بـ(التأكيد والجذم ) الذي يجعلك تصفها بانها متلاعب ليس إلا !! وهذا الاتهام الفاضح لا يمكن ان نطلقه الا على من يجمعنا بهم تاريخ مشترك .. وبعد فرص كثيرة اعطيناها له . لكنه خزلنا وتلاعب بقلوبنا.. فكيف تقنعوني ، هداكم الله .. ان الراجل داك ، اصبح كده وقال كده ، بعد ان صقعته بطلعتها البهية التي تشبه طلعت (منة شلبي او ايزابيلا ايدجاني ) . بعد اول نظرة . متلاعب ليس الا . سبحان الله من طبعك وهذا القول او الاتهام لو اردنا الوضوح ينفي كل الاحاسيس الجميلة والشفيفة التي تحدث في مثل هذه المواقف .. يعني لو كان قال (اتنحت انا ) ولا اتنيلت على عيني وطبيت ساكت ..!! ولا غمزت هي بعينها كان افيد وادل على وقوع الحالة التي تعلن التعلق او الانشداه . التكسر .. الانجذاب .. بدلا من الضحك والمشوره على الفاضي في الماشي والرايح .. وهو لا يعرفها جيدا .. لقد اثبتنا ذلك ..لا تسألوني الدليل ولا تغالطوني بالله عليكم .. الكلام واضح .. لانه اول مرة يشاهدها .. فكيف يتكلم عن المطامع والتلاعب .. بدلا عن ان يخبرنا عن خوفه من (الصد) والموانع الاخرى . التي يكون اهمها (اخاً ) فقري وبتاع مشاكل او ود جيران فقري يتلصص على الماره في الجايه والرايح مثل ود جيرانا ربنا يحفظه يشتري طبقا من البيض وحجارة ومويه الوسخ ليدلقها على الماره ..او (اب) قوي الشكيمه . او (ام) شكالاا صوتها يجيب الضهبان .. او كلب (شرس) .. من عينة الكلاب التي تسمي (المعلم دنجل).. او جساره او جركاس مثل كلب عمتي .. هل منكم من رأي كلب يشبه (المعلم دنجل) في كتب ميكي ماوس ؟؟ انا رأيته ويكفي ان اقول انه يشبه جورج بوش وكفي . لاني متغايظه منهم الانثين لذلك لا اترك سانحة الا واشكيهم الى الله . لا لا لا . لم يقنعني شاعرنا (ود الرضي ـ موش برضو دي قصيدتو؟؟) بانه كان يعني الذي فهمه بعض الناس ولذلك تجد الناس يترنمون بهذه الاغنية لمجرد انها ملحنة وتحمل كلمات ومعاني غريبة … وارجو بعد كل هذا الخراب الذي (طمرت) به مزاجكم فيها الا تحقدوا علي . اذ انني بت فقريه .. لا تجيد شيء عدا مسيخ اغاني الناس التاني .. ويا لي من بت مهترشه وشنافه دائما ما تبوظ كل لوحه جميله ..
05-25-2003, 09:36 AM
Ahlalawad Ahlalawad
تاريخ التسجيل: 02-05-2002
مجموع المشاركات: 2832
انت سمعت نكتة الجعلي الكسروهو في المستشفي هاهاهاهههاهاهاها لذيذه امشي اسمعها اهو في النهاية وصل للذي توصلت اليه انت برااك عارف انا عشان لا اوضع مع الحناكيش والمتحنكشين قطعت الاف الاميال ومشيت كداري من الداون تاون قاطعة كبري بحري الى كافتيريا الزيادة ودخلت سوق الحراميه وبعد دا عايز تضمني تاني للحناكيش بالغت ياود العوض وماح اسعلك
انت خلاص كملتي هترشتك كلها قبلت على الاغاني، هسع ود الرض ده ما لك هابشه، ولا عاوزه تجيبي لي نفسك المشاكل ساكت، غايتو على كيفك
غايتو انا ح ادلو بدلوي في الوضوع ده
انت هسع منو القال ليك الزول ده كان بيضحك ضحك عدي كده؟
امكن كان بتكشب ساكت، لكن لأنه بتكشب دي بتخرب ليه الوزنه قام قلبها بيضحك وهي قريبة في معنى،لأنه لو حاول اي من كلمات الضحك والابتسام بتخرب ليه وزنة القصيدة فوق تحت، لأنه طبيعي الواحد لمن يشوف ليه جكسوية شديد يقعد يتكشب زي نار القصب
لأني باقي صيغ القصة وهو بوصوف في محاسنها وجمالها مستحيل تكون قرد، اقسي الفم بودعة والقى الودع واسع ...اقيس الليل بشعره والقى الفرق شاسع...عشان كده في النهاية بتحطم وبعرف مصيره انه ما ح يدوه ليه يعني ما ح يدوها لأنه زي دي ما بيدوها لي زولا زي انا زيته طالع
ولا ما كده!!!؟
لكن الغنية دي لو عايزة تستمتعي بيها بالجد كان تسمعيها من عبدالله جننجا، راجل أخونا وصديقنافي الجامعة، لأنه كان بيغنيها بطريقة لذيذه جدا وبيمثلها في نفس الوقت، يعني يخليك تعيشي مع الاغنية كانها حاصلها قدامك جد جد
لك التحايا أختي العزيزة
05-25-2003, 10:07 AM
shiry shiry
تاريخ التسجيل: 07-05-2002
مجموع المشاركات: 3511
الم يصلك نبا هترشتي في الاغاني يا لهوك وياخرابك من خمجنتي في الاغاني الزي كده ومافيش حد بقعنعني انو الزول دا كان قاصد جسكويه حلوه يعني خلعتو كل الكلام في الاول بدل على كده
لع ثم لع ثم الف لع الزول دا قاصد قرد
05-25-2003, 10:17 AM
عبدالأله زمراوي عبدالأله زمراوي
تاريخ التسجيل: 05-22-2003
مجموع المشاركات: 744
شيري مواقف طريفة. تعجبنى طريقة السهل الممتنع التى تتبعينها في كتاباتك. أما المحتوى فهو فلسفى يأخذ بألباب القارىء. ولا تخلو كتاباتك من روح الدعابة التى ترد الروح. أنا من المعجبين بهذا القلم الجديد.. ولا خير في أن لم أقلها
05-25-2003, 10:43 AM
shiry shiry
تاريخ التسجيل: 07-05-2002
مجموع المشاركات: 3511
عارف برضو نحن في جمعية رعاية الشناة ح نكرموا . ونديهو وسام الشناة من الدرجة الاولى لانو .. صعب جدا تلقى شاعر رفع معنويات زميلاتنا في الجمعية انفه الذكر كل كلامهم في الحلوين كدي خلينا نرجع لدكتوره قطامه رئيسة جميعة الشنيينين واعرض عليهم الامر بالصورة الجديده دي
05-25-2003, 11:16 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
لكن يا شيري جد جد إنت كلامك كتير والقصة دي بعد شوية أخشى أن تؤثر في الإقبال على بوستاتك يعني مثلاً في البوست دا إنتي وصلتي الفكرة بدري جداً لكن بعد داك بديتي زي تعيدي في الكلام وتمشي وتجي راجعة فينا زي قصة طفلك الصوريتهو دا مع القرد وأنا شخصياً حسيت بي إنو البوست دا إنتهى من الصفحة الإولى أي أنني إكتفيت بالصفحة الأولى وقد يخالفني الكثير في هذا الرأي ولكنني بطبعي ملول عشان كدا يستحيل أشتغل ترزي وربما في ناس بتعجبهم الهترشة الكتيرة .. على العموم أرجو أن لا يزعجك رأي هذا فأنا أكثر من مرة أشدت بك ومعجب جداً بأفكارك وثقافتك الغير محدودة وحا أظل أتهافت على كل بوست بتوقيع شيري بت أم شيري .. وصدقيني هذه أول مرة أكتب فيها بهذه الجدية لأنني حريص على أن لا يتوقف هذا الإبداع الشيري
لك الود والإحترام شوفي أنا خايف منك كيف؟؟؟؟ كمان تقومي تفقعيني بي بوست تطيري مني الزباين
تاني لك الود وتاني لك الود بس
05-25-2003, 11:24 AM
shiry shiry
تاريخ التسجيل: 07-05-2002
مجموع المشاركات: 3511
شفت ازاي انا غيرت اسمك عشان اوريك انا مازعلانه منك هاهاهاههااههاها لا ياسيدي والله مافينا زعل اهي كلها هترشه يعني لازم اي هترشه اهترش بيها هنا انها كويسه وعلى رأيك دا كلام واحده مهترشه يعني لازم تتوقعوا منها اي حاجة لافه شمال يعني بالعربي ماراكبه عدلا سلمت ياسيدي والله الليلة شيل شيلتك ح احرش ليك ود جيراننا البخرمج الشارع بجنونو من شباكهم
05-25-2003, 11:21 AM
almulaomar almulaomar
تاريخ التسجيل: 07-08-2002
مجموع المشاركات: 6485
الأخت شيري اعترف انني لست قارئا محترفا، رغم انني قارئ نهم. فكما ان هناك كاتب محترف هناك قارئ محترف. والقارئ المحترف هو الناقد المعترف به والذي نقده يأتي إلى جيبه ثمنا لنقده على الورق - وانا لست كذلك. لكنني مضطر لتسجيل تعليقي على مقالك حيث أنني أجد فيه أنك تلعبين بالنار واللعب بالنار في بعض الأحوال له فوائد أقلها العائد المادي كما يفعل السحرة والحواة في ألعابهم ليمتعوننا بالدهشة ويقبضوا فلوسنا ثمناً لتلك اللحظات الماتعات ، أعود لمقالك وأحسب أن أقل شئ يوصف به هذا المقال بأنه خارق ، وخروقاته تأتي بداية من الفكرة ، فشاعر الأغنية كما ذهب خيالكم الخصب والذي عادة ما يذهب في إتجاه واحد تماماً مثل قطر عجيب الذي يودي وما يجيب وهي نفس وسيلة المواصلات التي تمثل بها الخواجات في أغنية أحفظ منها ستة كلمات - ون وي تيكيت تو زي بلو – لا أدري كيف خطرت تلك الفكرة على رأسك أهو وحي أم دون ذلك؟ هل يعني الشاعر ما ذهب إليه خيالك الجامح بأن يعاين في من كتب فيه تلك القصة ويضحك إلى أن تسيل دموعه وتخور قواه ويكاد يسقط على الأرض ثم يجري في الإتجاه المعاكس ليعود مرة أخرى مكرراً نفس السناريو ، تخيلت هذه الأغنية فيديو كليب وهذا حدود خيالي أو محاولتي الجبانة لكبح جماح خيالي في تجاوز تلك الحدود. دمتى ودام ألقك وإبداعك وعلى مسئوليتك تخيلي وتصوري كما تشائين.
05-25-2003, 11:47 AM
HAMZA SULIMAN HAMZA SULIMAN
تاريخ التسجيل: 04-20-2002
مجموع المشاركات: 3278
احكى ليك نكته يا شيرى قالوا فى اسد جابوه حديقه حيوان لى احدى دول البترول وكل يوم الحيونجى بجيب ليه موز والاسد جاع شديد وخلاص فاض بيه فاحتج للحيونجى وقال ليه كل يوم موز وين اللحوم فرد عليه الحيونجى وقال ليه اعمل ليك شنو اكان انت جاى بى فيزا قرد
اضحكى وبمشى اجيك راجع
05-25-2003, 11:36 AM
ولياب ولياب
تاريخ التسجيل: 02-14-2002
مجموع المشاركات: 3785
سلمت ياسيدي لانك فهمت فكرتي في الغنوه وايه رأيك تعمل لينا فيسابليتيز استديز عشان تختار لي لوكيشن مناسب ليها بما انك تعرف كويس في مناطق السودان اصلي فقيرة الذاكره لمثل هذه الاماكن التي كحل فيها الجكسويه ...
05-25-2003, 12:14 PM
shiry shiry
تاريخ التسجيل: 07-05-2002
مجموع المشاركات: 3511
والله ياسيدي انا مجنتره لذلك كل افكاري تشبه المجنترين ولا يمكنكم باي حال من الاحوال الوثوق باقوالي وهذا بشهادة ناس بيتنا وبت خالتي ام مازن اذا كثيرا ما تقول الجنون يعني شيري في كل حالاتها في صمتها في هترشتها لذلك تراني دائما افكاري تأتي من الاسلاك التي صهرها التفكير عايزه اسألك يعني ايه ولياب اتخيل لي كده حلفاويه ؟؟ عارف تعجبني في رطانه الحلفاويين كلمه اشعر ان فيها كل حنية الدنيا ويا : وهي تعني احي انا يا او وامغستي بالشايقي سلمت ياسيدي للاطراء لكن حكاية انو اكتب في الجرايد دي كتيرة علي جدا جدا رغم انني لم أشهد ذاك الزمن الجميل الذي يتحدث عنه الناس ووالدي .. لكن كنت قد قرأت قبل فترة ان لم تخني الذاكره في جريده الصحافه دهب خيري وعمك شمس الدين سلمت ياسيدي للطله
استاذي الموسيقار امبارح كنت بسمع في شريط عقد الجلاد الجديد فاجأني النهار وبالتحديد في غنوه عطبره وجد من دون مجامله ما كان يجب ان تغادر هذه الفرقه الرهيبه التي تعجبني اغانيهم حد الوله ماعايزه اكون شنافه اكتر من كده لكن انت وانور فقد كبير لعقد الجلاد تخيل كيف كانت ح تكون الغنوه دي .. ياحليلو الاسد هروهو موز هاهاهاههاهههاهها في السلك يا استاذ النكته
05-25-2003, 12:32 PM
abuguta abuguta
تاريخ التسجيل: 04-20-2003
مجموع المشاركات: 8276
عارفة انا لا اصف البنت بمثل ما وصفتي انها شينة كما ال(ككو) تستدعي الضحك ،، لاني اعتقد أن الككو اساسا لا يدعو للضحك شين ،، وقليل ادب،،، وبخطف حاجات الناس،، وقبل كده عضاني في عضم الشيطان عدل،، مما استدعى أخذ احدى وعشرون حقنة تطعيم ضد داء الكلب،، مع انه قرد ما كلب القرد العوير ده
لذا فعدائي الشخصي مع السيد قرد يبعدني عن التفكير في التضاحك له وعليه واعطائه حبات الفول السوداني إذا ما زرت جنينة القرود يوما في مصر القرد ده ما ظريف غايتو ما عارفة بضحك الناس كيف
أما ما جاء في رسالتكم بأن ندرس موقف حبيبة الشاعر وجمعية الشناة فدكتورة قطامة تقول،، ليس في الإمكان ضم إحداهن لصف الشناة وهي تمتلك فماً كالودعة وشعراً كالليل في سواده مع انو الموضه الأصفر
حيث يقول الشاعر اقيس الفم بودعة والقى الودع واسع يعني خشمها شخيت بس ونحن رفعنا التلوشة شعارنا ادخلها ليكم كيف يعني؟؟؟ الموضوع يا جماعة طلع من يدي والله ما اوعدكم
ويقول ايضا اقيس الليل بشعره والقى الفرق شاسع وهنا لم يخبرنا شاسع في ياتو اتجاه بعدين ما وضح برضو الليل ده ذي الليل ابو باعوض وكهرباء قاطعة واللا الليل الهادي ياقول شرحبيل
بالله يا شيري ما حافظة الغنية دي كلها ؟؟ اكتبيها لينا لو تكرمتي
وللعزيز ياسر حنا اقول غايتو انا ماسمعت زولك ده،، لكن الغنية دي بلسان الكحلاوي الله يرحمو،، قهوة بس،،حاجة كده تجيب الراس مع اني كلمته اكتر من مرة ما يمشي بعيد الراس المقودس ده
دائما حديثك يدخلني في عوالم اخري تخيليه ذات اعمدة رخاميه كأن تتحدثين عن تلك البنيه التي رفضتي ان تسجليها في جمعيتنا رعاية الشناة لان خشمها اصغر من الودعة مع ان الودعة مرات بتكون غير مستوية دائرتها مرات تلقاها لاهي مربعة ولا هي مضلعه ومرات تلقاها مشرمه ومرات تلقاهو صغيره يعني الوصف مامفروض يكون لخشم صغير اها بعد وصف شكل الودعة تعالوا معاي وانتو في ايدينكم الودعة دي عشان نقيس بيها الخشم القالوا اصغر من الودعه اتخيلو واحده خشمها اصغر من ودعة اتخيلتوا خلاص دي بت دي ولا بت ام لعاب ؟؟؟ باربي ذاتها خشمها اكبر كتير من الودعة ؟؟ بعدين تعالوا هنا منو القال ليكم الخشم الصغير ، حاجة سمحه يعني نحن نضيع يعني ولا شنو حتى الخشم الصغير في السودان لايمكن الركون اليه لانه واحد : كل اكلنا كبار كبار ابتداءا من الداندرمه وحتى الدومه التي تحتاج الى اسنان قويه وخشم كبير
ثاني : الهترشه ، كيف تهترش وهي تملك ذلك الخشم الصغير الغير منتظم لا هو معروف بيضاوي ولا دائري ولا مضلع
ثالث :ان جاءت تشرب الشاي بكبايتنا الكبيره لا تعرف كيف تشفط الشاي ويقوم الشاي يدفق في فستانها وتبوط كل حاجة رابع حاجة:ان من اوصاف الجمال الكامل عندنا لاستعراض شكل جديد للانثي دق الشلوفه . وهي بهذه الشفه الصغنتوته دي يدقوا ليها كيف شلوفتها خامس شي:اذا جاء السقط وهو عندنا من الفصول الجبانه جدا التي تشقق كل الاطراف .. فاين تضع الودك والفازلين الحار داك وهي ماعندها الا الخشم النقطه داك سابع : كيف تاكل القراصه او ملاح )الخضرة) دون ان تجلبط خشمها اما الشعر .. فحقيقة لم يورينا الشاعر الى مدي شاسع ذاك الفرق مثلما ماقلتي قد يكون ليلا نيله . كهربتنا قاطعة ، وباعوضنا ينوني يزهج والكدايس تنوووي .. والغنم يجضن .. والمطر صابه ومطمجبه فهذا ليل نحس ، فلا يمكن ان نوصف به شعر (حسناء) كسرتنا او حتى كهربتنا اذن الوصف عامة لا يستقيم وهذه الفتاة يعني ماورانا الراس اعني الدومه بتاعتها كيف عشان نركب في هذه الاشياء ونكمل صورتها يمكن نلقى لينا رسام يرسمنا لينا مثل ما نقرأ في كتب اجاثا كريستي يعني شعر اسوووود وخشم صغير جدا لا تستطيع صاحبته ان تاكل القراصه ؟؟ تاني شيء الشعر الاسود موضتو انتهت زي ماقلتي شوف بالله شعر نجوي كرم لا هو معروف كحلي ولا هو معروف اسود ولاهو معروف اصفر بالله يادكتوره قطامه تضيفي لينا نجوي كرم دي في جمعيتنا عشان نطرد بيها الارواح الشريرة التي تزورنا ان اشركنا هذه البنت ام خشم ودعة وكفاكم الله شر شنافي وهترشتي
غايتوا غزل زمان لكن هسي ما لاقني واحد بتغزل في سودانية الله اعلم ليه ما عارف
نسوي ليكي شنو ما خليتي حاجة قبلتي علي ودالرضي
والله ناس الحقيبة ديل م ا بنرضي ليهم في ناس لما تشوف بنات حلوين بصيروا في حالة تانية عندي صاحبي لما واحدة حلوة بجلس في الارض ويقول لا حول الله وحب الناس مذاهب
05-25-2003, 12:40 PM
shiry shiry
تاريخ التسجيل: 07-05-2002
مجموع المشاركات: 3511
والله القرار راجع للدكتوره قطامه شوفها بس انا شايفه انو كلامها صاااح يعني السمحين ديل ما محتاجين جمعية ترعاهم دي حلاتها براها ح ترعاهم بس نحن ياحسره منو البرعانا لازم يكون عندك حنك سنين زي حقنا دي تهترش بيهو اهو ممكن تسترد حقوقك مع الناس الحلوين ديلك
ابو القنفد يعجبك العديل الزين يا ود امي اتفضل نحن في انتظارك
مهاجر نحن كمان بنحب شعراء الحقيبه بس برضو كمان لمن كلامهم مايكون راكب عدله وحات نظري ما بنسكت سلمت ياسيدي
05-25-2003, 01:07 PM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
بالله ماتنسي وانت ماشي وجاي شيل معك مقياس رختر وودعة عشان تقيس الفرق الشاسع بين الليل وشعره يمكن تلقاهو اكثر من تسعة درجات يلحقها ليك زلزال الضرب تركيا والودعة عشان توقفها وتقيس بيها خشمها لو لقيت خشمها اصغر من الودعة غايتو كل ما عطشت او عازت حاجة تشربها الا تشتغل معها بمصاص والاكل مافي .. اشتغل معاها درباااات سااااكت واسعل الدكاتره اللي هنا
05-25-2003, 03:53 PM
ولياب ولياب
تاريخ التسجيل: 02-14-2002
مجموع المشاركات: 3785
up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up
05-26-2003, 07:51 AM
Al-Masafaa Al-Masafaa
تاريخ التسجيل: 04-25-2002
مجموع المشاركات: 1586
ولياب تسلم ياسيدي للافاضه .. وانشاء الله ماعدمناك عبد الله جعفر تأمرني يا سيدي ، انا حاضره .. بس دا كلام واحده مهترشه.. فما الذي تنتظرونه من واحده مهترشه سلمت ياسيدي لزوقك العالي ود رمليه لك من الشكر كميات . وسلمت ايضا للطله التي بلون الالق المساففه لست ادري يا سيدي ما الذي جعلني افكر في هذه الغنوه بالصورة التي قلتها رغم ان في القصيده شوية من الكلام الموزون والحالم بس مع دا كلو البيتين القلتهم .. وبعض ابيات اخري ، لم تجعلني احس بصدق هذه الغنوه وواقعيتها .. اصلي انا واقعية حتى حدود مرتفعات التبت سلمت ياسيدي . .وفعلا الحمام مع قلقي الشديد من وجوده حولي الا انه ينفع اكثر بكثير من القرد سلمت ياسيدي للطله
05-26-2003, 12:13 PM
ودالعباسية ودالعباسية
تاريخ التسجيل: 10-28-2002
مجموع المشاركات: 2442
يسعدني ان اسمع منك هذا المديح الذي يرمز اكاليل تاجا فوق راسي ويلجم كثيرا من جنوني واهبط شوية في الواطه سلمت ياسيدي لهذا الاطراء وسلمت اكثر لطلتك البهيه الرائعة
05-27-2003, 10:41 AM
Al-Masafaa Al-Masafaa
تاريخ التسجيل: 04-25-2002
مجموع المشاركات: 1586
كلما أفتح البوست دة ( أقرا فيهو و أضحك ) و أمشي و أجيهو راجع ، لأن الصورة التحليلية فيهو رائعة جدا رغم أن ( المعنى الذي في بطن الشاعر ) مرقتيهو ليهو قرد. أنا وضعت لمقدمة الأغنية تصور آخر , ففي إعتقادي أن المحبوبة إياها ، قالت لهو ( خلاص أقطع علاقتك بي و ما عاوزة أشوف خلقتك دي تاني ) ثم لوت بوزهاو وقفت تنظر إليه منتظرة ردة فعلهز و صاحبنا لأنه كان واثقا من أن حبهما متمكن لم يصدق ماقالته : فصار ينظر إليها و يضحك ، و هو يضرب كفا بكف ن ثم يبتعد و يجي تاني ليتأكد أن الكلام دة تهويش ولا جد. فيقنع نفسه بأنها متلاعبة ليس إلا.
كلاكيت ثالث مرة ( اعاين فيهو و اضحك )
05-27-2003, 02:44 PM
shiry shiry
تاريخ التسجيل: 07-05-2002
مجموع المشاركات: 3511
الأخت شيري : براك جيتي في السكة تاني. من يوم سبعة و عشرين شهر خمسة و إنت قلت كدي خليني إتمخمخ في الصورة الجديدة دي و أشوف ليك النتيجة كيف حتظبط ولا لع. حسع شهر و حداشر يوم. عاوز الأرضية و رسوم التخزين حقات المدة دي.أو أديني النتيجة. تسلمي
07-09-2003, 02:54 AM
عشة بت فاطنة عشة بت فاطنة
تاريخ التسجيل: 01-06-2003
مجموع المشاركات: 4572
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
shiry
Ahlalawad
Yassir7anna
بدرالدين شنا
almulaomar
HAMZA SULIMAN
ولياب
abuguta
بت قضيم
مهاجر
ودرملية
Al-Masafaa
ودالعباسية
ابو جهينة
عشة بت فاطنة
فيس بوك
تويتر
انستقرام
يوتيوب
بنتيريست